|
بارت مميز شوق مستانسة: هدووووووي هادي مسك ايدها احمد: وهذي الامانة وصلناها هادي: انزين يلا اقلب ويهك احمد: هع انزين بسير هادي: يلا وخذ البطة اللي يبتها بعد شوق: لحظة اليس ييبي الاغراض هادي: اي اليس؟ هاي ميري شوق: شدراني المهم نزلي الاغراض بعدين روحي هادي: شو يايبة معاج انا مخبر احمد قايلله لا تيبين ولا شي شوق: ادري قاللي بس انا يايبتلك شوية هدوم واكل هادي: اها انزين تعالي وياي داخل دشو داخل البيت اللي بالمزرعه هادي راح ياخذله شاور وشوق حطت الاغراض وقطت عباتها كانت لابسة بنطلون جينز وقميص طويل بيج وطلعت برا تتمشى المزرعه وايد كبيرة فيها نخل واااااااايد ماشالله شنو اللي هناك؟ قربت اكثر لقت خيل بني واسود .. ماشالله بس هادي ليش ما قاللي ان عندهم مزرعه جذي؟ وليش ما اييونها؟ فجأة سمعت صوت هادي.. هادي: وينج انتي خوفتيني عليج شوق: قلت اكيد بتطول طلعت اتمشى هادي: شرايج بالمزرعه؟ شوق: طر هادي: ههههههههه شوق: ليش تضحك خلاص تعلمت كلمات وايد هادي: صدق؟ شوق: هيه اعرف طر يعني حلو و ازقري يعني نادي ورمسي يعني تكلمي والحينه يعني الحين وشله يعني شحقه هادي: وايد عليج شوق: كله تحبطني مليق هادي: انا مليق؟ شوق: هيه واااااااااايد بعد الى مالا نهاية هادي: انزين شو رايج نتمشى عند النخل؟ شوق: يلا الجو كان وايد حلو هوا بارد وشوية غيوم وعصافير الحب تغرد <<حلو هالتعبير خخخ المهم نردلهم.. هادي: ما اشتقتيلي شوق: لأ هادي: جذابة احمدو يقول انج تتصلين باليوم خمسين مرة شوق: والله مو خمسين هادي: عيل شوق: اكثر من خمسين هادي: يعني اشتقتيلي شوق بدلع: اكيد بس ليش تسوي فيني جذي؟ هادي: اتغلى شوق: ما يحتاي تتغلى تعرف قدرك هادي: شواقي كنت محتاي اني ابتعد شوق: حبيبي في شي مضايقك؟ هادي: اشياء وايد مب شي شوق: اميرة؟ هادي: شواقي حياتي خلينا منها خلاص طلقتها هي مب من حقي الحينه شوق: تراها انخطبت هادي: الله يوفقها شوق: بس انت ما تحبها شلون جذي تزعل على فراقها هادي: غناتي حتى لو ما احبها بس كانت يوم من الايام زوجتي وانا غلطان ومقصر بحقها لازم اتضايق عشانها هي مالها ذنب باللي صار شوق: وانت بعد مالك ذنب هادي: شواقي شوق: عيونها هادي: ممكن تغيرين الموضوع شوق: تامر امر هادي: فديت قلبج تدرين اني اشتقتلج شوق مو طبيعي شوق: واضح هادي: وربي شوق: عيل عقب ثلاث اشهر اتيي وتقوللي انك اشتقتلي هادي: هيه كان احمد يقوللي كل شي شوق: اراويه احمدو هادي: هع احمدو يقوللي يبغي يتزوج كويتية يبغيها شراتج شوق: اصلن مافي نفسي لو يدور الكون كله هادي: هيه صح انا قلتله جذا هادي وشوق تمشو بعدين وداها صوب البلياردو .. شوق: والله ما اعرف العب هادي: عادي بعلمج كيف شوق: تعلمني غلط عشان تفوز هادي: افا وصج هذا اللي صار يقولها لازم تخلين الكرة البيضا والسودا يطيحون بالفتحه هع شوق: هدوي جنه اللي يقوَل السودا يخسر هادي: لا لا صدقيني شوق قوَلتها هادي: وااككككككككك فزت عليج شوق: سخيف اصلن كنت ادري هادي: دامج تدرين شله مقوَلتها؟ شوق: عشان اعطيك فرصة تفوز كسرت خاطري هادي: ههههههههههه بعدين وداها صوب الخيل.. شوق: واي يما مابي اركب هادي: ركبي ما عليج انا بمسكج شوق: مابي مابي اخاف هادي: اقولج بمسكج يودي شوق: مابي شوفه شلون يخزني هادي: امنووه اللي يخزج؟ شوق: الحصان هادي: الحمدلله والشكر اقول يودي شوق: مابي هادي: والله ازعل عليج شوق: انزين بس امسكني عدل هادي: والله ماسكج وعقب الموت ركبت .. هادي: واخيرا حتى الياهل ما يخاف شراتج شوق: هدووووي امسكني عدل لا اطيح هادي: مب طايحه يودي هالحبل وانا بركب ع الفرس الثاني شوق بخوف: ماااااااااااااااااااااااااابي لا تهدني اخاف تركض فيني هادي: يالخوافة ما تركض الا اذا طقيتيها سمعي اذا تبغينها تسير رفسيها واذا تبغينها توقف يري الحبل مفهوم؟ شوق: ماااااااااابي نزلني هادي: مب منزلنج يلا سمعتي شوق: ماااااااااااااااااااااااااااااااابي هادي: تراج عصبتيني يلا عاد بلا دلع شوق: حرام عليك انا خايفة هادي طنشها وركب ع الفرس الثاني هادي: يلا رفسيها خليها تمشي شوق: مابي نزلني يالمليق يالسخيف هادي: مب منزلنج شو بتسوين شوق: حبيبي قلبي حياتي انت بس نزلني هادي: عيوني انتي مب منزلنج شوق: تافه هادي: كيفي ومشى جدامها اما شوق واقفة بمكانها ما تحركت هادي بعد عنها .. هادي: يلا امشي شوق: اهي ما تمشي شسوي هادي: رخي الحبل وتمشي شوق: ها ما تمشي ابي انزل هادي: نزلي شوق: تعال ودني عند الكرسي عشان انزل هادي: باحلامج مب ياي اقولج شوق: هاااااااااااااااااااادي هادي: ههههههههههه كسرتي خاطري هادي نزلها واهي بس تتحلطم وتطقه هادي: ما تعرفين تطقين خخخخ شوق: عشان ما تبجي هادي: خخخخ بتخبرج انتي تعرفين تشوين؟ شوق: هيه هادي: شرايج يكون عشانا شوي؟ شوق: انزين هادي قال حق الهندي يزهب لهم فحم وييبه وعلى ما يخلص الفحم ردو البيت شوق: هدوي من متى عندكم هالمزرعه؟ هادي: من زماااااااااااان من يوم كنت ياهل شوق: وليش ما تييون هني؟ هادي: سالفة طويلة شوق: عادي قول هادي: لما كان عمري خمس سنين ابوي خسر كل بيزاته بالبورصة شوق: وي هادي: حتى البيت خسره لانه كان راهنه وما بقى عنده الا هالمزرعه شوق: وبعدين؟ هادي: باعها وشرا البيت اللي احنا ساكنين فيه شوق: اها هادي: هالمزرعه تعز على ابوي وايد بعدين ابوي حاول يرد فلوسه اللي خسرها وشوي شوي ردتله كل بيزاته وبذاك اليوم يا عسب يشتري المزرعه مرة ثانية بس للأسف انباعت لغيره شوق: حرااااااام هادي: ذاك اليوم ابوي كان معصب ومتضايق شوق: ما ينلام هادي: ومن عرفت بالسالفة وانا ايمع بيزات عشان اشتريها شوق: بس اهي انباعت هادي: ادري بس ابوي كان يكسر خاطري شوق: وبعدين؟ هادي: بعدين عمي زايد الله يرحمه شوق: الله يرحمه ابو وديمة صح؟ هادي: هيه سألني عن الفلوس اللي ايمعها من وانا ياهل.. قلتله عسب بشتري المزرعه جان يضحك ذاك اليوم كان عمري 15 شوق: عيل من متى وانت تيمع ؟ هادي: والله ما ادري بس كنت صغير وكل ما يعطيني ابوي فلوس حق الدكان اخشهم حتى بالعيد كنت اخشهم .. تحيدين يوم انييكم الكويت اول مرة؟ شوق: هيه هادي: قبلها بيوم كان مسويلنا عشا وعقب ما تعشينا زقرني خليفة وقاللي ان عمي يبغيني داخل شوق: اي هادي: بذاك اليوم عطاني عقد المزرعه شوق: اهو اللي شراها؟ هادي: هيه وقاللي ابيك تفرح فيها ابوك شوق: الله يرحمه كان طيب هادي: واااااايد وعقب ما مات عمي ييت المزرعه لقيتها خرابه ما فيها زرع ولا شي والسبة ان الهنود عقب ما توفى عمي خلو المزرعه وطلعو شوق: وي هادي: ومن ذاك اليوم وانا اييها كل ثلاثاء ايي الصبح وارد بالليل اشوف احوالها ويبت عمال وزرعتها من اول ويديد شوق: ماشالله هادي: ومحد يدري بهالسالفة الا انا وانتي واحمد ومابي اي احد يعرف شوق: ومتى بتقول حق ابوك؟ هادي: اتريا الوقت المناسب شوق: زين تسوي هادي: جنا نسينا الفحم؟ شوق: هههههههه عصافير الحب تعشو عشا ولا اروع من ايدين شوق احلى شي بالسالفة ان كان ظلمة ولا لو شاف هادي شكل الاكل هع ما يحطه بحلجه خخخخ شوق: هادي دخت متى بنروح البيت؟ هادي: شو رايج ننام هني؟ شوق: لا اكيد عمتي تحاتينا الحين هادي: ما عليه انا بتصرف بس تبغين ولا شوق: لأ بيتنا احسن هادي: على راحتج شوق: بعد ما ولهت على امك؟ هادي: فديت قلب العيوز وربي شوق: عيز حيل عدوك في احد يقول عن امه عيوز هادي: هههههههه شو عيدي الدعوى شوق: عيز حيل عدوك ما تضحك هادي: ههههههه هيه صح شو تبيني ازقرها ماماتي ولا ماما شوق: ماذر احسن هادي: يلا قومي زهبي الاغراض بنرد الحينه شوق: اي اغراض؟ هادي: ماادري ما يبتي اغراض وياج شوق: اي انزين ذاك اليوم الحلو كانو محتاجيله شوق وهادي من عقب شهور فراق>> مؤقت << اهم شي هع |
عقب شهرين على هاليوم الروعهـ..:).. اميرة تزوجت. . غانم اكبر من اميرة بست سنين وسيم ومخلص دكتوراه ومن غنايا الفجيرة امه وابوه ماتو من زمان واول ما رد من امريكا فكر بالزواج وسمع عن اميرة من ام راشد ييرانهم.. وبالكويت .. جمانة حامل بالشهر الثاني وخالد يحاتي عرسه ويحاتي ريم لان هذي اخر سنة لها بالثنوية .. وعلي صارو ما يشوفونه 24 ساعة نت ودانة ملوعة جبد عبدالله وشذى تقدم لها مساعد زميلها بالنادي العلمي بس اهي ما تفكر بالزواج الحين.. وريم منعت نفسها من بيت خالتها عشان ما تشوف المعرس هع والكل بالامارت يسأل عن شوق حملت ولا؟ من زمان متزوجة لعنبو صارلها اكثر من سنة نص وليلحين ما حملت.. وتعرفون عاد انتو سوالف الحريم شوق صارلها اسبوع مو طبيعية مالها خلق احد وكله بطنها يعورها وهادي يحن عليها بيوديها المستشفى واهي مو راضية.. هادي: نشي اوديج المستشفى شوق: ما يحتاي حبيبي الم بسيط يروح هادي: صارلج اسبوع شوق: عادي اذا ما صرت زينة لي باجر بخليك توديني هادي: انزين سمعي انا باجر عندي شغل مهم يمكن ما ارد الا المغرب وعندي اجتماع الساعة 7 الصبح قعديني انزين؟ شوق: انشالله هادي: بتنامين الحين؟ شوق: لا بشوف الفلم هذا وبعدين بنام هادي: عيل تصبحين على خير شوق: وانته من اهل الخير نوم العوافي غناتي وبالباجر .. هادي راح دوامه وقعدت شوق مع عمتها يشربون جاي الضحى شوق قعدت ترجِع .. خالدة: شفيج؟ شوق: ما ادري ما ادري اول مرة احس جذي خالدة والدمعه بعينها: اكيد حامل مبرووك شوق: عمتي لا تستعيلين يمكن لا .. وترجع مرة ثانية.. عمتي احس جبدي لايعة خالدة: قومي يلا العيادة نتأكد وراحو العيادة وطلعت شوق حامل.. احلى خبر للعايلة اول حفيد لهم.. عقب ما كانو محزنين ع الياهل اللي طيحته اميرة خالدة والدمعه بعينها: الف الف مبروك شوق: الله يبارك فيج والله مو مصدقه خالدة: اكيد شوق: عمتي يعني بداخل بطني في ياهل؟ خالدة: اي حبيبتي شوق: بس متى يرد هادي واقوله خالدة: بيفرح وايد شوق: اكيد عمتي شرايج تقوليله؟ خالدة: لا انتي خبريه انتي مرته شوق: بيفرح اكثر لو سمع هالخبر منج ودقت عليه وعطته امه خالدة: الووو هادي: مرحبا العيوز بغيتي حاية تراني مشغول خالدة: هادي حرمتك حامل هادي: شو؟ خالدة واهي تبجي: شوق حامل هادي طاير من الفرحة: بذمتج؟ خالدة: مبروك بوسيف هادي: الله يبارك بحياتج الحينه يايلكم خالدة: مب تقول مشغول هادي: لعنبو الشغل ولا ولدي يايكم الحينه فمان الله خالدة سكرته: ههههههه الحينه ياي شوق باست عمتها على راسها: يتربى بعزج وعز يده واقل من ربع ساعة هادي دش البيت ومعاه جيس كله دبب والعاب يهال .. هادي ينادي: ام سيف.. ام سيف هادي دش الصالة لقى امه راح باسها على راسها: الف مبروك الغالية خالدة: الله يبارك فيك يتربى بعزك انشالله هادي: وبعزكم وين ام سيف؟ خالدة: فوق بس بتخبرك هادي: شو؟ خالدة: ترى الجنين شوي ضعيف وكله من اكل مرتك اللي مب زين الدكتور قاللها لازم تتغذى زين هادي: خلاص بخبرها هادي راح حق شوق بشقتهم .. شوق: هلا هادي: شو تسوين انتي يلسي ع الكرسي شوق: شو؟ ليش؟ هادي: خلي ولدي يرتاح شوق: ههههههه هادي: ما اتمصخر يلسي شوق: انشالله.. شهالجيس اللي وياك هادي: هذول العاب حق سيف شوق: منو سيف؟ هادي: ولدنا اللي ببطنج شوق: هههههههههه سميته بعد يمكن بنت هادي: اذا بنت مالها اسم الا خالدة واذا ولد سيف شوق: انته شو تبغي؟ هادي: اللي ايي من الله حياه الله وبعد 8 اشهر .. شوق ها شهرها وهادي حالته حالة يقومها ويقعدها ويوكلها ويسويلها كل شي واهي تضحك على حركاته.. بالكويت منيرة كل يوم تبجي .. خالد: يما شفيج؟ منيرة: بنتي الحين منو يجابلها ومنو يوكلها ؟ خالد: عندها ريلها ما راح يقصر وعمتي عندها منيرة: لا ابيها عندي خالد: تعوذي من ابليس منيرة: انشالله بتولد هناك بعد؟ خالد: يما خلاص اللي هناك صارو اهلها وتمر الايام بسرعه ووراها السنين .. ريم وخالد قصة حب ثانية هع شذى تزوجت وطلال عياله ترسو البيت ودانة ورغد على حالتهم متوحدين بعبدالله المسكين وجسوم خذا بنت عمه انوار والكل عايش بحياة روووووعهـ الله يتمم عليهم.. |
الحين سيف عمره سنتين وهادي مدللله اخر تدليل .. شوق: هدوي بعدين بيصير دلوع هادي: من حقه امنوه ابوه شوق: سواف ييبلي ككاو من ابوك سيف: بابا ابا ككاو هادي: حق هذي الدبة لأ شوق: انا دبة؟ سواف طقه سيف راح وطق ابوه هادي: التعبان تطق ابوك يا النزغة سيف راح يركض عند امه .. سيف: ماما ماما هادي: خلها تنفعك مالت عليك شوق: ههههههه عندنا ياهلين في البيت وتحت .. احمد عمره 17 الحين .. وشكله يعيش قصة حب هع كانو قاعدين بالصالة هادي وشوق وسيف واحمد ولولوة وولدها زايد.. وهادي يقولهم قصة حبه مع شوق وشلون تعرف عليها وبالصدفة صارت من اهلهم .. لولوة: سبحان الله احمد: هادي كنت تكلمها ع المسن؟؟ هادي: هيه كنت بعمرك تقريبا واقص ايدي اذا في حد بعمرك ما يرمس بنات احمد: خخخخ هادي: بس انا من عرفتها ما رمست غيرها كلهن بلوك وديليت حتى عندها الباسوورد تدش متى ما تبغي احمد: يحليكم روميو وجولييت شوق: احمدو لا تتطنز اصلن انت ما تدري شصار لما شفته بالمطار هادي: هيه لما تصيحين عسب سارو عنج وخلوج لولوة: هيه حتى رديتي البيت وانتي تصيحين احمد: ما احيد شوق: والحين ما تذكرتوني الا لما بجيت هادي: يا كثر ما تصيحين يا الدلوعه شوق: باجر بيرد محمد من السعودية هادي: هيه ضيعي السالفة شوق: مالك خص احمد: على طاري اخوج وين بالسعودية؟ شوق: بالرياض احمد: صدق؟ شوق: هيه هادي: شله تسأل؟ احمد: ماشي شوق: هع عاجبتهم وحده بيخطبونها حق علاوي عشان تصير العايلة ماخذة من كل دول الخليج خخخخ هادي: صدق؟ شوق: والله يقولون اسمها مريم وعمرها 16 احمد: شو؟؟؟؟ لولوة: بلاك انت تسأل احمد: هادي عادي نسير السعودية؟ هادي: شله ؟؟ احمد: ابغي اتزوج سعودية شوق: احتريت من علاوي هع احمد: دخيلك انا احب لي وحده اسمها مريم عمرها 16 بالرياض لولوة: تخيلو تكون هذي هادي: خخخخ ليش لأ شوق: وناااااسة تصير نفس قصتنا هادي: احلى قصة بالوجود شواقي ..إهداء: أ ك ذ ب على نفسي لاقلت ناسيك واكذب عليك أن قلت لك منت ♥غ♥ ♥ا ♥ ♥ل♥ ♥ي♥ احمد : نشي لولو .. نحن نستأذن خخخخ لولوة: يلا زايد خل عصافير الحب وعقب ما طلعو.. شوق: سواف قول هادي حبيبي سيف: آدي أبيبي هادي: قول شوق حبيبي سيف: ثوق أبيبي بهاللحظة كانت ع التلفزيون اغنية حمد العامري.. احبك لو بعيد عنك.. جداك يحن قلبي للرجوعي .. يالو عني الليالي ابعدنك .. غلاك بخافقي تحت الضلوعي .. اذا مرت بي الذكرى احتونك .. أحاسيسي وفكري لك خضوعي .. يالو اخفيت بمابي يلنك .. يفز القلب لك من دون طوعي.. يحليك الجمال وصغر سنك .. فلا يوجد على شرواك نوعي .. خفيف الدم ويلي اه منك .. ترى شوفك ينور لي شموعي .. بك الاوصاف ربي مكملنك .. جمال وخلق والطبع السنوعي.. عسى الايام مني قربنك .. فلا يبقى لهالفرقى رجوعي.. وفي النهاية حبيت اقول: الحب ما يسكن ضلوع ومحاني .. الحب اسمى عاطفة تسكن الروح.. ^_^ وسوالم .. |
والقصة كااااااااااااااااملة ع الوورد للي يبيها هني على هالرابط.. مخزن مركز تحميل مركز تحميل صور مركز تحميل ملفات رفع صور رفع ملفات ^^ وانشالله الله يقدرني وارد على كل ردودكم :) |
tslmeeeeeeeeeeeen al story waaaaaaaayd hlyaa thanks |
| الساعة الآن 01:34 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir