ششششتتتتت !!!
دخييلج لا تجتلين حمد 😩💔
الله يغربل هالويه ! مابترتاح الا يوم تخرب افففف !
و البارت حلو و نترياج & تسلمين 😘😊

حرااااام لاتجتلين حمددد 💔
ومنى يعلها بسيره بلاردده 😤
ونتريا البارت الياي ❤

بللليز لاتجتلين حمد
وخلي منى بدال حمد يعلها الموت انشاءالله
ونتريا البارت الياي باحر من الجمر (:

البارت ال24...
.
.
.
.
.
عرفتك زين يا شين الوصايف ~
.
.
.
.
.
البنغالي وقف جدام حمد ...... حمد استغرب من شكله ...... ملابسه وصخخه و خايسه ....... و ريحه بعد ......
حمد : يرييد مساعده ؟
البغالي سكتتت و بسرعه ظهر من جيبه سجين و قرب صوب حمد ...
حمد : ايييه شو بلاك تخبلت ؟ هاي يزاتي ياي اساعدك .....
البغالي واااايد هادي و ساكت ... لين الحين ما نطق .....
حمد ظهر سويجه : تبغي السياره ؟ خذها بس خوز السجين عني ...
البغالي شل السويج و بحركه سريعه طعنه ......
حمد طلعت عيونه و وطاح ع الارض ....
البغالي شل سويج حمد و ركب سياره حمد و ساااارر .... يعني سرقها .......
حمد بعده مب مستوعب ..... حط ايده صوب السجينه و تحسس الدم .... ظهر السجينه و يحس انه خلاص بيموتتت.... لان الالم اللي فيه مب طبيعي و البنغالي طعن حمد بالسجينه ع صدره فوق قلبه ب شوي ... حمد غمض عينه و إحساسه يقول له انه ما بيعيش .... لانه تصنم مب قادر يرمس او يتحرك .... و المشكلة العوده انه الشارع فاضي .... مافيه ناس ... يعني لين ما حد ايي يساعده بيكون خلاص مااات ... غمض عينه و تنهههههد من الخاااطر ..
.
.
.
.
.
.
.
.
علي دق الباب و دخل عليه وانا يالسه ارضع بنتي روضه ....
علي يلس حذالي : شحالها بنتي ؟
لا رد ..
علي شلها عني و بغى يحب خدها بس حب رقبتي ....
انا توترت و قمت عنهم ..
علي يرمس روضه : ماما زعلانه ؟ من حقها تزعل ... بس ما تهون عليه ..
روضه تمت تقول اغووو اغااا ...
علي حب يبهتها : فديت اللي كبرت .....
انا لبست شيلتي و سرت غرفه مريوم ...
.
.
.
.
.
.
.
: الو صباح الخير ...
بانه : الوو هلا صباح النور ...
: انتي شو تقربين ل حمد ال****** ؟
بانه استغربت : أخته ...
: ايوا .... انا الضابط خليفه ممكن تييون مستشفى**** .....
بانه بدت تصيح : دخيلك خبرني حمد شوبلاه؟
الضابط خليفه : تعالي و بتعرفين ...
بندت عنه و سارت تخبر اهلها ..... بعد ربع ساعه ب الضبط وصلوا المستشفى ......
بو حمد عرف الضابط خليفه و سأله عن حمد .....
بو حمد : خبرني شو استواله ولديه ؟
الضابط خليفه تنهد : والله مادري ... بس يقولون جريمه قتل ....
من قال جريمه قتل ام حمد اغمى عليها و بانه ماتت من الصياح ......
بو حمد : دخيلك خبرني كيف يعني جريمه قتل ؟
الضابط : في واحد حرامي اعتدى عليه و طعنه ب سجين ....
بو حمد زخ راسه : لا اله الا الله ..
الضابط : ايلس ريح الوالد و ان شاء الله حمد ماعليه شر ..
بو حمد : ان شاءالله ..
بانه وهي منهاررررة من الصياح ... كيف اخوها .... عضيدها ... سندها هي واهلها يروح عنهم ؟؟؟ كيف ؟ تمت تصيح بلا تفكير لين ما طرت مريوم ف بالها و على طول اتصلتلها ...
مريوم : هلا والله بالقاطعين ...
بانه تصيح : مريوووووم ..
مريوم : بسم الله شو فيج ليش تصيحين ؟
بانه : حممممد ..... جتلوه .....
مريوم : كيف يعني جتلوه ؟ خبريني ... قولي انتي وين شو استوى ...... دخيلج باااانه رمسسي ....
بانه : تعالي المستشفى ...
مريوم : اي مستشفى ؟
بانه : ****** ..
مريوم بندت و هي مصدوووومه لبست عباتها شافتني ف ويهها ....
انا : وين بتسيرين ؟
مريوم : بخلي حامد يوديني المستشفى .... حمد ف العنايه..
انا : لا حول ولا قوه الا بالله شو استواله؟
مريم : عنود حبيبتي عقب بخبرج كل شي .... خليني الحين ف حالي ..
انا سرت حجرتي و لبست عباتي ..
علي : وين سايره ؟
انا : ودني المستشفى ..
علي : ليش شو صاير ؟
انا شليت روضوه و شيلتي على جتفي : بقولك ف السياره ....
علي لبس كندورته و شل غترته و نزلنا ....
انا بالغلط دست ع طرف العباه و تخرطفت ف الدري ..... أناا ويا روضضه .... و علي شافني اطيح جدام عينه و ما تحرك .... وصلت لين آخر الدري و طحت ... روضه تمت تصيييح من الخاطر و ويهها استتتوى احممررر وانا اغمى عليه ...
علي زاعج : عنووووووووود ......
بسرعه شلني انا و روضه و ركبني السياره و سرنا المستشفى .....
.
.
.
.
.
.
.
زايد و حامد سايرين ويا مريوم المستشفى ..
حامد : خلاص مريوم هدي لا تصيحين ؟
مريوم بعدها تصيح ...
زايد : انتي متأكدده من الكلام اللي قالته بانه ؟
مريوم: هيه .....
زايد : لا اله الا الله ....
وصلوا المستشفى و سألوا عن المريض حمد غانم ال****** ساروا ورا النيرس اللي تدليهم وين الغرفه ....... ام حمد اول ما شافت مريوم لوت عليها و تمت تصيح ....
مريوم وهي تصيح : عمووووه أمسس كان ويايه ..... يسولف ويضحك ...
ام حمد: انا لله وانا اليه راجعون ..
مريوم : استغفر الله و أتوب اليه .... عمووه انا ما اعيش بدووونه .... والله ما اعيييش بدووونه ...
بو حمد سار عند مريوم و يلس يهديها هي و ام حمد ... أما بانه يالسه ع الكرسي و لاويه على ريلها و تصيييح ب هدوء ... اخوها الوحيد ... اخوها البجر .... حبيبها و صديقها ف نفس الوقت .... الحين ما يندرى عن حاله .... عايش ولا ميت ...... الله يعينك و يسهل عليك يا حمد ..... زايد يوم شافها تقطع قلببببه عليها و تمنى يخفف عنها ...... سار زايد عندها ...
زايد : بانه ....
بانه من سمعت صوته لوت عليه بقووو : زايد اخويه بيضيع مني !!!!
زايد : ادعيله انتي وان شاء الله يظهر من العمليه وهو بخير ...
بانه : ان شاء الله يااارب تسهل عليه ... و يسر عليه ...
.
.
.
.
.
.
.
.
ف بيتنا توهم يزوي و محمد يدرون ان محد ف البيت .......... اميه و أبويه ف العزبه ويا ام علي و عمي سالم و يدي ويدوه .... ساروا بيت عيال عمي سعيد و حصلوا حمدان بروحه ف سألوه ...
محمد : وين العايله الكريمة ؟
حمدان : شدراني ؟ توني ناش من الرقاد ..
يزوي : اتصل ل زيود ...
حمدان : اوكيه ....
اتصل ل زايد بس ما رد .... و عقب اتصل ل حامد ..
حمدان : الو حامد وينكم ؟؟؟
حامد : ف المستشفى ...
حمدان : ليش شو مستوي ؟
حامد : حمد ف العمليات ...
حمدان : ليش شو بلاه ؟
حامد تنهد : واحد حرامي طعنه ...
حمدان شهق ...
حامد : يالله تعالوا أترياكم ...
حمدان : اوكيه يايين ...."بند"
محمد : ها شو مستوي ؟
حمدان : حمد ف العمليات في واحد طعنه ..
يزوي فجت عينها ..
محمد : يالله لبسي عباتج يزوي انا و حمدان بنترياج برا .....
ساروا المستشفى و حصلوا قوم مريوم .... يزوي سارت عند مريوم و تمت تواسيها .....
.
.
.
.
.
.
.
.
.
سعيد لوى عليها من ورا : بنسير دبي اليوم ..
ميره : ليش ؟
سعيد : مادري .... حمدان اتصل و قال لي تعال ...
ميره : اوكيه ... بنبات ؟
سعيد : كيفج ... "ابتسم" تبين تباااتين ؟
ميره : هيه ...
سعيد : يالله عيل سيري زهبي الشنطه ...
ميره ابتسمت له و سارت تجهز الشنطه ..... دقايق و لبست عبااتها و حطت لها ميكب خفيف ..... مسكت ايده و نزلوا ..... قبضوا خط دبي و تموا يسولفون لين ما وصلوا ... ساروا اول شي بيت ام سعيد ....
غبيشه : فديتك والله تو ما نور البيت ...
سعيد ابتسم و طالع ميره : النور نورج اميه ....
غبيشه : ها تغديتوا ولا اغرف لكم ؟
ميره : غرفيلنا عموه ..
غبيشه ب نفس خايسه : محد رمسج انتي ..
ميره سكتت و نزلت راسها ....
سعيد : امايه سيري غرفي ..
"سارت غبيشه "
سعيد رفع راسها ب صبعه : حبيبي .... لا تحطين ف خاطرج ... ترا اميه عوده و لزووم تقول هالكلام ....
ميره دمعت : بس انا غلطت ... و ادري أنكم ما بتسامحوني ....
سعيد : من قال ؟؟ انا مسامحنج "ابتسم و حب خدها" ماعليج من رمسه أميه ..
ميره ابتسمت غصب ...
ساره يتهم تربببع ...... لوت على سعيد : عممممميييييي ......
سعيد ابتسم : عيون عمج ؟
ساره : من زمان ما شفتك ...
سعيد : انا بعد ما شفتج ...
ساره طالعت ميروه و زخت حلجها : ميره فيها بيبي ؟؟؟
سعيد : هيه بيبي حلو شرات ابوه ..
ساره ب غبااء : وانا ليش ما فيني بيبي ؟
ميره ضحكت و سعيد ابتسم ..
سعيد : ههههه ....
ساره : ليش مافيني جرششه ؟
سعيد : يوم بتكبرين بتسويلج جرشه ..
ساره : اوكيه ... "سارت" ...
تغدوا و ظهروا من بيت غبيشه و ساروا بيت يدي .. بس ما حصلوا حد ف البيوت الثلاثة....... ميره اتصلت ل اختها و قالتلهم يزوي أنهم ف المستشفى .... ساروا هناك و عرفوا ان حمد ف العنايه ......
.
.
.
.
.
.
.
.
فـ سويحان صوب العزبه ....
يدوه طالعت يدي : احمد قلبيه مب مطمن....
يدي : ليش ب شو تحسين ؟
يدوه : مادري ... بس اكيد شي مستوي ...
عمي سالم : لا تخافين امايه .. ان شاء الله مب مستوي الا الخير ...
ابويه : صدق كلامه سالم ......
ام علي وقفت : عيل بسير اسوي الغدا ...
اميه : بعاوننج ......
يدي : الا شخبارهم العيال ؟ سهيل ما رمستهم ؟
ابويه : لا .... عقب الغدا برمسهم ....
يدي طالع عمي سالم : شحال محل الذهب ؟
عمي سالم : ماشي الحال ... الحمدلله ....
يدي : و انته يا سهيل شحال الفنادق ؟ و العمال تعطيهم معاشاتهم و لا عندك مشاكل ؟
أبويه : لا كل شي تمام الحمدلله ...
يدوه : الحمدلله ..
تموا ع سوالف الشغل و العزب و الهوش و البوش و الدبش لين الغدا .... تغدوا و قيلوا شوي ....
.
.
.
.
.
.
.
.
*******من صوب ثاني*******
علي دخلني المستشفى صوب الطوارئ ...... روضه سكتتت و غمضت عينها مالها حس .............. و انا بعدني فاقده الوععي ... حطوني ع السرير و علي يتريا براا ...... عقب 10 دقايق الدكتوره ظهرت له و قالت : المريضه عطتكم عمرها ..
.
.
.
.
.
.
.
.
رايكم ف البارت ؟
+
تتوقعون حمد بيعيش ؟
+
شو موقف علي يوم عرف ان حرمته توفت ؟
.
.
.
.
.
تريوني ف البارت الياي ....

لا لا لا دخيلج عنود ما ماتت !!!! ان شاء الله تظهر مغلطه ولا شي ! لا تجتلينها 😩👎
و حمد ان شاء الله يقوم بالسلامه ❤❤❤😢
و بس نترياج ~