|
روايتي الاولى / مثل النجمة و القمر كبر حبنا و اشتهر الشخصيات عائله بو خليفه :- بوخليفه : ( اخو ام حمد ) ام خليفه : ( عمتي ) خليفه : ( البجر ) 27 سنه شعره كيرلي و لنص رقبته و لونه بني غامج و لون عيونه بني و جاسم وايد قريب ل خليفه و خليفه وايد قريب ل جاسم بدر : عمره 26 سنه شعره قاصنه و لونه بني فاتح ولون عيونه بني غامج العنود : عمرها 23 سنه وهي زوجه عبدالله ، وهي تحب زوجها و عيالها وااايد و الحين هي حامل بالشهر الثامن شعرها قصير لين رقبتها و اطول بشوي و لونه بني و عيونها واسعه و لونهم بني فاتح مروان : عمره 22 سنه ( مخلص جامعه ) شعره لنص رقبته و لونه اسود و لون عيونه بني غامج موزه : عمرها 21 سنه ( اخر سنه جامعه ) شعرها لنص ظهرها و لونه بني و لونه عيونها بني غاامج |
روايتي الاولى / مثل النجمة و القمر كبر حبنا و اشتهر البارت 22 ( اليوم الثاني ) للتذكير : ( اليوم العيد ) ( بيت بو احمد ) هيا : ( مواصله م رقدت ، رفعت شعرها و سارت تتسبح ( اكرمكم الله ) عقب ما خلصت بدلت و تمكيجت و فلت شعرها لان هي كان مسوتنه (رول) و طلعت واااو تعطرت و نزلت تحت ، شافت واحد لابس كندوره تحسبته احمد و سارت و حظنته من وراء ) فديتك اخويه كاااشخ اليوم حق منو بالظبط ( ضحكت ) استهبل انزين صد خل اشوف كشختك الشخص : ( صد ) هيا : ( انصدمت ما توقعت حمدان ، ف خاطرها : اوووويه يا القفطه والله اني غبيه ، استحت و نزلت راسها ) حمدان : ( ابتسم ابتسامه عريضه ) ما شاء الله عليج طالعه قمر هيا : ( رفعت راسها و ابتسمت و ابتسامتها زادتها حلا ) حمدان : ( بجديه ) هيووي بقووولج شي ؟؟ هيا : تفضل قوول ؟؟؟ ( قطع عليهم ) احمد : هيوووو ( يصفر ) والله انج طرررر هيا : ( ابتسمت له ) اصلا ادري اني حلوه ( ضحكت ) فديتك احمدوه انته الطرر احمد : احمم احمم .... حمدان : ( يقاطعه ) هيوي نسيتي تقولييلي شي ؟؟؟ هيا : ( تفكر ) شو هو ؟ ( تذكرت ) هيه صح ( ابتسمت ) عيدك مبارك حمدان :( ابتسم و باسها ع راسها ) علينا و عليج حبيبتي احمد : ( يبتسم ) خفو علينا وينج يا الريم عني ؟؟ حمدان : احمم تراها اختي احمد : و تراها مرتي حمدان : ( كان بيقول شي بس قطع عليه صوت الفون ماله ، طلع الفون من جيبه و شاف المتصل المستشفى ) امممم بررد ع ربيعي و بيكم عن اذنكم احمد و هيا : اذنك معاك حمدان : ( طلع و رد عليهم لكن صدمه الخبر اللي قالوا له ، عقب ماسكر ف خاطره : لا حول و لا قوه الا بالله انا ما بقول حق الاهل ها الخبر الا فليل عشان ما يخربون عيدهم ، قطع افكاره ) هيا : حمدااان ؟؟؟ ( كانت لابسه عباتها و وقايتها لان بتسير بيت يدتها ) حمدان : عيون حمدان ؟؟؟ هيا : اممم انا الحين بسير بيت يدتي تأمرني على شي ؟؟ حمدان : ( ابتسم ) هيه ( تقرب منها و همس ف اذنها ) ما ابي حد يشوف كل ها الحلا هيا : ( استحت و ركضت بسرعه صوب احمد ) احمد : بلاج تركضين ؟؟ ( غمزلها ) اكيدد حمدان قالج شي ؟؟ هيا : ( استحت ) يلا خل نسير ( ف صاله بو احمد ) شوق : ( كانت نازله شافت ريال واقف ف الصاله و كان عاطنها ظهره ، طبعا شوق كانت كاااشخه سارت عند هذا الشخص و حظنته من وراء ) عيدك مبارك احمدوه ( تشم ) ترا ريحه عطرك واااايد حلوووه شكلك ناووي ادوووخ ريييم ( ضحكت ) خليفه : ( صدلها و انصدم من جمالها ما توقعها جي حلوه ، ابتسم ابتسامه عريضه ) شوق : ( هي بعد انصدمت لان اول مره تشوف خليفه جي متعصم ، استحت و ركضت فوق ، فتحت باب حجرتها و سكرته بالقو و وقفت وراء الباب و يودت قلبها ) اخخخ ليش احس باحساس حلو كل مايكون قريب مني ؟؟ اخخخ شعور غريب والله (لبست عباتها ووقايتها و نزلت تحت بس ما شافت خليفه طلعت برع جان تشوفه واقف يسولف ويا اخوها ابتسمت لهم و ركبت السياره ) احمد : ( ركب السياره و انطلقوا بيت اليده ) ( بيت بو سالم ) فاطمه : ( كانت كاااشخه ، قامت لبست عباتها و وقايتها و شلت شنطتها ، لان الحين بيسيرون بست يدتهم ، طلعت من غرفتها و سارت غرفه اختها عشان تشوفها خلصت و لا ... فتحت الباب و انصدمت ) شيخه : ( كانت قمر بمعنى الكلمه ، لبست عباتها و وقايتها و شلت الشنطة و توا تنتبه لوجود اختها ) ها شرأيج ؟ فاطمه : قمررر ( ابتسمت ابتسامه عريضه ) الله يعينك يا سلطان شيخه : ( استحت ) يلا خل نسير سلوم اكيد معصب لان تأخرنا عليهم فاطمه : ( ضحكت ) تستحي بعد ( تمشي ) يلا شيخه و فاطمه : ( نزلوا تحت و شافوا خواتهم ) ميره : ( كانت لابسه فستان لين الركب و لونه بطيخي و مكسر لبست تحته هلاهوب ابيض ، و كانت رافع شعرها بطريقه حلوه و مناسبة لعمرها ) و اخيرا خلصتوا عائشه : ( كانت لابسه نفس ميره ) ما بغيتوا قوم ماما من متى سايرين و انتو بعدكم !! فاطمه : انزين بسم الله كلتونا شيخه : عواش وين سلوم ؟؟ عائشه : برع وياه ريال ميره : ( غمزت حق شيخه ) شكله ريلج شيخه : ( استحت ) فاطمه : ( ابتسمت ) خلوها تستحي !! سالم : ( يدخل ) آووه شواخ تستحي من متى ؟؟! سلطان : ( يدخل ) حلوو حرمتي ما يخصكم فيها فاطمه : ( تستهبل ) و عليكم السلام سلطان : ( ابتسم ) السلام عليكم الكل : و عليكم السلام ميره : ( سارت صوب سلطان ) سلطان ... وين زايد ليش ما يا وياك ؟؟؟ سلطان : ( ابتسم و ظهر التقويم ، نزل لها ) زايد سار يسلم ع ربيعه عقب يوم بتون بيت يدوه بتشوفينه هناك عائشه : ( سارت صوبهم ) ووووع شو تحبين ف زايد ؟؟؟ ( تحظن سلطان ) سلطان أحلى سلطان : ( ضحك ) سالم : ( ابتسم ) كل ما اشوف عواش أتذكر شهود فاطمه : هييه واايد صفات تشبه شهود و أهمها ان اثنيهم يكرهون زايد ما اعرف ليش !! سلطان : تدرون من عقب الحادث اللي استوى حق زيوود تغييير واايد حتى شهوود قامت ترمسه عاادي سالم : هيه ، لاحظت ها الشي سلطان : ( وقف و سار عند شيخه اللي من دخل ما رمست باسها ع رأسها ) عيدج مبارك شيخه : ( استحت و نزلت رأسها ) سالم : ( يطالع الساعه ) السموحه سلطان بنطردك بس شو نسوي نحنا واايد تأخرنا سلطان : ( ابتسم ) لا عادي يلا عيل انا بعد بسير بيت يدوه اشوفكم ع خير ( وطلع ) سالم : يلا بنات خل نسير ( و ساروا هم بعد ) ( بيت بو سلطان ) زايد : ( نازل من الدري بكل كشخته ) حمده : ( كانت يالسه ع الغنفه ، صدت حق زايد ) اوب اوب كاشخ اليوم ( تغمزله ) حق خوله ؟؟ زايد : حمدوه عن السخافه تدرين اني ما احب خووله ( يكمل ) وين سلطان ؟؟ حمده : سار عند حرمته زايد : و اسماء ؟؟ حمده : بعدها ما خلصت ...... ( قطع رمستها صوت اسماء ) اسماء : ( كانت لابسه عبأه مفتوحه بس فصمها لين تحت طبعا هي ما سكرت الفصم لانهم بعدهم ف البيت ) لاا لاا خلصت (ابتسمت ) شرأيكم ؟؟ حمده : ما شاء الله عليج طالعه قمر زايد : هيه ما شاء الله سلطان : ( دخل ) منو هي القمر ؟؟ زايد : وعليكم السلام سلطان : السلام عليكم الكل : و عليكم السلام سلطان : منو القمر ؟؟؟ حمده : محد ، يلا خل نسير بيت يدوة اسماء : توا اتصلت حق امايه و قالتلي ان قوم علياء و ( اطالعت زايد و ابتسمت ) و خوله هناك و هم يتريونا زايد : بس عااااد عن السخاافه اقوولكم ماا احبها سلطان : انزين سعوود يا؟؟؟ اسماء : هيه حتى قوم فطوم و شواخ ..... سلطان : ( يقاطعها ) تصدقون نسيت ان قوم فطوم يستولنا من الصوبين حمده : هيهه حتى اناا زايد : سلطون اليوم يمككن قوم نواف و نايف ايوون من بووظبي سلطان : اووونه اسماء : ( تلفونها يرن ) الو ... هلا اميه .. لا لا الحين ياين ... هييه ما بنتأخر ..... ان شاء الله ... اووونه ... انزين باي زايد : منو ؟؟؟ اسماء : اميه تقول كا العرب يوا الا نحنا و هم الحين يتريونا زايد : انزين يلا طوفوا ( حمده ركبت ويا زايد و اسماء ركبت ويا سلطان و ساروا بيت يدتهم ) ( بعد 5 ساعات ) الكل : ( ردوا من بيت يدتهم الثانيه و يوا عند يدتهم اللي هي تكون يدتي ام ابوي ) زايد : ( ف خاطره : وين شهود كل عيد لازم تكون اول وحده يايه ( لاحظ ان حمدان بعد مب موجود ) بسم الله وينهم خل اتصل حق حمدان ، قام ) انا بسير شوي و بي بمر ع ربيعي اسلم عليه من متى ما شفته ( و طلع و اتصل حمدان ) الو هلا حمدان ؟ حمدان : الو هلا زايد ؟؟ زايد : اهليين .. شحالك الغالي ؟ حمدان : يسرك حاليه و انته شحالك ؟ زايد : الحمدالله ، ها وين انته ؟ قول انا حاس ان شهود فيها شي ؟؟ حمدان : بقولك بس لا تخبر حد زايد : يعني فيها شي !! زايد : يعني فيها شي !! حمدان : شهود ...... زايد : ( غمض عينه ) لا حول و لا قوه الا بالله حمدان : تعال مستشفى ال ...... احس اني مب قادر اوقف ع ريولي زايد : اوكي انا ياي ( وركب السياره و سار له ) ( صار الليل و الكل يسأل عن شهد لكن كان جواب حمدان : شهود تعبانه لانها ما رقدت من امس ) حمدان و زايد : ( دخلوا ، كان مبين عليهم الحزن و كانوا حاطيين غترهم ع جتفهم ) السلام عليكم الكل : وعليكم السلام سيف : ( سار صوبهم ) بلاكم ؟؟ حمدان : ( تنهد ) بقولكم شي !! الكل : قوول ؟؟ حمدان : ترا شهود من يوم امس ف المستشفى و اليوم قالولي انها ( نزل رأسه ) دخلت ف غيبوبه حمد : ( كان ف ايده كوب ماي و يوم سمع جي طاح الكوب عنه ) شووو ؟؟؟ تتوقعون :- 1. منو هاذي الشخصيات اليديده اللي ذكرتهم ؟؟ 2.حمد شو بيسوي ؟؟ 3. شهد بتقوم من الغيبوبه ؟؟ |
شتت لاااء حرامم شهود م تستاهل ،،، اضنن هالشخصيات بيكون لهم دور وعجبتني شخصياتهم نتريااججج لا تطولييننن |
اقتباس:
يمكن .. صراحه انا ما اوعدكم اني انزل البارت قريب لان باجر بسير اتحنى لان اليوم الثاني عندنا عرس خالي و عقب العرس بثلاث ايام بسافر و ما يتسوي ادخل بالفون يعنني ما بققدر انزله قرييب بس بشتاااقلكمم وااايد :( |
تروححينن وتردين بالسلااممه نترياجج |
| الساعة الآن 04:20 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir