|
وبعد اسبوع.. هادي واميرة بشقتهم.. اميرة: هادي نحن لازم نرمس هادي: اميرة مب الحينه ابغي ارقد اميرة: هادي مب حالة هاي هادي: دخيلج خليني ارقد اميرة قعدت تبجي: حرام عليك حسسني اني متزوجة ريال مب طوفا هادي: شو قصدج؟ اميرة: اذا كان يومي اتيي ترقد تنش من رقادك تطلع اما ليلتها هي تيلس وياها ترمس وياها تطلع وياها هادي: هي عروس اميرة: حتى لما كنت عروس ما طلعتني هادي: اذا بتصدعيلي راسي نشي ييبيلي بندول من الحينه اميرة: هادي اسمعني هادي قام من الفراش جابل اميرة وحط المخدة بحضنه : شو تبغين؟ اميرة: ابغي كل واحد منا يجوف حياته هادي: اميرة دخيل والدينج هالموضوع منتهين منه من زمان اميرة واهي تصيح: حرام عليك انا احبك وانت لوح ولا حتى مشاعر احترام من صوبي انا حرمة تعرف شو حرمة يعني اغار !! تتعامل معها جدامي بكل حب واعجاب وانا ولا كأني موجودة وتضحك معها وانا لا بس بعرف بشو ضريتك عسب تعاملني المعاملة هاي؟؟ هادي تأثر راح قعد يمها وحط ايده على ويهها يحاول يمسح دموعها.. بس هي قامت هادي: اميرة انتي تعرفين اني مغصوب عليج اميرة: بس انا شو ذنبي هادي: مالج ذنب بس انا ما احس بصوبج اي مشاعر احسج نفس اختي وانغصبت عليج مب ذنبي انا بعد اميرة: انت شو ما تحس!! وانا الحينه ما احس من صوبك بأي مشاعر اول يمكن كنت احبك بس الحين كل ذرة حب تحولت لكره!! وطلعت اميرة وعيونها كلها دموع تخليها ما تشوف اللي جدامها واهي تنزل من الدري .. طاحت وفقدت الوعي ..!! هادي منصدم من الكلام اللي سمعه ونزل يلحقها بس لما شافها والدم ينزف من راسها شلها وراح المستشفى .. بالمستشفى.. حطو اميرة بالعناية وهادي مو عارف شيسوي اذا صار بأميرة شي ما راح يسامح نفسه!! اقل من ساعة الكل درا انها بالمستشفى وكلهم راحولها واولهم شوق الكل كان خايف وما يدرون شاللي صار بينهم بس مبين من ملامح هادي ان السالفة جايدة.. بوهادي و بومايد معصبين ع الاخر الدكتور: وين زوجها؟ هادي: انا الدكتور: ممكن تسير وياي الغرفة هادي: انشالله الدكتور: زوجتك كانت حالتها خطرة وايد وكنا لازم نضحي بواحد منهم هادي: واحد من امنوه؟ الدكتور: الام او الجنين هادي منصدم: اميرة حامل!! الدكتور: كانت بس حالتها كانت ما تسمح انه يعيش هادي: كانت؟؟ يعني ولدي مات؟ الدكتور: هيه هادي: واميرة شحالها؟؟ الدكتور: هي عدت مرحلة الخطر بس تحتاج للراحة ولازم تخلونها بالمستشفى 3 ايام ع الاقل هادي:....... الدكتور: عظم الله اجرك هادي: انزين اقدر اجوفها الدكتور: الحين لا بس باجر الصبح ممكن انك تجوفها واذا سمحت تقول للاهل يردون البيت غير مسموح انكم تقعدون هنيه هادي: انشالله طلع هادي وهو ما يفكر الا بأميرة .. معقولة كانت حامل؟؟ ليش ما قالتلي؟؟ ولدي مات!! هي اكيد كانت تدري انها حامل!! شو شعورها الحينه اذا خبروها؟؟ هادي الصدمة مسيطرة عليه ..مهما كان هذي اميرة بنت عمته قبل لا تكون زوجته وحبيبته!! راح صوب غرفتها .. شوق راحتله على طول .. شوق: هادي شيقول الدكتور؟؟ هادي ما يبي يشوف شوق يحس ان اهي السبب باللي صار حق اميرة لو ما تكلمو ذيج الليلة عنها جان ما صار اللي صار .. شوق: هادي؟؟ هادي حقرها وراح عند ابوه هادي: ابويه الدكتور يقول عدت مرحلة الخطر الحمدلله وقعدتكم مالها معنى خلونا نسير البيت بومايد: مب ساير الا لما اتطمن على بنتي هادي: يا عمي توني طالع من عند الدكتور وهو قاللي اخليكم تسيرون البيت اميرة مب قايمة من البنج الا باجر يلا توكلو ع الله بوهادي: يالله توكلنا على الله هادي: ابويه انت خذ امايه وياك انا بيلس بوهادي: وشوق؟؟ شوق: عمي انا بقعد عند هادي هادي: ابويه شلها وياك شوق راعت شعوره وراحت وياهم ومن باجر الصبح شوق راحت مع خالدة حق اميرة.. اول ما وصلو شافو هادي نايم على كرسي الانتظار وكان شكله يكسر الخاطر وامبين انه امس طول الليل ما نام.. شوق لما شافته سيدا راحتله.. وخالدة خلتهم بروحهم وما ادري وين راحت شوق: هادي .. هدوي حبيبي قوم هادي: اميرة خليني انام شوق: ما بتشوف اميرة ؟؟ الحين الصبح هادي: اميرة والله اني احبج لا تخليني شوق: هادي؟ هادي: اكثر من شوق بس ردي علي شوق: هااااادي قوم هادي فج عينه وتخيل ان اللي جدامه اميرة: اميرة والله ما اعيدها احبج وربي احبج بس رديلي.. مستعد اعوضج عن كل اللي فات شوق: هدوي انا شوق ! هادي استوعب: ها شوق: ليش نايم هني؟ هادي قام من على الكرسي وراح للدكتور من غير ما يرد على شوق شوق بقلبها : بس بعرف شسويت؟؟ خالدة: شوق وين هادي؟ شوق: ما ادري شكله راح للدكتور خالدة: انزين امشي ندش على اميرة شوق: يلا دشو .. اميرة كانت نايمة شوق بهمس: الظاهر ما قعدت من البنج خالدة: انا بدش الحمام شوق قعدت ع الكرسي اللي عند اميرة .. وبعد لحظات اميرة تحركت بس ليلحينها مغمضة عيونها شوق: اسم الله عليج شوق خذت مصحف صغير من على الطاولة وقربت من اميرة وقعدت تقرا وتدعي الله انه يشفيها.. دش هادي شاف شوق وطلع على طول ما يقدر يتحمل يشوف المشهد .. |
تسلمين الغالية دانة الكويت ع التكملة ونترقب تكملت القصة ... |
مرحبـــا دانه الكويت بصراحه شفت القصه وعجبتني وااايد تسلمين يدينج يااالكويتيه ونترقب التكمله |
وبعد دقايق ردت خالدة خالدة: الله يشافيها شوق: آمين .. عمتي ما راح اتيي خالتي موزة؟ خالدة: اكيد بتيي تلقينها بالطريج الحين اميرة فجت عيونها ببطء اميرة: امايه شوق: عمتي اميرة قعدت! تبين شي؟ اميرة: ابغي ماي شوق بسرعه صبت لها ماي وشربتها اميرة فجت عيونها: ولدي وينه؟ شوق وخالدة: ؟؟؟ اميرة: خالتي ولدي وينه ؟ خالدة: اميرة تعوذي من ابليس اي ولد؟ اميرة: انا كنت حامل وين ولدي؟؟ شوق وخالدة: حامل؟؟ اميرة تبجي: خالتيه وينه؟؟ شوق: أأأ بخير انتي وولدج كلكم بخير الحمدلله تطمني اميرة حقرت شوق ولفت على خالتها: صدق خالتي؟ خالدة: هيه اميرة: الحمدلله امايه وينها؟ شوق: بالطريج يايين اميرة: خالتيه امايه وينها؟ خالدة: قالتلج شوق بالطريج شوق حست ان اميرة ما تبيها بالغرفة شوق: عن اذنكم بروح شوي وأرد خالدة: وين رايحة؟ شوق: دقيقة وراجعة اول ما طلعت شوق لقت هادي عند الباب.. شوق: هادي هادي ما يرد عليها شوق: هدوي رد علي هادي ساكت شوق: اميرة كانت حامل؟؟ هادي:........... شوق: هادي رد علي هادي: وانتي شعليج عسب تتشمتين فيها شوق عصبت:لا تقول عني جذي مو انا اللي اتشمت بالناس بس اهي سألتني عن ولدها هادي: وانتي شو قلتي؟ شوق: انا صراحة انصدمت من اللي قالته وكسرت خاطري لانها كانت تبجي قلتلها انه بخير هادي: تصيح؟ شوق: اي هادي طالع شوق بنظرة: الله يسامح اللي كان السبب شوق: انت شفيك ؟؟ انا شسويت؟؟ ليش تعاملني جذي ؟؟ هادي انفعل: لانج السبب بكل اللي يصير سبب طيحتها الحينه وسبب موت ولدنا شوق مصدومة: انا؟؟؟ هادي: اخ لو كنت سامع كلام ابوي وما خذتج بس شو اسوي ودش عند اميرة شوق خلته ودموعها في عيونها ونزلت تحت لقت محل ورد شرتلها باقة ورد كبيرة فيها ورد ابيض واصفر وكتبت على الكرت الف الحمدلله ع السلامة وقالتلهم يودونها حق غرفة اميرة ودقت على احمد.. احمد: هلا بحرم اخوي المصون شوق: احمد تعال بالسايق المستشفى احمد: ليش؟ شوق: احمد بليز تعال بسرعه احمد: انشالله دقايق وانا عندج وبعد 10 دقايق وصل احمد .. وبالسيارة.. احمد : خير شو فيج ؟ شوق تبجي احمد: اميرة فيها شي؟؟ شوق: لا بس بروح البيت احمد: ليش تصيحين ؟؟ شوق ساكتة وبهالوقت عند اميرة.. اميرة تصرخ:براااا اطلع برا ما ابغي اجوفك هادي: اميرة بس اميرة: اقولك برا هادي: بس خالدة سحبته وطلعته هادي: امايه! خالدة: البنت تعبانة خلها بروحها هادي: بس خالدة: اهي حامل؟ هادي نزل راسه وسكت خالدة: اكلمك انا هادي: هيه خالدة: وشلون حالة الولد هادي: اميه مات الولد خالدة: شنو؟؟؟ هادي: اميه دخيلج رمسيها مب قادر اقولها خالدة دشت على اميرة لقتها تبجي .. اميرة: اميه وينها خالدة: بعد عمري انتي لا تصيحين الحين بتيي اميرة: خالتي ما احبه عفته خلاص خالدة: بس حبيبتي هدي اعصابج وهو اراويج فيه اميرة: خالتي انا ابا الطلاق مابا شي ثاني صبرت واايد بس شاللي أخر ام اميرة كل هالوقت؟؟ بهالوقت عند ام اميرة.. روضة: اميه في حرمة تبيغيج بالصالة موزة: حد ايي بهالوقت؟ امنووه هذي؟ نحن بنسير لاميرة الحينه روضة: اميه انا اول مرة اجوفها موزة: انزين بسير لها قومي يبي العباة تأخرنا على اميرة روضة: انشالله وبالصالة: موزة: مرحبا الساع الحرمة: المرحب باجي موزة: هلا بج الحرمة: شحالكم وعلومكم؟؟ موزة: طيبين طاب حالج ومن صوبج؟ الحرمة: بخير ربي يسلمج ام اميرة انا ما بطول عليج ابغيج بموضوع انا يايتج من الفجيرة موزة: حياج البيت بيتج بس عسا ما شر؟ الحرمة: ما شر انشالله الحرمة: ما شر بس اول شي شحال اميرة ؟ موزة: اميرة ؟ الحرمة: هيه اميرة الزين كله فديت عمرها يايتج ابا ايدها موزة: اميرة؟ الحرمة: هيه العرب سمعو عنها ويبغونها حتى لو مطلقة ارملة المهم انهم يبغونها موزة: ويه اسم الله على بنتي بس امنووه الريال؟ الحرمة: غانم ال...... توه محصل الدكتوراه من برع موزة: خلاص انشالله ما يصير الا الخير الحرمة: انزين انا استأذن موزة: شو تسيرين ما تقهويتي الحرمة: على الفرح انشالله موزة: والله ما تسيرين للضيف واجب الحرمة: لخاطرج بس ترى ولدي يترياني برع موزة: بس امنووه الحرمة؟ الحرمة: انا ام راشد موزة: والنعم بج ام راشد: الله ينعم بحالج الشيخه وراحت موزة للمستشفى وكل اللي بخاطرها انها تطلق اميرة من هادي..! واميرة لما درت ان الجنين مات ما تبي غير الطلاق..! اما الرياييل .. هادي: عمي وربي لاعوضها عن كل شي بومايد: البنت تبغي الطلاق بوهادي: يا ريال تعوذ من ابليس خل البنت ترد لريلها بومايد: بوهادي نحن اهل قبل كل شي بس بنتي مب مرتاحة مع ولدك وهاي يمكن خيرة لهم هادي يرتاح مع مرته لي اختارها وهي ترتاح بعد هادي: انزين بس هي ليلحينها حرمتي ما طلقتها ابغي اجوفها بومايد: انشالله بسويلك درب بومايد راح لغرفة اميرة.. بومايد:هود هود موزة: هدا هدا اقرب الغالي بومايد: هادي بيجوف حرمته اظهرن موزة: ما تحل له بنتي عقب لي سواه فيها اميرة: ابويه ما ابغي اجوفه ام هادي: تعوذن من ابليس بومايد: هي حرمته ومن حقه يجوفها يلا اظهرن اطلعو الحريم ودش هادي على اميرة.. اميرة لبست شيلتها ولفت ويهها الصوب الثاني ما تبي تشوف هادي هادي: السلام عليج اميرة:............. هادي: لعنبو رد السلام فرض اميرة:............. هادي: على راحتج.. اميرة انا ابغي ارمسج وايهيني اميرة لافة ويهها ومو معطيته اي اهتمام هادي عصب: جوفي تراني ما اسمح لحد يذلني انا برمسج شوفيني اميرة دمعت هادي ليلحينه معصب : انتي تبغين الطلاق صح؟ وانا مستعد اطلقج بس اذا رديتيلي وتعوذتي من ابليس والله اني لاعوضج عن كل اللي فات اميرة: ما اباك عفتك خلاص! هادي: انتي تتحملين نتيجة قرارج اميرة:............... هادي: انتي طالق طالق طالق..! طلع هادي وخلا اميرة غارقة بدموعها |
الحريم دشو.. موزة: شو فيج بنتيه؟ اميرة واهي تبجي: امايه طلقني ! موزة: مب هذا اللي تبغينه؟؟ اميرة:........... هادي رد معصب حق البيت وبوهادي وام هادي مالهم ويه يقعدون عند اميرة.. هادي طول فترة العدة كان بالمزرعه بس محد يدري الا احمد وقطع اتصالاته بالكل حتى شوق ما يكلمها.. وشوق حالتها حالة بعدين تعودت .. روتينها اليومي تقعد من النوم تقعد عند عمتها تحت تسولف وياها وتونسها لي الليل بعدين تصعد غرفتها تقعد عند التلفزيون ليما تنام ومرات احمد يعطيها لابتوبه تكلم ريم واهلها وتقضي وقتها فيه .. او بوهادي يطلعهم حديقة او بحر اهي وعمتها واحمد .. موزة قالت حق بومايد عن موضوع غانم ال....... اللي بيخطب اميرة.. بس ينطرون اميرة تطلع من العدة وبتم الخطبة.. وبعد شهر عقب العدة غانم ال...... طلب ايد اميرة واميرة وافقت.. اميرة بنت حلوة وعودها ريان مثل ما يقولون وشعرها لي نص ظهرها وكل من شافها تمناها حق ولده .. احمد: شواقي ابا اسألج سؤال وتجاوبيني بكل صراحة شوق: اولا ياللي ما تستحي تدلع مرت اخوك محد يقول شواقي الا هادي هع احمد: خخخخخخ انزين اعصابج شوق: خلاص رضيت يلا شو تبا احمد: خخخخخخ اونه شو تبا شوق: هي انت لا تتطنز علي احمد: المهم دبوه سمعي السؤال شوق: دبوه ويهك انا رشيقة احمد: هههههههه انزين سمعي السؤال شوق: ها تفضل احمد: مب مشتاقة لهادي؟ شوق: لأ احمد: هههههه لا تكابرين ادري انه ما يرد على اتصالاتج وانج تتصلين باليوم خمسين مرة شوق: من قال؟ احمد: دبوه موبايله عندي خخخخخ شوق منصدمة: جذاب احمد: والله شوق: وهدوي وينه؟ احمد: الحينه هدوي شوق: جب هدوي وينه؟ احمد: خخخخخ بالمزرعه شوق:صج؟ احمد:هيه شوق: قوم يلا ودني له احمد: شو؟ شوق: ابي اروحله احمد: امنووه لي يقول مساع مب مشتاقله هع شوق: احمدو يا المليق ودني احمد: انزين هو قاللي اييبج له خخخ مشتاقلج روميو بس على شرط ما تخبرين حد شوق: انزين احمد : يلا اترياج بالسيارة شوق لبست وخذت لها شوية اغراض عطتهم الخدامة وراحت السيارة احمد: شله كل هالاغراض شوق: وانت شعليك مو حقك احمد: ماشي بس هو قاللي لا تييب معك ولا شي شوق: مالك شغل قوله شوق يابتهم يلا انتي ركبي احمد: شو بتسير ويانا هذي؟ شوق: عيل تبيني اروح وياك بروحنا احمد: خخخخخ انزين واول ما وصلو المزرعه .. |
| الساعة الآن 04:23 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir