|
اقتباس:
عيونج الطر فديتج .. تسلميين حبيبتي البارت قريب بينزل .. |
روايتي الاولى / مثل النجمة و القمر كبر حبنا و اشتهر البارت 21 ( بعد 3 ساعات ) ( ف بيت بو حمد ) مجد : ( كانت تنزل من الدري ) حموود ؟ حمد : ( طايح ع ريل امه ) ها ؟ شو ؟ مجد : ( سارت صوبه و مسكت ايده ) تدري انا وايد احبك تدري انا آآ .. خاني التعبير ياخي حمد : من الاخر شتبين ؟ مجد : بليز طلعنا الله يخليك ام حمد : خلي اخوج و حليله تعبان فديته حمد : لا اميه عادي مب تعبان ( ترمس مجد ) من عيوني يلا سيري البسي و خبري اختج بعد (ابتسم ) مجد : ( استأنست ) فديتك اخويه احبك والله احبك ( باست ع خده و سارت فوق ركض ، عطول سارت عند اختها عهد و دقت الباب ) عهوود ؟ افتحي الباب بقولج شي خطير ! عهد : ( فتحت الباب ) شو ها الشي الخطير ؟ مجد : ( ابتسمت ) شي خطير وايد وايد عهد : ( منقهره ) انزين شو هو ؟ مجد : ( ابتسمت و طلع التقويم ) انا انصدمت يوم عرفت عهد : ( انقهرت اكثر ) قولي ويا ها الحديد اللي محطتنه مجد : ( ضحكت زياده عشان تقهرها ) مابقول لانج قلتي ويا ها الحديد اللي محطتنه ( كانت بتسير بس ... ) عهد : ( مسكت ايدها ) خلاص اسفه والله بس عاد قولي شو ها الشي الخطير ؟ مجد : ( حست بنغزه بقلبها ف تمت ساااكته ) عهد : مجووود بلااج ؟ مجد : ( بس تتطالعها ) عهد : ( تصارخ ) مجووووود ؟؟؟ سعيد و حمد : ( يوا ) سعيد : شسالفه ؟ عهد : ( قالتلهم ) سعيد و حمد : ( ساروا صوب مجد ) حمد : مجوود بلااج ؟ مجد : ( تطالعه ) تحس ان قلبك يعورك واااايد بس ما تعرف ليش ؟ صح و لا ؟ حمد : ( نزل رأسه ) هيه ( رد رفع رأسها و قال ) ليش ؟ مجد : ( مسكت قلبها و يلست ع الارض و غمضت عيونها ) ان شاء الله مافيها شي ان شاء الله يكون إحساسي غلط ( ترا مجد عندها الحاسه السادسه ) سعيد : ( نزل عندها ) منو هاي ؟ مجد : ( فتحت عيونها و انترست دموع ) شهود احس ان فيها شي ! حمد : ( نزل عندها و ابتسم ) لا تخافين حبيبتي مافيها شي توا شافينها مافيها الا العافية عهد : ( تطالعهم و تبتسم ) فديتكم اخواني الله يخليكم لنا و الله لا يفرقنا الكل : اميييين حمد : مجووود انتي الحين سيري ارقدي و عقب بنطلع عهد : نطلع ؟؟؟ حمد : ( ابتسم ) هيييه عهد : مجوود ليكون ها الشي اللي من مساعه تبين تقولين لي اياه ؟ مجد : ( قامت من ع الارض و ضحكت ) هييه عهد : ( عصبت ) خووووفتيني اووونه اخر شي بنطلع سعيد : ( قام و حظن مجد ) وحليلها البنت كانت تستبهل حرام ؟ مجد : ( اطالعت عهد و طلعت لسانها و ضحكت ) عهد : ( بوزت ) اكرهكم ( كانت بتسير بس .. ) حمد : ( مسكها و حظنها ) ايييه عاااد هاااي حبيبتي لا حد يزعلها مجد : حبيبتك ؟ ماعليه بخبر شهوود ( و ركضت غرفتها و قفلت الباب ) حمد : ( ركض صوب غرفتها و دق الباب ) مجووود ؟؟ لا تقولين !! ترا بردج أمريكا تدرسين !! مجد : ( فتحت الباب و عقدت حياتها ) لا والله ؟ مب على كيفك انا ما بسير هناك عند الغرب خلاص لاعت جبدي منهم حمد : اول شي قولي انج ما بتخبرين شهود !! مجد : ( ابتسمت ) مابخبرها و الحين ممكن بريح شوي حمد : انزين ( و ابتسم و سار ) مجد : ( ابتسمت و ف خاطرها : الله يخليك لي يا اخوي و لا يحرمني منك و سارت ترقد ) ( ف بيت بو منصور ) الكل : ( يالسين ف الصاله ماعدا حمدان ) ام منصور : منصور ابويه متى ناوي تتزوج ؟ ابا أشوف عيالك قبل ما الله يأخذ أمانته منصور : ( سار و بأس رأس أمه ) لا بسم الله عليج اميه انزين انا بعدني ما حصلت البنت اللي دخلت خاطري ! ام منصور ؛ تباني أدور لك ؟؟؟ منصور : لا اميه انا اللي بختار البنت اللي أباها الريم : اقول اميه وين حمدان ؟ ام منصور : ما ادريبه ماشفته من يومين مريم : أظن انه طالع ويا شهود ابو منصور : ويا ها الشهود طول الوقت وياها جنها حرمته حتى حرمته ما يتم وياها ها الكثر ام منصور : وحليلها البنت كانت تعبانه و كانت في المستشفى ى اكيد طلعها عشان نفسيتها تتحسن مريم : اميه شدراج انها كانت ف المستشفى ؟؟! ام منصور : اعرف و اعرف بعد ليش دخلت المستشفى !! مريم و الريم و منصور : ( انصدموا ) مريم : امييه انا بسير غرفتي يوم بيحطون الغداء نادوني ام منصور : ( ابتسمت ) انزين مريم : ( بسرعه سارت فوق ) ابو منصور : انا بسير ارقد ( و سار ) الريم : امييه انا بعد بسير غرفتي !! منصور : هيه و انا بعد ام منصور : سيروا الريم و منصور : ( بسرعه قاموا و ساروا عند مريم ) مريم : ( يالسه ع السرير ) بسرعه سكروا الباب و تعالوا الريم : ( سكرت الباب و سارت يلست مجابله مريم ) منصور : ( يلس ع الغنفه ) والله اني منصدم كيف عرفت نحنا قايلين للكل ما يخبرون الكبار الريم : هيه كيف عرفت !! نحنا لازم نقولها ماتخبر الباقين مريم : هييه لان لو عرف خالي عبدالله ( ابوي ) بيعصب واايد منصور : يلا تعالوا نسير نقول حق اميه البنات : يلا ( و نزلوا تخت و ساروا المطبخ عند أمهم ) منصور : اميييه ؟؟ ام منصور : ها ابويه ؟ مريم : امايه لا تخبرين حد عن ....…… ام منصور : ( تقاطعها ) اصلا الكل يعرف و أبوها ما عصب و لاشي لاتخافون الريم و منصور و مريم : خالي عبدالله يعرف !! ( منصدمين ) ام منصور : هيه ( تقولهم السالفه ) ( ف بيت بوناصر ) الشواب و الحريم : ( كانوا يالسين في الميلس ) ( شوي و رن تلفون البيت ) ابويه : ( شل التلفون ) آلو الشخص : آلو انته عبدالله ال…… ابويه : هيه نعم انا انا خير اخويه ؟؟ الشخص : انا صقر خطفت بنتك شهد و بنت خالتها فاطمه و ما برجعهم لين تخلي حمد يطلق شهود ابويه : ( انصدم ) انته شو تقول ؟؟ صقر : هييه عمي انا أحب شهود وايد وايد و صراحه ماقدرت اعترف لها ماقدرت و يوم رجعت لها اكتشفت انها متزوجه ( دمعت عينه ) عمييي الله يخليك خله يطلقها ابويه : انزين انته كيف تعرفها ؟؟! صقر : ( قاله كل شي ) و انا بدال لا انتقم حبيتها ابويه : انزين يا ولدي بشوف و برد ارمسك مره ثانيه مع السلامه صقر : مع السلامه ! ( وسكر ) ( نرد عند ام منصور ) ام منصور : وعقب بو ناصر قال لنا و نحنا انصدمنا و عقب اتصل حق سيف و قاله لكن سيف طمنا سيف ان انتو رديتوا شهود و فطوم و بس وعبدالله ما كان معصب موليه كان زعلان ع صقر منصور : ( منصدم ) يعني صقر يحب شهود ؟؟ ام منصور : ( ابتسمت ) هيه الريم : اميه ترا صقر مات ( ونزلت رأسها ) ام منصور : شووو ؟؟؟ مريم : ( قالتلها كل شي استوى ) ام منصور : لا حول و لا قوه الا بالله ( ونزلت رأسها ) ( بيت بوناصر ) الكل : ( يالسين ف الصاله ) ناصر : ندووي ؟؟؟ ندى : ( كانت تقرأ الملجه ) ها ؟ ( بدون ما تطالعه ) ناصر : وين شهود ؟؟ ندى : في ام القيوين ناصر : ويا منو سايره ؟؟ ندى : ويا حمدان ناصر : خلصتي اغراضج مال العيد ؟؟؟ ندى ؛ هيه ( تطالعه ) انته بلاك تسأل وايد ؟؟؟ ناصر : ماشي والله ابا اطمن ع خواتي عندج مانع ندى : لا ماعندي مانع ( ابتسمت ) حصه : لا والله بس هم خواتك و انا ان شاء ؟؟؟؟ ناصر : منو قال انج اختيه ؟؟ انا خواتي بس شهود و ندوي حصه : ( حطت ايدها ع خصرها ) لا والله ؟؟ سيف : خليه يولي يستهبل وياج ( يفتح ايده ) تعالي عندي حبيبتي حصه : ( ابتسمت و سارت عنده ) اقول اخويه ؟؟؟ سيف : ( ابتسم ) عيون اخوج ؟؟ حصه : طلعنا بللليييز ( بلاهم اليوم عن الطلعه ) سيف : من عيوني حصه : يعني نسير نبدل ؟؟؟ سيف : هيه حصه : ( استأنست و باسته ع خده و شردت فوق ) ندى : ( لحقتها ) يوسف : اقول سواف انا بعد بي وياكم عادي ؟؟؟ سيف : ( اطالعه و ابتسم ) هيه عادي يوسف : ( أستأنس ) مشكور ( سار بسرعه فوق ) ناصر : ( يطالع سيف ) اممم عادي اسير ؟؟ سيف : ( ابتسم ) هيه بس اول اعتذر حق حصوص ناصر ( استأنس و أشار ع عيونه ) من عيوني ( و سار بسرعه فوق ) سيف : ( سار عند أمه و باس رأسها ) اميييه بلاج ؟؟ اميه : احس ان شهد فيها شي سيف : لا امييه مافيها شي ان شاء الله حمدان وياها اميه : ( مب مطمنه ) هيه ان شاء الله سيف : ( باس رأس امه و قام ) يلا اميه بسير أبدل عشان أطلعهم اميه : ( ابتسمت ) الله يحفظكم و عن السرعه سيف : ان شاء الله ( و سار ) |
تكمله البارت 21 ( بيت بو محمد ) الكل : ( يالسين ماعدا ام محمد و ابو محمد ) محمد : عفرووه ميثثووو عفراء و ميثاء : هااا ؟؟؟ محمد : عبود وينه ؟؟؟ عفراء : بيودي حرمته بيت أهلها و بيرجع لان خلاص اخر أيامها عشان جي سارت محمد : اها ( يكمل ) انتو من متى ماسرتوا عند قوم هيو ؟؟؟ عفراء : من زمان ما سرنالهم تقريبا من 3 شهور او 4 ميثاء : هيه حتى انا بعد مجود من متى ماشيتها ( تكمل ) انا سمعت انها ردت صح و لا ؟؟؟ محمد : توا الناس من متى راده البلاد عفراء : اوونه خل اتصللها عيل ( اتصلت ) آلو مجد : آلو هلا عفاري شحالج ؟؟؟ شخبارج ؟؟؟ عفراء : اهللليين انا الحمدالله تمام و انتي شحالج يا راعيه أمريكا ؟؟ مجد : دوووم ، والله الحمدالله تمام عفراء : وياج ان شاء الله ، دووم ( تكمل ) ليش ماقلتتي لي انج رديتي ؟؟ و هذا و انا اقرب وحده مجد : والله حبيبتي نسيت كل شي استوى بسرعه ولا تزعلين منني والله نسيتت ..…… عفراء : ( تقاطعها ) فديتج مجود و انا أروم أزعل منج مجد : حياتي والله عفراء : خاطري اسير الشاليه من متى ماسرت مجد : نحنا يمكن باجر كلنا نسير الشاليه تعالي شهود بعد بتكون هناك عفراء : اممم ما ادري والله بشوف الوضع اذا محمد وافق بي مجد: اوووك ( يلسوا يسولفون طبعا سوالف البنات كل حش خخخ ) ( بيت بو جاسم ) الكل : ( يالسين يتغذون ماعدا جاسم و هزاع ) ابو جاسم : يا امم جااسم جاااسمم وينننه ؟؟؟ ام جاسم : وحليله راقد امس طول الليل يالس يشتغل ع الكمبيوتر ماله ابو جاسم : ( ابتسم ) و هزاع ؟؟ غاليه : ( تكمل بدال أمها ) هزاع امس مارد لان عنده عمليه مهمه ابو جاسم : ( ابتسم ابتسامه عريضه ) هيه هاذيلا العيال هزاع : ( يدخل ) السلام عليكم ( سار باس راس أمه و ابوه ) شحالكم ؟؟ الكل : وعليكم السلام الحمدالله تمام هزاع : دوووم .. عيل جسوم وينه ؟؟ جاسم : ( يدخل ) انا اهنيه ( ابتسم ) السلام عليكم الكل : وعليكم السلام جاسم : شحالكم الغوالي !؟؟ الكل : الحمدالله تمام جاسم : دوووم .. ها هزوع شو كانت العملية ؟؟ هزاع : ( و هو يأكل ) الحمدالله كانت زينه و سهله يعني نجحت العملية و انته شسويت ؟؟؟ جاسم : الحمدالله .. الله يسلمك امس كنت سهران اشتغل ع اللاب هزاع : هيييه .. انزين غايوه غلوي كل شيي جاهز حق العيد غاليه و غايه : هيييه غايه : بس ماتحنينا جاسم : يلا عيل قوموا الحين بوديكم !! غايه : صددق ؟؟ غاليه و غايه : ( استانسوا بأسوا إخوانهم و ساروا حجرهم يبدلون ) هزاع : شرايك عقب ما نوديهم الصالون نسير المول ؟؟ جاسم : اووكي قوم اكشخ جاسم و هزاع : يلا نحنا نستأذن ام هزاع : سيروا الله يحفظكم و عن المغازل ابو هزاع : ( ساكت و يطالعهم ) |
جاسم : ( باس راس أمه ) من ها العين هزاع : ( لاحظ ابوه ) ابويه بلاك ؟؟ فيك شي ؟؟ تعبان ؟؟ ابو هزاع : لا ابويه مافيني شي بس انا مفتخر أنكم انتو عيالي الله يخليكم لنا هزاع و جاسم : ( استأنسو و ساروا باسوا رأس أبوهم ) و يخليك لنا يا الغالي بو هزاع : ( ابتسم ) يلا سيروا اكشخوا ( غمزلهم ) عن تتحيرون عن خواتكم جاسم و هزاع : ( فهموا و بسرعه ساروا يكشخون ع قولتهم ) ( بيت بو خليفه ) الكل : ( يالسين ) خليفه : ها مواز خلصتي أغراض العيد ؟؟ موزه : هيه اخويه بس ما تحنيت مروان : بعد لازم تتحنين ؟!! موزه : هيه لازم بدر : والله انتو البنات سوالف موزه : يعني مانكشخ ؟ العيد لازم نتحنا عيل تتحسبونا نفسكم لبسنا الكندوره و طلعنا لا حبايبي نحنا لازم نسوي شعرنا و نتحنا و نتمكيج و لين ما نحصل لنا فستان زين و حلو و مب اي شي و لين ما ندور نعال و الاكسسوار ولين ..... مروان : ( يقاطعها ) بس بس قلتيلنا قصه حياتكم كلها بسم الله موزه : ( منقهره ) عشان مره ثانيه تفكرون قبل ما تتكلمون عنا بدر : انزين انزين خليفه : انزين سيري بدلي بنوديج موزه : ( استأنست ) صدق ؟؟ خليفه : ( ابتسم ) هيه موزه : ثااانككس ( باسته ع خده و سارت ركض فوق ) بدر : انته من صدقكك بتوديها الصالون بتم سنه هناك ؟؟ خليفه : عادي بنسير المول لين ما تخلص ها بتون وياي ؟ بدر : انا بي مروان : و انا بعد خليفه : عيل خل اقول حق جسوم !! ( اتصله ) آلو جاسم : آلو هلاا خلووف خليفه : اهللين شحالك جسوم ؟؟! جاسم : يسرك حاليه و انته شحالك ؟! خليفه : عساه حالن مديم ، تمام والله جاسم : وياك ان شاء الله .. دووم خليفه : تدوم أيامك ، عيل وينك انته ؟؟ جاسم : في البيت بس الحين بودي خواتي الصالون عقب بسير المول ها بتي وياي و لا ؟؟ خليفه : حتى انا بودي اختي الصالون خلاص عيل بنمركم جاسم : خلاص عيل نتلاقى خليفه : يلا عيل بسكر انا مع السلامه جاسم : مع السلامه ( و سكر ) بدر : ها شو قال ؟؟ خليفه : قال ان هو بعد بيودي خواته الصالون و عقب بيسير المول جان أقوله ان بنمر عليه مروان : عاد خواته حلوات ؟؟ خليفه : عيب عليك استح ع ويهك مروان : بسم الله انزين أسف اخر مره ( تجهزوا بسرعه و ركبوا كلهم السياره و الحين هم بتجاه بيت بو جاسم ) |
( في بيت بو جاسم ) جاسم : غلووووي غااايوه تعاااالوا بسرعه الحين بييون غاليه : ( تنزل ) جسوم او هزوع سيروا شوفوا غااايوه لين الحين ما لبست جاسم و هزاع : شووو ؟؟ جاسم : شو ما لبست العرب ع وصول ( سمعوا هرن و كلهم طلعوا ماعدا طبعا غايه ) غايه : ( نزلت ) ليكون ساروا عني ! خل اطلع اشوف ! ( لبست نظارتها الشمسية و ظهرت و شافت سيارتين و اختارت اي وحده تركب لا إراديا حطت ايدها ع خصرها ف خاطرها : بسم الله وينهم و هايلا سيارات منو انزين لو كان راكبين فيها اي وحده ؟؟ خل اتصل حق هزوع احسن ، و اتصلت ) آلو هزاع : آلو غايه : هزوع انتو ف اي سياره ؟؟ هزاع : ( يستهبل ) النسيان السوداء غايه : انزين اي وحده اثينهم نسيان سوداء ؟؟! هزاع : السياره اللي رقمها ثلاثي غايه : انزين اثنينهم رقمهم ثلاثي ( شوي و بتصيح ) هزاع : انا ما ادري نسيت رقم السياره غايه : ( بدا راسها يدور ف يلست بسرعه ع الارض عن أطيح و بطلت النظاره و مسكت راسها ) هزاع : غااايوه بلااج ؟؟ غايه : ( بحزن ) تعبت خلاص عاد قول بلا استهبال راسي يدور حرام عليكم حسوا فيني ( نزلت دمعه تعب لان كاان صددق راسها يعورها بس مسحتها بسرعه و لبست نظارتها ) الحين بتقول و لا شو ؟؟ ( اللي معروف عن غايه انها وايد قويه و دموعها ما تنزل بسرعه ) هزاع : ( نزل من السياره و سار صوبها و نزل لها ) تعالي وياي غايه : ما ابا عيل لي ساعه اقولك وينك تقول ( تقلده ) السياره السوداء نسيت الرقم ( ترد لصوتها الطبيعي ) راسي دار خلاص ( قامت ) يلا نسير اوووف هزاع : انزززين عااد درينا ان راسج دار حشرتينا انتي الواحد مول ما يستهبل .... غايه : هيه انا الواحد ما يستهبل وياي و يلا خل نسير هزاع : يلا ( وركبوا السياره ، البنات تعرفوا ع بعض و الشباب وصلوا البنات الصالون عقب راحوا المول ) البنات : ( عقب ما خلصوا اتصلوا حق إخوانهم و ردوا البيت تسبحوا و بدلوا و رقدوا ) تتوقعون شو بيستوي في اليوم الثاني و شهد شو صار لها ؟؟ |
| الساعة الآن 07:37 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir