السلام عليج كتابتنا
اشحالج
تسلم ايدج علي البارت الحماسي و الطرر و الابداع
توقعاتي
خليفة: حرام عليك تصارخ عليها جي هيه ما سوت شي علي اقل مو تصارخ جي رمسها في انفراد و انصحها هب جي
ندي: الله يعنيج من خليفة بينفجر عليج و زين انج اشتكيتي حق ابوج منهم
حمداان: تحبها من الصغر شي صعب انك تحبها و هيه ما تبادلك
سارة: انصحي اربيعتج لا تودرينها و امشي معاااها لو شو ما يصير تبقي اربيعتج
راشد و اهل دبي كلهم مختفين متي بنعرف اخبارهم
و نتريااااااااااااج غلايه

طولتي وينج

:)

يعطيج العافية حبيبتي ع الرواية حييييل حلوووه وج وان ان ماشاء الله عليج وايد حبيت الرواية عجبني شي أول مرة أقرى رواية جريئة نوعا ما وحبيت كل الشخصيات ف الرواية وسلوبج وايد حلو وو يجذب القارى ومتى بتنزلين البارت الياي حبوبة اتريااااج احر من اليمر فديتج لا تبطيين علينا وسوري ع رد البسيط تستاهليين رد أطووول والسموووحهه وحبيت اسألج منزله من قبل روايات لو منزله ممكن تعطيني أسماهم ف الخاص

البـــــارت الثــــالـث عــشر . . .

/
\
/
\
/


خليفه " شآفهم من بعيد ، كان ياي ياخذ ندى لأن الاداره دقوله - عسبت الفصل"
- البنآات * من شافوا خليفه إنتبه لهم وياي صوبهم ع طول كل وحده حطت شيلتها ع راسها *
خليفه "آقترب وصرخ ع ندى " : ننننندى !! ماتووقعتج تماشيين هالاشككال وانا اللي اتححراج محتررمـه !!! بس هيهات انتي وين والاحتترآم وين ولا عمرج بتعرفييينه !!!

----------------------------

ندى"تجدمت لـ عند خليفه وقالت بصدمه" : أننت كيف تقول عنني وعن ربيعاتي جي !
خليفه"يأشر ع البنات اللي كانوا ورا ندى " : هذيل تسمينهم ربيعات ؟
امون"رفعت ايدها بتهديد" : أننت ايييه ع كييفك تقول عننا جي ..
خلود"تأيد امون " : ايي والله انت ماشففت عممرك بالأول !
خليفه"عطاهم نظره" : عففان الله ، انتوا بنات جي ؟ الله لايبلينا بس .. "وسحب ندى عسب يطلعون"
خلود : عششتوآ ! لـه ويه يتطنز مآشآفف عمره ويا حبيبية القلب !
امون : ههههه الا وينها مهور ماشفتها اليوم ..
خلود : شكلها طالعه ويا حبيب قلبها اليديد !
" خليفه اللي كان يمشي وهو يسحب ندى معاه متجهه للباب عسب يطلع ، وقف فجأه و إلتفت لهم بعصبيه"
مريم " تهمس ل خلود وامون" : اييه انتوا بس خلاص !
خلود : لا ممب خلاص .. اخرتها واحد نفس هذا يغلط علينا !
امون : ايي والله ، والله ممابسسسكت عنه …
خليفه "آقترب لـ جهتهم" : انتتتوا ايييه شوتخربطون من الصبح !!
خلود : لا خفنا الصرآححه !

" بـو ريم ومريم كـان توه داخل الرسبشن و شآفف خليفه شوي وبيمد ايده ع خلود "
بو ريم : أنننت اييه ! ماتستحي تمد ايدك ع بنات الناس ؟
خليفه"استحى ونزل ايده" : السممـوحه ماقدرت امسك اعصآبي ..
بوريم : ترآ الريال اللي يمد ايده ع مره هـا مايتسمى ريال ..
خليفه"نزل رآسه" : السممـوحه .. " ورآح "
بو ريم"إلتفت لـ بناته" : واننتوآ شو مسسوين هالمره ؟ متضآربين ويا حد مكفخين بنت ؟ ولا سآرقين شي ؟
ريم : بل شـو تتحرآنا يبا عصآبه مآفيا .. ؟
بوريم : شدرآني فيكم كل يومين ينادونا الاداره ..
مريم : يبا مب مسوين شي كل مآفي السالفه ان غنينا ..
بو ريم : بـس ؟ احين انا طالع من الدوام عشـان جي ؟
ريم "تبتسم لأن ابوها متفهم الوضع" : ايي يبا بس عشان جي ..
بو ريم : آآه مآقول إلا لاحول ولاقوة إلا بالله شو نسوي بعد ويا هالمدرسه! .. يالله بنآت شلو آغرآضكم وتعآلوآ ..
ريم : زين يبا لحظـه ، يالله مع السلامه بنات ..
مريم : بيبـاي ..
"و ودعوهم وطلعوآ تمـوآ رنا و خلود وآمون "

خلود : آوفف لحيين مقهوره من هالخليفه ..
امون : ايي حتى انا ، ودي احطـه بالأرض وأكوفنه مكوفن !
خلود : هههه ودي آكوفنه معآج بس ما باليد حيله ..
رنا : بننات خلاص غيروا الموضوع ..
خلود : انا مب قاهرني الا شي واحد ! كيف هذا اخو ندى ..
امون : خلـود لا اتدخلين ندى فالموضوع مايخصها هي ..
خلود : زين زين ترا ماقلت شي بس مب مصدقـه ..
رنا : خلاااصص بننات غيروا الموضوع ..
خلود : آوف زيين ! بس لازم نكلم ندى ..
رنا : خلاص اليوم بشـل بن كودها من علايه وبنكلمها ..
خلود"ابتسمت" : هيي لو جي أوك ..
رنا : ارتحتي ؟
خلود : اييي ..

- عـنْد ندى .."كانت فالسيـاره مع خليفه " -

خليفه : انتي مآتعرفين تمآشين نآس عدله ؟
ندى : مايخصك فيني ..
خليفه : بس انتي اختي ..
ندى : احين صرت اختك ؟
خليفه : انتي اتدورين مشاكل ؟
ندى : مآدري عنـك !
خليفه : أوف يـاكرهي لج !
ندى : واننننا اكككثر واكثر .. !
" وإلتفت لـه وهو إلتفت لـها وتلآقت عيونهم مع بعضض .. كل وآحد عطآ الثاني نظره ع اساس انها نظره كره بس كآنت وكأنها شي ثاني ! "
ندى "إنتبهت للشـارع" : انت ايه وين مودني ؟
خليفه : كنـت ع اساس اسير اخذلي غدى وحضرتج خربتي واحيين بسير .. عندج مانع ؟
ندى"بسم الله شوي وياكلني" : لالا ..
خليفه " رآح لـ صـب وي وقف سيآرته عند البآب بالضبط و قعد شوي فالسياره يعدل غترته "
ندى " آللآه صب وي ، ففخخآطري ! آوفف فلوسي فالبيت .. أقوله ياخذلي ؟ لالا نمـوت ولكن ما تموت الكرامه .. آي يابطني "
خليفه "ياي بينزل"
ندى : همم هآتلي معآك .. > نموت ولكن ما تموت الكرآمه ها ياندى ؟ ههه
خليفه "يستهبل" : ها ها شو قلتي ماسممعت ..
ندى : ابييي سندويجه !
خليفه : هههه .. زين نزلي اختآريلج شعرفني شـو يعيبج شو مآيعيبج ..
ندى "آستآنسست ونزلت .. وخذولهم ورجعوآ السيآره "
خليفه: اونها مستحيه ..
ندى : جب ..
خليفه : "سحب الجيس عنها" جبب ها ..
ندى : لالا آسسفه ..
خليفه : هههه احيين عرفتلج "ورجعلها الجيسه اللي فيها الأكل .. "
ندى "من اليـوع فجت السندويجه و كـلت و فتحت العصير بعـد "
خليفه : ايييه اييه سييآرتي بتخيسينها ..
ندى "وهي تآككل " : ععـ ادي ، تتنظـ ظف ..
خليفه : طاع هذذي .. هاللي يركب يهال ..

- وصلـوآ البيت نزلت ندى .. وإلتفت لـ ورآ -

ندى : لو سمحت أخ خليفه نزل شنطتي وياك ..
خليفه : نعمم ؟؟
ندى : جتفي يعورني ماروم اشلها ..
خليفه : أوف منج .. زين !
ندى "ههآي فديتني " .. " ودخلت البيت "
زينب : هآ يالمفصوله ! يا راعية المشآكل !
ندى : بل بل انتي 24 سآعه فالبيت وقاعده عند الباب ..
زينب : والله بيتي وكيفي !
ندى : عنببوه كل مآدخل تطلعين فويهي أوف ..
زينب : اقول يآ بنت إبليس احترمييني ولا بتشوفين شي عمرج ماشفتيه ..
ندى : هه . . آقول بروح حجرتي آبركلي ..
زينب : روحي روحي رآحت روحج ..
ندى"وهي تمشي " : روحج انتي ..
ندى " رحت حجرتي بدلت وتسبحت و صليت الظهر و بعدهـا سمعت صوت حد يدق بآب الحجره رحت و طلع خليفه "
خليفه : حضرت جنابج الشيخه ندى طال عمرج ! "ومدلها شنطتها" بـرسم الخدمه !
ندى : هههه طع هآ ، زين مشكور ، ماله داعي اتيبها لين غرفتي ..
خليفه : لا بس قلت يمكن جتفج يعورج ماترومين اتيبنيها من الصآله .. "ورفع حآجبه"
ندى : اوه ايي صح يعورني يعورني .. يالله روح ..
خليفه : زيين ، وترآ اخر مرره تشغليني عندج ..
ندى : حششى بتذلني إلا هي شنطه ..
خليفه"عطآها نظره ورآح"
ندى " الحمدلله والشكـر ولد زنوب لآزم"

- كآنت السآعـه 2 الظهر تقريبـًا أو أقل .. -

ندى " نزلـت الصآله شفت سيف وميره توهم رآدين من السكـول وعآد من زمآن مآشفتهم .. "

ميره"توهآ داخله" : ننندىى !! "إلتفت لـ سيف اللي كآن ع دري المدخل " سيف تعال ندى عني ..
سيف : صصج ؟ "وركض لمدخل الفيلآ"
ندى : يَ قلبي وينكم انتوآ من زمآن .. "وباستهم"
سيف : انننتي كله محد محد محد ..
ميره : وو كـله باب غرفتج مسكر ..
ندى : سسـوري .. خلاص احين فآضتلكم هاليومين ..
ميره : ليش مآعندج مدرسه ؟
ندى : أأ ، عطوني اجازه 3 ايام ..
ميره : الللاه انا بعد ابي اجازه ..
ندى : ههه لا تستعيلين بيعطونج يوم بتصيرين قدي ..

زينب " يآيه من بعيد تصآرخ" : سسسييف مييره !! يالله روحوآ بدلوآ بسرعهه وخل عنكم بنت إبليس ..

ندى " وشفتهم سوولي بآي بإيدينهم الصغيره ! ورآحوآ يتسآبقون لـ غرفتهم بدلوآ وبعدها تيمعوآ كلهم فـ غرفة الطعآم مآعدآ خليفه .. وو آنا ، احس شبعت من عقب الصب وي .. فـ رحت لـ غرفتي ، قعدت أقرآ روآيآت ، - بديت بـ روآيات شكسبير -روميو وجوليت- كننت آححب هالفلم وآيـد لـ درجـه ان آنآ و ربيعتي آفيندآ التركيـه شفنآه اكثر من مره وحضرنآ مسرحيـه لـه كآنت فـ المسرح الوطني اللي فـ تركيـآ …. قعدت آقـرآ لين مآقطـع علي صوت الفـون "

ندى : ألو منـو ؟
رآشد : بـل عطيني فرصـه آتكلم ..
ندى : أوه .. صوتك مألوف .. ر ر آ
رآشد "قاطعها" : ايي علييج نووور ، رآششد اللي نسيتييه ..
ندى : ووينك آشتقتللك ..
راشد : تشتآقيلي وانتي اللي مختفيه يالكلبه ؟
ندى : أوه .. موجوده انا انت اللي مادري وينك ..
راشد : موجود حبيبتي ..
ندى : ايي صح ابي اشوفكم للحين مآعرف اشكآلكم ..
راشد : ردلللج بصصرج ؟
ندى : طع ! صبآح الخير ! تو النآس … !
راشد : مبببروك حبيبتييي والله تستآهلين كل خير .. آآه ياقلبي لو تدرين شـ كثر فـرححتلج .. !!! يبيلنآ نسوي بآرتي بـ هالمنآسبه وبالمره تشوفينهم كلهم ..
ندى : خخلاص بيي دبي عيل ..
راشد : دبي ؟ ههه لا مب احين محد فـ دبي !!
ندى : ششـو ليش ؟ وين آنننت ؟
راشد : انـا فـ تركيا ..
ندى : تركيييآآ !!! شتسسسوي شصآيـر ..
رآشد : صصـرآحـه .. هم نآدوني .. قصدي يدتي نآدتني ..
ندى : ليش شصآيـر ؟
رآشد : يدتي تعبـآنه .. وو نآدتني عشـآن تسلمني الورث.. ورث آمي .. و يآحليلها خآيفه ربي يآخذ آمآنتها و يضيع ورثنـا مع إنه قلتلها إن نحن فـ خير ومب محتآجين .. ولولا إنهـا تعبآنه وكآنتت مصرره علي جآن مآييت ..
ندى : حبيبتي يدوتي .. سلملي عليها يا راشد ..
راشد : من عيـوني ..
ندى : إلا اقولك شحآلهم قوم عمي .. وو سعود ؟
راشد : سعـود ! متكسـر من الحآدث يتعآلج علآج طبيعي قآلولنـا كمـن شهر وإن شاء الله بيرد نفس أول وآحسن ..
ندى : إن شاء الله ربي يشفيه .. بس فـ وين الكسـر .. ؟
رآشد : ريـله .. بس شكـله الكسـر قوي لأن قالولنا فالمستقبل،، لـو ضربـه قويه يته ع ريله عآدي ترد تنكسـر مره ثانيه ويردون من اول ويديد !
ندى : ياحليله مآيستآهل ..
راشد : ايي والله .. ماعليه ربج بيسر لـه ..
ندى : إن شاء الله ..
راشد : زين أقولج نيدو ،، انتي مرتاحه ويا ابوي ؟
ندى : ايي مرتآحه ..
راشد : اكيد ؟ مب نآقصنج شي . ؟
ندى : لالا .. الحمدلله ..
راشد : زين طمنتيني .. والله دوم احاتيج ..
ندى : حبيبي أخوي .. اناا بخير والله ..
راشد : أوه صح محتآي بعد تسويلي توكيل ..
ندى : توكيل ، ليش ؟
راشد : عسب يعطوني ورثج من حلال أمي !
ندى : مم زين .. ان شاء الله ..
راشد : زين ياقلبي بخليج آحيينه عندي أوراق اكملهم وعقب بدقلج وبخبرج شو تسوين ..
ندى : أوك .. تحمل بعمرك ..

- سكـرت الخط .. وحضنت تلفوني.. آه إشتقت لـ صوتك يا راشد-

" ندى ، جيكت الـ بيبي أم .. شففت إضضآفات وآصلتني كانت من رنآ وخلود و امون .. من النكآت عرفت إنهم الشلـه ! قبلت كل الإضآفآت .. و ع طول شفتهم سـوو محآدثـه جماعيه "

- فالمحآدثـه -
ندى : مآشاء الله عليكم !
خلود : ترآ عشآن نكلمج فـ نفس الوقت هههه ..
رنا : لو تشوفينهم كيف يتضآربون قبل شوي .. كل وحده تقول انا بكلمها قبل ..
ندى : إلا وين مريم و ريم !
امون : مآعندهم بلاكبيري هآييل ..
ندى : افآ ..
امون : ههه ينجلعون ، مآخذين فون من كوريا اونه نفس فون الكوريين اللي فالمسلسلات ..
ندى : هههه آمبيه لـ هالدرجه يحبونهم ..
امون : واكثثر والله .. !
خلود : اييه خل عنكم مريوم وريموه وخل ندخل فالمهم ..
ندى : المهم ؟
خلود : ايي المهم ..
ندى : زين شو المهم ؟!
امون : خليفه "وفيس مبتسم"
ندى : أخوي ؟
خلود : هوو فيي غيره ؟ "وفيس معصب"
ندى : اعصصآبكم ! أصلن صح انا بعد ابي اسألكم !
رنا : ايي عشان جي قلنا لازم نرمسج ..
امون : وبنخبرج السالفه ..
خلود : شش خلوني انا اتكلم ..
رنا : قصدج تكتبين ؟ "وفيس مبتسم"
خلود : اللي هو .. شش ..
ندى : يالله اترياج !
خلود : سمعـي ياندى بقولج السالفه من بدآيتها ..
ندى : أوك !
خلود : الله يسلمج أخوك المصـون .. كآرهننا .. لأن دوم نسويلهم مشآكل هو وحبيبته مهور ! بنت كلاسنآ !
ندى : هآه ! كييف !
خلود : الله يسلمج نحن ومهور من زمان بينا عدآوه .. و الأخ كان يشلها من السكول ايام الامتحآنات .. فـ سرنا وخبرنا الإداره عليها .. وصصآرت سالفه كبيره و صآرت مشآكل لـ خليفه و مهره ! لأن الإداره زخوهم عقب مآفتنا نحن .. و خليفه درآ ان نحن مخبرين و أصلن شآفننا يوم كنا طالعين من الاداره .. المهم .. وعقب المشكله نآدوا أهل مهره .. عـآد هي امها وابوها متطلقين وهي كانت عايشه مع ابوها بس من عقب هالسالفه ابوها تبرآ منها و رجعها عند امهـا ممآ خلاها تكرهنا اكثر ..
ندى : امبيييه ..
خلود : ويت ماخلصت بعد شي سالفه !
ندى : بععد !
خلود : ايي سمعي ..
خلينآ مريوم تكـلم خلوف ع اساس تبي تتعرف .. و وآعدته فـ شنقريلا ، وبعدها زقرنـا مهور عسب تشوفهم وهم قآعدين مع بعض .. وعاد مهور مآستحملت رآحت وضربت مريوم وحزتها نحن طلعنا ودافعنا عن مريوم و خخليفه درآ ان نحن كنا مخططين لـ كل هـا .. !
ندى : امبييه صج إننككم ..
خلود : وبعد صصآرت سوالف و سوآلف دوم نخرب بينهم ..
ندى : ههه حرآم ليش ؟
خلود : ششو حرآم .. والله كرييهه هالمهور شـ قد نكرهها !!
ندى : ليييش .. ؟
خلود : والله وحده مآيععه و خققآقه و رآعية سوآلف ..
ندى : زين خلاص خلاص ربي يستر عليها ..
خلود : ههه خل تستر ع عمرها بالأول عشان ربي يستر عليها !
ندى : زين غيروآ السآلفه خلاص ..
خلود : آوك ، رنـا ، امون .. وينكم ؟
ندى : شكلهم رقدوآ ..
امون : ههآآ نحن هني .. نخطط ع الخآص حق باجر ..
ندى : باجر ؟ ليش بترووحون مكان ؟
امون : ايي دام مفصولين وفاضين خل نطلع ..
خلود : زين ع شو اتفقتوآ ..
رنا : نسسسييير شنقريلا نتريق هناك ..
خلود : آوف وانتي ماعندج الا هالشنقريلا ..
امون : حسيتي فـ كل شرده تبي تسيره ..
رنا : والله جمميل وبعد اقرب شي لـ بيوتنآ ..
ندى : ههه حمستوني ويا هالشنقريلا ابي اشوفه ..
امون : خلاص افا عليج بنوديج باجر ..
رنا : ياااي بنسيير شنقريلا "وفيس مستآنس"
خلود : زيين شش عن اهون ..
رنا : بديينا حرككات ..
خلود : ههآي ادري خفتي ، يا أم شنقريلا انتي ..
رنا : جب جب ، والله المككآن اييب الراحه ..
امون : ههههه ايي صدقنآج !!!!
ندى : زين متى بتطلعون .. ؟
امون : ع الـ 9
خلود : لالا وآيد مافيني انش بوقت ..
رنا : ولا انا ، خلها 11 احسن ..
ندى : ايي صح احسن ..
خلود : وييت بدق لـ مريوم بشوفههم لو بيون ويانا باجر ..
رنا : خلاص عيل انا برمس علايه احين ..
ندى : همم زين بنات عيل آستأذن انا بنزل شوي عند اهلي ..
امون : زين ماعليه بترياكم .. :)

" وآنشغلت كـل وحده فـ شي .. اما ندى نزلت تحت تطمن عليهم هه وكآنوآ كلهم قاعدين فالصآله "ابوها ، حرمته ، عياله ".. "

زينب : يـت النسره ! اكيد تبي تطلع ..
ندى : ايي سبحان الله ، كيف عرفتي ؟
زينب : هوآمه ادريبج ماترومين تقعدين فالبيت !
ندى : طالعه عليج . . "وابتسمت"
زينب : وي بعيد الشر .. ! مالت بس ..
ندى"إلتفت لأبوها" : يبـا طآلعهآآ ..
زينب"ترد ع ندى" : ليش شسويت انا يالهايته ؟
بورآشد"اللي عينه ع شآشة لآبتوبه " : خلاص عآد بلا حشـره ..
ندى "اقتربت من ابوها" : يبا شفيك ؟
بورآشد : مب فآضي احين ياندى .. خليني مشغول ..
ندى"قربت عينهـا لـ شآشة لآبتوب أبوهـا بس مآففهمت شي .. ! ماكانت تشوف إلا الأرقام و أرققام كبيره" : يبـا ؟ شنو هآ ؟
بورآشد : حسآبآت الشركـه ياندى .. شركتنا ..
زينب"ابتسمت لـ بورآشد" : قصدك شركتي ؟
بورآشد : "آكتفى بالسكوت"
ندى "مآبي آتدخل بس خل اتليقف شوي" : يبآ انت عندك شركـه ؟ توني اعرف ..
بورآشد : ايي عندي شركـه كبيـره ! و خليفه يشتغل ويآي بالشركـه وشي عده فروع لـهآ ..
ندى : وآو يبا يصير اشتغل معآكم ؟
بورآشد : خلصي ثنويه و فآلج طيب ..
ندى : زيين بس بععدين لاتغير رآيك !
زينب : وانا يا بورآشد ياما قلتلك بدآوم ، وانت مآرضيت ..
بورآشد : زينب ؟ انتي مكانج فـ بيتج وسط عيالج .. هذا شغلـج ..
زينب : بسس يـابورآشـ ـ
بورآشد "بنبره حآزمه" : زيننب خلاصص ! مآتشوفيني مشغول ؟ نآقشيني فـ وقت ثاني .. "ورجع لـ شآشـة لآبتوبه "
- عم الهدوء لـ دقآيق -
خليفه : نندى ماكنتي تبين تطلعين ؟
ندى : هآ ؟ لا مب اليوم .. بآجر الصبـح ..
خليفه : أوصلج ؟
ندى : شكرًآ عندي دريول !
زينب"إلتفت لـ ولدها" : مآشآء الله اشوف طآحت الميانه بينكم !
خليفه : مهمآ يكون هذي اختي ..
زينب : اختك لآ من امك ولا من ابوك ! وتسميها اختك ..
خليفه : يمـا خلاص البنت مآلها ذنـب .. "ورآح"
زينب : ماعليه يآ خليف .. خل بنت إبليس تفيدك ..
ندى"إلتفتت لـ ميره وسيف اللي مندمجين فـالفلم .. -فلم ديسكآبيل مي- "
ندى : وآآو آحببه هاللففلم ..
ميره : تعرففينه ؟
ندى : إيي هذيل الصففر احبهم ..
ميره : ححتى انا احبهم ..
سيف : اننا بعد ..
ندى : عندي ميدآليات ع اشكآلهم ..
ميره : اللآه ححلو ..
سيف : عططينا ..
ندى : من عيونني .. تععآلوآ غرفتي ..
ميره : لالالا مب احيين ..
سيف : هييه صصبري ..
ندى : ليش ؟ شفيكم ..
ميره : خل يحطون دعآيه ..
ندى : ههه زيين اترريآ ..
" ندى \ وردوآ تجآهلوني وشددوآ انتبآههم للفلم .. و عم الهدوءء فالصآله أبوي ع لآبـه ، و زينب تطآلعني بتمعن"

زينب : وع ليش منزله شعرج !
ندى : شعري ؟ "كنت رآبطتنه ذيل حصآن ، وين المشكله ؟"
زينب : إرفعييـه ! وجع شعر هالطول ..
ندى : يمآ منج حآسدتني ع شعري ؟! وبعدين شحلاته مافيه شي ..
زينب : مافيه شي ؟؟ ويع لوع الله بجبدج عن يطيح بأكلنا ولا شي !
ندى : تتحرين نفس شعرج ياللي يطيح بكل مكآن ؟
زينب : جب لا اترآددين إرفعيه احين ومآعآد اشوفج منزلتنه..
ندى : والله شعري وكيفي !
زينب : ماعليه ..
بورآشد"صرخخ" : خلآآص انتيي وياها !

" ندى \ رفعت ضغطي هالعقربـه .. خليتهم ورحـت لـ غرفتي .. شفت البآب مفتوح و حـد قآعد ينبش بين آغرآضيي .. !! "

ندى : آييه ؟!
خليفه"خش شـي فـ جيبه وجآوب بتوترر" : نعـم ندى !
ندى : شهالبرود ! شتسسسوي هنييي .. !! وشو خخذت !!


نهــآيـــــــــــة البــــــارت الثـآلث عشـر . .
أتمنى أن ينـال إعجابكم . .
بإنتظار تعليقـاتكم و آرائكم و توقعـاتكم . .