ان شاء الله راعي الفتك .. بحطه بالليل .. بعد الساعه 12 ان شاء الله بكتبه
ومشكورين عالمرور
وبتعرفون كل شي مع الايااام ..
خويه الشقــا .. هع هع عاادي افا عليج ..

الجزء السابع

في المستشفــى الكل في الغرفه عند فارس .. هو نايم .. وسالم وحمد وفيصل عند الدكتور .. اما البنات يالسين على طرف .. شموه عند راس فارس.. ويالسه تقرا قرآن.. خبروا اهله والكل ياي .. طبعا من بعد ماسوت مناحه ام سالم وصياح وحاله .. على ولدها فارس..

فارس يفتح عيونه : اااااه
شماا تتطالع فارس وتسكر المصحف : فاارس .. وطالع صوب البنات .. وعى فارس تعالو وعى فارس
فارس: اوووف راااسي
شماا: لاترمس فارس انت تعبان واايد
فارس يطالع شماا وكانه صار بخير من بعد ماشاف الابتسامه : شماا انتي هني
شماا ترد له الابتسامه : هي فارس انا هني .. شحالك الحين ؟
فارس : من شفتج صرت بخير ..
شموه قلبها فز ... وحست بحراره في ويها ..
شوواقه: فارس الحمدلله على السلامه
حصوه ونواري ومريامي : الحمدلله على السلامه فارس
فارس: الله يسلمكم .. اممم انتو بعد هني
حصوه: سالم وفيصل وحمد هني بعد والاهل يااين في الطريج
فارس يطالع شموه: اووف لهالدرجه انا غالي
شواقه: اكيد غالي واايد بعد هههه
فارس: زين والله ..
نواري: فارس عسى ماشر ليش وكيف صار الحادث ؟
فارس يتذكر كل شي : هاا لا بس كنت ارمس في الفون ومانتبهت عالسيارة اللي يدامي
مريامي : يالله الحمدلله يت بسيطه
الكل : الحمدلله
يدخلون الشباب .. ويشوفون فارس يرمس مع البنات ويروحون صوبه
سالم: الله يغربلك ياخوي طيحت قلبي
فارس: ههههه تخاف علي وااي جان استحي
حمد : الحمدلله على سلامتك
فارس: الله يسلمك
فيصل: الحمدلله على السلامه فارس
فارس: الله يسلمك .. ليش خبرتو الاهل ؟
سالم : والله امايه حنت علي وكل اشوي تتصل فيني اتاخرت وجي وانا اجذب عليها لين اتصل الوالد وخبرته والحين كلهم يايين في الطريج
فارس: عيل بسوي عمري تعبان زياده عسب يدلعووني
سالم : هي قصورك بعد ههههه
الكل : هههههههههه

في بوظبي وفي أحد العمارات .. وفي الشقه (شقه الشباب) ..
حميد : ريماااا حبيبتي هني هني صوووبي
ريما ترقص مع البنااات وهم سكاارى .. وحميد عال العال في الشرب ..
باسل يصور ويتحسف ويقول يالله انا لازم ابتعد عنهم نصحتهم وااايد لكن مافي فايده..
يظهر باسل من بعد ماصور كل شي وقال باجر باخذ الكاميرا لفهوود ..

في مستشفى الرحبه ..
الكل ياي المستشفى من الصغير للكبير.. في غرفه فارس..
ام سالم : والله قلبي وقف يوم بوك قالي
فارس: يماا حبيبتي مافيني شي والله
ام سالم: يماا وشو ماخذنك دبي ..كلهم كانو في بيت خالتك
فارس: يماا كان عندي شغل والحمدلله خلاص ماصار شي ..
شموس : من خوفها عليها ياحمااار انا حتى خفت عليك .. وانت ولا همك ..
فارس: حبيبتي انتي من لي غيرج ياختي
يرن فون فارس.. وكان قريب من شموس .. وتشوف الرقم .. معقوووله لااا مستحيل .. شو اللي يابها لفاارس .. يالحقيرة يادانه ترمسين اخووي.. ماهقيتها منج ابداا يارفيق درب بنت خالتي .. وفاارس فارس كيف يكلمها .. انا لازم اعرف السالفه
فارس يطالع شموس ويعرف انها عرفت الرقم واستحى يحط عينه بعينها .. سكر الفون في ويه المتصل واغلقه مرة وحده ..

الكل تحرك للبيت وتم فارس في المستشفى وباجر بيظهر ان شاء الله من المستشفــى .. شماا طول الوقت تصيح .. تصيح على حبها اللي بايديها انهته .. تصيح على فارس وعلى حالها .. تصيح على حميد اللي ماله ذنب بنظرها ..
شواقه اطالع شمووه وواايد كاسره خاطرها ..

الكل رقد .. وكل حد يفكر بالاشيا اللي في باله ..

عاليوم الثاني من الصبح سالم وحمد في المستشفى عند فارس يخلصون اجرائاته عشان يظهر ومن بعد مافحصه الدكتور ووصاه على عمره وعطاه بعض الادويه .. قاله توكل .. وفارس انسان وايد يمل في المستشفيات ومايحب اليلسه فيها ..

فهود نش عالساعه 1ونص الظهر .. على صوت فونه
فهود: اهلين باسل
باسل: فهود بسك رقاد نش عاد
فهود: هلا هاا
باسل: ماتبا الكاميرا؟
فهود يفز من على الشبريه : هيه اباها وين انت
باسل: انا عند بيتكم اظهر يالله لانه العصر بسافر السعوديه
فهود: اوكي يالله الحين نازل انطر دقايق..
باسل: اوكي باي
فهود: باي ..

دخل فهود تغسل ولبس ملابسه ونزل تحت اركيض وفي دخله حمد
حمد : بسم الله شوفيك
فهود: ها حمد انطر لاتظهر من البيت اريدك بشي
حمد : خير ان شاء الله
فهود: خير اكيد انطر بااي
حمد راح يلس في الصاله ينطر فهود ..
وفهود عند باسل

باسل : والله ماعرف شو اسوي يافهود نصحتهم وايد لكن مايسمعون
فهود: انت سويت اللي عليك وبرايهم هم
باسل: هاي الكميرا
فهود: تسلم مشكور المرة الالف
باسل : لا تشكر ولا شي واجبنا واختك شرات اختي
فهود: أصيل ..
باسل: يالله عيل انا استاذن سلم عالاهل
فهود: الله يسلمك والله وياك وعمره مقبوله
باسل : منا ومنكم .. مع السلامه
فهود: مع السلامه

يدخل فهود مستاانس انه اخته بتظهر من هالورطه.. دخل الصاله شاف حمد للحين يالس ..
فهود: حمد
حمد : خير ؟؟ شو تبا معطلني
فهود: حمد انا عندي لك شي
حمد: خير شو هو ؟
فهود: تحيد يوم قلت لك انه حميد مش زين و..
حمد : هيه اذكر وقلت لك لاتظهر شي على الريال بدون ماتكون شايف في عينك
فهود: للاسف اني كنت شايف بعيني وهاي الدليل على كلامي ..
حمد يطالع الكاميرا ومستغرب : شو ها؟
فهود: هاي كاميرا افتحها وشوف شو فيها ..
حمد : يفتح الكاميرا .. ويفتح على الفيديو الاول .. يطالع .. ويطالع .............. يشووف الفيديو لين مايخلص.. مستغرب معقوووله ها حميد ؟ لا لا مستحيــل ..
حمد : حميييد
فهود: هيه نسيبك حميد
حمد : يخسى يصير نسيبي واعطيه اختي الغاليه
فهود: زين صدقتني ..
حمد : وكيف صورته
فهود: سالفه طويله بعدين بخبرك .. الحين اهم شي تفج الخطبه
حمد : اكيد بس خلنا نخلص من خطبه عبود اليوم ..
فهود: اوكي يالله انا بروح فوق ..
حمد : فهاااد
فهود يطالع حمد : خير اخوي
حمد : تصدق تحريت انك ياهل .. وماتفكر في مصلحه خواتك .. لكن ماشالله عليك .. ريال وينشد الظهر فيك ..
فهود يبتسم : خواتي واغلى عن حياتي هييل
حمد : والنعم فيك والله
فهود: يالله تامرني بشي ؟
حمد : لا سلامتك
فهود: باي
حمد : مع السلامه

فارس في غرفته .. تدخل عليه شموس ..
فارس: هلا اختي
شموس : اهلين اخووي
فارس يتجنب نظراتها : خير في شي ؟
شموس : هيه في ..
فارس: رمسي ..
شموس : من البدايه وبدون مافتح مقدمات وخرابيط .. كيف تعرف دانه ؟
فارس عرف انها بترمسه عن هالموضوع وكان مجهز عمره : اممممم عرفتها من يوم العرس
شموس : اي عرس؟
فارس: عرس حصوه وفيصل ..
شموس : اهاا انزين ؟
فارس يقول السالفه كلها لشموس .. من شافها يوم العرس ليوم انخطبت شموه وكيف خذ الرقم ورمسها وكيف الحين تعامله شموه ويحس بحبها له ..
شموس : وهي لو بنت ابوها .. كيف تسمح لنفسها ترمسك ؟ وانت كيف تسمح لنفسك تجذب على البنت .. انت وهي غلطاانين .. وشو يعني شما انخطبت خلاص وقفت الدنيا .. فارس صح انت تحبها لكن الدنيا ماتوقف عندها .. وتقولي الحين تحس بحبها .. وينها قبل .. وانت بينت لها بحبك وبعدين اعترفت ليش ماحست فيك ؟ وهاي دا...اقصد اللي ترمسها . مااروم اقول اسمها..من بعد ماخليناها وحده منا وفينا انا وشواقه وشماني تروح وتطعنا في ظهرنا وترمسك ..
فارس: انا خلاص ماريدها كنت اتحرى بنسى شما ..لكن للاسف ماقدرت انساها ودانه برمسها اليوم وبقولها اني رمستها بس عسب انسى شماا .. وانهيها من حياتي
شموس : صحيح انها غلطانه لكن حراام بعد شو ذنبها
فارس: مادري مادري .. ماعرف شو اسوي .. انا الحادث اللي صار لي كله من سرحاني في شماا .. احبهاا اااااااااااااااااااااااااااااااااااااااااااااااااه تعرفين شو يعني احبها .. ونزلت دمعه من عينه .. بس مسحها لانه مايحب يصيح يدام حد ..

شموس تظهر من الغرفه ماتروم تشوف اخوها ضعيف..
فارس قرر يتصل لدانه ..
دانه : اهلين فارس حبيبي يلست احاتيك من امس شفيك ماترد علي؟
فارس: دانه انا بكلمج وياليتج تفهميني ..
دانه : خير فارس شوفي ؟
فارس: دااانه .. اممم دانه انا اسف .. ادري انتي مالج ذنب .. لكن ماعرفت شو اسوي ..
دانه : ليش تتاسف انت شو سويت ؟
فارس: دانه انا ماحبج .. وانا .............. (يقول لها لسالفه )..
دانه تصيح : وانا اللي وثقت فيك وخنت ربيعتي واختي شواقه وخنتهم كلهم ورمستك .. تقولي استخدمتج عشان انسى شماا .. .. ليش يافارس انا شو سويت فيك ..حرااااااام عليك والله حراام
فارس: داانه بليز افهميني تحريت اني بنساها ماقدرت شو اسوي
دانه : وانا شو ذنبي ؟ قولي شو ذنبي ؟ .. بليز فارس لاتتصلي مره ثانيه وانسااني .. ماريد اشوف رقمك على فوني بليز .. وانا بنسااك .. انا ماريد احبك اكثر .. ماريد احبك ..
وتسكر الفون ..
فارس محتااار يعرف غلط في حق البنت بس شو يسوي مايعرف ..

في بيت بوحمد .. بعد صلاه العصر .. ياهم بوفيصل وفيصل وعبوود .. وبعدين سالم وبو سالم وفارس..
كلهم يالسين في الميلس..
بو سالم : والله البنت بنتكم وهي محيره لعبدالله من صغرهم .. وانا ماظنتي بترفض..
حمد : انا مشاورنها امس .. وقالت انها موافقه ..
عبود حليله مستانس والكل يبارك له ..
بوفيصل : على بركه الله ..

وعند الحريم يباركون لشواقه .. والكل مستانس لها .. شموه : حبيبتي والله اني مستانسه لج .. خذتي اللي تبينه ..
شواقه: فديتج لاتزعلين.. الله بيرزقج كل خير
شموه: ان شاء الله

فارس منقهر كلهم خطبووووو الا هووو واللي يباها المشكله مب له ..
.. قرر فارس يسافر وياخذ اجازة من دوامه اللي في شركه ابوه .. وابوه رضى يعرف انه مزاجه متعكر ..
راح الفليل وحجز على مصر .. بيلس فيها كم اسبوع وراد .. لين يريح اعصابه ..

في صاله بوحمد ..
بوحمد وام حمد وحمد وفهود وشمووه وشواقه ومريامي يالسين ..
حمد : ابوي بغيتك بسالفه
بوحمد : امرني ياولدي ؟ خير
حمد : زين انه الكل يالس .. واهم شي شماا
شما اطالع الكل وتقول بخاطرها خير ان شاء الله
ام حمد : خير ياولدي شو عندك ؟
حمد: اممم ماعرف كيف ابدا والله
فهود: قول وماعليك انا وياك
حمد : يبا ترا حميد .. حميد خطيب شماا اختي .. را .. اممم راعي بنات ويشرب للاسف ..اخو ربيع فهود كان ربيعهم وكم مره نصحهم بس مايسمعون الرمسه .. حميد عنده ربيعه .. وعندهم شقه بنات وشرب ورقص والله يستر .. وانا ماريده لاختي .. ولايشرفني ..
ام حمد : كيف لا لا انتو تشبهون على الولد مافيه شي ..
بوحمد : صخي ياحرمه .. انزين حمد وكيف عرفتو ..
شماا سااكته والدمووع على ويها .. معقووله انا ليش جي حظي .. وانا اللي اقول حرام حميد ماله ذنب .. لكن احسن .. انا قلبي مب لك ياحميد .. قلبي لفارس..
شواقه ومريامي وفهود والكل يطالعون شما وهي تصيح ..
حمد : ابوي افتح الكاميرا وشوف ..
يلس بو حمد يطالع .. ويقول استغفر الله استغفر الله .. وام حمد شافت وشواقه ومريامي .. الا شمووه ماتروم تشوف ..
بوحمد عصب وراح بيت بوحميد في هالوقت ..
حمد : ابوي ماريدك تتهور
بوحمد : عيل انا بنتي ياخذها واحد نفس هاذا .. يظهر بوحمد من الصاله ..
ام حمد : الله يخليك حمد الحق ابوك وروح وياه ..
حمد : ان شاء الله امي ..

شواقه: خلاص شمووه زين الله كشفه قبل مايصير اي شي
شموه: وانا ماصيحه ياشواقه اصيح حظي ..
شواقه: قولي الحمدلله
شموه : الحمدلله

راح بوحمد وتفاهم مع بوحميد وفهمه انه مايريد ولده عسب جي وجي .. وخذا الكاميرا معاه عسب ابوه يصدق..
بوحميد انصعق من اللي شافه .. وام حميد بعد .. ماصدقت.. بوحميد يستسمح لبوحمد .. ويقوله انا ولدي دواه عندي .. لكن بوحمد ماطاع وقال قول لولدك مانباااه وظهر من البيت ..
الكل ارتااح من بعد كل اللي صاار.. بوحمد رقد وهو مرتاح ومن بعد مارمس بنته .. وطيب خاطرها ..

عاليوم الثاني .. فارس ساااااااااااافر وهو مايعرف شو صار في بيت بوحمد .. وخبر فج خطوبه شما وحميد انتشرت ... والكل عرفها .. وشموس واايد استانست..
اما دانه فقررت .. انها تسافر عند اخوها .. وتدرس هناك وتنسى فاارس للابد ..
في المطاار ..
فارس يمشي صوب سوق الحره .. وفجاه
فارس: ااه اختي اسف ..
دانه تشوف الريال اللي ظرب فيها : لاا عـ...
فارس: دانه ؟
دانه : احم
وتلف عنه وتروح
فارس: دااانه دااانه
دانه : بليز فارس روح عني .. خلاص بس عذاب ..
فارس: انا اسف دانه
دانه : ااااااااااااه
فارس:.. اممم اشوفج في المطار وين مسافره ؟
دانه : عند اخوي امريكا ..
فارس: انزين ؟
دانه : شو ؟
فارس: ومتى بتردين ؟
دانه : ماراح ارد .. بروح ادرس هناك .. وماريد ارد ..
فارس منزل راسه : الله يوفقج ..
دانه : ويوقفك .. باي
راحت بدون مايرد عليها فارس..

اتصلت دانه في شواقه وقالت لها انها مسافرة ومابترد ابدا الا اذا سبحان الله صار شي .. شواقه اتضايجت وااايد .. وعاتبتها ليش ماخبرتها قبل وانهم كانو بيدرسون مع بعض .. وسلمت على شموه وهي تصيح .. لانه فارس استخدمها عسب ينسى شموه..
طارت طيارة فارس وطياره دانه .. كل واحد مايدري شو بيصير .. وشو اللي صار من وراه