|
[COLOR="Red"]البارت السابع عشر الخميس الساعة 2 الظهر وقت الغدا[/COLOR] الكل كان مجتمع و يالس يآكل , هالمره كانوا يالسين داخل يتغدون و كل واحد لاهي بأكله بوشيخة : من تخلصون غداء تعالو يلسوا ف الصالة كلكم الكل : إنشاءالله خلصوا غدا و اجتمعوا في الصالة (الشياب – الحريم – الشباب – البنات) بو شيخة : طبعاً اليوم برمسكم بموضوعين و هم الأثنين ما يخصونكم بس يخصون شيخة شيخة :!!!!!!!!!!!!!!!!!!!!! ام شيخة : طبعاً الراي الاول لشيخة و بعدها أبوها و بعدين أنا و عمامها و عماتها ام سيف : خير شو مستوي ,(صدت صوب شيخة )شوفو البنت شكلها كيف استوا الكل : هههههههههههه بوشيخة : مافي إلا كل خير ام ذياب : يالله شوقتنا انعرف بو شيخة : أحم , أول شي حبيت أخبركم بقرار شيخة مايد (بستغراب ) : قرار شو ام مايد : بلاك مستعيل اسكت شوي بوشيخة : شيخة يت من يومين و كلمتني ف موضوع و أنا ما عارضتها بالأخير هالشي لمصلحتها بو عمر : إنزين كمل بوشيخة : شيخة قررت أترد ألمانيا و تكمل دراستها هناك الشباب +يزوي: شووووووووووووووووووووووووووووووووووووووووووووووووو ووووووووووو!!! بوشيخة : هدو بلاكم ما صار شي مايد : شو ما صار شي خالي , توها راده من ألمانيا ليش أتسير مره ثانية سيف : و بعدين ما يصير جيه اتسير بدون محرم ذياب : قبل كانت صغيره قلنا ما عليه بس الحين ما يستوي اتسير بروحها عبود (يكلم شيخة): شيخوو يعني بتودرينا مره ثانية , نحن ما صدقنا أنج رديتي ليش أتروحين مره ثانية , شي مدارس أهني مب لازم ف ألمانيا يزوي(شوي و بتصيح ) : أيييييييييييييييييه لا تستهبلين شو هالقرار بعد , أنا كنت أعد الأيام بس لأني كنت اتريا رجعتج , و الله إن سرتي يا ويلج شيخة (تنهدت ): مب أكيد أسير بس 80% أسير بو عمر : خلو خالكم يكمل كلامه بو شيخة : و الشي الثاني ترا شيخة ما تدري عنه الكل :إنزين بوشيخة : بنتي شيخة هالكلام الي بقولج أباج اتفكرين عدل فيه و ما تتسرعين , و يمكن هالشي يخليج اتغيرين رأيج عن السفر شيخة : و الي هو ؟!!! بوشيخة :أممم ماباج تستحين من الشي ترانا أهلج و محد غريب شيخة : بابا خوفتني تراك قول شو مستوي ؟ بوشيخة : ماله داعي تخافين , اليوم وحده من ربع أمج أتصلت و قالت أنها تباج حق ولدها , و ترا ولدها ف سن ذياب و مايد شيخة كانت مصدومة من الكلام ,و الشباب مثلها يزوي: أويه مبرووووووووووووووووووووووووووووك شيخووو (وسارت علشان تحظنها) بعدت شيخة يزوي عنها بهدوء وسارت فوق بدون ما تنطق ب ولا كلمة ام مايد : ليش يا أخوي تحرجها جدام الكل المفروض يكون الشي بينك وبينها بوشيخة : هذيل أهلها يعني مصيرهم بيعرفون ام منصور : بس بعد يا خالد البنت أكيد بتستحي بو شيخة : أنا قلت بتفرح مثل باقي البنات الي ينخطبون بس ما توقعتها بتنصدم جيه يزوي: عمي ترا شيخة مب شرات باقي البنات مايد : و تراها صغيره على الزواج ذياب و سيف : هيه صح عبود (يبا ينرفزهم): ياخي البنت ياها نصيبها , أنتو ليش معارضين ترا القرار الأول و الأخير بيرجعلها سيف : اسكت أنت ذياب: لا تيلس تتفلسف تراها ما دخلت 18 حتى بوشيخة : بس ترا كلامه صح الراي حقها بالأخير عبود :شفتوا حتى عمي قال كلامي صح الحين منو يتفلسف انا و لا أنتو منصور (يكلم عبود بصوت واطي): عبود مب وقته هالكلام ما تشوفهم متوترين و حالتهم حاله عبود : أووف إنزين ------------------------------------------- صوب شيخة شيخة (ف خاطرها) : أنا ليش مضايجه و ليش ودرتهم وييت يلست ف الغرفة , ترا الشي ما يستاهل و بعدين القرار حقي بالأخير , والله مادري أوافق عليه ولا لا , أوووف كيف أوافق عليه و أنا مب شايفتنه , يمكن ما يكون حلو و ما ارتاح له ويمكن يكون حلو و ارتاحله و أخلاقه أتكون زينه بس أنا بعدني صغيره و جدامي مستقبل ,و انا مستحيل أتخلى عن دراستي , أنا من زمان مقرره إني أخلص الجامعة و اشتغل و بعدين أفكر فالزواج , أحسن شي أسويه إني أصلي استخاره و بشوف إذا برتاح و لا لا دخلت عليها يزوي يزوي: شيخة شيخة : هلا يزوي : متضايجه ؟! شيخة : لا يزوي: عيل ليش ودرتينا بدون ما تنطقين بكلمة ,وليش يالسه بروحج شيخة : لأني كنت مصدومه فالبداية بس الحين عادي , ويالسه بروحي لأني أفكر ف هالموضوع يزوي: شو قرارج شيخة : مادري والله بس أنا بصلي استخاره و بشوف يزوي: هيه أوكيه ---------------------------------------- الكل كان مجتمع في الصالة , ويسولفون و في نفس الوقت خايفين من ردة فعل شيخة بو عمر : بلاك يا أخوي مضايج بوشيخة : المفروض ما أكلمها جدام الكل بو عمر : خلاص الشي استوا و بنتك ما قالت شي يعني هي مب مضايجة يمكن بس مصدومة بوشيخة : يمكن , كل شي جايز صوب الشباب منصور(في خاطره): ياربي صدق إني نحس يوم فكرت فيها و قلبي بغاها ايي واحد ثاني و ياخذها شو هالحظ النحس ياربي شو اسوي , إنشاءالله ما توافق مايد : وينهم هذيل من ساروا فوق ما شفناهم سيف : تقصد منو !!!! ذياب : يعني منو غيرهم , شيخة و يزوي سيف : هيه أوكيه , يعني نسيت شو استوى مساعه مايد : لا ما نسيت بس لين متى بتم فوق , قوموا انلعوزهم ذياب : متفيج والله عبود : ملل ياخي , صح كلام مايد خلونا نلعوزهم سيف : أوك يالله قوموا الكل قام ما عدا منصور مايد : حوووووووووووووووووووووه وين سرت منصور : بسم الله بلاك اتصارخ طريت الطبله مايد : أنت اللي بلاك يالله نش بسرعه منصور : على وين !!!! سيف : هذا شكله مووول ما كان ويانا ذياب : بنسير نلعوز البنات منصور : أوه أوكيه ساروا فوق , و هم قاصدين حجرة البنتين , و ناويلهم على نية أترك لكم حرية التوقع |
البارتتتتتتتتت روعههههههه بس اتمنى اطولينه اشوي زياده ونتريا البارت اليايييييي احر من االجمررررر |
اقتباس:
انشاء الله حبيبتي و مشكورة على ردج الحلوه |
البارت جميل جدا 💗💗💗بس وايد قصير. و و صح منو ها اللي خاطبنها يارب ما توافق 🙏 و ثانكسس ع البارت و اتمنى يكون طويل ؛ لان وايد قصير |
وينجججججججج |
| الساعة الآن 01:11 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir