|
وين تكمله القصه |
السسموحه منككم عندنا عزا و ما فضيت اكتب لكم تووية كتبت بارت بس قصير >< و الحين بنزله .. |
نزلوا و راحوا المطعم اللي خبرته عنه حمده و يلس ف الطاوله جابل روضه و طول الوقت عينه ع روضه روضه كانت تضخك رفعت عينها و طاحت عينها ف عيون مايد ارتبكت و سكتت حمده ابتسمت : روضه بلاج اول مره تضحكين شوي احيدج من تضحكين ما تسكتين ميثه ضحكت بصوت عالي بدون ما تحس و كل اللي ف المطعم يطالعوهم و روضه رفستها ب ريلها عشان تسكت كايد لف يبا يطالع اللي تضحك لما شاف ميثه انصدم تم مبهت فيها مايد : حوو بلاك مبهت ف البنت كايد و دموعه ف عينه و يطالعها تم يطالعها فتره كايد وقف و راح صوبهم و عينه ع ميثه و مايد ركض وراهه كايد عينه ع ميثه و يحاول يقبض دموعه : انتي اخت سلطان القبيسي ميثه ما تحب حد ايب طاري اخوها قدامها لانها ما تتحمل و تصيح و محد يعرف هالشيء عنها غير روضه اللي ربعت صوبها و حضنتها و ما صاروا يسمعون غير شهقاتها كايد طاح ع ركبه و هو يشوف نسخة ملامح اشتاق لها روضه : ميثوه هب زين اللي تسوينه خلاص ادعيله بالرحمه ميثه بصوت متقطع و هي ميته صياح : ا..ااشت ..تقت ل..له روضه وقفتها و ساروا الحمام حمده وقفت و طالعت كايد بنظره و دفعت الحساب و لحقتهم مايد : يعني لازم تذكر البنت ب اخوها كايد و دموعه ف خده : ما رمت اتحمل اشوفها كأني اشوف تؤام روحي قدامي تنهد و قام عنه و ركب موتره و راح البحر و مايد وراه وقف كايد مايد نزل من موتره و ركب ويا كايد كايد و دموعه مب راضيه توقف: نفس العيون و الضحكه "ابتسم" بس سلطان ما كان يرضى حد يشوفه و هو يصيح ما كان يصيح قدام حد ما كان يرضى يبين لحد ضعفه الوحيد .. الوحيد اللي كان وياه و شاف دموعه و يعرف كل شيء عنه حمد ...كل يوم .. كل يوم اتعذب كل يوم فليل اخطف ع بيتهم احس هالشيء الوحيد اللي محد يقدر يمنعني منه .. محد يقدر يمنعني من المكان اللي ارتاح فييه .. ليته للحين ويانا مايد : الله يرحمه كايد : ابا ايلس بروحي ما عطا مايد مجال فتح الباب و نزل و قرب من البحر و يلس ف الارض و دموعه ع خده مايد لاول مره يشوف ربيعه ضعيف جي لاول مره يشوف دموع ربيعه ما كان يعرف انه كايد وايد متعلق ف سلطان .. ما كان يعرف انه ربيعه كل يوم يتعذب و كل يوم يزيد العذاب فيه رفع تلفونه و اتصل ف حمد حمد: هلا والله مايد بصوت فيه غصه : حمد حمد : بلاك مايد : كايد محتاج لك هو ف البحر خطف علييه "وبند ف ويهه" حمد شخط موتره و ع طول ع البقعه اللي كل ما يتضايق هو و كايد و المرحوم يخطفون علييها نزل و يلس وياه حمد يبتسم : هالبقعه متحملتنا من يوم ما كنا صغار حتى يوم هلنا ما يعطونا اللي نبيه نشرد من البيت نيلس هنه كايد يبتسم ما بين دموعه : حتى يوم فقدناه ع طول يينا البحر حمد سكت لانه عرف اللي مضايق كايد شوقه لسلطان سكتوا كلهم و كل واحد يتتذكر سلطان و مواقفه حمد و بدون ما يحس نزلت دموعه كايد لف صوبه و مسح دموعه ربيعه ب كفه كايد : انت بالذات ما كان يرضى انك تتضايق حمد لوى ع ربيعه و زادت دموعه و بصوت كله حزن : هالدنيا فرقتني عن اخوية ما ابيها تفرقني عنك انت الوحيد اللي بقيت لي من بعده راح منهويرسم أيام المعالي راح عنا بين غصات الحنيني مات و أبقى في ضميرالكون صالي حسرة الماضي على الهم الثخيني والله إن القلبتصلاه الصوالي والهموم اللي توارت تغتنيني فارق اللي تفتخر فيهالليالي من عقبماهو مثل حبل الوتيني ما بقالي غير سجاتالخيالي فيزمان (ن) مثل تعتيم الحزيني { .. يالله إني طالبك يا ذاالجلالي تغفر لخل (ن) غدا قبرهرهيني تدخله جنات عدن ماتبالي يا سميع يا مجيب يا معين ..} كايد وقف وراح و حمد ما حس فيه و كايد ما قال ولا كلمه لانه يعرف انه حزنه يساوي ولا شيء لحزن حمد اكثر واحد انهار ب وفاة سلطان كايد ركب موتره و شخط اما حمد تم يتذكر الحادث ................................. حمد يالس ويا ميره ف الكوفي و يتريا سلطان بخطف عليه و كلن ماسك فونه و مندمج فيه قاطع هدؤهم فون حمد حمد رد : هلا سسلطان وينك بطيت سلطان : هلا حمد اقولك انا انشغلت ويا الوالد رجع ميروهه وياك البيت "ف هالوقت واحد لف ع سلطان " بوسلطان صرخ : سسلطان انتبـ................. حمد وقف يصارخ :سسلطان سسلططان "اشر لميروه و ركضت وراهه و هي تصيح كانت حاسه بضيج من الصبح ما تدري سببه ركبت الموتر و حركوا و شافوا الموتر متكسنل ميره و حمد نزلوا ركض و العالم متيمع عليهم ميره ركضت صوب ابووهاا ميره تصيح : ابووويةة قوومم ابووية لا تخليناا ابووووووويةة قوووم واحد من الشباب زخها :الحين بتيي الاسعاف اتصلنا فيهم خليه الحين ميره حاضنه ابوها و ميته صياح ف هالوقت حمد طايح ع ركبة يرمس سلطان حمد و دموعه ع خده : سلطان لا تغمض عيونك سلطان يطالعه ب تعب : امي و ابوية و خواتي امانه عندك لا تخليهم يحتايون شي حمد : سلطاااانن جججججب انت بتقوم ما فيك شيء سلطان ابتسم : تراها تحبك بس انا بغيتك تثقل شوية حمد :................... سلطان : ما اوصيك علييهاا حمد : سسسسسسسسللططاان يومي قبل يومك شو هالرمسه الحين بتيي الاسعاف و بستوي زين حمد حس انه يقص ع روحه حمد : سسلطان انت مابا تخليني صح ؟ سلطان انت وعدتني ما تخليني سلطان : اسف حمد اسف ما رمت انفذ وعدي و طلعت روحه حمد تم ساكت و كلن يسترحم علييهه و فجأه صرخ حمد : لالالالالالالالالالالالالالالالالالالالالالالالالا لالالالا سسسسسسسسسلللطططططططططان قوم " يهزه" قققققوووووم سسسسسسللطططططاان لااا تخلللييييننني ما اعييش دونكك اااااانننننااا "يضربه ع صدره" قققووووووممم سسسلططططااان ماللللليي غيييرركك اششككي لههه انننناا سسسسسسللطططاااااان اللههه يخليككك قووم انت ما فيييييكككك شيء سسلطان واحد مسك حمد و يسحبه عن سلطان : يا ولدي هب زين اللي تسويه ف روحك ادعي له ادعي له حمد دز الريال : خلنننننييي ششششششففيييييكككم سسسلللططان مسستحييل يخلييني ما يسسسوووويييهااا اناا ماا اسسسسوى ششيي دونههه "طاح ع ركبه" ما مات ما مات ما مات "صرخ و دموعه ع خده" ما مااااااااااااتت "لف ع الللي كانوا موجودين " لللاا تتفاولووونن عليييييييييهههه يووومممي ققببببل ييوومممممممههه يوممممي قبببل يومههه يت الشرطه و ساعد و بعدوا ميره عن ابوها بس حمد ما رضى يبعد عن سسلطان و كلن قلبه معورنه علييه الشرطي يرمس ميره : انتي شو تقربين للي مسوين الحادث ميره تصيح بصمت : ابوية و اخوية الشرطي اشر ع حمد : ها اخوج ميره : ولد عميه الشرطي : ممكن ترمسينه عشان يبعد عن خوج حاولي فيه ميره : اقدر ابعد روح عن جسدها و لا اروم ابعدهم الشرطي :................. ميره : بحاول بس ما اوعدك راحت ميره و هي للحين ما شافت سلطان التهت ب ابوهاا لانه اقرب واحد لها بس لما شافت سلطان شافت واحد يغطيه صرخخت ميره : لا سسسسسسسسسسللللللللطططططططااااااان "تشاهق من الصيح" حمد يطالع ميره بنظرا حزن و بريئة : ميره اقولهم ما مات ما يسمعون رمستيه ميره راحت صوبه و عطته كف حمد زاد صياحه و حضن سلطان خاز عن حضنه و يلس عداله و حضن ريله و حط راسه ع ريله و مسك ايد سلطان و يصيح حس بحركه ف سلطان رفع راسه بفرحه بس اختفت الابتسامه يوم شاف المسعف يغطي سلطان حمد صرخ : ايييه انت شو تسوي لا تغطيه بيختنق المسعف طاف ولا جنه يرمسه يوم ركبوا الاسعاف حمد ركب وياه و ميره ركبت موتر حمد و ميره ركبت ويا ابوها حمد زاخ ايد سلطان : سسلطان سلطان شوفهم كلهم يقولون انك ميت بس انا ادري انت تعبان بترقد صح ؟ سلططان قوم انت قلت مابا تخليني بروحي المسعف : استغفر الله هب زين اللي تسويه الريال مات الله يرحمه حمد صرخ : انتوا تبون تذبحونه هو مابا يخليني مابا اخلييكم تاخذونه عننييهه "حضن سلطان و بصوت واطي" اصلا هو قال اذا نحن هب خوان بالدم نحن خوان بالقلب صح سلطان ؟ سلطان قوم قولهم انك مابا تخليني . نزلوا المستشفى و ميره اتصلت ف سيف و فونه كان ويا كايد كايد : الو ميرهه تصيح : سسييف كايد : شو فيجج ميره ليش تصيحين ميره : سلطان و ابوية سووا حادث و كايد صرخ : شو فيج كملي ميره : نحن ف المستشفى تعال سارت صوب حمد لقته يالس ع الارض و حاضن ريوله و يصيح بدون صوت يلست تطالعه و تصيح هي بدون صوت ما حست الا ب كايد يركض صوبها و وراه سيف بس كايد يوم شاف حالة حمد ركض صوبه و مسكه من كتفه كايد : وينه سلطان فيه شيء حمد فر روحه ف حضن كايد : اقولهم ما مات ما يصدقوني يغطونه عشان يختنق هايول اغبياء يتحروني مينون كايد رمسهم حمد ما يحب يغطي ويهه يوم ينام كايد منصدم و فخاطه معقوله سلطان مات راح صوب الدكتور كايد : شحاله سلطان الدكتور : الله يرحمه " حط ايده ع كتف كايد " عظم الله اجركم كايد جنه حد صاب ماي بارد ع ويهه : حمد الدكتور :؟؟ كايد : حمد حمد ما يسوى بدون سلطان و ركض صوب حمد حضنه بقو و تموا يصيححون حمد دز كايد عن صدره و صرخ حمد : لااااا تصصصصيييييحححح ممااا ممممممااااتت سسسلطان ما يسسويهاا ما يخلييننيي سيف زقر النيرس عشان تعطيه ابره مهدي ف الدفان حمد يالس يطالعم و يصيح بحرقه توهه يستوعب انه سلطان مات لما حطوه ف القبر حمد يحس جنه حد ياخذ منه قطعه من روحه بو حمد حط ايده ع جتف حمد و هو يحس انه اللي مندفن ولده هب ولد اخوه سلطان كان نادي بوحمد ابوية لانه يعتبره ابوه و بوحمد دوم يقول هذا ولديه حمد لف يطالع ابوهه بنظرات شخص منكسر و ماله هدف ف الحياه حس انه ف هالوقت صدق محتاج لحضن ابوهه ما تردد ابد انه يلجاء لحضن ابوهه "صوب الحريم" ميره كانت اهداء وحده فيهم و ما صاحت قالت بما انه هي اكبر وحده لازم تكون اقوى وحده بس جرحها بفقدان تؤامهاا كان كبير حاولت تخفيه عن الكل الا امها اللي سمعت بنتها و هي تصيح طول الليل و ما رقدت ميثه طول الوقت فحضن روضه و لاويه ع روحها و ذابحه روحها صياح جفنها ما نشف من الصياح اللي الكل يعرفه انه ميثه علاقتها بسلطان علاقة اي اخو ب اخته بس سلطان و ميثه تعتبر بير اسرارهها كل يوم فليل تيلس تفضفض له مهرهه تصيح و تسكت و ترد تصيح و تسكت و غلا يالسه حذالها و قلبها معورنها عليهم حاولت تمسك روحها بس دمعتها ما قاومتها و نزلت مسحتها بسرعه و هي تفكر انها مابا تشوف سلطان و تغلس عليه شرا كل مره تشوفه فيها .............................................. قطع ع حمد صوت تلفونه مسح دمعته و رد ع الفون : هلا ابوية بوحمد : هلا حمد انت وين حمد : ع البحر ابوية امر شو فخاطرك بوحمد : عيل يوم بتخلص اباك تسير بيت عمك تشوف شو ناقصنهم حمد : خلاص ابوية ان شاء الله الحين بروح بوحمد : الله يحفظك حمد ابتسم : ويحفظك ابوية ركب موتره و سار بيت عمه حمد يدق الباب : هود مهره : هدا حياك حمد حمد يدخل الصاله و سلم عليها : شحالج مهره و شحال الدراسه وياج مهره : انا بخير ربييه يعافيك و الدراسه ماشيئ حالها حمد : عساهه حالن مديم عيل وين خالتيه مهره : ناهيه بيت يارتنا حمد : اهاا عيل شوفي شو ناقصنكم والبسي عباتج عشان نسير ناخذ اللي ناقصنكم مهره : اوككيه دقايق بس "صوب روضه و ميثه" روضه وميثه طلعوا من الحمام وراهم حمده و مايد مايد عينه ع عيون روضه اللي مخبلتبه روضه لاحظت دمعة ميثه روضه تهمس لها : ميثه ميثه مسحت دمعتها و طلعت نظاره من شنطتها و لبستها ركبت الموتر و شغلت اغاني تبا تغعير من جوها شوية مر راشد من حذالهم بالموتر و اتصل لروضه روضه ردت و حططت سبيكر راشد : هلااا بالغزال رااععية البي ام روضه : هلا بالشيفه راععي الفتكاتي الاسسود راشد : ترايسييننييه ؟ ميثه : هيييييييييييييي لاا مابا اخااف راشد"فدييييييييييتتهمم انا" : ططع ويا راسج تخافين و انتي راكبه ويا المفحطية روضه القبيسي ميثه : هي ابا روححيه انا راشد : دامج ويا روضه ف انتي ف امان روضه : اقول اجلب ويهك و شسمه اذا فزت عليك ف عليك طلعهه هاا راشد : فالج طيب و اذا انا فزت علييكم ب عزيمه روضه : يلا باي و داسست ع البترول و راححت فيها ريس ويا رشود لما خلصت طبعاا فاز عليها رشود رشود اشر لروضه تنزل الدريشة و هو كان صوب ميثه نزلت الدريشه مد لها ورقه قالها تعطيهن لحمد لانه عنده شغل و هب راجع البيت الحين وراهن كان في رنج كله شباب لاحقنهن من يوم ما كانن ف المول و هن مب حاسين فيهن و طبعا لحقوهم لانه واحد فيهم متخبل ع روضه وحالف اييب راسها ........: ططع الححيوان رقمهن ........: هه هاللي انت متخبل عليها طلعت من نفس طينة اللي انت طايح عليهن .......: ما اكون ****** ولد ******* اذا ما يبت راسها و خليتها تودر كل اللي ترمسهم .......: اووب بس تدري شكلك وايد حالم فيها احس انها صعبه .......بثقة : ما تصعب عللي راح صوبها يبا يرايسها راشد يوم شاف الموقف ضحكك اتصل فيها رشود يضحك : بنت عميييييييهه روضه : هلاا ولد عممتيهه رشود : اذا قطعتيهم لج مني طلعه و عزبه و افحط بج فوق العقروب روضه : يااا كككم اعششققكك انا "بندت ف ويهه و ريس ويا الشباب" .........: ما قلت لك بييب راسسها ...........: اقول حاول تمد الرقم و ذاك الوقت قول يبت راسسها ......: بتاخذه ........: اقوول هي للحين مقطعتنك يعني استح ع ويهك بنت تسبقك ..........: حبيييييب انا عاطنها مجال عشان اييب راسسها .......: مشكلتك ما تعرف ترقع .......: ككل تبن نزل الدريشه و اشر لها تنزل الدريشه خفت السرعه ع اساس تكون بمستواه و تنزل الدريشه و ب اخر لحظه داست و لفت عنه يمين و ما رام يلحقها ........: ههههههههههههههههههههههههههههاااااااااااااااااااااي يييييييي شششيت بنت تطعك الححين اييب راسسها "باأستهزاء" القوو طالعه بنظهره و رفع فونه ...........: مرحب بوعسكور...علوم...بيخير ربيه يعافيك .. والله ما شي الحال .. اقوول .. ابا بيانات عن بي ام ابيض فئة 3 الرقم *** ... مشكور .. سلامتك.. فداعة الله .................................................. روضه وقفت قدام بيت عمها ميثه : رويضض انزلي بيتنا عقب ارجعي روضه : ميثوهه دخيييللجج مصدعه ما فيه سمته اوصل بيتنا و افر روحيه و انام ميثه : شو ما فيج سمته من بعد بيتكم بين بيتنا و بيتكم بيتين روضه : انزين انزلي الحيين خ اسير ميثه تنزل : ف حياتيه ما شفت حد شراج يحب الرقاد روضه بأستهبال : لو يستوي اتزوج الرقاد جان تزوجته بس ربج كريم ادخلي بسرعه ابا اسير ميثه تسكر الباب : توكلي دخلت ميثه البيت ع طول سارت حجره امها دشت لقتها ع سيادتها تقرا قران و دموعها ف خدها سكرت القران من شافت ميثه و مسحت دمعتها ام سلطان تبتسم : وصللتي ميثه تبوسها ف راسها : هي اميه ميثه يلست عدال امها و زخت ايدها ام ميثه فهمت انه ميثه لاحظت دمعتها و تعرف سببها و نزلت دمعه حاره من عينها غمضت عينها ب قو و خذت نفس ميثه حطت راسها ع ريول امها عشان امها ما تشوف عيونها : حتى انا اشتقت لهم بس ما بيدنا شيء غير اننا ندعيلهم ام سلطان : الله يرحمهم و يغفر لهم ميثه : اميين يلست ام سلطان تلعب ف شعر بنتها لين ما غفت ميثه ع ريل امها ابتسمت ام سلطان و تذكرت سلطان يوم اتيي ميثه من المدرسه تيلس ف الصاله و احيان تغفى و سلطان ما يرضى حد يوعيها كان يشلها حجرتها و يشغل المكيف و يغطيها كان سلطان متعود يخطف عليها كل يوم و يرمسها محد كان يعرف عن ميثه كثر سلطان |
الرواية طرررررررررررررررررررررر فديييييييييييييتج حبيبتي والله ميثة:غمضتني فديتها مسكين سلطان:صيحني الله يرحمه والله انه عسل على قلووب ناس حموودي:مسكين بس ودي اعرف منوو يحب كايد:احس بيكون له دوور كبير بالقصه وانه بيحب ميثة مايد:بيبحب روضووه وجي الريال اللي غازلهم:احيه بيكون بطل القصه وبيكون له دوور كبير فحيات روضه مع تحياتي:دااانه غير الى الامام داااائمن واستمري فديتج |
اول احسن الله عزاج يالغاليه بصراحه القصه روح والشخصيات حلوه حبيت طريقه كتابتج الله يوفقج ويسعدج والى الامام |
| الساعة الآن 04:38 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir