|
الــــــــــــــــــــــــــــــــجـــــــــــــــ ـــــز الســـــــــــــــــــــــــادس والثــــــــــــــــــــــلاثين نزلن حمدوه وشمسوه وطلعنا من بيت أم عبدالله دخلنا البيت .. أول ما دخلنا الصاله شفت حمد وآمنه ورشود يالسين العنود+ عويش: السلام عليكم الجميع: وعليكم السلام حمد: شو ياكن طولتن عويش: بنات تحيدنا من نرمس ما نسكت رشود: وأنا أشهد ... حلو يوم الواحد يعرف عمره آمنه: عويش بسير السوق أنا جانج بتسيرين لفت عليه عويش .. كأنها تسألني بتسيرين .. العنود: لالا مافيني تعبانه عويش: تراج بتفصلين عباه العنود: لا بنشوف شمسوه وحمدوه قبل آمنه: أنا مافيني على هوامت البنات ... حمد: انزين دامج بتسيرين شليهن وياج .. مابيصير شي عليج العنود: خلاص عويش انتي روحي وشوفي ... عويش: لازم نعرف الموديل اللي تبينه آمنه: انتي شو تبينها سيري شوفي لعمرج ولها مره وحده عويش: لا خلاص نحن مفكرات نطقم حمد: المغرب أنا بوديكن لفينا أنا وعويش على بعض مستغربات .. عويش: غريييبه .. متبرض اليوم بو خليفه لف حمد صوبي كأنه متلوم من آمنه واسلوبها .. عشان جذه يبغي يراضيني .. بس آمنه معصبه بزياده اليوم ما أدري شو فيها.... العنود: لا عادي حمد باجر بنروح ويا شيخه والا سلامه ... أحيدهن بيقطعن قطع بنروح وياهن حمد: مالت عليكن .. محصلات روحه بلاش وتردنها ظربتني عويش بالمخده على راسي عويش: لا منو قال بنروح .. انت رد عقب المغرب بتلقانا نترياك طلعنا من الصاله .. رحت حجرتي كنت أسكرالباب بس حسيت ان حد يدزه .. لفيت أشوف .. كان حمد العنود: بسم الله شوياك .. الحمدالله والشكر تخبل أخويه حمد: انتي ماتستحين ترمسين أخوج اللي أكبر عنج عنده عيال كبرج بهالاسلوب العنود: أفا محشوم بوخليفه قبظني من ايدي ويلسنا عى الشبريه حمد: أنا ما طلعت اليوم أتراج تردين من الجامعه بسمع ردج .. مافينا نطول عليهم أكثر هذا الوقت اللي كنت أحاول أخليه بعيد .. بس هوه ورايه ورايه .. حسيت ويهي لبق ظو .. والحجره حاره .. تكلمت بصعوبه العنود: الي يريحك حمد .. انت سو اللي تشوف فيه مصلحتي حمد: أنا أبغي اللي يرحيج انتي العنود: كيفك حمد: سمعي أنا ما أبغي أسمع غير موافقه والا لاء .. لا تيلسين اللي يريحك وكيفك استجمعت كل ما فيني من جرأه عشان أطلع الكلام وأرتاح.. وعقب دقايق كنت ساكته فيهن تنطقت بصعوبه.. العنود( منزله راسها وبهمس): موافقه كنت منزله راسي ما قدرت أشوف ردت فعل حمد .. بس حسيت يايديه على جتفي عقب ما وقف .. حمد: الله يسعدج يا العنود .. رفعت راسي أشوفه ..كانت في عيونه نظرة حزن .. باسني بين عيوني وطلع من الحجره .. وأنا عقيت بعمري على ورا ..كأني طلعت من مهمه صعبه والحين ارتحت .. بس أحس براحه كبيره ...... عقب صلاة المغرب دخلن شمسوه وحمدوه الحجره ... حمدوه: السلام عليكم العنود: وعليكم السلام شمسوه: شو تسوين ؟ العنود: ماشي عندي كويز باجر ... شمسوه: خلصتي؟؟ العنود: هيه ... شو عندكن شمسوه: خالي حمد قال انكن بتسيرن السوق وياه العنود: هيه قال بيودينا ... عندي حركه بنسويها حمدوه: الله يعين من حركاتج.. العنود: ماعيبكن زولن عويش( تدخل): مرحباااااااااااااااااا العنود: بتخبرج شو حال عليج اليوم .. متخبله خبال؟؟ عويش: ما أدري ... فيني حماس حمدوه: شوعندج ؟؟ عويش: تدرون أبويه وين سار ؟ شمسوه: وين؟ عويش: بيت يدوه حمدوه: عادي .. هب شي يديد شمسوه: وشو يعني ؟ عويش: الحين بيرتاح قلب العاشق الولهان الحين فهمت قصد عويش ... يعني حمد ساير بيت أم عبدالله بيخبرهم بردنا .. لا ارادياً انتفضت ... وحسيت قلبي بيطلع من صدري .. حمدوه: شوي شوي على عمرج العنود عويش: قومن تلبسن .. بنروح الحين .. أبويه قال بيرد بيلقانا مخلصات حمدوه: انتن سيرن واختارن ونحن بناخذ على شوركن .. عويش: ليش؟ شمسوه: عندنا برزنتيشن ماخلصناه العنود: انتن كيف تبغنها حمدوه: طالعن انتن واختارن .. ونحن نرمس سمعنا ازعاج برا .. طلعنا من حجرتي على الباب الوراني .. سمعنا الجسمي شال الدنيا في بيت أم عبدالله .. البنات كلهن خلني وراحن وأنا رديت حجرتي .. ***** في بيت بو عبدالله .. كانوا قاعدين برا جدام البيت .. وأول ما خبرهم حمد برده استانس حارب.. الا بغى يطير من الفرحه .. وقاموا كلهم مشتلين بالسوالف والضحك .. حارب: يالله بوسالم .. أنا أبغي أعرس بو سالم: هاه سالم .. علي تبون تعرسون؟؟ حارب : الله يهداك بوسالم أنا قلت لك أبغي أعرس ماقلت لك أبغي آخذ سالم والا علي أم عبدالله: خس الله هالرمسه لك يالطفس علي: بنعرس في الصيف حمد: أي صيف انت بعد .. وين بتلقى حجز .. أبوي الصالات زحمه عليهن حارب: ما نبغي صالات نحن .. برايه بنعرس في خيام جدام بيوتنا ما بيضرنا بوسالم: أنا ماعندي مانع من قال بوسالم كلمته ربع سالم صوب سيارته .. شغل المسجل واخترش وهوه ايول وشال البيت على راسه ... ***** تلبست وترييتهن ..دخلت عليه عويش .. عويش: يالله قومي العنود: شو صاير في بيت يدتج ؟ عويش: الكراتين تخبلوا العنود: ليش؟ عويش: يوم رد عليهم أبويه حددوا موعد العرس وبيكون جماعي .. اتخبل عليوي المستلغث العنود: هههه لو تسمعج شمسوه بتاكلج عويش: هب عليوي بس .. حارب ين ينان حشى مايسوى عليه جانهم خلوه يتريا هالكثر العنود: جب جب .. عويش: قومي انزين أبويه يتريانا في السياره طلعنا ويا حمد ... وردينا البيت عقب صلاة العشى عقب ما دورنا براسه .. عقب العشى حمد طلبني وأتوقع ان السالفه بتكون بخصوص العرس .. العنود: خير حمد .. شي في خاطرك؟؟ حمد: ماشالله عليج يالعنود .. كبرتي وبتعرسين العنود: بعرس هيه صح .. بس كبرت جنك مستعيل عليها ؟؟!! حمد: هههههه ... انزين عنودي أنا اليوم بغيتج عشان أقولج ان حارب يبغي يعرس في الصيف ويا سالم وعلي .. وأنا ما قدرت أقوله لاء.. العنود: على راحتك حمد: عنودي أنا أبغي راحتج انتي العنود: مم ما أدري حمد: حارب ما بيردج عن الدراسه .. وان درستي وانتي معرسه ما بيضرج العنود: خلاص .. يصير خير حمد: انشالله الملجه بتكون عقب اسبوعين ... مابنسوي حفله بس ملجه في المحكمه .. تدرين عشان يخلصون الاجراءات والجوازات العنود: انشالله حمد: شوفي حارب بييب فلوس الزهاب هالاسبوع ..وشيخه وسلامه بيسيرن وياج يوم تبين .. وان بغيتي شي تعالي قوليلي .. وين ما تبين بوديج العنود: تسلم حمد ما تقصر حمد: وانقصرنج فلوس لا تستحين ... ان دريت انج محتايه وما قلتيلي .. بزعل عليج العنود: انشالله حمد: يالله أنا بخليج الحين .. شي في خاطرج العنود: سلامتك حمد: تصبحين على خير العنود: وانت من أهله طلع عني حمد وخلاني أفكر .. انشالله ان هالقرار يكون في مصلحتي وما أندم عليه .. بس ما توقعت ان الملجه والعرس بيكونون بهالسرعه .. الله يجدم اللي فيه الخير .. ........ من قعدت من النوم وأنا أحاول أخلص هالامتحان اللي عليه .. باجر الاأوبن دي .. قررنا نروح نداوم وعقب الدوام نرد البيت .. نكشخ ومره ثانيه نروح الجامعه ... خلصت على الساعه تسع .. عويش( تدخل): هاه ما خلصتي ؟؟ العنود: الناس يسلمون قبل عويش: انزين يالله عاد مليت أنا العنود: غرين ما ياب التنانير عويش: لا وحمدوه توها يت ويابت البديات العنود: انزين خلينا نروح الصاله بنشوفهن رحت الصاله ويا عويش ... أول ما دخلت انصدمت بوجود حارب .. عويش السخيفه كانت تدري وعرفتها من نظراتها ... احترق ويهي ما عرفت شو أسوي .. العنود: السلام عليكم الجميع: وعليكم السلام قعدت عدال شمسوه اللي كانت قاعده على الكنبه اللي عند الباب شمسوه: ماشي مكان غير هنيه العنود( بهمس): اس قطعي حمد: عنودي غناتي ليش ما يتي تتعشين العنود: عندي امتحان وتوني مخلصتنه حمد: وعشان الامتحان ما تعشيتي العنود: لا أصلاً مالي خاطر أم حمد: يا هالبنات اللي مايذوقن شي .. يبلهن عصى تمرغهن كنت أبغي أتصل حق سليم بس ما قدرت لأن التيلفون جريب من حمد وحارب وعلي .. العنود: شميس اتصلي حق سليم السبال خليه اييب التنانير شمسوه: ليش انتي ما تتصلين .. أنا مالي شغل العنود: انزين قومن خلنا نروح داخل حمدوه: ليش؟ العنود: قووومن شمسوه: لا خلينا هنيه العنود( بقهر): برايكن أنا بروح عنكن طلعت من الصاله ودخلت حجرتي .. دقايق ودخلن ورايه شمسوه: تدرين انج سخيفه العنود: عويش.. وويعه .. عويش: شووو العنود: ليش ما تقوليلي ان حارب في الصاله عويش: نسيت العنود: جذابه .. شونسيتي أدريبج مانسيتي .. بس أنا أراويكن حمدوه: انزين شوفي سليم وين؟؟ اتصلت حق سليم وقالي انه عند الباب .. خليت الخدامه تروح تييب التنانير .. قايسناهن وطلعن راكبات على البدي اللي اختارته حصوه ... عويش: متى بتخلصن دوام ؟ العنود: أنا الساعه 12 بالضبط حمدوه: أنا وشميس الساعه 11 عويش: أنا بعد 11 العنود: لاااااااااا مايخصني .. بتردن وأنا بتم هناك حمدوه: دوامج ولازم تلتزميبه العنود: مالت عليكن .. ماشي فرق الا ساعه اتريني شمسوه: ماشي شغله العنود: مالت عليكن حمدوه: حصوه تقول ميثوه راحت وياهم دبي أمس شمسوه: تعالن .. كانت تبغي اطقم ويانا عويش: لا هيه قالت لي يوم الأحد شايفه بدله عايبتنها وبتروح تاخذها العنود: أحسن شمسوه: انزين انتي الحين شو حارقنج العنود: شمسوه لمي ثمج أبرك شمسوه: انزييييين طلعن عني البنات وأنا رقدت .. قمت يوم الأثنين مالي خاطر على الدوام بس شو أسوي غصب عني .. حظرنا كلاس الأمن وعقبه امتحنت والبنات ردن البيت .. الساعه 12 خلصت دوام رديت البيت . رحت على طول حجرة عويش .. دخلت لقيتها منسدحه العنود: شو تسوين ؟ عويش: هاه ..تو الناس العنود: شو أسوي .. شعليكن مرتاحات هب أنا .. عويش: شو سويتي في امتحانج؟ العنود: الحمدالله عويش: يالله قومي خلصي العنود: أوكي نزلت عنها .. تسبحت وكشخت ... طلعنا من البيت أنا وعويش الساعه 1.. رحنا بيت أم عبدالله وركبن شمسوه وحمدوه ... مريوم وساروه ومنى وفطامي كانن ماكلات الدنيا ومحتشرات لأنا اتأخرنا .. رحنا لقيناهن يثورن من الغيض شمسوه: شوي شوي .. عنبوه مايسوى اتأخرنا منى: بموت من اليوع وانتن متفيزرات في البيت عويش: العنود ما طاعت تتحرك ساروه: ماتنلام عروس مريم: منو العروس؟ حمدوه: عنودي العنود: بس بس عاد منى: أوووووووووووننننننننه .. قولي والله شمسوه: والله .. فطامي: ومنو سعيد الحظ؟؟ حمدوه: عمي .. منى: لا تقولين هذاك الحليو حمدوه: هوه ماغيره منى: يالخاينه .. جان يوزتيني اياه العنود: احم احم ساروه: أوووووووه .. من الحين اشتغلنا غيره حمدوه( بهمس): من زماااااااااااان العنود: جب ين البنات يسلمن عليه ويباركلي .. وانظمينا مع شلة سلامه ربيعتي .. وردينا البيت على الساعه ثمان .. وأنا تعبااااانه .. صليت وعلى طول رقدت .. يوم الثلاثا اللي شجعني على الدوام انه آخر يوم في الاسبوع .. وعقب الدوام كنا قاعدات نتغدا نحن الأربع ويانا ساروه وميثوه ومنى ومريم .. أول وحده خلصت الغدا ساروه .. فتحت كمبيوتر عويش .. شمسوه: عنودي طالعي كمبيوتر عويش لفيت صوب ساروه وشفت الخلفيه كانت صورة حارب .. العنود: كفيش وويعه عويش: شلت العدو العنود: ليش حاطه هالصوره خلفيه عويش( بغياض): كيييييييفي منى: يااااااربي عليه .. والله انه عذاب العنود: منوه وسم انشالله .. عويش ان ماغيرتي الصوره والله ياويلج ساروه: ولا يهمج أنا الحين بغيرها عويش: والله ياويلج ميثوه: أشوف الصوره اللي محتشرات عسبها لفت ساروه الكمبيوتر على ميثوه اللي من شافت الصوره تغيرت ملامح ويهها .. ميثوه: وليش انتي محتشره .. شويعني ان حطت صورة حارب في هالوقت اكتشفت ان ميثوه بعدها ما تدري عن شي .. بس أنا سكت ومارديت عليها .. شليت كمبيوتر عويش .. وغيرت الخلفيه حطيت لها صورة بقره ... شمسوه: جنج انتي ما دريتي .. ميثوه: شوو؟؟ عويش: في القريب العاجل بتصير العنود بنت سيف حرم السيد حارب بن سالم لاحظت اتساع عين ميثوه واستغرابها وصدمتها في نفس الوقت بس بدون أي تعليق ... قعدت فتره وعقب راحت عنا .. عويش: يعلج السم يا عنود جان من عقب صورة حارب تحطين هالصوره العنود: جلبي ويهج وان حطيتيها مره ثانيه ياويلج .. تبين البنات بفجن عيونهن مايسكرنها حمدوه: عاد هب من حلاته .. تاكلين الدنيا عليه العنود: جب انتي مايخصج .. يسد انه حلو في عيني شمسوه: آآآآه وينك يالحربي تي وتسمع هالرمسه العنود: والله بعماركن ان خبرتنه ساروه: متى بيملجون ؟؟ شمسوه:أنا سمعت انه يوم الخميس ... أمس لو تشوفن الحربي شقايل ماكل الدنيا يبغي الجواز والصور حمدوه: انزين ما يابوهن العنود: أمس عطيتهن حمد .. .... ردينا البيت لقينا حمد وخليفه قاعدين في الصاله يتكلمون عن الأساتذه ... عويش: أووووه .. بيبدا الدح خلااااص العنود: متى بتأجزون خلوف خليفه: الاسبوع الياي انشالله حمد: انت رمس هالأساتذه وشوفهم خليفه: خلاص عيل .. مشكور أبويه حمد: عاد مانبغي اللعب ..بس عاد من متى وانت تلعب ونحن ساكتين عنك خليفه: انشالله خير ... عويش: يااالله عاد يالثنويه .. يعني ما بتسافر ويانا السنه خليفه: ومنو قال انج بتسافرين عويش: هب على كيفك خليفه: محد بيسافر بدوني .. الا العرسان طبعاً حسيت بتوتر في بطني واحترق ويهي من رمسة خليفه .. سكت ومارديت عليه .. بس هوه رد يكمل احراجه خليفه: وأنا أقول حروب شعنده محتشر مايباني أسافر وياه في الصيف ثره مخطط لشي عويش: هيه .. ثره من زمان حاط عينه ويخطط خليفه: يبغي يعيش حياته بدون حشره هوه وغناته .. آآآآآآه الله يعطينا مثل ماعطى غيرنا قام حمد يظرب خليفه بسماعة التيلفون .. وخليفه يحاول يقوم حمد: انت متى بتصطلب وبتعقل خليفه: لااا تحلم العقل ماشي أمل منه في عايلتنا شليت بعمري ورحت حجرتي وأنا أحترق من القفطه .. غيرت ملابسي وانسدحت بريح عشان أقوم أخلص بروجكتي... سمعت حد يدق على الباب العنود: الباب مفتوووووح دخل حمد راسه بس ولف يطالعني .. حمد: عادي أدخل العنود: لا هب عادي حمد: مالت عليج العنود:أفا عليك حياك حمد .. دخل حمد وقعد عدالي .. حط لي ظرف بحجم متوسط تقريباً العنود: شوهذا؟ حمد: فتحيه وشوفي فتحت الظرف شفت فيه فلوس .. العنود: فلوس شو هذيلا؟؟ حمد: فلوس الزهاب سكت ومارديت عليه ما أدري هل هوه مستحى والا خوف والا ارتباك .. حط حمد ايده على جتفي وهوس عليه.. حمد: الله يهنيج عنودي .. وانشالله ما أكون قصرت فيج العنود: تسلم حمد ..خيرك سابق حمد: سمعي أنا بحط لج فلوس في رصيدج .. لأني أدري إذا احتيتي ما بتطلبين العنود: حمد والله يكفن .. عنبوه أنا شوبسوي حمد: ما أبغيج تحسين انج محتايه .. خذي كل اللي في خاطرج .. العنود: تسلم حمد حمد: الملجه يوم الخميس .. وما بنسوي حفله ...والعرس في أول سبعه .. عندج هالشهر والشهر الياي .. حاولي تخلصين العنود: انشالله .. حمد: سليم مابيكون لحد غيرج .. وين ماتبين بيوديج .. وان ماحصلتي حد يسير وياج أنا بوديج العنود: تسلم حمد ماتقصر طلع عني حمد وأنا حاسه بفرحه مع حزن .. حزينه لأني أحس اني محتايه أبويه وأمايه الله يرحمهم في هالوقت .. وفرحانه ان الله عوضني بأخو قلبه كبير وماشفت منه أي قسوه ...... ******** في بيت أم عبدالله كانن شمسوه وحمدوه قاعدات في الصاله شمسوه تقرا مجله وحمدوه تاكل فطاير دخلوا منصور ومانع وهو يتضاحكون لف مانع على حمدوه وطالعها باستغراب مصطنع حمدوه: هاه... شعندك مطرطر عينك مانع: نفسي في يوم أدخل بيتكم وما ألقى فجج يتحرك... دوم تاكلين بسج بتمتنين نقعت شميس من الضحك .. ومنصور انسدح عدالها يضحك حمده( بغيض): وانت شو مخسر سار مانع صوبها شل الصحن راح المطبخ ياب بيبسي ويلس جدام التلفزيون ياكل.. منصور: حطي mbc3 حمدوه: يالله اجلب ويهك انت ومنصور منصور: حطيها بسرعه فلم يديد اليوم عليها حمدوه: مانع تعال باكل وياك مانع: لا ماشي بسج .. أنا بسوي لج رجيم قبل العرس حمده: انزين تعال باكل فطاير وماباكل عقبهن مره ثانيه مانع: لا ماشي .. وقومي هاتليلنا غيرهن حمدوه: ياااااااسلاااام .. أشتغل عندكم أنا ماصور: هيه يالله أشوف.. راحت حمدوه المطبخ يابي فطاير وردت حطتهن جدامهم مانع: والله بنتكم صايره أليفه هالأيام منصور: اسكت لا تحسدها بتصير متوحشه وبتاكلنا بعدين حمدوه: هب منكم مسودين الويه مني أنا مانع: لا أفا عليج حمدوه .. امره تسلم ايدج ماتقصرين ****** من عقب العشى كنت قاعده على النت .. دخلن عليه القواطي حمدوه: السلام عليكم العنود: وعليكم السلام .. شمسوه: مايسوى علينا حارب خطبج عنبوه ماتفكرين حتى زياره عابره العنود: سكتي عني اروحي ملانه ومحد عندي يسليني وكفيش منطبه عندكن يوم تمل حمدوه: جان ييتي صوبنا العنود: لا والله حلفي انتي بس حمدوه: عادي مافيها شي العنود: جلبي ويهج .. مافيها شي عويش: عادي عنودي عادي .. محد بيقول شي العنود: عادي في عينج .. تبني أسير أجابل حارب .. لا بوي أستحي أنا هب لوح شراتكن انتن الليحان حمدوه: نحيدها قواطي .. استوت ليحان .. بس يالله ماعليه .. نقبلها منج بس لأنج حرمة عمنا العنود: لاتقولين حرمة عمنا .. أحس اني كبيره شمسوه: خل عنج انتي .. وهالشيبه الحين فكر بالعرس العنود: انتي شو يخصج؟؟ عويش: أشكر .. محامي دفاع العنود: جب جب .. قوللي وين كنتن ؟ شمسوه: الله يسلمج كنت نرمس عن سيرة بوظبي باجر العنود: ليش ؟؟ عويش: شو ليش .. ماشي وقت الا شهرين .. هبابكن ترابعن شمسوه: أمايه وخالتي بيتكفلن بالعربيات والمغربيات عنا العنود: أحسن بعد حمدوه: ونحن علينا بالباقي عويش: يالله قومن كتبن اللي تحتاينه ووزعنه على أيام مع فلوسه العنود: لا شو مالي بارض الحين .. قومن ناكل أنا يوعانه عويش: هب على كيفج يالله قمنا نكتب كل الأغراض اللي نحتايها .. ووزعناها على كم سيره عشان نرتاح ونخلص بسرعه .. على الساعه 12 طلعن عنا شمسوه وحمدوه وأنا وعويش كملنا سهرتنا على التلفزيون ويا خلوف .. ....... |
الجـــــــــــــــــــــــــزء الـــــــــــــســـــــــــــابع والثـــــــــــــلاثيـــــن يوم الأربعا كنسلنا سيرة أبوظبي .. وقضيت يومي بيت يدوه .. ويوم الخميس من قمت الصبح وأنا أحس بارتباك فضيع يقطع بطني .. عويش(تدخل): صباح الخير العنود: صباح النور .. هلا والله عويش: هاه .. شو المعنويات عروسنا العنود: دخيلج هب قادره حتى اني أتنفس عويش: خيييبه مايسوى عليج العنود: متى نشيتي ؟ عويش: الساعه عشر العنود: البيت هادي غريبه عويش: أمايه راحت كارفور والباقين رقود .. ويدوه تعابل الزراع برا العنود: في هالحر عويش: متعودين .. وانتي منو بتعايين .. يوم تبغي الشي بتسويه العنود: الله يهديها عويش: شو بتلبسين اليوم ؟؟ العنود: شو بلبس بعد!! عويش : شو بعد .. انشالله بتجابلينهم بجلابيتج العنود: بغير هذي بلبس غيرها وبعدين محد غريب عويش: بتجابلين ريلج بطرطوره العنود: بتبطيييين الساع أظهر له .. تبيني أموت اليوم عويش: دوري حد يشاورج العنود: أكيد بيشاوروني .. ليش يشوفني .. شايفني من قبل ماله داعي عويش: وانشالله ما بترمسينه في التيلفون العنود: أكيد لاء عويش: جب يالله .. أصلاً حارب ما احتشر على الملجه الا عشان يرمسج العنود: خلي هالسالفه أنا بتصرف فيها عويش: قومي خلينا نروح ناكل شي بموت من اليوع طلعت ويا عويش رحنا المطبخ .. اتريقنا وردينا الصاله .. وأنا طول الوقت أفكر بالقرار اللي اتخذته وبالتغيير اللي بيصير في حياتي من اليوم ...... الساعه عشر ليلاً حمد: الله يوفقج ياعنودي ... من طلع حمد من الحجره اشتلن ساروه وعويش عويش: كللولولولولولووللووش ساروه : مبروك عنودي العنود: الله يبارك في حياتج .. عقبالج ساروه : متى ..ياحسره علينا عويش: على شو مستعيله .. اصبري العنود: نفسي أشوف شميس وحمدوه .... شمسوه( تدخل): مرحباااااااااااااااااااااااا لطوف: لاإله الا الله .. ياربي منكن متى بتعقلن عويش: صدق قواطي .. يالمخبل شو يابكن أونكن عرايس حمدوه: سيرن لاه ... عنبوه تبن تحبسنا .. شو يعني عرايس نموت.. لالالا لازم نتطمن على خالتنا شو نفسيتها.. ساروه: أحم أحم.. عروسنا العنود.. شو شعورج وانتي من هالدقايق صرتي زوجة عمنا الشيخ حارب بن سالم الـ...... العنود( تتنهد): مممممم ما أدري لطوف: قومن خلنا نروح نتعشى ... بموت من اليوع شمسوه: تعالن شفت العشى أنواع وأشكال في الصاله رحنا الصاله نتعشى .. ونحن مرتبشات .. الساعه 11 دخلوا الرياييل كلهم عندنا .. حمد .. بو سالم.. بو علي ... سالم.. حارب.. علي .. خليفه.. منصور وراشد .. من شفت حارب ييدور بعيونه بينا بغيت أموت .. نزلت ر اسي وانسحبت من الصاله وطلعن البنات ورايه ساروه: شو هذا انتن عويش: شو بلاج تتحرطمين ساروه : ليش تطلعن ؟؟ العنود: شو تبينا نجابلهم ساروه: مالت عليكن مافيكن ذرت رومنسيه حمدوه: خل عنج انتي ياأم الرومنسيه قعدنا مع بعض لين الساعه 12:30 ومن عقب ماراحن رديت حجرتي .. غيرت ملابسي وانسدحت برقد وأول ما حطيت راسي على المخده ابتدت الأفكار تتسلل لمخي والوسواس .. تعوذت من ابليس ورقدت ...... مرت الأيام علينا وابتدينا بالزهاب وعبالته .. كل ويك أند في دبي أو أبوظبي .. وشميس ما خلت شي .. ذبحتنا بتشريطاتها .. وخليفه ولطوف ويا الامتحانات .. ابتدت الاجازه وابتدوا الصراع ويا الكتب .. توني داخله البيت ويا عويش .. الساعه ثمان رادين من أبوظبي كنا رايحين نشوف الفساتين .. عويش+ العنود: السلام عليكم الجميع: وعليكم السلام حمد: مرحبا الساع .. فديييت الغراشيب ياربي خليفه: أمحق غراشيب .. ريا وسكينه حمد: ه من وين يايات عويش: بسم الله عليك أبويه .. قلنا لك انا بنروح أبوظبي ويا عموه سلامه حمد: هاه العنيدي .. شو شوسويتي اليوم العنود: ممم ماشي .. رحنا نشوف فساتين حمد: العنود غناتي جان ما سدن فلوسج .. لا تستحين العنود: تسلم فديتك ما تقصر آمنه: وين مايسدنها .. حارب عاطنها اللي تحتايه وزياده بعد أم حمد: وين يزيد الله يهداج يا آمنه البنت عروس آمنه: لو عروس .. جيه هيه شو بتسوي .. بعدين بعدها بتفزعه تتشرى العنود: عموه فديت روحج .. أنا عندي بطاقتي يوم أبغي بسحب منها حمد: البطاقه ما تسحبين منها .. جان احتيتي فلوس تعالي قوليلي .. والا تراني باخذ البطاقه عنج العنود: أنا بسير أتسبح وأرتاح عويش: خذيني وياج .. خلاص أحس اني ما أروم أشل بعمري من التعب آمنه: انزين انتي منو عبلج ترابعين بلا فايده عويش: لازم هذي عمتي الغاليه اخت الغالي إذا ما برابع في عرسها برابع في عرس منوه العنود: هههه بنردها في الأفراح انشالله عويش: خطفي انتي خلينا نرتاح طلعت من الصاله وأنا أحاول أتناسى كلام آمنه .. اليوم أنا مرتاحه ما أبغيها تعكرلي مزاجي على آخر اليوم ... ارتحت في حجرتي وطلعت أتعشى .. عقب العشى قعدنا في الصاله .. وخليفه عدالي خليفه: عنودي أباج تتصلين حق لطوف لفيت عليه وأنا معقده حياتي العنود: ليش؟؟ خليفه: أبغي كتابها العربي العنود: حق شوه ؟ خليفه: حق شوه بعد بلف به سندويجات!! .. بنقل منه اجابات الأسئله العنود: وانت ليش ما تحلهن بروحك .. أم سوري ما أقدر خليفه: مالت عليج .. بتذليني هب محتاي لج بسير بروحي ويا عوبش العنود: باجر بتصلها خليفه: بنسير وياج يوم بييب الكتاب العنود: بنطرش الدريول .. ما يحتاي نروح نحن خليفه: لا يحتاي انتي ما يخصج العنود: خلاص عيل ما يخصني برايك خليفه: عنودي عاد ششو ياج ذليتينا العنود: أنا أبغي أعرف انت شو تحت راسك خليفه: لا حوووووووووول الحين شوه العنود: انزين فكنا ....... يوم السبت العصر رحت المطبخ وسويت عصير وسندويجات وشليتهن الميلس اللي برا عند خليفه .. العنود: السلام عليكم خليفه: مررررحبا الساع والله انج شيخه .. شدراج اني يوعان؟ العنود: حسيت بك خليفه: علني فداج الغاليه اللي محد يسواج العنود: كلمت لطوف الظهر .. عقب المغرب بنسير ناخذ الكتاب نط خليفه عدالي وقبظني من رقبتي وباسني من الخاااطر العنود: قممم عني الله ياخذ عدوك خليفه: والله اني أحبج العنود: كسرتني الله ينطبك خليفه: شسوي من غلاتج العنود: هيه صدقتك .. كل هذا عشان لطفين هب عشاني خليفه كان يشرب العصير قطع الشرب ولف صوبي فاتح عيونه عالأخير العنود: شو..لا تبقق عويناتك أدريبك أنا هب عليه حركاتك هذي .. أونه بنقل أجوبة من عندها .. حاط لك مدرس بيحل لك كل شي .. قول متوله عليها خليفه: انتي ساحره العنود: لا أنا هب ساحره انت المفضوح قطع رمستي حد فتح باب الميلس .. وأنا يوم نط صوبي خليفه طاحت شيلتي رفعتها بلبسها بحركه سريعه وأنا مب منتبهه منو اللي دخل.. قبض خليفه الشيله .. خليفه: هدي هدي .. هذا ريلج من رفعت راسي وشفت حارب تيبست مكاني وماقدرت أتحرك وأحاول أضارب خليفه ع الشيله بس كان ماسكنها بقبضه قويه وهب راضي يعطيني اياها حارب: السلام عليكم العنود+حارب: وعليكم السلام حارب: شحالج العنود العنود: الحمدالله طيبه.. انت شحالك؟ حارب: يسرج حالي خليفه: مالت عليك .. الناس تسلم ع الرياييل قبل حارب: توني شايفنك .. عند صلاة العصر العنود: يالله أنا بخليكم الحين حارب: وين تبين؟؟ .. يلسي العنود: لالا عندي شغل خليفه: شغل شو .. الظهر تقولين فاضيه ما عندج شي خزيت خلوف بنظره .. السبال وين بيسير عني .. أنا أراويك خليفه: خيييبه .. بتاكلني بعيونها.. انا بسير عند ثاني باخذ أوراق الامتحانات من عنده العنود: تعال سير له عقب هب الحين حارب:لا الحين .. خلني بيلس ويا العنود شوي من سمعت كلام حارب ما قدرت أقول شي.. كل اللي أتمناه ان خليفه ما يسير .. ما أقدر أتم ويا حارب في مكان واحد .. أتمنى الأرض تنشق وتبلعني .. طلع خليفه ومن عقبها حسيت الدنيا تدور بي تسحبت لين وصلت للشيله بلبسها .. تجدم حارب ويلس عدالي وقبض الشيله.. حارب: ليش مستحيه أنا ريلج العنود: ..... حارب: بلاج ... ليش زايغه مابسوي بج شي لاتخافين العنود:.... حارب: شو بلاج .. اتنافظ بكبرها.. ماباكلج أنا العنود:هب زايغه... بس هب متعوده عليك حارب: كله منج ماترمسيني فالتيلفون.. وماتخليني أشوفج .. وماتين بيتنا ..كيف بتتعودين عليه .. نحن قبل مانملج كنت أشوفج وأرمسج أكثر عن الحين نزلت راسي مستحيه وماعرفت شو أرد عليه.. حارب: عنادي رفعي راسج ماكنت أحس الا ان الميلس استوى تنور من الحراره .. كنت بوقف بس أول ما حس حارب بالحركه قبضني من ايدي ويلسني .. يلست وويهي يحترق وأنا أدعي على خلوف السبال .. حارب: عنادي شو فيج العنود( وهيه ترفع راسها): مافيني شي حارب: عيل ليش ما تبين تيلسين ويايه؟؟ العنود: هب جيه السالفه .. بس حمد مايدري .. وأنا هب متعوده عليك حارب: وشو يعني ان حمد مايدري.. أناريلج .. وبعدين دام انج كل مابيي تشردين لازم مابتتعودين عليه العنود:بس حمد لو درى بيعصب حارب: رديتي على حمد .. مابيعصب .. وبعدين أقولج أنا ريلج ولو أبغي أشلج الحين محد بيقدر يردني العنود: لا والله شو الدنيا لعبه حارب: أشوف طلع لسانج العنود: ههه لا بس شو تشلني ماتشلني هذي بعد حارب: شو أسوي ما أروم أصبر أكثر يااااربي أنا ابتديت أأقلم نفسي ووأحاول أتكلم وياه .. وهو من بدايتها هذا كلامه .. قمت ووقفت في نص الميلس تقريباً أحاول أبتعد عنه بأي طريقه .. حسيت حد واقف ورايه لفيت لقيته حارب .. حارب: شو ياج ... كل هذا مستحى... ياااويلي على اللي يستحون نزلت راسي ومارديت عليه .. انفتح باب الميلس وماحسيت الا بحارب يحط ايده ورا ظهري ويسحبني صوبه ودار .. كل هذا صار بحركه سريعه عشان اللي داخل مايشوفني حارب( بعصبيه): ماتعرف تدق الباب تسكر باب الميلس وأنا بعدني ماأعرف اللي دخل ابتعدت عن حارب وأنا ميته من المستحى تمنيت أختفي من هالعالم فهالدقايق عشان ما أشوف ويه حارب ..رحت عند الكرسي لبست شيلتي وكنت بطلع بس قبل ما أطلع زقرني حارب: عنادي لفيت صوبه حارب: بييب كتلوجات عشان نختار الأثاث العنود: اختار اللي يعيبك حارب حارب: لالا لازم أختار وياج .. لأن هذا بيتنا العنود: انشالله .. طلعت من الميلس سايره حجرتي وأنا أربع ..ماأدري شو هالاحساس اللي أحسبه .. دخلت حجرتي وسكرت الباب وقعدت أفكر بكل اللي صار في هالساعه اللي طافت .. عقب أذان المغرب دخل خلوف الحجره وأنا كنت أرتب الحجره خلوف: هاه العنيدي أخبارج عقب مايلستي ويا ريلج العنود: يلست عليك ينيه قول آمين خليفه: خيييبه العنود: اطلع برا يالبرصيص خليفه: برصيص ريلج العنود:خلوف جب .. اطلع برااااااا خليفه: ياااالله ماترضى بعد العنود: خلوف اطلع دام النفس عليك طيبه حمد( يدخل): بسم الله شو عندكم ؟ العنود: حمد جانك تبغي ولدك خله يطلع برا حمد: ليش .. خلوف شو مسوي بعمتك خلوف : أبغيها تسير ويايه بيت خالوه موزه بنييب الكتاب العنود: بتبطي الساع.. سر اروحك خليفه: يالله مايسوى عليه اللي سويته ماتسيرين حمد: ليش شو سويت؟ لفيت على خلوف .. ماأبغيه يقول وشفت من نظرته انها تهديد إذا ماسرت بيخبر حمد عن اللي صار العنود: من أمس مغصصبي .. طفرني حمد: خلوف اصطلب عنها .. وسر جابل كتبك خلوف: انشالله .. بس الحين بنسير نييب الكتاب حمد: سيروا ولا تبطون خليفه: انشالله.. يالله عنادي بترياج فالسياره طلعوا خليفه وحمد من الحجره وأنا لبست عباتي طلعت من الحجره لقيت عويش توها نازله من فوق عويش: وين تبين؟ العنود: بسير بيت خالتج موزه ويا خلوف.. يبغي كتاب العربي عويش: اتريوني بسير وياكم العنود: يالله انزين بسرعه ركبت عويش بسرعه تلبست ونزلت .. طلعنا من البيت كان خليفه برا البيت فالسياره العنود: يعلني بلا عدوك يا خلوف عويش: أنا بيلس جدام العنود: تحلميييين .. أنا اللي بركب عويش: جلبي ويهج تجدمتني عويش بسرعه ومن شفتها انها بتسبقني رفعت عباتي وكندورتي وربعت عنها وصلت عدالها .. وصرخت العنود: بيب بييييب السلام عليكم عويش من شافتني أربع ربعت ورايه وصلنا السياره نلهث ركبت جدام وقفلت الباب .. يت عويش تدق على الجامه عويش: يالسباله فتحي فتحت الجامه وأنا أضحك العنود: يالله يالله ورا .. عويش: كل مره انتي تركبين جدام .. هالمره دوري العنود: نو نو خليفه: يالله بسرعه أخرتنا ركبت عويش ورا وسرنا بيت موزه .. وصلنا بيت موزه عند الباب واتصلت عويش حق ساروه .. دقايق وفتحت الخدامه الباب دخلنا ووقفنا جدام باب البيت .. نزلنا من السياره ودخلنا الصاله .. خليفه: السلام عليكم الجميع: وعليكم السلام خليفه : شحالج خالوه ؟ موزه: بخير ربي يسلمك .. شحالكم انتوا؟ خليفه: والله معتفسين ويا هالثانويه موزه: الله يعينكم وينجحكم ويرزقكم بأحسن النسب لطيفه: آآآآمين موزه: شخبارها عروسنا العنود( مستحيه): الحمدالله يسرج الحال موزه: أمس الحربي محتشر عسب الأثاث خليفه: يا أخي أنا ماشفت حد مستلغث ع العرس شرات حروب عويش: بنشوفك شو بتسوي خليفه: أنا ... انتوا كلكم ما ترومون عليه أنا .. أنا يوم بعرس بسوي شي لا صار ولا استوى ساروه: فكنا فكنا .. كلكم هذي رمستكم موزه: الله يوفقك ياوليدي عويش: لطفين قومي هاتي كتاب العربي حق الشيخ خليفه خلينا نرد البيت موزه:شعندكم مستعيلين ماشي سيره لين تتعشون عندنا خليفه: لالا بنسير الشواب مابيتعشون بلانا موزه: لا لا منو قال أنا بسير الحين بخلي الخدامه تحط العشى خليفه: خالوه الله يهداج عشى المغرب موزه: المهم تاكلون شي قبل ما تروحون طلعت موزه من الصاله ولطوف راحت يابت الكتاب وردت لطوف: آخر درسين ماحليت شي منهن خليفه: ولايهمج أنا بخلي الاستاذ يحلهن ساروه: وانت يوم الاستاذ بيحل لك اللي تباه ليش ياي تشل كتاب لطوف خليفه: وانتي شلج ؟ عويش: أونه عاد خلوف ماتعرفين سوالفه موزه( تدخل): فديييت خلوف وفديت سوالفه راح خليفه وقف عدال موزه خليفه: تعالي خالوه بناتج الثنتين وبنت اختج وحرمة أخوج كلني من طلعتي وهن طايحاتبي عويش: يااااااااااااااااااااالله يالجذب ساروه: خل عنك انت ياسحيله موزه: ساروه سيري هاتي الماي انتي طلعت ساروه يابت الماي ونحن قعدنا نتعشى عقب العشى شلينا لطوف وساروه ورحنا نتمشى شوي وعقب وصلناهن البيت وعقب ردينا البيت .. ...... في هالأيام كنا نداوم ونرد البيت وعلى طول نروح السوق ... دبي والا أبوظبي والا العين .. ماخلينا مكان وكل مره حق شي .. يوم الخميس الظهر كنت قاعده في الحجره ويا عويش ندرس في حجرة عويش.. عندنا امتحانات الفاينل .. دخلن شمسوه وحمدوه الحجره .. حمدوه: حشى بسكن عاد من الدح شمسوه: مليييت والله .. مالي خاطر ع الدراسه عويش: يالله عاد قالوا لها بتعرس شمسوه: كفيش لمي ثمج عويش: ليش عيل ماتبين تدرسين شمسوه: ما أدري قلبي يعورني العنود: بس عاد يالله قومي هاتي كتبج ودرسي ويانا حمدوه: انتن خلنا نروح بيتنا .. بنيلس ندرس هناك العنود: لا شو بيتكم!! حمدوه: بس عاد .. حروب الحين ماييلس فالبيت ..لاهي بأشغاله شمسوه: ونحن ترانا مجابلينهم أربع وعشرين ساعه عويش: خلاص انزين العصر بييبها ويايه كملنا سوالف شوي.. وطلعن عنا حمدوه وشمسوه .. كملنا دراسه والعصر رحنا بيت أم عبدالله ؟؟ كنا في الحوش جدام باب الفله كنا نحدد وين بنروح باجر...عقب ربع ساعه تقريبا دخل منصور وكندورته كلها دم ودموعه مغرقه ويهه..ورشود وراه شكلهم صدمنا وخلانا كلنا مانعرف نقول كلمه.. منصور(يصيح ويشهق): أمايه سالم وين؟ شيخه: بسم الله عليك منصور شو بلاك .. شهالدم؟؟ ...... الجــــــــــــــــــــــــــزء الثــــــــــــــــــامــــــــــــن والــــــــثــــــــــــلاثـــــــــــــين منصور( يصارخ): وين سالم؟ وين أبويه؟ قامت شيخه وقبضت منصور من ايده شيخه(تصارخ): شعندك.. شوبلاك .. ارمس منصور لف شاف سيارة حارب توها داخله البيت .. وعلي وياه.. ولا واحد منهم عطانا كلمه تفهمنا.. ربع منصور صوب السياره ورشود وراه .. نزلوا حارب وعلي من السياره .. وانصدموا بشكل منصور .. علي: منصور!!! منصور: عمي دخيييلك ودني المستشفى حارب( منصدم): شو عندك؟؟ وشو هالدم؟؟ رشود(يصارخ بأعلى صوت): بس دخيلكم ودونا المستشفى .. لا اتمون تسألون علي: شو ما نسأل شو بلاكم؟ منصور(منهار): علي مانع دعمته سياره وانجلب بالدراجه.. شلوه المستشفى .. دخيلك ودني عنده حارب: متى؟؟ منصور: توه حارب:أنا بسير أشوفه وبرد عليكم منصور: لا أنا بسير وياك حارب: وين أوديك الطوارئ بيكون زحمه الحين منصور: مايخصني بسير يعني بسير.. ركبوا منصور ورشورد ويا حارب وعلي راح وياهم .. ونحن بعدنا في حالة صدمه خلونا فيها ونحن مش فاهمين شو صاير بالضبط.. كل اللي نعرفه ان مانع سوا حادث.. ******* طلعوا حارب والباقين من البيت... وصلوا المستشفى .. كان قسم الطوارئ زاحمه واايد .. رياييل حريم شرطه والممرضات والدكاتره كل حد يربع في صوب .. راح حارب يسأل الممرضه عن حادث مانع وربعوا وراه منصور ورشود وعلي ... بس أول ماشافوا أحمد ربيعهم..أخو مانع الكبير.. طنشوا الممرضه وساروا صوبه.. حارب: مرحبا أحمد أحمد: هلا حارب علي:هاه أحمد.. أخباره مانع؟؟ أحمد: توه الدكتور دخل يكشف عليه حارب: بنسير صوبه .. هو وين؟؟ أحمد: أنا بتريا الأهل .. دخلوا فالممر وبتشوفون أبويه ومبارك أخويه هناك مشوا حارب وعلي...ومنصور ورشود يربعون بأسرع شي يقدرون عليه .. منصور كان وايد خايف على مانع وايد ... كان يتذكر الحادث وكيف الأحداث صارت .. كانوا واقفين جدام بيت قوم مانع.. وطلع مانع راكب الدراجه .. ويلعب ويدور على الدوار .. حاول منصور وياه انه يخلي الدراجه بس مانع كان يضحك ومستانس وماسواله سالفه .. خذ مانع فتره على هالحال ودار فجأه على الدورا فالوقت اللي يت فيه سياره مسرعه .. دعمة مانع .. منصور أول ماشاف مانع طايح على الشارع .. ربع صوبه حاول يقومه .. يخليه يرد عليه بس مانع .. كان مايتحرك .. حط منصورمانع على ريوله .. منصور: مانع .. مانع دخيلك رد عليه .. لا تخليني مانع .. دخيلك رد عليه .. بس مانع مايرد على منصور منصور(يصيح): قلت لك لا تركبها .. قلتلك خلنا نسير نلعب كوروه .. مانع .. مــــــــــانع كل هالأشياء كان منصور يتذكرها وهوه جدام غرفة الكشف .. طلع الدكتور من الغرفه وراحوا أحمد وأبوه وحارب وعلي .. ومنصور ورشود كانوا واقفين وياهم يبون يسمعون الدكتور .. والباقين يتريون رد الدكتور... أحمد: طمنا دكتور الدكتور: الولد لازم يدخل العمليات .. الظربه اللي فالراس يت خطيره ومحتاجه عمليه بسرعه.. بس لازم حد فيكم يروح يوقع .. ومحتاجين دم من نفس فصيلته أحمد: خذوا من دمي حارب: وأنا بعد علي: كلنا بنسوي فحص.. شوفوا اللي يطابق فصيلته منصور أنا بعد بعطيه من دمي الدكتور: لاء ماينفعش .. انت لسه صغير منصور( يصارخ): وانت شلك.. أنا مابصغير راح عنهم الدكتور وراحوا أحمد وعلي وحارب يفحصون عالدم .. طلعت فصيلة أحمد أخو مانع هيه الفصيله المطابقه.. دخلوا مانع العمليات والكل يترياه جدام حجرة العمليات.. أهل مانع رياييل وحريم وربع أحمد ومبارك كلهم واقفين وياهم .. طولوا داخل غرفة العمليات وكل مايطلع حد منها ويهه مايطمن .. ولا يردون على حد .. كمل الدكتور تقريباً ساعتين في غرفة العمليات .. مرن دهر على اللي يتريون.. ..... طلع الدكتور ومحد تجرأ يروح صوبه ويهه مايبشر بخير.. عقب دقايق مشى أحمد وعلي بخطوات ثجيله عند الدكتور علي: بشر يادكتور .. شخبار مانع الدكتور: احنا عملنا اللي نقدر عليه .. بس زاد النزيف في الراس وماقدرنا نسيطر عليه .. ورب العالمين خذ أمانته ماقدر أحمد يوقف من الكلام اللي يسمعه .. يلس في مكانه وعلي حاول يواسيه .. اشتلت أصوات الصياح والصريخ في الممر.. منصور أول ماسمع الخبر طلع من الممر ومن المستشفى بكبره .. عقب فتره .. فضى الممر من الناس وأحمد على حاله .. راح علي صوب رشود علي: يالله رشود.. خلنا نرد البيت رشود(يصيح): ماريد علي: رشود وقفتك هنيه مانها فايده رشود مارد على علي وربع صوب غرفة العمليات وحارب ربع وراه وقبضه حارب: رشود وين تبا؟؟ رشود:انت شو تبا .. مايخصك حارب: راشد.. ممنوع تدخل ..مابيخلونك رشود(يصارخ): هدني.. قلتلك مايخصك فيني...(وبنبرة ترجي) دخيلك خالي أبغي أشوف مانع .. مانع مابيخلينا . مانع قوي أنا أدري به.. مابيخلينا حارب: رشود خلنا نرد البيت انت مابيخلونك تدخل .. خلاص هالباب سكروه الحين .. علي: حارب منصور وين؟ حارب: ماأدري به علي: دورته مالقيته.. دوروا منصور في الممرات والغرف بس مالقوه .. علي: حارب انت رد البيت وأنا بدوره وبييبه حارب: شو أرد انت بعد .. خلنا ندوره علي: رد انته وصل رشود .. شكله مايقدر يمشي .. حارب: تعال انته بنسأل الشرطي اللي برا طلعوا من قسم الطورئ كانوا وصلوا عند الباب .. علي( يقبض حارب ويأشر على مكان منصور): حارب لف حارب ع المكان اللي يأشر صوبه علي شاف منصور من بعيد قاعد عند وحده من الشير اللي فالمستشفى وراسه على ركبه .. علي: اركبوا انتوا ... أنا بسير أييبه وبي ركبوا حارب ورشود السياره وعلي راح صوب منصور .. حارب يشوفهم .. عقب عشر دقايق تقريباً ردوا علي ومنصور .. ركبوا السياره وردوا البيت .. يغيرون ملابسهم وبيروحون صوب أهل مانع.. ******* عقب صلاة المغرب قعدنا في بيت أم عبدالله فالصاله .. عقب ما اتصل علي حق امه وخبرها .. وحالنا منجلب ...محد منا توقع هالخبر .. صدمه حلت علينا .. مانع الولد الطيب اللي كل حد منا في هالعايله يحبه .. كان مسوي ربشه ويا منصور في هالبيت ...مانع كان وجوده حاله حال منصور ورشود اللي مايفارقهم .. واحد من أهل البيت .. توصل لدرجة انه يبات ويا منصور مرات..ماقدرت أقبض دموعي وشمسوه من خبروها وهيه منهاره .. من قامت الصبح وهيه تحس ان فيه شي بيصير ... حتى الظهر كانت وايد مضايجه ومالها بارض لحد دخلوا حارب وعلي ورشود الصاله.. وقعدوا.. أم عبدالله(تصيح): هوه منو عطاه هالدراجه وخلاه ينفد عمره علي: يومه ومكتوب يايدوه سلامه: الله يرحمه شيخه: منصور وين؟ بعدها شيخه ماكملت كلامها الا ومنصور داخل الصاله وبنفس الكندوره اللي كانت عليه ... عليها دم مانع .. كان لابس الكاب ومنزلنه على عيونه.. مشى على طول وانسدح على ريول أمه .. ومحد منا تكلم .. كلنا نعرف علاقة منصور بمانع .. شيخه: منصور أبويه شوبلاك منصوركان يتنفس بصعوبه وما رد على شيخه شيخه: منصور ... شي يعورك؟؟ منصور: أمايه.. أحس اني ما أروم أتنفس .. أحس بشي ثجيل على صدري أم عبدالله: بسم الله عليك يابويه تسحبت أم عبدالله صوب منصور وسحبته وحطت راسه على ريولها منصور( يحط ايده على عيونه): يدوه خلاص مانع رااااح.. راااااح أم عبدالله ماعرفت شو تقوله .. لوت عليه وتمت تصيح .. قمت وطلعت من الصاله .. ماقدرت أتحمل اني أشوف منصور بهالحاله .. مايهون عليه .. رحت البيت .. دخلت حجرتي وسكرت الباب ورايه .. لا إرادي كنت أتذكر مواقف مانع ويا منصور وسوالفه وهاللي يخلي ضيجي يزيد وحزني يكبر... ****** من دخلت البيت ما طلعت منه.. أمس كان عندي امتحان ورحت امتحنت ورديت... نفسيتي صارت زفته.. أيام العزا كلها والحريم عندهم..حتى الرياييل ... مافارقوهم .. ماكنا نشوف حد منهم الا الظهر والا فليل..والحين مرن اسبوعبن تقريباً من توفى مانع.. ومنصور ماشفته.. ولهت عليه .. ماكان ينساني كل يوم يمر عليه والا أنا أشوفه في بيتهم..امتحانات آخر السنه ابتدت وباجر بيكون رابع امتحان عليه.. عقب ما قمت من الرقاد تسبحت وطلعت الأوراق اللي ببدا دراستهن.. قلت بروح أشوف منصور.. طلعت بشوف عويش قبل إذا بتروح ويايه ... شفتها منسدحه فالصاله.. العنود: كفيش قومي ويايه عويش: كفيش تقولج ويعة سيفوه العنود: غربلا هالراس.. ليش تدعين؟؟.. عويش: انتي تدرين ليش.. وبعدين وين تبين تنفدين؟ العنود: اتولهت ع منصور بسير أشوفه شو مسوي فالامتحانات عويش: دخيلج ما أقدر.. رشود هنيه مسولي محزنه.. بعدني أسير أشوف منصور ..لادخيلج العنود: رشود وين؟؟ عويش: توه بالموت دخل يدرس العنود: برايج عيل .. أنا بسير أشوف منصور .... دخلت بيت أم عبدالله ومشيت صوب بيت شيخه.. شفت حارب واقف عند القراجات ويا سالم .. من اسبوعين ماشفتهم .. مارحت صوبهم كملت دربي صوب بيت شيخه .. بس وقفني صوت حارب يوم زقرني حارب: العنوووووووود.. لفيت صوبهم لقيتهم يضاربون وسالم يضرب حارب بسماعة التيلفون .. عرفت ان سالم مضيج ع حارب لأنه زقرني.. تميت واقفه مكاني هب عارفه شو أسوي .. حارب: شو اسوين .. تعالي ماتسمعيني أزقرج.. سالم: لا لاتين.. سيري داخل يالله .. احترت ماعرفت أسمع كلام منوه منهم!!... مت من الحر.. بتيني ظربة شمس وأنا موقفه.. حارب: ماعليج منه تعالي.. سالم: تعالي العنود تعالي مشيت صوبهم وأنا مستحيه.. حارب واقف وسالم وياه.. أكيد بيغلس عليه العنود: السلام عليكم سالم&حارب: وعليكم السلام.. حارب: شحالج العنود سالم: جب انته.. لا ترمس خالتي حارب: سر لاه .. خلاص صارت حرمتي.. مالك أمر عليها سالم: بعدكم ماعرستوا.. يوم بتعرس سو اللي تباه حارب(بضيج): الحين شوه؟؟ سالم(ببرود): ماشي .. تبا تقولها شي .. قولي وأنا بقولها حارب: انزين بسلم عليها .. عنلاتك سالم: العنود يقولج حارب شحالج.. العنود(بنقمه): لا والله ... توكم تذكرتوا ان حد عندكم سالم(باستهبال): أنا مايخصني هذا حروب حارب: وين أنا !!!... انت حاشر الدنيا ماتباني أرمسها سالم: قلت لك عقب العرس سو اللي تيباه أما الحين لاء حارب( صدق فول): لاااااااا إله إلا الله.. اللهم طولج ياروح العنود: أقولكم .. أنا بدخل داخل .. عقب ماتخلصون ظرابتكم دخلوا حارب: زين جيه سالم: لالالا خلاص خلاص تعالي حارب: سلوم.. ان ما راويتني مقفاك .. بوطاك بالسياره سالم: جلب ويهك .. يالله قول اللي تباه بسرعه خلصني عندي شغل حارب: وانت منو حلف عليك تيلس.. تيسر فديتك سير كمل شغلك سالم: لا لا أدري انكم بتستحون ... عشانكم بضحي بوقتي الثمين وبيلس وياكم حارب: لا حبيبي قبض الدرب وسير في هالوقت يا علي صوبنا.. متكشخ الريال شكله بيسير مكان.. علي: انتوا شو موقفنكم هنيه فهالحر؟؟ سالم: هذا حروب الأهبل علي: وانتي شو موقفنج عندهم .. يالله داخل.. حارب: كملت علي(يبتسم): أقول .. شعنده الحبيب مشوط سالم: أقول بوحسن...تراه ان ماتحركنا الحين صدق بيشوط وبيذبحنا علي: أوه أوه .. عيل يالله .. الشرده نص المريله ركبوا سيايرهم وطلعوا من البيت.. حارب: أففففف .. حشا عيال خواتج أذا مارديت عليه .. تميت منزله راسي وأنا مضيجه من سالم.. يعني شوبيصير لو خلا حارب يقول اللي عنده بسرعه وهو واقف .. بدون مايغلس عليه.. حارب: شحالج عنودي؟ العنود: الحمدالله.. شحالك انته؟ حارب: مرتفع ضغطي من عيال خواتج العنود: تراهم عيال خوانك بعد حارب: ماعلينا منهم.. غريبه انتي عندنا.. من زمان ماشفناج العنود: قلت بي أشوف منصور من متى ماشفته .. اتولهت عليه حارب(مبتسم): يااااحظ منصور والله استحيت ولفيت بويهي عنه وأنا أعدل شيلتي حارب: جان زين لو بتين تطمنين عليه كل يوم العنود: لا شو كل يوم!!.. أنا عندي امتحانات حارب:انزين .. يبت لج كتلوجات تختارين الأثاث اللي يعيبج .. ترا ماشي باقي العنود(مستحيه):قلت لك سو اللي تباه حارب: لا شو أسوي اللي أباه.. شميس وحمدوه هب أحسن عنج .. شاوروهن في كل شي العنود: أنا عادي ما يهمني حارب: بس أنا يهمني طلع حارب كم كتلوج من السياره وياصوبي .. بغيت أموت ماشي بيني وبينه الا مسافه قصيييره ..وارتبكت ماعرفت شو أطالع وشو أختار حارب: شو رايج في هذا العنود: أ أ أ حلو حلو حارب: عنودي .. أنا أبا رايج انتي لفتني واحد كان شكله وايد حلو حارب: ايج شور... شليهن كلهن واختاري اللي يعيبج منهن .. وأنا باجر بي صوبكم وبشوف شو اخترتي العنود: انشالله خذت الكتلوجات ورحت عنه.. دخلت البيت وأنا بموت من الحر.. لقيت منصور منسدح والكتب عداله.. وشيخه تحاول وياه تباه يدرس العنود: السلام عليكم شيخه: وعليكم السلام.. هلا العنيدي شحالج العنود: يسرج الحال.. انتي شخبارج ؟ شيخه: دخيلج يالعنود.. تعالي درسيه .. مارمته يزخ كتبه منصور: أمايه دخيلكم خلوني انا يوم ابا أدرس بدرس .. لا تيلسولي صدعه العنود: ماعليج انتي أنا بدرسه .. خليه عنج شيخه: فديت روحج.. أنا بسير صوب عمتي العنود: الله يحفظج لفيت على منصور اللي من شافني شاله كتبه ويايه صوبه لف عني العنود: منصور قوم منصور: بدرس روحي .. ماأبغي حد يدرسني العنود: انزين قوم رمسني يلس منصور مجابلني.. منصور: نعم..شوتبين ؟ العنود:شو سويت فالامتحانات منصور:ما أدري العنود: منصور... يلستك هذي بلا دراسه مابتفيد في شي .. ومابتستفيد منها.. بتضيع على عمرك السنه كلها .. حرام عليك منصور: شبعت من هالكلام.. شو تبون الحين .. تبوني أدرس خلاص بدرس خلوني قبض الكتاب وفتحه وحطه جدامه أونه يقرا.. العنود: محد يدرس جذيه .. اللي يدرس يدرس بتركيز.. وبعدين هذا رياضيات.. منو يقرا كتاب الرياضيات عشان يدرس امتحان.. أنا أول مره أشوفها منصور(بضيج): عنودي دخيلج .. خلوني ع راحتي ما اريد أدرس حرام عليييكم العنود: منصور لو يلستك على هالحال بتفيدك جان ما قلنالك شي .. بس انت تضر عمرك منصور(يتنهد):....... العنود: قوم الحين تمشى شوي برا ورد عشان أدرسك منصور(بحزن): أتمشى ويا منوه؟؟ العنود: خلاص قوم العب بلي ستيشن شوي وبردلك أدرسك ركبت فوق وشفته رايح صوب التلفزيون .. دخلت حجرة شميس حصلتها راقده العنود( تخوز اللحاف): كاااااااااااااااااااا شمسوه: وويعاااااااااااااه.. قومي عني .. العنود: قومي بسج خستي رقاد شمسوه: انزين هب ع راسج .. انتي شو يايبنج؟ العنود: يايه أشوف منصور .. لا اتحرين عسب سواد عيونج شمسوه: عيل مغلطه فالحجره .. سيري الحجره اللي عدالي العنود: لا هب مغلطه .. منصور يلعب وبرد أدرسه .. قومي بشاورج شمسوه( تيلس): خير شو عندج عطيتها الكتلوجات شمسوه: شو هذا؟؟ العنود:كتاب احصاء .. شو هذا بعد.. انتي شوتشوفين ؟؟ شمسوه: سم انشالله .. مالقيتي غير هالاسم.. شو سويتي فامتحانج اليوم؟ العنود: يعني .. كان صعب شوي شمسوه: منو عطاج هالكتلوجات؟؟ العنود: عيل عرفتي انهن كتلوجات فرتهن فويهي ... ودخلت الحمام وهيه تتحرطم شمسوه: سخيفه.. واللي يلس وياج أسخف يلست أجلبهن وأنا محتاره هب عارفه شو أختار .. طلعت شمسوه وقعدت عدالي.. ماسوت لي سالفه .. اتصلت حق حمدوه وخلتها تي صوبنا.. نزلنا تحت فالصاله ويتنا حمدوه حمدوه: السلام عليكم شمسوه: وعليكم السلام .. تعالي شوفي حرمة عمج حمدوه: بلاها شمسوه: محتاره ماتعرف شو تختار قعدنا نتشاور ويعطني رايهن .. خليتهن وعقب يلست ويامنصور أدرسه لين أذن العشى وعقب رديت البيت .. دخلت حجرتي ويتني عويش وشافت الكتلوجات .. عويش: ماشالله .. متى يابهن الحربي؟؟ العنود: اليوم عطاني اياهن عويش: بعاااااااااااااد .. مواعيد من ورانا العنود: مواعيد فعينج ... شفته بالصدفه عويش: بس انزين فكينا... شو اخترتي؟ قمت راويتها اللي اخترته عويش: لا والله حلو الصراحه العنود: عقبالج عويش: وييييين دخليج طبي هالسالفه العنود: ليش انشالله ... بعدج صغيره وحلوه وعندج عمه مثل القمر ضربتني ع راسي ضربه خفيفه عويش: مالت عليج يالخقاقه .. وانتي شلج هوه بياخذني والا بياخذج العنود: لا بياخذج بس لازم يشوف سلالة العايله كلها عويش: الله يستر عيل جان انتي عمتي وخلوف أخويه .. أكيد بيتعايز العنود: مالت عليج .. ودج انتي وياه خليف(يدخل): منو يطريني العنود: انت شو مطلعنك من الميلس ... روح ادرس يالله خليفه: حشى من يشوفني حد منكم تلقفني شو مطلعنك شو مطلعنك !!.. حشى خلوني أتنصخ شوي عويش: انزين تنصخت والا بعدك خليفه: لا بعدني .. أقول عويش و العنود: قول خليفه: حشى.. متواعدات عويش: خلصنا شو تبغي .. شكلك ياي تبغي مصلحه خليفه: هيه والله أبا مصلحه .. السالفه فيها نجاح أو رسوب العنود: خيبه خيبه .. يالله قول خليفه : أبغي أوراق من عند لطوف .. وحده منكن تسير ويايه اطالعنا بعض أنا وعويش ووابتسمت عويش ابتسامه خبيثه حاولت تخفيها بس ماقدرت.. خليفه: شعندج؟؟ العنود: أوراق شوه؟ خليفه: أوراق انجليزي عويش(بخبث): ليش انت شدراك ان لطوف عندها الأوراق اللي انت تباهن خليفه: أنا ماخذنهن عنها من قبل بس ضيعتهن .. عويش أنا قلت لج تقوليلها العنود: دورهن بتلقاهن خليفه: دورتهن مالقيتهن عويش: هيه .. انزين والمطلوب الحين خليفه: قومي شلي بعمرج تعالي ويايه .. أنا أستحي أسير بروحي عويش: ارتاح محلك .. لطوف طرشت الأوراق خليفه(بصدمه): قولي والله عويش: والله اليوم شفت ساروه فالجامعه وعطتني اياهن خليفه: انزين جلبن ويوهكن وقبل لا يطلع خليفه عنا .. عويس:تعال ماتبغي الأوراق ؟ خليف: بعدين بعدين العنود: بعدين!!.. توه الحين امره الحين.. ماسوالنا سالفه .. طلع ورض بالباب .. متنا من الضحك عليه عقب العشى دخل علينا حمد وشاف الكتلوجات وعطاني رايه.. بس طبعا مارحموني من التغليسات هوه وعياله.. ..... قمت الصبح من الرقاد كسلانه مالي بارض على شي ومافيني طاقه للدراسه .. يلست أتلعب تقريباَ ساعه وعقبها ابتديت أدرس .. وآخذ لي بريكات.. وعقب الغدا رديت أرقد وأرتاح .. ما أدري ليش فالامتحانات يحل النوم فجأه ومانقدر نقاومه..كملت رقاد لين العصر وعقب قمت أكمل دراسه لين قبل أذان المغرب... فتحت المنتدى ولقيت شموه على المسن ... ويلست أسولف وياها .. عقب صلاة المغرب .. دخل عليه رشود.. رشود: عنود تعالي خالي حارب يباج العنود(منصدمه): ليش؟؟ رشود: شدراني.. قالي ازقر العنود تذكرت الكتلوجات .. أكيد ياي يشلهن .. ويشوف شو اخترت.. قمت رتبت شعري ولبست شيلتي وطلعت رحت عند عويش أبا تي ويايه.. ******* |
الـــــــــــــــــجزء الـــــــــــتاســـــــــع والثــــــــــــــــــلاثيـــــــــن فالصاله كانت آمنه يالسه ويا حارب ... وهيه مضيجه منه حارب:أفاااااااااااا.. الحين انتي ماتقوليلي ليش فاتنه وماده بوزج آمنه: حروب .. فكني من صدعتك حارب: انزين أنا الحين شو مسوبج .. ؟؟ تامه جبريت آمنه:ماسويت شي .. حارب: انزين قوليلي ... شفتي الكتلوجات ..شو رايج.. عيبج شي؟؟ آمنه: ماشفتهن..أصلاً ماراوتني اياهن.. حارب: انزين الحين بتيبهن وبراويج .. نبغي شورج عاد آمنه: مالي حايه فيكم أنا عرسك من البدايه هب راضيه عنه .. لا تشاوروني في شي حارب:لااااااا إله إلا الله.. أنا أبغي أعرف انتي ليش هب راضيه بالعنود.. آمنه: عيل انته تخلي بنت خالتك وتاخذ هاي الغربيه حارب: العنود هب غريبه.. عنبوه ماخذين خواتها واخوها ماخذ اختيه وبعدها غريبه.. آمنه: لا غريبه .. أمها غريبه عنا حارب: انتي محد يتعايا وياج .. اللي في راسج مايتغير.. والحين أنا ملجت خلاص آمنه: وبنت خالتك؟ حارب: أنا ماقلتلكن سيرن عشمنهن .. أنا قايل حق أمايه اني ما أباها..عندها عيال عمها مابيرخصونها.. آمنه: وانت شدراك انهم مابيرخصونها؟؟ حارب: آمنه هالكلام مامنه فايده.. الحين خلااااص.. آمنه: لا منو قال خلاص.. انتوا بعدكم ماعرستوا حارب(بضيج): آمنه شو تبني أطلقها؟؟؟...عنبوه شو بتقول عني الناس؟؟! آمنه: برايها.. انت أحسنلك تاخذ بنت خالتك حارب: واللي يرحم والديج .. فكينا .. عنبوه الحين لازم أكون لها ستر تبيني أخليها !! .. حرام عليج البنت مالها حد آمنه: وانت شعليك.. شعنه متكفل بها؟؟؟ .. عندها أخوها وخوالها... حارب: آمنه حرام عليج .. خافي ربج البنت يتيمه مالها حد .. آمنه: انت ماتعرف العنود .. هذي حيه.. أنا أعرفها .. وأنا تراني أقولك بنت خالتك أحسن لك وأسترلك.. حارب: آمنه.. أنا خذت البنت الحين وبستر عليها .. رمستج هذي أنا مابسمعها... حشى أنا الحين أشوفها قلبي يعورني عليها .. تبيني أطلقها!!!.. أنا أدري انها مالها حد.. حتى لو أخوها موجود تراه معرس,, وخالها بيعرس بعد .. وبعدين انتي تعالي .. ماتبين الفكاك منها.. خلاص أنا بفكج وبريحج منها..أنا باخذها عشانج بس شو تبين بعد؟؟ آمنه: برايك أنا ماطلبت تفكني منها؟؟؟ حارب(بضيج): لااااااااا إله إلا الله .. اللهم طولج ياروح ... والحيييين آمنه: كيفك أنا قلتلك ونصحتك ... حارب حاول بكل الطرق ويا آمنه بس هيه هب راضيه تغير رايها ... ****** نزلت ويا عويش من فوق ووصلت على كلام حارب.. اللي كان مثل الكف على ويهي.. صدمني وخلاني ما أعرف شو أقول.. هذي آخرتها.. الحين حارب ماخذني بس لأنه مالي حد ع قولته.. أو انه يبغي يفك آمنه مني .. ليش أنا شو اللي سويته لها.. صدق سخيييييييفه.. لفيت أطالع عويش اللي كانت منزله راسها.. كانت بتدخل عندهم.. بس قبضتها من ايديها... انترسن عيوني بالدموع .. وكلمتها بصعوبه.. عطيتها الكتلوجات.. العنود: قوليله يسوي اللي يباه ويريحه.. ولا تقولين حق حد عن اللي سمعته.. خصوصا حمد وحارب لفيت عنها ودخلت حجرتي.. سكرت الباب وانهرت ما عرفت شو أسوي .. تفكيري مشلول الحين .. مافي شي في بالي أقدرأسويه...قعدت تقريباً ساعه وأنا على حالي... عويش حاولت ويايه أكثر من مره اني أفتح الاها الباب .. بس أنا مالي بارض على أي حد.. الساعه ثمان تقريباً اتصلت حق حمد... حمد: مرحبا العنود: السلام عليكم حمد: عليكم السلام .. هلا والله العنود: وين دارك؟ حمد: والله ساير المسيد.. شي فخاطرج؟ العنود: هيه.. حمد: آمري.. العنود: لا خلاص برايك .. يوم بترد برمسك.. حمد:خلاص عيل .. اتريني.. العنود:الله يحفظك سكرت عنه وتوضيت وصليت العشى وطلعت اكلم لامي..رديت الحجره لقيت عويش طالعه منها.. عويش: عنودي العنود(بجديه): عويش.. خلاص ما أريد أتكلم في شي .. الحين بي حمد وبكلمه.. عويش(تقاطعها): العنود عن الخبال.. لاتسوين لعمرج مشاكل.. العنود: عويش ما أريد أتكلم في شي خلاااص دخلت حجرتي وعويش تمت برا واقفه .. خليت الباب مفتوح إذا كانت حابه تدخل.. بس مايت ****** ركبت عويش فوق.. ربعت تتصل حق شمسوه وحمدوه شمسوه: ألــــــــــــــــــوووووووووه عويش(بعصبيه): واللغثه شمسوه: حشى شعندج؟ عويش: الحقني شمسوه(باستهبال): هاه ريلج مات؟؟ عويش: مب وقت استهبالج هذا .. قومن تعالن بسرعه شمسوه: عويش شو بلاج ؟؟ عويش: تعالن شوفن خالتكن الخبله شمسوه: شو بلاها عويش: ماتبغي حارب شمسوه(منصدمه): شوووه!!!... شو اتخبلت والا شوه ؟؟! عويش خبرت شمسوه بكل شي .. شميس ماعرفت شو تقولها .. أمها غلطانه بس ماتعرف شو تقول شمسوه: وحارب شو قالج يوم عطيتيه الكتلوجات عويش: مالقيته.. طلع وهو معصب من أمايه شمسوه: برايج الحين بيي صوبكن عويش: يالله باي سكرت شمسوه عن عويش..وعلى طول ين عند العنود ****** كنت في الحجره وأحط ملابسي فالشنطه .. دخلن عويش وحمدوه وشميس..وسكرن الباب وراهن شمسوه: السلام عليكم العنود(بصوت خفيف): وعليكم السلام حمدوه: انتي شو تسوين؟؟! العنود: شوفت عينج شمسوه: عنودي.. المواضيع ماتنحل بهالطريقه لفيت على عويش وأنا عيوني يطلع منها شرار قلت الها لا تخبرين حد عويش: لا اطالعيني .. تبيني أشوفج ادمرين عمرج وأسكت .. انا مابعرف أتصرف روحي العنود: ماأبغي من حد يتصرف.. انا روحي بصرف عمري شمسوه: لا والله .. تطلقين وجذيه بتصرفين عمرج؟؟! لفيت عنها وأنا مستغربه كلامها .. هذي شو تقول العنود أطلق!! حمدوه: مب انتي بترمسين خالي حمد انج ماتبينه العنود: وانتن منو قالكن اني بقول حق حمد اني ما أباه؟؟! حمدوه وشمسوه: عويش لفيت على عويش أطالعها بغباء .. عويش: هب انتي قلتي ترمسين أبويه؟؟ العنود: لو خليتيني أكمل كلامي بتعرفين شو بقول حق أبوج .. شمسوه: انزين انتي الحين شو تسوين؟ العنود:بسير عند يدوه .. هناك أريح لي عويش: وشو بتقولين حق حمد إذاسألج عن السبب؟؟ العنود: أنا أعرف أتصرف شمسوه:وناويه اتمين هناك خلاااص العنود: الله يعلم.. حمدوه: أهم شي انج ماتقولين حق خالي انج ماتبين حارب.. العنود( وعيونها يتغاقن): لا فديتج.. أنا ماسرت حق حارب وقلت له تعال اخطبني .. أنا مابيب الرمسه لعمري.. وهو إذا مايبناني قوليله اني أنا بعد ما أباه.. وماأبغي شفقه من حد ..الحمدالله لي رب مابينساني حمدوه: عنود عن السخافه .. انتي تعرفين ان حارب يباج وقفت ورحت عند الدريشه.. خلاص رديت أصيح من أول ويديد.. العنود: انتي لو سمعتي كلامه ويا آمنه... مابتقولين هالكلام شمسوه: العنود غسلي ويهج ولا تخلين خالي يشوفج وانتي تصيحين ... أكيد بيشك فالسالفه ....... عقب ساعه تقريباً رحت عند حمد فالصاله .. العنود: حمد حمد: عونج العنود: بغيتك فرمسه حمد: آمري بنت سيف العنو(منزله راسها): لا مب هنيه طلعت ويا حمد من الصاله وأنا أقاوم الدموع .. ما أقدر أبين له اني مضايجه من شي...ومحطيه في بالي اني أقنعه انه يخليني مده طويله عند يدوه العنود: حمد .. بغيت شي .. دخيلك لا تردني فيه حمد: امره مابردج جان قدرت العنود:أبغي أسير بيت يدوه حمد(مستغرب): عنودي أنا من متى رديتج عنها العنود: لا أنا أبغي أسير أبات بيت يدوه حمد: ولا رديتج عن المبيت هناك .. تراج تسيرين دوم تباتين عندها العنود: حمد انا أبغي أسير وأطول عندها حمد: العنود شو بلاج حد قالج شي العنود: لا حمد.. محد قالي شي .. بس أنا يدوه من زمان ماشفتها .. وعقب مابقدر أسيرلها واايد حمد(يبتسم): حتى نحن عقب ماتعرسين مابنشوفج .. من يشلج الحربي خلااااص .. مابيفجج العنود(تحاول تضغط على عمرها):لا ماعليك .. كل يوم بييك .. بتمل مني حمد:لا أفا عليج .. حد يمل من اخته العنود: هاه الحين شو قلت حمد: عنودي أنا مابردج .. بس ما أباج اوطولين.. ما أرتاح يوم تكونين بعيده عني العنود: ماعليك انته.. أنا بكون بخير .. ليش أنا وين سايره أنا سايره عند يتديه حمد: اللي يريحج .. مابردج.. بس يوم أباج بسير أييبج العنود(تبتسم): خلاص .. دخلت الحجره وقفلت الباب ورايه .. مالي بارض على حد .. بحاول أقبض كتابي شوي .. هالتفكير مابينفعني.. أدرس أبركلي.. بس ويييين؟؟ ماقدرت أركز في شي ..إذا الإنسان اللي حبيته ووافقت عليه أسمع منه هالكلام.. تذكرت الحلم اللي حلمته عقب الاستخاره .. ماأدري شو اللي ريحني .. درست شوي وبعدين رقدت ... قمت الصبح الساعه عشر على صوت دق ع الباب..قمت فتحت الباب عويش: صباح الخير العنود: صباح النور عويش: الساعه كم امتحانج؟ العنود: 12:30 عويش: تلبسي وتعالي بنتريق وبنطلع العنود: أوكي طلعت وعويش وانا جهزت نفسي وطلعت كتبي وحطيتهن في شنطة اللاب توب.. رحت زقرت لامي تشل الشنطه وباقي الأغراض ودخلت الصاله .. العنود: السلام عليكم الجميع: وعليكم السلام يلست عدال عويش أشرب حليب وهيه تكلمني وأنا سرحانه عنها عويش: حوووووه العنود: انتي ليش سايره الجامعه ؟؟ ماعليج امتحان اليوم عويش: بسير أسلم بروجكت .. العنود: انا برد على طول بيت يدوه عويش: خلاص مصره.. العنود: هيه ... خلاص .. عويش: ومتى بتردين ؟؟ العنود: ما ادري عويش: والزهاب ؟؟ العنود: يلتقع .. هب لازم أخلصه عويش: تستهبلين .. ماشي باقي شهر واسبوعين تقريباً العنود: الله يعلم شو بيصير لين ذاك اليوم عويش: شو تقصدين؟ العنود: سكري السالفه .. بس مليت منها قبل ما أطلع سلمت على عموه العنود: يالله عموه فمان الله أم حمد: جيه بنتي ... وين سايره؟؟ العنود: بسير الجامعه وعقب بسير بيت يدوه ببات عندها أم حمد: هيييه ... سلمي عليها العنود: سلام يبلغ بالخير طلعنا من البيت ورحنا الجامعه.. عويش عقب ماخلصت ردت البيت وأنا اتصلت حق سليم وسرت بيت يدوه ... الـــــــــــــجــــــــــــــــــــزء الأربــــــــــــــــعيـــــــــــن ...... دخلت البيت وماحصلت حد... دخلت حجرة نوروه لقيت لامي مخليه شنطتي والأغراض .. عقيت عباتي وشيلتي ورحت عند المطابخ... شفت يدوه حاشره الدنيا على البشكار العنود: السلام عليكم لفت صوبي ومن شافتني قامت ربعت صوبها .. سلمت عليها .. أم غيث: فديييت طاريج.. شحالج غناتي العنود: الحمدالله شحالج يدوه أم غيث: الحمدالله بخير يعلني فداج .. منو يابج ؟؟ العنود: الدريول أم غيث: تعالي داخل عن الحر العنود: وانتي شو ميلسنج فهالحر؟؟ أم غيث: هالهرم .. مايخلي دار.. والبشكاره هادين حيلها بالشغل وهوه الا رقاد والا هوامه العنود: انتي لاتضغطين عمرج .. برايهم ينفدون... غيث وين ؟ أم غيث: بعده مايا .. تونا ندخل الصاله الا وهوه ورانا غيثص(مبتسم): أوووووووووه العنيدي عندنا اليوم العنود: هلا والله غيث: مرحبا الساع سرت صوب غيث سلمت عليه .. غيث: متى ييتي؟ العنود: توني .. طلعت من الجامعه ييت صوبكم غيث: بتباتين والا بتروحين اليوم ؟؟ العنود: لا ببات ..بتمل مني حتى أم غيث: فديت روحج ما ودنا نفارقج العنود: بجابلج شهر.. شو تبين بعد غيث: خيييبه شهر.. لايابوج... بتأذيني شهر..يالله سيري بيت ريلج يالله العنود: مابيلس ع راسك .. جلب ويهك غيث: انتي وين ريلج عنج... قلتيله انج بتين عندنا ؟؟! من قال غيث هالكلام .. حسيت بضيج حاولت أخفيه .. العنود: لا ماقلت له غيث: ليش ماشاورتيه؟.. خلاص هو الحين ريلج ولازم تشاورينه ... العنود:بعدني في بيت أهلي .. يوم بسير عنده بشاوره أم غيث: لايابنتي ..لازم تشاورينه هوه ريلج الحين العنود: وين ألقاه أشاوره .. أنا يوم أبغي أسير مكان أشاور حمد أخويه غيث: ليش انتي ماترمسينه ؟؟ العنود: لا غيث: هيييه ..زين عيل سيري خلي البشكاره تحط الغدا .. أنا يوعان العنود: انشالله ماصدقت أطلع عنهم .. مسحت دموعي بسرعه وقلت حق البشكاره تحط الغدا ... كلت شوي من الغدا بس عشان مايحسون بشي.. وعقب رقدت يدوه فالصاله ونحن دخلنا الحجر.. غيرت ملابسي وانسدحت أبغي أرقد ... بس وين الرقاد من أختلي بنفسي أبتدي بالتفكير.. ليش يا حارب..ليش؟؟ ليتني ماسمعت هالكلام وتميت ع عمايه ..الله يسامحج يا آمنه؟؟... من كثر الصياح ماقدرت أرقد... سمعت أذان العصر قمت صليت ورديت أحاول أرقد.. بس خلاص النوم جافاني... أحس بأرق فضيع .. طلعت لقيت يدوه فالصاله العنود:هاه يدوه وين تبين ؟ أم غيث: بسير صوب بيت خالج .. مابتخاويني؟؟ العنود: لا لا.. عندي امتحان .. أبغي أدرس أم غيث: انزين تعالي بتسلمين عليهم العنود: مره ثانيه انشالله أم غيث: برايج عيل.. وعي خالج مانش يصلي العنود: انشالله طلعت يدوه وأنا سرت المطبخ سويت لي كوب جاهي ورديت .. وعيت غيث وطلعت عنه.. دخلت الحجره .. بغيت أدرس بس مالي نفس .. فتحت اللاب والمسن ومالقيت حد فيه .. الكل يدرس .. وفالامتحانات محد يدخل.. طلعت كتبي وحاولت أدرس شوي ... هالتفكير والضيج ما بينفع في شي واللي كاتبنه رب العالمين بيصير .. عقب صلاة المغرب يتني نوروه ويا أسوم ..تناسيت الضيج اللي فيني وارتبشت وياهن ورحت وياهن لين صلاة العشى وعقب رديت البيت .. دخلت حجرتي لقيت 6 مكالمات من شميس .. الله يستر منها .. طلعت أتعشى وعقب رديت ارقد... ******* يوم الجمعه كان الغدا بيت حمد .. وفي هالوقت كانت عويش يالسه فالصاله وشمسوه وحمدوه عقب ما اتغدن ... شمسوه: عويش رمستي عنود؟ عويش: اتصلت لها أمس فالليل أكثر من مره ولقيته مغلق .. شمسوه: أنا اتصلت لها بعد .. وكله مغلق حمدوه: شو رايكن نروح عندها شمسوه(تستهبل): لا والله .. بصراحه وايد حلوه فكرتج حمدوه حمدوه: تتطنزين؟؟ عويش: حمدوه عن الاستهبال منو بيخلينا نسير عندهم ؟؟ حمدوه: بنقول حق حارب عويش: أنا مالي شغل .. كلتني يوم خبرتكن ...هالمره أقول حق حارب!!... هيه أصلاً قالتلي ماتبغي لاحمد ولا حارب يدرون عن شي.. حارب(يدخل): ماندري عن شوه في هالوقت عويش وحمدوه وشمسوه كلهن انصدمن ان حارب دخل عليهن... ولا وحده عرفت ترد عليه حارب: أرمسكن .. ندري عن شوه؟؟... شو صاير؟؟ حمدوه:أأ ..مم .. أأ ... انت من متى واقف تسمع؟ حارب: مايخصج.. أسألكن ليش ماترمسن.. ووين العنود؟؟ عويش: العنود سارت بيت يدتها حارب: من متى؟ عويش: من يوم الثلاثا حارب: وليش ماقالت لي؟ عويش: هيه شاورت أبويه..وبعدين انتوا بعدكم ماعرستوا .. حارب: شقايل تسير .. والأثاث؟! عويش: عطتني الكتلوجات.. وتقولك سو اللي يريحك حارب: اتصليلها .. أبغي أعرف هيه شو تبغي .. بسرعه خلني أخلص منها وأرد عسالفتكن ردن البنات منصدمات .. عبالهن ان حارب نسى السالفه .. بس هوه مصر يعرف .. وماعرفن شو بيقولن له.. والضيج باين على ويهه حارب: ماتسمعين؟؟... قومي هاتي الكتلوجات واتصليلها ... قامت عويش يابت الكتلوجات وردت .. شمسوه: حارب.. حارب: ما أبغي أسمع شي .. اتصلن لها .. والا أقولكن عطني رقمها.. حمدوه: هااااااااي.. وين تبا .. ماشي رقم بتصلها وبعطيك اياها ترمسها حارب: جب .. يالله اعطني برمسها قامت عويش يابت تيلفون البيت واتصلت حق العنود بس كان مغلق.. عويش: مغلق.. حارب: شعندها غالقه تيلفونها ...زين ماعليه.. قوللي الحين .. شو السالفه اللي ماتبوني أنا وحمد نعرفها .. والعنود ليش من أمس غالقه تيلفونها..؟؟ ولا وحده من البنات ردت عليه ..كل وحده منزله راسها ومب عارفه شو تقول حارب( بضيج): ليش ماترمسن؟؟ حمدوه: حارب.. هذي سوالف بنات .. حارب: خلن هالرمسه عنكن .. لابنات ولاشباب.. شو عندها العنود؟؟ حمدوه: انزين انت ليش مصر تعرف.. نحن مانقدر نقولك البنت ماتبغي حد يدري حارب(معصب): ليش ماتبغي حد يدري.. شومسويه؟ عويش(بعصبيه): شو مسويه بعد.. وانتوا الريايل كله تفكيركم زفت حارب: جب يالله .. ولا وحده تير لسانها .. بترمسن والا شوه ..شو مسويات شمسوه عصبت من الصبح وهيه ساكته مارمست .. وماتقدر تتحمل أي فكره زياده شمسوه: وليش انشالله ..تهمك العنود لهالدرجه!! حارب (يوقف مجابلنها): أكيد تهمني..جيه نسيتي انها حرمتي .. شمسوه: حرمتك برضاك والا غصباً عنك حارب(وبدا يعصب): انتن شو سالفتكن اليوم شمسوه: نحن ماعندنا سالفه.. السالفه عندك انت وعموه آمنه حارب: أنا وآمنه!! شمسوه: حارب بالمختصر المفيد.. العنود سمعت رمستك ويا عموه آمنه من كم يوم .. ومن ذاك اليوم وهيه ماتتحمل شي .. سارت بيت يدتها وغالقه تيلفونها ماترد على حد حارب: شوووه!! عويش: وقالت لي انها ماتبغيك لا انته ولا أبويه تدرون انها سمعتكم .. انت تعرف أبويه بيجلب الدنيا.. حارب يلس يطالع البنات وهوه معصب عليهن .. حمدوه: الحين هيه زعلانه.. ومن الخاطر معصبه حارب: تو الناس .. الحين تفيجتن تقولن..!! شمسوه: هيه مابغتنا نخبرك .. وبصراحه من حقها تزعل .. ولا وحده فينا ترضاها على نفسها .. ولا انت تراضها لنا يا حارب طلع حارب عنهن .. وهو معصب منهن .. متلوم فالعنود.. طلع بسيارته يتمشى ويتذكر الكلام اللي كان بينه وبين آمنه ... بس هالكلام ماكان من خاطره .. قاله بس عشان يفتك من حشرة آمنه ويراضيها.. ........ ومن طلع حارب الظهر ما رد البيت ... والبنات يتصلن خايفات عليه وماقدرن يخبرن حد .. أكيد انهم بيسألون ليش طلع معصب.. وبتكبر السالفه .... عقب صلاة المغرب دخل حارب البيت وشمسوه كانت فالصاله ويا يدتها حارب: السلام عليكم أم عبدالله: وعليكم السلام.. عنبوه انت وين ؟؟ حارب: كنت في دبي أم عبدالله: شو عندك فدبي؟ حارب: ساير أطالع أثاث شمسوه: وكيف اخترته حارب: جب انتي .. مالج شغل ؟؟ أم عبدالله: وابويه عليك.. شعندك عليها؟؟ حارب: تعرف شو مسويه طلعت شمسوه وراحت حجرتها .. اللي حولنها تحت لأنهم بدوا يرتبون فوق لقسم حارب .. دخلت شمسوه الحجره وسكرت الباب بأقوى ماعندها حمدوه: حشى كسرتي الباب شمسوه: والله انه حروب سخيف حمدوه: ليش هو يا؟؟ شمسوه: هيه توه حمدوه: وين كان؟؟ شمسوه: فدبي.. يجهز البيت حمدوه: هههههههه .. والله انه متفيج .. الحرمه زعلانه وهو ساير يشتري الأثاث شمسوه: والحين؟؟ حمدوه: شو الحين؟؟ شمسوه: شقايل بنخلي خالتج العنز ترضى حمدوه: شدراني.. بصراحه عنود وايد مكبره السالفه .. هيه تدري ان حارب يباها من خاطره شمسوه: جب جب.. انتي سويلم يقولج كلمه انتفخي بكبرج .. والله لو أنا سامعه هالكلام عني .. جان ماسكت جان قلت لهم ما أباه حمدوه: حشى يالسانج انتي.. لغثه محد يروم عليج .. الا العنيدي حليلها شمسوه: انزين فكينا الحين .. شو نسوي قامت حمدوه واتصلت حق العنود بس كالعاده مغلق شمسوه: هاه؟؟! حمدوه : بعده مغلق .. شمسوه: والله انها تبا ضرب .... طلعن شمسوه وحمدوه وسارن صوب حارب .. دخلن الحجره لقنه منسدح ع الشربيه وشكله تعبان حارب: خير حمدوه: حارب بس عاد .. لا تنجلب ياهل الحين حارب: نعم!! ظربتها شمسوه ع راسها ويلست عداله .. شمسوه: الحربي فديتك الحين شو بتسوي حارب: شو بسوي بعد .. تدرن انكن مسودات ويوهكن .. حمدوه: انزين نحن شويخصنا ؟؟ نحن ماقلنالك سر قول هالرمسه حارب: انتن شويخصكن!! .. وعويش أنا براويها .. عيل هيه من متى تدري واتفيجتن اليوم تخبرني حمدوه: انزين قولنا انت الحين شو بتسوي ؟؟ حارب: شو بسوي بعد .. بجهز البيت وبعرس شمسوه: هههههه والعروس زعلانه حارب: برايها بترضا حمدوه: لا والله ... تسون سواتكم وتقولون بترضا.. والله يا حارب لو خالي حمد والا خالها دروا بالكلام اللي سمعته العنود مابيرضون هالكلام على بنتهم حارب: أنا ماقلت هالكلام الا عشان أفتك من صدعة آمنه .. شمسوه: والعنود شدراها انك ماقلته من خاطرك حارب: والله مشكلتها حمدوه: لا والله مشكلتك حارب: انتن مايخصكن .. يالله قومن طلعن شمسوه: الحين مايخصنا .. قبل تموت عشان نسوي لك شي .. حارب: خلاص الحين ما أحتايكن .. حمدوه: اسمع انت لازم تسير بيت يدتها .. وتشللها رضوه بعد حارب: بعد شمسوه: هيه .. اسمع انت شلنا أنا وحمدوه وعويش.. العنود تحبنا ونحن رضوتها حارب: بس ماتحبكن أكثر عني شمسوه: طالع هذا وايد ماخذ مقلب فعمره حمدوه: لا أبوي .. ده كان زماااااان ... انت ماتعرف العنيدي .. وحده ماترضا على عمرها حارب: قومن شلن عماركن وطلعن شمسوه: تدري.. نحن غلطنا يوم يينا نبغي نساعدك حارب: مشكوره .. ما أبغي مساعداتكن ..جلبن ويوهكن خلني أرتاح ... هلكت وأنا أحوط اليوم حمدوه: انزين قولي قولي .. كيف اخترت الأثاث قام حارب.. سحب حمدوه وشمسوه من شعورهن وطلعهن برا وقفل الباب ******* مرت أيام الامتحانات .. حاولت قد ما أقدر اني ما أخلي السالفه تأثر على تقاديري .. والحين من الخاطر أشد على دراستي .. لأني ماأظمن شو بيصير في حياتي .. طبيت الزهبه فالبدايه .. بس اقتنعت عقب من كلام عويش.. أكيد بيشكون دام اني ما بسير أكمل أغراضي والكل بيبدا يسأل .. رحت بيت حمد أخويه كم مره .. وكنت أتم يومين وأرد بيت يدوه وفي هالأيام ما أروح بيت أم عبدالله .. والبنات يوم يروحن السوق يخطفن عليه أو اني أسير ويا غيث ونوروه اللي ما قصرت ويايه... ،،،،،،،،،،،،،،،،،،،،، باقي اسبوعين بالضبط عن العرس .. وأنا أغلب وقتي في بيت يدوه .. خلاص نفسيتي صارت تعبانه وما أتحمل أي حد .. كنت فالحجره ونوروه ويايه .. كانت توها يايه ويا ريلها من دبي ويايبين الفستان وياهم نوروه: يالله قومي لبسيه وشوفي العنود: خلاص.. لبسته كم مره عندها شو بعد نوروه: أنا ماشفته عليج العنود: بتشوفينه يوم العرس نوروه: عنود.. لاتغيضيبي يالله قومي لفيت عنها ومارديت عليها قامت نوروه ويلست مجابلتني نوروه: عنودي حبيبتي أدري انج خايفه من حياتج اليديده .. أنا كنت مثلج بس الحمدالله الله وفقني العنود: والله يستر من حياتي نوروه: ليش هالكلام عنود؟؟؟ ... حرام عليج .. العنود: لا هب حرام نوروه: عنود وبعدين وياج .. ماصارت .. الزهاب ووايد أشياء أنا رحت أشتريها .. وإذا سرت وياج ماتعطيني رايج وإذا سرتي وياخواتج ترديلي بجلابيه والا شيله .. انتي ماتقوليلي شو عندج العنود: ماعندي شي نوروه: عنود والله ان مارمستي يا أخبر غيث وأمايه عليج فاهمه حطيت ايدي على ويهي وتميت أصيح من الخاطر .. من متى وأنا أدور حد أطلع اللي حابستنه في خاطري... وبدون أي تردد خبرت نوروه عن كل شي وهيه يالسه تسمعني وهيه مصدومه من اللي أقوله نوروه: وحارب يدري انج سمعتي العنود: هيه ... شمسوه قالت له نوروه: وشو قال العنود: عذره أون انه ماعرف شو يقول حق آمنه طلع لها هالأعذار نوروه: والحين العنود: ما أدري .. أنا مافيني أقول ما أباه ما أريد أييب الرمسه... الناس هالأيام ماترحم.. وكل ما أفكر أقول حق غيث والا حمد أتذكر الحلم وفيه شي يمنعني نوروه: عنودي فديت روحج ربج مابيكتب لج شي الا وهو فيه خير لج إذا استخرتيه .. قومي اتوظي وصلي استخاره مره ثانيه .. وخلي كل شي على الله .. وصدقيني اللي عنده حرمه مثلج يكون ماخذنها من خاطره .. هوه يتمنى يحصل وحده شراتج ... ويحمد ربه انه وافقنا نعطيه بنتنا طلعت عني نوروه .. أن قمت أتسبح وعقب صليت الاستخاره .. وعقبها على طول رقدت ...... قمت الصبح مرتاحه .. وطلعت فالصاله لقيت نوروه ويا يدوه وحرمة خالي مانع يالسات يتريقن .. اتريقت وعقب دخلت الحجره ويا نوروه نوروه: هاه ... أخبارها العروس اليوم العنود: الحمدالله نوروه:عبدالله يقولي شاف ريلج أمس العنود: وين؟؟ نوروه: ما أدري .. بس شكله مستانس انه بيعرس .. يقولي متخبل العنود: بس عاد.. انتي وريلج تبالغون نوروه: فديتني وفديت ريلي العنود: اييييييه .. بس عاد أنا أستحي .. بعدني صغيره نوروه: جب جب .. صغيره فعينج .. ماعليه ماشي باقي بسمعج شو بتقولين عقب لفيت عنها وأنا أتحرطم عليها نوروه: انزين انزين .. يالله قولي الحين .. شو ناقصنج ؟؟ ... ماتبين شي العنود: تعالي نرتب انتي قبل .. رحت الحجره اللي حطيت فيها أغراضي ويلسنا أنا ونوروه نرتب كل شي .. خلصنا على صلاة الظهر... ******* في بيت أم عبدالله المغرب كان حارب في القسم فوق ويا العمال .. يخلص باقي الترتيبات .. تقريباً كل شي صار جاهز الحين .. من عقب اللي صار حارب حاول قد ما يقدر انه يرتب القسم بأحلى مايقدر عليه..نزل من فوق عقب ما خلصوا العمال .. لقاهم كلهم قاعدين فالصاله سالم: أوووووووه الحربي.. شاط عمرك حارب: خل عنك .. خليفه: هاه الحربي بتسافر والا شو ناوي حارب: وانت شعليك.. خليفه: أفا .. ووهدية النجاح شوه نسيتها عويش: والله أنا اللي أعرفه انه قالك إذا يبت أعلى عن 80 بيوديك وياه ... وانت مالت عليك 69 خليفه: الحمدالله نعمه ... زين يوم طلعت مني حارب: حتى لو يبت 99 مابوديك .. عنبوه مابتخلون الواحد يرتاح من ويوهكم سالم: متوله على ويه العنيدي الريال .. علي: وين ناوي تهج .. المعرس حارب: مابقولكم .. بسير بلاد ما أبغي حد منكم هناك علي: والا نحن ميتين عليك .. أبوي خلاص نحن خططنا حارب: كل واحد منكم يقولي وين بيسير ... عشان أنا أغير عنكم سالم: حرتك ... مابقولك لو تموت خليفه: أقول الحربي حارب: نعم جرب خليفه من حارب وكلمه بصوت خفيف... خليفه: يقولك الناس تمدح تركيا هالأيام ... والله ان جوها رهيب حارب: في ذمتك ... خليفه: هيه والله ... تخبر محمد ريل خالوه موزه وشوف شوبيقولك ************ طلعت من الحجره ورحت الميلس .. توه غيث طالع وقالي ان حمد ياي .. الله يستر وماتكون عويش العنز قالت له شي تسويها... دخلت الميلس لقيت يدوه وغيث يالسين ويا حمد ... العنود: السلام عليكم الجميع: وعليكم السلام تجدمة من حمد وسلمت عليه .. أحسني صدق متولهه عليه.. حمد: شحالج العروس نزلت راسي ورديت عليه بصوت أشك انه سمعني العنود: الحمدالله غيث: هههه .. بس عاد بنتنا تستحي حمد: هاه العنيدي هب ناويه تردين البيت .. أشوف عيبتج اليلسه العنود: يوم الثلاثا كنت عندكم حمد: بسج انزين أشوف خلفتي قمتي تيلسين هنه .. ونحن تينا زياره أم غيث: بسكم عاد الحين بتعرس وبتم عدالكم حمد: عندنا شي وفبيت ريلها شي ثاني العنود: ولا يهمك كل يوم بنط فويهك غيث: يااااالله .. أسميج من تعرسين مابتجبلينا العنود: انتوا بعد عليكم تزوروني .. سولفنا شوي وعقب طلعوا غيث ويدوه عنا .. تجرب مني حمد ومن ويهه فهمت السالفه ضروريه حمد: العنود غناتي ... حد مزعلنج العنود: لا حمد محد زعلني حمد: حالج مب عايبني .. شوفي عمرج شقايل غديتي .. وماتبين تردين البيت .. ويياتج تبين تخوزين الشك وبس العنود: حمد فديتك لا تحط أوهام في بالك .. أنا مافيني شي.. ويلستي هنيه بس عشان اني من أعرس خلاص بكون ملتزمه فريلي ومابقدر أيي أبات عند يدوه حمد: ولو اني بعدني حاس انه فيج شي العنود: وكيف تباني أبين لك ان مافيني شي حمد: قومي ويايه الحين .. خلينا نرد البيت العنود: لاااااا دخيلك حمد: شفتي ان فيج شي العنود: مافيني شي .. بس انت لو تشوف أغراضي منطره .. رتبت وشوي وباقي وايد .. عقب ماأخلص بطرشهن هناك وبي وياهن حمد: ومتى انشالله ؟ العنود: قلت لك باقي شوي .. تباني أسهر عليهن بسهر .. المهم ترضى حمد: أنا اللي يهمني راحتج يالغاليه .. وما أبغي شي ثاني العنود: تسلم حمد فديت روحك .. يوم الجمعه انشالله برد البيت ................... ومثل ماقلت حق حمد يوم الجمعه عقب صلاة العصر طرشت الأغراض ويا سليم وأنا رديت البيت ويا سالم .. دخلت حجرتي ماكان فيها مكان... يالله ماشي باقي وكل شي بيترتب .. قعدت عند الكبيت أطلع الأغراض اللي أباها .. ودخلت عليه عويش .. سلمت عليها ويلست ترتب ويايه .. عقب صلاة المغرب دخل حمد الحجره حمد:أنا أقول منور البيت اليوم.. ثرها العروس ردت العنود: هلا والله.. تعال حمد حمدو: وين أيي .. ين بتحطيني العنود: أفا عليك .. كله هذا يطلع عشانك .. قمت سلمت عليه ونزلت الأغراض عن الشبريه ويلس عليها حمد: يالله هذا طرشيه بيت ريلج .. ليش يبتيه هنه العنود: شو.. تبغي الفكاك حمد: أفاااااا ... أنا ما أتمنى فراقج تقولين الفكاك عويش: هيه عنودي بشلهن باجر هناك العنود: ليش يعني عويش: عشان أرتبهن كلهن العنود لا عويش برايهن .. بطرشهن يوم الأربعا ... حمد حمد: عونج العنود: بغيت أقولج اني بشل لامي ويايه حمد: يا هذي لامي .. يابوج الحربي يباج بروحج بدون بشكارتج العنود(مستحيه): بس أنا أباها .. تعرفلي ومرتبه شغلي كله حمد: ع راحتج أنا ماعندي مانع ..بس شوفي ريلج قبل وما أظن انه يمانع عويش: مابيقول شي حارب حمد: وانتي شدراج؟.. ع كيفج هوه عويش: أعرفه حارب .. مايقول لاء حق الغاليه لفيت عنهم .. أنا أراويج يا كفيش أنا أدري انها تبغي تحرجني جدام حمد حمد: زين جيه خليتيها تستحي ... تعالي انتي ... العنيدي لفيت على حمد ... زقرني بطريقه كأنه مستغرب من شي.. حمد: شو مسويه بعمرج ... محلوه عويش: عروس ماتنلام .. خليفه( يدخل): الله يخلي الصالونات ... تيهم الوحده خسفه .. تطلع حلوه .. وحليلهم الرياييل يكدون آلاف العنود: بس عاد .. أونكم انتوا الحين حمد: خل عنكم .. امبونها بنت سيف ماتخرب ... ملكة جمال العنود: علني ماخلا منك يارب ... هذي رمسه .. هب رمستك انته مالت عليك خليفه: انزين فكينا.. يقولج حارب رتبي شنطه تسدج شهر ... بيقب الريال لفيت صوبه منصدمه... العنود: ليش؟؟!! خليفه: أقولج بيقب .. يعني بيطيرج الساحر عويش: اللـــــــــــه .. أبويه نحن ماسافرنا .. خلنا نسافر وياهم فرها خليفه بالكرتون اللي عداله ... وين تبين يالرزه .. عويش: وويعه .. انت تراك كنت تبغي تسافر وياهم حمد:خالكم ما يبا حد وياهم .. ماطاع يخبر حد وين بيسير خليفه: أفا عليك بو خليفه .. مايخفى شي عليه عويش: وين ؟؟ وين؟؟ خليفه: انتي شلج؟؟ إذا العنود ما سألت انتي ليش تسألين ؟؟ مابقولج موتي حره أنا من قالي خليفه انا بنسافر وأنا ماتكلمت .. آخر مره كنت مسافره فيها .. أمايه وأبويه كانوا ويايه .. وهذي أول مره أسافر بلاهم .. حمد: هاه عنود.. أشوفج صخيتي خليفه: يا انج بتستانسين يا عمود فالهسفره .. أسميها وناسه السفره ويا الحربي العنود: عمود فعينك خليفه: أوه نسيت نسيت .. خلاص السموحه ،،،،،،،،،،،،،،،،،،،،،،،،،،، |
الجـــــــــــــــــزء الواحـــــــــــــــــــــد والأربــــــــــعــــــــين خلااااااااااااااااااااااص ... باجر العرس .. باجر بطلع من هالبيت وبترتاحين يا آمنه .. بس الفرق اني بكون عند أمج وأخوج وانتي مب راضيه بهالشي .. باجر أخوج بيريحج مني.. هالأيام اللي كنت محتاجتنه يا أمايه .. هالأيام اللي بغيتك يا أبويه فيها أكثر من قبل .. الله يرحمكم.. ساندت راسي على طرف الشبريه ونزلت دمعه مني ما قدرت أمسحها .. دخلت عويش الحجره وهيه منصدمه من شكلي .. عويش: عنود شو فيج لفيت صوبها .. وأنا أبتسم ... العنود: مافيني شي عويش: عيل ليش تصيحين؟ العنود: ما أصيح بس هذي دمعه وماقدرت أمسحها من الحنى عويش: وشو سبب هالدمعه؟!... ممكن تقوليلي العنود: سببها حزن .. وله .. قهر عويش: خيييبه كل هذا ؟؟! ... وبعدين تعالي قوليلي انتي عروس وما سمعت كلمة فرح بين كل هالأحاسيس .. العنود: ............ يت عويش ويلست عدالي ... عويش: عنود حبيبتي صدقيني انتي ما تدرين حارب كيف عصب ما خبرناه .. وأظن تدرين هوه ليش هالكلام (نزلت راسها وكملت)... أتوقع ان شمسوه وحمدوه خبرنج العنود: عويش انتي مالج دخل .. واللي كاتبنه ربج بيصير عويش: انتي خلي الكلام اللي سمعتيع .. فكري باللي كان يصير قبل .. ما كنتي تشوفين حارب كيف من خاطره كان يبغيج .. وميثوه كانت جدامه .. وإذا عذره ان عيال عمها مابيرخصونها .. فأنا أقولج ايها حارب يدري ان عيال عمها كلهم خاطبي .. وهم مرخصين ميثوه .. بس هوه بغاج انتي ... العنود: هوه درى اني عرفت .. حتى ماكلف على نفسه انه يكلمني ويبرر كلامه عويش: حاولنا نتصلج وكله مغلق ... وبعدين تعالي انتي اللي رافضه انج تكلمينه فالتيلفون العنود: فيه فرق .. وحارب لو ما كان يقصد كلامه جان يا عندنا لين البيت وحاول يفهمني السالفه كلها صح!! سكتت عني عويش..ماعرفت شو ترد .. أنا أدري ان مافي مبرر واحد يبرر كلام حارب .. والله يستر من الحياه اليايه عويش: خلي عنج هالرمسه .. انتي لو تشوفينه كيف هالك عمره فترتيب البيت .. حتى ماخلا حد منا يدخله.. انتي أول وحده تدخلينه .. شكله مسوي العجب فيه .. خلينا نشل الحنى الحين ... خلاص مايحتاي زود .. وقومي تسبحي عشان ترقدين .. العنود: مالت عليج .. أنا بموت من اليوع عويش: أفا عليج الحين أييب لج أحلى عشى .. يلسنا نعابل الحنى .. خلاااص تعبت منه .. من ثلاث ساعات وأنا على هاليلسه .. عقب دخلت أتسبح وطلعت صلي.. ودعيت ربي .. انه يوفقني فهالاختيار .. وفي حياتي اللي بتتغير من باجر .. دخلت عويش الحجره والابتسامه شاقه ويها.. عويش: عنودي العنود: هاااااااااااااه .. خير عويش: مالت عليج .. وأنا اللي يايه أسألج شو تبين عشى العنود: شو بعد .. طالعي شو فالمطبخ .. خلي لامي تسويلنا سندويجات جبن .. ولا دقي حق عبدالسلام عويش: أفااااااا .. آخر عشى في هالبيت تقولين سندويجات ... لالالا ماينفع العنود: بسم الله ليش آخر عشى .. لا تخافين بييكم أتعشى عندكم عويش: لا بس.. بعناج ما نباج العنود: مالت عليج مابيي عندج .. طلعت عني عويش وأنا بعدني في الحجره أسحي شعري .. عقب نص ساعه تقريباً طلعت لقيت عويش وخليفه بس والباقين كلهم رقدوا .. العنود: هاه كفيش وين العشى؟؟ عويش: كفيش!! مقبوله منج حرمة خالي العنود: مالت عليج.. وين العشى؟؟ عويش: صبري عقب شوي بيوصل يلست أشوف التلفزيون وأسمع تغليسات خلوف .. بس طنشته وعويش رمست فالتيلفون وعقب طلعت العنود: هذي وين سايره .. تقول بتعشيني .. اتصل حق عبدالسلام خله اييبلنا عشى خليفه: ما أروم خلاااااص نحن أخلينا مسؤؤليتنا منج .. سيري عند ريلج دخلت عويش الصاله شاله أكياس .. خليفه: أوووووووووووووب .. والله وسويتيها يا عويش يت عويش وحطت الأكياس جدامي عويش: حارب يقولج بالعافيه عليج رفعت راسي أطالعها .. وأنا ميته من الغيض عليها.. العنود(تصارخ): عويش سخيييفه.. عويش: بس يالله .. شسوي ميته وخاطري فمشاوي .. مالقيت غير هالعذر. خلوف ماطلع يسير العنود: بطن انشالله .. لازم اليوم ... ومالقيتي غيري تلصقينها فيني خليفه: انزين انتي ليش معصبه .. هذا ريلج اتبزي عليه .. عويش خليها عنج وحطيلنا العشى سارت عويش المطبخ ويابت صحون وحطت العشى ويلست ويا خلوف ياكلون خليفه: سمعي تبين عشى قومي... عن البزا ... عويش: قومي قومي .. بتموتين من اليوع فليل سمعت حد يدق على الباب .. لفيت شفت حمدوه وشموه ومنصور يدخلون.. خليفه حط ايده على راسه خليفه: ايييه انتن .. هب جنكن عرايس .. شو مطلعنكن فليل .. لا وباجر عرسهن عويش: انتن بتعرسن انتن؟؟ شمسوه: بس بس عاد .. حشى مافيها شي .. خلنا نطلع الخراشه اللي فينا شوي منصور: والله حشرني يبغن اين .. العنود: يعلكن لو درن العيايز بياكلن الدنيا شمسوه: فكوني الحين .. فيني حفوز .. ويلست تاكل خليفه: هيه صدق ..باين الحفوز عويش: أقول عنود إذا تبين عشى تعالي قبل مايقضون عليه يلسنا ناكل .. وارتبشنا .. هب جنه العرس باجر .. الساعه وحده راحن البنات ونحن دخلنا نرقد ... ..................... قمت الساعه 12 .. مرتاحه بس فيني حفوز .. أترتب الحجره .. لأن راعية الصالون بتي بعد شوي ... دخلت أتسبح لقيت عويش منسدحه وتسمع أغاني فالتيلفون ... أول ماشافتني ظحكت العنود: سكنهم في مساكنهم .. ليش تضحكين عويش: ما أدري .. ما أتخيلكن عرايس .. المخبل الثلاث العنود: مالت عليج .. صدق ماعندج سالفه ... بنشوفج عاد انتي. عويش: أنا غيييير .. عاد أنا بكون آخر وحده وريموه بعدهاااااا العنود:لا هب آخر وحده جيه لطوف وساروه نسيتيهن عويش: هيه صدق والله نسيتهن العنود: انزين حمد هنيه عويش: لا محد .. الغدا بيت يدوه اليوم العنود: تعالي نسير المطبخ .. يوعانه عويش: انا احيد العرايس ما يطيعن يذوقن شي من الحفوز .. انتي غير شكل .. من أمس يوعانه العنود: هب يوعانه ارتحتي.. أبغي جاهي حلب بس عويش: فاااالج طيب... الحين بخلي لامي تيبه طلعت فالصاله .. شغلت التلفزيون دخلت آمنه .. لا سلمت ولا رمستني ولا كأنه حد فالصاله .. على راحتها ... أنا عني ماغلطت في كلمه ... طلعت آمنه وعويش دخلت من الباب الثاني .. شربنا الجاهي ودخلت حجرتي .. اتصلتلي نوروه رمستها ومن سكرتها عنها توترت ما أدري ليش .. الساعه 3 وصلن راعيات الصالون .. وابتدن فيه أنا وعويش عقبي .. ************ شمسوه وحمدوه كل وحده في بيتها وكل وحده منهن بروحها .. لأنهن مايبن يكون التعديل نفس الشي .. حارب وسالم وعلي يترابعون في كل صوب ... فترة الظهر الكل هدا ومن الساعه 6 العصر.. تيمعوا العرب جدام البيوت عند الخيام . من كل دار ماشالله ..الحريم تارسات بيت أم عبدالله .. ومن عقب المغرب خلصن العرايس.. في بيت حمد.. عنود وعويش توهن مخلصات .... والمصورات ين من ربع ساعه تقريباً عويش: عنودي... المصورات ين العنود(بحزن): انزين .. تعالي ساعديني عويش: عنودي دخيلج .. لااتمين على هالحال .. والله قلبي عورني العنود(تتنهد):عويش أبغي ماي صبت عويش حق العنود كوب ماي .. وناولتها اياه عويش: سمي بالله .. وشربي .. خلي هالضيج عنج الحين يدتج وخالتج وخالج بيون .. وحمد لازم بي الحين .. لا تخوفينهم عليج ابتسمت العنود حق عويش عشان تريحها .. زاتها حلاه .. عويش: فدييييييييت هالويه محلاه .. والله لو تشوفين عمرج شقايل محلوه الحين وقبل تامه لوعه العنود: تعالي ساعديني الحين قامت عويش ساعدت العنود في لبس الفستان وحطولها الطرحه.. عويش: أنا بسير ألبس فستاني .. وبيب المسكه وبرد .. يالله جهزي نفسج وكشري عن أنيابج .. أبغي أرد ألقى الضحكه لين ورا ذنيج.. *********** آآآآآآآآآآآآه ياعويش .. والله لو تدرين بالأفكار اللي تي في بالي .. لو تدرين بالهم اللي في قلبي .. قابضه دمعهتي بالغصب .. واللي أفكر فيه أكبر مني .. هب عارفه كيف بتصرف وشو بسوي .. ريولي ماتشلني من الخوف والهم.. محتاجه لأقرب ناس لي .. محتاجه لناس افتقدتهم ومحتاجه نصايحهم ووقفتهم الحين... *********** قطعت عويش تفكير العنود يوم فتحت الباب وصرخت عويش: مفااااااجأه العنود: شموووووووووووه يت شموه ربيعة العنود اللي من متى ماشافتها لأنها حولت دراستها كلية التقنيه فأبوظبي وطول الأسبوع في بيتهم في أبوظبي.. وعقب ماسلمن على بعض شموه: من متى وأنا أحاول أتخيل شكلج .. بس ماتوقعتج بتطلعين حلوه لهالدرجه عويش: والله محلوه عنودي بالميك آب العنود: مالت عليكن .. أونكن بتمدحني .. سبيتني وانتن ما تدرن عويش: ههههه لا فديتج .. انتي من يومج حلوه بس التعديل لاعب دور شموه: ياعيني عليك يالحربي بتخبل بك بنت سيف عويش: من يومه متخبل عليها شموه:ياحظه والله يوم حصل وحده شرات العنيدي عويش: قومي يالله عشان تتصورين طلعت العنود وشموه وعويش يساعدنها .. دخلت الميلس وابتدت تتصور .. وكل مره العنود تسرح والمصوره ترد تحاول وياها تبتسم .. في هالوقت رن تيلفون عويش كان خليفه متصل عويش: ألو خليفه: عويش حد عندكم حريم فالبيت ؟؟ سوي درب غيث وأهله بيدخلون عند العنود عويش: محد عندنا الحريم طلعن... يوم بتدخلون الصاله اتصلي ونحن بنطلع دخلهم الميلس اللي داخل.. ........ عقب عشر دقايق تقريباً دخلوا غيث وأمه ونوروه وياخليفه عند العنود.. غيث: مرحبا عروسنا .. الصراحه طرررررررر ..ً أم غيث(تصيح): فديتج يا أمايه .. الله يوفقج ويهنيج نزلت العنود راسها وعيونها تدمع .. نوروه: لااا أمايه دخيلج .. كله والا الصياح ان صاحت بتستوي خسفه العنود: خسفه فعينج غيث: ماتيوزين .. لسانج مايسكت غيث: يالله انا بخليج الحين وبييج فالخيمه ويا عريس الغفله طلع غيث عنهن .. وتمت نوروه وأم غيث ويا عنود شوي وتمت ام غيث تكلم العنود وتوصيها على ريلها .. وتعطيها كل وصيه تعطيها الأم لبنتها.. قد ماقدرت العنود تقبض دموعها .. عشان ما تخرب المكياج.. ونوروه اللي واقفتلها بالمرصاد .. نوروه: عنوووووود ... دخليج المدح كله بيروح إذا صحتي العنود: انزييييين بس خلاص مابصيح .. عطيني ماي انتي .. ما أدري ليش وايد أشرب ماي اليوم نوروه: هاه قبظي .. نحن بنخليج بنسير الخيمه .. مافينا .. بعدين مابنحصل حد يودينا في هالزحمه طلعن نوروه ويا أم غيث وراحن الخيمه وردت عويش عند عنود .. واتصورت وياها العنود: شموه ليش سارت عويش: أخوها قالها تطلع .. بعدين بيتم عند الرياييل ومابيها يوديها الخيمه ... وماتقدر تمشي الرياييل في كل صوب .. وطبعا مستحيل تركب ويا أبويه.. ........................... الساعه عشر .. ومن عقب ما تعشوا الحريم والرياييل .. والرياييل مرتبشين عند اليوله .. اتصلت عويش حق سالم وحارب وعلي عشان يجهزون عمارهم لأن العرايس بيدخلن عقب شوي .. ........ في خيمة الحريم .. تسلطت الأضواء على أول وحده من العرايس اللي دخلت .. دخلت حمدوه .. وهيه تمشي وهيه هب حاسه بنفسها .. كانت تدعي على شمسوه لأنها ماطاعت تدخل قبلها .. وشمسوه طبعها أقوى من حمدوه .. يعني بتخفف الربكه شوي .. وصدق يوم قالوا ان رب العالمين يعطي العروس جمال في ليلة عرسها .. وصلت حمدوه لين الكوشه .. ومن عقب مالفت كم مره على الكوشه قعدت على الكرسي ع الطرف اليمين .. ومن عقبها دخلت شمسوه .. وبصراحه أبهرت الكل بجمالها ... والكل أول مره يشوف شمسوه بهالحلاه حتى أمها .. وصلت شمسوه ويلست على الكرسي الي فالطرف اليسار.. ومن عقبها ارتاحت .. وافتكت من هالرهبه اللي كانت تحس فيها .. لأنها طول الوقت كانت خايفه انها تطيح .. وخليفه وسالم دايمن يفاولون عليها.. العروس الثاله الكل يترياها .. والكل يتساءل وينها؟؟ ..ومتى بتدخل؟؟ .. ومن عقب شمسوه وحمدوه دخل سالم وعلي مره وحده .. كل واحد جرب من حرمته وباسها على يبهتها .. خذوا لهم كم صوره ومن عقبها كل واحد منهم راح يسلم على اخته.. وكل مره يغلسون عليهن .. ولا جنهم معاريس.. المعرس يكون مرتبك وهادي وهم من ربكتهم تخبلوا وارتبشوا.. علي: أقول بوغنيم سالم: هاه علي: ماكنت أدري ان البنات حلوات هالكثر سالم: هيه والله تصدق توني اكتشفت ركبت حصوه فوق عندهم وهيه معصبه حصوه : لا والله وشو اللي اكتشفته يالعالم سالم سالم: انتي وين تبين راكبه وانتي بالهالكرشه جدام عيونج حصوه: انتوا ماتشوفونا بهالبهدله ولا عليكم تضحكون .. يالله كل واحد ييلس عند حرمته علي: انزين بس فكينا من الصدعه .. عقب عشر دقايق تقريباً طلعوا الدخان على الكوشه .. واختفوا كلهم .. وماينشاف شي من كثر الدخان .. وسالم وعلي يتحرطون .. تم الدخان يطلع يمكن عشر دقايقه وعقبها وقف .. وبينت العنود بطلتها وهيه تمشي على الاستيج .. وصلت عند بدايةالاستيج ومن عقبها ردت صوب الكرسي ولفت ويوا صوبها سالم وعلي كل واحد منهم قبضها من ايد ومشوا وياها لين بداية الاستيج .. وفي هالوقت دخل حارب اللي كان يتريا هالفرصه من أول ماشاف العنود..أول ماوصلوا عند بداية الاستيج كان حارب واصل عندهم .. سالم: هاه علي شو رايك نعطيه علي: بنفكر قبل حارب: فضحتونا جدام الحرمات الله يقطعكم .. لفوا سالم وعلي عنهم وردوا على الكوشه .. وحارب مشى ويا العنود لين وصلوا عند الكرسي ويلسوا .. والعنود لين الحين مارفعت عينها .. بس من أول ما وصلوها علي وسالم عند حارب وهيه قلبها بيطلع من مكانه .. ومتوتره لآخر درجه .. وفي وسط هالزحمه ومن عقب ما دخل حمد عندهم وسلم عليهم .. طلعوا سالم وعلي كل واحد منهم جدم سيارته وركب حرمته .. وعقبها دخلوا غيث وخليفه .. يسلمون على العنود واتبشوا سوالف وضحك .. كل هذا والعنود سرحانه بتفكير ووسواس مخوفنها من حياتها اليديد.. الساعه 11:30 طلعوا حارب والعنود من الخيمه .. دخلوا الميلس في بيت حمد عشان يتصورون.. وعنود مب قادره تتأقلم وياحارب والحركات اللي تطلبها المصوره منها .. وأغلبها ماطاعت تسويها .. الا ؤحارب وعويش يغصبونها عليها .. ودخلوا حمد وخليفه اللي بعده ماشبع من التصوير .. بعده راد يتصور مره ثانيه داخل حارب: بس يالله اجلب ويهك .. عنبوه رزززه خليفه: انت اجلب ويهك .. بتصور وياعمتي صوره اروحنا حارب: لا ماشي .. محد يتصور وياها غيري خليفه: هاه العنود شو رايج العنود(وهيه تمد ايديها حق خليفه وبصوت خفيف محد سمعها غير خليفه): تعال فديتك حارب: أفاااااا .. شفت بو خليفه هذي أولها تكسر كلامي حمد: لا أفا مايطيع زينها بنت سيف ماتسويها عويش: وانت خليتها كسرت كلامك .. لازم أي شي يقوله الريال تسويه الحرمه حارب: هيه عيل شوه عويش: يعني لازم تكون مثل العنز والا ماتكون حرمه سنعه أم عبدالله: أس انتي قطعيها هالرمسه عنج حمد: يالله ياحارب.. يافرحة أمك اليوم .. ماشفتها شقايل ضحكتها طاره الويه (لف على أم ععبدالله) هاه عموه فرحانه؟ أم عبدالله: يالله فديتكم وفديت الحربي وحرمته .. ماصدقته يعرس وين ماتباني أفرح .. عنبوه بيشوب خليفه: أوووووووه الحربي .. بتطيح من عين حرمتك من أول يوم حارب: لا والله مااطيع بنت سيف .. لف حارب صوب العنود يطالعها بس هيه نزلت راسها وماردت .. خليفه : شفت .. قلت لك .. هذي العنود أعرفها أم عبدالله: الله يوفجكم ياعيالي .. العنود(بصوت ياااله ينسمع): تعالي عموه تصوري ويايه حارب: تصوري ويانا .. زين يوم رمستي..تدري حمد عبالي غاشيني أتحراها ماترمس .. من شفتها توني أسمع حسها انحرجت العنود وكلهم ضحكوا عليها... أم عبدالله: مسود الويه .. البنت تستحي جيه تباها تلعلع شرات شمسوه مسودة الويه ومن عقب التصوير والسوالف .. وعقب ماراحن المصورات .. دخلت العنود وياعويش حجرتها تساعدها .. دخلت العنود تتسبح عالسريع وغريت الميك آب ولبست لبس هندي خفيف باللون الوردي طلعت ولا أروع .. ومن عقبها لبست شيلتها وعباتها.. عويش: يالله تلفين حارب شال الدنيا فالصاله العنود: يالله عويش بسلم عليج عويش(وعيونها تدمع): فديتج ياعنود..سمحيلي العنود: بس عاد .. عن هالصياح .. شوه ناويه تخليني أصيح .. بستوي خسفه عقولة نوروه .. بعدين خالج بيردني عويش: شووووه... يروم هوه .. أصلا يتمنى وحده شراتج سلمت العنود على عويش تمن لاويات على بعض .. العنود: عويش لاتصيحيني عويش: أنا سلمت عليج بس بعدني بسلم عليج في بيت يدوه ******** طلعت ويا عويش من الحجره .. دخلت الصاله لقيناهم كلهم يالسين حارب: هاه عنادي جاهزه هزيت راسي وماتكلمت .. خليفه: يالله عيل ... عليهم حمد: شو عليهم .. وين تبى؟ خليفه: قم يالله مستوي شيبه .. يالله بنسوي مسيره بيت يدوه حمد: مسود الويه أنا شيبه خليفه: يالله عيل .. قوم راونا شطارتك حمد: مسيره .. حتى مابيتكمل دقايق .. تطلع من باب وتدخل من الباب اللي عداله خليفه: المهم مسيره .. يالله طلعنا من الصاله .. كانت سيارة حارب جدام الباب وعدالها سيارة حمد وسيارة خليفه.. ماتحركت .. ماكنت أبغي أركب وياحارب بروحي .. قد ما أقدر أبعد الوقت اللي بكون وياه اروحي.. حمد: يالله توزعوا ويايه أنا وخلوف وخلوا المعاريس اروحهم العنود: عموه فديتج تعالي ويانا أم عبدالله: لا فديتج سيري وياريلج وأنا بركب ويا خلوف خليف: انتي شوتبينها ..يدوه بتركب ويايه .. كل حد منهم شال حرمته أنا بسل يدوه عشان تدورلي حرمه .. حارب: أمايه يعلني فداج .. تعالي .. مشت أم عبدالله صوب سيارت خليفه وخليفه قابضنها من ايديها .. أم عبدالله : خلوا عنكم هالرمسه أنا بركب وياوليدي .. يالله ركبوا ركبنا كلنا فالسيايير وحمد واقف ويا حارب برا .. ومن ركبت السياره وانا أتمنى ان حارب يطول فالوقفه ويا حمد .. بس مستحيل أوقف الزمن .. من ركب حارب وأنا أحس اني أبغي أصيخ وأصرخ.. ما تحرك .. تم ثواني يطالعني.. وعقبها لفيت عليه .. مستغربه انه ماتحرك.. وحمد وخليفه يدقون هرنات.. من طاحت عيني فعينه لفيت بويهي .. العنود: شوه مب ناوي تتحرك ... تراهم يتريونك ضحك ضحكه خفيفه وتحرك حارب .. طلعنا من بيت حمد ودخلنا بيت أم عبدالله .. اللي هوه بيتنا الحين..من دخلنا واشتغلوا بالهرنات .. لقيناهم كلهن في حوي البيت يتريونا.. نزلوا كلهم من السيايير.. وأنا نزلت آخر وحده من عقب مافتح حارب الباب وقالي نزلي.. تميت واقفه مكاني وأسمعهم وهم يسولفون .. وشمسوه وحمدوه واقفات ع طرف أم عبدالله: لو انكم سامعين كلامي وتامين في دارنا جان أحسن لكم أم حمد: لازم اطيرون بهن خليفه: سحار استويتوا بو سالم: خليهم يا أمايه دارنا لاحقين عليها بوعلي: خلهم يسافرون ويستانسون حارب: بنسير بنفتك من حشرة ناااس .. (كان يطالع صوب عويش وساروه ولطوف) لطوف: انزين ماعليه .. يوم بترد براويك .. عويش: انت تتمنى تحصل حشره شراتنا حارب: يالله .. محد طفشني وياحرمتي من البلاد غيركن لطوف: ولا تنسى .. بعدني سيرة المبزره مانسيتها علي: هههههه .. انتي بعدج حارب: حشى يابوكم هذي مذله .. الله يعين ريلج عليج ... لفيت على خليفه لقيته متشقق وهو يطالعها لطوف: يدوه شوفيه .. عنبوه أونه معرس ويطيح فينا أونه محد بيقوله شي .. أم عبدالله : واااااااايه وده خلوف جانه بيضوي وحده شرات لطوف انصدم الكل من رمسة أم عبدالله حارب: خلووووف! أم عبدالله: هيه خلوف .. بنيوزها خلوف .. سالم: ماشالله أمايه يوزتيهم ع كيفج وماشاورتي أهلهم أم حمد: شعنه تشاورهم .. جيه وحد يحصل ريال شرا خليفه يعلني أفداه حارب: هاه بوعجيل شو رايك خليفه(طاير من الفرحه): بتتريوني صبروا بسافر وياكم .. بنصير بدال ثلاثه أربعه ظرب حمد خلوف على جتفه .. متنا من الضحك على خلوف .. ولطوف ميته من المستحى .. حارب: لالله أنا مابترياك ..جانهم بيتريونك برايهم .. أنا طيارتي بطير خليفه: اللــــــه الحين وصلت المفاجأه سالم: مفاجأة شوه؟ خليفه: متى طيارتك سالم؟ سالم: 3:30 خليفه: وانتوا علي وحارب علي وحارب: 3:30 خليفه: هييه .. زين يالله اركبوا السيايير بسرعه سيروا قبل ما اطير الطياره .. يالله أتمنى لكم أمتع الأوقات ... ركب خليفه سيارته وفتح الدريشه خليفه: يالله بسرعه .. وبغيت أقولكم شي .. والمفاجأه حقك انته بالذات .. والا أقولك اسأل سالم وين بيسافر وبتوصلك المفاجأه لف حارب على سالم وهوه مستغرب حارب: سلوم .. وين بتسافرون سالم: بنسير تركيا حارب وعلي: شوووووه؟؟ حارب: وانت عليوي وين ؟ علي: ماعليه مسود الويه خلوف سويتها فينا حارب: حمد اسمحلي أقولك ان ولدك طلع نذل علي: يمدح تركيا حقنا ويقول حارب بيسير ماليزيا وسالم لندن .. آخر شي طلعوا كلهم تركيا أم حمد: زين .. شو بعد بتمون رباعه .. أبرك لكم وبتم قلبوبنا بارده الساعه وحده ونص طلعنا من البيت ويا خالي غيث اللي أصر يوصلنا المطار وهو يضحك على مقلب خلوف اللي سواه .. وطول الدرب وحارب وغيث يسولفون وأنا سلكته ما رمست.. إلا إذا حد فيهم كلمني.. حسيت باليوع .. من قمت الصبح ماكلت شي .. وقف غيث عند وحده من الاستراحات.. لأن حارب طلب منه .. جنهم حاسين فيني حارب: عنادي تبين شي غيث: هاتلها أي شي تاكله .. تلقاها ماكلت شي اليوم حارب: يا أخي وانت اشلك .. حد سألك غيث: حرووب تراك في عهدتي الحين .. لاتخليني أفرك انت وحرمتك الحين هنيه وأروح عنكم حارب: يارب انتوا متى بتفهمون .. هذي حرمه مال أنا .. اليوم سوي شادي.. انت مايفهم غيث: ههههههه .. خلاص يابوك ماقلنا لك شي .. بسرعه عاد خلونا نوصل بسرعه نزل غيث من السياره ولف حارب عليه حارب: هاه عنادي .. شوتبين؟؟ العنود: ماشي حارب: خل عنج ادريبج يوعانه .. بييب لج ع كيفي العنود: لا هاتلي سندويج جبن ولبن أب حارب: وايد عليج نزل حارب .. ورد ويا غيث عقب دقايق .. تحركنا ووصلنا المطار.. خلصوا الاجراءات وسلمنا على غيث وراح عنا .. الساعه 3:30 طارت الطياره .. كنت تعبانه وفيني رقاد .. رديت راسي وغمضت عيوني .. وماتكلمت ويا حارب إلا إذا سألني .. أو بغى شي وأعطيه .. حارب: تعبانه؟؟ العنود: لا حارب: العنود .. خلي كل شي عنج الحين .. يوم بنوصل بنتفاهم اعتدلت ولفيت صوبه .. وبين الاستنكار في عيوني العنود: نتفاهم!! .. نتفاهم على شو ياحارب حارب: عنودي .. هذا مب وقته .. أجلي هالكلام لين نوصل العنود(بتحدي): لا يا حارب .. لا الحين ولا بعدين .. كل شي انتهى وخلاص .. ومافي فايده من أي تفاهم أو أي كلام .. انتهى من يوم ملجنا يا حارب.. ومافي فايده من أي كلام الحين خلاص وماترييته يقول أي شي لفيت الصوب الثاني وغمضت عيوني أحاول أرقد.. وفي نفس الوقت ما أبغيه يشوف دموعي اللي مهدده تنزل.. ********** حارب كان متأكد ان العنود بتكون هذي حالتها .. ومابتأقلم وياه من أول يوم .. وهوه الشي اللي غلط فيه انه ماتفاهم وياها قبل العرس .. والغلط الأكبر انه حاول يبرر موقفه عند آمنه بكلام المفروض مايقوله.. بس هذي اخته وما عرف كيف يرضيها .. طول ماكانوا فالطياره كان يشوف العنود وهيه راقده .. أول مره يكون جريب منها لهالدرجه .. بس في نفس الوقت بعيده .. كان متخوف من ردة فعل العنود .. والكلام اللي في باله لازم يقولها اياه .. لأنه مستحيل يتحمل حياته بهالشكل .. هوه تزوج عشان يرتاح ... وفوق كل هذا تزوج من الانسانه اللي صدق من خاطره اختارها ... ويتمنى يعيش وياها أحلى حياه .. ويعوضها عن أمها وأبوها ولو انهم مايتعوضون بس بيحاول يريحها قد ما يقدر .. أول ما وصلوا تركيا .. وحلت الطياره .. لف على العنود يبين انها أبد هب مرتاحه من عقب مانشت من الرقاد .. حارب: عنودي شوفيج العنود: مافيني شي حارب: عنادي شكلج تعبانه..شي يعورج؟؟ العنود: لا تخاف حارب .. مافيني شي .... نزلوا المعاريس من الطياره .. وفالمطار تفرقوا .. كل حد راح فالمكان اللي حاجزين فيه ويا المرشد السياحي.. وطول الوقت العنود كانت قابضه في ايد حارب بأقوى ماتقدر عليه .. لأنها كانت خايفه تطيح من كثر الدوار اللي حل بها فجأه .. وأول مادخلوا الفندق .. جاول يسحب ايده من العنود بشكل عفوي .. عشان يروح للرسبشن .. وهيه حست بالدوار .. كانت بطيح بس حارب قبضها ويلسها.. طلب الها ماي ويلسوا شوي .. لين ارتاحت العنود.. وعقب راحوا السويت اللي حاجزينه .. أول مادخلوا راحت العنود على طول لأفرب كنبه وانسدحت عليها .. ومن عقب ما دخل حارب الشنط فالحجره .. طلع ويلس على الأرض مجابل العنود حارب: من متى وأنا أقولج انج تعبانه .. تقوليلي لاء العنود: حارب مافيني شي .. بس تعبانه من يومين وأنا ما أرقد زين حارب: متأكده العنود: هيه متأكده حارب: وليش ماترقدين زين؟ غمضت العنود عيونها .. ويلست .. قام حارب ويلس عدالها العنود(توقف): لأني واااااااااايد مرتاحه في حياتي ومافي شي يخليني أشل هم وأفكر حارب: العنود .. العنود(تقاطعه): حارب دخيلك أنا تعبانه .. وبروح أرتاح .. بنتفاهم بعدين مشت العنود ودخلت الحجره ... غيرت ملابسها وصلت الفير وانسدحت ورقدت .. أما حارب من عقب ماصلى الفير دخل الحجره اللي فيها الشنط .. وحاول يرقد.. ******** |
الجـــــــــــــــــزء الثـــــــــــــاني والأربـــــــــــعيـــــــــــــــن قمت من الرقاد وتجلبت تقريباً نص ساعه.. انتبهت وعلى الساعه على الايدار كانت الساعه 3.. معقوله ماحسيت بعمري وأنا راقده طول هالوقت ... يارب ترحمني .. قمت أفكر في حياتي وياحارب كل ماأفكر في كلامه تتعب نفسيتي ويصير شي يجلب تفكيري .. وهالحلم اللي حلمته خلاني أعيد التفكير في حارب مره ثانيه...حلمت أبويه الله يرحمه يوصني على حارب.. أذكر كل كلمه قالي اياها.. ........... طلعت من الحجره .. دخلت الحجره الثانيه لقيت حارب راقد..طلعت لي ملابس من الشنطه وبهدوء عشان ما أزعجه.. بس هوه ماقام للصلاه.. سرت الحجره الثانيه حطيت ملابسي ورديت عنده.. وبكل بطء كنت أمشي صوبه.. متردده .. ماأعرف طبعه .. أخاف أوعيه... العنود(بصوت هادي): حارب ... حارب حارب انجلب الصوب الثاني العنود: حارب قوووم حارب: هممم العنود: حارب قووووووووم .. قام حارب ويلس مكانه يطالعني حارب: وايد عليج يوم هذا توعيج ... عزالله قمنا نصلي العنود(مستحيه): ماحسيت بعمري حارب: راقده وانتي مصنفره .. وين بتحسين.. لفيت عنه وعطيته ظهري .. انزين قوم صل الحين حارب: وانتي وين تبين؟ العنود: بسير أتسبح حارب: إذا سمحتي الشيخه عنود..عقب ماتخلصين طلعيلي ملابس وكويهن كنت بلف وبرد عليه بعوافه .. بس مانسيت وصية أبويه .. نزلت راسي ورديت عليه العنود: انشالله طلعت من الحجره ..وأنا ماعندي شي غير الملابس .. عقب ما اتلبست .. بغيت باقي الأغراض مخلتنها فالشنطه ..اظطريت اني أروح أييهن .. رحت عند حارب .. لقيته منسدح على الشبريه وأول ما دخلت يلس يطالعني..نزلت راسي ورحت صوب الشنطه.. أدورالسشوار خذت فتره وأنا أجلب فيها.. طبيته وشليت الشنطه الصغيره حارب: ادورين هذا!! وقفت أطالعه وشفته يلعب بالسشوار العنود: هيه .. اشدراك حارب: أعرفكن ماترتاحن لين تحرقن شعوركن العنود: تراك نفس الشي .. والا ليش طلعته حارب: طلعته أنشف شعري .. برد وايد شليته وكنت بطلع من الحجره .. حارب: وين تبين؟ لفيت صوبه أطالعه مستغربه كلامه .. يعني وين بروح حارب: انشالله بتمين على هالحال؟؟ نزلت راسي ومارديت عليه ... رديت وحطيت أغراضي وقعدت أسحي شعري وأكمل كشختي وهوه يتبعني بنظراته اللي خلتني أرتبك .. لفيت صوبه واطالعته حارب: في شي؟ العنود: لا تيلس اطالعني .. ماعرفت اتحرك حارب: كيفي.. حرمتي وكيفي .. الحين محد بيقولي لاترمسها ولا اطالعها العنود: حارب قلت لك ما أحب هالنظرات حارب: تدرين .. ان يلست أترياج بتم بالوزار والفانيله .. خليني أكويلي بدله أبرك العنود: أحسن بعد قام طلع له بدله من الشنطه وطلع من الحجره .. حاولت بأسرع وقت أخلص .. عقب ما خلصت .. شيكت على شكلي .. عروس ومن حقي أكشخ .. ان ماخليتك تندم ياحارب على كلامك .. ودك انت تظوي وحده بحلاة بنت سيف.. بس مهما صار بتم أحبه .. طلعت العطورات من الشنطه اتعطرت وطلعت فالصاله.. شفت حارب ع الطرف يكوي وأول ماشافني .. خلا الكوايه ويلس يطالعني .. شغلت التلفزيون ويلست مجابلتنه .. وعقب لفيت صوبه العنود: خير .. في شي حارب: سلامة قلبج .. طنشته ويلست أطالع التلفزيون .. وعقب دقايق رحت صوبه العنود: خلصت حارب(مبتسم): الحمدالله حسيتي .. خلصت البنطلون رفعت البنطلون شفته وضحكت عليه العنود: شو هذا ؟؟ حارب: شو؟؟ العنود: أونك كويت الحين حارب: هذا اللي قدرت عليه ... ما تيملتي فيني العنود انزين عطني حارب: زين سويتي خير خذت الكوايه عنه وكويت ملابسه وحطيتهن فالحجره ورديت فالصاله وحارب دخل يتلبس .. ورد يلس عدالي .. وقفت ومسكني من ايدي ويلسني حارب: بس خلاص .. لازم نتفاهم .. مابنتم على هالحال العنود(منزله راسها): نتفاهم على شوه ياحارب ... على انك خذتني بس على شان تريح اختك مني.. لأنك بغيت تسوي فيني خير لأن مالي حد في هالدنيا حارب: العنود أنا أدري انج مب مرتاحه ويا آمنه.. كنت أقدر أأخر العرس بس ... العنود(تقاطعه): والله أنا ما ييت أشتكي لك ياحارب .. وأنا مب محتايه لحد يسوي فيني خير .. أخويه وخالي مب مقصرين فيني.. وقبلهم رب العالمين ماينسى عباده حارب:عنودي افهميني .. أنا استعيلت فالعرس مب عشان آمنه .. عشانج انتي .. واللي قلته حق آمنه بس عشان أراضيها .. بعد تراها اختي وماتهون عليه العنود(تدمع):حارب انت لو سامع هالكلام على شمسوه والا حمدوه والا عويش .. بترضاها عليهن جرب حارب مني ولفني صوبه .. حارب: عنودي افهميني .. وصدقيني .. والله الشاهدد ع كلامي ان اللي قلته ماكان من خاطري.. واني بغيتج من خاطري ومن أول ماشفتج وانتي البنت اللي حطيتها في بالي العنود:ما أدري ياحارب شو أقول .. بس من عقب كلامك اللي سمعته وأنا مب قادره أتخيلك انك انت يطلع منك هالكلام حارب: عنود أنا ما عندي غير الكلام اللي قلتلج اياه .. عنبوه ريال أخاف ربي مابحلف جذب ............. تقبلت كلام حارب.. ومن عقب كلام ساعتين .. ومن خاطري لأني كنت متأكده ان حارب يحبني وآمنه طبعها عسر .. ماترضى بأي طريقه .. حارب: الحين ممكن تروحين تغيرين ملابسج عشان نطلع .. حشى أونا يايين شهر عسل والعروس زعلانه .. سويلم وعليوي مستانسين الا حليلي أنا العنود: جدامنا الوقت .. وبعدين ليش أغير ملابس .. هديت حيلي وأنا أكشخ تقولي غيري حارب: عنودي غناتي برد برا..بتتبردين مابعطيج جاكيتي العنود: ما أريده.. الله الغني حارب: يالله بسرعه .. أنا بموت من اليوع دخلت غير البدي اللي كنت لابستنه ولبست غيره .. طلعنا من الفندق عقب صلاة العصر.. رحنا نتمشى ويا المرشد السياحي صوب المزارع .. المزارع عندهم واااايد حلوه والفواكه تنزل من كل صوب .. دخلنا نتغدا في واحد من المطاعم وعقب طلعنا نتمشى.... .......................... *********** وهذي سفرت تركيا .. المعاريس كل يوم في مكان ماتلاقوا مع بعضهم الا مرتين .. وردوا من تركيا عقب ماكملوا شهر كامل .. ومن عقب هذي التغيرات تمر الأيام والأسابع وتتبعها الشهور ... وهذي هي حياتهم من عقب مرور سبع شهور من الأحداث الماضيه ..خليفه ابتدا يداوم في كلية الشرطه.. عويش مكمله حياتها ومرتاحه من علاقتها ويا العنود اللي كل يوم عن يوم تقوى أكثر... حصه ربت ويابت ولد والحين عمره 4 شهور .. حمدوه حامل في الشهر الثالث.. وشمسوه حامل في الشهر الثاني وسالم وعلي طايرين بهن السماء.. آمنه لين الحين بعدها مانست كرها لعنود..نوروه خالت العنود بعد حامل في الشهر الثامن ************ من قمت الصبح وأنا أحس بضيج وتعب .. مالي بارض على الدوام..(بدا دوام الفصل الثاني من اسبوع ) .. من قالتلي شمسوه انها حامل .. صح استانست لها وايد .. بس في نفس الوقت تضايجت .. من يومها وآمنه وأم ميثا وعموه .. ينغزن بالرمسه.. يالله انك تصبرني وترزقني بالعيال اللي بفرح بهم حارب . وأفتك من رمسة هالحريم اللي ماترحم .. كرهت اني أطلع من البيت .. كرهت يمعات الحريم.. كل وحده تسأل من صوب والثانيه تنغز من صوب .. شسوي اللي عليه سويته الفحوصات تبين اني سليمه ومافيني أي شي.. ماحسيت الا وحارب يالس عدالي وحط ايده على ايدي ..لفيت صوبه وأنا مضايجه من الخاطر.. حارب: صباح الخير عيوني العنود: هلا حارب .. صباح النور حارب: بلاها غناتي مضايجه على الصبح العنود: مافيني شي حارب: شو فيج عنادي العنود(منزله راسها):حارب.. أأ .. انت تبا عيال صح؟؟ حارب(مبتسم): هذا الموضوع اللي شاغل بالج؟ العنود: حارب سألتك سؤال جاوبني حارب: يوم بيعطيني ربي .. وأنا هب مستعيل العنود: حارب.. يعني انته مب مضايج حارب: عنادي قلتلج أنا مب مستعيل اللي كاتبنه ربي بيصير .. ونحن بعدنا ما كملنا سنه من عرسنا العنود(تدمع): حارب أنا تعبت من رمسة الحريم والله قرب حارب مني ويلس مجابلني حارب: عنادي انتي منو اللي يهمج أكثر.. أنا والا الحريم العنود: شو هالسؤال ياحارب.. أكيد انته ..بس والله رمسة الحريم ماترحم حارب: لا تهتمين لهن .. إذا بتسمعين رمستهن مابتعيشين ..والحين يالله قومي خلينا ننزل .. اتأخرنا والعيوز بتحشرنا لازم نتريق قبل ما نطلع.. ... نزلت ويا حارب .. تريقنا وعقب طلعنا ..وصلني حارب الجامعه وعقب راح لدوامه .. خلصت الساعه أربع العصر.. رديت البيت .. دخلت لقيت حارب راقد .. غيرت ملابسي .. وانسدحت فالصاله أريح شوي .. الساعه خمس وعيت حارب .. ونزلت تحت .. لقيت عموه يالسه ويا خواتي وشمسوه وحمدوه العنود: السلام عليكم الجميع: وعليكم السلام أم عبدالله: العنود أمايه حارب وين العنود: حارب راقد عموه .. أم عبدالله: ماتغدا ... من رد رقد ولا طاع يذوق شي العنود: بقوم أسويله شي ياكله أم عبدالله: فديتج يا أمايه قمت وأنا أمشي طالعه سمعت عموه تدعي (الله يرزقكم بالعيال ويفرحكم يارب) استانست .. عرفت ان عموه صابره لو ماآمنه وأختها أم ميثا.. رحت المطبخ سويت كيك ولقيت ناصر مسوي خبيص وخمير حق الفواله.. سويت عصير وشليت الفواله داخل الصاله .. دخلت لقيت حارب يالس وياهم .. حطيت الفواله ويلست وياهم .. عقب صلاة المغرب طلع حارب وأنا نزلت كتبي تحت عند عموه عشان ما أخليها بروحها.. قعدت فالصاله أدرس شوي وعقب ماخلصت يلست وياها .. ومن عقبها اتيمعوا كلهم عندنا .. ويلسنا نسولف .. ومنصور كان عندي بس هادي مايتكلم .. العنود: منصور شو فيك منصور: العنود بقولج شي العنود: شو منصور: أول ولد تيبينه سميه مانع حز في خاطري كلام منصور .. لين الحين مانسى مانع ... ومستحيل ينساه .. محد ينسى صديق الطفوله .. وزود على هذا منصور ذكرني بموضوع أحاول أنساه .. العنود: انشالله يامنصور.. مر هالاسبوع بطيئ عليه.. يوم عن يوم نفسيتي تضيج أكثر عن اليوم الثاني .. وقد ما أحاول ما أبين لحد وخصوصاً لحارب.. يوم الثلاثاء.. كنت فالرسبشن ويا شمسوه وعويش نتريا حمدوه بنروح البيت .. يت صوبنا ميثوه ميثوه: السلام عليكم البنات: وعليكم السلام ميثوه: منو اترين ؟ عويش: حمدوه بعدها مايت ... شفنا حمدوه توها داخله الرسبشن .. وتمشي على دوبها شمسوه: يتكم حمدوه بكرشتها حمدوه: مالت عليج .. بعدني ماسويت كرشه .. ميثوه: في أي شهر انتي حمدوه؟؟ حمدوه: الرابع ميثوه: وانتي شميس؟ شمسوه(مستحيه): أنا بعدني الثاني عويش: أونها تستحي.. ميثوه: حليلك ياحارب.. والله الله يعينك أسميهم سالم وعلي بيطيحون فيك مغايض هذا اللي كان ناقصني أنا .. بس ميثوه الكريهه تتكلم .. أروح السياره أبرك لي من الوقفه هنيه العنود: أخبركن أنا بترياكن فالسياره شمسوه: صبري عنودي بسير وياج عويش: ميثوه شهالرمسه ...ان الله راد بيرزقهم .. طلعت من الرسبشن مغيضه من ميثوه ولحقني البنات .. ركبنا السياره وعلى طول ردينا البيت .. دخلت حجرتي ورقدت .. سدتلي نفسي ميثوه .. عقب صلاة المغرب حسيت بحارب .. كان قاعد على طرف الشبريه.. حارب: عنادي .. عنادي العنود: هممممم حارب: قومي .. أذن المغرب العنود: انزين حارب: قومي يالله الحين العنود: انشالله حارب: أنا الحين بسير أصلي وبرد .. بلقاج واعيه العنود: انشالله طلع حارب وأنا قمت صليت وعقب دخلت أتسبح ..أحاول أتناسى كلام ميثوه بس أحسه مثل الصدى يردلي ومايفارق اذني... وقفت أسحي شعري ودخل حارب الحجره حارب(مبتسم): صح النوم العنود:صح بدنك حارب: مابغيتي تقومين .. امره من ييتي عقيتي بعمرج .. كنت يوعان العنود: جان وعيتني حارب: ماهنتي عليه كان يبين انج تعبانه العنود: حارب حارب: عيون حارب العنود: بقص شعري حارب: لا العنود: حارب دخيلك بقصه حارب: قلتلج لاء.. أنا أبغي أعرف انتي ليش تبين تقصينه؟؟ في شو قاهرنج العنود: هيه تراه على راسي .. أنا اللي أتعذب وياه حارب: عاد اللي يسمعج يقول لين الأرض.. أنا مغيض منج يوم قصيتيه قبل العرس .. تبيني أخليج تقصينه الحين العنود: حارب دخيلك أبغي أغير نفسيتي شوي حارب: والحين قص الشعر بيغير النفسيه؟؟ العنود: هيه.. حارب: لا.. يالله خلصي انتي خلينا نطلع العنود: وين؟؟ حارب: فالبيت .. حشى من يسمعن طلعه نطن العنود: والله ماأبغي أطلع..ولالي خاطر عالطلعه حارب(يجدم من العنود): العنود فديتج اللي شاغل بالج الحين خليه فصوب.. لاتخلينا نعيش في ضيج عشان هالسبب.. خلينا نعيش حياتنا مرتاحين بدون ضيج العنود(تبتسم): من عيوني حارب: فديت عيونج .. يالله أنا بنزل تحت ولا تبطين أترياج العنود: انشالله طلع عني حارب وخلاني أفكر بكلامه .. صدق أنا شو اللي يخليني أضيج بعمري وبريلي لشي مابيدينا نغيره.. مالنا غير الصبر واللي كاتبنه رب العالمين بيصير..ومن عقب ماريحني حارب بكلامه سحيت شعري ولفيته.. تجحلت وحطيت غلوس خفيف .. سويت دخون تدخنت وتعطرت ونزلت تحت .. أول مادخلت الصاله .. حسيت الدنيا ضاجت جدام ويهي .. ميثوه وأمها عندنا .. بس مابغيت أنسى كلام حارب توه .. وطبيت ميثوه وكلامها .. العنود: السلام عليكم الجميع: وعليكم السلام سلمت على ام ميثوه ويلست عدال حارب حارب: مرحبا الساع والله .. عنبوه من متى أتريا العنود:سوري .. أم عبدالله: العنيدي أمايه وينج اليوم .. حتى غدا ما تغديتي العنود: فديتج عموه .. رديت تعبانه من الجامعه دخلت ورقدت أم عبدالله: ترييتج العصر تنزلين .. الحربي قالي تعبانه العنود: هيه عموه من داومت الساعه ثمان مارديت لين العصر دخلت ورقدت أم عبدالله: تعالي كلي شي .. جانج من الصبح ما كلتي شي العنود: فديتج عموه ما أشتهي أم عبدالله: تعالي انتي .. عنبوه من أصبحتي ما كلتي قام حارب شل تفاحتين عطاني وحده وشل الثانيه .. حارب: يسدنا هذا لين العشى عقب قبضني من ايدي وطلعنا برا الصاله وويلسنا عند الزرع .. على واحد من الكراسي نسولف.. كملنا تقريباً نص ساعه وعقب حسيت بالبرد العنود: قم خلنا ندخل .. برد حارب: شو ندخل .. خلينا مستانسين العنود: أنا البردانه .. انت شعليك مدفي بهالمدرعه اللي عليك فصخ حارب جاكيته وعطاني اياه حارب: لبسيه العنود: لالا خله عليك حارب: كم مره أقولج لا تردين كلامي لبسيه يالله العنود: وين ألبسه بضيع فيه حط حارب الجاكيت على جتفي .. حارب: الحين مالج حجه تدخلين داخل .. شفنا سالم ياي صوبنا مبتسم سالم: السلام عليكم المعاريس حارب&العنود: وعليكم السلام سالم: اللي يشوفكم يقول معرسين من اسبوع حارب: اهب من عينك سالم: أونكم مسوين جو رومنسي حارب: يعني يوم تعرف انه جو رومنسي شو هالرزه سالم: هوايه.. بتخبرج عنودي انتي شو مسويه بحروب ؟؟ ساحرتنه!!؟؟ ماعرفت شو أقول .. نزلت راسي مستحيه من سالم .. أدريبه متقصد يحرجني السبال حارب: أقول سالم سالم(باستهبال): عيون سالم حارب:شورايك تسير تييب حمدوه وتيلس وياها هناك سالم: جان زين .. بس بتظهر دقيقتين بتقولي برد خلنا نرد داخل حارب(يطالع العنود بطرف عينه): هب حمدوه بروحها .. كلهن العنود: بس عاد .. انتوا كناديركم اروحها تدفيكم.. الا نحن حارب: سلوم ... عطيناك ويه وايد يالله اجلب ويهك سالم: مالت عليكم .. أوني أنا بسوي لكم فاصل .. سنعود بعد قليل حارب: والحين.. عدنا .. يالله سالم: برايكم كملوا يلستكم راح عنا سالم ويلسنا لين أذن العشى .. راح حارب المسيد وأنا دخلت داخل الصاله يلست شوي وعقب ركبت أصلي وعقب برمس يدوه .. ********* فالصاله كانت أم ميثوه وميثوه وأم عبدالله وآمنه وسلامه يالسات أم ميثوه:الا بتخبركن العنود ماحملت سلامه: بعدها.. والله بيرزقها انشالله .. هم هب مستعيلين أم عبدالله: بعدهم .. الله بيرزقهم أم ميثوه: أويلي عليك يالحربي .. شو هب مستعيلين .. عنبوه هوه لين متى بيترياها؟؟ آمنه: الله يعينه عليها سلامه: جيه هوه بيديها .. شوهالرمسه اللي ترمسنها انتن أم ميثوه: لالا سلامة راسج .. ندريبها اختج وماترضين عليها .. بس الريال يبا عيال سلامه: جيه والعنيدي ماتبا!!.. الا رب العالمين العالم وبيديه كل شي قامت سلامه وطلعت عنهم .. مارضت هالرمسه تنقال عن اختها وماحبت اطول فالكلام وياهن تخاف تغلط على وحده منهن.. أم ميثوه: أنا ماعليه منكن .. أبوي الحربي لازم تدوروله حرمه أم عبدالله: وابويه!! اشو هالرمسه ياميره شقايل أدورله حرمه آمنه: هيه امايه أبوي حارب يبغي عيال الا مب عارف شو يقول أم عبدالله: حارب صابر ومتوكل على الله أم ميثوه: صابر نحن ماقلنا شي .. الا انتي خلي عنج هالرمسه ودوريله بنت الحلال وحارب ماشالله عليه الكل يتمناه ومحد يرده أم عبدالله: أنا مابقول شي لين حارب اروحه يرمسني ******** دخلت الصاله لقيت الحريم يالسات وأول مادخلت سكتن ... برايهن والله ماهمني .. يلست عدال عموه.. أم عبدالله: العنود غناتي العنود: عونج عموه .. أم عبدالله: عانج الله فديتج سيري حطي العشى .. الحين بي ريلج واخوانه .. شوفي البشاكير العنود: انشالله عموه .. من عيوني أم عبدالله: يعلهن سالمات.. أنا بسير أصلي قمت وساعدت عموه .. قبضتها من ايدها دخلتها الحجره .. وعقب رديت الصاله وقبل ما أطلع شفت حارب داخل الصاله حارب: السلام عليكم الجميع: وعليكم السلام حارب: العنود غناتي حطي العشى .. بتعشى وبسير مواعد ريال العنود: انشالله طلعت من الصاله رايحه المطبخ وحارب ركب فوق.. عقب ماجهزت العشى ويا الخدامات .. حطينا العشى فالصاله.. ويوا بوسالم وبوعلي اتعشوا وسالم وعلي ومنصور وياهم .. عقب ماخلصوا عشى يلسنا نحن نتعشى.. حارب: العنود العنود: عونك حارب: عانج الله .. تعالي شوي أم عبدالله: وابويه عليك .. جيه ماتشوفها بتعشى حارب(مبتسم): فديتج ياأمايه.. أباها شوي وعقب بردها لج لاتخافين أم عبدالله:لالا سلامة راسك .. خلها اتعشى وعقب بتسير صوبك حارب: ردي يابوج اتعشي .. وتعالي عقب العنود: عادي عموه فديتج .. برد وبتعشى شمسوه: لافديتج تعالي .. الحربي من يشلج مابيفجج العنود(مستحيه): اصطلبي شميس ... عموه فديتج دقايق وبرد رحت فوق ويا حارب ورديت عقب ربع ساعه .. اتعشيت ويلست فالصاله وياشمسوه وحمدوه وعموه.. الساعه تسع كلهن طلعن ..وصلت عموه حجرتها ترقد ورديت الصاله .. رن تيلفوني كانت عويش متصله العنود: ألو عويش: عنووووووودي لحقيني العنود(خايفه): شو فيج عويش: قومي تعالي العنود: الحين! عويش(باستهزاء): الحين!!.. جيه أول مره تين هالوقت .. قومي يالله العنود: حشى كلتيني .. انزين سكرت عن عويش وطرشت مسج حق حارب وسرت بيت حمد .. دخلت الصاله .. لقيت حمد وآمنه وعيالهم العنود: السلام عليكم حمد: مرحبا مليون .. وينج أمس ماييتي صوبنا العنود: عويش يتني أمس حمد: أفا .. جيه انتي تين حق عويش بس؟؟ العنود: لافديتك .. تراني ييتك اليوم حمد:تعالي يلسي عدالي يلست عدال حمد سولفنا شوي وعقب شفت عويش داخله الصاله .. خليفه: أخييييييييراً ظهرتي عويش: خلوف فكني من الصدعه خليفه: مالت عليج المفروض يوم الأربعا والخميس ادلعيني .. عويش: عرس وخل حرمتك ادلعك خليفه: ليش هم قالوا يالله وأنا قلت لاء حمد: هههه مستعيل ألقاك خليفه: هههه هاه بتيوزني حمد: خلص الدوره قبل .. وعقبها بسنتين بيوزك خليفه: خيييييييبه .. حشى تباني أعرس وأنا شيبه شرات حارب العنود: بس خل عنك عاد حمد: هههه ... شو نسيت ان حرمته عندنا خليفه: خلاص يابوج .. شباب ياهل شو بعد العنود: هيه احترم نفسك حمد: علومج العنيدي العنود: الحمدالله حمد.. يسرك الحال شفت عويش تسويلي حركات تبانا نطلع .. سولفت ويا حمد شوي وعقب طلعت ويا عويش .. دخلنا حجرتي اللي فبيت حمد العنود: الحين انتي ماتقوليلي ..شوعندج ؟؟ عويش: لحقيني العنود.. العنود: لحقيني ولحقيني .. الحين أنا يوم سمعتج قلت بي بلقى حمد حاط السجين عرقبتج عويش: العنود لا تتطنزين مب وقته العنود: انزين رمسي شو فيج عويشِ(بيأس): عنودي انخطبت العنود(شاقه الحلج): والله مبروووووووك عويش: وويعه انشالله .. أقولج انخطبت تقوليلي مبروك!! العنود: هاه عيل شو تبيني أقولج.. الله يعينج!! عويش: العنود فهميني حسي فيني .. اللي خطبني أحمد بن ثاني ال... العنود: انزين وشو فيه .. ريال وماعليه كلام.. وحمد لو شاف شي عليه مابيشاورج عويش: العنود انتي ليش مب راضيه تفهميني .. أنا ما أقدر أنسى بطي العنود: وويعه انشالله .. انتي شوه عنز ماتفهمين عويش: شوووو.. انتي اللي ماتفهمين العنود: عويش بطي انسيه خلااااص انسيه عويش: ما أقدر العنود: شو ماتقدرين.. عكيفج !! عويش: أأأفففف .. عنودي أنا الحين يبتج تساعديني .. العنود: وشقايل أساعدج انشالله عويش: ماأدري انتي فكري ويايه العنود: انتي الحين ماتبينه ؟ عويش: لا تستهبلين عليه العنود: أنا ماأستهبل.. إذا ماتبينه قولي حق حمد ما أباه .. واتريي الشيخ بطي يفتكر فيج وايي يخطبج عويش: عنوووود لا تتطنزين بي العنود: والله شوتبيني أقولج .. كم مره قلتلج شلي بطي من راسج خلااااااص .. عويش: ما أقدر العنود: تقدرين .. لو تبين بتقدرين عويش: ما أدري العنود: عويش.. لو انج كنتي متأكده من حبج لبطي مابتترددين دقيقه وعلى طول بترفضين بس انتي بعدج متردده توافقين والا لاء عويش: مب عشان شي .. بس لأني شاكه الا متأكده ان بطي مايدري عني .. العنود:فكري زين ياعويش واستخيري ربج ..وبيدلج للخيار الزين عويش: ما أدري ماأدري العنود: وسم انشالله .. تدرين أنا تعبت .. كل ما أييج من صوب قلتي ما أدري ..أروح البيت أبرك لي عويش: انزين انتي تنصحيني فيه العنود: والله صبري بتخبر الربع عنه وبرد عليج... يعني أنا شدراني فيه .. بس دام ان حمد شاورج فيه اتأكدي انه ريال زين عويش: تدرين أنا الغلطانه اني زقرتج .. جلبي ويهج سيري عند ريلج العنو: أحسن من مجابلج .حشى طفرتيني كله ما أدري ما أعرف عويش: انزين فكينا .. بفكر قبل العنود: انزين قومي وصليني عويش: بتبطين الساع ..سيري اروحج العنود: عويش حرام عليج أخاف في هالوقت اتصل حارب..قالي انه رد البيت .. خليته ايي صوب الباب .. طلعت عن وعويش .. سايره البيت لقيت حارب عند الباب .. دخلناالبيت وأنا أفكر في كفيش العنز الله يستر منها ............. طولت عويش فالتفكير .. ويوم الأحد كانت عندنا عقب صلاة العشى..كنت وياها فوق .. ودام انا اروحنا حبيت اني أسألها العنود:أقول كفيش؟؟ عويش: هاااااه العنود: وويعاااه .. ردي زين عويش: خير شو عندج .. العنود: شوسويتي ؟؟ عويش: في شوو! العنود: عن الاستهبال.. شورديتي على حمد عويش: وافقت فجيت عيوني بكبرهن منصدمه منها .. وافقت وبكل برود بعد العنود: قولي والله فدييت روحج .. مبروك عويش(ببرود):الله يبارك في حياتج العنود: بلاج .. مب مستانسه .. حشى تقول بيقصبونج عويش(تتنهد): خليها على الله العنود: عويش فديت روحج بطي.. عويش(تقاطعها): خلاص عنودي .. بطي خطب بنت عمه العنود: عويش لايكون وافقتي بس عشان هالسبب عويش: ماتفرق العنود: لا تفرق .. ووايد بعد... عويش فديتج لو كنت موافقه على أحمد من قبل ما تعرفين .. يعني انتي مقتنعه فيه .. بس لووافقتي عليه من عقب ماعرفتي وافقتي عليه لأنه ماعندج خيار ثاني وبغيتي تعيشن ويا أحمد وتنسين بطي عويش: عاد عنودي .. هذا النصيب العنود: عويش لو انتي أقنعتي نفسج بهالشي يكون أحسن .. وسبحان الله يمكن نصيبج ويا أحمد يكون أحسن عن بطي عويش: الله أعلم ........ وافقة عويش على أحمد .. بصراحه من كلام حارب يبين عليه انه ريال ماعليه كلام ... وأمس كانت خطوبتها رسمي..ويبين على عويش انها فرحانه .. وفالصيف بيكون العرس انشالله .. رديت اليوم من الجامعه ورقدت وقمت العصر أدرس..عقب ماخلصت فكرت أتصل حق شموه ..بشوف أخبارها من فتره مارمستها.. اتصلتلها بس ماردت عليه .. حارب(يدخل): منو ترمسين ؟ العنود: أتصل حق شموه.. بس ماترد حارب: يا هذي شموه.. أحسج ترمسينها أكثر عني العنود: حرام عليك .. من اسبوع مارمستها حارب: انزين قومي ننزل العنود: منو تحت؟ حارب: امايه وآمنه نزلنا تحت وقبل ما ندخل الصاله وقفت عند باب الصاله أسمعهم يناقشون في موضوع يخصني .. آمنه: امايه انتي شدراج انها مافيها شي .. هيه لو فيها مابتقولج أم عبدالله: وأنا شو بيدي أسوي الحين آمنه: الحين زقري حارب ورمسيه.. خطبيله ميثوه ماشالله عليها ماعليها كلام أم عبدالله: أنا أدريبه الحربي متعلق في حرمته ومابيطيع لغيرها آمنه: عهواج امايه أنا قلتلج .. وان مايوزتيه اليوم بتردين تيوزينه باجر حارب من أول ماسمعهن حب يدخل بس أنا قبضته من ايده أبغي أسمع الكلام كله وما أقطع عليهن...وقفت أطالع حارب وأنا منصدمه من الكلام اللي أسمعه .. نزلت راسي ورديت فوق ..وحارب دخل الصاله ********* دخل حارب الصاله عند امه واخته معصب من الكلام اللي سمعه حارب: شو هالرمسه يا آمنه أم عبدالله(مرتبكه): مرحبا ابويه .. نشيت!!؟ حارب: هيه امايه توني أم عبدالله: وين العنيدي خلها تحط لك غدا آمنه: وين بعد أكيد راقده .. ولا تدري عن ريلها حارب: آمنه خليني أنا والعنود نتفاهم ... وهيه هب راقده توها نازله ويايه سمعت رمستكن وردت فوق آمنه: ماعلينا منها سمعت والا ماسمعت . رمستي ماجذبت فيها حارب: جذبتي والاماجذبتي ... العيال بايد رب العالمين هب بايد العنود آمنه:وإذا هيه ماتيب بتم انته بلا عيال حارب: والله هذي كتبت ربنا .. مابنغيرها أم عبدالله: شهالرمسه يابويه .. حارب: هذي رمستي ولا عندي غيرها طلع حارب من البيت معصب من اخته ولا رد لين فليل .. وكل مايتصل فالعنود ماترد عليه.. الساعه عشر ونص رد حارب البيت لقى العنود منسدحه على الكنبه وراقده .. جرب منها يوعيها حارب: عنود...عنادي فتحت العنود عيونها ويلست رتبت شعرها ولفت صوب حارب العنود:متى ييت؟ حارب: توني العنود: تعشيت؟ حارب: هيه تعشيت .. انتي لايكون ترييتيني العنود: لا أنا مالي خاطر.. حارب: ماتعشيتي ؟ العنود: حارب دخيلك قلت لك مالي خاطر حارب: قومي ننزل العنود: حارب بصراحه أنا فكرت في كلام آمنه حارب: سكري هالسالفه عنودي ..أنا آمنه تفاهمت وياها وخلاص العنود: لا حارب..أنا أدري انك تبغي عيال ..بس هالشي مب بايدي وإذا تبغي تعرس برايك أنا ماعندي أي اعتراض حارب: العنود وبعدين وياج شو هالرمسه العنود(تحط ايدها على ويها): حارب ادخيلك افهمني..أنا لو كنت بمكانك بموت.. محد مايبا عيال في هالدنيا..وبعدين انت محد بيلومك حارب(بضيج): لاااااا إله الا الله .. قومي رقدي أبرك عن هالرمسه اللي مالها معني.. دخل حارب يرقد والعنود يلست فالصاله فتره وعقب دخلت ترقد وهيه تعبانه من التفكير والهموم اللي اطاردها .. ******** عشت هالاسبوع في حالة ضيج .. شمسوه وحمدوه وعويش حاولن أكثر عن مره يعرفن .. بس أنا ماخبرت أي وحده منهن .. حياتي صارت ممله .. كنت أداوم وأرد أرقد .. ويوم أقوم ما أنزل تحت.. الا بين فتره وفتره.. اليوم قمت العصر فتحت الدريشه ويلست أطالع التلفزيون .. دخلن عندي شمسوه وحمدوه شمسوه: السلام عليكم العنود: وعليكم السلام حمدوه: شحالج عنودي .. عنبوه وينج .. شو تسوين يالسه اروحج العنود(تتنهد): مالي بارض على حد شمسوه(معصبه):انتي وبعدين وياج ... العنود: شميس مالي بارض على حد شمسوه:وانتي ليش ماتخبرينا برمسة عمتي آمنه تنهدت .. عرفت انهن درن بكل شي .. يعني فيه احتمال كبير يصير هالشي .. العنود: شمسوه..ولو خبرتكن شوبيصير وشوبيتغير حمدوه: عنودي عنبوه نحن من متى نخبر بس عشان نتريا حد يساعدنا .. نحن اللي تعودنا عليه ان كل وحده تعرف كل شي عن الثانيه شمسوه: وانتي عبالج انا نحن بنسكت على حالتج هذي العنود: وشو بتسوين .. عمج يبغي عيال وهالشي من حقه ومحد يقدر يمنعه شمسوه: انتوا بعدكم ماكملتوا سنه ..عادي مافيها شي .. وايد ناس اتريوا سنين لين الله رزقهم بعيال العنود:شمسوه.. الحريم مايفكرن في هالشي ..وعموه من حقها تطلب من حارب انه يعرس حمدوه: انتي شوه .. ماتحسين عادي عندج يعرس عليج العنود: اللي يباه بيسويه أنا ما أقدر أمنعه.. شمسوه: انتي الرمسه وياج ضايعه .. قومي خلينا ننزل تحت العنود: خلنا نصلي المغرب قبل صلينا المغرب ونزلنا تحت الكل متيمع تحت .. يلست أسولف وياسالم وشكله حاس باللي أنا فيه وعارف كل شي.. ************* الكل سكت عن السالفه تقريباً شهرين .. والعنود وحارب على أمل ان الله يرزقهم .. بس رب العالمين ماكتب لهم .. وآمنه وأم ميثوه كل يوم والثاني يترسن راس أم عبدالله بانها تضغط على حارب انه يعرس.. وحارب تحول دوامه دبي .. يعني كان يرد البيت يوم الأربعا وطول الاسبوع يكون في دبي..ويوم الأربعا عقب الغدا كانت العنود يالسه ويا أم عبدالله وسلامه وحمدوه أم عبدالله: العنيدي حارب بيي اليوم العنود: هيه عموه ... بيي العصر أم عبدالله: رمستيه انتي العنود: رمسته الصبح قال بيطلع من دبي الساعه ثلاث حمدوه: الله يعينه .. كان مرتاح يوم يداوم فالعين أم عبدالله: فديت روحه ضاجتبه الدنيا يوم حولوه سلامه: بيتم دوم هناك العنود: أربع سنين سلامه: ربي يعينه .................... وصل حارب البيت الساعه خمس العصر .. دخل الصاله وشكله وتعبان... لقى أمه يالسه حارب: السلام عليكم أم عبدالله: وعليكم السلام مرحبا الساع قرب حارب من أمه وسلم عليها...ويلس عدالها حارب: شحالج الغاليه؟ أم عبدالله:بخير وسهالله .. شحالك انته حارب: يسرج الحال؟؟ ألقاج اروحج أم عبدالله: زين بعد يوم انا اروحنا ..بغيت أرمسك فسالفه حارب:خير الغاليه آمري أم عبدالله:حارب ياوليدي ..أنا ان عشت اليوم مابعيش باجر حارب: بسم الله عليج ياأمايه .. شهالرمسه أم عبدالله: يابويه أنا أبغي أشوف عيالك .. أبغي أشوفهم قبل ما أموت حارب: الله يطول بعمرج ياأمايه ..وبتشوفين عيالي .. ويوم الله بيرزقنا بيرزقنا ونحن مابيدينا شي أم عبدالله: لايابوك هالكلام ماينفع .. وجان حرمتك ماتييب عيال خلها معززه مكرمه وخذ غيرها وانت محد بيلومك .. محد مايبا عيال فهالدنيا حارب: لا ياامايه شو أعرس عليها .. عنبوه نحن بعدنا ماكملنا سنه من عرسنا أم عبدالله : لا مكملين سنه حارب: أمايه الله يهداج .. نحن معرسين فالصيف باقلنا شهرين وبنكمل سنه أم عبدالله: وما مات الا بلق عينه مافرقن شهرين .. حارب: برايهن شهرين والا سنتين .. أنا ماأبغي حد من عقب العنود أم عبدالله: لا لا خل عنك هالرمسه.. بتاخذ عليها وهيه ماعليها شر حارب(بضيج): الله يهداج ياأمايه امره لقطتي الرمسه من آمنه أم عبدالله:شولقطت الرمسه من آمنه..أسميك ماتستحي حارب: السموحه منج ياأمايه.. بس أنا عرس مابعرس أم عبدالله: خل عنك هالرمسه..وأنا مابترياك صابر عليها حارب: الله يهداج ياأمايه قلتلكم أنا عرس مابعرس أم عبدالله: لا بتعرس أنا خطبت لك ميثوه بنت خالتك حارب(منصدم): شووووه!! أم عبدالله: هيه .. عيل انشالله تباني أترياك حارب: أمايه شقايل تخطبين .. عنبوه أنا معرس وبعدني ماكملت سنه أم عبدالله: مابيضرك خذ الثانيه ييحل لك أربع .. والعنود بتم في بيتها مكرمه ومعززه حارب: امايه شو أعرس عنبوه وأنا مالي شور.. وشدراج يمكن انا السبب هب العنود أم عبدالله:لالا انت مافيك شي .. وأدريبك انت مابتكسر كلامي ... ولابتفضحني جدام خالتك .. خلاص أنا رمستها حارب(بضيج): شقايل ترمسينها وماتشاوريني أم عبدالله: شعنه أشاورك .. أنا أدريبك مابطيع حارب: ويوم انج تدريبي مابطيع ليش تسيرين تخطبين!؟ أم عبدالله: خل عنك هالرمسه والعرب يتريونكم يوم الخميس الياي حارب: ومحددين موعد بعد!! (وقف بيركب فوق وكمل كلامه)أنا عرس مابعرس ومثل ماتصرفتن ردن قولن لخالتيه اني مابعرس أم عبدالله: لا بتعرس وان ماخذتها وفشلتني جدام خالتك .. قلبي غضبان عليك ركب حارب فوق وهوه واصل حده من كلام أمه .. ومب عارف شقايل يتصرف فالسالفه وفي هالموقف اللي حطته أمه فيه ..دخل الحجره وهو معصب .. وما نزل تحت لين عقب صلاة المغرب.. والعنود شلت له الغدا فوق .. ................. عقب صلاة المغرب كان حارب داخل البيت وشاف سالم عند سيارته..سار صوبه حارب: السلام عليكم سالم :وعليكم السلام سلم حارب على سالم وعقب لف صوب سيارته.. وحارب حس انه سالم شي فيه ومعصب حارب: سالم بلاك سالم: سلامتك .. ماشي حارب: شو ماشي ماتشوف شكلك انته لف سالم على حارب وهو معصب سالم(بعصبيه): اسمع ياحارب .. نحن وافقنا عليك ويوزناك العنود.. ماتروم تصبر عليها.. جيه العيال بيديها! حارب(بضيج): لاااا إله إلا الله .. انتوا ماتبون تسكرون هالسالفه..وانت شعنه تقول هالرمسه سالم: انت تدري ليش حارب(بعصبيه): لا ما أدري .. ولو أدري ماتخبرتك..وانت منو قالك اني هب صابر... وأنا متوكل على ربي يوم بيريد بيرزقنا سالم: ويوم انك صابر ليش خليتهم يخطبيولك ميثوه حارب: اسمع سالم .. الحريم رواحهن تصرفن أنا لا قلت ولا طلبت .. وأنا عرس مابعرس سالم(منصدم): يدوه حاشره الدنيا .. يوم الخميس الياي لازم الرياييل يسيرون سار حارب صوب سيارته وهو معصب ركب سيارته.. كان بيطلع بس سالم ركب من الصوب الثاني. حارب: دخيلك سالم .. أبغي أتم بروحي سالم: مابخليك بروحك .. أنا لازم أعرف السالفه كلها.. طلع حارب من البيت يتمشى فالشوارع ..وماتكلم ولا قال أي كلمه حق سالم.. الا عقب ما كملوا ساعه تقريباً حارب: أنا اللي أبغي أعرفه .. آمنه شو بينها وبين العنود سالم: بطرت حريم ماعندهن مونه ولا شغله .. حارب: دبرني ياسالم .. أمايه حاشره الدنيا سالم: شو أدبرك ياحارب ... انت تعرف العنود مابتتحمل يسدها اللي ياها .. مب ناقصه خلاص البنت ماتتحمل حارب: وأنا شو بيدي ياسالم سالم: ما تاخذ ميثوه انت ريال ومابيمشنك حريم بشورهن حارب: انت لو سمعت كلام امايه... مابتقول جيه سالم: ماعليك أنا برمس يدوه اليوم تموا سالم وحارب يحوطون وماردوا البيت لين عقب صلاة العشى.. العنود من سمعت هالخبر وهيه يالسه فوق ماتكلمت ولا صاحت ولا بينت ردة فعلها..عقب صلاة العشى دخلوا سالم وحارب الصاله لقوا أم عبدالله يالسه اروحها .. قربوا منها سلموا عليها ويلسوا أم عبدالله:ظويتوا مسودين الويه سالم:شحالج يدوه أم عبدالله: امره لا اتخبر عن حالي ...رافعيلي الضغط وذابحيني سالم: ياااالله يايدوه .. ليش معصبه؟ أم عبدالله: انتوا لا تسمعون شوري ولا مسويلي احترام سالم(يحب راس يدته): أفا عليج يايدوه الاحترام كله لج أم عبدالله(بنقمه): هيه صدققك حارب: ياأمايه انتي على عينا وروسنا بس عاد اللي تبينه ما أقدر أسويه أم عبدالله: لا بتسويه بغيت والا لاء .. أنا مابسمع رمستكم وخلاص البنت حيرناها حارب: أمايه أنا حرمتي سادتني .. أحبها ومابا غيرها .. تسدني عن كل شي .. وإذا على العيال أنا صابر أم عبدالله: بس أنا مابصبر .. ويوم الخميس بتسيرون كلكم سالم: يدوه حارب ريال ويعرف مصلحته ماايوز تغصبينه على عرس أم عبدالله: اقطعوها الرمسه خلاص أنا رمست أمها ويتريونكم يوم الخميس طلع حارب بدون مايقول أي كلمه..خلاص أم عبدالله اللي في بالها مستحيل تغيره.. الكل كلمها بس هب راضيه تغير رايها .. مصممه وكلمت اختها خلاص واللي عليه الحين يكلم العنود ويخبرها.. ركب حارب فوق دخل الصاله لقى العنود منسدحه مجابله التلفزيون ومتلحفه .. حاس ان حد خبرها ومب عارف شويقولها .. حارب: السلام عليكم العنود: وعليكم السلام جدم حارب ويلس عدالها .. مب عارف شو يوقل كيف يبدا ..بشو يتعذر .. تموا ساكتين عشر دقايق تقريباً العنود: ماتبغي عشى حارب: لا.. مالي خاطر العنود: عموه بتحشرنا .. خلنا ننزل حارب: ما أبغي..(لف صوبها) قومي نطلع .. العنود: وين؟؟ حارب:أي مكان .. بنتعشى وبنرد العنود: مالي خاطر..تعبانه أبغي أرقد تنهد حارب ومن دون مايقولها شي .. دخل حجرته ورقد .. تأكد ان العنود تدري ولا مابتكون بهالنفسيه..من عقب ما دخل حارب الحجره ردت العنود انسدحت مكانها .. ومانزلت تتعشى ..وسالم من عقب ماتعشى ركب عندها فوق دخل الصاله لقى العنود سرحانه يلس عدالها .. يحاول يبدا فالكلام بس مب عارف كيف بيخبر العنود .. مهما كان مستحل ترضا بهالشي .. سالم: شحالج عنودي؟؟ العنود(تتنهد): الحمدالله سالم:العنود بصراحه أنا ما أعرف شو أقولج .. بس ... العنود(تقاطعه): لا تقول شي ياسالم .. خلاص أنا عرفت تنهد سالم وما عرف بشو يرد على العنود .. تم ساكت وما قالها شي بس هيه ردت تكمل كلامها العنود: سالم أنا مابيدي شي .. يسوي اللي يباه سالم: كيف مابيدج شي لفت العنود على سالم ... ودموعها مغرقات عيونها بس تقاومهن .. ماتبغي تضعف العنود: شو أسوي .. كلام أمه ولازم مابيعصيها... أقوله طلقني!!... ما أقدر أنا انسانه محد لي فهالدنيا غير ربي وحارب .. سالم: أنا ماقلتلج تطلقين .. العنود: مابيدي شي ياسالم ... أنا وحده متوكله على ربي .. بتم في بيتي وبعيش حياتي على اللي كاتبنه ربي لي سالم: العنود أنا مب عارف شو أقولج ...بس أنا حاولت وماقدرت أغير شي العنود: مشكور ياسالم ... ماقدر سالم يشوف العنود على هالحال..طلع عنها.. ومن عقبها العنود دخلت الحجره ورقدت... يوم الخميس الصبح حارب نش الساعه تسع وماحصل العنود.. طلع من الحجره لقاها يالسه فالصاله حاطه اللاب توب وكتبها جدامها بس سرحانه.. رد الحجره تسبح وطلع يلس عندها حارب: صباح الخير العنود: صباح النور حارب: تريقتي؟؟ العنود: لا حارب: قومي ننزل نتريق العنود ماردت على حارب بس قامت يابت شيلتها ونزلت تحت بدون ماتتكلم... لقوا أم عبدالله وأم حمد يالسات فالصاله وسلامه توها طالعه عنهن حارب: السلام عليكم الجميع: وعليكم السلام سلموا حارب والعنود على العياييزوبعدين يلسوا يتريقون .. ولا حد منهم قال كلمه .. أم عبدالله وأم حمد كانن يسولفن سوالف عاديه.. حارب: عندج امتحانات؟؟ العنود: هيه عقب اسبوع امتحانات الفاينل حارب: تقدرين تأجلين دراستج شوي العنود: ليش!!؟؟... بغيت شي حارب: هيه أبغي أطلع ضايج من البيت العنود: لا حارب مالي نفس أطلع حارب: عنادي بس عاد .. خلينا نطلع شوي نغير جو.. مليت من هالحال سكتت العنود تفكر .. خلاص كل شي تحدد ولازم تتقبل الأمر الواقع .. الحين خلاص مابتقدر تغير شي..ولازم تغير من نفسيتها إذا مب عشانها عشان حارب الانسان اللي من خاطره يحبها .. وفي نفس الوقت لازم عليه يرضي أمه.. العنود(تحاول تبتسم): وين بتوديني حارب: وين ماتبين .. انتي آمري بس العنود: أي مكان .. المهم أكون وياك ارتاح حارب من ردت فعل العنود.. مع انه كان متأكد ان العنود مضايجه من الخاطر..عقب ماتريقوا .. ركبوا فوق العنود لمت كتبها وطبتهن .. بس هاليوم عشان حارب .. دخلت تغير ملابسها وطلعت ويا حارب يتمشون ... وماردوا البيت لين الساعه 12 فليل..دخلوا الصاله لقوا الكل يالس فالصاله .. حارب: السلام عليكم الجميع: وعليكم السلام حارب: ماشالله .. لين الحين واعين شو تسون؟؟ علي: عنبوه لين الحين .. شو تسون هالكثر!! حارب: ريال وحرمته انت شلك علي: عنبوه لوبعدكم معرسين أمس العنود: وليش الريال مايضهر ويا حرمته يحوطون الا إذا كانوا معاريس خليفه: لا أفا عليج ظهروا ع كيفكم ..محد بيقولكم شي حمد: تعالي العنيدي .. جربت من حمد ويلست عداله حمد: شحالج ؟؟!! العنود: الحمدالله يسرك حالي حمد: وينج عنبوه من متى ماشفتج العنود(منزله راسها): ما أطلع .. الامتحانات جربت خلاص حمد: هاه حارب أخبارك حارب كان عارف ان هالاجتماع كله بسبب حمد من شكله يبين انه معصب على اللي بيسويه حارب.. بس حمد من يا ماتكلم بكلمه وحده .. كان يتريا حارب .. عشان هالسبب الكل يلس .. خايفين يصير أي شي بينهم .. حمد: شو هاللي سمعته يا حارب حارب(يتنهد): شو ياحمد؟؟ حمد: انت تدري شوه حارب: حمد الموضوع نهيناه وخلاص حمد: نهيتوه بكيفكم ... وأنا مالي شور!! .. أنا اللي أمنتك على اختي !!..اختي اللي أمني ووصاني عليها أبويه .. هذي آخرتها يا حارب حارب: حمد.. اختك على عيني وراسي .. وجان عليه أنا والله اني صابر.. بس كلام أمايه ولازم أمشيه.. حمد(وقف جدام حارب ويصارخ): والعنود.. العنود اللي مايوزتها حد غيرك وما أمنتها على حد غيرك انت ياحارب .. آخرتها تعرس عليها!!.. حارب: ....... ماعرف حارب شو يقول حق حمد .. حاول أكثر عن مره ويا أمه ..وحاول الكل وياها بس ماقدروا..العنود كانت منصدمه من اللي يصير كل اللي فالصاله ساكتين .. حمد من صوب وحارب من صوب محد قدر يدخل بينهم .. والا السالفه بتكبر.. بس العنود ماقدرت تتحمل اللي تشوفه بين أخوها وريلها .. حارب(معصب): حمد العنود على عيني وراسي .. ودامك تعرف غلاة العنود عندي لا تشك اني بضرها بشي حمد: حارب اسمعني .. والله والله ان دريت ان العنود ياها شي منك .. لا تلوم الا نفسك .. تسمعني العنود(تصرخ): بس.. بس دخليكم .. سكتوا .. عنبوه شوياكم .. حمد دخيلك خله يسوي اللي يباه برايه حمد: شو يسوي اللي يباه .. عباله ماوراج رياييل ياخوذن حقج؟؟ حارب: حمد ماله داعي لهالرمسه حمد: لا إلها داعي .. عنبوه مارمت تصبر على العيال العنود(تصيح): حمد دخيلك .. برايه.. دخيلكم لا تضاربون جرب حمد من العنود ولوا عليها.. حمد: العنود لا تصيحين .. انتي ماتهونين عليه أشوفج بهالحال .. أدري انج بتحطين في خاطرج وبتسكتين ولا بتقولين شي أم عبدالله: يا بوخليفه.. اختك على روسنا .. وهيه بتعيش في بيتها معززه حمد: عموه .. رمستج على راسي من فوق .. بس العنود صغيره على انها تتحمل كل هذا .. هم ماكملوا سنه من عرسوا... شو نسيتوا أنا كم اترييت على آمنه!!!... نسيتي ان آمنه تمت خمس سنين ماحملت .. جيه تجازوني !!؟؟ كلهم سكتوا من عقب ماقالهم حمد هالكلام.. حارب يالس وسارح بتفكيره ..معصب من حمد من أمه وأكثر شي معصب من نفسه .. كيف طاوعهم؟؟!!.. كيف خلى العنود تتعذب .. بس في نفس الوقت كيف بيوقف في ويه أمه .. وبيرد عليها آمنه: خلاص الحين.. اللي صار صار.. أمايه رمسة خالتي وخلاص حمد: آمنه .. خل عنج هالرمسه..شو خلاص .. جيه اتحروني بسكت عنكم أم عبدالله: وأنا مابسير أفشل عمري جدام ميروه .. هم يتيرون الرياييل يوم الخميس حمد:شو يا حارب!! حارب: لااااااااا إله إلا الله .. خلاص يا حمد خلاص .. سكر السالفه حمد: شو أسكر السالف.. العنود(تقاطعه): حمد دخيلك خلااااااص .. تعبت .. تعبت يلس حمد ويلس العنود عداله .. حمدد: عويش قومي هاتي ماي راحت عويش يابت ماي حق العنود .. شربت العنود الماي شوي وعقب ماهدت.. كلمها حمد حمد: العنود غناتي .. انتي قولي اللي في خاطرج .. ولا تخافين وعليج مني اللي تبينه بيصير العنود: حمد .. سالفة العيال هب بيدي أنا .. خله يعرس خلاااص حمد: العنود بعدكم .. ناس صبروا سنين والله رزقهم بالعيال ... العنود: برايه ياحمد برايه .. اللي ترضاه عليه نفسه يسويه .. هو ريال ويعرف مصلحته .. وكلام أمه ولازم مايردها .. وهالكلام مامنه فايده...عموه كلمة اختها وخلاص حمد: بعدهم ما ساروا .. الا رمسة حريم خليفه: الله عاد ماأدري منوه ..ولو ردوا مايبونها .. آمنه: خليفه .. اسكت خليفه: عاد انتن مالقيتن الا ميثوه أم ضريسات .. يعلها تفدا العنيدي سالم من سمع خليفه انفجر يضحك ..على خليفه صدق انسان مرتاح وفاضي .. الناس شابه ضو وهو يضحك.. حمد: صدق ما عندكم سالفه .. خلوف اصطلب وغد ريال خليفه: أنا أعرف شقايل بكون في نظرك ريال علي: هاه .. شو بتسوي عشان تكون ريال؟؟ خليفه: ريال غصبن عنك مسود الويه حمد: العنود.. رمسي شو فخاطرج ؟؟ قلت لج اللي تبينه بيصير العنود: اللي في خاطري قلتلك اياه.. بس اللي أباه صدق اني ما أسكن ويا ميثوه في بيت واحد .. يسكنها مكان ثاني .. أظن ان هالشي من حقي آمنه: وانشالله تبينه يسكن بعيد عن أمه واخوانه .. نحن من استوينا محد سوى فينا هالشي حمد(بعصبيه):آمنه .. اللي تباه العنود بيصير رضيتي والا مارضيتي.. والا شو رايك يا حارب حارب ماتكلم واكتفى انه يطالع العنود اللي يالسه عدال أخوها ومنهاره من الصياح آمنه:وين تبونه يسير .. أمايه مابتتحمل ولدها يسكن بعيد عنها حمد: كيفه اللي يباه يتحمل نتايجه .. العنود مااتم يوم واحد هنيه إذا ميثوه تمت وياها خليفه(بهمس): خلها تي .. بنحطها بشكاره .. زينب حليها محد عندها آمنه: خليفه قم اظهر منصور: هيه الرمسه عن هذيج العنز ماترضونها .. العنود حاطين عليها .. والله خلها تي ميثوه والله لأراويها بخليها ماتدخل هالبيت مره ثانيه أم عبدالله : اس انته اقطع .. حتى انته يريت لسانك منصور: عنودي .. والله أنا أروايج فيها .. قامت العنود عنهم وماتكلمت ولا قالت أي شي تسحب عمرها تبغي تركب فوق .. قامت عويش وراها .. ماتحملت هالشي فالعنود.. كانت تعرف كيف العنود كانت تعاني فالفتره الأخيره من سمعت بالخبر.. ركبت العنود على بداية الدري وماقدرت تتحمل.. خلاص كل اللي تحملته من قبل ماتعرس من وفاة أبوها وأمها .. وعيشتها ويا آمنه اللي كانت تسد النفس ومحد يقدر يتحملها .. وعمها اللي اكتشفته على حقيقته .. وحارب اللي صدمها قبل العرس..يا يكمل الصدمه من عقب العرس.. طاحت العنود على الأرض من كثر التعب اللي فيها.. عويش(تصارخ): عنووووود .. العنوووووود .. أبوووويه حمد من سمع عويش تصرخ ربع صوب الدري وحارب لحقه.. الكل كان وراهم .. حمد من شاف العنود طايحه على الأرض ربع صوبها .. ورفع راسها .. حمد: العنود.... عنودي فديتج ردي عليه عويش: عنود دخيلج .. حارب يا ويلس عدالها حارب: عنادي ... عنادي فديتج ردي عليه .. عنادي ياهم خليفه وياب عطر وياه .. رش شوي فسفرته .. وحاول يشممها حمد: عنودي العنود حركة عيونها بس ماقامت.. كان شكلها وايد تعبان.. ويها مايل على الأزرق حمد: والله يا حارب ان صار فالعنود شي والله ياويلك حارب: حمد مب وقته هالكلام سالم(يصارخ): انتوا شووو!! ماتحسون سالم ماسوالهم سالفه شل العنود وركبها السياره ويا عويش .. ولا تريا حد منهم .. راح المستشفى بأسرع شي يقدرعليه.. دخلها فقسم الطوارئ.. ويابت النيرس كرسي متحرك نزلوا العنود ودخلوها على طول عند الدكتوره ..سالم كان داخل عند الدكتوره يشوف العنود حالتها وايد تعبانه.. وتيلفونه يرن بس ماكان حاس فيه ولا رد عليه .. حارب وحمد من عقب ما طلع عنهم سالم ركبوا السياره ولحقوه.. الدكتوره: لو سمحت أخوي ممكن تطلع شوي سالم: شو أطلع انتي بعد!! الدكتوره: لو سمحت .. لازم تطلع سالم:ما بطلع النيرس:أخي لو سمحت .. بس شوي .. ماقدرنا ناخذ راحتنا فالفحص طلع سالم ورض الباب وراه بقو ..من شكل العنود كان يبين عليها انها وايد تعبانه .. حارب وحمد شافوا سالم من بعيد وربعوا صوبه حمد: سالم وين العنود سالم: داخل حارب: أنا بدخل عندهم سالم: تعال .. مابيون حد حارب: شو مايبون حد أنا ريلها حمد: الحين افتكرت انك ريلها .. تو الناس حارب: حمد انت وبعدين وياك سالم: بس عاد .. نحن مب فالبيت الحين .. صدق انكم ماعندكم سالفه.. إذا بتمون جيه ردوا البيت .. محد وصلها هالشي غيركم انتوا الاثنينه سكتوا كلهم يتريون الدكتوره تطلع.. بس دخلت نيرس ثانيه عندهم .. وطلعوا العنود من عند الدكتوره بسرعه .. ودوها وحده من الغرف حطولها اكسجين.. كانت تحس بصعوبه كبيره فالتنفس .. وحطولها مغذي والعنود بعدها ما تكلمت.. الدكتوره ماخلت حد منهم يدخل .. والنيرس كانت عندها..طلعت الدكتوره عنهم وأول ماشافوها ربعوا صوبها حمد: هاه دكتوره طمنينا عليها الدكتوره:ممكن أعرف شو اللي خلاها توصل لهالحاله سالم: ظروف خاصه فالبيت .. انتي قوليلنا هيه شو فيها الدكتوره: حالتها النفسيه هيه اللي خلتها تتعب .. بنسوي باقي الفحوصات وبنعرف شوفيها بالضبط راحت عنهم الدكتوره وتموا هم الثلاثه يتريون جدام الباب .. يوهم على وشمسوه وعويش .. والكل كان يتريا الدكتوره.. حارب يلوم نفسه .. مستحيل يسامح نفسه إذا العنود صار الها شي .. تموا يتريون لين الساعه ثلاث ..حمد ماخلاهم كلهم ييلسون ..وخلا شمسوه وعلي وعويش يردون .. حاول ويا سالم بس سالم ماطاع يتحرك ولا طاع يرد البيت..ردت الدكتوره صوب العنود بتشوفها .. طولت عندها وعقبها طلعت.. سالم: شو يادكتوره.. طمنينا دخيلج الدكتوره: انت زوجها؟؟ حارب: لا أنا زوجها حمد: دكتوره قوليلنا ... العنود فيها شي؟؟ الدكتوره: ممكن تتفظلون المكتب دخلوا الغرفه ويا الدكتوره .. وكلهم خايفين .. شكل الدكتوره مايطمن .. الدكتوره: بصراحه أنا اللي مخلني أستغرب .. هيه ما تخاف على نفسها!!.. إذا هيه أهملت نفسها انتوا وين عنها!! حمد: هيه شو فيها؟؟ الدكتوره: الظاهر انها ما كلت شي من فتره .. حارب: هيه .. اليوم ماطلعت تذوق أي شي الدكتور: وهذا اللي خلاها تتعب زود على نفسيتها .. وانتوا تدرون ان النفسيه تلعب دور فصحة الانسان .. وهيه مابتتحمل أي شي يتعب نفسيتها ... لأن هالشي عادي يعرضها لانهيار عصبي .. سالم: انهيار!! الدكتوره: هيه ماوصلت لهالحاله .. بس هالشي عادي توصله إذا تمت نفسيتها تعبانه .. وطبعاً هالشي مب زين لا الها ولا للجنين حارب وحمد وسالم سكتوا منصدمين من كلام الدكتوره .. حارب: ليش العنود حامل!! الدكتوره: هيه حامل فالشهر الأول .. ولو انكم اتأخرتوا شوي كانت بتفقد الجنين حارب(يصارخ): فال الله ولا فالج استانس حارب من سمع هالخبر .. الا طار من الوناسه .. وعلى طول ربع صوب حجرة العنود ودخل عندها ولا سوا سالفه للنيرس .. بس العنود كانت راقده من التعب ومب حسه فيه .. وحارب اكتفى انه يوقف عندها .. سالم وحمد ردوا البيت وحارب تم وياها .. ويوم الجمعه الصبح .. رد حارب البيت يتسبح وعقبها رد المستشفى ويا أم عبدالله اللي كانت متلومه فالعنود وطايره من الوناسه من خبرها حارب ان العنود حامل ... دخلوا الحجره لقوا حمد والدكتوره كانت عندها.. حارب: السلام عليكم حمد: وعليكم السلام أم عبدالله: أخبارج العنيدي الحين العنود: الحمدالله حارب: عنادي غناتي شحالج الحين العنود: الحمدالله مرتاحه الدكتوره: لو سمحت أخ حارب ممكن تتفضل ويايه شوي حارب: انشالله طلع حارب وحمد ماقدر يتحمل يكون واقف يبغي يعرف كل شي عن العنود حمد: عموه أنا بسير وياهم انتي تمي وياها أم عبدالله: انشالله طلع حمد وياهم ودخلوا عند الدكتوره حارب: خير دكتوره .. العنود فيها شي الدكتوره: لا اطمن .. أنا بكتب الها اذن خروج اليوم حمد: خلاص يعني الحين ماعليها خوف الدكتوره:لا الحمدالله هيه بخير الحين .. بس بغيت أقولكم لازم تهتموان فيها .. وتخلونها تهتم في نفسها .. لازم تتغذى زين .. لأنها من فتره ماكلت شي حارب: انشالله الدكتوره: الحركه الزايده ممنوعه..ماتتحرك عشان الجنين يثبت حمد: انزين دكتوره أنا أقول تخلونها يومين عندكم أحسن الدكتوره: لا أخوي ماله داعي .. الحمدالله هيه بخير الحين وماعليها أي خوف طلعوا حارب وحمد عن الدكتوره وراحوا عند العنود لقوا النيرس عندها وشكلها قالتلها انها بتطلع .. لقوا العنود جاهزه.. وبتطلع وياهم ... ردوا البيت... والعنود مرتاحه نفسيتها من خبرتها النيرس الصبح انها حامل وهيه مستانسه .. بس بعدها خايفه من قرارهم في زواج حارب .. لأن أم عبدالله مصره وماتبغي تفشل عمرها جدام اختها .. ركبت العنود فوق وحارب ساعدها.. دخلت تسبحت وارتاحت .. ونزلت فالحجره اللي تحت لأن حارب مصر انهم يحولون تحت في هالفتره لأن العنود ماتقدر تركب الدري وتنزل.. ................... عقب صلاة الجمعه .. وقت الغدا كان الكل في صالة أم عبدالله متيمعين عشان الغدا كانت العنود منسدحه على الكنبه وأول مادخلوا بو علي وبوسالم يلست .. الكل من عرف بحمل العنود طاير من الوناسه .. والمفروض الغدا اليوم في بيت حمد .. بس عشان العنود تغدوا عندهم .. صار وقت الغدا.. وخليفه ومنصور ما ردوا من المسيد كانو مع بعض..كلهم يتصلون حق خليفه بس مايرد.. تغدوا الرياييل.. ويلسن الحريم يتغدن.. والكل يلس في بيت أم عبدالله في الصاله .. يسولفون ويتريون خليفه ومنصور اللي من ساروا يصلون ماردوا..وصلت الساعه ثلاث والكل خاف عليهم .. وين راحوا .. خليفه ليش مايرد على تيلفونه.. العنود كانت يالسه عند تيلفون البيت .. ماقدرت تتحمل .. منصور وخليفه ماردوا وايد اتأخروا وخليفه المفروض يكون موجود لأنه بيطلع عقب ساعه..اتصلت حق خليفه من تيلفون البيت ورد عليها منصور والكل من سمع العنود ترمس منصور التفتوا صوبها منصور: ألووو العنود:منصور يالسبال.. انتوا وين منصور: شحالج الحين؟؟ العنود: حالي!!.. تعال شوف حالي شقايل من كثر ما أحاتيكم منصور: لا تحاتين .. انتي ماتسمعين الكلام .. شو قالوا لج فالمستشفى العنود:لا تيلس تستهبل عليه.. خلوف وين؟؟؟ منصور: هذوه العنود: وليش مايرد ع التيلفون .. عطني اياه منصور: لا خلاص نحن واصلين البيت سكرت العنود عنه يوم سمعت صوت سياره داخله البيت.. داقايق ودخل خليفه عليهم الصاله خليفه: السلام عليكم الجميع: وعليكم السلام حمد: وينكم انتوا ؟؟ .. ليش ماترد على تيلفونك خليفه(يحب راس أبوه): سمحلي أبويه .. التيلفون كان فالسياره حمد: وانت وين كنت؟؟ خليفه: كان عندي شغل حمد: وشو هالشغل انشالله .. ماتخبرنا عنه خليفه: لا بخبركم .. اصبر شوي في هالوقت رن تيلفون البيت ورد عليه منصور وعطاه ام عبدالله .. الكل سكت بأمر أم عبدالله لانها ما بتقدر تسمع .. والتهوا في بعض يرمسون بصوت واطي .. حارب سار صوب العنود حارب: عويش.. قومي اشتلي عويش: شو!!يالله يالله يالله ... سر جهز عمرك اتوكل دبي حارب: مابسير اليوم عندج مانع العنود من سمعت حارب رفعت راسها وبين من نظرتها الفضول العنود: ليش؟ حارب: بس كيفي .. بيلس وياج.. عندج مانع عويش: أنا عندي مانع يرها حارب من شيلتها ويلسها تحت .. وقعد هوه مكان عويش حارب: ماسألتج ..بيلس عندها حتى لو هيه ماتغي العنود: والدوام حارب: باجر الفير بطلع سكرت أم عبدالله التيلفون وفرت خليفه بالكوب اللي عدالها خليفه: بسم الله ... غزت ايران علينا لحقوا بو سالم: هاه امايه شعندج أم عبدالله: سود الله ويهك مسود الويه ... سودت ويهي جدام ميروه منصور: خلوف شو سويت أم عبدالله(بنقمه): هيه فديتك ماتدري خليفه: بلاج يدوه أنا ماسويت شي .. بس ريحتكم من أم ضريسات آمنه: امايه بلاج .. خلوف شو مسوي أم عبدالله: شو مسوي بعد .. ولدج سود ويهي جدام العرب.. سار قالهم مانبغي بنتكم آمنه: خلوووف الكل انصدم من خليفه .. كيف يته الجرأه انه يسوي هالشي ... تخالطت أشكالهم كلهم .. اللي استانس وأولهم العنود وحارب واللي انصدم من جرأة خليفه.. واللي عصب منه وهيه أمه آمنه .. وآخر شي حمد اللي حس انه يفتخر بولد ولو انه سار بدون مايشاور حد.. آمنه: وانت شلك تسير تتصرف .. فضحتنا جدام العرب خليفه: سمحيلي امايه .. العنود ماتعبت الا من هالشي.. وحارب مايباها بو سالم: انزين انت ليش تصرفت .. جان اترييتنا نحن بنسير بنستسمح منهم .. عنبوه بيقولون مطرشيلنا خلوف ومنصور... فشلتونا بيقولون مطرشيلنا يهال خليفه: أفاااااااااا..أفاااا ياخالي ... جيه ماتشوفني ريال جدامك بو سالم: ريال والنعم .. الا عاد انته امره ماترييت آمنه: لالله هب ريال .. انت مالك حايه تتصرف.. خليفه: قلتلك أبويه أنت مابتعتبرني ريال الا إذا سويت هالشي .. حمد(بصوت عالي): بعدي ولد حمد بن سيف .. اسميك ريال ومحد شراتك الجميع: ههههههههههههههههه _ & _ & _ & النهــــــــــــــــــــــــــــــايــــــــــــــ ــــــــــه تمت ودامت أيامكم عامرة بالمسرات والأفراح والسموحه |
| الساعة الآن 01:56 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir