|
العنود: وشو دخل ساروه طاحت لطيفه على ريولي وملتفته على الدريشه وعيونها يتغارقن لطيفه: من يوم كان عمري 16 وأنا أحبه..كنت دايماً أحب أتقرب منه.. وما عرفت كيف الطريقه اللي ما لقيت غريها .. اني أخبرعويش ويا ليتني ما خبرتها لو قلت حق حمدوه والا شمسوه بيكون أحسن لي .. العنود: عويش شو سوت ؟؟ لطوف: عويش خبرت ساروه اختي .. وساروه دايماً تهددني انها تخبر أمايه .. عشان جذيه صرت ما أحب أحتك فيها وايد .. وعويش خبرت خليفه وردت فعله كانت طبيعيه .. كل اللي قاله " بس أنا ما أحبها " العنود: وانتي شدراج لطوف: ساروه قالت لي .. هالكلام صار العيد اللي طاف وأول ما عرفت ساروه يت تذبحني بهالرمسه .. كأنها تتلذذ بعذابي .. العنود: وانتي الحين تكرهين خليفه صح؟ لطيفه: هذا الشي الوحيد اللي ما قدرت أسويه .. ابتعدت من عقب العيد لين يوم عزيمة خالي كنت أتهرب كل ما اشوفه يالس .. والحين انجبرت اني أعيش فترة غياب أمايه وأبويه في بيت خالوه.. مع اني حاولت كم مره انا نسير بيت يدوه بس أمايه أصرت انا نكون أنا وساروه مع بعض.. وطبعاً عويش لعبت براس أمايه عشان تكون ويا ساروه .. ومثل ما فضحتني جدام ساروه وجدام خليفه أنا بقولج انها حاطه عينها على عمي وتباه يخطبها .. انصدمت من اللي سمعته .. شو اللي يصير .. عم لطوف!! عويش شدراها به ووين تعرفه العنود: وعويش شعرفها بعمج؟؟ لطيفه:شافته كم مره يوم يا بيتنا .. وهو شافها مره بالغلط.. وساروه تحاول تقنع خالي انه ياخذها .. بس تحلم .. العنود: مب قادره أستوعب اللي تقولينه لطيفه: واليوم يوم دخلنا الصاله .. أنا متأكده مليون بالميه ان ساروه كانت ترمس عمي وعويش تسمع الكلام اللي بينهم سكت فتره أستوعب الكلام اللي أسمعه.. مب قادره أصدق .. أحس راسي يعورني من كل هذا . كله مره وحده .. الشي الوحيد اللي أفكر فيه الحين ان أحسن شي شمسوه وحمدوه ما يدرن والا رووووووووووح بتصير عويش علوج في حلوجهن .. صح ما بيخبرن حد بس هن من الله يكرهنها.. لو درن بيطنزن عليها سنه .. لطيفه: دخليج لا تبينين لهن .. عويش مهددتني ان خبرت حد بتخبرهم كلهم اني أحب خليفه العنود: لا نخافين .. انسي انج قلتي لي أصلاً ... بس تعرفين أبغي أعرف شو اللي أكد لج ان كلام ساروه وعويش صدق لطيفه: أي كلام؟ العنود: انهن قالن حق خليفه وخليفه قال انه ما يحبج لطيفه: ما أدري.. بس ما لهن مصلحه انهن يجذبن .. العنود: أنا وايد جريبه من خليفه.. في عمره ما قالي عن هالشي لطيفه: ما أدري .. العنود: انتي خلينا نرقد وصلت الساعه ثنتين .. باجر بنكمل سوالفنا سكرت لطوف الدريشه وأنا بندت الليت وانسدحنا بنرقد .. وأحسن حل اني أشرد من التفكير وهو النوم ... الـــــــــــــــجــــــــــــــــــزء الــــــــــــــثـــــــــــــــــــــامــــــــــ ــن عـــــــــــشــــــــــــــــــــــر يوم الأثنين في الجامعه .. في البريك طلعت من الكلاس شفت شموه و نوال جدام الباب سلمت عليهن .. شموه: حشى استاذكم لازم على الوقت.. العنود: كم مره قلت له خلص الوقت طلعنا.. عاطني اذن صما يعلني بلاه.. سرنا الكوفي خذنا الريوق.. ويلسنا نتريق طول الوقت أتكلم ويا شموه ونوال ساكته .. يمكن في شي مضايجنها.. الساعه عشر ردينا نكمل باقي الكلاسات.. .. الساعه أربع العصر .. لطوف: عنودي.. عنووووووود العنود: شووو لطوف: قومي .. العنود: شو تبين .. لطوف:قومي صلي العنود: انزين قمت صليت .. شفت لطوف منسدحه العنود: متى نشيتي ؟ لطوف: ما رقدت العنود: غريبه لطوف: ما قدرت أرقد.. العنود: شو فيج ؟؟ لطوف: من أمس أفكر.. العنود: في شو ؟؟ لطوف: شو اللي يضمن لي ان كلام عويش صح .. العنود: شو وصلتي في تفكيرج .. لطوف: ما أدري .. العنود: ممكن تخلين هالسالفه عنج..وتدرسين لأنج إذا فكرتي في شي ما تقدرين تسوين شي فيه بينقع راسج .. لطوف: عنودي ساعديني .. العنود: في شوو لطوف: ما تقولين انج جريبه من خليفه..حاولي تعرفين منه بأي طريقه .. العنود: انتي عندج امتحان باجر .. لطوف: لاء قمت واتصلت حق حمدوه وشموه كانن في السياره رادات من الجامعه .. حمدوه: هلا العنيدي العنود: مرحبا حمدوه حمدوه: حشى يالحس..خستي رقاد العنود: احمدي ربج سمعتي صوتي .. حمدوه: الحمدالله.. شو تبين؟ العنود: يايه أطلب منج انا .. حمدوه: السموحه منج الشيخه عنود.. آمري تدللي شي في خاطرج العنود: هيه حمدوه: شو العنود: يالله بنروح ويا عموه العزبه حمدوه: شوووووووو ... بتبطين الساع جانج خايسه رقاد أنا تعبانه وأبغي أرقد العنود: حرام عليكن حمدوه: لالالالا شو ما أقدر عندي ربورت لازم أسلمه باجر وأنا من الله تعبانه فيني رقاد جانج فاضيه نحن لاء العنود: جلبي ويهج .. سكرت عنها .. العنود: خلينا نسير أنا وانتي .. حمدوه وشميس ما بيروحن لطوف: أنا أقولج ساعديني تقوليلي العزبه .. أنا اللي ما عندي سالفه اللي قلت لج العنود: قومي انتي.. طلعنا في الصاله شفنا عموه الحين بتطلع .. العنود: عموه بتروحين العزبه ؟ أم حمد: هيه العنود: أنا ولطوف بنلحقج عقب ويا خليفه .. أم حمد: زين جانكن بتونسنا لطوف: انتي لين تخلصين شغلج وعبالتج ويالعمال بتلقينا يينا .. أم حمد: برايكن عيل .. طلعت عموه ورحت ويا لطوف المطبخ .. سوينا القهوه والعصير وسويت خبيصه سريعه وطلعت من المطبخ .. دخلنا داخل البيت توني بركب فوق أوعي خليفه لقيته على الدري خليفه: خفي البترول شوي .. بلاج تربعين .. العنود: صح النوم خليفه: صح بدنج العنود: وين بتسير؟ خليفه: ما بسير مكان .. العنود: شو رايك تودينا العزبه عند عموه خليفه: شووو.. جلبي ويهج ناش مالي بارض العنود: خليفه دخيلك .. خليفه: العنيدي ما أروم أوديج ..جان سرتي وياها العنود: لين خلصنا الفواله .. خليفه: ما أروم العنود: دخييييييييلك خليفه: لااااا إله إلا الله مشيت عنه وخليته .. مستحيل أقوله كلمه ثانيه خلاص دامه ما بيودينا .. مستحيل يغير رايه خليفه: تعالي العنود: شووو خليفه: تلببسي بسرعه العنود: بتودينا خليفه: منو بيسير وياج العنود: أنا ولطوف خليفه: يالله بسرعه بترياكن في السياره العنود: لا تطلع من البيت جدم السياره خليفه: انزين رحت الحجره لبست شيلتي وطلعت ويا لطوف .. خليت لامي تييب الفواله السياره .. ورحنا العزبه العنود: خطف الدكان نبغي بيبسي ما رد عليه وخطف الدكان طلب ثلاثه بيبسي وكملنا دربنا ..طول الدرب وأنا أفكر كيف أفتح الموضوع ويا خليفه .. ما لقيت أي مدخل يدخلني في السالفه... وصلنا العزبه وعموه بعدها عند الهوش.. لفيت أشوف أم عبدالله كانت توها واصله .. قبلنا بشوي .. نزلنا الحصير والفواله ويلسنا .. قامت لطوف عنا تتمشى..عرفت من حركتها انها تباني أسأله بس أنا بروحي مب عارفه كيف.. قطع عليه خليفه خليفه: عنودي شو فيها لطيفه ؟؟ العنود: ما فيها شي خليفه: طول الدرب ساكته .. والحين سارت تتمشى بروحها العنود: ليش ما سألتها؟ خليفه: أستحي أسألها العنود: حد يستحي من لطفين .. ماشالله عليها ماتخلي حد يستحي منها خليفه: لأنج دوم تيلسين وياها العنود: وانت ليش ما تيلس وياها؟ خليفه: وين أيلس وياها .. أصلاً أنا استغربت انها ركبت ويايه اليوم العنود: ليش؟ خليفه: مم ما أدري.. عندي احساس انا تكرهني العنود: هههههه ليش يعني ؟؟ خليفه: إذا دخلت مكان تطلع.. وإذا ما طلعت مستحيل ترمس .. العنود: أنا ما لاحظت .. بس يمكن صار لكم موقف خلاها على هالحال .. خليفه: أي موقف انتي بعد..أقولج ما تيلس ويايه .. العنود: لا يعني يمكن .. بس أنا على طول ما يلست وياها ما قالت لي شي عنك أبداً خليفه: زقريها العنود: ليش شو تباها خليفه: عن الاستهبال وخليها تي .. العنود: تباها ترد ازقرها بروحك ..طنشني ولف وراه خليفه( بصوت عالي): لطفيييييييييين لطوف: هاااااااه خليفه: وين تبين تعالي .. ردت لطوف صوبنا ويلست العنود: قوم شغل لنا الإف إم خليفه: مستطربه العنود: هيه يالله قم شغل خليفه الإف إم ورد يلس خليفه: شو فيج لطوف ؟ لطيفه: ماشي خليفه: ألقاج مويمه ما ترمسين لطيفه: شو أقول؟ العنود: قولي أي شي بس لا تسكتين .. خليفه: ما تعطيج هاللي عدالج العنود: لا ما تحتاي اللي عندها بروحها اللي يسدها .. لطوف: قوموا خلونا نتمشى .. وقفنا ورحنا صوب العراقيب اللي عدالنا .. وأنا أمشي تخرطفت وطحت .. طيحه لو ماكانت على رمل جان رحت فيها .. لطوف: ههههههههههههههههههههههههه العنود: تضحكين يالعنز .. آآآآآآآآآآآآخخخ لطوف: ههههههههه والله ما أروم أوقف من الضحك يلست لطوف عدالي وهيه تضحك لفيت على خليفه لقيته مبتسم ومركز على لطوف وهيه تضحك .. لفيت على لطوف بعدها ناقعه من الضحك .. دقيتها على ريولها وأشرت لها على خلوف .. رفعت راسها شافته استحت ونزلت راسها ووقفت .. العنود: عطيني ايديج ساعدتني لطوف ووقفت ومشيت عنهم صوب عموه شفتها يالسه على الحصير روحها خليفه: تعالي وين سايره العنود: ما بسير وياكم .. لطوف: ردي محد بيضحك هههههه العنود: بعدج ما ضحكتي .. طنشتهم ورديت عنهم وردوا يتمشون .. عقب ما يلسنا شفت سيارة حارب يايه صوبنا خليفه: لازم يوم نيي العزبه حروب يلحقنا وقفت سيارة حارب عدالنا ونزلن منها حمدوه وشمسوه .. وحارب نزل عقبهن حارب: السلام عليكم الجميع : وعليكم السلام العنود: غيرتن رايكن حمدوه: لا غيرناه ولا شي بس مجبورين شمسوه: والله ان فيني رقااد أم عبدالله: شو يابكن عيل حمدوه: حارب لزم علينا أم عبدالله: شعنه ؟ شمسوه(تشوف العنود بنظرة بخبث):مااااااا أدري تخبريه حارب: شفتهن توهن رادات من الجامعه وانا ضايج حملتهن ويايه وييت أشوفج العيوز تولهت عليج أم عبدالله : مكاار.. شي عندك والا ما بتييبهن .. شمسوه: شو في هالطبقه؟ خليفه: ما فيها شي.. خلص كله العنود: يجذب عليج .. فيها خبيصه.. فتحت شمسوه الطبقه وحطت لها في الصحن ويلسن ياكلن .. عقب ما كلنا وخلصنا قمنا نحن البنات وسرنا نتمشى...قبل أذان المغرب نحن كنا على العرقوب ..شفناهم يركبون السيايير وراحوا عنا .. نزلنا نربع من فوق حمدوه: حووووووووو لا تتخبل لطوف: عن الخبال .. نحن شو اللي خلانا نفكر في سيرة العزبه وياهم والنزله على العرقوب سرييعه وما قدرت حمدوه تتوازن واندبغت وتدربحت من فوق لييييييييين تحت .. جربوا خليفه وحارب ووقفوا عدال حمدوه حارب: ههههههههههههههههههههههههه السلومه خليفه: ههههههههههههه صدق انج قوطي حمدوه: يعللللللللللني بلاكم .. كله منكم حارب: تستهبلن .. تعرفن انا مستحيل نخليكن ونسير ركبنا السيايير وردينا البيت .. يوم احتفضنا فيه بذكريات بنذكرها السنين اليايه.. ..عقب صلاة المغرب..فتحت لطوف تحقيق ويايه واللي فهمته من خليفه انه ما صار أي موقف بيينهم .. لطوف: بس أبغي اتأكد أكثر العنود: ممممم ما أدري بس بقولج في طبعة الريال لو عرف عن وحده انها تحبه مستحيل يطنشها .. وخصوصاً إذا ما كانت تبين له هالشي لطوف: ما فهمت العنود: يعني لو عويش قالت له انج تحبينه ما بيقول أنا ما أحبها .. ممكن انه ينصدم ويا انه يطنشج إذا ما يحبج أو انه يتقرب منج إذا ارتاح لج ... ومن كلامه اليوم بصراحه لو صار أي موقف بيقولي .. وأنا متأكده انه مايدري انج تحبينه وعويش ما قالت له شي.. لطوف: أففففففففف تعبت بحل الواجب وبروح أتصل حق عمي.. طلعت لطوف الكتب من شنطتها ويلست تدرس وأنا طلعت في الحديقه واتصلت حق باقي القواطي..بس ما طاعن يردن تذكرت انهن مشغولات قلت بسير لهن .. رديت البيت الساعه ثمان .. دخلت الصاله لقيت لطوف ترمس في التيلفون .. يلست عدالها .. كملت سوالفها وعرفت انها ترمس عمها .. دخلوا حمد وخليفه الصاله وعلى طول سكرت لطوف عن خالها .. حمد: السلام عليكم لطيفه+العنود: وعليكم السلام حمد: وين الباقيين ؟ العنود: نحن سرنا العزبه وياعموه ومن ردينا ما لقينا حد في البيت .. في هالوقت دخلن ساروه وعويش وآمنه آمنه: السلام عليكم الجميع: وعليكم السلام حمد: وين كنتن ؟ آمنه: كارفور حمد: حطن العشى .. وطبعاً أنا ولطوف اللي سرنا لأنهن توهن واصلات من السوق .. سرنا المطبخ حطينا العشى و خليت البشاكير يودنه .. عقب العشى الكل دخل يرقد وطلعنا من الصاله أنا ولطوف وعويش وساروه في نفس الوقت .. ركبن ساروه وعويش على الدري ونحن مشينا صوب الحجره.. وقفت لطوف ووقفت وياها لطوف: ساروه عمي بطي بيي يوم الخميس وقفن ساروه ولطوف ولاحظت الاهتمام في نظرة عويش .. ساروه : متى رمستيه؟ لطوف: اليوم ساروه: ما قالي انه بيي لطوف: اليوم قلتله وقال يوم الخميس بيخطف علينا ساروه: الحين ترمسين لطوف: المهم أنا قلت لج .. وتراه ما بييلس بيطلعنا ساروه: لا منو قال بنيلس وياه هنيه لطوف: ما بيشاورج .. ... ركبن ساروه وعويش ونحن دخلنا الحجره .. .................. عندي امتحان سعي اليوم وأنا من يوم الأثنين أحاول أقسم الدروس .. أبغي أكتب الورقه وفيها القوانين يمكن تساعدني.. من عقب صلاة الفجر ما رقدت شليت كتبي وكنت بطلع من الحجره لطوف: عنودي وين سايره ؟ العنود: بروح أدرس برا .. الجو حلو لطوف: صبري بييب كتابي وبروح وياج ولعت الليت وغيرت لطوف بجامتها وطلعت كتابها .. ورحنا في البلكونه اللي عند الباب الوراني .. فتحت الباب شفت خليفه يالس وسرحان ..استغربت منه لفيت أشوف لطوف ورايه لقيت الاستغراب في عيونها .. العنود: خليفه ! خليفه: بسم الله يالسحار شو موعنكن ؟ العنود: بندرس.. خليفه: وشو مطلعنكن العنود: الجو حلو قلت بنيلس هنيه .. غريبه انت واعي خليفه: قمت سمعت الأذان سرت صليت ورديت هنيه .. ما فيني رقاد العنود( مبتسمه): سرقت النوم من داخل عيوني خليفه:جلبي ويهج وطيت كتبي ويلست ويلست عدالي لطوف .. بديت أكتب القوانين ولطوف عيونها في كتابها وترفعها تشوف خليفه دقايق وإذا لاحظتها أدقها على ريولها .. وخليفه يجلب تيلفونه ووسرحان .. العنود: بروح أسوي جاهي حليب لطوف: بروح وياج العنود( تغمز حق لطوف): لا انتي يلسي درسي وأنا ما بطول .. ... رحت المطبخ لقيت البشكاره مجهزه الحليب .. شليته وتعمدت اني أطول .. يمكن هالمخبل يرمسون .. وصلت عدال البلكونه سمعتهم يرمسون .. العنود: وصل الجاهي خليفه: ماشالله عليج سريعه العنود: لقيته جاهز صبيت لي كوب حليب ورديت مكاني.. خليفه: صدق ما فيج مذهب..ما ترومين تصبيلنا العنود:No قامت لطيفه وصبت كوبين حليب واحد حطته جدام خليفه والثاني شربت منه .. خلصت الورقه اللي كنت أكتبها وبديت أحل كم تمرين .. ولطوف وخليفه يسولفون حمد( يدخل): صباح الخير الجميع: صباح النور حمد: شو موعنكم من وقت؟ العنود: ندرس عندنا امتحانات حمد: الله يوفقكم يا رب .. أنا سمعت صدعه دقيت على العنيدي ومالقيت حد في الحجره سمعت ضحك وتبعت الصوت .. خليفه: ولقيت مصدر الازعاج حمد: منو غيركم راحوا خليفه ولطوف يغيرون ملابسهم .. وتميت أنا ويا حمد حمد: علومج العنيدي .. العنود: الحمدالله حمد: الساعه كم امتحانج العنود: الساعه عشر حمد: درستي زين؟ العنود: أعجبك أنا .. تراني اختك قبضني من راسي وقرب مني وباسني بين عيوني .. أول مره حمد يسوي هالحركه .. قفطت وما قدرت أرفع راسي .. يلست ويا حمد لين الساعه سبع ونص وعقب راح الشركه وأنا دخلت الحجره .. تعبت من الدراسه اتصلت حق شموه ما ترد عليه .. طلعت ويلست في الصاله أول مره تنفتح نفسي للريوق تريقت ويلست أطالع التلفزيون .. الساعه تسع رحت تلبست واتصلت حق سليم ورحت الجامعه .. لقيت بنات كلاسي في الرباعيه ويلست وياهن لين وقت الامتحان ..الساعه عشر دخلنا الكلاس كان الامتحان صعب وعلى قد الدراسه اللي درستها الله يستر من النتيجه ..أول ما طلعت رحت الرسبشن لقيت حصوه واقفه ويا ميثوه العنود: السلام عليكم حصوه: وعليكم السلام هلا عنودي العنود: شحالج ميثوه ميثوه: يسرج الحال انتي شحالج العنود: بخير ربي يسلمج حصوه: هاه بشري شو سويتي العنود: صعب والله حصوه: الله يعينكم العنود: بتروحين؟ حصوه: هيه توني اتصلت حق غرين.. طلعنا من الجامعه 12:30 .. وصلت البيت صليت ورقدت وما حسيت بلطوف .. قمت الساعه خمس ونص العصر وأنا شبعانه رقاد .. وعيت لطوف ودخلت أتسبح طلعت من الحمام لقيتها بعدها منسدحه العنود: لطووووووف بسج رقاد قومي لطوف: انزين العنود: يالله قومي بنروح بيت يدتج .. لبسي أحمر بنطقم لطوف: شو عندج اليوم مستانسه العنود: ما أدري دخلت لطوف تسبحت ولبست كندوه حمرا .. ورحنا بيت أم عبدالله .. دخلنا الصاله لقينا علي يضارب حمدوه العنود: السلام عليكم حمدوه: عنودي دخليييييييج شليه وطلعي وياه العنود: شو صاير ؟ حمدوه: غلس ولد اختج .. طفرني علي: قاهرتني ما عندها دوام يوم الأربعا شمسوه(تدخل): السلام عليكم الجميع: وعليكم السلام شمسوه: بلاج حمدوه تصارخين حمدوه: واحد غلس يالس ما تشوفينه شمسوه: لا ما أشوفه علي: غريبه العاده من حد يقول هالرمسه تقولين محد غيره هذا عليوي( يقلدها) في هالوقت نزل حارب من فوق .. حارب: السلام عليكم الجميع:وعليكم السلام حارب: غريبه علي في البيت علي: ضجت ما عرفت وين أسير حارب: قم خلنا نطلع شمسوه: نفسي مره وحده تعزمونا على الطلعه حارب: وين تبين ؟ شمسوه: أيييييييييييي مكان .. علي: بتسيرين العزبه؟ شمسوه: ماشي مكان غير العزبه؟! حارب: بعدين بوديج المبزره شمسوه: من متى وانت بتودينا .. ولا حتى روحناها حارب: قلت لج بوديكن.. بس مب اليوم شمسوه: متى عيل؟ حارب: يوم بيدق في راسي شمسوه: عيل ما بنسير العنود: هيه والله ودونا المبزره علي: نحن ما افتكينا من وحده طلعت الثانيه .. المبزره ماااااااشي العنود: دخيلك علي والله ضجنا .. حارب: قلتلكن بوديكن يعني بوديكن .. بس مب اليوم علي: شو توديهن ... يابوك لا تفتح لنا بيبان مسكره حمدوه: دامك ما بتتكرم علينا .. ليش تمنع كرم غيرك حارب: اظهر اظهر.. حشى صدعه طلعوا عنا علي وحارب .. راحت شمسوه يابت لنا بيبسي وردت حمدوه: تدرن ان عرس حصوه في الاجازه شمسوه: أي اجازه ؟؟! حمدوه: عطلت الربيع العنود: والله وبتعرسين ياحصيص شمسوه: أول مره حد بيعرس عندنا ... الله وناسه حمدوه: عاد أنا اخت العروس شمسوه: طالع لحقتلنا اليهال حمدوه: هيه ما بخليكن تدخلن عندها.. ومابخليكن تركبن على الكوشه تقطعن الورد العنود: فضل عنج .. من الحين خقت علينا الله يعين يوم العرس حمدوه: ههههه ويوم العرس لا تون الا فليل .. أعرفكن بتيلسن في بيتنا من الصبح العنود: لا منو قال ببات عندكم أنا .. شمسوه: تعالي انتي شو سويتي في امتحانج اليوم .. العنود: الله يغربلهم وياه .. وايد صعب .. لطوف: شميس حطي لنا نجوم .. العنود: باجر بروح بيت يدوه حمدوه: شو تسوين .. من اسبوعين كنتي عندهم العنود: ما ببات بسير بس العصر وبرد.. منى يامعه بنات العايله .. شمسوه: شو المناسبه ؟؟.. العنود: من غير مناسبه حمدوه: هههههه عاد لا تردين منتفخه باجر العنود: لا انشالله .. لا تفاولين عليه .. يلسنا وياهن لين عقب صلاة العشى ..وردينا البيت كنت بكلم حمد اني بروح باجر بيت يدوه بس غيرت راي ..عقب ما راحوا كلهم يرقدون يلست ويا لطوف نتابع الفلم الهندي..الساعه 12:30 دخل خليفه الصاله خليفه: السلام عليكم العنود+لطيفه: وعليكم السلام خليفه: شو تشوفن ؟ العنود: فلم الهندي خليفه: وين باقي القواطي اليوم العنود: عليوي السبال ما خلاهن يطلعن خليفه: هههههه تستاهلن .. العنود: خلوف قوم خلنا نسير عندهن خلوف: ماشي سيره يالله .. كملن السهره هنيه العنود: دخليك والله أحلى السهره وياهن .. سمعنا دق على باب الصاله الثاني .. مشى خليفه وفتح الباب .. خليفه: هذن القواطي بتريحيني من السيره حمدوه: مرحباااااااااااااااااااا العنود: هلا والله لطيفه: منو يابكن .. علي وين ؟؟! حمدوه:عنودي حارب بيدخل .. لبست شيلتي .. ودخلوا حارب وشمسوه حارب: السلام عليكم الجميع: وعليكم السلام.. العنود:علي وين عنكن ؟ حارب( مبتسم): شو ما يستوي أنا أييبهن العنود(قافطه):هاا.. لابس قلت لي علي ما خلاهن يطلعن حارب: ماعلينا من عليوي نحن .. وين ما نبغي نسير نسير.. العنود: انزين ما قلت شي قهرني .. ليش يقفطني .. سكت وما رديت أتكلم ..صدق انه سخيييف .. كملنا الفلم ..بس ما كنت منتبهه لأي شي يصير فيه .. من القهر اللي فيني ما أدري ليش .. خليفه : عنوووووووووووود العنود: واللغثه ...شعندك تصارخ خليفه: كم مره زقرتج العنود: خير شعندك.. خليفه: قومي سويلنا شي ناكله قمت وطلعت من الصاله ولحقتني شمسوه .. رحنا المطبخ وما تكلمنا في شي .. دخلت المطبخ وما عرفت شو أسوي لهم شمسوه: شو بنسويلهم العنود: شدراني .. مافيني أطبخ شي شمسوه: شو ياج انتي عصبتي فجأه العنود: ماشي.. شمسوه: شو ماشي .. بس منه والدرب تعصبين العنود: قلت لج ماشي .. دخل حارب المطبخ وسار صوب الثلاجه صب له كوب ماي ويلس يشرب منه تقول يشرب عصير .. حارب: شو بتسون .. شمسوه: ما لقينا شي جاهز .. وماشي خبز عشان نسوي سندويجات .. حارب: بروح الكفتريا شمسوه: بتسوي خير فينا حارب: شو تبن انتن ؟ شمسوه: أنا أبغي فيليه حارب: وانتي عنودي شو تبين؟؟ العنود: ما أبغي شي حارب: إذا ما طلبتي ما بييب لهم سكت وما رديت عليه ... شمسوه: يا سلام إذا هيه مب يوعانه نحن يوعانيين حارب: أنا بروح بس عشان أراضيها .. والا مابتاكلون اليوم شمسوه: ليش تراضيها ..شو سويتبها حروب حارب: جب انتي مايخصج شمسوه: عنودي خلينا نرد الصاله أحسن وقفت وكنت بطلع من المطبخ حارب: عنودي قولي شو تبين .. والا تراني ما بييب شي العنود: مالي خاطر والله حارب: طلبي أي شي .. المهم ترضين العنود: على كيفك .. حارب: بييب لج شراتي فيليه وبيبسي طبعاً طلعنا من المطبخ وقفنا أنا وشمسوه وحارب مشى بيطلع من البيت شمسوه: تعال بنسألهم شو يبون حارب: سأليهم واتصلولي..المهم عرفت العنيدي شو تبغي .. مانروم على زعلها نحن راح عنا وأنا واقفه مكاني ما تحركت ..منصدمه منه ياربي هالانسان بيذبحني مب قادره أستوعب اللي صار.. في عمري ما شفت حد جريئ مثله شمسوه: حووه ... العنيدي مشي مشي العنود: هااه ..( وبعد تفكير) شمسوه حارب شوفيه ؟ شمسوه: بعدين بقولج شو فيه .. خلينا نسير نكمل الفلم .. ردينا الصاله وأنا بعدني في صدمه مب قادره أستوعب خليفه: شو هذا.. أنا وين مطرشنكن شمسوه: مالقينا شي نسويه ماشي خبز خليفه: سون أي شي أنا يوعان ما تعشيت شمسوه: حارب راح الكفتريا .. اتصلواله قولوا له شو تبيون .. اتصل خليفه حق حارب وطلبوا اللي يبونه .. عقب نص ساعه رد حارب البيت .. كملنا الفلم لين خلص.. ما قدرت آكل شي .. كلت شوي من السندويجه وشربت البيبسي الأول ولقيت غيره على الطاوله .. قمت فتحته حارب: تعالي تعالي .. منو قالج تاخذينه العنود: محد قالي ما آخذه حارب: ومحد قالج خذيه العنود: خلاص فتحته الحين أنا وبشربه حارب: توج مخلصه واحد شمسوه: انتي كلي قبل عقب شربي لف حارب صوب الطاوله وشاف سندويجتي خليفه: عنودي إذا ما تبينها أنا باكلها حارب: تبين البيبسي كلي قبل العنود: باكلها المهم أشرب البيبسي حارب: على بالي أنا أكثر واحد يشرب بيبسي .. بس طلعت ولا شي جدام عمتك خليفه: انتوا أظني جبودكم رايحه خلاص حمدوه: ما أظني تمت جبد فيهم تلقاها انطحنت خلاص .. ... الساعه أربع طلعوا حارب وشمسوه وحمدوه .. ونحن رقدنا عقب ما صلينا ................ الـــــــــــــــــــجــــــــــــــــــــزء الــــــــــتـــــــــــــــاســــــــــــع عـــــــــــــــــــشــــــــــــــــر يوم الخميس عقب الغدا كنا يالسين في الصاله .. وأبغي أقول حق حمد اني بروح اليوم.. قمت ويلست عداله العنود: حمد حمد: عونج العنود: بروح بيت خالي مانع اليوم( خال أمي) حمد: ليش .. شو تسوين ؟ العنود: اليوم بنتيمع كلنا عندهم .. حمد: سيري.. بس منو بيوديج العنود: هههه خليفه خليفه كان يشرب جاهي .. قطع الشرب وسوى حركه بينت انه احترق لسانه لف صوبي خليفه: منو قال؟؟.. على كيفج؟!؟ العنود: انت قلت خليف: متى قلت يالجذابه !! العنود: بعدين بذكرك .. في السياره خليفه( بنقمه): والله.. العنود: هيه يوم بتوصلني بذكرك خليفه: بتبطين الساع .. ما أروم... العنود: لا بتوديني .. غيث اليوم ساير دبي محد غيرك خليفه: خلي علي يوديج العنود: محد بيوديني غيرك آمنه: يقولج ما بيوديج .. بتروحين عندج الدريول حسيت اني سببت مشكله .. وعادي حمد يعصب.. بس الحمدالله قطع عليهم التيلفون .. كانت موزه متصله .. شليت بعمري ودخلت الحجره .. واتصلت حق سالم سالم: مرحبا مليون بالحلوين هالانسان يحسسني بغلاتي عنده .. ما أدري ليش أستانس وياه وأحبه وأحس غلاته عندي غير عن الباقين .. العنود: مرحبا الساع .. سالم: شحالج الغالي العنود: الحمدالله .. انت أخبارك سالم: لو تبين تعرفين أخباري جان ييتي صوبنا العنود: أمس أنا عندكم من العصر لين عقب أذان العشى سالم: كنت بعدني في الشركه العنود: عنبوه حمد ما ييلس كثرك سالم: عندنا شغل..يالله تخرجي وتعالي ساعدينا العنود: بساعدك في الشركه اللي انت بتفتحها سالم: انشااااااالله .. يسمع منج رب العالمين العنود: أقول بوغنيم سالم: آمري. العنود: إذا ما عندك شغل أبغي أروح صوب بيت قوم يدوه العصر سالم: من عيوني .. بوديج وبردج بعد جان تبين .. كم عنود نحن عندنا العنود: فديت روحك .. مشكور سالم: أنا برقد الحين وعند الأذان بصلي وبرد البيت وقت ما تبين تروحين اتصليلي العنود: انت ارقد الحين .. مشكور سالم سالم: أوكي فديتج .. يالله شي فخاطرج العنود: سلامت قلبك سالم: الله يسلمج.. مع السلامه العنود: الله يحفظك سكرت عن سالم وأنا مقرره إذا أبغي خليفه يوديني مكان ما أقوله جدام آمنه وإذا رحت اليوم ويا خليفه آمنه بتسوي لي سالفه وأنا مافيني عليها ..قمت صوب الكبت بطلع لي بدله ناويه أكشخ اليوم سمعت دق قوي على الباب وعقب دخلوا خليفه ولطوف بدفاشه العنود: شعندكم.. لطوف: أنا ما يخصني كنت بدخل ولحقني.. قالي بزيغها العنود: رمستي أمج؟ لطوف: هيه .. تسلم عليج العنود: الله يسلمها .. شحالهم ..وأخبارها عفاري لطوف: مستمرين في العلاج .. بعدهم مطولين العنود: الله يردهم بالسلامه.. لطوف+خليفه: آميين خليفه: عنودي متى تبين تروحين؟ العنود: وين؟ خليفه: تراج تقولين تبين تروحين عند يدتج العنود: خلاص برايك سالم بيوديني خليفه: ليش؟ العنود: تراك قلت ما تروم توديني .. اتصلت حق سالم وقلت له خليفه: لا ماشي أنا بوديج العنود: سالم عنده شغل بيخطفني عندهم وعقب ما يخلص بيمر ياخذني خليفه: أنا بوديج وبردج شو تبين بعد العنود: ما أبغي شي.. فديتك خلوف خلاص أنا اتصلت حق سالم .. والله انت قلت لي ما تروم سكت عني خليفه وشكله متلوم فيني .. بغيت أحسسه اني مب حاطه في خاطري بس ما عرفت شو أقوله .. وقف وطلع من الحجره ولحقته العنود: وين ساير خلوف خليفه: بسير مواعد الربع .. العنود: لا والله أونه مواعد الربع وكان يبغي يوديني .. عزالله ما رحت الحمدالله اني اتصلت حق سالم .. خليفه: كنت ما بروح وبيلس في البيت عشان أوديج العصر العنود: مب لازم تيلس عشان توديني.. يستوي تيلس في البيت بدون سبب ولا شغله خليفه: لا ما أروم أمرض العنود: هيه عيل نحن محد يسوي لنا سالفه حليلنا خليفه: انتن محد يفتح لكن سالفه فيها طلعه .. العنود: خلاص يابوك روح وين ما تبغي محد بيقولك شي راح خليفه عند ربعه وأنا دخلت الحجره .. لقيت لطوف منسدحه على بطنها وحاطه سماعات تيلفوني في اذنها وتغني العنود: شو تسوين ؟ انسدحت على ظهرها وبندت الإف إم ولفت صوبي لطوف : أسمع دوار الساعه ونص العنود: بتطلعين ويا عمج اليوم لطوف : بنطلع .. لاااااااازم نطلع حريمتها عويش شوفته .. أنا رمسته أمس ووعدني يطلعني العنود: يالله قومي عيل.. أنا صدق من زمااان ما كشخت لطوف: انتي تروحين الجامعه كل يوم ليش ما تكشخين .. اللي يشوفج يقول رايحه المدرسه العنود: الجامعه كلها رياييل ما فيني قمت طلعت كل البدل اللي عندي في الكبت وكل مره أركب وأختار وأقايس ..ولطوف مخترشه ويايه .. آخر شي اخترت تنوره بلون الوردي الفاتح ونفس لونها بدي هاي نك وعليه بدي مفتوح وايد ايده طويله عليه خطوط بنيه وورديه غامج لطوف: بصراحه .. روووووووووووعه العنود: والله لطوف: صدق والله يجنن .. الهاي نك وايد حلوه عليج العنود: تسلمين لطوف: بتلبسين عباه مفتوحه العنود: أكيد .. دامني سايره عزيمه لطوف: تعرفين لو قلتي لي اسلاميه كنت بصفعج العنود: لا الاسلاميه حق الجامعه .. لطوف: عنودي أبغي بدي من عندج العنود: أنا كم مره قلت لج اخذي اللي تبينه لطوف: ما عرفت شو ألبس العنود: كم بدله جربتي لين الحين لطوف: ههههههه ست .. وما عيبتني أي وحده منهن العنود: شوفي لبسي التنوره السودا وهالبودي عليها لطوف : كنت بقولج من قبل بس قلت بشوف اللي عندي أول العنود: لأنج سباله تدرين .. لطوف: تراه ماشي وقت خلينا نخلص .. شليت الملابس ورحت أوديهن عند لامي تكويهن وشفت عويش وساروه في المطبخ ويا نارمين .. استغربت أول مره أشوفهن يطبخن ... رديت الحجره كنت بدخل أتسبح ولطوف فاتحه المسن .. دخلن عويش وساروه الحجره .. ساروه : وين بتروحين لطفين ؟ لطوف: ما بروح مكان ساروه: عيل ليش مخليه الخدامه تكوي ملابسج لطوف: هيييه .. تراني قلت لج بنطلع ويا عمي ساروه: وأنا قلت لج ما بنطلع بنيلس وياه هنيه لطوف: والله ما بتطلعين على راحتج .. أنا عمي واعدني انه يطلعني ساروه: لطوف لا تتدلعين على عمي .. قلت لج ما بنطلع يعني ما بنطلع لطوف: بدلع على كيفي.. وما تبين تطلعين على راحتج والله محد بيجبرج ساروه: انتي قلتي حق خالوه انج بتطلعين ويا عمي لطوف: بقولها العصر .. وبعدين عمي ما بيطيع ييلس تدرين بيقول فضحه انه ييلس في بيتهم عويش: منو قال فضحه بالعكس أمايه بترحبه وبتيلس وياه لطوف: بس أبوج العصر يطلع وخليفه طلع وما بيرد لين المغرب.. وعمي مستحيل ييلس في البيت وما فيه ريال ساروه: عمي ياي يشوفنا .. وبييلس ويانا لطوف: بس أنا أبغي أطلع مليت من يلست البيت .. يوم قلت له قالي بيطلعني .. ساروه: جلبي ويهج يالسخيفه .. الحين أنا بروح أتصله .. طلعن عويش وساروه ورقعن بالباب رقعه قويه .. لطوف: ما عليج منهن سخيفات وما عندهن سالفه ... دخلت تسبحت ودخلت لطوف عقبي .. عقب أذان العصر يلسنا نتعدل وسحيت شعري ونحن نسولف فاجأني سؤال لطوف .. لطوف : العنود انتي مرتاحه ويا خالوه وعويش ؟ العنود: عادي .. لطوف: بس أبداً ما أشوفج تيلسين وياها .. ولا تحتكين فيها العنود: هالشي أريح لي ولها لطوف: اليوم حمد أخوج عصب عليها .. وخليفه تلوم فيج والله العنود: الحمدالله ان أمج اتصلت والا حمد عادي يفر أي كلمه .. لطوف: قلبي عورني على خليفه يوم شفته متلوم العنود: يالله عاد انتي قلبج جاهز في شي يخص خليفه لطوف: يالله فديته العنود: حنينا لطوف: آآآآآآآه والله اني مرتاحه الحين .. أحس ان هالسبالات كانن يجذبن عليه .. ولو اني مرات أرد أنجلب وأتذكر رمستهن العنود: لو تخليني أقول حق خليفه عن كل شي .. بييب لج الخبر الأكيد لطوف: لالالا مب الحين .. بعدين العنود: متى بعدين لطوف: هالفتره اللي يينا عندكم جربت من خليفه وصرت أرمسه عادي ...قبل مستحيل أيلس وياه في مكان وان يلست ما أرمس.. عقب ما خلصت لبست شغاب حلقه ورديه وسشورت قصتي ورتبتها .. لطوف: شو رايج العنود: جان زين لو خليفه في البيت .. يمكن يحس شوي وينجذب لهالحلاه لطوف: مستحيل أطلع جدامه أصلاً العنود: وين العبي؟ لطوف: ما يا بتهن .. أنا بسير أشوفها طلعت عني لطوف من الحجره وأنا اتصلت حق سالم ووعيته .. ما نش يصلي .. يعني بياخذ وقت لين يقوم ويتسبح ويصلي .. لبست شيلتي وطلعت من الحجره بشوف لطوف شو اللي أخرها .. طلعت سرت عند لامي قالت لي ان لطفين شلتهن .. دخلت داخل سمعت صوتها في الصاله .. أكيد شافت خلوف ويلست السباله أونها ما بتطلع جدامه مسودة الويه... دخلت الصاله .. العنود: لطفين يالسباااا...... انصدمت .. منو هذا لفيت على ورا وتغشيت وطلعت من الصاله .. ربعت حجرتي وأنا ميييته خلاص.. أشوى اني كنت لابسه شيله .. يا ربي فضيييحه .. دخلت لطوف الحجره لطوف: هههههههه العنود: منو هذا لطفين؟ لطوف: هذا عمي بطي العنود: يالفضيييييييحه .. والله ان ويهي قطع .. لطوف: ههههههه عادي الا عمي هوه العنود: ليش ما ييتي تقوليلي انه في الصاله لطوف: ما دريت به .. رديت من برا قالت لي ساروه انه في الصاله العنود: وليش يلستنه في الصاله .. يالفضيحه لطوف: عااااااااادي .. عيل أنا خلوف شافني بالبجامه وفاله الشعر العنود: لا تقولين عادي .. تقهرني يوم تقولن عادي .. شو عادي لطوف: بس عاد عنودي أصلاً عمي ما انتبه لج .. بسرعه لفيتي عنه العنود: يااااااااربي والله مب عارفه وين أودي ويهي .. الحمدالله اني بشيلتي لطوف: متى بتسيرين؟ العنود: الحين بطلع عطيني عباتي .. عطتني لطوف عباتي .. لبستها وطلعت ..رحت بيت أم عبدالله شفت شمسوه عند المطبخ اللي برا شاله المدخن .. يوم شافتني ربعت صوبي شمسوه: أوووووووب .. شو هالكشخه العنيدي العنود: أمحق كشخه .. جحال وغلوس شمسوه: البدله روحها تسد وياهالجسم العنود: من حلاته شمسوه: شو فيج العنود: سالم وين ؟ شمسوه: توه دخل الصاله بسرعه بسرعه .. سولي دخون دخلنا أنا وشمسوه بيت أم عبدالله لقيت سالم وحمدوه يالسين في الصاله .. سالم: ليش ييتي .. بخطف عليج العنود: عادي ما فيها شي سالم: حمدوه سيري هاتيلي عود من حجرة يدوه سارت حمدوه تييب العود ووقف سالم يدخن .. لفيت ورايه شفت حارب توه نازل من فوق .. لفيت عنه وتميت منزله راسي .. حارب: هاه بو غنيم وين العزم انشالله سالم: عندي شغل حارب: عندك شغل وكاشخ هالكشخه .. وبعدين اللي عنده شغل ما يشل حريم وياه حمدوه: منو حريم ؟ ضحكنا كلنا عليها وعلى حركتها كيف نطت في ويه حارب تصارخ حارب: أعوذ بالله صرطتيني شمسوه: ههههههههه تستاهل حارب: أشوف العنيدي بتسير وياه سالم: العنود ما بتسير ويايه بخطفها بيت يدتها شمسوه: ياااااااااالله يا سحيله حارب: منو سحيله ؟ شمسوه: وحده عارفه عمرها سار حارب يضارب شمسوه وأنا وسالم فضلنا انا نطلع من أرض المعركه بسلام .. وصلني سالم بيت يدوه لأني قلت بروح ويانوروه.. سالم: يوم بتخلصين اتصليلي.. العنود: انشالله..مشكور بوغنيم ابتسملي ابتسامه ريحتني .. نزلت ودخلت البيت شفت غيث واقف ويا أحمد عند باب الصاله ... هذا شو يابه لازم تنسد نفسي أول ما أدخل .. وغيث السبال قال بروح دبي.. مشيت لين باب الصاله وفي نفس الوقت طلعت نوروه.. نوروه: مرحبا الساع غيث: منو .. العنيدي!! العنود: السلام عليكم الجميع: وعليكم السلام العنود: شحالكم غيث: بخير ربي يسلمج .. انتي علومج العنود: نوروه يدوه داخل؟ نوروه : هيه تعالي يلسي عندها لين ما أخلص دخلت الصاله و نوروه سارت حجرتها .. العنود: السلام عليكم أم غيث: مرحبا ملااااييين ..فديييت هالحس هويت وسلمت عليها العنود: شحالج يدوه أم غيث: الحمدالله .. شحالج غناتي العنود: بخير ونعمه .. ماسرتي عند هوشج اليوم أم غيث: قالت لي نوره انج بتين قلت بترياج العنود: فدييت قلبج.. منوقدي أم غيث تخلي هوشها عسبي أم غيث: فديت عمرج .. دخلوا غيث وأحمد الصاله..قمت بروح عند نوروه حجرتها .. غيث: وين تبين ؟؟ العنود: دبي غيث: ههههه خيييبه يا نقمتها .. والله توني واصل أحمد: جيه شو بلاها .. طلعت من الصاله.. دخلت حجرة نوروه .. العنود: هذا شو يسوي عندكم؟ نوروه: كان ساير دبي وياغيث العنود: أفف والله اني من شفته لاعت جبدي نوروه: طبيه عنج.. بصراحه مستوي وقح وما يحشم .. العنود: يوم أقولج ما تصدقيني تدافعين عنه نوروه: أمس كنت عندهم تعرفين شو قالي العنود: شوو نوروه: دخل الحجره بدون ما يدق الباب .. وهو يدري اني ويا منى في الحجره .. العنود: جذاابه..عبدالله وين عنه نوروه: فديته عبادي الحشيم مايدري به العنود: تفداج بعير .. شو قالج لبست نوروه شيلتها وتعطرت ويلست عدالي نوروه: أون شو .. شخبارها بنت اختج .. ما رديت عليه جدم مني ورد يسألني شخبارها العنود قلت له بخير ومرتاحه .. سألني شو بتدرسين قلت له هندسه احتشر وكل الدنيا العنود: وهو شو يخصه .. مب من حقه يتدخل .. نوروه: أون قوليلها محد بياخذها غيري وتحلم أخلي حد غيري ياخذها .. قمت بطلع من الحجره .. خلاص مابتحمله أكثر .. قبضتني نوروه نوروه: تعالي يالخبله العنود: بطليني والله يا أخبر غيث ويدوه عليه نوروه : طبيه عنج .. لا تخليني أندم اني خبرتج العنود: وربي فسماه والله والله لو أموت ما خذته لو يكون آخر ريال في هالدنيا .. نوروه: انزين محد بيغصبج عليه .. خليه يزول عنج العنود: قوليله ان ما اصطلب وحل عني بخبر خالي مانع عليه نوروه: انزين انتي خلينا نروح الحين العنود: بعدج تبيني أروح بيتهم وهذا كلامه نوروه: انزين انتي شو تبينه نحن بنيلس في الميلس العنود: مابروح .. نوروه: دخيلج عنودي توها منى اتصلت تتخبرني عنج .. لا تفشليني جدامها العنود: قوليلها ماحصلت حد اييبها نوروه: تستهبلين أحمد شافج تراه العنود: أنا لو مفتكه من أحمد جان أنا بخير نوروه: يالله بسرعه سمعت صوت عبادي في البيت خليني أروح أشوفه العنود: مالت عليج .. طلعنا من البيت .. وجدام الباب كانوا غيث وأحمد واقفين .. خطفنا عنهم ودخلنا بيت خالي مانع .. دخلنا الميلس.. أسما: الحمدالله يوم شفناج العنود: شحالج أسامي. أسما: الحمدالله .. انتي علومج العنود: الحمدالله يسرج الحال نوروه: خواتج وين عيل أسما: منى في حجرتها وموزه في المطبخ موزه(تدخل): لا أنا مب في المطبخ سلمنا عليها ويلسنا شوي ودخلت منى .. وعقب دخلن مريوم العله وخواتها .. كلهن بلا عبي الا أنا منى: عنودي هاتي عباتج .. العنود: لا أنا مرتاحه بها أسوم: شو تبينها عقيها .. راوينا شو لابسه تحت العنود: تراج تشوفينه .. حاولن بس مستحيل هالسبال أحمد عادي يدخل في أي وقت .. دخلنا الميلس الصغير عشان الفواله .. وعقب ردينا الميلس العود.. طول الوقت أسولف ويا أسوم وبنات خالها لأنهن صدق نكته وحبوبات وهالعله مريوم يالسه يانوروه .. لأني قلت حق نوروه إذا عصبت مابسكت عنها .. قبل أذان المغرب .. دخل أحمدوه .. حسيييييييييت انه بيدخل .. عدلت شيلتي ولفيت بويهي .. منى: خير أحمد..بغيت شي أحمد: شحالكن بنات.. البنات : الحمدالله .. وقفت موزوه وسارت صوب أحمد .. شكلها تبغيه يطلع أحمد: صبري أعوذ بالله بسلم عليهن منى: أحمد اطلع أحمد: هاه روضه شو تخصصتي؟ روضه: رياضيات .. أحمد: وانتي العنود؟ ما رديت عليه وكملت رمستي ويا أسوم .. كأني ما أسمعه .. أحمد: أرمسج أنا حوو العنود.. العنود: نعم أحمد: أرمسج ليش ما تردين العنود: ماسمعتك شو تبغي؟ أحمد: شو تخصصتي؟؟ العنود: بعدني ما تخصصت ما بغيت أقوله هندسه بيفتح سالفه وأنا ما أشتهي أشوفه .. وإذا قلت له هندسه بفتح مواضيع وسوالف .. أحمد: وشو بتتخصصين؟ لاااااا إله إلا الله هذا شو يبغي .. أففففف الله ياخذني يوم فكرت أدخل بيتكم .. عناد فيه لفيت على أسوم .. وقلت له العنود: هندسه انشالله أحمد: شوووو .. ليش انشالله شو تبينها الهندسه .. أبوي نحن ماعندنا بنات يشتغلن برا المدارس سخيييف .. وقفت ولفيت على نوروه العنود: يالله نوروه سالم الحين بيي .. منى: عنودي يلسي العنود: لافديتج بروح .. مشيت صوب الباب وبكل وقاحه حط ايده وما خلاني أطلع العنود: ممكن ؟ أحمد: شوو العنود: بطلع أحمد: لا ( دخل مانع أبو أحمد صوب الميلس وشاف أحمد وعصب عليه ) مانع : أحمد أحمد( يفز): نعم أبويه مانع : شو تسوي هنيه عند البنات انت ما تستحي أحمد: ماشي بغيت أسلم عليهن سرت صوب خالي سلمت عليه .. مانع : شحالج العنيدي؟ العنود: بخير ربي يسلمك ... شحالك خالي مانع : الحمدالله .. شخبار أهلج العنود: يسلمون عليكم مانع: الله يسلمهم .. ردي السلام عليهم العنود: سلام يبلغ بالخير مانع: أحمد يالله أشوف جدامي .. الصلاه أحمد: انشالله أبويه طلع خالي من البيت وهالخام وياه ورديت ويانوروه داخل الميلس واتصلت حق سالم .. قالي بيصلي وبيخطف عليه.. منى: عنودي لا تروحييين العنود: لا بروح ..تعبانه أسوم(بهمس): ماعليج من أحمدوه السبال العنود: ماحفلته أخوج .. ولا طرالي أسوم: عيل لا تروحين العنود:خلاص أنا اتصلت حق سالم والحيين بيوصل مريوم: موزوه تعالن سهرن عندنا اليوم منى: عبدالله ما بيطيع مريوم: تعالن ويا أحمد صدق وناسه أسوم: البارحه أحمد اللي ماطاع يخلينا نسهر عندكم مريوم: مستحيل ..انتي قوليله اني أباكن تسهرن عندنا وخليه هو بعد ايي وياكن .. قوليله بنطبخ لكم اللي تبونه .. منى: خير لين فليل .. فقدتج انتي وياه .. مالت عليج تتحراني ميته عليه .. عقب ما طلعوا الرياييل من المسيد اتصلي سالم وقالي انه جدام الباب .. قلت له اني بطلع الحين العنود: أسوم تعالي وصليني بروح أسوم: حرام والله ما بغيتج تروحين العنود: مره ثانيه انشالله موزوه: ما ظني من عقب اللي سواه أحمد اليوم العنود: ماحفلته السبال أسوم: هههه ياقواتج .. تسب أخويه جدامنا .. مريوم: هو ماقالج شي عشان تسبينه العنود: والهلا .. هذا اللي ناقص.. مريوم خلج في حالج محد ياج منى: هدن هدن .. ماصار شي نوروه: عنودي خلينا نروح .. العنود: لا انتي برايج .. سالم جدام الباب .. منى: أسوم روحي ويا العنود .. طلعت ويا أسوم وأنا منقهره من هالعنز .. أففف ما جذبت حمدوه حشى ويا فالها .. أسوم: عنودي سمحيلنا العنود: أسامي انتي ما يخصج ..سلمي على أمج وخواتج .. أسوم: الله يسلمج طلعت ولقيت سالم جدام الباب واقف ويا عبدالله وغيث وأحمد .. ركبت السياره عقب ماشافني .. وقف دقايق وعقب ركب السياره وغيث دق عليه الدريشه .. ما فتحت له ضحك سالم وفتح له الدريشه من عنده غيث: خيييييبه يوم تنتفخ العنود: بغيت شي الشيخ غيث: الرقم لو سمحتي العنود: روح دور خايسه غيري .. أنا بنت عرب وماعندي هالسوالف غيث: هههه .. شو عندج منتفخه العنود: ماشي سالم: قالج انه سار دبي ووصل العصر العنود: سالم غيث مايتصل ولا يسأل .. وأن اتصلت له مايردعليه وان رد بيرمسني دقايق وبيسكر سالم: يستاهل دعمه صدق غيث: مالت عليك أونك بتساعدني سالم:جلب ويهك جانك انت يالخام تزعل بنتنا غيث: السموحه منج .. سالم: قم خلنا نتحرك مشى غيث شوي بعيد عن السياره وتحركنا نحن.. رديت البيت دخلت الصاله ما لقيت حد رحت حجرتي .. لطوف محد أكيد بعدها ما وصلت..غيرت ملابسي واتصلت حق حمدوه وشمسوه.. دقايق ودقن عليه باب الحجره العنود: دخلن حمدوه: واي انتوا .. قوطي أناناس وصل شمسوه: من شكلج يبين انج شفتي حبيب القلب العنود: حبتج سيه وعقرب حيه شمسوه: ههههههههه قلت لج حمدوه: خبريني شو قالج اليوم العنود: تقلقلت فجوجه .. أكررررهه خبرتهن عن اللي صار.. حمدوه: قومن خلن هالسالفه عنكن .. خلنا نروح نشوف الحلقه رحنا الصاله .. شغلت التلفزيون وقعدنا نشاهد التلفزيون .. دخلت عويش الصاله ويلست بدون ماتتكلم .. عقب أذان العشا ردن لطوف وساروه .. كنت في الحجره دخلت لطوف لطوف: أنا يييييييييييت العنود: هلا والله لطوف: متى رديتي ؟ العند: عقب المغرب لطوف: شو سويتي وأنا محد العنود: لا تخافين ما يلست أصيحج لطوف : عنلاتج يالخام .. هذا وأنا أقول اتولهت عليج العنود: ههه .. حمدوه وشميس كانن عندي غيرت لطوف ملابسها وطلعنا نتعشى.. عقب العشى قعدنا كلنا في الصاله وعموه راحت ترقد..الساعه 11 حمد وآمنه راحوا يرقدون .. العنود: لطفين وين سرتن اليوم؟ لطوف: تمشينا شوي وخطفنا كارفور ساروه: ماشالله على دفاشتج يا العنود العنود: أنا !! ليش!!؟ ساروه: ضحك عمي عليج داخله الصاله تصارخين لطوف: ساروه العنود: والله أنا ما كنت أدري ان عمح في الصاله ما تعودت يوم حد ااينا ييلس في الصاله.. ساروه: انشالله تبيني أستأذنج وين أيلس عمي يوم بيي العنود: ساروه أنا ماقلت شي عويش: أصلا انتي شو اللي خلاج تدخلين الصاله لطوف: عويش ساروه سكرن السالفه .. عويش: لطوف فكينا من الصدعه لطوف: عويش ساروه ان ماسكتن عن السالفه بتندمن ساروه: لطفين بس لمي ثمج .. أنا اختج وأكبرعنج لطوف: العنود ما تدري ان عمي كان في الصاله وصدقني ان سمعت ان حد غيرنا درى عن شي يا وييلكن عويش: شو بتسوين يعني؟؟ .. لطوف: انتن تعرفن شو أقدر أسوي عويش: وأنا بعد أقدر لطوف: على قولتهم عليه وعلى أعدائي طلعت لطوف من الصاله وهيه تصيح .. لحقتها الحجره كانت على الشبريه متلحفه .. العنود: لطفين بس لا تصيحين لطوف: أبغي أبويه العنود: لطوف انتي تعرفين ان أبوج مسافر .. لا تنجلبين علينا ياهل لطوف: في عمري ماشفت اخت جذيه ويا اختها العنود: انتي لا تعاندينها .. هيه اختج وأكبرعنج.. لطوف: ما تسمعينها كيف تهددني تقول مسويه فضيحه وساروه ساكته عنها العنود: صدقيني ما يقدرن يسون شي .. لأنهن لو تكلمن انتي بعد بتتكلمين لطوف: عويش منقهره لأن عمي شافج .. وان تكلمن ما بيقولن انج ما تدرين انه في الصاله أنا أعرفهن .. بصراحه هالشي ما فكرت فيه .. صح عادي عويش تقول اني طلعت جدامه .. وان دروا بيسوولي سالفه ... استغفر الله شو هالحياه سمعت دق على الباب .. العنود: حياااك انفتح الباب شفت ساروه العنود: تعالي ساروه جربت ساروه ويلست على شبريتي .. شكلها تبغي تكلم لطوف .. قمت شليت تيلفوني وطلعت من الحجره .. يلست في الصاله واتصلت حق خليفه .. أريد أساله متى بيرد عشان يوصلنا عند حمدوه وشميس .. الساعه 12:30 دخل خليفه البيت العنود: حشى ما بغيت خليفه: شو تبين ؟؟ حشرتيني بالتيلفون العنود: وصلنا عند حمدوه وشميس خليفه: انتن لازم تسهرن رباعه العنود: تراكم انتوا تحبون تسهرون ويا ربعكم .. خليفه: قومي يالله بوصلج وخلي حد يردكن .. العنود: انزين رحت الحجره ويا خليفه دقيت الباب ودخلت وخلفيه عند باب البلكونه يترياني العنود: بروح عند البنات .. ما بتروحن ويايه؟ لطوف: اروحج !! العنود: لا خلوف بيوصلني .. ما بتروحن؟؟ ساروه: لا أنا فيني رقاد لطوف: أنا بروح طلعنا من الحجره ساروه راحت فوق وأنا ولطوف رحنا ويا خليفه .. وصلنا بيت أم عبدالله لقينا حمدوه وشميس وحصوه يتابعن فلم أجنبي .. خليفه: سمعن لا تطلعن اروحكن حمدوه: ما عليك بنوصلهن .. طلع عنا خليفه وكملنا السهره لين الساعه 3:30 دخلوا حارب وعلي .. ووصلنا علي البيت .. |
نترياااااااااا الباااااااااااااارت اليديد لا طولين علينااااااااااا:54: |
يلا وين البارت |
ريمــــــــــاني ليش طولتييي علينا :101: نسينا القصه وانتي بعدج مانزلتي البارت اليديد:184: |
يلا نبغي البااااااارت بسرعه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
رووووعه يسلمو ع الطرح |
وين البارت اليديد |
ريماني ويييييييييييييييين البارات |
تسلمين ع القصه الحلوه نتريا البارت الياي |
ويييين البارت ننطره ترانآ .. |
اسمحولي اتاخرت عليكم .... الـــــــــــجــــــــــــــــزء الـــــــــــــــــــــــعــــــــــــــــــــــــ شـــــــــــــــريــــــــــــــــــــن مرت الأيام وأنا حياتي تمشي على هالحال .. حصوه ابتدت تتزهب .. موزه وريلها ردوا من ألمانيا ولطوف وساروه ردن بيتهن.. عويش من يوم شافني بطي وهيه كارهتني .. شموه كل يوم عن يوم وهيه تبتعد عني تمر أيام ما أشوفها ولأدري عنها ..دخلنا في الشتا البارد .. ونعيش أيام شهر رمضان .. هالاسبوع أول اسبوع من رمضان واللي متعبنا أكثر امتحانات المدتيرم ... حمدوه : أنا امتحاناتي من باجر لين الأثنين الياي .. عندي يومين اجازه شموه: امتحان المجتمع الساعه كم؟ العنود: الساعه ثمان فليل حمدوه: يعلني بلاه شو بييه لو خلاه في وقت الكلاس .. الا دكتورنا مستبطر حصوه: عنودي في اجازة العيد بنروح نفصل فساتين ما بتروحين ويانا العنود: بشوف عويش قبل شمسوه: يالعنز هيه ما تفتكر فيج حتى العنود: برايها .. حمدوه: بذمج قالت لج تعالي بنفصل شي حق العيد العنود: ما يهمني .. ولا أباها تقولي حصوه: انتن منو تعاين .. خلنها عنكن حمدوه: خلنا نسير عند الحرمات أبرك .. الحين أمايه بتهزبنا ما سوينا شي حق الفواله حصوه: قومن ..... رحنا الخيمه عند الحرمات اللي كانت داخل البيت وخيمة الرياييل كانت جدام بيت أم عبدالله .. في الخيمه كنا نتابع الحلقه ودخل سالم عندنا.. سالم : السلام عليكم الجميع : وعليكم السلام سالم: قومن حطلنا فواله .. رياييل يايين صوبنا شمسوه: الحين!! سالم: هيه الحين شمسوه: عنبوه هذا وقت حد ايي فيه .. ما تم شي من الفواله ... سالم: سون غيرها يالله .. قومن رحنا المطبخ وما عرفنا شو نسوي حمدوه: شو هالحاله .. طالع الساعه كم الناس باجر عندهم دوامات وأهلنا فاتحين خيمهم العنود: يالله انتن خلصنا الحين بيدخل سلوم والاعليوي بياكلونا منصور( يدخل): لا منصور اللي بياكلكن حصوه: هذا اللي ناقص منصور: تعرفن من عندنا حموده: منو!! منصور: ريل حصيص واخوانه التفتنا كلنا على حصوه اللي احمرت ونزلت راسها على العجينه .. شمسوه: أوب أوب أوب .. شي اللي يستحون العنود: يالله راوينا شطارتج الحين حصوه: عن السخافه وخلصنا حمدوه: بعااااااااد .. خلصنا!! نشتغل عندج انتي وريلج حصوه: لاااا إله إلا الله .. وبعدين يعني حمدوه: خلاص ما بنقولج شي مانع: أنا كل يوم عندكم ماشفتكن فالمطبخ تسولي شي حمدوه: قلتها كل يوم عندنا.. يعني هب ضيف لو كنت ضيف جان سوينا لك شي مانع: مالت عليج حمدوه: منصور انت ومانع طلعوا الحين لا أقطعكم بالسجين مانع: خلنا نطلع يابوك .. هذي ساحره تسويها ضحكنا على تعليق مانع وحمدوه تموت من القهر .. مضيجه .. كملنا اللي فايدينا وطرشنا الفواله ورديت البيت .. غيرت ملابسي ويلست أقرا قرآن لين الساعه ثنتين .. ورقدت ....... ما رمت أفتح عيني اليوم من الرقاد اللي فيني .. ومالي خاطر على الدوام .. شو فيها إذا ما داومت من بداية الكورس وأنا ما عندي ولا غياب .. سمعت دق على الباب .. قمت فتحت حمد: شو مب ناويه تروحين الجامعه العنود: بصراحه ما أروم حمد: شي يعورج؟ العنود: لالا بس فيني رقاد حمد: الساعه كم بتخلصين العنود: 11:30 حمد: احمدي ربج عيل اللي يخلصون وحده وثنتين .. واللي يخلص أربع كلام حمد شجعني .. وخلاص دام اني نشيت من الرقاد ما بقدر أرقد مره ثانيه .. طلعت كتبي وخلصت و رحت الجامعه ويا حمدوه وشميس وحصوه .. من عقب اللي صار عويش حتى ما ترضا تروح ويايه الجامعه .. ... عقب ما خلصت كلاساتي رديت البيت على طول .. رقدت لين الساعه ثلاث .. قمت أقرى قرآن وصليت العصر وعقب الصلاه ابتديت أضارب كتاب المجتمع وهالمره صدق الدكتور عطانا كميه كبيره وأنا مصممه أحصل تقدير فيه لأن المساقات الكورسات اليايه بتكون صعبه وهذا مساق واحد ويا مواد التعليم يعني لازم أستغل هالفرصه .. درست لين أذان المغرب .. توضيت وطلعت في غرفة الطعام .. كانوا كلهم يالسين بيفطرون .. أم حمد:تعالي بنتي هنيه عدالي قعدت عدال عموه .. كلت تمره وشربت شوية شوربه وقمت .. رحت صليت .. ماكان لي خاطر على الفطور .. يلست أشاهد التلفزيون عشان أرجع أكمل دراسه .. الساعه ست ونص دخلت حجرتي شفت فيه ثمان مكالمات من سلامه وشيخه .. أكيد بيسألن ليش ما ييت أفطر.. بروح عند الفواله .. يلست على المكتب أحاول أدرس.. الكميه وايد صعبه وكبيره الله يعين حمدوه وشمسوه عندهن امتحان قبله .. عقب أذان العشى قمت تسبحت وصليت التراويح.. في وقت الفواله رحت بيت أم عبدالله دخلت الصاله شفت شمسوه تدرس .. العنود: السلام عليكم شمسوه: وعليكم السلام العنود: هاه شو أخبار الدراسه شمسوه: لا اتخبرين .. يلست ألعب طول الوقت وعند أذان المغرب حسيت انه ماشي وقت العنود: وحمدوه شمسوه: توها ركبت فوق..ان يلسنا رباعه ما بنظوي شي.. العنود: درسي انتي أنا بروح أشوفها رحت فوق كانت حمدوه منسدحه على بطنها ومغمضه عيونها تحفظ وتكرر اللي قرته .. العنود: ماشالله ماشالله حمدوه: آآآآآآه يالعنيدي .. بتخبل العنود: مايسوى عليج الا درجات دنيا حمدوه: مالت علينا أون بنذاكر أول بأول .. الإداره تبالها كناري في الانجليزي هب نحن .. العنود: وايد باقي حمدوه: ثلاث مذكرات .. ماأدري متى بخلصهن العنود: انزين خلينا نروح الخيمه بناكل شي وبتردن تكملن حمدوه: أنا الفطر ما فطرت .. تبيني أروح للفواله .. بتبطين الساع العنود: أنا بعد ماييت عند الفطر.. حمدوه : ليش؟ العنود: مالي نفس .. قعدت أدرس مجتمع حمدوه: الله يساعدنا ...يعلني بلاه ما طاع يخففلنا العنود: أنا بروح أييب لكن شي تاكلنه رحت عن حمدوه وعلى الدري تجابلت وياحارب أنا نازله وهويركب .. صارلي اسبوع ماشفته .. أول ما شافني وقف وابتسم الابتسامه اللي من أشوفها أتلخبط ما أدري ليش.. حارب: شحالج عنودي العنود: طيبه طاب حالك..انت شحالك حارب: يسرج الحال .. وين تبين ؟ العنود: يايه أشوف حمدوه وشميس حارب: ماشالله مسرع ما تتولهن على بعض .. متلاقيات عند الفطر العنود: لا اليوم ولا وحده منا يت عند الفطر حارب: ليش ؟ العنود: حمدوه وشميس عندهن امتحان حارب: وانتي تآزرينهن ما يتي تفطرين العنود: أكيد بآزرهن .. وبعد ماكان لي خاطر حارب: ........... العنود: بروح الحين ..ممكن؟ انتبه حارب انه كان ساد الدرب جدامي .. سوا حركه ضحكتني عليه وتحرك عني ورحت عنه .. رحت الخيمه عند الحرمات .. العنود: السلام عليكم الجميع: وعليكم السلام سلامه: وين انتي اليوم ماييتي تفطرين؟ العنود:ماكان لي خاطر .. شيخه: تعالي .. ما أظني كلتي شي .. العنود: لا أنا يايه أشوف شو مسوين بشل حق حمدوه وشميس أم حمد: غربلا هالبنات اللي بيجتلن عمارهن أم عبدالله : تعالي غناتي حطيلكن هريسه من الطبقه .. حطيت هريس في صحن وحطت لي شيخه صحنين من كل اللي موجود عالفوله .. ورديت الصاله رحت فوق زقرت حمدوه ونزلت كلنا ورديت البيت ورقدت .. ....... يوم الأحد قمت وقت السحور ومن عقب ما تسحرت رديت الحجره قريت قرآن وصليت الفجر وطلعت في الحديقه مع أن الجو بارد وقعدت أدرس .. الساعه سبع رحت غيرت ملابسي ورحت الجامعه.. الساعه 11:30 كنت في الرسبشن وشفت حمدوه وشميس عند الباب حمدوه: هلا العنيدي .. زين لحقنا عليج العنود: بتروحن؟؟! شمسوه: هيه العنود: ليش ؟؟! شمسوه: خلاص ما فيني حيل ما بحظر الكلاس .. علينا امتحان باجر والا نسيتي العنود: شو سويتن اليوم؟ حمدوه: أنا حسيته صعب شوي .. شميس: الله كريم اتصلت حق سليم ورديت البيت .. اتفقنا انا نرد ونرقد ونقوم العصر نبدا دراسه .. وصلت البيت ولقيت حمد في الصاله .. العنود: السلام عليكم حمد: مرحبا الساع بالحلوين العنود: غريبه في البيت من وقت حمد: خلصت ورديت .. تعبان أبغي أرقد العنود: انزين روح ارقد حمد: بصلي قبل العنود: أنا بعد بتريا الأذان حمد: زين عيل يلسي ونسيني .. فريت الكتب والشنطه وقعدت أسولف ويا حمد لين أذان الظهر .. حمد: يالله أنا بروح المسيد العنود: أنا بعد بروح أصلي وبرقد لي ساعتين ورايه امتحان باجر حمد: متى تبين تقومين العنود: بتوعيني؟! حمد: هيه .. أنا أحسن منبه في هالبيت العنود: منبه والا مغثه حمد: مغثه في عينج هب منج مني أنا اللي بسوي فيج خير العنود: ههه لا فديتك .. يوم بتروح تصلي العصر وعني حمد: أوكي .. اتفقنا ... طلع حمد من البيت وأنا رحت حجرتي .. غيرت ملابسي صليت وانسدحت برقد.. الساعه ثلاث ونص قمت أسمع دق فضيع على الباب... الله يستر بس .. فزيت أربع وفتحت الباب العنو: شو .. شو صاير حمد: ماشي بس انتي قلتي لي وعني تساندت على الباب وتنهدت براحه .. العنود: يوم قلت لك مغثه.. حمد: لأنج قلتي مغثه كسرت الباب .. لو مدحتيني جان عرفت أوعيج بهداوه العنود: صليت ؟؟! حمد: لا بعدني العنود: يالله روح قبل مايصلون عنك .. عقب ماصليت العصر .. اخترت الميلس اللي داخل أدرس فيه .. منفتحه نفسي للدراسه ومر الوقت وأنا على حالي ما طلعت ... دخل خليفه الميلس وأنا كنت عاطيه ظهري للباب .. وقف ورايه وأذن .. العنود: غلطان أخوي الجامع عند الدوار خليفه: قلنا جامعيه وتدرس بس هب هالكثر العنود: اهب من عينك قول ماشالله خليفه: ماقالوا لي قول ماشالله..قالوا لي قولها تي تفطر انتبهت للساعه ..كان مأذن .. العنود: ما انتبهت انه أذن خليفه: مخج وعيونج واذنيج ويا الدراسه .. شقايل بتنتبهين العنود: خلوف قول ماشالله .. عطاني ظهره ومشى عني لحقته وربع وأنا أربع وراه ..دخلنا غرفة الطعام .. حمد:بدال هالربعان تعالوا فطروا وادعوا ربكم العنود: حمد ولدك يتاوح عليه من الصبح خله يقول ماشالله حمد: خلوف قول ماشالله .. بتاكل عمتك خليفه: أنا ما آكل لحم انسان العنود: قول ماشالله خلوف .. مافيني باجر أخبص في الامتحان خليفه: مستحيل تخبصين وانتي هذي دراستج أم حمد: خلوف .. بسم الله من عينك قول ماشالله لا أفرك بهالكوب خليفه: ماشالله .. ماشالله حمد: دواك .. ماتيبك غير هزبة أمايه .. تعالي عنودي .. رحت قعدت عدال حمد أخويه .. صب لي شوربه وعطاني اياها العنود: فطرت؟؟! حمد: هيه فطرت العنود: خساااااره حمد: ليش ؟ العنود: كنت أريدك تدعيلي .. حمد: الله يوفقج غناتي ويسهل امتحاناتج خليفه: أنا بعد أبويه ؟ حمد: دعوه بلا دراسه ما تصير .. لازم تدرس خليفه: بعد ما تعلم جاد ان ربك يقبلها العنود: منو قالك انه السديس يرني حمد من اذني .. حمد: مب لازم أكون السديس عشا ربي يقبل دعوتي طلعوا حمد وخليفه وراشد رايحين المسيد وأنا كملت الشوربه ورحت حجرتي .. ... عقب صلاة التراويح.. خلااااااص تعبت .. ما أقدر أستوعب أكثر .. صح اني أراجع اللي درسته .. بس كأني أول مره أقراه .. وطيت كتابي وقمت أتسبح يمكن أتنشط شوي .. طلعت من الحمام شفت حمدوه عندي حمدوه: نعيماً العنود: الله ينعم عليج حمدوه: شو خلصتي ؟ العنود: لا بعدني .. صح مخلصتنه أمس بس من بديت اليوم بعدني ما خلصته حمدوه: أنا خلاص سطلت العنود: شميس وين؟ حمدوه: قالت بتروح تتسبح قلت بيي أشوفج .. يعني ناخذ ريست العنود: أنا بعد تعبت قلت برتاح حمدوه: ياااالله حصيص المرتاحه .. مساقين بس العنود: يالله .. الله كريم .. حمدوه: يالله بنروح معاج بيتنا .. بندرس كلنا مع بعض.. العنود:تعالي بشوف حمد قبل حمدوه: شو تبينه؟ العنود: بقوله بتم عندكن اليوم طول الوقت رحنا الصاله شفت حمد وقلت له اني بتم ويا حمدوه وشميس .. رحنا بيت أم عبدالله حمدوه: السلام عليكم شمسوه+حصوه: وعليكم السلام شمسوه(تقرا): وتعتبر دولة الإمارات العربية المتحده ..... العنود: بس بس بس فكينا من الصدعه حصوه: تعالن فكني منها من الصبح مستويه دكتور تشرحلي رن تيلفون الصاله وردت عليه حصوه ... حمدوه: بعدني فصل كامل ما أعرف شي فيه شمسوه: انتي حتى لو ما امتحنتي باجر بيعطيج A العنود: مالت علينا نحن..عايف شوفتنا حصوه: تقولكن أمايه سيرن الخيمه العنود: أنا مالي خاطر شمسوه: أنا بعد حمدوه: قوليلها ما نبغي .. قعدنا في الصاله ندرس بس كل شوي وحده منا ترمس الثانيه .. حصوه: أنا بيلس في البلكونه أبرك لي .. حشى ما قدرت أقرا شي من الصدعه حمدوه: أنا بروح الصاله اللي فوق ... طلعت حصوه وأنا وحمدوه رحنا فوق وشميس تمت في الصاله ..دخلت حجرة شميس وحمدوه اللي في بيت أم عبدالله .. بدينا في الجد والدراسه وما طلعت لين الساعه وحده عقب ما حسيت بيوع .. العنود: حمدوه يوعانه حمدوه: توني أقول بنزل بروح أشوف شي ناكله .. العنود: يابوج مايسوى علينا هالامتحان ... ما كلت شي اليوم .. شربت شوربه وتمرتين حمدوه: مينونه .. نزلنا تحت كانت شمسوه طايحه وسرحانه.. وشكلها يفطس من الضحك العنود:بعطيج اللي تبينه إذا ماكانت تفكر في عليوي .. حمدوه: ويييييين بنت اختج ما تعرف الرومانسيه العنود: تعالي تعالي .. ... العنود( تصرخ): شمسووووووووه شمسوه: ويعه العنود: وييييييييين وصلتي؟ شمسوه: حشى فلختيني العنود: في شو تفكرين؟ شمسوه: مايخصكن حمدوه: درستي؟ شمسوه: باجر ما بروح الجامعه حمدوه+شمسوه: ليش؟ شمسوه: عندي كلاسين باجر المجتمع قال لا تحظرون والاحصاء ماعندي غيابات فيه حمدوه: عيل أنا بعد ما بروح العنود: أنا وياكن حصوه( تدخل): شو وياكن ؟؟ شو بتسون ؟ شمسوه: ما بنداوم باجر .. بنكمل دراسه حصوه: يالمخبل رقدن وقومن عقب السحور شمسوه: لا أنا مابقدر أرقد وأنا ما خلصت العنود: اييه أنا يوعانه خلن هالسالفه عنكن .. حصوه: أنا بعد حمدوه: قومن خلنا نروح المطبخ .. مرينا المطبخ التحضيري وما حصلنا شي خذنا بيبسي ورحانا المطبخ اللي برا .. حمدوه: شو هذا أنا ما أبغي جباب .. شمسوه: حصوه شوفي شو فالثلاجه حصوه: مهلبيه العنود: شو هذا أنا يوعانه شمسوه: يعلني بلاكن من بشاكير مكثركن وما أقل بركتكن حصوه: تعالن بنطلب من الكفتريا ردينا الصاله وطلبنا من الكفتريا وسحبت حمدوه الزوليه وفرشتها جدام باب الصاله .. يلسنا نسولف نتريا الشيخ اسماعيل يتكرم علينا .. الجو بارد يلست متكوره وريولي لحفتهن بالكندوره ولفيت شيلتي عليه .. العنود: برد يعلني بلاج يا حمدوه ويا شورج حمدوه: أنا طلعت بروحي ما أمرت عليكن حصوه: وانتي ليش لابسه هالجلابيه .. العنود: شدراني انكن بتتخبلن وبتقعدن برا شمسوه: وين هالأهبل ما هضل .. كنا يالسات على طرف ما يبين اللي بيدخل البيت بس انتبهنا لليت السياره .. عقب عشر دقايق شفنا سالم يمشي صوبنا و شال كيس الكفتريا .. ولا وحده منا اتوقعت انهم بيون في نفس الوقت ويا اسماعيل شمسوه( بهمس): يعلللني بلاك يا اسماعيلوه .. حصوه: أنا ماااالي شغل العنود: هب هذا شورج .. الحين مالج خص سالم: السلام عليكم البنات: وعليكم السلام والرحمه سالم: منو اللي طالب من الكفتريا؟ ..لا جواب... سالم: أسألكن .. شو صرطتن لسنتكن؟ العنود: م ..ب..سالم ... سالم: ردن.. شمسوه: حمدوه كانت يوعانه واتصلنا حق اسماعيل .. مالقينا شي في المطبخ حط سالم الكيس جدام حمدوه وقعد .. سالم: مره ثانيه تبن شي اتصلن لنا ... لو أنا مالقيته عند الباب منو اللي بييبه منكن شمسوه: زينب واعيه ما رقدت سالم: وليش واعيات لين الحين حصوه: ندرس عندنا امتحانات باجر سالم: ليش ما تاكلن؟ العنود: انت الله يهداك مسوي زحمه والشارع فاضي ... ما رمنا نرمس سالم: عشان ما تطلبن مره ثانيه هالحزه شمسوه: هيه .. لو قلت لك اني أنا يوعانه وطلبت بتفرني بالكيس .. العنود: عاد هذي غير هذي حمدوووه استحت حمدوه وحطت عينها في كتابها وما يبين ويهها سالم: عنودي وشميس ان ما اصطلبتن بساطع بكن الايدار اللي وراكن حصوه: لالالا حرام عليك كله ولا الايدار العنود: عنلاتج يالعنز سالم: يالله انطعين وكملن دراسه .. ما أدري شقايل بتفلحن وانتن رباعه .. علي: يقولون الشياطين ينربطون في رمضان .. أشوفكم أحرار سالم: وعليكم السلام ورحمة الله وبركاته علي : السلام عليكم الجميع: وعليكم السلام علي: شو ميلسنكم برا في هالبرد سالم: ييت لقيتهن بارزات علي: روعتوني سمعت الا رمسه ما شفت حد منكم سالم: حارب وين؟ علي: طلع عنا وما رد حمدوه: روحوا بعيد كملوا رمستكم خلونا نكمل دراسه علي: الله عاد الشيخه حمده بتحطمين الدنيا .. العنود: انتوا ماعندكم دوامات باجر؟ سالم: عندنا.. شمسوه: يالله عيل .. روحوا رقدوا راحوا عنا سالم وعلي عقب ما غلسوا علينا .. وحصوه راحت ترقد وبقينا أنا وحمدوه وشميس .. كل وحده منا عاطيه الثايه ظهرها وعينها في كتابها .. الساعه ثنتين ونص .. شفنا حارب يتمشى في الحوش ويتكلم في التيلفون .. حمدوه: هذا حرووب شمسوه: تو الناس ما بغى يرد العنود: درررررررسسسسسسسسسن حمدوه: تعالن بنروح صوبه .. بزيغه شمسوه: ما عندج سالفه راحت حمدوه ونحن ما تحركنا كنا نشوفها من بعيد .. مشت من وراه وفرته بحصاه .. التفت وراه وطنش .. شمسوه: ههه والله لو أنا ما تشوفون غير غبرتي .. تمت حمدوه تفر حارب بالحصى وهو ما تحرك كمل رمسه في التيلفون .. وعقب ما سكر لف معصب.. وقفت حمدوه وصرخت حارب: اهب.. يالينيه شو موعنج .. وليش طالعه برا هالحزه حمدوه: هههه يالسين ندرس حارب: ما تيوز الدراسه داخل حمدوه: ملينا من داخل .. طلعنا نغير جو ردت حمدوه صوبنا وحارب يا معاها حارب: السلام عليكم العنود+شمسوه: وعليكم السلام شمسوه: شو هالكشخه حارب.. من وين ياي حارب: من وين بعد .. عند الرياييل حمدوه: ماشالله كلكم مطقمين اليوم انت وسالم وعلي حارب: جيه الا انتن تلبسن شرات بعض حمدوه: منو كنت تكلم في التيلفون حارب: مالج شغل .. سكتنا فتره وأنا ما قدرت أرفع عيني .. يوم يكون يالس ما أقدر آخذ راحتي وايد .. كنت منزله عيوني على كتابي وأشخبط فيه بس ما كنت أقرا ولا أستوعب شي .. حارب: ههههه شو هذا عنودي .. شكلج يفطس من الضحك لفيت عليه وطالعته بعيون مستنكره كلامه حارب: ليش متكوره على عمرج جذيه العنود: بردانه حارب: ردن داخل .. قومن العنود: داخل الجو دافي .. نحس برقاد .. حارب: ماشي وازنكن على السهر قومن رقدن حمدوه: أنا ما برقد لين أخلص باقلي عشر صفحات العنود: أنا برد البيت عقب ما أخلص وبرقد شمسوه: أنا بصراحه سطلت أبغي أرقد.. بروح أرقد وبقوم الصبح حارب: متى امتحانكن ؟ حمدوه: باجر الساعه ثمان فليل حارب: بعده عندكن وقت .. قومن رقدن شمسوه: بنروح عقب ساعه تقريباً حارب: عنبوه عنودي بتموت من البرد ... قومن أشوف شمسوه: مااااااااا نرييييد حارب: مب بشوركن يالله أشوف جدامي العنود: لالا أنا مرتاحه .. حارب: مافينا تطيحين علينا مره ثانيه.. قووووومن ماعندي وقت شمسوه: انزين روح ماحد قالك تريانا حارب: شوفن ان ما قمتن أنا براويكن شقايل بتقومن حمدوه: انزيييين قمنا ودخلنا داخل البيت .. صدق حسيت بدفاااا .. العنود: الله الصاله دافيه راح حارب وما أدري شو عابل في المكيف وحطه على التدفئه .. شمسوه: لو أنا بموت من البرد متجمده ما بتقولي دخلي داخل .. حمدوه: ماشااااااااااااالله .. لقطتها على الطاير شمسوه العنود: شو هيه حمدوه: خلج في كتابج انتي شو يقولن هذيلا .. أحس عمري هبلا بينهن .. حارب: يالله أنا بروح أرقد .. تامرون على شي العنود: سكر الباب وراك .. لو سمحت يعني حارب حشى يابوج ما بغيتي وترمسيني..مالت عليه يوم رمستني أمرتني) شمسوه: ههههههه حارب: شو يضحكج شميس.. حمدوه: قالوا لك سكر الباب حارب: مالت عليكن حمدوه: تصبح على خير رقع حارب الباب وما رد عليها العنود: عن شو كنتن ترمسن؟ حمدوه: عن شوو؟ العنود: اللي لقطتيها على الطاير .. شمسوه: شو هييه؟ العنود:أنا أسألج لا تستهبلين شمسوه: عنودي درسي خلينا نخلص العنود: بموت من الفضول والله حسيت عمري هبلا .. شمسوه: الحمدالله العنود: على شوه ؟ شمسوه: على كل شي قهرني .. بصفعهن .. طنشتهن ورديت أدرس .. الساعه أربع لفيت لقيت حمدوه منسدحه تحاول تقرا وشمسوه رقدت على الكنبه العنود: بترقدن؟ حمدوه: بصراحه أنا فيني رقاد العنود: ان طلعنا برا بيشوفونا وبيلزمون على السحور وأنا مالي خاطر حمدوه: ولا أنا .. بتريا الاذان بصلي وبوطي راسي العنود: تعالي وصليني حمدوه: مب لازم باتي عندنا العنود: لاااا .. وصليني ما بييج شي حمدوه: ماشي سيره رقدي عندنا العنود: جلبي ويهج بروح اروحي حمدوه: حووو صبري بوعي شمسوه وبنوصلج.. حشى ماتنرام العنود: شميس .. شمسوه شمسوه: هممم حمدوه: قومي شمسوه: الساعه كم حمدوه: الساعه أربع .. قومي خلينا نروح فوق شمسوه: ما ريد .. خلوني هنيه العنود: قومي عشان ترقدين وانتي مرتاحه قعدت شمسوه فتره تحاول تصحصح وطلعنا من الصاله لقيناهم كلهم يتسحرون في غرفة الطعام المجابله أم عبدالله: شو ياكن بطيتن .. حمدوه: أصلاً نحن ما رقدنا .. شيخه: حسبي الله على عدوكن .. شو مقعدنكن لي هالحين حمدوه: نظارب هالكتب اللي ما رمنا نخلص سلامه: تعالن تسحرن .. حمدوه: لا ما نريد .. شيخه: تعالن .. تعالي العنود العنود: لالا بروح .. خلاص تعبانه بوسالم: الله يوفجكن وايسرلكن حمدوه: آميين .. عمي ..أبويه ادعوا لنا طلعنا من الباب الوراني ووصلني حمدوه وشمسوه لين البيت .. من بداية رمضان ونحن نقدر نطلع في أي وقت .. هالشهر يعطينا احساس بالأمان ما أدري ليش.. دخلت البيت من الباب اللي ورا ورحت حجرتي على طول.. توضيت وتسننت .. قريت قرآن .. صلت وادعيت ان الله ما يضيع تعبي .. الله يرحم أبويه وأمايه .. عقب ما خلصت انسدحت ببرقد .. من سمعت دعوة بو سالم وأنا قلبي يعورني .. دايمأً أبويه الله يرحمه كان يدعيلي بهالدعوه يوم يوصلني الامتحان .. الله يرحمك يا أبويه .. ....... الجــــــــــــــــــــــزء الـــــــــواحــــــــــــــــــــــــد والـــــــــــــعـــــــــــــــــشـــــــــــــــ ـرين الساعه 12 الظهر قمت مختبصه .. ماحد قعدني.. أبغي أراجع بعض الصفحات .. قعدت أدرس من الساعه وحده وما طلعت من البيت .. الساع أربع ونص طلعت ملابسي وخليت لامي تكويهن .. شليت كتابي ورحت عند شمسوه .. أول ما دخلت بيت أم عبدالله شفتها قاعده برا وين كنا البارحه قاعدين ندرس.. العنود: السلام عليج شمسوه: وعليج السلام العنود: خلصتي ؟ شمسوه: أراجع بعض الصفحات .. العنود: هذا منتصف وجذيه الله يعين الفاينل شمسوه: حشى ذبحنا .. مايقول رمضان وماشي وقت .. العنود: حمدوه وين ؟ شمسوه: توها كانت طالعه بتطلع لها ملابس العنود: أحس اني تشبعت .. خلاص شمسوه:أنا قبلج العنود: شي عندج امتحان باجر؟ شمسوه: لاء .. يوم السبت .. وانتي؟ العنود: عندي الاسبوع الياي والسبت وثلاثا شمسوه: شوو؟ العنود: عربي وIT شمسوه: متى بتخلصين؟ العنود: الخميس الياي عليه رياضيات شمسوه: انشالله .. خلينا ندخل أنا ما أقدر أدرس خلاص رحنا حجرة شمسوه طلعت ملابسها .. أذن المغرب رحنا فطرنا وصلينا وعقب رحنا الخيمه .. أم عبدالله: حشى يا هالبنات ما بغن ياكلن القوت الزين أم حمد: عويش وين اليوم ؟ آمنه: تقول ما تبغي ؟ أم عبدالله : بالدور تراهن حصوه: عويش عندها امتحان الحين؟ آمنه: لالا ما عندها شمسوه: قومن بسكن خلنا نروح سلامه: أنا راعيهن .. جيه كلن شيخه : متى امتحانكن ؟ العنود: الساعه ثمان شيخه : بعدها الساعه ست ونص شمسوه: لين يخلصن يبالهن ساعه أم عبدالله: أس قطعيها هالرمسه .. عنبوه تامات ماينعرف لكن ويه من مقفا رضن من هالثريد وهالعيش .. يلسنا ناكل وكل ما بغينا نقوم نحصل هزبه من عموه.. حمدوه: لااااا إله الا الله شمسوه: بس تعبت بسطل في الامتحان أم حمد: برايكن عيل قومن حمدوه: عقب شو.. خلاص أحس اني مب قادره أوقف من كثر ما كلت .. عقب ما طلعت عنهن رحت البيت ...غيرت ملابسي واتصلت حق نوروه اتولهت على يدوه .. نوروه: ألو العنود: السلام عليج نوروه: وعليج السلام .. هلا والله العنود: شحالج نوروه: بخير ونعمه العنود: انتي وين ؟؟ نوروه: بيت خالي بعدنا ما ردينا العنود: يدوه عندج ؟ نوروه: هيه العنود: اعطيني اياها ... أم غيث: ألو العنود: مرحبا بهالصوت أم غيث: فدييت عمرج .. شحالج العنيدي العنود: يسرج الحال .. انتي شحالج أم غيث: أنا الحمدالله .. انتي علومج العنود: علوم الخير والله .. أم غيث: فدييت عمرج يا بنتي العنود: يدوه عليه امتحان الحين ادعيلي أم غيث: الله يسهل امتحانج يا رب .. الله يعينج العنود: فديت روحج يدوه أم غيث: الله يوفقج يا رب .. العنود: برايج يدوه .. أنا بروح الحين تامرين على شي أم غيث: سلامة قلبج غناتي العنود: سلمي على اللي عندج أم غيث: الله يسلمج سكرت عن يدوه .. ما أدري شو الاحساس اللي خلاني أحس انها كانت تصيح .. يمكن من نبرة صوتها .. فديت روحها ..انتبهت للساعه كانت سبع وربع .. رحت بيت أم عبدالله دخلت بيت سلامه .. رحت حجرة حمدوه العنود: خلصتي ؟ حمدوه: أتريا هالعنز تييب العباه والشيله العنود: بسرعه ما فينا نتأخر تحيدينه .. حمدوه: شميس لين تخلص عاد العنود: يالله خلينا نروح لها نزلنا تحت كانت البشكاره توها داخله وشاله عباة حمدوه لبستها وطلعنا شفنا شمسوه توها طالعه من البيت ورحانا صوبها .. شمسوه: اتصلتن حق الدريول العنود: لاء شمسوه: تعالن بروح أييب تيلفوني خليته في بيت يدوه .. مشينا لين بيت أم عبدالله وأنا أتصل حق سليم .. سليم: ألو العنود: ألو سليم تعال بيت بابا عبدالله بنروح الجامعه سليم: أنا في صناعيه العنود: شو تسوي في الصناعيه سليم: هذا سياره سوي تبديل آيل العنود:انزين برايك ... العنود: سليم في الصناعيه لين يرد بنتأخر حمدوه : اتصلن حق غرين اتصلت شمسوه حق غرين .. غرين: ألو شمسوه: غرين تعال البيت بيروح جامعه غرين: وين جامعه أنا سير كارفور شمسوه: شو تسوي كارفور غرين: هدا فيه ماما آمنه .. وماما عايشه شمسوه: شوووو .. أنا عندي امتحان خلهن في كارفور ورد البيت غرين: شو هدا .. ماما عايشه يريد شارع كليفه بادين.. سكرت شمسوه شمسوه: شو هذا منو بيودينا الحين حمدوه: ليش غرين وين؟ شمسوه: ملتقع يودي عويش وعموه كارفور وشارع خليفه العنود: والحين ؟ طلعت حمدوه من الصاله ولحقناها .. رحنا الخيمه .. كانت عموه أم عبدالله وسلامه وشيخه قاعدات .. حمدوه( تصارخ): شو هالحاله كل دريول في مكان أم عبدالله: واللغثه.. حمدوه شعندج شمسوه: الساعه سبع ونص وسليم في الصناعيه يعابل السياره وغرين نافد كارفور سلامه: شعنده في كارفور حمدوه: مودي عويش وعموه ما أدري شو عندهن أم عبدالله: واقع بياخذن شي للعيد شمسوه: ونحن ما نمتحن عشان الشيخه عويش تعيد بلس يديد شيخه: شميس أس قطعي .. شمسوه:أمايه نحن من متى ندرس ونداوم آخر شي ما نمتحن بسبتهن .. حمدوه: يعني عموه تدري انا عندنا امتحان وسليم فالصناعيه .. شو هالحركه البايخه .. العنود: صبرن بشوف علي والا سالم سلامه: سالم من متى طالع شمسوه: لااااااااااااااااا إله الا الله شو هذا ما شي وقت .. اتصلت شيخه حق علي ..وحظرته عقب موت رضا يودينا .. شيخه: روحن علي يترياكن في السياره طلعنا من الخيمه ربعان .. لين نوصل الجامعه بتوصل الساعه ثمان .. وصلنا عند السياره وركبنا .. حمدوه: يالله تحرك علي فديتك ماشي وقت علي: أنا أبغي أعرف الدريوليه ثنينه وين ؟؟ شمسوه: واحد متفيج يغير آيل السياره الحين .. والثاني حظرة الآنسه عويش سايره كارفور العنود: لا تحطين في ذمتج يمكن آمنه تبغي شي شمسوه: محد غيرها عويش العنز..خلني أدري ان عندها امتحان ان ما طرشت كل دريول مكان .. وصلنا الجامعه الساعه ثمان ضبط .. نزلنا الرسبشن ومن طلعنا منه نمشي بسرعه .. شمسوه: عنودي الدكتور ما بيقول شي حق حمدوه انتي لا تتمشين شراتها العنود: تراني أمشي ما أقدر أكثر عن جذيه شمسوه: سوي شراتي العنود: شو؟؟ وقفت شمسوه ورفعت عباتها وتنورتها وروووووووووح ربعت عنا .. أنا بعد شو يخليني ألعب ربعت في طولها وخلينا حمدوه ورانا .. ثمان وسبع دقايق دخلنا المتعدده اللي في سته وستين .. قعدت وعطاني الدكتور الورقه وشمسوه قعدت ورايه .. نحن أول ما دخلنا حصلنا هزبه خفيفه من الدكتور .. الشيخه حمدوه دخلت عقبنا والدكتور ماقالها شي وصلها لين الكرسي عطاها الورقه وقعدت تحل شمسوه(بهمس): طالعي انتي نحن هزبنا وهيه ماقالها شي العنود( بهمس): ساحرتنه الينيه. شمسوه(بهمس): ان ما خبرت سالم عليها ..أنا براويج يا حمدوه الدكتور: اششششششششششش .. بس يابنات انتوا اللي ورا من نقع الدكتور سكتنا وابتدينا نحل .. عقب ما خلصنا الامتحان طلعت أنا قبلهن ووقفت ويا منى أترياهن .. طلعن شمسوه وحمدوه في نفس الوقت العنود: هاه شو سويتن ؟ شمسوه: الحمدالله حمدوه: يعني العنود: هب منج .. من الراحه اللي محصلنها هب نحن حصلنا هزبه حمدوه: انتي شو سويتي ؟ رفعت ايدي بحركة تبين ان الا متحان توب .. شمسوه: حية فواد من متى تكرين في الكتاب العنود: قل أعوذ برب الفلق..قولي ماشالله شمسوه: ماشالله ... ردينا البيت الساعه تسع ونص ..نزلنا بيت أم عبدالله ورحنا الخيمه عند الحرمات العنود: السلام عليكم الجميع: وعليكم السلام شيخه: هاه بشرن حمدوه: الحمدالله .. حصوه: حشى سويتن زوبعه قبل ما تروحن حمدوه: هيه عيل شو تبينه يحطلنا صفر في الامتحان عزالله مانجحنا حصوه: انزين الناس يردون يغيرون ملا بسهم .. انتن يايات بعبيكن شمسوه: دام افتكينا من المجتمع العله خلاااص راحه .. المهم ناكل قعدنا على الفواله وعقب ما كلت رديت البيت وعلى طول رقدت من التعب .. وباجر ورايه دوام .. شموه.. شموه وين ماتسأل ولا تتصل .. اتولهت عليها مديت ايدي وسحبت التيلفون واتصلتلها ..كالعاده ما ترد .. اتصلت لها مره ثانيه شموه:ألو العنود: الحمدالله على السلامه شموه: ههه الله يسلمج العنود: انزين قولي عندي ربيعه ما أدري شي عنها .. من عقب ما باركت لج بالشهر ما رمستيني شموه: عنودي فديت روحج .. أنا في الجامعه وما أقدر أرمسج وايد لأني ما عندي سماعه العنود: شو تسوين في الجامعه؟ شموه:متواعدين كلنا بنات الشله العنود: أوكي .. برايج عيل سكرت عنها وأنا أحس بغصه منها ..شموه تبتعد عني وهالشي أنا أعرفه بس ساكته عنها أبغي أشوف آخرتها لشو بتوصل.. أنا وشموه من أيام الروضه مع بعض ..ما أتخيل حياتي بدونها .. كاتمه في خاطري وساكته عنها وبالنادر ما أتشره عليها .. بالعكس هالشي بيبعدها أكثر.. وأنا هالوقت صدق محتاجتنها فيه .. من وعيت على هالدنيا عرفت أبويه وخسرته .. أمي وخسرتها .. شموه أنا مش مستعده اني أخسرها .. آآآآآآآآههههههههه أفضل بدال هالوسواس أرقد لأني باجر برد وبدرس.. ..... تمر أيام رمضان بسرعه كبيره وأبد ما نحس بها .. اليوم عليه آخر امتحان .. من قمت عند السحور ما رقدت .. فيني رقاد وباقي عن امتحاني ثلاث ساعات .. امتحاني الساعه وحده ونص .. ما أدري ليش هالامتحانات يوم الخميس .. حابين الجامعه وايد .. كنت قاعده في الصاله ودخل حمد.. حمد: السلام عليكم العنود: وعليكم السلام والرحمه حمد: هاه أخبار الدراسه؟ العنود: لا اتخبر .. أحاول أفهم الدرس أحل المسأله تطلع غلط حمد:أفاااااااااا العنود: شدراني بهالكتاب العله .. حمد: لا ما يصير وانتي تنحتين هالكتاب من متى العنود: ادعى لي انته بس حمد: الله يوفقج .. قعد حمد يقرا الجريده وأنا أدرس .. الساعه 12 دخلت الحجره صليت .. غيرت ملابسي ورحت الجامعه .. اتصلت حق روضه أبغي أروح عندها هيه ومنى .. كانن عند النافوره .. رحت عندهن نحاول نفهم بعض ونتساعد .. الساعه وحده ونص دخلنا الصاله الرياضيه نمحتن .. دخلت وقعدت في مكان كلاسنا .. أترياهم يعطوني الورقه وأشوف البنات .. شفت شموه داخله ويا ربعها وتضحك وتسولف ... حسيت بوله كبيييير لها تغارقن عيوني كيف هالانسانه اللي من عرفت الربعه عرفتها والحين ما أدري بشي عنها.. حسيت بالغيره من ربعها أنا الأحق بهالوناسه والسوالف وياها عنهن .. روضه: العنود .. العنود العنود: هااا روضه: الاستاذ يبغي البطاقه لفيت شفت الاستاذ واقف على راسي من الصوب الثاني .. طلعت له البطاقه وعطيته اياها .. سلمونا أوراق الامتحان .. من البدايه أول سؤال كان صعب .. مشيت باقي الأسئله باللي أعرفه ودارستنه ..مستوى الامتحان كان واااايد صعب .. توقعته صعب بس مب لهالدرجه .. ماطلعت من القاعه لين آخر الوقت .. الساعه ثلاث ونص .. طلعت وأنا أسمع أذان العصر .. رحت عند النافوره شليت كتبي وأوراقي .. سمعت حد يزقرني لفيت شفتها نوال ربيعة شموه .. العنود: هلا نوال: السلام عليج العنود: وعليج السلام نوال: شحالج العنود العنود: بخير ربي يسلمج .. انتي شحالج نوال: يسرج الحال العنود:........... نوال: شو سويتي في الامتحان؟ العنود: الحمدالله نوال: بتروحين البيت؟ العنود: هيه خلصت نوال: بغيت أكلمج شوي العنود: خير انشالله نوال: في موضوع بخصوص شموه بغيت أكلمج فيه العنود( بخوف): شو فيها شموه؟ نوال: مافيها شي .. بس انتي قعدي وأنا بتكلم وياج العنود: بروح أصلي قبل نوال: خلاص بروح وياج أنا بعد مشيت ويا نوال رحنا المسيد صلينا العصر .. وطلعنا من المسيد قعدنا عدال المسيد نتكلم العنود: خير نوال ؟ نوال: ممممممم شوفي العنود .. أنا ما أعرف من وين أبتدي بس لازم أطلع اللي في خاطري لأني أنا انسانه ما أقدر أخلي في خاطري شي على أي حد العنود( باستغراب): عليه أنا !!؟؟ ليش أنا من وين أعرفج عشان يكون شي في خاطرج عليه ؟؟ نوال: صح ما تعرفيني .. بس أنا أعرفج من شموه العنود: وشو في خاطرج عليه نوال: أنا من عرفت شموه صارت غاليه عندي لدرجه ما تتخيلينها .. يعني حبيتها العنود( باستنكار): حبيتيها!! نوال: هيه إذا ما كان عند مانع يعني .. العنود: أوكي هذي مشاعرج أنا مالي دخل فيها نوال: حتى هيه حبتني .. ومن عرفتها وهيه تتكلم عنج .. بصراحه أنا ما أتحمل علاقتج القويه فيها لهدرجه العنود: So نوال: ما أدري العنود: ما تدريين!! الحين يايه تقوليلي هالكلام عشان في النهايه تقوليلي ما تدرين !!؟ نوال: يعني ممكن تبتعدين عن شموه العنود: أنا في حياتي ما مر عليه أو سمعت وحده تطلب من الثانيه تبتعد عن ربيعتها .. يايتني تبيني أخلي ربعتي اللي أنا وياها من 16 سنه بس لأنج تغارين .. نوال: أنا ما تعودت يكون شي في خاطري وما أحصله العنود: والله شموه مش بدله والا لعبه عشان تكون في خاطرج وتحصلينها .. وهالدلع تدلعيه على حد غيرنا ..علاقتي في شموه ما بتنقطع إلا إذا شموه طلبت مني هالشي بنفسها نوال: سمعي أنا مثل ما قدرت أبعد شموه عنج كل هالفتره أقدر اني أقطع علاقتج فيها العنود: جربي وشوفي .. صدقيني محاولاتج فاشله أنا أعرف شموه أكثر عنج ولو قدرتي تخلينها تبتعد مستحيييييل تقدرين تخلينها تقطعني .. شليت كتبي ولفيت عنها بروح الرسبشن وشفت شموه تمشي صوبنا من بعيد .. بس ما قدرت اتحمل وقفتي .. مشيت بسرعه رايحه الرسبشن وأنا كل دموعي اللي حبستها من بداية ما تغيرت عليه شموه لين اليوم .. طلعتها الحين ..وصلت الرسبشن وأنا منهاره من الصياح .. دخلت الحمام مسحت دموعي وغسلت ويهي أكثر من مره بس دموعي بعدهن ما وقفن .. طلعت من الرسبشن ودخلت مخج .. رحت فوق الطابق الأول وقفت وأنا مجابله الرسبشن وأحاول أهدي نفسي ما أقدر أرد البيت وأنا بهالحال .. رديت الرسبشن مره ثانيه الساعه أربع وربع .. اتصلت حق غرين وسليم كلهم ما يقدرون اييون .. ما أدري شو عندهم من الشغله .. قلت أتصل حق غيث.. منها يردني البيت ومنها أشوفه هالاسبوع ما شفته يوم الجمعه يوم رحت لهم.. |
الـــــــــــــــجـــــــــــــــــــزء الــــــــــثــــــــــــــــانــــــــــــــــي والـــــــــــعـــــشــــــــــــــــرون .. قلت أتصل حق غيث.. منها يردني البيت ومنها أشوفه هالاسبوع ما شفته يوم الجمعه يوم رحت لهم.. غيث: يامرحبا وسهلا العنود: هلا والله .. شحالك غيث: يسرج الحال.. شو هالصدعه عندج انتي وين؟ العنود: أنا في الجامعه غيث: شو تسوين؟ العنود: عندي امتحان اليوم .. الدريول محد قلت بتصل لك عشان تردني البيت غيث: فالج طيب .. بس أنا ماعندي تصريح العنود: عادي بمشي لين البوابه غيث: اييج شور .. أنا ساير صوب سعيد سيارته فيها تصريح باخذها وبويه صوبج العنود: خلاص أترياك عقب ما سكرت عن غيث غلقت التيلفون ... مالي بارض على أي حد .. قعدت أترياه لين سمعتهم ينادون اسمي طلعت وما عرفت أي سياره .. بس شفته من بعيد منزل الجامه وعرفته ركبت السياره .. العنود: السلام عليكم غيث: وعليكم السلام.. هاه شو سويتي فالامتحان؟ العنود: وايد صعب غيث: شو هالامتحان هالوقت .. عنبوه الناس بيردون بيفطورن العنود: شعرفني!! تميت ساكته طول الدرب وما عقيت الغشوه إذا شاف عيوني بياكلني شو فيج وليش مضايجه ..مهما كان الشباب عندهم هالسوالف تافهه وماتستاهل .. غيث: عنودي شو فيج ؟ العنود: مافيني شي غيث: شي مضايجنج؟ العنود: لالا غيث: ينعرف من حسج .. وما ترمسين العاده من تفجين حلجج ما تسكتين العنود: لا بس مضايجه من الامتحان شوي غيث: طبيه عنج الا امتحان دنيا هذا .. خليه يولي وصلت البيت وقفني جدام الباب نزلت من السياره و دخلت البيت .. وراح ووقف جدام بيت محمد سعيد ... كنت أمشي بشوي شوي وأنا سرحانه .. قطع عليه تفكيري صوت حارب لفيت ورايه أشوفه .. وين كان ما شفته جدام الباب قبل ما أدخل .. العنود: هااه حارب( بضيج): من وين يايه ؟ استغربت من لهجته في الكلام ويايه .. من متى يحاسبني على روحتي ورداتي العنود: من الجامعه؟ حارب(معصب): شو هالجامعه هالوقت واليوم الخميس؟؟ العنود( بضيج): كان عندي امتحان .. وأضني تدري ان الجامعه تعطينا امتحانات يوم الخميس حارب: وليش ما رديتي ويا الدريول؟ العنود(بضيج): حارب ممكن تفهمي انت شو تبغي ؟ حارب(يصارخ): سألتج ليش ما رديتي ويا الدريول العنود: غرين وسليم كلهم في الصناعيه حارب: وهذا ما يعطيج الحق انج تردين ويا ريال غريب العنود: ريال غريب!! حارب: سعيد بن محمد العنود: أولاً لا تصارخ في ويهي وفيه اسلوب ثاني للتفاهم .. ثانياً اتأكد أنا راكبه السياره ويامنو وعقب تعال كلمني وصارخ في ويهي .. يا استاذ حارب صح ان السياره سيارة سعيد بس اللي كان فيها هوه خالي غيث.. ولا يمكن أسمح لك انك تشك فيني ولو للحظه .. وإذا مب مصدقني روح وبتلقاه عندهم .. وإذا ما لقيته تعال قولي عشان أعطيك رقمه وتسأله .. كنت بمشي عنه بس طاح الكتاب من ايدي ونزلت بشله ..طاحت غشوتي وقفت وعدلتها من عقب ما شافني .. شليت الكتاب ودخلت البيت من الباب اللي ورا لأني مالي بارض على أي حد .. دخلت حجرتي ودخلت في دوامة صياح ثانيه .. يلست في الزاويه أحاول أخفف من صوتي لأن أي حد بيمر عدال الحجره بيسمعني .. كنت أصيح شرا الياهل .. أحس اني مخنوووقه ومب قارده أتحمل .. السالفه ويا شموه ونوال .. ورديت البيت استقبلني الشيخ حارب بهزبه .. أصلاً هوه شويخصه فيني وليش يصارخ في ويهي .. حطيت راسي على المخده أحاول أمنع دموعي وأكتم عبراتي .. بس مب قادره .. سمعت دق على باب الحجره أكثر من مره .. ما رديت بس الدق مستمر هذي دقت حمد أعرفها العنود: منو ؟ حمد: عنودي فتحي الباب قمت أحاول أمسح دموعي وأخفي علامات الصياح بس بدون فايده ..فتحت الباب ونزلت راسي حمد: متى ييتي؟ العنود: توني حمد: منو يابج ؟ العنود: خالي غيث جرب حمد مني وحط ايدينه على جتوفي حمد(بخوف): عنودي شو فيج؟ العنود: مافيني شي حمد: عيل ليش تصيحين ؟ العنود: ما أصيح حمد: وين ما تصيحين ما تشوفين ويهج انتي؟ العنود: ماشي بس الامتحان كان صعب حمد: بس!!.. يفدا راسج الا امتحان هوه ما بيطول في عمرج بزواله العنود: .......... حمد: يالله غيري ملابسج وتعالي فطري كم دقينا عليج الباب وكل ما أتصلج مغلق .. العنود: مالي خاطر حمد حمد: حرام عليج لازم تفطرين العنود: انشالله بغير ملابسي وبيي .. راح عني حمد وأنا غيرت ملابسي واتوضيت ورحت غرفت الطعام .. دخلت يلست عدال راشد أحاول آكل بس مب قادره أبلع أي شي .. ماسكه عبرتي .. كلت تمرتين شربت ماي .. أول ما طلع حمد .. رديت حجرتي .. صليت المغرب وأنا دموعي ما وقفت .. خلصت صلاه وانسدحت على الشبريه .. أحاول أتهرب من هالضيج اللي فيني بس مش قادره .. تجلبت يمكن نص ساعه وعقب استسلمت للنوم .. ************ في بيت أم عبدالله كانن الحرمات في الخيمه عند الفطر حمدوه: عموه وين عنودي؟ آمنه: ما أدري بها حمدوه: حووه عويش عنوده وين ؟ عويش: عدلي اسلوبج في الكلام وعقب برد عليج حمدوه: وحظرتج شو بتقولين غير ما أدري .. ماعندي سالفه يوم سألتج سلامه( بعتاب): حمدوه شمسوه: أمايه عطيني تيلفونج بتصلها خذت شمسوه تيلفون أمها واتصلت حق العنود وكا ما تتصل تحلصه مغلق .. أم حمد: العنيدي راده من الجامعه قراب المغرب حصوه: عيل أكيد ما بتيي .. هيه يوم ما عندها شي ما تفطر .. اليوم يوم توها واصله بتي أم حمد: هالبنت بتجتل عمرها .. الله ياخذ عدوها .. آمنه: محد يموت يوع عموه لو يوعانه بتي تاكل حمدوه(بهمس): الله يعينج يا عنودي جانج تسمعين هالرمسه دوم شمسوه: أمايه ما يبتي ثياب العيد شيخه : بطرش الدريول اييبهن باجر حمدوه: نبغي نروح كارفور سلامه: شو عندكن بعد .. المخاوير والجلابيات مخلصاتنهن حمدوه: أبغي آخذ شيله سلامه: يوم الأثنين بوديكن .. آمنه: أنا باجر بطرش الخياط .. جانج بتخلينه اييب كناديركن انتن بعد سلامه : بتصله بشوفه جانه خلصهن أم حمد: آمنه انتي فصلتي شي للعنيدي آمنه: لالا ما سويت لها شي .. بنتكم ما تسير ويايه أم حمد: هاه سلامه شو سويتلها سلامه: نحن فصلنالها جلابيات ومخاوير .. بس البنات بيعيدن بمغربي صباح العيد وما سويت لها أم عبدالله: شعنه عازلاتنها عن خواتها بعد شيخه: مادريت قلت بتسير ويا آمنه بتفصلها واحد آمنه: العنود في عمرها ما سارت ويايه قامن حمدوه وشمسوه وطلعن من الخيمه .. دخلن داخل البيت ويلسن في الصاله .. حمدوه: حشى عموه وعويش ما أدري شو قلوبهن شمسوه: أنا ما بلبس المغربي إذا عنودي لبست مخوره عاديه حمدوه: أحس اني منقهره .. أكيد انها ما بتروح وياها ادام انها ما قالت لها .. شمسوه: أنا اللي قاهرني اني كل ما أقول حق عنودي شي قالت لي بتتريا عموه وعويش وهن ما افتكرن فيها حمدوه: خالي حمد ما يدري لو يدري بيجلب الدنيا حارب( يدخل): السلام عليكم شمسوه+حمدوه: وعليكم السلام يلس حارب معاهن وهم الثلاثه ساكتين ولا واحد منهم تكلم .. وحارب مبين عليه الضيج .. منقهر من اللي سواه في العنود .."" صح المفروض أتأكد قبل .. أنا من شفتها نازله من السياره دخلت وراها ونبخت عليها .. من حقها تعصب .. أنا بعد ينييت هيه في حياتها ما ركبت ويا حد غريب أنا يالله يالله ركبت ويايه .. وهن مرتين يمكن ولا غيرهن .. أشك فيها راكبه ويا ريال غريب !! .. بس أنا من شفت السياره وعرفت انها سيارة سعيد بن محمد ينيت واللي عرفته من شميس ان بنتهم ربيعها ..انزين هيه شو فيها كان مبين على عيونها وويها انها كانت تصيح ومضايجه "" تنهد حارب تنهيده مسموعه وساند رقبته على الكنبه .. حمدوه وشمسوه انتبهن له وتمن يطالعن بعض وهن مستغربات .. حمدوه: حارب حارب: هااه حمدوه: شو فيك ؟ حارب: ماشي شمسوه: شو ماشي باين على ويهك اعتدل حارب في القعده وجابل حمدوه وشمسوه حارب: العنود مايت عند الفطر صح شمسوه: شدراك؟ حارب: عرفت حمدوه: حارب شو عرفت .. ليش شو صاير ؟ خبرهن حارب بكل اللي صار وحمدوه وشمسوه منصدمات من عمهن .. شمسوه: حارب حرام عليك حارب: لا تلوميني فيها .. بروحي ميت من اللوم حمدوه: صح كان المفروض تتأكد منو اللي في السياره حارب: شدراني أنا اللي أعرفه انها سيارة سعيد بن محمد شمسوه: وانت تعرف بعد ان خالها ربيعه حارب: عاد أنا ما يلست أفكر قبل حمدوه: واتأكدت حظرتك ان اللي كان في السياره خالها والا بعدك حارب: طلعت من بيت حمد شفته نازل من السياره شمسوه: الله يعينج يا عنودي كم بتتحملين من هالعايله حارب: ليش شو صاير بعد؟ شمسوه: ماشي .. وقفت شمسوه وطلعت من الصاله ولحقتها حمدوه حارب: تعالن وين سايرات ؟ شمسوه: بسير أشوف عنودي الحين بتكون مضايجه حمدوه: هيه مضايجه من قبل وانت ما قصرت فيها حارب: شو كان مضايجنها؟ حمدوه: شدراني أنا حارب: عيل شعرفج انها كانت مضايجه شمسوه: ترا هذي رمستك .. طلعن حمدوه وشمسوه راحن بيت خالهن حمد .. دقن على عنودي محد فتح لهن .. دخلن الحجره لقنها مظلمه وااايد وبااارده .. طلعن وردن البيت .. وكل وحده دخلت حجرتها ومالها بارض على أي حد .. ********* فتحت عيوني وسحبت التيلفون .. كان مغلق وفتحته بشوف الساعه ... شيييت الساعه 11:50 وأنا ماصليت .. توني استوعبت ان عموه يت قعدتني عشان أصلي وأروح بيت أم عبدالله عشان الفواله .. قمت بسرعه توضيت وصليت العشى وعقب صليت التراويح.. عقب ما خلصت طلعت لي بجامه والجاكيت وبندت المكيف الجو وايد بارد .. دخلت أتسبح وطولت في الحمام .. عقب ما خلصت سبوح طلعت شفت حمد في الحجره .. حمد: نعيماً العنود: الله ينعم عليك حمد: حشى ماشي ماي في الدرامات العنود: ههههه حمد: متى قعدتي؟ العنود: الساعه 12 حمد: خستي رقاد العنود: تعبت .. طلعت سهر الامتحانات كله حمد: حشى اليوم امره ماشفتج من عقب الفطر .. العنود: من عقب ماصليت دخلت أرقد حمد: شو كلتي اليوم ؟ العنود: ماعليك الحين بروح حمد: تو الناس .. انتي ما تيوعين ؟ العنود: ليش شو قالوا لك ما أحس حمد: أشوفج لا الفطر ولا الفواله العنود: خلاص الحين بروح .. انت غريبه سهران اليوم حمد: رياييل كانوا عندنا وتوهم روحوا العنود: ماشالله رمضان وخيام مفتوحه .. حمد: شو تبينا نسوي يعني .. العنود: تعبدوا ربكم من الله الا شهر واحد في السنه حمد: الله يعين .. أنا بروح أرقد قلت بدخل أشوفج .. تامرين على شي العنود: سلامة راسك حمد: تصبحين على الطاعه العنود: وانت من أهل الشفاعه طلع حمد عني وأنا فتحت الدريشه .. الجو كان بارد بس وايد حلو .. قعدت أقرا قرآن يمكن ساعه .. وعقب حست بالمطر برا .. كان خفيف .. وطيت المصحف من ايدي ولفيت شعري بفوطه جافه وطلعت برا .. وقفت في البلكونه عند الباب الوراني .. شكل المطر وهو ينزل يعطي الانسان أمل كبير في الحياه .. رحمة رب العالمين كبيره .. المطر كل وقت يمر يزيد أحس اني مستانسه على هالمنظر .. حسيت بيوع رحت المطبخ سويت لي كوب جاهي يدفيني وسندويجه .. ورديت قعدت في البلكونه .. سمعت الأذان يأذن للسحور وأنا ما تحركت من مكاني .. شفت الخدامات يتحركن عند المطبخ .. حمد وآمنه وخليفه نزلوا من فوق .. كان الباب مفتوح .. شفت حمد رايح صوب حجرتي .. العنود: حمد لف حمد شافني وابتسم .. ومشى صوبي حمد: ما رقدتي؟ العنود: لاء .. مبروك عليكم الرحمه حمد: الله يبارك عليج .. عساها دوم العنود: من شفت المطر ما قدرت أرد أرقد حمد: من الساعه كم يطيح العنود: ثلاث تقريباً حمد: تعالي بنتسحر العنود: تسحرت عنكم أنا حمد: وايد عليج .. يالله قومي برد انتي شقايل متحمله العنود:شوف انت شو لابس وأنا شو لابسه حمد: ههه يالله قومي .. دخلنا حجرة الطعام .. وقعدنا نتسحر دخل راشد ويمشي مغمض عيونه .. وطاح عدالنا خلوف: أهاااااااااب .. حوو وين تبا العنود: هههههه .. رشود تعال تسحر .. قعد رشود عدالي قام خليفه وصب له جاهي حليب في كوب الماي .. وعطاه الكوب راشد مد ايده وخذ الكوب .. عقب حس انه حار رشود: عنلاتك .. تخبلت .. خليفه: شوف عمرك رشود: أن ما اصطلبت بصبه على راسك حمد: خلوف صب له كوب غيره .. صبيت في كوب الحليب ماي وحطيته جدام راشد .. قام يقطع الخبز ويغطه في الماي .. خليفه: ههههههههههههه والله انك تيس العنود: ههههههه حمد الحق ولدك رشود: والله انكم أنذال حمد: عنودي وخلوف ما تبون سحور قوموا طلعوا خلوف: ما رمت أقوم ومن قمت أحس بنشاط العنود: تعال نلعب برا آمنه: لا تلعبون ولا الله قاله .. لا تسويله مدق حمد: اللي بيطلع يلعب ايي ويايه .. رحنا الحديقه المطر وقف بس تام الطشاش .. نزل حمد من الدري قبلنا وقف تحت على الطرف كان ماي المطر متيمع .. دق بريوله دقه نطشة الماي عليه العنود: سباااااااااال .. حمد: ههههه نعيماً خليفه: واحد صفر العنود: الحين بخليها سته واحد .. رحنا عند الشبكه حمد: بنلعب تنس ..منو بيلعب ويايه العنود: انت وخليفه وأنا الحكم حمد: أوكي .. هاه خليفه شو رايك خليفه: اطلع بكرامتك لا تطلع خسران حمد: ماعاش اللي يخسر حمد بن سيف ابتدوا يلعبون .. حمد كان لعيب درجه أولى حمد: هاه منو المفروض يطلع بكرامته خليفه: تايم أوت الحين بيأذن حمد: لاااااااااه .. تحاتي الصلاه حظرتك خليفه: هيه .. شو تتحراني شراتك ردوا حمد وخليفه عندي .. وقفنا نتكلم ... حمد: يالله خلونا نرد داخل .. خلوف: بروح أتسبح ... مشى حمد وخليفه وأنا مشيت عقبهم .. كنت شاله واحد من أحواض الورد الصغار.. ما فيه ورد كان كله ماي .. العنود: حمد.. لف حمد صوبي .. وروووووووووح رشيته بالماي اللي في الحوض .. وشردت ركبت الدري خليفه: هههههههههههههههههههه حمد: مسودة الويه تعالي العنود: ههههههه لا ياحبيبي أنا ماروح للنار بريولي خليفه: عشرين صفر .. هههههههه حمد: تضحك يالسبال .. كان حمد بيقبض خليفه .. بس خليفه فلت من ايده ولحقني وحمد يربع وراه .. خلوف أول ما ركب الدري طربااااااااااااخ تزلحق وطاح وصل لين الباب اللي يوصل داخل البيت حمد: هههههههههههههههههههه العنود: ههههههه.. هههههه ... آآآآآآآى بطني يعورني ما أروم أضحك حمد: سبحان الله خذت يزاك من ربك عشان ما تضحك على أبوك مره ثانيه خليفه: ياااااارب أشوفكم متخرطفين في حفره حمد: ههههههههههههههههههه العنود: هههه لوبس عندنا كيمره جان صورتك ..هههههههههههههههههههههههه حمد: أذن الاذان ما بنلحق على الصلاه .. يالله .. خليفه: تعال ساعدني ما رمت أوقف .. حمد: ما لي شغل فيك .. مشيت صوب خليفه مديت له ايدي .. قومته ودخلنا داخل .. مسكني حمد من ورا وضحك ضحه شريره حمد: ههههههههااااهااااااي العنود: لااااااااااااا.. خلوف تعااااااااااااااااااال خليفه: ضحكي عليه وبتشوفيني أعاونج طلعت عموه من حجرتها عقب ما سمعت الحشره في الممر أم حمد: شو ياكم .. العنود: عموووه دخيلج خليه يفجني .. راصني والله عظامي عورني أم حمد: حمد .. يوز عن اختك .. نزل حمد راسه وعظني في اذني عظه قويه العنود: آآآآآآآآآآآآآآآآآآآآآآآآآآي آآآآآآآآآآآآآآآآآآآآي أم حمد: حمد .. حسبي الله على عدوك هدها ..هدها حمد: ثاني مره تعلمي ما تتحديني أم حمد: حمد شو ياك لحقت لي اليهال.. عنبوه ريال بو عيال وهذي سوايك حمد: يالله يوم في العمر نرد يهال راحوا حمد وخليفه فوق تسبحوا وطلعوا من البيت متأخرين على الصلاه .. وأنا دخلت حجرتي غيرت ملابسي صليت ورقدت .. ******* |
الـــــــــــــــــجـــــــــــــــزء الـــــــــــــــخــــــــــــامــــــــــــــــس والــــــــــــعـــــــــشــــــــريــــــــــن ثاني أيام العيد العصر .. كنت في الحجره أسوي برنت حق بحث العربي .. دخل راشد الحجره بدفاشه .. راشد: عنودي أبويه يقولج تعالي في الميلس العنود: ليش راشد: ما أدري .. يالله بسرعه العنود:انشالله غريبه شو يباني حمد .. وليش في الميلس العاده إذا عنده أي سالفه يدخل عندي في الحجره .. رتبت شعري ولبست شيلتي ورحت له الميلس دخلت لقيت عمي محمد .. استغربت انه عندنا بس بصراحه وجوده أبدا ما ريحني العنود: السلام عليكم حمد+ محمد: وعليكم السلام سلمت على عمي العنود: شحالك عمي محمد: بخير ربي يسلمج...مباركن عيدج العنود: عساك من العايدين والسالمين محمد: تعالي بنتي يلسي هنيه عدالي يلست عدال عمي وفي نفس الوقت طلع حمد من الميلس .. غريبه ليش طلع حمد.. ليش أحس ان عمي ياي وشي في خاطره .. محمد: شحالج بنتي ؟؟ العنود: بخير الحمدالله محمد: مرتاحه هنيه عند أخوج ؟ العنود: هيه الحمدالله حمد مامخلني أحتاي شي محمد: عنودي بنتي أنتي الحين كبرتي وأنا عمج العنود: ........ شو مناسبة هالكلام .. ليش هالمقدمات ؟؟... محمد: أنا ياي أقولج ان ريال ياني وخطبج خطبني !! أنا ؟؟! ليش.. ومنو هالريال .. وليش سار عند عمي ما يا عند حمد ؟؟!! محمد: العنود الريال زين ومقتدر والحمدالله .. وأنا ما أبغي غير مصلحتج .. ما قدرت أتكلم ولا فتحت ثمي بكلمه كل اللي قدرت عليه اني أطالع عمي محمد: أنا أعرف هالريال من زمان .. راشد بن سليم جانج تعرفينه هزيت راسي بالنفي .. أنا أول مره أسمع هالاسم .. محمد: سمعيني بنتي .. أنا أقول انج تعرسين وتفتكين من انج عايشه عاله على غيرج والريال بيعززج وبيكرمج وبيكون لج بيت بروحج تامرين وتنهين فيه على كيفج .. أنا أباج تفكرين زين وما تستعيلين .. وما ظنتي تفشليني جدام الريال العنود:انشالله محمد: سمعي هالرمسه ما أبغي حمد يعرف عنها .. أنا طلبت منه يخليني وياج .. وما أبغي حمد يدري عن شي العنود: ليش؟ محمد: لا تسألين .. بس لا تخبرين حمد هزيت راسي على أساس اني فاهمه بس أنا مب فاهمه هالدوامه اللي انا طايحه فيها.. انخطبت .. راشد بن سليم أنا أول مره أسمع عنه .. منو هذا وليش خطبني من عمي ما يا عند حمد ؟؟! وليش عمي ما يبغي حمد يعرف؟! ليش قالي لا تخبرينه ؟؟!! أحس اني بين .. طلعت أدور حمد ما لقيته .. شفت خليفه في الصاله خليفه: يالله عنودي .. بوديج بيت يدج مواعد ربعي عقب شوي العنود: بلبس عباتي وبيي دخلت حجرتي شليت تيلفوني وطلعت .. كان خليفه يترياني جدام الباب .. ركبت السياره ورحت بيت يدوه .. دخلت البيت لقيت نوروه ويدوه وحرمة خالي مانع ويا أسوم ومنى يالسات في الصاله العنود: السلام عليكم أم غيث: فديييييت هالحس يا ربي .. علني ما خلا من هالشوف سلمت عليهم ويلست عدال يدوه .. أم غيث: علومج غناتي العنود: علوم الخير يدوه.. انتي شخبارج أم غيث: الحمدالله يلست وياهن وعقب دخلنا أنا ونوروه ومنى وأسوم داخل عقب ما دخلن حرمتين عند يدوه العنود: هاه العروسه .. خلصتي نوروه: تقريباً مخلصه العنود: يبتيه فستاني نوره: انتي احمدي ربج رحت وفصلت لج .. بعد تبيني أييبه لج العنود: شو سويتي أنا قلت لج اسم المحل وانتي رحتي خذتي القطعه ويوم التفصيل أنا رحت وياج منى: أحمد بيروح اييب فساتينا .. بقوله يمر على فستانج أسوم: هههههه وانتي ما لقيتي غير العنود تقوليلها أحمد العنود: لالا بقول حق غيث.. والعروس روحها بتروح بوظبي الاسبوع الياي نوروه: انزين بتكرم عليج وبخطف عليه العنود: مب بكيفج .. غصباً عنج منى: الحين عموه منو بيكون عندها في البيت .. نوروه: مبدئياً جاسم أخويه بيي هنيه ويا حرمته وعياله لين يعرس غيث العنود: حوه أسموه خلصي بسرعه .. خلي خالي يعرس استحت أسوم وبين عليها نوروه: هههههههه خيبه ما يسوى عليح أسوم: قومن خلنا نطلع العنود: وين نروح .. يلسي محلج كملنا سوالف .. صح اني مرتبشه وأسولف ويا البنات بس .. بعدني أفكر في كلام عمي .. وحاولت أأجل التفكير لين أرد البيت .. اتصلي حمد وقلت له اني برد ويا خلوف .. وخلوف ما ياني لين الساعه 12 .. العنود: تو الناس خليفه: احمدي ربج كنت بعدني بيلس ويا ربعي الا أبويه احتشر العنود: تستاهل .. ماتشوف الساعه كم خليفه: شو بيلس أسوي في البيت الحين العنود: شوف علي وحارب وين وروح صوبهم وصلنا البيت .. أول ما دخلت الصاله لقيت حمد طالع منها بيروح يرقد .. أجلت الكلام لين باجر .. دخلت حجرتي قعدت أفكر .. صح أنا لو وافقت على الريال بكون مرتاحه .. مصيري اني أعرس لو كان لي نصيب .. ليش ما أوافق وأرتاح .. حمد بيرتاح من مسؤوليتي وما بحس اني عاله على غيري .. حارب .. حارب!!.. شو اللي يابه على بالي هذا الحين .. ليش أفكر فيه .. لااااا إله الا الله .. ما أقدر أوافق بدون ما أخبر حمد.. أصلاً حمد بيحط في خاطره مني .. بس هذا عمي وما بينصحني أوافق إذا يدري ان هالشي بيظرني .. عمي ويبغي مصلحتي ... بس لازم أخبر حمد .. فضلت اني أرقد بدال هالتفكير اللي ما بييب لي غير المرض ... ..... قمت الصبح الساعه ثمان .. تميت مكاني منسدحه لين الساعه عشر وأنا أفكر ,, قمت تلبست ورحت بيت سلامه لقيت حمدوه يالسه في الصاله .. العنود: السلام عليكم حمدوه: وعليكم السلام العنود: غريبه واعيه اليوم حمدوه: ما ياني رقاد .. أمس من عقب ماصليت دخلت أرقد العنود: شمسوه راقده؟؟ حمدوه: ما أدري ما رقدت هناك .. انتي الهوامه أمس امره ماشفناج العنود: رحت بيت يدوه حمدوه: العروس خلصت ؟؟ العنود: تقريباً مخلصه حمدوه: وانتي فستانج ماخلص ؟؟ العنود: ما أدري ؟؟....حمدوه حمدوه: عيونها ... العنود: بسألج .. ما تعرفين منو راشد بن سليم حمدوه: لاوالله... ليش؟؟ سكت فتره أفكر .. بس عقب دقايق خبرتها عن كل شي حمدوه: انتي الحين مب ناويه تخبرين خالي؟؟ العنود: لا طبعاً لازم أخبره حمدوه: تدرين ان خالي بيحط في خاطره إذا ما خبرتيه العنود: أنا بقوله .. بس أنا الحين مب عارفه شو أقول حق عمي حمدوه: انتي شو رايج ؟؟ العنود: مم ...أا م حمدوه: شو ياج ؟ العنود: ماشي ماشي قمت وطلعت عنها .. رديت البيت يلست في حجرتي ما طلعت منها .. حتى عند الغدا .. والظهر دخلن عليه شمسوه وحمدوه ..وشميس حاشره الدنيا حتى سلام ماسلمت .. ربعت ونطت ويلست على المكتب شمسوه: بعمرج ان وافقتي تسمعين العنود: بسم الله.. الناس تسلم قبل.. شمسوه: بسنا من السلامات.. دوم نسلم العنود: السلام بلاش.. شمسوه: انزين السلام عليكم ... لا تغيرن الموضوع بعمرج ان وافقتي تسمعين... العنود: ليش؟ شمسوه: شوعايلنج .. انتي بعدج ياهل العنود: وان طحت عانس في جبد أخويه بتيوزيني شمسوه: لا تخافين بيوزج تمت شمسوه تحن على راسي لين لاعت جبدي .. خلاص قررت أرمس حمد عقب صلاة العصر .. مستحيل أسكت أكثر .. عقب الصلاه دخلت الصاله لقيت حمد وآمنه وراشد وخليفه يالسين.. رحت يلست عدال حمد .. العنود( بهمس):عندك شغل الحين حمد: لا .. تبين شي؟؟ العنود: أبغي أرمسك ..عندي سالفه بخبرك عنها طالعني حمد باهتمام... حمد: تبينا نطلع من هنيه هزيت راسي وأنا منزلتنه .. حمد: قومي نروح الميلس .. طلعنا من الصاله ودخلنا الميلس .. قعدت عدال حمد وأنا مب عارفه شو أقوله حمد: عنودي غناتي شو فيج .. رمسي العنود: حمد أمس عمي يوم كان عندنا قالي شي وحرصني اني ما أخبرك بس أنا ما قدرت اني أغبي عليك .. وما حصلت فرصه أخبرك فيها الا الحين لاحظت في ويه حمد الاستغراب والضيج حمد: شو قالج؟ العنود: خاطبني ريال ..بس هو قلي فكري وردي عليه وحرص عليه أكثر عن مره اني ما أخبرك حمد( بعصبيه): منو هالريال؟؟ .. وليش مايا عندي؟ .. وشو اللي خلا عمي يقولج لا تخبريني !!؟ العنود( بخوف): مممما أدري حمد: ما خبرج منو هالريال ؟ العنود: راشد بن سليم حمد( بضيج): شوووووووو العنود: شو حمد(بعصبيه): انتي ينيتي ؟؟ العنود: حمد أنا ما وافقت .. أنا ييت أخبرك لأني مستحيل أغبي عليك وقف حمد وعطاني ظهره لدقايق .. وعقب لف صوبي والعصبيه مبينه من عيونه حمد: والحين حظرتج تفيجتي تقوليلي العنود:أمس عقب ما طلع عمي انت طلعت وأنا رحت بيت يدوه ويوم رديت انت دخلت ترقد .. وانت ما كنت موجود عند الغدا ما قدرت أتحمل ان حمد يهزبني ..أول مره يسويها كل اللي تعودته من حمد الحنان والطيبه .. فجأه يطلع لي بويه ثاني .. قعدت أصيح وأنا منهاره ليش ياحمد؟؟.. انت الانسان الوحيد اللي ما توقعت منك انك تعاملني بهالاسلوب ... قعد حمد عدالي وسحبني لحظنه حمد: عنودي غناتي بس لا تصيحين العنود: ....... حمد: عنود سمحيلي بس أنا عصبت يوم سمعت اسم الريال ...راشد خطبج قبل بس أنا ما وافقت .. عنبوه هذا ريال كبري وعنده عيال ومطلق حرمته .. أنا هب مينون أفرج عليه انصدمت من كلام حمد .. ليش عمي موافق عليه؟؟! .. وشو اللي خلاه يقنعني فيه ؟؟! .. زاد صياحي أكثر عن قبل .. بعدني حمد عنه شوي وشاف ويهي حمد: العنود .. أبويه الله يرحمه وصاني عليج ومستحيل أخون وصية أبويه .. وانتي اختي وغاليه عندي وأنا هب مينون أفرط فيج .. نزلت راسي وحاولت أمسح دموعي اللي بين دقيقه والثانيه يزيدن حمد: انتي هب طايحه في جبدي عشان أيوزج راشد .. انتي ألف من يتمناج وأكثر من واحد ياني وخطبج بس ما أشوفهم يستاهلون اختي الغاليه حاولت ألف شعري وأنا منزله راسي ما تكلمت حمد: انسي السالفه وعمي أنا بتصرف وياه وما عليج من شي هزيت راسي وأنا دموعي بعدها تنزل حمد: دموعج هذي مسحيها ما أبغي أشوفها مره ثانيه .. ولا تزعلين أنا ما أبغي غير مصلحتج العنود: انشالله حمد: قومي غسلي ويهج ولا تفكرين .. طلعت من الميلس .. رحت حجرتي لقيت شمسوه .. شمسوه( منصدمه): عنودي شو فيج؟؟ العنو: مافيني شي دخلت الحمام غسلت ويهي وطلعت .. انسدحت على الشبريه شمسوه: شو قلتي حق حمد العنود: خبرته عن كل شي شمسوه: وشو قالج؟؟ العنود: هه تدرين ان هالريال كبر حمد شمسوه: شوووو ؟؟ العنود: مطلق حرمته وعنده عيال.. شمسوه: لااااااااا ... هذا عمج مينون العنود: ليش يا شميس .. أنا شو سويت في حياتي .؟؟.. يخلوني عايشه على راحتي .. صدق اللي قال لي طاح الجمل كثرة سجاجينه شمسوه: خالي شو قالج العنود: حمد ما طاع وقالي انه هوه بيرمس عمي شمسوه: وانتي؟ العنود: شو أنا ؟ شمسوه : شو رايج ؟ العنود: سؤالج فيه نوع من الاستهبال .. شمسوه: ليش؟ العنود: شو ليش ..مستحيل أوافق .. ما بقص عليج في البدايه قبل ما أعرفه لو حمد وافق عليه وشاورني ما بقول لاء شمسوه: نعمممم العنود: شميس .. انتوا تشوفوني على هالحال .. أدري وجودي مضايج عمتج وعويش ومب مرتاحات من وجودي .. فالأفضل لي أعيش في بيت ريلي .. ومحد متضايج مني شمسوه: شو هالرمسه المخبقه ... جب يالله جب .. انتي اليلسه ويا عموه وعويش ما تيلسينها ..ولو كانن مضايجات خالي مرتاح ماعليج منهن ما يعيبهن العيب هذيلا العنود: الله يستر بس شمسوه: دام ان خالي قالج خلي السالفه عليه .. خلاص لا تفكرين .. انتي أصلاً ما تهونين عليه .. قعدت ويا شمسوه لين المغرب وعقب طلعت عني وأنا كملت شغلي وواجباتي باجر عندي دوام .. الحمدالله يوم الأربعا ما بيكون عندي كلاسات .. عقب العشا رحت بيت أم عبدالله لقيت البنات يالسات في الصاله .. العنود: السلام عليكم البنات: وعليكم السلام حمدوه: تو الناس ما بغيتي العنود: خلصت بحث المجتمع وييت .. شمسوه: خلصتيه .. الحمدالله حصوه: انشالله مسوتنه بروحج وبتحطين أساميهن وياج ؟؟ العنود: هيه حصوه: مالت عليج .. انتي رابعي وكتبي وهن يلعبن شمسوه: وين نلعب حرام عليج العنود: أنا ماعندي شي كله تعليم وما يحتاي شي هن حليلهن كله عندهن شغل حصوه: تعالي انتي .. يبالج اللاب توب الكورس الياي حمدوه: هيه انتي شو بتسجلين الكورس الياي؟؟ العنود: خير لين الكورس الياي بعده وقت حمدوه: حصيص باجر لازم تحنين ونروح دبي يوم الخميس حصوه:ليش؟؟ حمدوه: شو ليش؟؟..نحن ما فصلنا حق عرسج شمسوه هيه صح .. هم متى حددوا موعد العرس؟؟ حصوه: ما أدري شمسوه: مالت عليج شو ما تدرين .. مب عرسج هذا حصوه: ما عطوني تاريخ معين .. بس اللي أعرفه .. يمكن يكون قبل دوامكن بيومين .. يعني يوم الخميس وانتن بتداومن يوم السبت شمسوه: لااااااااا .. شو هذا .. صدق ملل العنود: لا شو ملل .. بيكون عندنا شي نقضي به اجازتنا حمدوه: هيه والله صدقها عنودي يلست وياهن لين الساعه 12 ووصلني سالم البيت .. دخلت الحجره ...أول ما انسدحت فكرت بعمي .. ليش يبغي يفرني هالفره .. الريال كبير ومطلق حرمته .. وعنده عيال بعد .. الله يسامحك ياعمي .. عيل لو عشت وياك شو بتسويبي .. ..... يوم الثلاثا رحت الجامعه .. بصراحه ما كان لي خاطر على الدوام .. لو كملوا هالاسبوع اجازه جان زين ..وهالشي شفته على حمدوه وشميس .. في كلاس المجتمع ولا وحده منا لها خاطر لشي .. فتحت الكتاب من روا ..قعدت أشخبط فيه .. أنا في دنيتي مثل الغريب اللي بلا ديره حياته بالشقا تبدا ولا يعرف نهايتها وأنا في دنيتي مثل اللي ضاعت مشاويره أنا صوت الالم والآه .. في جوفي تعاستها أنا صرخة عذاب بقلب يشكي طول تفكيره أنا صمت السنين اللي كثير الهم موتها ءءءءءءءءءءءءءءءءءءأنا ونة وحيدٍ تاه .. يعاني كثر تكديره أبد ماعاش في الدنيا ولا يعرف حلاوتها أنا دمعة عيون تعيش في غربه وفي حيره على خد الأسى يرسم عزير الدمع قصتها عوض النعيمي خلصت المحاظره وأنا بعدني أطلع اللي في خاطري وأعقه في هالكتاب .. كتاب المجتمع بيشتكي عليه لو له لسان .. شمسوه: وايد عايبتنج المحاظره العنود: لا والله بس مافيني حيل أتحرك .. حمدوه: عنودي لا تردين البيت اليوم عقب الدوام العنود: ليش؟؟ لالالا .. ما أروم حمدوه: شو عندج من الشغله في البيت .. بتردين ويانا .. دخيلج العنود: وشو بسوي لين انتن تخلصن؟؟ .. أستحي أيلس وياربعكن شمسوه: لين متى بتستحين يعني .. مب على كيفج .. مابتروحين خلاص بترياهن .. ليش لاء شو بسوي إذا رديت البيت .. طلعنا من سته وستين رحنا تريقنا وعقب كملت محاظراتي ورديت أتريا شمسوه وحمدوه لين خلصن محاظرتهن .. حمدوه: هاه .. كلنج ربعنا نعوم: ماشالله .. خايفه منا العنود: لا والله بس أستحي شمسوه: أنا يوعانه العنود: صليتن؟ حمدوه: لا بعدنا العنود: روحن صلن بعدين بنتغدا راحن شمسوه وحمدوه ومنى يصلن وتميت يالسه ويا نعوم وموزوه .. عقب ما خلصن البنات صلاه شفتهن رادات ووياهن ميثوه .. يالله منكن ليش يايباتنها .. انسانه ما أرتاح لها ومن تيلس رمساتها مالها معنى .. ميثوه: السلام عليكم سلمنا عليها وعقب رحنا ناخذ الغدا .. كنت أنا وشمسوه عند البيتزا .. العنود: يعلني بلاج ياشميس..ليش يايبه ميثوه وياج شمسوه: شو أسوي قالت بيي وياكن أقولها لاء العنود: بصراحه .. ما أرتاح لها شمسوه( بخبث وابتسامه): ليش ؟ العنود: بس جذيه رفعت راسي صوبها لقيتها تبتسم .. العنود: شعندج ؟؟ شمسوه: مماااشي العنود: شميس تشوفين مال الجبس هاي الي جدامنا .. بحط راسج فيها شمسوه: هههههههه ليش .. أنا شو سويت ؟؟ العنود: ليش تضحكين؟؟ شمسوه: ههههههههه .. متى استوى الضحك حرام!! العنود: انتي ما منج فايده .. روحي السندويجات خلصن .. روحي هاتيهن راحت شمسوه تيب السندويجات وردت صوبي .. شلينا الصياني ورحنا صوب الطاوله .. حمدوه وميثوه توهن واصلات ومنى وموزوه يترينا .. العنود: بروح آخذ بيبسي من الثلاجات .. منو منكن تبغي بيبسي شمسوه: بسسسسسج من البيبسي .. بطنج دود .. حمدوه: أنتي ما بتودرينه الا إذا خبرت خالي عليج .. شمسوه: ما بتشربين غيره .. ما سمعتي حارب شو يقولج ميثوه: شو ؟؟ العنود: ماشي ماشي .. أنا بشرب مب بكيفكن رحت عنهن .. خذت لي بيبسي من الثلاجات ورديت .. شفت حمدوه ترمس في التيلفون وشمسوه والبنات يسولفن ويتغدن **** العنود: قومن خلني آكل .. بموت من اليوع شمسوه: هاتي لج كرسي العنود: مابييب كرسي .. سولي مكان عدالكن .. حمدوه كانت تكلم حارب في التيلفون وحارب يسمع صوت العنود حارب: هذي عنود صح ؟؟ حمدوه: هيه صح العنود: حمدوه سويلي مكان عدالج حارب: شو عندها محتشره حمدوه: تبغيني أسوي لها مكان عدالي .. مب طايعه تسير تيب لها كرسي حارب: انزين لزي عنها شوي حمدوه: لااااا إله إلا الله يلست العنود بين حمدوه وشمسوه.. لفت عنودي على شمسوه .. العنود: منو ترمس ؟ شمسوه: حارب ابتسمت العنود ابتسامه خفيفه بينت عليها شمسوه( بخبث): شو ياج؟!.. العنود: ماشي .. حارب: وين عنكن هيه من الصبح .. حمدوه: توها يايه سايره تاخذ حبيب القلب الأسود حارب: بيبسي؟ حمدوه: شي غيره حارب: خذي البيبسي عنها وروحي خذي لها عصير برتقال فرش حمدوه: ما أروم مافيني حيل حارب: حمدوه قومي أقولج حمدوه: غالي بخمس دراهم العصير حارب: يالزط .. قومي بسرعه **** يلست أتغدا ويا البنات .. مستانسه اني تميت في الجامعه اليوم .. قامت عنا حمدوه ومن سمعت انها تكلم حارب حسيت بشعور غريب وهالشي اللي خلاني أبتسم لا إرادي بس الساحره شمسوه انتبهت لي ... ردت حمدوه ويلست عدالي .. شلت البيبسي وعطته العامله اللي تنظف .. وأنا وشمسوه مبهتات ومستغربات من حركتها حمدوه: هاه اندوج شربي هالعصير العنود: نعم .. نعم حمدوه: بس فكيني من الصدعه خليني أتغدا على راحتي شليت صحنها من جدامها العنود: ما بتتغدين .. فهميني أول ليش عطيتيها البيبسي حمدوه: أول شربي العصير وتغدي بعدين بخبرج العنود: لا منو قال .. الحين بترمسين .. جربت مني حمدوه بتكلمني ماشفت الا ويه شمسوه جدامي العنود: أعوذ بالله .. شوياج شمسوه: أنا بعد أبغي أعرف حمدوه: يعني أونج مابتسمعين ويا اذنج هالكبر ميثوه: حووه شعندكن .. حمدوه: ماشي ماشي .. كملن غداكن العنود: قولي حمدوه: بطرش لج مسج على تيلفونج يلست حمدوه تعابل في تيلفونها وتكتب المسج وأنا أتريا المسج يوصلني .. أول ما وصلني المسج عطيت حمدوه صحنها وفتحت المسج .. وشمسوه عقت بعمرها على ريولي تقرا المسج "" والله أنا مايخصني حارب قالي شلي عنها البيبسي واشتريلها عصير برتقال فرش ..يعلج بطن بخمس دراهم .. انطعيي.. بس منو قال بسكت اليوم بشتري على حسابج من الكفتريا"" من قريت المسج تميت أتنافظ ..ماعرفت شو حلبي شمسوه: شو ياج ..حمدوه الحقي خالتج تتنافظ حمدوه: ههههه هب منها العنود(بهمس): خليه ينصح عمره قبل شمسوه: هوه ريال .. انتي بنت العنود: ماتفرق العنود: منو قال؟... تفرق وايد حمدوه: تغدن انتن خذت العصير وتساندت على ورا وما كملت غدايه .. يلست أشرب العصير .. موزوه: عنودي ليش ما تتغدين العنود:مالي خاطر ميثوه: حمدوه متى بتعرسين؟ حمدوه: بسم الله عليج .. شو هالرمسه ميثوه: شو بعد .. ريلج ورد من السفر ويشتغل .. حمدوه: أنا مالي رمسه في هالسوالف شمسوه: هههههه حشى شقايل احمرت مثيوه: وانتي شمسوه ..؟؟ شمسوه: شدراني أنا .. ميثوه: الشيخ علي مستعيل شمسوه: ما أدري.. بس الشواب مب طايعين العنود: أكيد بيعرسون جماعي .. واحساسي انه بيكون في الصيف موزوه: ما أتخيل تكون شمسوه وحمدوه على كوشه وحده .. الله حلو شكلهن العنود: هههههه ما أتخيلكن حمدوه: انشالله ياربي تكونين ويانا يا عنود العنود: هب على كيفج .. أنا بعدني حمدوه: لا منو قال بعدج .. العنود: أنا أقولج شمسوه: بنشوف .. ميثوه: بلاكن .. تقول لاقيات لها معرس شمسوه: ما بعرس الا وهيه معرسه ويايه حمدوه: بتيوزج ناصر العنود: يعله يفضبكن .. ميثوه: ههههه مالقيتي غير ناصر العنود: مالت عليكن ..صدق ماعندكن سالفه..غيرن السالفه يلسنا في الجامعه .. لين عقب صلاة العصر .. صلينا وطلعنا .. رديت البيت .. شفت سياره غريبه جدام الباب.. دخلت البيت لقيت آمنه وعموه يالسات في الصاله العنود: السلام عليكم أم حمد: وعليكم السلام آمنه: ظويتي ..؟ |
الــــــــــــجــزء الــســــــادس والعــشـــريــــــــــن دخلت البيت لقيت آمنه وعموه يالسات في الصاله العنود: السلام عليكم أم حمد: وعليكم السلام آمنه: ظويتي .. استغربت من لهجتها في الكلام .. بس يبين على ويها الضيج والقهر العنود: شو بلاكم ؟ آمنه: شو بلانا بعد .. من ييتي وانتي مسببه المشاكل أم حمد: يا آمنه البنت مالها شور في هالسوالف العنود: عموه شو صاير؟ آمنه: روحي الميلس بتعرفين شو صاير وطيت شنطتي وكتبي في الصاله .. وطلعت من الصاله رحت الميلس أبغي أشوف شو السالفه .. أول ما وصلت عند الباب حسيت دقات قلبي وصلت عند حجلي ..من سمعت أصوات حمد وعمي محمد عاليه .. فتحت الباب بسرعه ودخلت حمد:العنود!! العنود: شوفيكم حمد: العنود طلعي وخلينا اروحنا محمد: العنود روحي جهزي عمرج .. بشلج ويايه العنود: ليش ؟ محمد: لا اطولين في الرمسه يالله سوي اللي قلت لج عليه حمد: العنود روحي حجرتج ولا تطلعين منها محمد: حمد أنا بشل العنود ولا عليه من رمستك العنود(تهز راسها بالنفي): لا أنا بيتم هنيه محمد: هي بشاورج ثرني .. يالله أشوف حمد: عمي حط الرحمن بين عيونك .. العنود مابتظهر من هالبيت دامني حي جرب مني عمي وسحبني من ايدي .. حاولت اير ايدي منه بس قبضته قويه .. محمد: هب لازم تلفين أغراضج .. العنود: ما اريد أروح وياك .. هدني فجيت ايدي منه عقب موت ومن عقبها ما حسيت الا بكف قوي على ويهي ما قدرت أتوازن منه محمد: بعده ما يا الزمن اللي بناتنا بيخالفن شورنا فيه قبضني من شعري وسحبني صوب الباب وحمد قبض عمي من ايده حمد: عمي أنا حشمتك وايد .. بس لأنك في بيتي محمد: والله وعرفت تربي يا سيف جان عيالك يوقفون في ويهي على آخر العمر حمد: أبويه ربى ريال .. وأنا مابخيب ظنه فيني وأفرط في اختي كل هالكلام بينهم وعمي بعده قابظني من شعري ويسحبني .. سحبني وطلعني برا الميلس .. ووقفنا في نص الحوش وقف حمد جدام عمي بقوه واصرار .. حمد: والله والله وربي في سماه .. ما تطلع العنود من البيت وياك محمد: هذا جان شاورتك حمد: عمي لا تخليني أطلب لك الشرطه .. وخلنا عن هالفضايح محمد: سو اللي تقدر عليه .. أنا العنود بشلها وما بشاورك في هالوقت وعمي يكلم حمد كان يمط شعري بكل قوته وأنا خلاااص مب قادره حتى اني أتكلم .. ما قدرت الا اني أنزل دموعي .. هذي أنا في المواقف الصعبه ما أقدر أتصرف.. بس منو قال دزيت ايد عمي عني وفجيت شعري من ايد وأخرت على ورا .. رديت شعري عن ويهي شفت عمي ياي صوبي بس حمد قبظه من ايده وما خلاه يجرب صوبي .. حمد: العنود ردي داخل ولا تطلعين ربعت عنه .. بس ما دخلت داخل .. رحت بيت أم عبدالله .. ربعت صوب بيت سلامه .. فتحت الباب ما كنت أشوف شي من دموعي اللي مغرقه عيوني .. شمسوه: عنودي .. شو فيج؟؟ العنود: سالم وين ؟ شفت سالم ياي صوبي مسكني من جتوفي ويعدل شيلتي .. حطها على راسي بو سالم: العنود بنتي شو ياج .. ليش تصيحين؟؟! سلامه: عنود شو صاير رمسي؟! العنود: سالم.. سالم.. د .. دخيلك طلعني من هنيه .. ودني بيت يدوه سالم: عنودي عيوني .. رمسي شو فيج .. العنود: سالم دخيلك .. ماأبغي أروح وياه طلعني بو سالم: منو هوه ماتبين تروحين وياه؟؟ ماقدرت أتكلم خلاص عبراتي زادت ودموعي صارت سيل على خدي .. ماحسيت الا بسالم يلوي عليه .. يحسسني بالأمان سالم: بسم الله عليج .. ماعليج لا تخافين محد بيجرب صوبج دامني حي شمسوه: عنودي شو فيج؟؟ سالم: خلاص سكتوا عنها وقفت على هالحال ما تحركت .. كل اللي أسويه ان دموعي تنزل .. .. سالم( بصوت هادي): عنودي قومي بنطلع بعدت عنه شوي وطالعت في ويهه .. طالعته بنظره كنت أترجاه فيها العنود: بتوديني بيت يدوه؟ سالم: تعالي نطلع انتي طلعنا من البيت .. وطلع بو سالم ويانا .. سمعت صوت حمد وعمي محمد كانت أصواتهم وايد عاليه وشالين البقعه .. بو سالم: عنود بنتي منو عندكم العنود(منزله راسها): عمي محمد راح بو سالم صوب بيتنا وشفت علي يربع رايح وياه .. شكله سمع الأصوات وراح يعرف شو صار .. لفيت على سالم سالم: يالله تعالي رحت وراه ركبت السياره وطلعنا من البيت .. ما تكلم ولا تكلمت .. كل اللي ينسمع في السياره صوت عبرتي بين دقيقه والثانيه وصوت أنفاس سالم .. تم سالم يدور بالسياره .. رحنا المبزره فتحت الدريشه وأنا لافه بويهي صوبها .. كملنا ساعه ونص على هالحال .. العنود: آآآآآآآآهههههههه سالم: أنا لين الحين تراني ما عرفت شو صاير من سمعت رمسته مر جدامي شريط اللي صار كله .. ورديت أصيح مره ثانيه سالم: عنود أنا أباج ترمسين ما أباج تصيحين رفعت ريولي على السيت وحطيت راسي عليها .. وايدي على ويهي ... ابتديت أصيح مثل اليهال احتظنت عمري وياهمومي .. ليش كل هذا يصير لي أنا بالذات .. من طلعنا من البيت وسالم ما وقف وأنا ما وقفت من الصياح .. أذن المغرب ولا حسيت فيه الا عقب ما قالي سالم .. كنت منزله راسي وعلى حالي ما تحركت .. بس كنت أحس ان كل ما يمر الوقت اني أرتفع ويزيد الضعط عليه .. رفعت راسي .. كان سالم يسير على جبل حفيت .. لفيت صوبه .. طالعني وابتسم ابتسامته الحنونه ... ما أدري شو اللي خلاني أرتاح من هالشي .. وصلنا القمه .. وقف سالم على طرف لفيت صوبه .. هزلي راسه سالم: نزلي عدلت شيلتي ونزلت .. تمشيت شوي لين وصلت السياج المحطوط على الأطراف كنت أشوف المنظر .. هالمنظر يخليك تشوف هالدنيا .. كل بيت في هالمنطقه له مشاكله وبلاويه .. آآآآآآآآه .. الله يعينا .. لفيت أدور سالم شفته بعده يالس في السياره .. رديت صوب الكرسي ويلست .. أفكر لو كان أبويه عايش مستحيل عمي يقدر يسوي اللي سواه .. لو كانت أمي عايشه ما كنت بتبهدل بهالشكل .. رفعت ريولي على الكرسي .. وقعدت أطالع من فوق جبل حفيت .. سبحان الله هالمنظر يعطي الراحه لكل انسان مهما كانت همومه كبيره .. حسيت بايد سالم على جتفي .. رفعت راسي .. وابتسمت له عشان أريحه وأبين له اني هديت .. قعد عدالي .. وتمينا فتره ساكتين كسرت هالصمت اللي بينا العنود: اتصلت البيت؟ سالم: هيه شدراج العنود: شفتك ترمس في التيلفون سالم: شو النفسيه الحين العنود: آآآآآآهههه سالم: شو أفهم من هالتنهيده العنود: منو رمست؟ سالم: :خالي حمد العنود: وشو قالك سالم: تبين تعرفين شو قالي العنود: هيه سالم: السالفه وصلت للشرطه لفيت لسالم وأنا منصدمه العنود: الشرطه!!؟ سالم: هيه .. عمي محمد سار يبلغ الشرطه على خالي حمد العنود: وبعدين؟ سالم: شو وبعدين .. العنود: يا ويلي .... من الله آمنه كلتني يوم صارت السالفه .. بعد توصل للشرطه سالم: ماعليج من حد انتي العنود: وشو صار؟ سالم: وصيج في المحكمه خالي حمد .. يعني الشكوى ما تفيد العنود: وبعدين سالم: عمي محمد وقع تعهد في الشرطه انه ما يجرب صوبج .. وبس خلاص العنود: وحمد سالم: شو بلاه العنود: ما أدري سالم: شو ما تدرين العنود: تحمل مسؤولية بنت مب بنته سالم: هالبنت تستوي اخته .. من لحمه ودمه نزلت راسي وأنا أفكر .. سالم: بتمين تفكرين وايد العنود: ليش كل هذا يصير لي أنا بالذات سالم: استغفري ربج .. هذا حكم الله ولا اعتراض على حكمه العنود: استغفر الله العظيم سالم: ما تبين تردين ؟؟ العنود: بصراحه.. لاء سالم: ماقلتي من قبل .. جان يبنا لحافات عشان نبات هنيه العنود: ههه تنكت حظرتك سالم: أنا يوعان .. ما يعتي العنود: لا تغديت في الجامعه سالم: والله جان يسدج الغدا ... أنا ما يسدني ولد اختج ديناصور العنود: الله يعين حمدوه عليك سالم: ودها بنت اختج تظوي واحد شراتي العنود: شي الواثقين سالم: يحقلي .. مب العنود خالتي العنود: في هذي صدقت ظربني ظربه خفيفه على ريولي .. سالم: يالخقاقه العنود: هههه يحقلي سالم: هيه ... هذي العنود اللي أعرفها دوم تضحك .. ما أبغي أشوف دموعج مره ثانيه العنود: هب كل من يضحك فرحان وخاطره مرتاح سالم: وانتي هب مرتاحه الحين العنود: مستحيل أكون مرتاحه إذا كنت أحس اني عايشه عاله على غيري سالم: عن هالرمسه المخبقه .. شو عاله على غيرج .. العنود: .......... سالم: العنود بنت سيف ما تعيش عاله .. خالة سالم الكل يتمنها العنود: وليش يتمنها؟؟ سالم: عندها ولد اخت ماشي أحسن عنه العنود: ماجذبت يوم قلت لك خقاق سالم: لا تحاولين تنسيني السالفه .. العنود: أي سالفه؟؟ سالم: الأكل .. أنا يوعااان العنود: خلاص .. قوم نرد ركبنا السياره وأول ما ركبنا سالم شغل الليت ولف صوبي لاحظت انه يطالعني باستغراب العنود: شو فيك؟؟ جرب ايده من ويهي وحطها على خدي حسيت بألم فيه العنود: آآي سالم: شو هذا العنود: ما ادري لفيت صوب المرايه اللي جدامي وطالعت ويهي .. تذكرت الظربه اللي حصلتها من عمي .. نزلت راسي وسكرت الباب سالم: شو هذا العنود: ماشي .. يالله خلنا نروح سالم: ظربج؟؟ هزيت راسي سالم: الله .. العنو( تقاطعه): لا تدعي تحرك سالم ونزلنا وعقب دقايق ارتبش في السياره العنود: سالم عن الخبال .. اصطلب نحن ننزل من يبل الحين سالم: مابعقل لين تضحكين العنود: الحمدالله والشكر على شو أضحك .. مينونه سالم: كيفج .. نزلنا وطلعنا من المبزره .. اتصل سالم حق الخروف الذهبي وطلب العشى .. خطفنا عليه وردينا البيت .. دخلنا بيت أم عبدالله نزلنا من السياره العنود: سالم سالم: عونج العنود: عانك الله .. أريدك توصلني البيت سالم: تعالي تعشي قبل هزيت راسي بالنفي العنود: ما أريد .. سالم: هب على كيفج رن تيلفون سالم ورد عليه .. سالم: ألو حمد: حييه سالم: مرحبا الساع حمد: وين ؟؟ سالم: تونا واصلين البيت حمد: خلاص.. أنا ياي صوبكم سالم: نترياك سكر سالم التيلفون ولف صوبي .. سالم: الحين خالي حمد بيي .. تعالي تعشي وعقب بتروحين وياه .. دخلنا بيت أم عبدالله .. كانوا كلهم موجودين ويالسين مخلصين من العشى سالم:السلام عليكم الجميع: وعليكم السلام سالم: تعشيتوا؟ سلامه: هيه تعشينا سالم: أفا.. عيل هالعشى راح خساره شمسوه: ماعليك أخويه نحن ما بنقصر طول الوقت وأنا منزله راسي ما رفعته .. ما أبغي أشوف نظرة الرحمه في عيونهم و ما أريدهم يشوفون الظربه على ويهي شيخه: تعالي العنيدي .. تعالي يلسي هنيه عدالي رحت صوب شيخه ويلست عدالها و ما رفعت عيني .. ألعب بصبوعي .. حمد( يدخل): السلام عليكم رفعت راسي أشوفه .. جرب مني وقعد عدالي .. حط ايده ورايه حمد: وين رحتي .. خليتني أحاتيج سالم: أفا يا بوخليفه .. ما تأمن فيها عندي حمد: لا طبعاً انت واحد مينون سالم: أفااااا .. طحت من عيني بعد ما كنت عالي حمد: عادي بتعلق في لحيتك سالم: اسألها ما ارتاحت من الطلعه؟؟ .. اسألها حمد: هاه .. شو رايج عنودي العنود: ماقصر بوغنيم فديت روحه سالم: بعدي .. بنت سيف .. تعالي تعالي خلينا نتعشى حمد: يالله قومي تعشي العنود: ما أريد حمد: هب بكيفج .. يالله أشوف سالم: تعالي .. دافع ثلاثميه حق هالعشى .. طلعوا متعشين وانتي ما تبين عشى .. بيسير خساره حارب: يالزطي .. وايد عليك سالم: هيه .. انت ما دفعت شي .. أنا حليلي اللي تعبان في فلوسه .. من الله المعاش ما يسدني كلنا لفينا على حمد أخويه .. شفنا في عينه نظرة الاستنكار .. وقف وراح صوب سالم حط ايده على رقبته حمد: شووو!! .. انت راتبك أعلى راتب في الشركه كلها .. تقول مايسدك سالم: بس أنا خريج أمريكا حمد: والعافيه سالم: لالالا ما يصيرلازم تزيد معاشي خمسة ألاف .. باجر ورايه عرس ومصاريف حمد: بتبطي الساع .. ولا نص سالم: قوم قوم انت الحين خلنا نتعشى .. تعالي عنود منصور بيقضي على الأكل ونحن بعدنا ما ذقنا شي منصور: برايكم التهو في ظرابتكم .. وخلوني أنا آكل سحبني حمد ويلسني تحت حمد: يالله كلي وخلينا نروح .. هذا محد ييلس عنده شمسوه: أنا بعد يوعانه يلسن شمسوه وحمدوه يتعشون ويانا.. سالم: حياكم حارب: من متى أترياك تعزم علينا سالم: ما أحيدك حارب: لا ما عليك .. عمك محترم سالم: لا تقول عمك .. تقهرني يا أخي .. حارب: هههههه عمك غصب عليك شمسوه: تعال جانك يوعان .. منصور وسالم مستوحشين قعد حارب على العشى .. بس اللي لاحظته انه ما ياكل رفعت راسي ببطئ بشوفه .. طاحت عيني في عينه .. على طول لفيت بويهي عنه وقمت شمسوه: تعالي وين تبين العنود: بسني الحمدالله شبعت سالم: وايد عليج رحت المطبخ التحظيري أغسل ايدي .. دخلوا حارب شمسوه ورايه شمسوه:حشى ما تخلي الواحد يتهنى بعشاه حارب: بطن انشالله حد يتعشى مرتين .. شمسوه: هيه .. أنا غسلت ايدي .. ووقفت أنشفها بالكلينكس .. شمسوه: وين رحتي ويا سالم؟؟ العنود: رحنا المبزره ويبل حفيت شمسوه: مالت علينا .. ناس من متى واعدينا بالمبزره .. ماشفنا شي حارب: منو هالناس ؟ شمسوه: واحد أهبل حارب: أول مره أدري ان علي أهبل شمسوه: لا مب علي .. انت حارب: هههه .. يالله شي اللي ما يرضون طلع حارب ثلاث غراش بيبسي من الثلاجه .. فتح وحده وحطها على الطاوله جدامي .. والثانيه عطاها شمسوه وشرب هوه وحده .. رفعت راسي شفته يبتسم وطلع من المطبخ شمسوه: شو تتريين شربيها شليت الغرشه وطلعنا من المطبخ .. دخلنا الصاله حمد: يالله العنيدي العنود: شوو؟ حمد: ما تبين تردين البيت بصراحه لاء .. ما أريد أسمع كلام يسد لي نفسي من آمنه .. أدري انها بتعق عليه رمسات مثل السم .. نزلت راسي وما رديت عليه حصوه: أنا بروح وياج عنودي .. السهره عندج اليوم حمدوه: هيه صح .. يالله شميس حمد: منو عزمكن .. أنا زقرت عنودي انتن وين تبن مرتزات شمسوه: بنسير ويا خالتنا .. عندك مانع أخ حمد حمد: لا أفا عليج .. أنا لو كان عندي مانع الحين ما بيسر أفج حلجي بكلمه من يريتي لسانج شمسوه: هيه جذي أباك .. طلعت ويا حمد والبنات ورحنا البيت .. دخل حمد الصاله وأنا رحت حجرتي ويا البنات .. ما بغيت أطلع منها .. العنود: أنابدخل أتسبح .. تريني حمدوه: أوكي .. بس لا تطولين شمسوه: أنا بشوف المنتدى لين تخلصين .. دخلت الحمام أتسبح ..وما طولت .. عقب ما خلصت جمعت صلاة المغرب والعشى .. العنود: شميس شو تسوين ؟ شمسوه: تعالي حد ظافج على المسن وأنا سويت له قبول .. العنود: منو؟؟ شمسوه: ما أدري .. العنود: شو الايميل؟.. شمسوه: بدوي 80 العنود:يعلني بلاج .. تشوفينه ايميل ريال .. سوي له بلوك شمسوه: وانتي شعليج خليه العنود: لا شو خليه .. سوي له بلوك يالله حمدوه: تعالن بنتابع هالفلم .. شفتيه عنودي العنود: لا أمس يايبتنه من عند ساروه حصوه: تعالن قبل بنروح المطبخ بنييب ملح .. بحطه على خدج العنود: ليش؟ حصوه: عشان يخف هالوريم اللي فيه .. رحنا المطبخ وحطت حصوه ملح في قطعه صغيره وربطتها ويابت كوب ماي حار من الثلاجه .. ردينا الحجره كانت شمسوه مشغله الفلم وانسدحت على ريول حصوه وتحط صرة الملح على خدي عقب ما تغطها في الماي الحار.. ونحن نتابع الفلم .. خلص الفلم الساعه وحده .. حمدوه: يالله .. قومن خلنا نروح .. فيني رقاد شمسوه: أنا ببات عند عنودي حمدوه: يالله حصوه .. انتي بتباتين ويايه بيت يدوه اليوم وصلنا حمدوه وحصوه لين الباب وعقب ردينا داخل الحجره .. العنود: فيج رقاد؟ شمسوه: لاء .. وانتي العنود: خاطري في جاهي حليب شمسوه: تعالي نروح نسوي رحنا المطبخ سوينا الجاهي وردينا الحجره .. يلست شمسوه على النت .. العنود: منو تشوفين على المسن ؟؟ شمسوه: نوروه خالتج .. بس حاطه مشغول وايميلين ما أعرفهن .. يلست عدال شمسوه .. شمسوه: منو هذيلا .. العنود: ربعي.. أيام المدارس شمسوه: طالعي طالعي .. بدوي 80 داخل العنود: انتي ما سويتي له بلوك ؟ شمسوه: لاء العنود: يعلني بلاج .. شمسوه: شوفي يرمس .. تعالي بطفر به العنود: انتي مينونه .. أنا في حياتي ما رمست حد ما أعرفه على المسن شمسوه: ماعليج بنسوي له بلوك عقب كان نك بدوي 80 .. لأنك فايق بحسنك وزينك .. عطالك القلب حبه يافتوني " السلام عليكم" شعشبونه" وعليكم السلام" شمسوه: يعلني بلاج ويا هالنك .. دومج خريش .. غيرت شمسوه النك .. العنود: على كيفج ؟؟ شمسوه: هيه على كيفي؟؟ العنود: كتبي .. دخيلك تخلي ضايق الصدر في حاله .. تراني على حد البكى لا تبكيني شمسوه: مب حلو العنود: شمسوه كتبيه وخلاص لأنك فايق بحسنك وزينك ..عطالك القلب حبه يافتوني" شحالج الشيخه" دخيلك تخلي ضايق الصدر في حاله .. تراني على حد البكا لا تبكيني " الحمدالله .. منو ويايه" لأنك فايق بحسنك وزينك ..عطالك القلب حبه يافتوني" واحد من الناس" دخيلك تخلي ضايق الصدر في حاله .. تراني على حد البكا لا تبكيني" تستهبل حظرتك .. أدري انك واحد من الناس .. بس ما عرفت منو" لأنك فايق بحسنك وزينك ..عطالك القلب حبه يافتوني" انتي ما تعرفيني" دخيلك تخلي ضايق الصدر في حاله .. تراني على حد البكا لا تبكيني" من ايميلك .. انت ريال صح؟؟ " لأنك فايق بحسنك وزينك ..عطالك القلب حبه يافتوني" يب - فيس يغمز- " دخيلك تخلي ضايق الصدر في حاله .. تراني على حد البكا لا تبكيني" من وين يبت ايميلي " لأنك فايق بحسنك وزينك ..عطالك القلب حبه يافتوني" يبته وخلاص" دخيلك تخلي ضايق الصدر في حاله .. تراني على حد البكا لا تبكيني" انت منو .. إذا ماقلت تراني بسوي لك بلوك" لأنك فايق بحسنك وزينك ..عطالك القلب حبه يافتوني" بظيفج بايميل ثاني" دخيلك تخلي ضايق الصدر في حاله .. تراني على حد البكا لا تبكيني " أصلاً أنا ما أضيف ايميل ما أعرفه .. بس ضفتك بالغلط " لأنك فايق بحسنك وزينك ..عطالك القلب حبه يافتوني" أدري" دخيلك تخلي ضايق الصدر في حاله .. تراني على حد البكا لا تبكيني" شدراك؟؟! – فيس مستغرب- " لأنك فايق بحسنك وزينك ..عطالك القلب حبه يافتوني " هذا ثالث ايميل أضيفج فيه .. وكل مره ترفضين .. أصلاً أنا اروحي استغربت يوم شفتج قابله الاضافه" دخيلك تخلي ضايق الصدر في حاله .. تراني على حد البكا لا تبكيني" وشو تبغي مني؟؟" لأنك فايق بحسنك وزينك ..عطالك القلب حبه يافتوني" بخبرج بعدين" دخيلك تخلي ضايق الصدر في حاله .. تراني على حد البكا لا تبكيني" إذا ما قلت انت منو بسوي لك بلوك" لأنك فايق بحسنك وزينك ..عطالك القلب حبه يافتوني" لا دخيلج .. نحن ما صدقنا على الله تحطين قبول" دخيلك تخلي ضايق الصدر في حاله .. تراني على حد البكا لا تبكيني" عيل قول انت منو" لأنك فايق بحسنك وزينك ..عطالك القلب حبه يافتوني" يوم غايته بتعرفين" دخيلك تخلي ضايق الصدر في حاله .. تراني على حد البكا لا تبكيني" أنا بطلع الحين ..باااااي" لأنك فايق بحسنك وزينك ..عطالك القلب حبه يافتوني" مع السلامه .. صدقيني استانست لأنج ظفتيني .. تصبحين على خير وأحلام سعيده" طلعت شمسوه من المسن العنود: منو هذا ؟؟ شمسوه: شدراني .. أنا اللي المفروض أسألج العنود: يعلني بلا ويهج يا شميس .. أنا ما ضفت حد ما أعرفه .. كله منج انتي شمسوه: وأنا شدراني العنود: باجر بدخل بسوي له بلوك شمسوه: تعالي نرقد انتي رقدنا الساعه ثنتين ونص .. وأنا أفكر بكل اللي صار اليوم .. من الغدا في الجامعه .. لين المسن توه .. الــجــزء الــــســـــابـــع والــعـــشـريـــن الساعه 12 رن المنبه في تيلفون شمسوه .. قمت ووعيتها العنود: شميس.. شمسوه شمسوه: هااه .. العنود: قومي شمسوه: انزين دخلت الحمام وطلعت وشمسوه بعدها راقده .. سمعت دق على الباب .. فتحت الباب شفت حمد يبتسم حمد: صباح الخير العنود: ههه تتطنز حمد: عنبوه رقاد لين الحين العنود: شو ردك من وقت انت ؟ حمد: اتولهت عليج العنود: يالله يالمكار.. لا صدق غريبه راد من وقت حمد: خلصت شغلي ورديت العنود: زين عيل بتغدا وياك اليوم .. من زمان ما تغدينا رباعه حمد: منو هذي اللي راقده .. العنود: شميس دخل حمد ويلس عدالها..لحقته.. قبظ طرف من شعري ويلس يلعب به على خدها واذنيها لفت شمسوه الطرف الثاني وتم حمد يلعوزها شمسوه: عنود يلسي عني مالي بارض عليج العنود: ههههه حمد طفربها وهيه عصبت ردت بايديها بقوو وظربت حمد حمد: والعثره .. انتبهت شمسوه على صوت حمد ويلست حمد: هب ايد عليج شمسوه: خالي اسمحلي تحريتك العنود حمد: حتى اختي ما أرضى انج تظربينها العنود: فديييت عمرك يا ربي شمسوه: شو تبون طفرتوبي خلوني أرقد حمد: قومي يالله .. خستي رقاد طلع حمد عنا وشمسوه قامت وصلت وراحت بيتهم .. طلعت عند الغدا .. تغديت وياهم بس ما تكلمت ويا آمنه ولاحظت عليها انها مضايجه وايد بس ما قالت شي .. عقب الغدا يلسنا نشرب جاهي في الصاله .. جرب حمد ايده من ويهي حمد: يعورج؟ العنود: لا عادي حمد: خفت عن أمس .. العنود: هيه حصيص فديتها حطت لي كمادات حمد: سمحيلي عنودي العنود: ليش ؟ حمد: والله متلوم فيج .. وقفت أشوفج وماسويت شي العنود: أنا ماشفت انك وقفت .. وبعدين لو شو ماصار مستحيل تقدر تظارب عمك .. صح والا لاء تنهد حمد ولف بويهه صوب التلفزيون ..وأنا كملت كوب الجاهي اللي في ايدي ورحت حجرتي .. فتحت النت والمسن.. طفرانه نوروه من ابتدت تتزهب ما تدخل المسن .. أفف طفرانه دخلت المنتدى ورديت على المواضيع اللي طارحينها وضفت القصيده اللي كتبتها في كتاب المجتمع .. دخل بدوي80 الي كلمته ويا شمسوه أمس .. يعلني بلاج ياشميس .. بليتيني بلوه .. لأنك فايق بحسنك وزينك ..عطالك القلب حبه يافتوني" صباح الخير" دخيلك تخلي ضايق الصدر في حاله .. تراني على حد البكا لا تبكيني " نعم" لأنك فايق بحسنك وزينك ..عطالك القلب حبه يافتوني" السلام عليكم" دخيلك تخلي ضايق الصدر في حاله .. تراني على حد البكا لا تبكيني" وعليكم السلام..خير" لأنك فايق بحسنك وزينك ..عطالك القلب حبه يافتوني " ماقلنا شي بغينا نسلم بس" دخيلك تخلي ضايق الصدر في حاله .. تراني على حد البكا لا تبكيني" أنت شو تبغي مني" لأنك فايق بحسنك وزينك ..عطالك القلب حبه يافتوني"قلت لج بتعرفين يوم غايته" دخيلك تخلي ضايق الصدر في حاله .. تراني على حد البكا لا تبكيني" خلاص عيل يوم غايته بشل البلوك عنك" لأنك فايق بحسنك وزينك ..عطالك القلب حبه يافتوني " لالالا دخيلج" لأنك فايق بحسنك وزينك ..عطالك القلب حبه يافتوني" لا تسوين بلوك .. صبري برمسج" لأنك فايق بحسنك وزينك ..عطالك القلب حبه يافتوني" العنود صبري صبري" من شفته كاتب اسمي بغيت أموووت .. منو هذا وكيف يعرفني .. لاااااااا ياربي بموت دخيلك تخلي ضايق الصدر في حاله .. تراني على حد البكا لا تبكيني" انت منو .. وكيف تعرفني . ومن وين يبت ايميلي" لأنك فايق بحسنك وزينك ..عطالك القلب حبه يافتوني" لا تسويلي بلوك وبقولج" دخيلك تخلي ضايق الصدر في حاله .. تراني على حد البكا لا تبكيني" دخيلك حرام عليك أنا انسانه كافيه خيري شري .. مالي دخل في حد .. شو تبغي مني" لأنك فايق بحسنك وزينك ..عطالك القلب حبه يافتوني " انتي هدي .. مابسوي بج شي صدقيني" دخيلك تخلي ضايق الصدر في حاله .. تراني على حد البكا لا تبكيني" أوكي قولي انت منو" لأنك فايق بحسنك وزينك ..عطالك القلب حبه يافتوني " بقولج بس قوليلي ليش حاطه هالنك" دخيلك تخلي ضايق الصدر في حاله .. تراني على حد البكا لا تبكيني" أعتقد ان هذي خصوصيات وبعدين دامك تشوف النك ليش ما تخليني" لأنك فايق بحسنك وزينك ..عطالك القلب حبه يافتوني " مب هاين عليه أشوفج مضايجه وأخليج" دخيلك تخلي ضايق الصدر في حاله .. تراني على حد البكا لا تبكيني" وانت شدراك اني مضايجه؟؟" لأنك فايق بحسنك وزينك ..عطالك القلب حبه يافتوني" أنا أعرف كل شي عنج .. وبعدين النك اللي حاطتنه يدل على انج مضايجه" دخيلك تخلي ضايق الصدر في حاله .. تراني على حد البكا لا تبكيني" وانت من وين تعرف عني كل شي" لأنك فايق بحسنك وزينك ..عطالك القلب حبه يافتوني" أعرف وخلاص" دخيلك تخلي ضايق الصدر في حاله .. تراني على حد البكا لا تبكيني" انت الظاهر ما ينفع وياك ... مع السلامه" لأنك فايق بحسنك وزينك ..عطالك القلب حبه يافتوني " لالاالالا.... خلاص بقولج .. بس لا تسويني بلوك ..يابوج ذليتينا" دخيلك تخلي ضايق الصدر في حاله .. تراني على حد البكا لا تبكيني" شوف آخر مره أسألك انت منو.. إذا ما قلت بسوي لك بلوك .." لأنك فايق بحسنك وزينك ..عطالك القلب حبه يافتوني" أوكي بقول بس على شرط" دخيلك تخلي ضايق الصدر في حاله .. تراني على حد البكا لا تبكيني" شو شرطك؟؟" لأنك فايق بحسنك وزينك ..عطالك القلب حبه يافتوني" ما تسويلي بلوك عقب ما تعرفين" دخيلك تخلي ضايق الصدر في حاله .. تراني على حد البكا لا تبكيني" أوكي .. موافقه" لأنك فايق بحسنك وزينك ..عطالك القلب حبه يافتوني " انتي تعرفيني" دخيلك تخلي ضايق الصدر في حاله .. تراني على حد البكا لا تبكيني" أعرفك!!" لأنك فايق بحسنك وزينك ..عطالك القلب حبه يافتوني" هيه يعني ما تعرفيني بمعنى الكلمه .. بس لو خبرتج أنا منو بتعرفيني .. شفتج وشفتيني" دخيلك تخلي ضايق الصدر في حاله .. تراني على حد البكا لا تبكيني" ما أدري.. ما عرفتك" لأنك فايق بحسنك وزينك ..عطالك القلب حبه يافتوني"تشوفين النك اللي حاطنه" دخيلك تخلي ضايق الصدر في حاله .. تراني على حد البكا لا تبكيني" شو فيه؟؟" لأنك فايق بحسنك وزينك ..عطالك القلب حبه يافتوني" اهداء حقج" دخيلك تخلي ضايق الصدر في حاله .. تراني على حد البكا لا تبكيني" لا تغير الموضوع وأنا ما أبغي اهداءات منك .. انت منو؟؟ " لأنك فايق بحسنك وزينك ..عطالك القلب حبه يافتوني" أنا بطي" دخيلك تخلي ضايق الصدر في حاله .. تراني على حد البكا لا تبكيني" منو بطي؟؟؟ " لأنك فايق بحسنك وزينك ..عطالك القلب حبه يافتوني" بطي بن سهيل ال.....عم لطوف" انصدمت .. هذا شو يقول .. شو يبغي .. أحس الدنيا تدور فيني ما أعرف بشو أفكر .. مديت ايدي للتيلفون واتصلت حق شميس .. شمسوه: ألو العنود: شمسوه .. تعالي بسرعه شمسوه: ليش شو صار؟؟ العنود: انتي تعالي يالله شمسوه: أوكي يالله باي سكرت عنها ويلست على الشبريه أترياها توصل .. عقب خمس دقايق دخلن حمدوه وشمسوه الحجره شمسوه: عنودي شو فيج حمدوه: بسم الله تقول حد مزيغنها .. شو ياج العنود:البدوي.. شمسوه: منو البدوي حمدوه: شو ياج خرفتي سحبتهن لين عند الكمبيوتر وراويتهن المحادثه كلها .. عقب ما خلصن لفن صوبي منصدمات .. حمدوه: هذا تخبل .. ين؟؟ شمسوه: من وين ياب ايميلج العنود: ما أدري حمدوه:مايبالها ذكاء .. محد غير لطوف شمسوه: متى شافج ؟؟ العنود: يوم كانن عندنا دخلت الصاله وكان يالس وياهن .. شمسوه: وانشالله دخلتي الصاله وانتي بهالحال العنود: لاء كنت لابسه شيله .. كنت رايحه بيت خالي مانع يوم العزيمه حمدوه: الله الله .. كاشخه الشيخه عنود شمسوه: ما ينلام الريال العنود: الحين شو أسوي ؟؟ خبرني ... شمسوه: شو تسوين بعد .. سوي له بلوك على طول ربعت للكمبيوتر سويت له بلوك حسيت براحه جزئيه .. تمينا في سكوت عقب شليت تيلفوني واتصلت حق لطوف على تيلفون البيت .. ردت عليه لطيفه: ألو العنود: ألو السلام عليكم لطيفه: وعليكم السلام هلا والله بالغلا العنود: شحالج لطفين لطوف: الحمدالله يسرج الحال .. انتي شحالج العنود: بخير ونعمه لطوف: غريبه متصله هالوقت .. العاده عقب المغرب العنود: لطوف بسألج .. لطوف: شو؟؟ العنود: ليش عطيتي عمج ايميلي ؟؟ لطوف: أنا !! العنود: أمس عمج بطي ظافني على ايميله ورمسته على المسن .. هو حاول ثلاث مرات يضيفني بس أنا أعطيه رفض.. بس شمسوه أمس حطت له قبول وكلمني لطوف: عنودي والله أنا ماعطيته العنود: عيل من وين ياب ايميلي .. ما أتوقع ان ساروه تعرف ايميلي لطوف: عنودي صدقيني ما عطيته .. والله ما أقص عليج .. والله ما عطيته الايميل العنود: يعني من وين بييبه لطوف: عنودي بكلمج عقب ربع ساعه .. أوكي العنود: أوكي سكرت عن لطوف وأنا أطبخ من داخل .. أحس اني بنفجر .. شمسوه: شو قالت لج العنود: قالت لي انها ما عطته حمدوه: انزين يمكن حد بيسوي فيج مقلب شمسوه: شو مقلب انتي بعد .. منو المتفيجه هذي وبعدين ليش اختارت هالشخص بالذات .. وشدراها انها شافته العنود: أنا بسكر هالايميل وبفتح غيره شمسوه: مايرزا عليج .. خليه يولي سويتي له بلوك شو بعد اتصلت لطوف وعلى طول رديت عليها العنود: هلا لطفين لطوف: هلا عنودي.. العنود: هاه .. شو سويتي لطوف: رمست عمي العنود: وشو قالج؟؟ لطوف: سمحيلي عنودي بس عمي خذ الايميل وأنا ما أدري .. خذه يوم كنت أكلمج يوم الجمعه العنود: وشو يبغي؟ لطوف: ما أدري به العنود: سمعي لطفين أنا مابقولج شي انتي مالج ذنب .. بس قولي حق عمج مب العنود بنت سيف بترمس ريال غريب على المسن ..وهالحركه اللي سواها كلها غلط في غلط.. لطوف: سمحيلي عنودي والله أنا ما أدري به .. انتي سويله بلوك وأنا بتفاهم وياه العنود: أنا سويت له بلوك وخلاص لطوف: خلاص أنا بتفاهم وياه انتي ما عليج .. سكرت عن لطوف وانا مرتاحه .. أهم شي اني خلصت السالفه .. ماشي شغله أرمس واحد ما أعرفه على المسن .. حمدوه: ناس فاضيه شمسوه: خلاص لا تطرن السالفه .. وانتي عنودي قولي حق لطوف ما تخبر حد العنود: انتي مسودة الويه ..ان دريت انج متعبله في المسن بإيميلي بتنظربين شمسوه: ههه انشالله العنود: تضحك بعد .. ضحكتي بلا ضروس حمدوه: انشالله العنود: ضحكة عنز على باب مقصب حمدوه: آآآمين شمسوه: سممم انشالله .. مواحدات الدعاء عليه .. **** عقب شهر من الأحداث السابقه**** أسوم : عاااااشت الغزال ... منى: ماشالله ماشالله .. شو هذا العنيدي العنود: شو رايكم موزه: يالله لو يشوفونج عرب .. بيموتون منى: منو؟؟ موزه: ناس أسوم: سكتي الله يخليج .. عادي ترد البيت الحين العنود: يااااااااالله فقدتكن ...خلنا نسير عند نوروه أبرك لنا رحنا الحجره عند نوروه كانت ويا المصوره تصورها العنود: شخبارها عروستنا نوروه: وينكن عني من الصبح منى: أحمد تأخر علينا العنود: أنا توني طلعت من الصالون وييت صوبج نوروه: ماشالله أسوم .. وين غيث عنج .. أسميه بيتخبل موزه: انتي اللي طالعه قمر اليوم منى: أنا بطلع الحين .. نوروه: وين بتروحن عني العنود: أنا بيلس عندج .. نزلن منى وأسوم وموزه وتميت أنا ويا نوروه .. ونزلت عنها قبل ما تدخل بشوي .. الساعه 10 دخلت نوروه الصاله بطلتها أبهرت الكل .. ماشالله عليها طالعه قمر .. بس بين عليها الارتباك .. كنت واقفه بعيد عنها شوي .. أحاول أساعدها في المشي لانها متبهدله من الطرحه وذيل الفستان .. وصلت نوروه على الكوشه وبدن الحريم وربعها يركبن ويسلمن عليها .. الساعه عشر ونص دخل عبدالله الصاله .. تموا لين الساعه 11 وربع يتصورون وعقب طلعوا من الصاله والحريم تقريباً كلهن طلعن محد فيها غير الأهل وخواتي شيخه وسلامه .. وعموه أم حمد وعموه أم عبدالله .. رحت ويلست وياهن نتريا الشيخ غرين يشرف ..حظرته لين الحين ما ظوا أسوم: عنودي تعالي شوي العنود: شو أسوم: تعالي برمسج رحت صوبها مشت وياها لين باب الصاله اللي يطلع صوب الحجر الداخليه العنود: وين تبين ؟ أسوم: تعالي .. أبغي أرمسج في سالفه وصلت لين آخر الممر العنود: بسس ما بتحرك ..رمسي بروح مافيني أأخر خواتي أحمد: عادي أنا بوصلج من سمعت صوته لفيت على ورا شفته واقف متساند على الايدار ويلعب بسماعة التيلفون رضفت شيلتي وتغشيت بها وبهالحال متأكده انه مابيشوفني لأن الشيله ماكانت شفافه وايد .. والحمدالله اني كنت لابسه عباه ساتره العنود:أحمد أحمد: شو ما عيبج العنود: أسوم قولي شو تبين خليني أروح أحمد: ما عندها شي .. أنا قلتلها تروح تزقرج لفيت على أسوم شفتها منزله راسها .. ماتوقعت هالحركه منج انتي أكثر وحده تعرفين علاقتي بأحمد .. العنود: خير شو بغيت؟؟ أحمد: ماشالله عليج محلوه بزياده ...غسلتي البنات كلهن اليوم صدق انه سخيف ..قمت أعدل شيلتي وأعدل غشاتي وأحاول أغطي الفستان بالعباه أحمد: لا تحاولين.. أنا شفتج وخلاص..شفتج بلا عباه مشيت عنه كنت بروح أحمد: حشى مستعيله .. شو عندج ؟؟ العنود: ما أريد أأخر خواتي أحمد: قلنالج نحن بنوصلج العنود: لا مشكور..ما أريدك توصلني أحمد: ليش مش من مستواج؟ أنا إذا وقفت أكثر عادي أنفجر وأطيح .. أو أرتكب جريمه فيه .. مشيت عنه وصلت عداله بتخطاه قبظني من ايدي سحبت ايدي بقو العنود: وقح مريوم: انتوا شو تسون هنيه العنود: كملت .. مريوم: شو كملت .. ماعيبج أكون واقفه ويايكم .. ما بتاخذين راحتج آنسه عنود العنود: لا باخذ راحتي بعيد عنكم .. هذوه ولد عمج ..سأليه هوه شو موقفنا هنيه أحمد: عنودي وقفي برمسج العنود: مابيني وبينك رمسه يا أحمد خلاص .. انت ما خليت أي حبل ممكن يوصل بينا مشيت عنهم بأسرع خطوات قدرت عليها .. وأسوم كانت ورايه أسوم: عنودي .. عنودي مشيت عنها وما رديت عليها .. الصدى اللي في الممر يبين ان في أكثر من شخص يمشون .. ومافيني أوقف وأشوف أحمد ...خلاص كل مره أحس الكره صوبه يزيد .. دخلت الصاله ورحت صوب خواتي كانن توهن بيطلعن من صالة الاستقبال وطلعت وراهن .. رديت البيت .. دخلت الصاله لقيت حمد يالس ويا خليفه حمد: توالناس العنود: شو نسوي عاد .. هذا عرس أم حمد: ماشالله عليهم ويا عرسهم خليفه: بطلي ..عنودي خلينا نشوف الحلاه العنود: مايحتاي أنا من يومي حلوه .. حمد: ماشالله عنودي هالاسبوع عرس خالتج والاسبوع الياي عرس حصيص العنود: شو نسوي عاد يلست عدال حمد حمد:ماشالله ماشالله .. صدق غسلتي البنات كلهن خليفه: هاه ما لقيتلي عروس أم حمد: قم انته قم ويا رمستك هاي الماصخه خليفه: أفااااا...ليش عاد ماقلنا شي نحن العنود: انت لا تفكر بالعروس .. أنا اللي بدلك على زينة البنات خليفه: منو؟؟ العنود: يوم غايته بقولك حمد: شو ناويه تخطيبن له أشوفج العنود: من عقب شورك طبعاً شمسوه( تدخل): السلام عليكم الجميع : وعليكم السلام شمسوه: له له .. عنودي شو هالحلاه كلها العنود: شو يايبنج هالوقت يالساحره شمسوه: يايه أشوفج .... قومي انتي لبسي عباتج حارب خاس برا حمد: والحربي شو يايبنه هالوقت .. ما أحيده شمسوه: ياي يوصلنا لبست شيلتي وعباتي ودخلوا حارب وحصوه وحمدوه .. حارب: السلام عليكم الجميع: وعليكم السلام حمد: هاه الحربي ..ما أحيدك تيلس هالوقت حارب: ياي أوصل البنات وعقب بطلع خلوف: زين عيل .. بويه وياك حمد: وين بعد .. انتوا ما تنعطون ويه ومحد يعطيكم اجازه أم حمد: وانت حارب عندك دوام باجر والا إجازه حارب: لا عموه ما عندي دوام نسيتي ان باجر الجمعه .. واجازاتي مأجلنهن للصيف خلوف: زين عيل بسافر وياك العنود: ابرد محلك ..عندك امتحانات وعقب بييك دوام الكليه خليفه : لا منو قال .. بسافر وياكم حارب: مابشلك ... خليفه: سافر اروحك عيل حارب: أبركلي من السفر وياك .. راحوا حمد وعموه يرقدون وحارب وخليفه طلعوا ونحن دخلنا الحجره حمدوه: أخبارها عروسكم العنود: الحمدالله شمسوه: يالله .. ماشي باقي حصيص حصوه: سكتن عني اروحي حفزانه حمدوه: ماشالله عليهن .. ربع من نفس التخصص تخرجن مع بعض وعرسن في نفس الاجازه حصوه: انتن بعد ماشالله ما تتفارقن وبتعرسن رباعه انشالله العنود: لا تحطيني بينهن .. حمدوه: ليش مب من مستواج العنود: عيال عم كل واحد بياخذ اخت الثاني .. أنا شو يخصني بينكم حصوه: عادي مافيها شي ..جان ياج معرس بيعرسون جماعي .. شمسوه: ماشفتي أحمدوه اليوم العنود: شفته .. عساه ... شمسوه( تقاطعها): لا تدعييييين العنود: فكيني من هالطاري انتي الحين العنود: حصيص .. بيسون الخيمه من باجر حصوه: والله اني حفزانه .. ما أدري ليش من باجر هالترتيبات .. تخليني أخاف أكثر شمسوه: الله يهنيج ويسعدج حمدوه: آمين العنود: ويعينج على بنت أخوه حصوه: أنا أبغي أعرف ليش ما تدانين وياها العنود: في البدايه أنا عادي .. بس من كلامها ويايه وطريقة تعاملها كرهتني فيها شمسوه: بسسس العنود: هيه بسسس حمدوه: متأكده العنود: ليش عندج إضافات آنسه حمده حمدوه: لا فديتج ماعندي حصوه: أنا بروح أرقد .. مافيني على السهر.. العنود: يالله يالعروس تخاف على بشرتها حصوه: أكيد ..شوكاضني أسهر وياكن شمسوه: يالله نحن بنروح .. وبقولج يوم السبت بنروح دبي .. العيايز تكرمن علينا العنود: ليش ؟ شمسوه: حصيص بتروح الصالون .. ونحن بنروح نتشرى عقب ما تخلص حمدوه: وسوي حسابج ..ماشي روحه غيرها العنود: انشاااالله .. طلعن عني القوطي وأنا دخلت اتسبح .. عقب ما غسلت شعري ارتحت من الله كارهتنه .. بعدها تترسه اسبريه وموس .. تقطع .. يوم عرس حصيص ما برفعه ولا بخليها تسوي فيه شي .. حشى تقطع ... صح مش عايبني بس بعد ما يهون عليه .. بخلي شموه أم الأفكار تطلع لي طريقه يديده حق شعري .. ........ انا نزلت اكثر عن بارت بس عشان اراضيكم و اسمحولي على التأخير و السموحه منكم ... |
تسلمين ونتريــــــــــــا زودمنــــــــــــــج وسموحهــــــــــــ ـ غ ــــــــــــــــرشوبــــــــ الــــــــــــبدو |
مشكوووووووووره الغاليه ما قصرتي |
مشكوره اختي بس الله يخليج نزلي كل القصة |
مشكورة اختي ع البارتات الحلوة ونتظر البارت اليديد |
يلا نبغي البارت بسرعه |
وييييييييييييييييييين البــــــــــــارااااااااااتــــــــــــــ |
البارت البارت البارت البارت بليييييييييييييييييييييييييييييييييييييييييييييييي يييييييييييييييز |
وينج تاخرتي نبي البارت |
اصراحه القصه في منته اروعه الصراحه انهايه ماكنت متوقعتنه بس وانا اقراه اتمنيت ان العنود تعيش سعيده مع حارب |
تسلمين ونتريا زودمنج وسموحهــــ |
فديت قلبج اختي الحزينه على زايد .. القصه بعدها ما خلصت المهم هاذي التكلمله . .................................................. ........... الــــــــــــــجـــــــــــــــــزء الـــــــــــــــثـــــــــــــــامـــــــــــــــ ن والـــــــــعــــــــشـــــــريــــــــــن يوم الجمعه العصر كنت يالسه في الخيمه ويا شمسوه وحصيص .. سكرت شمسوه عن حمدوه شمسوه: قومن خلنا ندخل داخل العنود: شو عندج شمسوه: ميثوه داخل ويا حمدوه العنود: برايكن أنا برد البيت حصوه: عن الاستهبال .. خلينا نروح لها .. لا تردين عليها العنود: ترفع لي ظغطي شمسوه: قومي انتي دخلنا داخل .. في بيت أم عبدالله كانت حمدوه يالسه ويا ميثوه .. سلمنا عليها ويلسنا .. أنا قبضت الرموت وأجلب بين القنوات .. حطيت قناة نجوم وقعدت وياهن .. ميثوه: أي صالون بتروحن ؟ حصوه: ما بروح .. اتفقت ويا وحده بتي البيت ميثوه: وانتن ؟ شمسوه: حتى نحن ما بنروح .. أريح لنا في البيت ميثوه: اريحلكن صح العنود: وانتي؟ ميثوه: أنا بروح دبي حمدوه: ماشالله عليج .. بتربعين لين دبي ميثوه: يستاهل عمي العنود: حتى حصيص فديتها تستاهل ميثوه: وأنا ما قلت شي ما بغيت أقعد أكثر طلعت من الصاله رحت المطبخ خذت لي بيبسي ووقفت عند الباب اللي يوصل الحديقه .. وقفت يمكن نص ساعه فزيت على رقعت الباب لفيت شفت حارب يضحك حارب: ههههههه خيييييبه صكيتي السقف ورديتي العنود: يقطع عدوك فلختني حارب: من متى أطالعج والشيخه مساااااااافره .. وين وصلتي العنود: بعدني ما طلعت من حدود البيت حارب: شو تسوين هنيه؟؟ العنود: ماشي .. أشرب الحبيب الأسود وأتأمل في الطبيعه حارب: ماشالله .. روحي هاتي لي بيبسي رفعت حواجبي وطالعته باستنكار .. وين يبا يتأمر بعد حارب: لا تبلقين عيونج .. روحي هاتي لي بيبسي .. رحت المطبخ ودخل ورايه .. عطيته البيبسي وشفته يدور شي العنود: شو تدور حارب: يوعان العنود: الحين بسوي كيكه رفع راسه وابتسم .. حارب: حقي من شفته وقالي هالكلمه حسيت المطبخ اشتعل نار..ومب قادره أتنفس .. نزلت راسي ولفيت عنه حارب: هههه .. العنود: اطلع وانا بسوي الكيكه وبييبها حارب: بترياج في الصاله العنود( باندفاع): لالا لا تروح الصاله حارب(مستغرب): ليش؟؟ العنود: هاه .. ماشي برايك خلاص حارب: لا شو خلاص .. ليش ماتبيني أروح الصاله العنود: خلاص برايك .. روح الصاله وأنا عقب ما أخلص بييبها طلعت من المطبخ ورحت المطبخ اللي برا .. أسوي الكيك وأنا مستغربه من نفسي .. أنا شو يخصني راح الصاله والا لاء .. صدق اني ينيت .. حطيت الكيكه في الفرن وسويت كوكتيل عقب ما خلصت رتبت الكيك في الصينيه وشليته الصاله .. العنود: السلام عليكم الجميع: وعليكم السلام حارب: يامرحبا بالمحمول شمسوه: والحامل بعد حطيت الصينيه على الطاوله ويلست على الكنبه عدال التلفزيون .. أجلب في القنوات وحمدوه وشمسوه وميثوه وحارب مشتلين في الضحك ورايه .. حمدوه: عنودي ليش ماتاكلين العنود: مالي خاطر شمسوه: شوفيج لفيت صوبها وقلتلها ببرود العنود: مافيني شي حارب: خلي نجوم خلي نجوم حطيت له قناة نجوم ووطيت الرموت على الطاوله ... أروح البيت أبرك لي.. ما أدري شو اللي مخلني مضايجه جذه ... شمسوه: وين؟ العنود: بروح البيت حصوه: تعالي ليش بتروحين العنود: بروح ... عندي شغل طلعت من الصاله كنت بروح البيت .. لفيت صوب القراجات شفت سالم توه داخل البيت وموقف سيارته ..رحت صوبه من اسبوع ماشفته ..كان في السياره يرمس في التيلفون .. ركبت عداله وأنا ساكته ...أترياه يخلص رمسه ... سالم: فديت هالويه ياربي العنود: انت وين .. عنبوه يوم انت ما اتخبر عني ما تملي حد عيل (سالم اتلوم في العنود حس انها صدق حاطه في خاطرها وانه مقصر وياها) سالم: فديت عمرج والله مختبص وياهالشغل .. نترياج تخلصين وتساعدينا العنود: خلاص من الكورس الياي باخذ مساقات من الهندسه وبتخصص .. وانت عاد عليك تساعدني سالم: فااااالها طيب بنت سيف علني ما خلا من هالشوف العنود: بس عاد الحين بصدق عمري اني غاليه سالم: وانتي غاليه ليش ماتصدقين عمرج العنود: باين ... انت من اسبوع ماشفتني ماسألت عني سالم: خلاص .. مابعيدها السموحه منج الغاليه العنود: من وين ياي سالم: كان عندي شغل خلصته وييت .. يوعان العنود: الحين بيأذن المغرب .. روح صل وبتلقى كيك وكوكتيل خليته في الصاله سالم: شي المتبرضين في المطبخ اليوم العنود: شو نسوي من الملل نزلت من السياره ورديت البيت .. وما شفت البنات الا يوم السبت الصبح يوم رحنا دبي .. يمر هالاسبوع ونحن مرتبشين ويا حصوه والرياييل مرتبشين .. الميلس في بيت أم عبدالله أبداً ما فضى .. والرياييل سايرين رادين .. حركاتنا كانت محدوده .. إذا بروح بيت أم عبدالله أروح الصبح وما أرد البيت الا فليل .. لأن الرياييل تارسين البيت .. صوب الميالس .. *** يوم العرس*** حمدوه:شميس روحي هاتي الفساتين شمسوه: ما أروم .. تعالي ويايه حمدوه: بسرعه ..خلينا نروح نشوف حصوه العنود: عويش مايت شمسوه: بزوالها وانتي شو تبينها.. العنود: حرام والله اني متلومه فيها .. ماقلت لها اني بتعدل وياكن حمدوه: ولا هيه قالت لج انها بتروح بوظبي شمسوه: العنيدي سمحيلي بس صدق ماعندج سالفه العنود: انزين بس ذلفن روحن هاتن الفساتين خلنا نتلبس بنروح الخيمه طلعن حمدوه وشمسوه من الحجره .. كنا في بيت سلامه ونحن في حجرة حمدوه وحصوه في حجرتها .. الساعه ست ونص خلصنا تعديل ... هالمره فليت شعري سويت فرق في النص بحط عليه حركة السلسله الهنديه لونها فضي .. شمسوه وحمدوه لين الحين ماشافنها .. دخلن الحجره وشالات الفساتين شمسوه: يعلني بلاج ياعنودي .. شوهذا العنود: مب حلو شمسوه: حلو والله حمدوه: انتن تصرفن ويايدوه بتاكلكن لأنكن فالات شعروركن .. وأنا أقول شعندها فالتنه عاشقه الهنود الحبيبه العنود: انتن الحين قولن حلو والا مش حلو شمسوه: لالا حلو العنود: عيل اعطني فستاني خذت الفستان وطلعن من الحجره رحت حجرت علي .. لبست الفستان .. كان لونه تركوازي مع بني ..طلعت من الحجره شفت سالم عند الدري أول ماشافني ركز بعيونه عليه .. ابتسمت له العنود: شوو علي: شومسويه بعمرج انتي العنود: ماشي علي: يخرب بيتج .. لاااا اليوم بتظوينه المعرس العنود: ههههه هب أنا اللي بظويه ماشفت شمسوه علي: وينها العنود: شو تباها علي: بشوفها شو بعد العنود: روح لاه ...ماشي شغله ...انت شو ردك علي: شو ردني بعد ... بتسبح العنود: دخل يالله خلص واطلع دخلت حجرة شمسوه ماشالله شميس طالعه قمر ... العنود: يااااااااااااالله ياشمسوه لو شافج علي اليوم بيحلف يعرس باجر شمسوه: منو قالج انه ما بيشوفني العنود: طالع مسودة الويه شمسوه: هيه اتحسبيني متعدله للحرمات لا فديتج حمدوه: تخبلت البنت .. شمسوه: كيفي ... علي كل مايشوفني يزيغ خليني أراويه الحلاه .. ليش متحمسه عيل أنا جربت منها وحطيت ايدي على يبهتها العنود: مريضه انتي اليوم شمسوه: لا هب مريضه لا تخافين .. حمدوه: حط ساطعنج على راسج شمسوه: مافيني شي لا تخافن .. بس شلني الشوق العنود: شلج طهف مسودة الويه .. صدق ماتستحين شمسوه:يودي العطر انتي .. خلنا نروح عند حصوه .. طلعنا من حجرة حصوه لقيناها توها مخلصه .. ماشالله عليها... سبحان الله صدق يوم قالوا ان العروس رب العالمين يعطيها حلاه غير في ليلة عرسها .. حصوه: عنبوه ولا وحده منكن يتني حمدوه: ان ييناج بنخرب عليج .. اروحها راعية الصالون هزبتنا حصوه: ليش حمدوه: هالعنز اختج والياعده خالتج تمن يضحكني ..لو يينا عندج مابتخلصين شمسوه: عاد انتي تحيدينها حمدوه يوم تضحك حمدوه: حيني أنا عن عنودي من تضحك ماتسكت حصوه: وانتن ليش فلات شعوركن .. يدوه بتحتشر عليج حمدوه: قلتلهن ماطاعن يسمعن الرمسه حصوه: شعنه قصرتي عنهن انتي حمدوه: لا فديتج أنا ما أراوي حد شعري مخلتنه حق ريلي شمسوه: وانا فالته عشان ريلي اليوم العنود: عاد انا اليوم فالتنه عشان أدور لي ريل حصوه: مالت عليكن يالمستقطعات العنود: شعليج انتي خلاص معرسه حصوه: خلنا نطلع انتن نزلنا تحت ولبست حصوه فستانها ساعتدها حمدوه ودخلت الميلس الصغير عشان تتصور .. اتصلت لطوف على تيلفوني ورديت عليها العنود: مرحبا لطوف: هلا والله .. انتن وين العنود: نحن في البيت لطوف: عنبوه الساعه بتوصل ثمان ونص..ليش ماييتن الخيمه العنود: لو يينا الخيمه حصيص محد بيتم عندها لطوف: أحيد ميثوه سايره عندكن .. تعالن أنا مافيني أطلع ..زحمه عند الباب في هالوقت دخلت ميثوه الميلس .. العنود: خلاص برايج أنا بشوف إذا قدرت أيي قبل لطوف: بترياكن سكرت عن لطوف وسلمت على ميثوه العنود: أنا بروح الخيمه شمسوه: ليش العنود: بس .. ليش نيلس بلا فايده حصوه: لا تخلني بروحي ميثوه: أنا بيلس وياج حمدوه: تعالن بنتصور قبل تصورنا وتفاهمت شمسوه ويا المصوره على أساس تكون صورنا بروحها .. حصوه: أخبركن .. وحده منكن تيي ويا سالم ميثوه مابتركب ويايه العنود: أنا بيي وياه ميثوه: أنا إذا يا سالم مابركب بس لويا حارب عادي بركب وياج شمسوه: ليش يعني ميثوه: عادي حارب ولد خالتي ..بس سالم أستحي منه حمدوه: لالا سالم اللي بيي طلعنا من البيت وركبنا ويا علي وو قفنا جدام باب الخيمه .. **** نزلن البنات من السياره ودخلن الخيمه .. راحن عند وحده من الطاولات عقن العبي والشيل وبدن يمشن في الخيمه .. لطوف: حشا ما بغيتن تن العنود: لين خلصنا ويلسنا ويا حصيص شمسوه: وين ساروه عيل لطوف: جدام ماتشوفينها ..يالسه وياعويش وصلن ربعهن ويلسن وياهن .. الساعه تسع ونص ميثوه ردت الخيمه والعنود طلعت ويا سالم راحت البيت .. سالم: لاااااا إله الا الله الحين كيف بتركب العنود: انت تدري انها مابتقدر تركب فيها كان سالم ياي بسيارته إكس فايف وحصوه ماقدرت تركب فيها لأنها مرتفعه شوي العنود: اتصل حق حارب .. وخذ منه سويج سيارته .. اتصل سالم حق حارب .. والعنود وحصوه يلسن في الصاله .. حصوه: أحس أني بموت العنود: مابييج شي حصوه: شو تشوفين شكلي العنود: قمر ماشالله عليج .. لاتخافين بيتخبل مايد حصوه: مب قادره أتنفس العنود: سمعي أول ماتشوفينه طالعيه بنظرة حنان حصوه(بنقمه): شوو...متفيجه العنود: حشى لو بيقصبونج ما أدري شو بتسوين حصوه: بشوفج يوم عرسج سالم(يدخل): يالله تحركن طلعن حصوه والعنود .. ركبت حصوه ورا والعنود ركبت جدام .. دخل سالم السياره في المساحه المسكره اللي جدام باب الخيمه ونزلت حصوه ملحفه بالعباه ..يوم دخلت الخيمه كان البخار بشكل فضيع وماينشاف شي عند الباب عقب ما خف البخار وبانت حصوه شغلت حمدوه الشريط اللي اختارته حصوه حق النزله .. مشت حصوه لين الاستيج .. وأول مايت بتركب حصلت صعوبه .. كانت خايف انها تطيح .. راحت شمسوه صوبها وساعدتها ... عقب ما يلست حصوه على الكوشه وارتاحت .. راحن صوبها حمدوه ولطوف غلسن عليها وخففن عنها الارتباك وردن صوب البنات ريموه:أموه أنا بلوح عند عويس العنود: عند عويس .. ههه لطوف تعالي نوديها عند عويس راحن لطوف والعنود وصلن ريموه عند عويش وراحن عنهن لطوف: عنودي تعالي نروح عند يدوه العنود: ليش لطوف: يدوه تبغي تشوفج العنود: لالا أستحي ما أقدر لطوف: عنودي دخيلج يالله العنود: شافتني يوم العيد .. ما أقدر أستحي .. الساعه عشر ونص دخل مايد الخيمه ويا بوعلي وبوسالم وسالم وحارب وصلوا على الكوشه ..جدم مايد من حصوه باسها على يبهتها وتصوروا كم صوره وعقب طلعوا كلهم وتم مايد ويا حصوه .. الساعه 11 ونص طلع مايد من الخيمه جدم سيارته وركب حصوه وراحوا البيت بيتصورون ... بدت الخيمه تفضى ومحد تم فيها .. الا الأهل كانن البنات لابسات عبيهن بيردن البيت خلاص اتصل حمد حق آمنه آمنه: ألو حمد: مرحبا آمنه آمنه: هلا حمد حمد: ريموه وين؟ آمنه: ريموه .. ويا ماريتا حمد: وماريتا وين آمنه: ما أدريبها حمد: تدرين ان لقيتها بين السايير تمشي .. شو هالاهمال عنبوه مايرزا هالعرس ما اتخبرين عن بنتج آمنه: أحيدها عن اختك العنود عقب ماشلتها عن البشكاره حمد: لا تردين اهمالج على العنود .. انتي أمها والمفروض انتي اللي تتخبرين عنها .. لو شلها حد من هالخياس .. والا دعمتها سياره بيفيدنج الحريم اللي داقه سالفه وياهن آمنه:ريموه وين الحين ؟ حمد: هذيه عندي آمنه: خلاص برايك عيل سكرت آمنه عن حمد وراحت عند العنود آمنه: عنود ريموه وين ؟ العنود: ما أدري كانت عند عويش آمنه: وين عند عويش .. تدرين ان ريموه طلعت من الخيمه العنود: والله آمنه: والله .. انتي ليش تتعبلين وتشلينها عن الخدامه العنود: بس أنا وصلتها عند عويش آمنه: ليش تاخذينها من الأساس يوم ما بترومين عليها .. لوياها شي الحين .. بعيش على سفرج ؟؟ أم حمد: استهدي يا آمنه البنت مالها ذنب آمنه: وين مالها ذنب .. لو صار شي على بنتي الحين حمدوه: أنا شفت ريموه عند عويش .. عموه لاتردين على العنود آمنه: لا تدافعين عنها .. هالحيه ما أدري شو مسويتبكن شيخه: آمنه استهدي بالله .. ولا ترمسين هالرمسه حاولن الحريم يهدن آمنه بس بعدها تمت محتشره وتحط على العنود بكلام حار جدام أهل مايد .. وماسوت أي اعتبار حق حمد .. العنود ماقدرت تتحمل طلعت من الخيمه تربع ولحقنها شمسوه وحمدوه في نفس الوقت اللي دخلوا فيه حارب وسالم الخيمه سالم: بسم الله شو بلاكن؟ حارب: حو شو ياكن؟ الــــــــــــــجـــــــــــــــــزء الـــــــــــــــتـــــــــــــــاســـــــــــــــ ع والـــــــــعــــــــشـــــــريــــــــــن راحن البنات وماردن عليهم .. راحت العنود بيت سلامه لأنه أجرب واحد من البوابه ... ركبت فوق ودخلت حجرة حصوه .. دخلن حمدوه وشمسوه وراها العنود: ما أبغي أسمع شي .. خلني بروحي شمسوه: شو نخليج بروحج انتي بعد .. حمدوه: عنودي خليها تولي عنج العنود: قلتلكن خلني بروحي ما أبغي أسمع شي طلعن شمسوه وحمدوه ونزلن تحت .. كلهم طلعوا من الخيمه ودخلوا بيت سلامه كان علي توه داخل البيت ومن شاف شمسوه وقف مكانه .. وشمسوه رغم الضيج اللي فيها ابتسمت حق علي علي: ما أصدق .. هذي شميس شمسوه( مبتسمه): ليش ماتصدق .. حمدوه: ايه مسودين الويه لو حد شافكم شو بيقول علي: انطبي حمدوه .. يالله فارجي حمدوه: اتخسون والله ما أخليكم رواحكم علي: شو هالحلاه شماسي حمدوه: ماشالله من عقب شميس وشمسوه استوت شماسي ... وانتي العنز تغشي حرام عليج علي: حمدوه بتنصقعين على راسج لفت عنهم شمسوه كانت بتدخل الصاله علي: تعالي وين سايره شمسوه: بروح الصاله راحت حمدوه وقبضت شمسوه من ايديها وسحبتها بتدخل الصاله .. وقف علي جدامهن .. وكلم شمسوه علي: وين بتروحين وتخليني شمسوه: مابخليك تعال ويانا علي: لالا تعالي خلينا نيلس في الميلس شمسوه: الميلس فيه مايد وحصوه يتصورون حمدوه: طالعوا مسودة الويه ما مانعت بعد .. يعني لو محد فيه بتروحين وياه مد علي ايده وضرب حمدوه على راسها علي: انتي يالعنز .. دخلي داخل حمدوه: مابدخل شمسوه: تعالوا خلونا كلنا ندخل .. حمدوه: لا تخلين عمرج رقيقه نحن نعرف دفاشتج دخلوا كلهم في الصاله وكانوا مرتبشين .. علي: ايه شواب أنا أبغي أعرس بوعلي: عرس انزين منو قبضك .. علي: هاه عمي شو قلت؟؟ بوسالم: في شو؟ علي: أبغي أعرس سالم: شو عايلنك اصبر علي: وليش أصبر .. الحمدالله ريال ماعليه قصور .. والعروس موجوده حارب: لا انته ولا هوه .. محد منكم بيعرس قبلي سالم: وانت يالشيبه داق السبعه وعشرين لين متى تبانا نترياك يعني حارب: لين الصيف علي: لالالا اسمحلي ما أروم أصبر لين الصيف أنا سلامه: ييييه متخبل الريال حارب(بهمس): حمدوه العنود وين؟ حمدوه:فوق حارب: شو تسوي فوق خليها تنزل حمدوه: ماطاعت تنزل حارب: ليش شو فيها؟؟ حمدوه: ما أدري حارب: شو ماتدرين أنا شفتكن طالعات من الخيمه تربعن حمدوه: وانت وين سرت عقب .. حارب: ردينا عند الرياييل حمدوه: خلاص عيل .. حمد: انتن كلكن هنه .. العنود بنت سيف وين ؟ حمدوه: العنود فوق حمد: روحي زقريها بشوف غزال بن ...... في هالوقت دخلت ميثوه لأنها كانت ويا حصوه ومايد يوم كانوا يتصورون .. شمسوه: خلصوا ميثوه: هيه .. الحين بيطلعون طلعت شمسوه خلت الخدامات يحملن الشنط لأنهم بيباتون في دبي وباجر بيسافرون أمريكا .. لأن مايد يكمل دراسه وهذا آخر سمستر.. ... حمدوه دخلت الحجره عند العنود ... عشان تخليها تنزل حمدوه: عنودي بسج عاد العنود: شو تبين حمدوه: حصوه بتروح الحين ما بتسلمين عليها العنود: سلمي عليها..قوليلها ماتقدر تنزل حمدوه: عنودي حصوه بتسافر باجر ومابتشوفينها شهرين والا أكثر وبعدين خالي حمد ينشد عنج العنود: حمدوه ما أقدر أنزل جذه ماتشوفين شكلي حمدوه: ماشالله عليج جنج البخت على قولتهم..بس مسحي الجحال اللي تحت عينج .. وبعدين انتي بتمين متغشيه .. قومي ... قامت العنود ولبست عباتها وشلة شيلتها في ايدها .. أول ما وصلن عند الدري كان حارب واقف عند بداية الدري من تحت .. العنود أول ما شافت حارب لفت على ورا بسرعه .. وشعرها دار عليها لبست شيلتها ودخلت شعرها في العباه .. حارب من شافها تصنم ما قدر يتحرك .. *** يااااااااالله بتخبل .. ماشالله عليها .. يالله يالعنود شو سويتي بي ,, ما أدري أسميك الدلع,, والا أسميك الولع ,, والا القمر لي من طلع,, لا أحسن أسميك الملاك,,باسألك وأطلبك الجواب,, انت اتعمد في العذاب,, خوفي تقول أيوه وأهاب ,, في يوم يقتلني غلاك,, .. بس ليش عيونها متورمه؟؟ .. شو اللي خلاها تطلع من الخيمه؟؟! .. شو اللي مضيجبها!!*** تنهد حارب تنهيده سمعنها حمدوه والعنود لأنهن كانن واصلات تحت وهوه بعده مركز عيونه على العنود.. حمدوه: احم احم .. درب حارب: شو ياج؟ حمدوه: واقف في الدرب بنخطف حارب: خطفي محد قبضج .. حمدوه: واقف في نص الدرب ***** عقب ما نزلت ويا حمدوه رحنا حجرة سلامه لأن حصوه كانت فيها .. ما تقدر تركب فوق بالفستان .. لبست فستان بيجي خفيف وعقت الطرحه فجت شعرها ورتبته شمسوه بحركه خفيفه وحلوه .. لفينا الطرحه والفستان .. طلعت حصوه عقب ماسلمت علينا وصلناها الصاله وطلعنا .. عقب ماسلمت عليهم طلعت هيه ومايد من البيت .. والعايله كلها جدام الباب ماشالله .. لاحظت على عيون حصيص انهن بدن يتغارق.. صدق ان الفراق صعب وحصوه بتفارق أهلها شهرين تقريباً ما بتشوفهم .. كنت واقفه عند باب الصاله من داخل حارب: العنود شو فيج .. بسم الله هذا متى يا .. لفيت عنه رديت الغشوه على ويهي حارب : أرمسج العنود: شوو حارب: شو فيج العنود: مافيني شي حارب: شو مافيج شي يبين عليج شمسوه: شو تسوون حارب: وانتي شلج شمسوه: شو شلي .. رحت عنهم صوب حمد وخليتهم يتناقرون العنود: حمد حمد: عونج العنود: ببات ويا حمدوه اليوم حمد: ليش؟؟ العنود: بس جذيه بيلس وياها اليوم حمد: ما أداني البيت بلاج العنود: يالله يالله من متى حط حمد ايده ورا ظهري .. حمد: هههه فديت عمرج من يومج غاليه العنود: الحين شو .. بتخليني أبات؟؟ حمد: برايج غناتي باتي دخلت الصاله .. وشمسوه وحارب بعدهم واقفين مكانهم شمسوه: انتي على كيفج .. نحن مانباج تباتين عندنا حارب: مرحبا بها العنيدي العنود: ماببات عندج .. برقد في حجرة حصيص رحت عنهم .. لأني أحس بصداع فضيع في راسي .. حارب: تعالي انزين وين رايحه العنود: سمحولي بس تعبانه بروح أرقد ركبت فوق عنهم .. دخلت حجرة حصيص .. كانت مرتبه وبارده .. خذت لي بجامه من عندها ودخلت تسبحت ... طلعت من الحمام صليت وانسدحت برقد .. وأنا دموعي بعدها ما وقفت .. كل ماأذكر شكلي وآمنه تهازبني ونظرة أهل مايد لي أحس بضيج كبير أحس بخنقه في صدري .. أنا ما أدري ليش تكرهني ..صدقها يدوه ماجذبت يوم قالت اني مابرتاح ويا آمنه .. ما أدري شو اللي ياب غيث على بالي سحبت تيلفوني واتصلت له بس ما رد عليه .. أكيد عند ربعه .. انفتح باب الحجره وعلى طول لحفت ويهي مالي خاطر أرمس حد ولا أبغي حد يشوفني وأنا أصيح سالم: عنودي ... العنود ما رديت عليه بس من سمعت صوته زادن دموعي وأنا أكتم عبراتي سالم: أدريبج ما رقدتي .. ما قدرت أرد عليه ولا أبغي أشوف نظرة الحنان في عيونه .. أدري اني بنهار أكثر .. أنا في حياتي محد عاملني هالمعامله الا من عقب وفاة أمايه وأبويه .. حاول سالم يسحب الكفر بس من حسيت بهالشي قبضته بقو .. ما أبغيه يشوفني .. سالم: عنودي برمسج العنود(بصوت مخنوق): أريد أرقد سالم: انزين رمسيني قبل العنود: دخيلك أبغي أرقد سالم: أنا ما بطلع لين تقومين وترمسيني ما قدرت أتحمل .. قعدت وحطيت ايدي على ويهي وانفجرت من الصياح .. قعد سالم عدالي ومسك ايدي .. سالم: عنودي حرام عليج اللي تسوينه في عمرج العنود: أبغي أمووت سالم: شو هالرمسه .. انتي ينيتي العنود: ماريد أرد بيت حمد ما ريد ماريد سالم: انزين اهدي انتي قبل وعقب بنرمس في هالسالفه .. وقفت ورحت صوب البلكونه .. فتحت باب البلكونه وطلعت يلست على طرف .. أبغي أي مكان مفتوح أحس اني مخنوقه ما أقدر أتم في الحجره .. لحقني سالم وقعد عدالي سالم: عنودي برد هنيه خلينا ندخل حظنت نفسي وكملت صياحي .. ليش مايفهموني لييييييييييييش .. أرييييد أصررررررررخ خ خ بأعلى صوت لي .. حطيت راسي بين ايدي .. يالله ياأبويه لو تدري بنتك شيصير فيها .. من عقب ما عاشت مكرمه في حياتك لو تشوف شو يصير فيها من عقب غيابك .. وينج يا أمايه ليش ماشليتيني وياج خليتيني أصارع اروحي في هالحياه .. علي(يدخل): بسم الله شو بلاكم تنهد سالم وما رد على علي .. وأنا بعدني على حالي .. حمدوه: عنودي حرام عليج بسج من الصياح ما يسوى عليج علي: عنودي شوفيج .. حمدوه شوفيها قرب مني علي ووقفني .. نزلت راسي وأنا أحس ان روحي بتطلع من كثر الصياح .. قربت مني حمدوه وحظنتني حمدوه: دخيلج عنودي سكتي بسج ...حرام اللي تسوينه في عمرج العنود: حمدوه أريد أبويه حمدوه: اطلبي له الرحمه حرام عليج عنودي العنود: حمدوه قوليلهم ما أريد أروح بيت حمد .. دخليج ما أريد ما أرييييييييييد علي: شو السالفه .. شو صاير مشيت ويا حمدوه داخل الحجره .. رحت الحمام .. سحبت الرشاش ويلست على طرف البانيو .. فتحت الماي على الأخير .. نزلت راسي وخليت الماء يصب على راسي وأنا أحركه .. أحاول أوقف من الصياح بس مب قادره .. دخلت حمدوه الحمام وبندت الماي .. حمدوه: ينيتي رفعت راسي وما رديت عليها .. سحبت الفوطه المعلقه ولفيت شعري والفوطه الصغيره مسحت بها ويهي .. طلعت من الحمام عقيت بعمري على الشبريه .. من عقب نوبة الصياح هذي حسيت براحه بس مب قادره أتنفس .. سالم: حمدوه روحي هاتي كوب جاهي حمدوه: انشالله علي: انتوا ما تخبروني شو صاير حمدوه: علي تعال ويايه طلعوا حمدوه وعلي .. وسالم قعد عدالي .. مسح على راسي سالم: ارتحتي الحين لفيت بويهي عنه .. سالم: أنا متأكد انج ارتحتي .. ما بجذب عليج أنا يتني هالحاله .. لفيت صوبه وطالعته بهدوء.. أترياه يكمل .. سالم: أول سنه في أمريكا كنت أدرس فيها .. تحملت أول أربع شهور من السمستر .. كنت دايماً ملان ومضايج .. ما كنت أعرف خليجي واحد.. عقب ما صليت العصر طلعت في الحديقه اللي عدال العماره اللي ساكن فيها كنت أمشي وأنا أصيح .. ما أدري ليش أصلاً روحي استغربت من عمري عقب ما هديت .. سبحان الله ماكملت شهر الا وأنا محصل شلة مواطنين من بوظبي وراس الخيمه .. رياييل ماشي أحسن عنهم .. طالعته بنظره جامده ... مشيت صوب البلكونه تميت أطالع في الفراغ .. وأنا أفكر .. مش متخيله ان سالم كان يصيح .. هب قادره أستوعب.. **** حمدوه أول ماطلعت من الحجره ويا علي ... كانوا رايحين المطبخ اللي تحت ... علي: حمدوه شو بلاها عنودي حمدوه: خلنا ننزل تحت وبخبرك نزلوا حمدوه وعلي راحوا المطبخ .. حمدوه: علي أنا بخبرك بكل شي بس محد يدري علي: كيف يعني محد يدري!! حمدوه: حمد خالي ما يوصله شي علي: ليش يعني؟ حمدوه: مافينيا على المشاكل علي: شو صاير؟ خبرته حمدوه عن كل اللي صار في الخيمه .. وعلي يسمع وهوه منصدم من عمته علي: وعويش وين ؟ حمدوه: متفيزره في الخيمه علي( معصب): وشعنه ما تهازب بنتها .. راده على العنود تحيدها ماتروم عليها حمدوه: عنودي تروم وتروم بعد بس هيه محشمه من خالي ... والا بصراحه عموه ماتستاهل حد يحشمها علي: ومنو كان في الخيمه حمدوه: حريم بن.... كلهن وطبعاً خلاتك وأهل ريل عموه موزه ... علي: وانتن وين عنها .. أمايه وخالوه حمدوه: تحيد عمتك انته .. حاولن وياها الحريم بس ماطاعت تسكت ... قالت كلام ما ينقال .. والله قلبي عورني على العنود علي: خلصتي؟؟ حمدوه: هيه .. تعال نطلع .. طلعوا حمدوه وعلي وراحوا فوق .. لقوا حارب يالس في الصاله .. علي: حارب !!! غريبه شو تسوي هنيه حارب: ياي ويا شميس حمدوه: شمسوه وين؟ حارب: دخلت داخل .. في حجرة حصيص **** سالم: يالله قومي خلينا ننزل تحت .. مالت عليكن .. صدق ان البنات مخبل .. رادات من عرس وما تعشن .. حمدوه: منو المخبل سالم: علي وين؟ حمدوه: يالس برا ويا حارب سالم: عيل مرحبا مليون .. يااااهلا وسهلا بالغلا رفعت راسي صوب حمدوه لاحظت عليها انها استحت .. شمسوه: ياااالله .. حمدوه تستحي بعد سالم: هاتي الحليب غناتي العنود: حووو سلوووم .. جنك زودتها سالم: شو أسوي خبلتني هالمره العنود:ههههه ينيت صدق .. شمسوه: قومن خلنا نطلع سالم: لا منو قال ... عنودي ما تبغي تطلع وأنا وحمدوه بنيلس وياها .. روحي انتي عند حارب وعلي برا العنود: شووو ... لا أنا أريد أطلع .. يوعانه سالم: يالنذله .. سوي خير مره في حياتج العنود: ما بسوي .... يالله كش كش .. طلعوا قبضني سالم من رقبتي .. وهوس عليها بقو..حبيت أقهره شوي العنود: الله .. يزااااك الله خير .. أقوى شوي والله يخفف عني الصداع دزني على الخفيف على ورا سالم: مالت عليج .. صدق محد يعطيج ويه شمسوه:قبظي انتي شربي الجاهي قبل لا يبرد سالم: هاتي اعطيني اياه شل سالم كوب الحليب وشرب منه العنود: ايه انت هذا كوبي سالم: أنا اللي طالبنه .. انتي ماتستاهلينه .. وبعدين مسواي عشان خاطري شمسوه: عطها اياه خلها تشرب سالم: بصراحه عيبني طعمه .. أبغي شراته لف صوب حمدوه وابتسم ... سالم: بتسويلي حمدوه: هيه أكيد بسويلك .. من عيوني سالم(بهمس): فديت عيونها يا ربي العنود: ههههههههههههه ... صدق ما تستحي شمسوه: شو قال العنود: مابقولج ... سرر سالم: حمدوه روحي سويلي جاهي حليب .. وانتي غيري ملابسج خلينا ننزل تحت .. شمسوه: كم الساعه سالم: ثنتين شمسوه: الحين شوووو ... أنا يوعانه سالم: الحين بتصل حق اسماعيلوه .. بطلب لكن .. طلعوا عنا سالم وحمدوه وشمسوه طلعت عقبهم راحت تييب لي ثياب من عندها .. غيرت ملابسي ونزلت تحت .. كانوا سالم وحارب وعلي يالسين في الصاله ودخلت حمدوه شاله دلة الجاهي حمدوه: اتصلتوا حق الكفتريا حارب: مالت عليكن .. هب جنكن كنتن في عرس علي: ليش ما تعشيتن ؟؟ شمسوه: ما تعشينا .. أصلاً نسينا العشى حارب: دواكن من يأدبكن وما ياخذلكن عشى العنود: لااا حرام .. ماكلت شي اليوم غير تفاحه الصبح... ++ ياااالله فديييت هالحس .. مبين على شكلها تعبانه .. خاطري أعرف شو فيها ليش كانت تصيح .. آآآه .. ما أدري شو سوت بي هالانسانه ... يالله ياربي تجعلها من نصيبي.. انشالله توافق بس.. قد ما أقدر بحاول أريحها وأفكها من هالعذاب اللي تتعذبه.. ++ سالم: اطلبن اللي تبنه اتصلنا حق اسماعيلوه وطلبنا .. وعقب ربع ساعه وصل راعي الكفتريا بدراجته .. طلعنا جدام باب الصاله .. راح علي عنده بييب اللي طالبينه .. سوا حركه ما توقعناها .. دخل بدراجته داخل البيت وحاط بها دورتين .. ووقف جدامنا علي: جود هذا .. مره ثانيه مافي اطلب فليل .. شوهذا انتي مافي سوي نوم حارب: الحمدالله والشكر .. عليوي ينييت علي: مافي سوي قرقر زياده ... مافي سوي مسكره سالم: ههههه أونه الريال يبغي يعرس...أبوي انته منو بيوزك علي: أنا في سوي شادي ..( لف على شمسوه) ميري أنا يجي بأدين جيب مكتوب .. بابو في هبي انتي واااجد .. حارب: هههههههههه سالم:هههههههه عنلاتك .. اذلف علي: ميري هدا أكل مافي فلوس .. بلاش مشان انتي هبي أنا ... آآآآآآآآه( يغني) دل تو باجل هي دل ديفانا هي ربع سالم صوب علي بيقبضه بس علي تحرك .. دار دوره قص ورده من الورد المزروع ورد صوبنا .. فر الورده على شمسوه علي: ميري .. أنا هبي انتي راح علي صوب الباب يعطي الهندي دراجته .. أنا وحمدوه ما قدرنا نتحمل .. أنا يلست من كثر ما أضحك .. شمسوه استحت بس تمت تضحك عليه .. بصراحه ياحظها في علي .. انسان كل حياته يضحك ومستانس ماشالله عليه .. سالم: خلونا ندخل يابوكم رد علي صوبنا يربع علي: يالله يالله يالله .. بررررررد سالم: تعال بابوه تعال علي: سوالف سوالف سالم: سوالف هاه دخلنا داخل ويلسنا في الصاله الصغيره .. ناكل والشباب يخبرونا سوالف عن العرس اليوم .. افتقدنا حصيص في هاليلسه .. سالم: عنود لا تشربين بيبسي العنود: ليش سالم: بسج .. عنبوه هذا الثاني الحين ما أدري شو اللي خلاني ألتفت صوب حارب لقيته يطالعني بطرف عينه .. وطيت البيبسي وكملت السندويجه اللي في ايدي كملنا يلستنا لين صلاة الفير .. راحوا يصلون ونحن ركبنا فوق صلينا ورقدنا .. ....... يوم الجمعه رحنا نتغدا في بيتنا .. عقب الغدا دخلت حجرتي وما طلعت منها .. ما لي خاطر أسمع لي كلمتين من آمنه .. قعدت أطلع الملابس اليديده اللي خذتها .. وعقب فتحت المسن لقيت شموه .. قعدت أكلمها لين الساعه سبع المغرب .. رحت المطبخ كلت لي شي ورديت الحجره .. يلست لين عقب صلاة العشى وعقب دخلن حمدوه وشمسوه الحجره حمدوه: شو تسوين العنود: ماشي .. فاتحه المنتدى شمسوه: ياااالله ما أريد أداوم باجر العنود: أنا أتريا الدوام بفارغ الصبر .. على الأقل يلهيني شوي ويقضي وقتي .. حمدوه: أحسن شي كلاس الأمن .. شمسوه: هيه ونظوي تقادير المجتمع .. العنود: ظونها اروحكن أنا الحمدالله راضيه باللي يبته حمدوه: السبال قلت بيعاطيني a العنود: راسبه في السعي وتبغي a شمسوه: لالا هالكورس بنصطلب .. العنود: بنشوف خليفه(يدخل): السلام عليكم البنات : وعليكم السلام خليفه: شحالكن قواطي شمسوه: خلوف انت وين من متى ما شفناك خليفه: نحلل الاجازه حمدوه: يالله عاد .. الحين بنبدا في الجد .. ماشي باقي آخر كورس خلوف: ياااالله .. توني شارد عن خالج .. صدعنا .. العنود: سبال .. لا تقول شي عن حمد خليفه:سبال ريلج .. حمدوه: كاشخ الريال على وين خليفه: العزبه .. شمسوه: يالله .. شلونا وياكم خليفه: ماعندي مونه ..يالله جلبن ويوهكن .. طلع عنا خليفه ويلست ويا حمدوه وشمسوه لين الساعه تسع .. راحن عني وأنا انسدحت برقد ... باجر بنرد للدوام وبلقى شي يلهيني ... .... مر أول اسبوع دوام بسرعه .. استلمت اللاب توب حتى حمد مايدري .. خليت سالم يسوي لي الأوراق في البنك .. وعطيته رقم الحساب يسحبون منه شهري .. يوم الأربعا العصر كنت يالسه في الحجره ودخل حمد حمد: السلام عليج العنود: مرحبا ملاااييين بأغلى أخو في هالدنيا حمد: لاااا تحاولين .. أنا زعلان العنود: أفا .. ليش أنا شو سويت حمد: عنبوه يالعنود تتصرفين وتاخذين اللاب توب ولا تخبريني نزلت راسي ولا رديت عليه .. شو أقوله آمنه بتاكل الدنيا محتشره عليه ما أقولك تروح تاخذه .. الكورس اللي طاف يوم سمعت حمدوه تقولي قدمي الطلب احتشرت وقالتلي حولي كليتج .. شو أقولك يا حمد ملزوم عليه اني آخذه من احسابي والا أحول كليه .. حمد: حووو .. نحن هنا العنود: وياك وياك حمد: دامج ويايه قوليلي ليش سويتي جذيه ؟؟ العنود: حمد اللاب توب بسبعة آلاف .. وبعدين أنا من بداية ما كنت تحط في حسابي ما خذت منهن الا ألفين درهم بس .. شو فايدتهن محطوطات في البنك إذا أنا بتم آخذ من عندك .. حمد: العنود انتي اختيه وأنا ملزوم فيج العنود: ملزوم فيني بأكلي بشربي بلبسي .. بس دراستي لاء .. بامكاني اني أدرس أي تخصص ثاني مايحتاج لاب توب وأفتك من مصاريفه .. بس أنا هذي رغبتي وأتحمل اللي اييني منها حمد: أنا ملزوم فيج وكل اللي تحتاجينه ... الحمدالله الخيرفضيل وأنا هب عيزان عنج العنود: خلاص الحين أنا خذته ... حمد: يوم السبت بروح أدفع الفلوس كاملات العنود: حمد أنا من البدايه قلت لك إذا ما دفعت الفلوس من حسابي بغير دراستي حمد: لالا.. العنود( تقاطعه): حمد دخيلك مابيصير شي حمد( يتنهد): على راحتج .. قبض حمد اللاب توب عني وقعد يتفحص فيه عقب طلع عني .. رحت عند شمسوه لقيتها منسدحه في الصاله .. العنود: السلام عليكم شمسوه: وعليكم السلام العنود: شعندج منسدحه .. لو يدخل علي الحين شمسوه: فدييييت هالطاري يا ربي العنود: انسترتي ... شميس شوياج شمسوه: توه كان هنيه العنود: وأنا أقول شو ياها البنت هيمانه شمسوه( بلهفه): تعرفين شو قالي تعرفين العنود( بطنازه): لا لا ما عرف شووو شمسوه: سخيفه محد يقولج شي العنود: خلاص قولي قولي شمسوه: ما بقول العنود: بس عاد مصختيها قولي .. شمسوه: ما تشوفين عمرج تتطنزين عليه العنود: خلااااص يابوج قوولي شمسوه: ما بقول العنود: بس يابوج ذليتينا .. أنا راعيها شمسوه: قالي شماسي طبي الدراسه وخلينا نعرس ... وآآآآآآآآآيه فديت قلبه العنود: ييييييييه هاااااا يا بوحسن رايح فيها ... شمسوه: علي أصلاً من عقب عرس حصوه محتشر يبغي يعرس العنود: هب من شي .. تعدلتي وظهرتيله .. وين ما تبينه يتخبل شمسوه: هيه.. عيل شو تتحرني دوم بظهرله نفس الشي .. لو ما طلعت جدامه واستويت رقيقه ذاك اليوم جان ما احتشر على العرس العنود: ما أحيدج من وين يتج هالخفه اللي أعرفه انه محد أثقل عنج .. شمسوه: عاد هب دوم ثجيله .. نخف يوم من الأيام .. تتحريني شراتج انتي وحمدوه .. انتي ثجيله زياده عن اللزوم وهذيج العنز خفيفه بزياده .. من تشوف سلوم ذابت وتخبلت العنود: هههههههه .. انزين وأنا شو يخصني شمسوه: حبيبتي .. أنا مايفوتني شي انزين العنود: شو تقصدين؟؟ شمسوه: حارب العنود( منصدمه): شو فيه حارب شمسوه: ماشي ماشي انسي العنود: لا منو قال أنسى .. تعالي قوليلي شو تقصدين شمسوه: أوكي بقولج .. بس جاوبي على سؤالي بصراحه العنود: أي سؤال؟؟ شمسوه: شو رايج في حارب العنود: شو رايي في حارب!!! انتي شو ياج تخبلتي شمسوه: سألتج وجاوبيني العنود: رايي فيه من أي ناحيه شمسوه: من كل النواحي العنود: شو رايي فيه بعد .. ريال حاله من حال غيره شمسوه: شو تشوفين شخصيته العنود: شمسوه انتي حد صاقعنج على راسج اليوم؟؟ شمسوه: لا محد العنود: عيل الظاهر علي خبل بج شمسوه: خلي علي عنج .. جاوبي على سؤالي العنود: ما أقدر أجاوبج شمسوه: ليش العنود: لأني ما أعرف شخصيته ..ما احتكيت فيه وتعاملت وياه وايد عشان أعطيج رايي شمسوه: يالظالمه الحين انتي من شهر سبعه تقريباً كل يوم تشوفينه وتقولين ما تعرفين شي عن شخصيته العنود: قلت لج ما تعاملت وياه شمسوه: أوكي .. مثلاً مثلاً .. مثلاً يعني قلت لج شو رايج فيه كزوج .. شو بتقولين ؟ انصدمت .. جنه حد سطعني على راسي .. أبداً ما توقعت هالسؤال العنود: شو هالسؤال شميس شمسوه: هههههههه .. صدمه صح العنود: تخبلتي انتي شمسوه: هيه .. ياختي أبغي أعرس .. ونحن ما بنعرس لين حارب يلقى حرمه .. أنا رشحتج العنود: رشحتيني عند منو!؟؟ شمسوه: بسم الله .. مب عند حد بيني وبين حمدوه العنود: وانتن على كيفكن تيوزن وتخطبن شمسوه: هيه .. شو نسوي نبغي نعرس العنود: واللغثه .. انتي ما تستحين في حياتي مالقيت وحده مستقطعه على العرس شراتج .. من متى ما أحيدج شمسوه: ههههه هدي هدي .. خلاص ما بنسألج خلاص العنود: تدرين .. أنا اللي ماعندي سالفه يالسه وياج ..أروح عند حمدوه أبرك لي طلعت عن شمسوه وأنا أحس عداد قلبي صاير ألف.. مرتبكه .. والأدهى اني يوم طلعت شفت حارب نازل من السياره .. طالعني وابتسم .. ماقدرت أتم الارتباك زاد .. رديت البيت .. دخلت الحجره سكرت الباب وفتحت الدريشه .. تنفست بعمممق .. لأني من سألتني شمسوه وأنا أحس اني هب قادره أتنفس .. بس ليش ياني هالاحساس .. أففف .. شو هالقهر و السموحه |
مشكورة وهاي امنة يبلها كف محترم نتظر القادم |
تسلمين ونتريا اليديد وسموحهــــــ خويجـ ـ غ ـــــــرشوبـ الـــــــــــبدو |
تسلمين اختي وننتظر البارت الياي لا طولين |
ريماني غرام اعرف ان القصه مانتهت بس القصه عندي و عرف انهايه بعد والله ان القصه تهبل وايد مابي اخرب عليج القصه ماب اقول شوه بيكون في النهايه خليهم يتحلقصون عشان يعرفون انهايه اسموحه منج |
تسلم اخوي على الطرح الجميل ويعطيك الف عافيه |
القصـه ماعليـهاا كـلاااام وانـا قـاريتنـهـاا من قبـل فوق الثـلاآآث مرات يسلموو غـلااااي |
وين البارت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
وينج ريماني وايد بطيتي |
اسمحولي لاني يمكن ما ادش المنتدي مره ثانيه عشان جيه ... بعطيكم السيرف مال القصه و انتوا نزلوها عندكم ... ttp://file11.9q9q.net/Download/5733...-----.rar.html و السموحه اذا قد طولت عليكم ... الظرف ما تسمح و الدراسه مب هينه ... و السموحه منكم مره ثانيه ... |
ما يفج عندي ما ادري لييش |
تسلمينـ اختي حلوه النهاية |
روووووووووووووووووووووووووووووعه |
اختي الرابط غلط مايفتح عندي |
روووووووووووووووووعه ونتريااااااا الباااااارت |
قارينها من قبل.......................... |
| الساعة الآن 10:07 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir