|
البارت(61) ع المغرب خالي ضاحي: عيل وين ريلج أنا: مادريبه يابني اهنيه ورااح خالي ضاحي: قومي تعالي الميلس عمج حمدان اهنااك أنا: " بخاطري عسى خير" ان شا الله اييكم الحينه ... دخلت انا: سلام عليكم عمي حمدان: عليكم السلام حياج تعالي أنا: الله يحييك شحالك عمي عمي: الحمدلله بخير أنا: تسأل عني عمي عمي: هيه سألت عنج " يطالع خالي ضاحي"ابيج بكلمه راس روحنا خالي ضاحي: عادي قول ضاحي أطلع ما بزعل أنا: بعد ربك يخاف ع مشاعرك عمي: الله والمشاعر عااد بعد ما طلع خالي أنا: عسى ما شر عمي عمي: ماشر بس تدرين وينه سلطان أنا شهقت": وينه عمي:ماعرف انا ياي اسألج انا: هو نزلني ورااح عمي: برويج شي بس لا تخترعين انا: شوو؟! " فتح فونه ع مسج وعطاني أول شي استغربت بس يوم قريت انهرت كان مكتوب( انتظر توقف بعزا ولدك وهذا ويهي ) كان مطرشنه مبارك" أنا: عمي ويييييييينه سلطاااااااااااان "سمعت الجرس" عمي: ماعرف اصلا ماعرف انه بالفجيرة لين وصلني المسج شفت ضاحي برع وعرفت انج اهنيه أنا: عمي سلطان شاف شوق بالشقه روحها ومبارك وياها عمي: شوووه أنا وفيني صيحه: ياني الصبح منهااااااااااااار راد من عندهم وضربببببه ضرب هوووووووو نزلني اهنييييييييييه وراح لشوق عااد ماعرف شو بيسوي عمي: المشكله اتصل به مغلق " دخل سلطان" : لا تخاف علي أبويه ولدك ريااال أنا" رحت حضنت سلطااااان وصحت" عمي: شو صار سلطان: قلتلك ولدك رياال ماقدر يلمس شعره مني أنا: سلطااااااان لا تخلييييييني سلطان" يلمني": ما بخلييج إن شا الله عمي: وشوق سلطان: طلقتها ووديتها لأهلها خبرت ابوها كل شي صصار عمي: وشو قال سلطان: ابوها كان عارف أنها موب ماشيه سيده بس أمها ما ترضى حد يرمسها تصدق ذبحها من الضرب جدامي انا: تستاهل سلطان: قومي من حضني أنا: ماااابي كنت بتتهور وتروح من اييدي سلطان: ابوي اهنيه انا: عادي عمي: هيه عادي تيك ات ايزي انا: سمعته سلطان:" يخوزني من حضنه" سيري ييبي اليهال خلينا نطلع عمي: والله ما تروحو مكان غير بيتي تعالو باتو عندنا سلطان: يابووي شله الحلف عااد انا: عادي انزين سلطان سلطان: زين دام جي سيري بسرعه ييبي اليهال ولبسي عباتج أنا: إن شا الله ... |
واااو البآآرت خبآأآأل يعطييج العآأآأفيه~ ان شاء الله شميم تلاقى امهآأآ نتريآأآأ البآأآأرت الي بعده~ |
البارت(62) سلطان: هاا نامو أنا:" أقعد ع طرف السرير" اي عسى بس ما يقومو بالليل سلطان: يعطيج العافيه أنا: الله يعافيك حبيبي سلطان:" يسحبني" تعالي عيل نامي انتي بعد أنا:" أحط راسي بحضنه" حبيبي تعرف شو خاطري سلطان: شو عمري أنا: خاطري أشوف أمي بس ابي اقولها يمى مابي شي ثاني سلطان: إن شا الله تشوفيها انا: متى بس متى سلطان:" يحضني" قريب شما قريب أنتي بس ارتاحي أنا: أحس فيك شي سلطان: ليش يعني أنا: وايد مهتم فيني سلطان: أخاف افقدج أنا: بسم الله شهالطاري سلطان: مبارك مهددني يبعدج عني والله خايف عليج انا: لا تخاف علي حرمتك رياااله سلطان: ريااله أنا: إيه مو انت قلت مساعاات لعمي ولدك رياال حتى انا بقوولك حرمتك رياله سلطاان: هههههههههه أنا: إي جي أحلى أضحك شو وراااناا سلطان: أحبج أنا: "أبتسمت" ... باليوم الثاني قعدت الصبح ع صوت فوني سويتله طـااااااف ورجعت اناام .. سلطاان: شماا قومي أنا: همممم سلطان: قومي شماا هاااي شكلها يوعاانه مووب راضيه تسكت فتحت عيوني" أشوفه شااال وفا" انا: سلطاان دخيلك راسي يعورني شووف اهنااك جنطتي فيها حلييب حط بالمرضعه مااي وبعدين حط الحليب جم مرة أسوي جدامك ما تذكر يلا خلني أرقد سلطان: " يطالعني مصدووم بس أنا طاف" اشوفه نزل وفا ع السرير ورااح يسوي اللي قلتله عليه حطاا المااي وعقب حط الحليب بعدين ييااا صوب السرير يناظرني بنظرة بس بعد طااف وشل وفا ع ريله وقعد يرضعها ... قمت لما حسيت بشي بارد ع راسي فتحت عيوني بتعب شفت سلطان جبالي أنا: شفيك سلطان: انتي محمومة ليش ما قلتي أنا:" أشيل الكماادة اللي محطنها ع راسي" بس سلطان رد يحطيها قال: خليها يمكن تخف حرارتج انا: سلطان مافيني شي خلني سلطان: ما مخلنج انتي ليش ما قلتي انج تعبانه انا: لاني مووب تعبانه ... سمعت حد يدق الباب وسلطان راح يبطل كانت مناال شكلها يايبة أكل منال: حبيبتي شماااني ما تشوفي شر الظاهر انها عين ما صلت ع النبي أنا: الشر ما اييج " ابتسمت لها" منال: علني فداا هالابتسامه التعبانة سلطان " يحط الاكل ع طرف السرير": منوول بليييييييز لا تتفدين حرمتي منال: من عنوووني سلطان: وفا وغلا وينهم منال: بالحفظ والصوون لا تحاتي أمييه معاهم ونحن معاهم بس انت خلك مع حرمتك سلطان:الحينه بتقووم تتغسل وتاكل وبوديها المستشفى انا: ماله داعي منال: بلا له داعي مووب ع كيفج سلطان: يلا منال برع منال: تطردني سلطان: " يمشى وراها عشان تطلع" هيه يلا ديري بالج ع اليهال ليما نرجع منال: ان شا الله اخووي ... سلطان: ترومي تقومي تتغسلي ولا اساعدج انا: لااا ارووم سلطان: زين يلا قومي" ساعدني أوقف ووصلني للحماام" فجيت المااي ووقفت بغسل ويهي بس ماقدرت اوازن عمري ... |
البارت(63) فتحت عيوني بتتعب وشفت سلطان قاعد عطرف السرير سلطان: حمدلله عسلامتج انا: الله يسلمك "أطالع حوالييه" انا وين سلطان: بالمستشفى طحتي بالحماام لو اعرف انج جي تعبانة جان ما خليتج انا: ابي أطلع سلطان: ماشي طلعه لين يخلص المغذي انا: اووف سلطاان: لا تتاففين انا: موووبي سلطان: اللي تعبج المسج انا:" بلعت ريجي" اي مسج سلطان: لا تخافي ما بيقدر يسوي شي انا بتصرف أنا: خاااايفه حيييل سلطان: مبااارك ما بيقدر يسوي شي انا بس مستغرب كيف عرف رقمج ونتي مغيرته انا: شدراني سلطان: ماعلييه والله ما اخلييه يسويبج شي لا تخافي انا: إن شا الله " متى يخلص المغذي سلطان: بعده انتي ارتااحي لا ترهقي نفسج انا: ان شا الله ... بعد ساعه دخلنا بيت عمي أنا: سلام عليكم الكل: عليكم السلام شفت غلووي ووفا وسرت بشوفهم بس سلطان مسكني أطالعته فقال: سيري فووق ارتاحي خلج عقب بتشبعين منهم انا: مووبي بشوفهم بس سلطان:لاا خالو موضي: هيه صدقه سيري ارتاحي عقب بتشوفيهم لا تحاتين نحن عندهم ... بالغرفه انا: مااابي ارقد بس شبعت رقااد سلطان: زين تمددي انا: بعد مااابي سلطان: زين تعالي بحضني بقولج شي انا: ادري تقص علييه بس بعد ماااي سلطان: والله بقول جشي سرت له ولمني سلطان: قدرت اوصل لأهلج انا: صج سلطان: هييه بس قبل بنتأكد انا: كيف سلطان: لما بتسويين زينه بنروح جدا العين وبنقابل واحد أسمه أحمد أنا متاكد انه اخوج بس هوو يبا يتأكد انا: ليش هم ساكنين العين سلطان: هييه انا: اها ومتى بنسير سلطان: شرايج عقب باجر انا: لا لا خله باجر سلطان: خلاص اوكي بس لو ما صرتي زينه تراا ماشي سيرة انا: لا بصير إن شا الله سلطان: ان شا الله انا: سلطان أنت فتشت فوني سلطان: لا بس كاان يرن ورديت كانت ربيعتج هااي اظن لولو اسمها وعقب شفت جم مسج واصلتنج كلها من مبارك انا: اها امم لولو اتصلت سلطان: هييه قبل لا تنازعيني انا: هههههه سوري حبيبي سلطان: لا عاادي حبيبي انا: برمس لولو سلطان: زين سيري رمسيها انا بسير تحت بشوفهم حطو غدا ولا لا ترااج غصب بتاكلي ولا ماشي سيرة العين انا: انزيين ... لولو: هلا هلا باللي نايمة ومخليه ريلها انا: هههه لولو: ياخوفي خربت عليكم شي انا: لولووو بس عااد لولو: هههههه أكيد استويتي طمااطه صح انا: لاااا لولو: وبعد أخبارج انا: حمدلله ونتي لولو: أأأأأه يا أخباري انا: سلامتج من الاااه شفيج لولو: طحت ومحد سمى علي انا: هااااه لولو: قلت انا ما تفهمين وزعلتي انا: لوووولووو رمسي عدل شصاير لولو: حبيته وااايد وهو حبني انا: انزين لولو: بس تقدملي واهلي ماعرف معارضين انا: ليش لولو: لانه فاقد الذاكره وما يذكر شي انا: هاااه لولو: شفييج امبيييييييه انتي ما تعرفين شو السالفه انا: ماعرف لولو: سمعي قبل سنه وشويه تقريباً كنت مع اخوي بالسيارة طالعين نتمشى وشفنا حادث جدامنا سيارتين داعمين بعض اخوي رااح مع جم واحد شافو واحد برع السيارة الظاهر طلع منها من قوه الحادث وشلوه بعيد عن السيارة وبعدين أحترقت السيارة وكانت بسيارته شخص بعد و أحترقت الثانيه بعد اللي بالسيارتين محد قدر ينقذهم انا: امبيييييييه انزين كملي لولو: اللي طلعووه دخل بغيبووبه طويله ومن جم شهر قام منها بس قااام فاقد ذاكرته وأخوي أستوي ربيعه وايد ولما طلع من المسشتفى أخوي أصر عليه يتم عندنا بالبيت وأستوينا وايد نتقابل أبوي وااايد حبه وكان وايد زين ومؤدب ومحترم وقبل فتره تقدم لي بس أخواني مووب راضين بس أبويه وأخووييه اللي هو ربيعه موافقين شمااااني تبين الصراحه وايد حبيته أنا: والله ماعرف شو بقولج لولو: أنا الراي بيدي أبويه جي قال بس بعد ماعرف انا: صلي الاستخارة وشوفي وين ترتاحيي "شفت سلطان دش ويأشر لي انه غدا" انا: لولو حبيبتي الحينه بسير بتغدى برمسج بوقت ثاني لولو: اوكي خلاص عيل وبوسيلي غلا ووفا انا: اوكي ونتي طمنيني شو بيصير معاج لولو: أوكي ... " سكرت منها" سلطان: شفيها أنا: سالفه طويله خل نتغدى وبخبرك عقب سلطان: أوكي ... |
تم تعديل البارت 58 أنا كتبت أن أخوان شما أحمد و حمد وبعدهم نور وكانت لطيفه " غلطت بذكر نور غلطة مطبعيه هيه بس البنت أسمها لطيفة اللي كانت عمرها 4 سنوات" يمكن محد لاحظ بس لزم اصحح لكم إلى لقاء قريب مع بارتات يديده |
| الساعة الآن 09:18 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir