منتدى استراحات زايد - روآيـۃ فـآرقنـي اڷڪڷآم . . ♥!*

•ι[» اڷـبـآإرت 11 «]ι•

لا تحزن اذا جاءك سهم

قاتل من اقرب الناس لقلبك

فسوف تجد من ينزع السهم

ويعيد لك الحياه والابتسامـه

.

₪

.

آمـآية مستانسه : صج .. الف مبروكك حبيبتي .. بعد مانرجع البيت بتصل لهم نحدد يوم ..

تطالعت امايه .. ماتوقعت ردها بيكون جي .. تحريت بتعاتبني لاني ماوافقت ع هزاع ووافقت ع الغرريب !!

بس من داخلي ارتحت ... حسيت ان امايه ماتبا تجبرني ع شي ..

عبود يطالعني : والله كبرت الصغيرونه ..

قلت ببرود : انا مب صغيره !!

امـآيه : لو كبرتي و كبرتي و كبرتي .. بتبقين بعينـآ صغيره ..

ابتسمت ..

عبود : و الله ماينقصنـآ فاليلسه غير نهيـآن

من سمعت اسمه قلت ع طول : نهيان اصلا متى قعد معانا ..! بصرآحه حلات القعده بدونه .. ماشي ضرابه و بعدين اذا قعد مايسولف بس يحب يتضارب .. مادري هالانسان ليش رسمي هالكثر ..

خذت نفس بعد ماطلععت كل اللي بخاطري .. صج اخاف اذا كان معانا يمشيني بشوره ..

امايه : لا ترمسين عنه جي .. مهما كان ها اخوج ..

سكت مارديت ع امايه ..

عبود يطالع الاكل و يغير الموضوع: يلا خلصتوآ اكل ..!

هزيت راسي بمعنى هيه ..

عبود : يلا عيل سرينـآ للبيت ..

ركبنا السياره .. كنت احس بتعب .. و حاطه راسي ع الجامه منهد حيلي .. افككر ف القرار اللي اتخدته آخر شي .. اعيش حياتي بدون هزآع احسن .. و لا اني اعاني معاه و اتعب .. و كل يوم اكتشف بخيانه ثانيه .. تنهدت بعذاب ..

صح اني احبه و اعشق التراب اللي يمشي عليه .. بس شالفايده دامه مايصون حبي له !!! كيف بقدر اثق فيه !!

قعدت اسمع الاغنيه الجديمه اللي حاطنها عبود .. لرآشد المأجد

من يقول اني لغيرك .. انا لك ماني لغيرك

انا متعلق مصيري .. يا حبيبي فيمصيرك

خلهم يحكون فيا .. مهما هم قالوا عليا

انت منهم وش عليك .. وانا منهم وش عليا

طاحت دمعه من عيني بالغصب و انا ادقق ع على كل كلمه من الاغنيه .. حسيت انه راشد يقصدنـآ فالاغنيه .. خلااص انا اتخذت قرآر و لا يمكن ارجع عنه .. و مثل ماحرقت قلبي يـآهزآع .. مااطلع ريم ان ماحرررقت قلبك ..

عبود ينبهني : ريم !!

صديت صوبه : هلا

عبود : كلمت خالد .. و حددنا باجر الخطوبة .. مره حار بحاار ..

ابتسمت بألم : ماعليه ..

وصلنـآ البيت .. نزلت انا و امـآيه من السياره ..

قلت لعبود : مشكور .. غيرنا جو و استانسنـآ

عبود يغمز : كم ام و اخت عندي ..

سويت بايدي رقم واحد ..

ابتسم عبود و قال : لا تنسين تاخذين السياره .. ترى لاحظت للحينه مااستعملتيها ..

قلت : و انا اقدر انسى .. ماعليك باجر بروح فيها الدوآم ..

ضحك و رفع الجـآمه .. وحرك ..

دخلنـآ البيت .. امايه دشت الصاله .. و انا ع طول رحت صوب القطه اجوفهـآ .. حسيت مهملتنهـآ هالقطه .. رحت يبت لها سمج و مـآي و عطيتهآ .. استانست لما جفتها تاكل بشغف .. ابتسمت و رحت عنها بدخل دآخل ..

دخلت غرفتي .. فصخت العباه و الشيله .. كان ماذن العصر .. توضآت و صليت ..

بعد ماسلمت .. ع طووووول رن فوني ..

جفت المتصل اخويه نهيان .. غريبه نهيان متصل فيني! .. شسالفه !

رديت : الووووو

نهيـآن بدون لا يسسلم : الريم اقولج ..

قلت ببرود : قوول ..

نهيان : دشي غرفتي .. بتجوفين فالسده ملف لونه احمر ..

قلت : ويت .. خلك معاي ع الخط ..

رحت مشيت بخطوات سريعه .. لين وصلت لغرفته ..

قلت : انزين و بعدين ..

فتحت السده و انا اسمع حس نهيان : حصلتيه ..

انا انبش فالسده : قاعد ادور .." حصلت ملفين " أمممممم جفت ملف احمر فاتح و الثاني غامج

نهيان : الغامج ..

قلت : انزين شسوي فيه ..

نهيان : الحين بيمر هزآع بياخذه .. عطيه له .. اوكيه ؟

خذت نفس .. اخيييج مابغا غير هالانسان ايي ياخذه .. قبل شوي جايفتنه فالمنار مع البنت .. مااقدر انسى الموقف .. كل يوم اجوفه مع بنت جدام عيييني @@

نهيان يعيد كلامه : اوكيه .!؟

قلت و انا متغصصه : انزيييييين

و بندت ..

كنت برجع الملفات الباجيه .. لكن طاح عني ظرف ابيض صغير .. و طاحت منه الصور ..

اتجمدت فمكاني .. هاي صور العنود مع واحد .. شت شت مستحيل .. كيف وصلت الصور لعند نهيان .. اكيد عسب هالشي نهيان طلق العنود .. جافهـآ خاينتنه ..

صدمتيني يالعنود .. كيييف ! مستحيل اللي يصييير ... رجعت الصور داخل الظرف و خذت الظرف معاي ..

رجعت غرفتي و حطيت الظرف الابيض اللي فيه الصور فالكبت .. و لبست الشيله . .

ططلعت من الغرفه .. نزلت من الدري بشوي .. جفت هزاع قاعد فالصاله مع امـآيه.. يتريـآ .. بس مسرع ماوصل ..

قلت بدون لا اطالعه : السلام عليكم ..

هزاع : و عليكم السلام ..

امايه وقفت : زين وصلتي .. تعالي قعدي عند ولد خالتج .. الين اسويله شي يشربه

هزاع يمسك ايدها : لا خالتي .. ما يحتاي .. انا مستعيل ..

امايه بعدت ايده عنها : حلفت ماتطلع من البيت الا و انت شارب شي ..

هزاع : بسس ....

قاطعته امايه : لا بس و لا شي .. خمس دقايق مابتأخر ..

و طلعت امايه بدون لا تسمع رده ..

رحت صوبه .. مديت ايدي عسب اعطيه الملف الاحمر ..

قلتله : هالملف اللي موصيني عليه نهيـآن ..

هزاع يشل الملف: مشكوره ..

و رحت بعيد عنه و يلست ..

هزاع : ليش يالريم ..! ليشش !

غمضت اعيوني بسرعه .. عرفت ان امايه خبرته .. بس مسرع ياامايه .. ماوحالج ترمسين معاه .. و تخبرينه كل شي ..

قلت : نحن ماننفع لبعض

هزاع بصوت عذاب : بس اناآ احبج افهههههمي

قلت بصوت خفيف: تحبني و تخوووني مع الف بنت

هزاع فاج عينه : مـآخنت !!!

قلت : بعد تجذب ! يا كبرها عند الله .. اليوم جايفتنكك بعيني .! انته شو من البشر ..

هزآع : احللف لج

ضحكت و قلت : قالو للحرامي احلف .. قال ياني الفرج ..

هزاع :انزين قوليلي متى جفتيني !!!

حطيت ايدي ع اذني : خلااص مابا اسمع منك شي .. باجر بيوون .. و بخلي كل شي يصير باسرع وقت

هزاع باصرار: اذا ماكنتي لي .. مستحيل تكونين لغيري .. و انا بمنع هالزواج يصير ..

قام من مكانه و فتح باب الصاله و جاف ابويهه امايه .. تخطاها و طلع ..

امايه تزقره : هزآآآع يممه هزآآآآع

هزاع مايرد .. و طلع من البيت ..

دشت امايه الصاله و سالتني : شفيه ولد خالتج ؟

قلت : مادري " جذبت " حد اتصل به فعصب و طلع .. مادري شسالفتهم ..

امـآيه تهز راسها : الله يهدييه ..

ربعت غرفتي و انا مااتحمل اللي صار .. انا بعد اباك .. بس مااقدر اتحمل اللي تسويه .. مااقدر اثق فيك .. فكيف بعيش معاااك ! قعدت ع الشبريه اصييح و اصيييح و اصييييح .. لين رقدت و رحت بعالم ثاني ..

قمت من الرقاد و انا احس بثجل بجسمي .. جفت الساعه 10 و نص .. قمت توضيت و صليت المغرب و العشا .. يت فبالي اربيعتي افطييم ..

صح انا بعد ماباركت لهـآ بخطوبتها .. مسكت فوني واتصلت لفطيم ..

فطيم تهمس : ريم

قلت : الف مبروووووووووووك حبيبتي .. عقبال الفرحه الكبيره .. عقبال مانجوفج عروس ..

فطيم فيها غبنه و صارحتني: بسس انا مابا اتزوج .. اخاف اظلم الريال معاي

استغربت من ردها : ليش ؟ انتي تحبين حد ؟

فطيم بنبره حزن : لا .. بس

قلت باسستغرآآاب : بس شووو

فطيم : ماقدر اقوول لحد .." تصيح " ياربي شسوي ..

قلت : فطيم شسالفه ! خبريني ! تخبين علي ..!!

فطيم : هو يحبني ..و انا ماانكر .. اني حبيته ..

سالتهـآ : يخونج ؟

فطيم : لا .. لا .. هو مايخصه ..

قلت بحييره : عيل شوو .. حيرتيني ..

فطيم : مااقدر اقولج بالفون .. وين اقدر الاقيييج ..

قلت : انا فالبيت .. تعالي لي الحين انا فاضيه ..

فطيم : لا انا الحين قاعده مع اهلي .. بجوف يمكن اييج باجر ..

قلت : جي بتخليني افكر وايد .. ماقدر اتريا لباجر ..

فطيم : انزين بييج عقب نص ساعه ..

قلت : اوكيه بتريـآج ..

و بندت ..

نقزني صوت من ورآآي : بتتريين منـوه ؟

طالعته و جمدت ف مكاني .. صخيت ..

نهيان : منوووه !!

بلعت ريجي و قلت : اربيعتي فطيييم

سالني: عطيتيه الملف.؟

هزيت راسي بمعنى هيه ..

نهيان : يعطيج العافيه

و طلع من الغرفه .. تنهدت .. الحمدلله ما شك اني شليت الصور ..اول ماجفته توقعت انه حس انه الصور محد ..اشوووه ..

ضـآﯾ̉ق وٓلا لي ﺧلقٌ ﯙﻋلـﯙﻣيٌ ﻋﻟﯙم ﻣﻣﺧﻧﯙقٌ ﺣﺩيٌ . . وٓ الـﻋﺑιﯾر ﺑلـﺗﻧيٌ . . !* .

₪

.

.. ع الساعة 11

رن فوني .. شسالفه الاتصالات اليوم

رديت : هلالا !!

سلامه بدون لا تسلم : ريموووه تعشيتي ..

قلت : لا ..

سلامه : انا جدام بيتكم .. اطلعي يايبه لج وجبه من ماكدونالز ..

قلت : لا لا .. تعالي انتي دشي ..

سلامه : ادش شسوي ..

قلت : بنتعشى مع بعض ..

سلامه : اوكيه ..

دخلت سلامه الميلس .. وقعدنا مع بعض ناكل ماك جيكن اللي يايتنه ..

قعدنا نسولف مواضيع وايده ...

سلامه : عندي لج خبر بمليون .. لا أي مليون .. ملايين الدنيا..

قلت : شووه بعد .. شسالفتكم اليوم كلكم عندكم خبر بمليون ههههه

سلامه : خطبني حمدان رسمي ..و حددنـآ ملجتنـآ الاسبوع اليـآي ..

استانست لهـآ : صج !! فديييت عروستنـآ ..

رحت صوبها و لويت عليهااا بالقوو .. وقلت : فديتج حبيبتي تستاهلين كل خير ..

سلامه نزلت راسها مستحيه .. تذكرت انه خطبتي باجر ..ابتسمت و قلتهـآ : و انا خطبتي باجر ..

سلامه تبتسم : خلااص عرسنا بيوم وآحد ..

حسيت و جنه حد خزني ع قلبي .. سلامه ماتعرف شي عن احاسيسي .. اكتفيت اني ابتسم لها ..

سلامه بعد مااستوعبت : إلا تعالي منو ها اللي خاطبنج .. و متى و كيف .. و انا اخر من يعلم !!!

قلت : هههه شفيج بسم الله .. سؤال سؤال عسب اقدر ارد عليج

سلامه : ههههههه .. اووك .. تكلمي يا مولاتي

قلت : احم احممم .. اول شي هو يقرب لربيعتي دانه .. اسمه خالد .. هو اللي خاطبني ..

سلامه فاجه حلجها : اهاا و بعدين !!

طالعتها : شوو بعدين !!

سلامه : يعني ماشافج مني منااك .. انعجب فيج .. او تلاقيتي معاه صدفه

قلت : لآ ..

شغلنا التي في و قعدنا نتابع ..

بعد فتره استاذنت سلامه : بروح اسلم لامج و بروح ..

قلت لها و انا متعايزة انش من مكاني : اوكيه .. بتحصلين امايه فالصاله .. و عاد البيت بيتج و محد فيه .. روحي لهـآ ..

طلعت سلامه من الميلس و راحت الصاله ..

فهاللحظة اتصلت فطيم .. انا نسيتها هالانسانه .. صح تأخرت بس ماعليه .. بالمناوبه .. طالعه سلامه و داشه فطيم ..خخخ ..

رمست فطيم .. قالتلي انها وصلت .. دخلتهـآ الميلس ماجفت سلامه .. قلت اكيد راحت ..

كان الجو هادي .. و فطيم ساكته ..

بديت فالموضوع : ماقلتيلي شفيج .؟

فطيم : الريم .. بقولج كل شي بس مابا الكلام اللي بيدور امبينـآ يطلع برع .. و خاصه سلامه

عضيت لشفايفي : ليش بالذات سلامه ؟

فطيم : شي خاص ف حبيبهـآ ..

قلت بصدمه : حمدان !

هزت راسها بمعنى هيه ..

قلت : ماعليه قولي .. سرج فـ بير ..

فطيم طاحت دمعتهـآ : قبل خمس سنوآت كنت ارمسه و كان يرمسني ..

انصصصدمت : انزيين !

فطييم : كنا نحب بعض .. او بالاصح انا كنت اموووت فيه .. ماارفض له طلب ..

انا مصدموعه من كلام فطيييم .. مستحيل الشي .. كييف كييف ..

عقدت النونه : و للحين تحبيينه ؟!!! و تبينه !!

فطيم بصوت عـآلي: خسسسي .. مااتشرف ..

قلت : عيل شيخص هالسالفه .. بسالفه ملجتج .؟ ..

فطيم : اسمعي السالفه بكبرهـآ .. و عقبها احكمي ..

قلت :كلي آذان صاغيه ..

فطيييم قعدت ع الكنبه : انا و الله ماخنت اربيعتي سلامه .. كان هذا قبل لا تحبه ..

سالتهـآ :و انتي كيف عرفتيه ؟

فطيم : مره ييت بيتكم .. و كانو اهلج كلهم موجودين .. يوم كنت بروح جفته بالحوي .. رقمني و كلمته و بعدها بفتره حبيته و هو اعترف لي بحبه ..

انا مب مستوعبه اللي يصير : انزييين ؟ كملي و بعدين ...

فطيم : و عن طريقي .. تعرف لسلامه و حبهـآ " بحسره " اخاف يسويلها مثل ماسوالي ..

من كثر ما اانا منصدمه مب عارفه شقول .. سالتهـآ بخوف : ليش.. شو سوا لج ؟!!!!

فطيم : من كثر ماكنا متعلقين فبعض .. طلب مني انه يجوفني .. و من كثر حبي له مابغيت ارفض له طلب .. و ياليتني رفضت .. و لكن ياليت ماتنفع الحييين ..

رحت صوب افطيم و هزيتها : فطيييييم .. ليكون طلعتي معاه .!

فطيم تصيح : طلعت معاه فسيارته .. رحنـآ الفندق .. وسوا اللي سوآه

قلت بصدمممه : شووووووووووووووه !

فطيم يلست ع الارض تصيح و ايدها ع ويهها : انا مب بنت .. عسب جي مابا اتزوج

رحت صوبهـآ و عطيتها كف ..ابرد حرتي .. كيف سوت جي ..طاحت من عيني .. صح ماكنت ارضا عليها بآي شي .. اعتبرها هي و سلامه شرآت اختي و اكثر .. تغيرت نظرتي لفطيم .. ماكنت اتوقعها جي ابد .. سهله !!!!

ققلت بصرآخ : كيف سويتي جي .. كييييييف !

فطيم تشاهق من الصيـآح

مسكتها من ذراعهـآ : طحتي من عيني .. طحتي من عيني ..

فطيم : هو غصبني .. كنت مراهقه .. كنت عميه بحبه ..

نزلت دمعه من عيني بالغصب و قلت بصرااااخ : بس مب جييي .. مب جييي ..

فطيم : و بعدها بفتره .. طلبت منه يخطبني و رفضض .. تخيلي .. طلع حمدان متزوج وحده اجنيه ..

سكتنـآ .. لما دشت سلامه الميلس و دموعهـآ ع خذهـآ .. فطيم اطالعهـآ بنظرات منصدمه من وجودهـآ ..

صرخت سلامه : حمدان الحقييييييييييييييير ..

لا تبكي علي اي علاقه في الحياه لان الذي تبكي من اجله لايستحق دموعك والشخص الذي يستحق دموعك لم يدعك تبكي ابدا

.

₪

.