منتدى استراحات زايد - في هواھ طحتّ طيحه يا ملا ما قدرت أقوٰم♥ . . . .

هالبارت لعيون : *Shs_ak*

البارت ال26 ...*
.
.
.
.
.
اموت ب نظرةة عيونكك و احيا بلمسه ايدينكك♪
.
.
.
.
.
.
.
علي نش من وقت ... تسبح و لبس كندوره بيضا ويا غتره حمرا ... شل سويجه و بوكه و ظهر ........... سار المحكمه لان اليوم ملجته هو و عوشه ...... وقعوا و شهدوا اثنين من ربع علي ... يوم عطوهم عقد الزواج و خلصوا كل شي ....
ام عوشه : كوولووولييش مبروووك ....
عوشه ب حيا : الله يبارك فيج ...
ام علي حبت خده : مبروك الغالي ...
علي : الله يبارك فيج اميه ...
عمي سالم : يالله الحين عوشه شلي اغراضج و تعالي اسكني ف بيتنا ....
عوشه طالعت امها ب معنى "كيف اسكن انا و حرمته الاوليه ف بيت واحد"
علي تنهد : لا تخافين لج قسمج الخاص و لها قسمها الخاص ..
ام عوشه : يالله عيل انا اترخص .... الدريول برا ...
ام علي : لا حششى ما تهظلين بقعه ... غداج عندي اليوم ..
ام عوشه : بس يا اختيه ..
ام علي : لا تنطقين ... الحين برد البيت ويا سالم تعالي ويانا .... وخلي المعاريس بروحهم ...
علي ب صوت خفيف : امحق معاريس ..
عمي سالم خاشم ولده : يالله مع السلامه ...
علي : مع السلام ابويه .... "ساروا عمي سالم و ام علي و ام عوشه"
علي : وين تبينا نسير ؟
عوشه ب حيا وااضح : اي مكان ..
علي ابتسم : انزين بوديج اي مكان ...
ركبت وياه السياره و ساروا يتريقون ف مطعم راقي ...
عوشه استحت تأكل جدامه ..
علي : خلاص انا ريلج ... خلي الحيا ف صوب ...
عوشه : ان شاء الله ..
تريقوا و يوم خلصوا دفعوا الحساب و ساروا البيت .... ف هاللحظه انا ظاهره من بيتنا ابغي اييب اغراضي من بيت عمي سالم .. شفت سيارته تدخل البيت. مشيت بسرعه لين باب بيت عمي و دخلت . . قلت اكيد سواها و عرس ..... شليت هاند باقي اليديده و كم نظاره شمسيه و يا شويه مكياج لأني نقلت كل اغراضي من عقب العرس ل بيت عمي و الحين بحطهم ف بيتنا فتره ... شليت كل شي و بغيت انزل ... شفته داخل وياها .... يوم شافني حط ايده ورا راسها و صعد الدري ... نزلت ولا جني مهتمه ..
علي : اوووه صح .... "أشر عليه" هاي حرمتيه اسمها العنود ... "طالعني" هاي عوشه .....
انا ابتسمت بدون نفس : تشرفنا ...
عوشه ردت الإبتسامه ...
علي : تعالي براويج قسمج ...
سار عندها و وصلها للباب "باب قسمها"
عوشه : خلاص عيل انا برقد الحين ...
علي : رقاد العافيه ..
عوشه : مشكور ...
دخلت و سكرت الباب ... تساندت عليه و تحس انها مب قادره تتنفس من الوناسه ..... علي استوى ريلها .... يالله كم كانت تتمناه يوم هي صغيره .....
انا سرت بيت ابويه و دخلت غرفتي ... قفلت الباب و تميت اصيح . . يعني علي سوى اللي ف راسسه ... اااه علي انته جي تعذبني ....
سرت الحمام و غسلت ويههي .... دق الباب ..
: عنودي فجي الباب ..
انا : شو تبا ؟
علي : فجي و بقولج ...
فجيت الباب : نعم ؟
علي دخل و قفل الباب ..
انا : سير عند عروسك ...
علي تقرب مني و انا وقفت بس طحت لان ريـِلي تعورني ...
علي حط ايده وين يعورني : وايد يعورج ؟
انا : مب وايد...."وقفت" و وقف ويايه ... انا لبست شيلتي و نزلت ... شفت يزوي و محمد بيسيرون المستشفى .....
انا : حمووود ..
محمد : آمري الغاليه ؟
انا : بسير وياكم تريوني ...
محمد ابتسم و يلس : اوكيه ...
ابتسمت له و سرت فوق ... لبست شيلتي و عباتي و شفت علي منسدح ع السرييير ...
علي : وين ؟
انا : بسير المستشفى عند حمد ...
علي : تحملي ع عمرج ...
ظهرت بدون ما ارد عليه ..... علي تنهد و سار عند عوششه ....
.
.
.
.
.
.
.
مريوم : حممدآآن اظظهر خلني اسولف وياه ..
حمدان : مابا ...
حمد ابتسم و مسك ايدها : احبج غناتي ..
حمدان يمثل انه بيصيح : وااااي انا اموت فيك ....
مريوم افتشلت و دزته برا عسب يظهر .... سار عند حمد و لوت عليه ..... همست له : خفت عليك .... والله وايد خفت عليك ..
حمد : حياتي لا تخافين مافيه شي ..
مريوم : يالله متى بتظهر من هنيه ...
حمد : ليش ؟
مريوم : مابقى شي على عرسنا ... بس شهر ..
حمد : شهر وايد ..
مريوم : بيخطف بسرعه ...
حمد ابتسم و حب ايدها ..... مريوم ابتسمت له .... انا دخلت و ف ايدي باقه ورد ...
انا : الحمدلله ع سلامتك حمد ...
حمد : شحقه متعبه عمرج ؟
انا : لا تعب ولا شي ...
شوي و دخل محمد و يا يزوي ....
محمد : تستاهل السلامه بالنسيب .....
حمد : الله يسلمك .... ذييب مآآ ينخاف عليه ..
مريوم ابتسمت ...
محمد : آآآه لو شفت كيف سوت لنا مناحه ...
مريوم : ريلي انزين ...
حمد ابتسم : فديتتتتتج ....
محمد مسك ايد يزوي : لالا ماروم أتحمل .... خليهم بروحهم ...
انا وقفت : انا برد البيت ...
يزوي : يالله انا بعد ..
محمد : يالله النسيب خششمك "تخاشم وياه" ..... مع السلامه ...
حمد : وين اهليه ؟
مريوم : رمست بانه .... امس باتوا ف فندق ... الحين بيون ..
حمد ابتسم : مشكورين ع كل شي ...
انا : افا عليك ....
محمد : ما يحتاي ....
.
.
.
.
.
.
.
.
.
عوشه نزلت راسها و لعبت ف أصبوعها : علي .... ادري انك مب ماخذني حباً فيني ... بس اباك تتقبلني ك زوجه ... بس صدقني أذا عرفتني زين بتحبني ....
علي غمض عينه : سمعي عوشه ... انتي حرمه عاقل و فهيمه .... انا مستحييييل مسستحييييل احببببج .... صح اني مضارب ويا حرمتيه بس فتره و تعدي ... قلبي ملكها و مستحيل تتحرك ذره حب صوبج ..... بس انا آحبببج ك اخت .... مع انه ماعندي خوات بس احبج شرات أختيه ....
عوشه : علي انا احبك ... اكثر عن حب الإخوة .. و اظني تدري من يوم ما كنا صغغار .... ماعليه حب حرمتك بس يمكن مع الايام تحبني ...
علي : انا احب شخصيتج و اسلوبج و احبج لانج ذربه ... و رزينه .... "ابتسم" و جميله ....
عوشه بنت رزينه و الكل يمدحها ..... عيونها صغار و خشمها حلوو ... شفايفها صغيره و شعرها اسسوود ... سمررا شوووي ..... ابتسمت له ...
علي : يالله قومي تلبسي بنظهر ...
عوشه : صبر شويه ....
لبست عباتها و شيلتها ..... تجحلت و نزلت وياه ..... ساروا إمارات مول .... تحوطوا ...
عوشه : علي سير صوب الكوفي و انا بشتري شويه ثياب ....
علي : ان شاءالله ... تبغين بيزات ؟
عوشه : لا عندي ...
علي سار صوب الكوفي و تمت تحوط ف فيكتوريا سيكرت ..... خذت كم قميص نوم و كم عطر من باريس غاليري .... و عقب سارت الدوو خذت اكتسوارات .... و ردت عنده ...
علي : ماشاءالله خميتي المول ..
عوشه : مب ماخذه وايد اشياا ..
علي : الله يعيني عليج ..
عوشه مشت وياه لين السياره و ساروا يتغدون ....
***** من صوب ثاني*****
انا : حمود انا يوعانه ...
محمد : بنتغدى ف مطعم سوري ..
يزوي : زين والله ... لأني مشتهيه آكل كباب ..
سرنا مطعم سوري و دخلنا كبينه ... الجرسون لخبط و دخل ناس عندنا .... انا شفته يضحك وياها و بلعت ريجي ب حرقه....
علي طالعني : شو تسوين هنيه ؟
انا : اتغدى ...
علي : تعالي تغدي وياي ...
انا : مابا.... اخويا عازمني ...
محمد ابتسم : برايه شلها ...
انا : ابا ايلس وياكم ...
يزوي : عننوود عن الدلع سيري ويا ريلج ..
انا وقفت و سرت ورآه ب الغصب ... علي أبتسم و زخ ايدي .... يلس ف النص و يلست حذاله عوشه و انا يلست بعيد عنهم ..... طلبناا و تميت اكل شوي شوي لين ما خلصت .... واطالعه يلقمها و يبتسم .. كرهت عمري بس سكت و نزلت راسي .....
علي انتبه لي بس ما تكلم ...
.
.
.
.
.
.
.
.
ف بيت عيال عمي سعيد ..... ميره و سعيد زاروا حمد و تطمنوا عليه و عقب ساروا الممزر ..........
ميره : حبيبي ....
سعييد : عيوني ؟
ميره : شرايك نسافر ؟
سعيد : اممم وين تبين تسيرين ؟
ميره : اي مكان ...
سعيد جابلها : شرايج نسير جزر المالديف ؟ شهر العسل ؟
ميره ابتسمت : اوكيه ...
سعيد مسك خصرها : و بحجز لنا جناح ع البحر بس انا وانتي ...
ميره : و البيبي ويانا ....
سعيد : فدييييته اكيد ويانا ....
ميره ابتسمت و لوت عليه : احبك ...
سعيد : انا اهواااااج ..... "حب خدها"
.
.
.
.
.
.
.
ظهرنا من المطعم و ردينا البيت ..... فليل الساعه 9..... ف بيتنا ..
يزوي يالسه تتعدل .....
محمد : يزوي يالله تعالي..
يزوي حطت لها روج : اوكيه ....
محمد سار صوبها و شل الروج و رسم ف خدها دواير ب الروج ....
يزوي عصبت : حممموووود يالمااااصخ ....
محمد : هههههه كيفي ..
يزوي : سخييف ... عبييط.... خايس ...
محمد ب خبث : تعالي بروايج منو الخايس ..
*****من صوب ثاني*****
آنا تثاؤبت : فيني رقاد ...
يدي : سيري رقدي فديتج ...
حمدان : والله انا بعد فيني رقاد .....
يدوه : تو الناس عنبو دياي ترقدون من الساعه 9 ...
ابويه لوى عليه : فديته بنتي خلوها ترقد ..
زايد ابتسم : عاد محد يروم يرمس عنود دام عمي سهيل موجود ..
انا : علني فداه ابويه ...
مريوم : عيل وين ريلج ؟
انا : شدراني ...
يدوه : واابوووييه حد ما يدري ريله وين ؟
انا وقفت : اكيد عند حرمته الثانيه .... تصبحون على خير ....
حمدان وقف : برخصتكم ...
ظهرت و ما انتبهت ان حمدان وراي ........ تنهدت و وقفت جدام بيت عمي سالم "بو علي"
حمدان : عنود انتي مقتعنه باللي تسوينه ؟
انا شهقت من وين طلع هذا ...
حمدان : جاوبيني ...
انا : حمدان انت ما تعرف شو السبب اللي خلاه ياخذ وحده عليه ..
حمدان : يالله قولي شو السبب ؟
انا غمضت عيني : مابا اييب له عيال ...
حمدان ب عصبيه : عشان هالسبب التافه يحط ع راسج عديله؟؟؟ صدق انه مب ريااال ......... مب ريييااال ...
انا : حمدان خلاص لا تقول عنه جيه ..... حمدان : انتي تحبينه ؟ فوق كل اللي يسويه فيج بعدج تحبينه "ضحك ب استهزاء"
انا : حمدان ...... علي ريلي ..
حمدان : برايج .... "سار"
انا لفيت ...
: شو تسوين واقفه بروحج ..
انا طالعته : أشم هووا ...
علي : برد دشي داخل ..
انا : مب بردانه ....
علي ب نقمه : هي صح عشان جيه خشمج احمر ...
انا مشيت بين الشير عسب أسير بيت ابويه ..
علي شهق : عنوووود .... في شي يتحرك ورااج ...
انا ربعت صوبه و دقيت صدره بقوو .. لوى عليه و تنهد ....
انا : حيوان والله ...
علي حب يبهتي : يحبج هالحيوان ...
انا قمت ...
علي : رقدي وياي اليوم ...
انا : عروسك تترياك ...
علي غمض عينه ...
انا : هذا جزايه اني هويتك ومغليك ...
وانته بحياتي كنت لي راسمالي..
ضيعت وقتي في محبتك هاويك..
ولا كنت اصدق فيك مهما يقالي...
صدقت كذبك وخدعتني حكاويك..
واثرك تخطط بالخيانه اغتيالي ..
غلطة حياتي يوم اثقت انا فيك..
غلطة عمر وادفع ثمنها بغالي..
جازيتني بالغدر وابشر بجازيك ...
وبعلمك واشلون ردة افعالي...
وبعلمك وشلون تشرب من ايدي كاس القهر واتذوق مر الليالي ..
برخيص بابيعك وخسران شاريك..
لا وشقى اللي اشتري له اعلالي ..
ولو ما اخاف الله اسمك لنسيك..
عشان بس تعرف فعلي .....
علي : مب من قلبج هالكلام ..
انا : من قلبي ...
علي : لا تجذبين عليه ..
انا : براحتك لاتصدق ......
علي عطاني ظهره وسار.......
انا صحت : اففف ..... ماعرف شو اسوي الحين ...... حسبي الله ع العدوو .. اذا تميت اسوي جيه بخسسسر علي .... بخسر ريلي ..
.
.
.
.
.
.
.
.
منى : شحال عش الزوجية ؟
عوشه : انتي من وين يبتي رقمي ؟
منى : انا اعرف كل شي ...
عوشه : شو تبين ؟ فكيني ..
منى : ابا اخذ علي ..... باخذه عن حرمته و بنتشارك فيه انا وياج ...
عوشه : خبله آنتي ؟ صدق مريضه نفسياً ......
منى : مب مريضه ...
عوشه : لا يبالج علاج .... ابا افهم ليش انتي جيه حقوووده ؟
منى : لان حب علي عمى عيني عن كل شي ..
عوشه : اللہ يشفيج ...
منى : ابا اشوف علي ..
عوشه : انا مالي خص فيج ولا تردين تتصلين على هالرقم ...
منى : عوشششه ...
عوشه قاطعتها : باي .. "بند"
علي دخل و فصخ كندورته : تعشيتي ؟
عوشه : هيه ...... تعشيت انت؟
علي : الحمدلله ...
عوشه سارت تبدل ثيابها و لبست قميص نوم من اليداد و ظهرت له .. علي ما شافها لانه رقد ....
عوشه تنهدت : افففففف ...
انا ما ياني رقاد بدون علي ..... سرت بيت عمي سالم و دعيت ف خاطري انه يكون وااعي ...... شفته نازل يبغي يشرب ماي ...
انا : علي ...
علي طالعني ..
انا : تعال ويايه بيت ابويه ...
علي ابتسم : الحين تبيني ؟
انا : هيه ...
علي : ليش ايي وياج ؟
انا : ماعرف ارقد من دوونك .....
علي شرب ماي : بسير اشوف عوششه و اخبرها ..... دقايق و بييج "ابتسم"
انا حسيييت ب نار تحترق في يووفي وانا اشوفه ساير عندها ........
علي همس : عوشه ...
عوشه راقده ما سمعته .... ظهر علي و مسك إيدي ..... سرنا غرفتي اللي ف بيت ابويه ....
انا لويت عليه : احبك ....
علي استغرب شو جلبها فجأة ؟
انا حبيت خده و بعدني لاويه عليه : اغار عليك واايد .... ما أتحمل اشوفك ويا عوششه ...
علي ابتسم : وبعد ؟
انا : اغار عليك من الهوووى مب من عوشه بس ....
علي : وبعد ...
انا : ما أتحمل اشوفك وياها ... والله قلبي يعورني يوم اشوفك ويا عوششه ....
علي : انا ها اللي بغيته منج .... اباج تغارين و تيرييني صوبج ....
انا ابتسمت : والله احبك ...
علي خوزني و زخ ويههي ب ايدينه الثنتين : انا اموووت والله فيج ...
.
.
.
"Cut"
.
.
.
.
.
.