|
وهذاالرابط لعيونج عشوقه^^danoOoh.rar - 5.1 Mb |
اقتباس:
و انا أترياا .. تسلمين و الله ... بقراها و يوم بخلصها برد .. ^^ |
السلام عليكم ورحمة الله وبركاته يسلموووووعلى القصه الغاويه |
السلام عليكم ورحمة الله وبركاته يسلموووووعلى طرحج الغاويه |
يسلمووووووو بو الجازي ع المرور واتمنى تعجبك قصتي^^ |
بليز ختي ممكن تكملين القصة انا حملتها بس ماطاعت تنفتح بلييييييز كمليها ...فيني فضووول اريد اعرف شو صاااار بلييييييز ... |
هلا والله بدكتورة الحب تو ما نورت قصتي^^ انشالله ما يكون خاطرج الا طيب بحطلج اياها هاليومين شكلها عجبتج..:) |
سكتت شوي وقعدت تلعب فيهم .. بس ما طولت وردت تبجي.. شقة محمد مقفولة ما تقدر تييب من العاب جاسم .. خلتها وراحت غرفة علي تدورلها العاب ما لقت واهي بتطلع لفت انتباهها اشرطة البلايستيشن وطبعا شكل الشريط من ورا جنه منظرة ويعكس الوان خذتهم وطلعت قطتهم جدام جود اللي استانست وضحكت شوق: واخيرا سكتت شافتها ساكتة ملت خصوصا ان النوم طار من عيونها فكرت شتسوي شافت اللابتوب بطلته وقعدت تقرا قصة.. وكل ما خلصت سطر جود تبجي.. طنشتها قالت بتبجي شوي وتسكت بس ما سكتت ومع البجي يت لها كوماري .. كوماري هندية اما اليس فليبينيه كوماري: سنو هادا ليس بيبي يبسي؟ <<شنو هذا ليش تبجي شوق: شدراني انا كوماري: انتي قومي سيلي بس يقاد في هادا كومبيوتر << قومي شيليها بس قاعده ع الكمبيوتر شوق: وانتي شكو كوماري: سنو هادا انتي سكو راحت كوماري شالت جود اللي صارت تبجي اكثر شوق: نزليها خرعتيها كوماري: اوف هادا ريها كايس شوق: شنو يعني كوماري: سوي بدلي دوم <<بدلي هدومها شوق: خير؟؟ هذا اللي ناقص بعد كوماري: هادا وااااااااازد يبسي قومي سوي بدلي شوق: تعالي طقيني بعد.. وين اليس؟ كوماري تتحلطم :اليس ما يجي الهين شوق: كوماري حبيبتي جنطتها تحت بدليها انتي كوماري: انا مافي بدل انا في سقل وازد.. وراحت شوق: مالت عليج .. انا اوريج يا فطيم اخر زمن ابدل بنتج راحت سيدا دقت على فاطمة بس موبايل فاطمة كان عند ريلها وتدق فوق العشر مرات .. بدر <بوبشار> شاله بوبشار: الوو شوق واهي واصلة حدها من بجي جود: وين فطيم؟ بوبشار: داخل عند اختج شوق: منو ؟ بدر؟ بوبشار: أي شوق: روح نادلي اياها لا اسوي جريمة ببنتكم بوبشار: هههههه انزين لحظة فاطمة: هلا حبيبتي شوق: اكيد حبيبتج دامي صرت البيبي ستر حق بنتج المصون فاطمة تسمع صوت بجي بنتها: شفيها بنتي؟ شوق: شكلها مسويتها لان الريحه اللهم يا كافي فاطمة: ههههههه أي عادي سويلها جينج البامبرز وكل شي بالجنطة شوق: منو ؟؟ انا؟ فاطمة:أي عيل انا شوق: ما راح ابدلها فاطمة: شوق حرام عليج بتموت بين ايدينج شوق: انزين ع الاقل مو الحين توني متريقة بتسد نفسي فاطمة: بس اذا صار ببتني شي شوق: والله محد طقكم على ايدكم وقالكم تييبونها عندي لما يئست راحت خذت جنطة جود طلعت هدوم وبامبرز وقررت تبدلها واهي تتحلطم اخر عمري انا ابدل هالنزغه الله يا الدنيا .. جود ميته بجي .. هي انتي سكتي لا اييج طراق ما احب اليهال اللي جذي لا تصيرين سخيفه عاد سكتي وخليج شاطرة ..اف بسم الله.. ويععععععع شنو هذا اف قطيعه ويعععع شلون ابدلها هذي بلاوي حشا.. كوماري الله يخليج تعالي بدليها كوماري: انتي سنو ما يارف سوي سي بس كومبيوتر شوق: انزين روحي ييبي كلينكس كوماري: انتي قوم كسل داكل همام <<غسليها بالحمام شوق: هذا اللي ناقص كوماري: بادين انتي في اروس في بيبي منو يكسل <<بعدين بتتزوجين وتيبين عيال منو يغسلهم شوق: لاحقه على عيالي تعالي غسلي هذي الحين كوماري: انا ما يارف شوق: حرام عليج كوماري: انا في سكل << عندي شغل شوق: عندي فلم مال شاروخان يديد تبينه؟ كوماري: فلم؟ شوق: أي كوماري: جين انا الهين يجي خذتها وودتها الحمام عشان تغسلها كوماري: روهي سوي هليب هادا واازد جوان << روحي سويلها حليب يوعانه شوق: تراني انذليت بما فيه الكفاية كوماري: لا يسوي قرقر وازد شوق :والله لو ان شكلج ما يخرع جان ما طعتج بس شسوي حكم المرعب على الرقيق<<حكم القوي على الضعيف كوماري: يلا سراه<<بسرعه شوق: تعالي طقيني بعد ماادري امي شنو شايفه فيج لا شكل ولا شغل ما اقول الا مالت ع الحظ .. راحت الصالة سوت حليب <<الشي الوحيد اللي تعرف تسويه حق اليهال كوماري: انا كلاس كسل انتي سوي لبسي <<غسلتها خلاص لبسيها شوق: يعني مستحيل تكملين معروفج وصراع على ما لبستها كوماري: سويه سويه هادا بيبي شوق وصلت حدها: انتي جب مو عشان شكلج يخرع قعدتي تتأمرين علي كوماري: سنو هادا كلام شوق: اللي سمعتيه انسه كوماري ذلفي ييبيلي التلفون كوماري: انتي ما يقدر جيبي شوق: لا عندج مانع؟ كوماري تتحلطم ويابت التلفون اما جود فسكتت من اول ما عطتها الحليب شوق دقت على امها .. منيرة: هلا شوق: يما مريوم ولدت؟ منيرة:لا ليلحين ادعي ربج يسهل عليها شوق: امين منيرة:يابولج جود؟ شوق: أي و أذنتي ترى اذا سويت فيها جريمة لحد يلومني منيرة: حرصي عليها شوق: انزين بس اول ما تولد مريووم قوليلنا منيرة: انشالله شوق: وي تو الناس الساعه ما صارت 11 شسوي الحين؟؟ شالت جود وخذتها وياها غرفتها .. شغلت اللابتوب وقعدت .. والله اني مشتاقتله .. اه متى اخر مرة كلمته؟؟ دمعت من غير ما تحس بعدين شبكت ما لقت احد اونلاين خلته وحاولت تسكت جود اللي ردت تبجي .. جودي عن الدلع .. انتي شاطرة لا تبجين الحين ماما اتيي وطبعا جود مو فاهمة شي اف شسويللها الحين شغلتلها اغنية من اللابتوب وحطت السماعات باذونها سكتت شوي بعدين ردت تبجي قامت تتمشى فيها بالغرفة رايحة رادة بس ماكو فايدة يابتلها ورقة وقلم عشان تشخبط سكتت شوي .. طلعت من غرفتها تنادي اليس ع الاقل تاخذها شوي بس ماكو فايدة خمس دقايق جان يرن موبايلها امها المتصلة.. أحبك لو بعيد الدار عنك .. شوق: ها يما بشري منيرة: اختج ولدت ويابت بنت شوق: متى؟ منيرة: ليلحين ما طلعوها من غرفة الولادة شوق: الحمدلله على سلامتها منيرة: الله يسلمج اذا يو اخوانج وابوج قوليلهم شوق: انشالله.. صج يما منو وداج ؟ منيرة: انا رحت مع خالتج فوزية شوق: اها منيرة: قولي حق اليس تييب جسوم من الروضة شوق: هذي شكلها مداومة وياه منيرة: شنو؟ شوق: لا ولا شي سكرته وراحت قعدت عن جود.. جود: ادا دادا شوق: الله يعين امج عليج جود: دادا شوق: الاخت فاضية بتلعب جود تحاول تسحب موبايل شوق منها وتحطه باذونها جود: الو شوق: كشخه الو بعد جود: ماما شوق: هههههه سمعت صوت من اللابتوب شافت ولا رفيجتها فجر البحرينية شابكة .. استانست وطقتها وياها سوالف .. ونست سالفة جود اللي اصلن ما تدري وين راحت لان الغرفة كانت واايد هدوء.. ][...الفصل الخامس عشر...][ Miss_7elwa; واخبارج بعد؟ I can't stop thinking about him; سكتي اقول عندي بنت بنت خالتي مطلعتلي قرون Miss_7elwa; حرام عليج شنو مسويتلج؟ I can't stop thinking about him; ولا شي بس انا ما اصلح حق اليهال ما اعرفلهم Miss_7elwa; مردج بتتعلمين I can't stop thinking about him; خليني مرتاحه وايد احسن Miss_7elwa; باجر بتتزوجين وبتييبين عيال وبتعرفين I can't stop thinking about him; حشا كوماري الثانية Miss_7elwa; انا كوماري؟ I can't stop thinking about him; خخخخخخخ Miss_7elwa; انزين بدامها مسويتلج ازعاج مخليتها وشابكة صج فاضية I can't stop thinking about him; لا يحليلها صايرة هادية ولفت تشوف جود بس ما لقتها .. امبيه وين راحت هذي خلت اللابتوب وطلعت تدورها ما لقتها .. دشت كل الغرف ما لقتها .. امبيه لا يكون صار فيها شي .. جود..جودي .. كوماري لابارك الله فيج .. اليس طبعا محد يرد.. نزلت تحت تدور.. جود ..جود شوق: محد في البيت الا كوماري وانا يعني وين بتروح طلعت الحوش لقت كوماري تقرق مع سايق ييرانهم شوق: كوماري ما شفتي جود؟ كوماري: لا ما يسوف وين هادا بيبي؟ شوق: مو ناقصتج انتي بعد فكرت جود باليالله تمشي يعني اكيد ما نزلت اكيد ليلحينها فوق .. صعدت مرة ثانية .. سمعت صوت بغرفة فيصل دشت .. شوق: فيصل..!! فيصل: هلا شوق: انت هني؟ فيصل: لا هناك شوق: متى رديت؟ فيصل: قولي متى طلعت .. انا ما طلعت من امس يا بابا شوق: صج؟ فيصل: يس بس انتي ليش غايبة؟ شوق: ما نمت امس فيصل: اها شوق: ترى مريووم ولدت فيصل: صج؟ ويابت؟ شوق: بنوتة وبيسمونها شوق اكيد فيصل:الله ع الثقة شوق: حلاتها الثقة علي فيصل: انزين ليش ياية بلا احم ولا دستور شوق: افا تطردني فيصل: قوليلها تييبلي ريوق شوق: انشالله اول ما طلعت تذكرت جود.. شوق: وي ما شفت جود؟ فيصل: خخخخخخخ اختي مينونة شوق: صج ما شفتها فيصل: سنة تتفلسفين وبعدين استوعبتي شوق: لا تطفرني شفتها ولا ؟ فيصل: ولا؟ طلعت بسرعه تدورها برا فيصل: تعالي شوقو شوق: مالي خلق سخافتك بتذبحني فطيم فيصل: ليش شصاير؟ شوق: موصيتني على بنتها وخليتها تلعب بغرفتي بطلت اللابتوب بعدين انتبهت لفيت بشوفها ما لقيتها بالغرفة فيصل: كانت ساكتة؟ شوق: أي فيصل: غريبة جودي تسكت شوق: لاني كنت معطيتها تلفوني.. وي تلفوني لا يكون صار فيه شي ..وراحت غرفتها ما حصلته فيصل:شوقو دقي عليه واذا ردت عليج سأليها وينها بدال كل هالحوسة شوق: ها ها ها ضحكتني فيصل مو وقت استعباطاتك فيصل: التلفون يرن اكيد فاطمة بتسألج عن بنتها شوق: فيييييييصل تكفى اسكت فيصل: حرام مسكينة دوري عدل شوق: يا ربي فيصل: اذا طلعتها لج شنو تعطيني؟ شوق: اللي تتمناه فيصل: عاااااااشو شوق: بلييييز وينها ؟ فيصل بالحمام شوق: شنو؟؟؟!!!!!!! راحت سيدا حمامه شافتها قاعدة في البانيو وعندها بطة وكرة وبالونة ساكتة وتلعب فيهم شوق: فيصلو انا اراويك فيصل: حمدي ربج اللي خليتها تسكت يلا حبيبتي اللي اتمناه قاطعته بصرخه : تلفووووووووووووووووني فيصل: شفيج؟ فيصل: الله ياخذ ابليسك قول امين مخليها تدش بتلفوني الحمام انكسر.. انكسر كله منك فيصل: صج؟؟ عليه العوض شوق قعدت تبجي على تلفونها واللي كان هدية تفوقها من ابوها خذت القطع الباقيه منه وراحت غرفتها وسكرت الباب.. فيصل: تعالي اخذي بنت خالتج شالها وراح تحت عطاها كوماري وقاللها تحرص عليها.. دشو بشار وجاسم توهم رادين من الحضانة.. فيصل: يحيا الابطال.. تعالو سلمو شوي جان يدش عليه خالد.. خالد: السلام عليكم فيصل: وعليك السلام خالد: ما داومت اليوم؟؟؟ فيصل: تصدق اول مرة احس بطعم النوم خالد: اووه بشار عندنا فيصل: أي صج مريووم ولدت خالد: صج؟ فيصل: ويابت بنت خالد: الحمدلله على سلامتها متى بتروحون لها؟ فيصل: اكيد عقب الغدا خالد: عيل خل يقعدوني ع الغدا فيصل: ما في نوم روح بدل وتعال الحين بييون ونحط الغدا خالد: حشا ام خالد(منيرة) مو فيصل فيصل: عدال يا راجو باشا على هالدهن اللي بشعرك خالد: شعرفك بالموضة وبعدين هذا جل مو دهن فيصل: طاع منو يتكلم خالد: انت حدك حلاق الجمعيه فيصل: ترى مصختها خالد: وانت حليتها بشار: طبت هوثة <<هوشة خالد: ههههههههه فيصل: بسامحك عشان هالابرياء اللي ما يستحملون يشوفون دماء وشظايا وقذائف جاسم: خلود طقه على راسه خالد: ههههههه واضح حده انهم ابرياء |
دشو طلال وشذى ودانة وعلي .. طلال: السلام خالد وفيصل: وعليكم السلام علي: حطو الغدا ميت يوع شذى: بشار عندنا غريبة! فيصل: مريوم ولدت ويابت بنت دانة: صج؟ متى؟ فيصل: والله ما ادري سألو شوق خالد: صج وينها شوق؟ فيصل: خخخخخ بدارها تبجي جود كسرت تلفونها خالد: جود؟ شلون؟؟ فيصل: بعدين اقولك خخخخخ علي: كوماري ييبي الغدا اول ما يابو الغدا .. شذى: كوماري نادي شوق قوليلها الغدا راحت كوماري نادت شوق .. نزلت شوق مع انها ما كانت تبي تنزل بس شتسوي ميتة يوع.. لقتهم متيمعين ع الطاولة .. شوق: السلام فيصل: لا سلام على الطعام شوق قعدت بمكانها يم كرسي طلال وكانت خايفة بس اهو طمنها بسؤاله.. طلال: شلونج يالحلوة؟ شوق مستغربة: تمام فيصل: اهمه يدلعونهم عادي اما احنا لنا الله شوق: هههههه فيصل: ضحكت شهدو عليها يعني مو زعلانة ما تبيني اشتريلها تلفون يديد الكل يضحك شوق: ما اكلمك فيصل: اللي يقول من زين تلفونج عاد كله موتو شوق: احلى من تلفونك فيصل: ها كلمتيني واككككك ليش قلتي ما اكلمك؟ شوق عصبت وراحت فوق .. شذى: حرام عليك فيصل: شقلت؟ خالد: فيصلو اكيد جود اللي كاسرته؟ فيصل: عيل منو؟ خالد: تبي الصراحة قمت اشك ان انت اللي كسرته فيصل: انا؟ ان بعض الظن اثم دانة: ايواااا فيصل: أي دانووه شجعيني دانة: يعيش فيصل فيصل: كل ما هنالك انني اخذت جود الى الحمام وكان معها تلفون شوق و..... طلال: خلاص فهمنا السالفة كلها انتهز طلال الفرصة عشان يتأسف من شوق ومرة وحده يشتريلها تلفون.. وبالإمارات.. هادي: اميه ابغي ليسن خالدة: الحين نطرت كل هالوقت ما تنطر سنة؟ هادي: اميه كل ربعي خذو انا بشو ناقص عنهم؟ خالدة: ليما يصير عمرك 18 بتاخذه شحقه مستعيل هادي: ما ابا الحين تبغيني اروح مع الدريول وربعي كلهم بسياراتهم؟ خالدة: يا ربي عليكم من عيال.. وراحت غرفتها احمد: واككككك قفطوه هادي: جب انت لولوة: بس ابغي اعرف شو يفرق خذيته الحينه او بعد كمن شهر هادي: مو شغلي رايح السعودية رايح لولوة: الحينه انت مو تاخذ سيارة الدريول وتحوط فيها؟ هادي: احوط بس ما اطلع برا حدود الفريج لولوة: وشو تبغي فيها برا ريح عمرك وخل راجو يسوق عنك هادي: انتو شو ما تفهمون..؟؟ وطلع برا خذا السيارة من راجو وقعد يتمشى فيها بالفريج.. كان حيل متضايق اول شي من شوق اللي قطعته مرة وحده ولا سألت عنه ولا احواله مريض صاحي حي ميت وثاني شي على امه وابوه اللي مو راضين يخلونه ياخذ ليسن حاله حال ربعه.. قعد يحوط بالسيارة وكان الجو وايد حلو بالعين مبطل الدرايش ومشغل اغنية حربي العامري آه من قلب.. آه من قلبن غدا حبه جنوني.. وآه من خلن على بالي طرا.. لي سطا في الروح وتملك شجوني.. من صدوده يا ملا دمعي جرا.. في المحبة يا عرب لا تعذلوني..لان حبه في فوادي قد سرا.. حبه اللي صارلي عمري وكوني..ما نسيته لو جرالي ما جرى.. يا بدر نور ما بين المزوني.. منزلك بين الثريا والثرى.. لو يهون الحب قدرك ما يهوني.. لان عيني غيرك انته ما ترى.. من غلاك اتخيلك دوم فعيوني..شوف حالي كيف عقبك مخطرا .. لك غلا لك حب في دمي مخزوني.. يا لزيمي حتى في نومي ترا.. بس رجوى لا تخيب لي ظنوني.. لا تشمت بي عذولن ما درى.. آه شواقي وينج محتااااااااااااي لج .. وبسرعة وصلت اخبار ولادة مريم حق اهل الامارات واولهم بومحمد ومحمد اللي كانو اصلن مخططين يردون بنفس اليوم.. خالدة: الف الحمدلله على سلامتها بومحمد:الله يسلمج خالدة: اول ما توصل اتصل علي طمني وانا بتصل في ام خالد(منيرة) بباركلها بومحمد: حشا رديتينا 50 سنة ورا جني ما تزوجت ليلحين تحاتيني وحالتج حالة خالدة: لا ويه اسم الله علي كبرتني بومحمد: ههههههههه طلال راح حق شوق وراضاها وشرالهاn76 بدال الموتو اللي انكسر.. شوق: ماله داعي طلال طلال: ما عليج بيردهم لي فصيل بعدين اهم شي ما تكونين زعلانة مني شوق من الوناسة: يا معود ما لقيت غيري يزعل طلال: ودي اصدق بس قوية شوق: ليش عاد؟ طلال: مستحيل يمر يوم ما تبجين فيه خخخخ الحين امشي نروح المستشفى اكيد الكل وصل.. |
راحو المستشفى .. لقو خالتهم فوزية وعيالها فاطمة وريم ورغد وجسوم وخالتهم بدرية وجمانة وعبدالله وفهد ريل مريم واخوانها كلهم الغرفة كانت زحمة وايد شوق:هاااااااااااااااي .. لما لاحظت الزحمة: ويه.. السلام عليكم الكل: وعليكم السلام سلمت ع الكل .. الحمدلله على سلامتج مريووم.. مريم: الله يسلمج شوق: عاد حلوة بنتج؟ فهد: اكيد حلوة دام مريومتي امها شوق: عاااااااااشو هالسوالف خلوها بعدين لما تكونون بروحكم منيرة: ويعه حشا ما تستحين الكل: ههههههه شوق: المهم شنو بتسمونها..؟ مريم: انا صراحة ودي اسميها هند ريم: وييبو وحده ثانية سموها سيلان شوق: لا مو حلو فهد: انا بسميها شوق ابيها تصير نفسج شوق: لا حبيبي ما في شوق بالعايلة غيري طلال: فهد ترجاها اكثر يمكن توافق خخخخ شوق: تتطنزون؟ ما علينا امشو بنات نشوف البنت بعدين نقعد تحت هني وايد زحمة فهد: مالت عليج ياية تقعدين عند اختج ولا بالكوفي شوب؟ شوق: مرتك بنمل منها بتقعد عندنا اربعين يوم اما انت خنت حيلي جابلها ليما تمل مريم: يمل مني انا؟ شوق: ما عاش اللي يمل منج بس اقول يعني منيرة: انزين فارجي فشلتينا شوق: المشكلة انكم ما تحسون بقيمتي.. ريموه امشي جمانة: بروح وياكم شذى: وانا شوق: حياكم دانة: وانا ورغودة ريم: شنو هذا ؟؟ الكل بيروح؟؟ جمانة: متى ما صارت مستشفى ابوج لا تخلينا انزين شوق: ولييه الحين بيقلبونها هوشة اللي تبي تروح تشرف والي ما تبي مو مغصوبة شذى: احسن حل وطلعوا .. وعند باب الغرفة .. رغد: دانووه انصحج ما تروحين دانة: ليش انشالله حالي من حالكم رغد: عاد هذي شاللي يفهمها الحين شوق: خخخخخ دانوه في ناس يبونج.. ريم: فديت عبود ولد خالي دانة: جب يا الخايسه انتي وياها شوق: خخخخخ ويهج صار احمر دانة: مالت عليكم خبل اللي يروح وياكم ..ودشت داخل رغد: تبيها من الله الكل: هههههههه جمانة: والله فشله كلنا طلعنا يمكن يبون احد يساعدهم شوق: بس بس مالي خلق محاضرات ما يحتاجونا عندهم الشباب ماشالله تارسين الغرفة شذى: اسم الله عليهم لا تحسدينهم جمانة: بس طلول وعبود وفيصل وجاسم ريم: عشتو طلول بعد جمانة: أي طلول عندج مانع شذى: وبعدين وياكم لازم تقلبونها هوشه خلاص عاد جمانة: ما ادري عنها ريم: لا والله انتي اللي بديتي رغد: اف شوقو امشي خليهم يولون شوق: صح كلامج ... يلا البنات راحو الكوفي شوب اللي بالمستشفى.. اما في الغرفة.. فهد وخالد طلعو .. مريم وخالاتها يسولفون عن مواضيع الكبار .. اما الشباب ماخذين النص الثاني من الغرفة.. فيصل: دانووه ليش ما رحتي وياهم؟ دانة توهقت شتقول..: ملاقة يبون يقعدون تحت وانا مالي خلق طلال: اكيد مالج خلق خخخخخ؟؟ دانة: أي مالي خلق عندك مانع؟؟ جاسم: بسم الله شفيج عصبتي مرة وحده دانة: ما فيني شي عبدالله: انتو شكو كيفها ما تبي طلال: عاشو روميو يدافع |
الكل كان يعرف ان عبدالله يحب دانة .. دانة: والله اروح عندهم وايد احسن.. وراحت حق البنات طلال: مسكينة انحرجت فيصل: بس عاد ما اسمحلك طلال: خخخخخخ عيدها والله شكلك حلو لما تتكلم جد جاسم: جد ولا عم خخخخ عبدالله: ويه مغبرة شوف الغبار فيصل: صج ما تعرفون تنكتون جاسم: عدال ياللي تعرف فيصل: أي اعرف اسمع يقولك في واحد دافن نص عمره والنص الثاني لا ليش؟؟ الكل: ليش؟ فيصل: يسوي فيديو كليب انا عايش ومش عايش طلال: قدييييييييييييمة فيصل: عيل اسمع في واحد كان في البر شاف واحد جان يقوله انا عطشان من الشمس جان يرد عليه وانا طلال من الارض خخخخ هذا طلول اخوي جاسم: هههههههه حلللللللللللوة طلال: ها ها ها ما يضحك عبدالله: انا سامعها فيصل: هذي اتحداك سامعها يقولك.. فوزية: حبايبي ترى اذيتونا تحملناكم وايد استحو وطلعو برا خلونا ناخذ راحتنا طلال: وااااااااااكككككككككككك طرده فيصل: مشكورة خالتي مقبولة منج فوزية: العفو كل يوم تعال فيصل: اووه تنكتين بعد هلا والله امشي ويانا عندي نكت ولا اروع فوزية: وين امشي وياك يا معود خلني هني وايد ابرك لي الحين اييون حريم مو حلوة ما يلقوني فيصل: خخخخخخ جسوم امك صدقت فوزية: وي غبرا تقول عن خالتك جذي فيصل: عشان العيش والملح اللي بينا لا تنسينه بلحظة دانا ما اتوأعش منك تعملي في كده يا آسيا (يا قاسية بالمصري) طلال: آسيا ولا أفريقيا وااكككككككككك فوزية:فصول عن لعب اليهال واطلع ويا ربعك فيصل: هذول ربعي اخر زمن خخخ بس تعرفين خالتي لازم الواحد ينزل نفسه حق المستويات الاقل عشان يكسب محبة الجميع جاسم:لا يطيح نصك طلال: نصه ولا ربعه خخخخ فيصل: هذا اخوي ورث مني خفة الدم اخذوه وياكم يونسكم فوزية: فصول وبعدين يعني فيصل: بس عشاني احبج راح اطلع فوزية: عشانك تحبني؟ فيصل: تبين الصراحة لا عشان رفيجي داق علي يبيني خخخخ عليج واحد فوزية: طلول ممكن تاخذ ربعك وتطلعون اكبرهم اهبلهم اللهم يا كافي طلال: انشالله تامرين امر فوزية: أي جذي طلال: يلا شباب طلعو برا خلو الحريم ياخذون راحتهم جاسم: خخخخ علم روحك اول طلعو.. عبدالله: وين بتروحون؟؟ طلال: يعني وين اكيد عند البنات نترزق الله يمكن نحصل شي جاسم: لا تحاول هذول ما يعطون ولا فلس بخاله الحمدلله والشكر طلال: ما يعطونك انت .. بس انا اسم الله علي بتشوف شلون بضبطهم فيصل: ودي اشوف شلون تتفشل بس المشكلة عندي شغله ضرورية ولازم اروح الحين.. سي يو شباب طلال: الشر ما اييك جاسم وعبدالله: هههههههه طلال: يلا شباب امشو نترزق بس اول شي سجدو سجود شكر عشانكم تتمشون وياي وتتعلمون من اكبر حيال بالكويت.. البنات كانو مسويلهم قعده خاصة حاطين طاولتين يم بعض وقاعدين لانهم وايد وكانو كلهم طالبين فربتشينو الا جمانة طالبة موكا .. يولهم الشباب... طلال: شباب انتبهو على كل شي اسويه عشان تتعلمون العلم نور ع الاقل نحصل اجر خخخخ طلال: هااااااااااااااااااي بنات شوق: خير ادري مو لله ياي طلال: جسوم شوف هذي اول قاعدة: راح تشوف حشرات وايد بس ما عليه اقرب بف باف رشه عليهم(وياخذ كلينيكس من على الطاولة ويحطه على حلج شوق).. شوق: انا حشرة؟؟ طلال: القاعدة: الثانية الكويتية ما تسكت لو شنو فعشان جذي تجنب تكلمها وايد شوق: سخيف طلال: الخطة الأولى.. بنات شرايكم نروح السينما؟؟ شوق: انت بتودينا خخخ بالعيد طلال: انتي مالج شغل لا تروحين.. ها جمون تروحين؟ ريم: عاااااشو جمانة: انا ما عندي مانع شذى: وانا بعد دانة: انا بروح رغد: والطلعة ما تحلى بدوني طلال: ريموه تروحين؟ ريم: اول شي جسوم بتروح؟ جاسم: ها طلال: أي بيروح ريم: على حسب الفلم طلال:انزين يعني بتروحين ريم: يس طلال: وانتي شوق هانم شوق: ادري انك ما راح توديهم عشان جذي ما راح اروح طلال: مو لازم شوق: بنات انتو من صجكم هذا والله ما يوديكم طلال: جب .. جب شوق: كيفكم اللي علي سويته .. ريموه لا تسمعين كلامه طلال: الحين اوريج اني ما اجذب.. بنات يلا كل وحده تدفع فلوس تذكرتها عبدالله وجاسم راحو بعيد شوي لانهم ماقدرو يستحملون من الضحك وعشان ما يخربون مخطط طلال |
[align=center]طلال: يلا بسرعه كل وحده تدفع ريم: شوقو هذا شكله من صجه شوق: حتى لو صج ما راح اروح طلال: يلا خلصوني رغد: طلول اخذ من جسوم ما عندي خرده طلال: وجسوم يصرف عليج .. عطيني واردلج الباجي رغد: اوكيك ريم: وانا على حسابها.. رغود بعدين اعطيج دانة: طلول ادفعلي طلال: سو سوري ما عندج لا تروحين دانة: امبلى عندي هاك طلال: أي جذي .. منو ما دفع؟ جمانة: انا .. بس لحظة شوي طلال: مو لازم انا ادفعلج جمون .. وانتي سحيلة قعدي لا تروحين(يكلم شوق) شوق: محد سحيلة غيرك طلال راح حق عبدالله وجاسم واهو ميت من الضحك عبدالله: هههههههه والله انهم مقصه جاسم: صراحة تعجبني ولد خالتي طلال: شفتو شلون.. الا هالسحيلة مصيبة تعرف كل مخططاتي جاسم: هههههههههه عبدالله: الحين عاد ناكل اللي نبيه عندنا خير طلال: مالت عليك صج قوطي عبدالله: ليش؟ طلال: الحين تشوف .. امشو اول شي نقعد راحو قعدو على طاولة طلال: طلبو اللي تبون والحساب ع البنات جاسم: ليش؟ طلال: باعرف بس شاللي قطني بهالعايلة سمعو هالفلوس بنوزعهم بينا والاكل عليهم بنقولهم احنا راح نوديكم السينما طبعا بالمشمش عشان جذي لازم مقابل عبدالله: والمقابل يدفعون الحساب طلال: زين والله يطلع منك شي جاسم: هههههه طلبو كل شي اكبر حجم وكيك وحلويات ولما خلصو راحو حق البنات .. طلال: بنات احنا رايحين نحجزلكم تذاكر حق السينما دانة: والله انك احلى اخو طلال: عاد احنا قلنا مدامكم بنات خالتنا المفروض تساعدونا شوي شوق: شفتو قلتلكم طلال: سكتي سحيلة .. نبيكم تدفعون حسابنا ترى ما طلبنا شي بس كوفي حق جسوم وتشيزكيك حق عبود وانا ما طلبت جمانة: يا غالي والطلب رخيص رغد: بس هذا اللي طلبتوه ؟ طلال: أي بس شذى: خلاص اوكي راح ندفع طلال: الله يخليكم لنا انشالله .. يلا سي يو جاسم: باي عبدالله: نشوفكم بالسينما طبعا الشباب خلصو الفلوس وكانت طلعة ولا وأروع والبنات الله يعلم بحالهم الا شوق اللي كانت مستانسة ع الاخر وتتشمت فيهم[/align] |
[align=center]][...الفصل السادس عشر...][ شوق: واااااااااكككككككك دانة: بس عاد شوقو ترى ذليتينا شوق: احسن عشان مرة ثانية تسمعون كلامي شذى: انزين بنسمع شوق: اقول جم فلوس تشيزكيك عبود وكوفي جسوم خخخ ريم: ثلاثين دينار الله لا يخسر..شوقو تعالي ابيج بسالفة شوق: شتبين؟ ريم: شالسالفة اشوفج انتي وطلال نفس اول واحسن بعد شصاير؟ شوق: عيل ما قلتلج ..؟؟ شوفي بعد شرالي تلفون ريم:؟؟؟؟؟؟؟؟ وقالتلها السالفة كلها ولما يا خالد وطلعها.. ريم: واي فديته شوق: شفتي الاخوان السنعين مو نفس جسوم ريم: اتمنى يكون ريلي نفس خلود شوق: روحي لااه ما يصلح عليج الرومانسية خخخخ ريم: جب اقول شوق: ماكو الفاظ اللهم يا كافي ريم: هههههههه وبالامارات.. الكل متيمع ببيت موزة .. لولوة: فديتها مريوم ربت ويابت بنت وديمة:صدق ع البركة روضة: الحمدالله على سلامتها لولوة: الله يسلمج أميرة: شو سموها؟ لولوة: شوق اميرة باين عليها العصبية: مب حلو روضة: بلاج ؟ بنتهم وع كيفهم يسمونها لولوة: ما عليه خليها وديمة: لولو شخبار هدوي من زمان عنه لولوة: بخير وسهالة بس ما ادري شو فيه هاليومين بس معصب ويالس بحجرته وديمة: بلاه ؟ لولوة: خخخخخ ماشي يفكر بحبيبة القلب الكل ضحك الا اميرة روضة: هذي شو فيها اليوم؟ لولوة: ما عليج منها شخبار ريلج؟ روضة استحت روضة: لولو يوزي عني لولوة: هههههه صدق ما يزوركم وديمة: سكتي الله يخليج اول ما ييت توه يطلع منهم لولوة: خخخخ ما يصبر روضة: فديته لولوة: يا عيني ع الحب خذيه بعدين رمسي جذا روضة: ليش انا شو قلت؟ لولوة: ماشي فديتج خخخخخ وديمة: رواضي تبغيني ابرد حرتج روضة: هيه وديمة: لولو اليوم سلطان يسأل عنج روضة: ايوا لولوة ساكتة وديمة: شو؟ سألت عنه العافية خخخخخ لولوة: عادي شو فيها ما تبينه يسأل عن بنت عمه وديمة: ابغيه يسأل بس مو بس عنج انتي عنده بنات عم غيرج شله ما يسأل عنهم خخخخ لولوة محرجة: براحته يسأل عن اللي يباه وديمة: صدقج خخخخخ روضة: خلاص بردت حرتي الكل: هههههههه روضة: لولو ودوم شو رايكم تنامن عندنا اليوم؟؟ لولوة: والله فكرة وديمة: هذا اذا امايه وافقت روضة: وليش ما توافق؟ وديمة: شو دراني بس ما اتوقع روضة: لا تقولين جي انشالله بنقنعها انا ولولو الحينه وديمة: لا تحاولون امايه وانا اعرفها زين الا اذا روضة: الا اذا شو؟ وديمة: الا اذا مرت ولدها رمستها لولوة: جب جب يالخايسة عنلالاتج مب لازم تنامين وديمة ناقعة من الضحك يرن تلفون وديمة واللي كان ورا لولوة لولوة: اندوج تلفونج اللي نفس ويهج وديمة واهي تشوف الرقم: ههههههههه فديت اخويه عمره طويل لولوة: جب وديمة: كل ها حب اللهم زد وبارك خخخخخخ لولوة: ودوووم ردي على اخوج وديمة: ما تبغينه يتريا ع الخط اوكي وديمة: ههههه الو سلطان: كملي سوالف وديمة: خخخخ شو تبغي سلطان: تفيجتي لي الحينه وديمة واهي تطالع لولوة: شو اسوي بمرتك كرهتني بحياتي سلطان: فديتها وديمة: يتفدونها بعد سلطان: انتي لا تحرجين حرمتي ويلا طلعيلي اترياج تحت وديمة: شو؟ الحينه ما ابغي سلطان: شو ما تبغين امايه قالتلي ييبها وديمة: سلطون ابغي انام عندهم سلطان: شو سلطون اصغر عيالج ؟؟ والله تصرفي مع امج وبعدين البيت محد بس امج روحها وديمة: وميثو؟ سلطان: ميثو ؟ شفتي كرشتها بالاول تبغينها تربي وديمة: انزين لولو بتنام وابغي انام معاها بلييييز سلطان: لولو بتنام؟ وديمة: هيه بليييز قول لأمايه ابغي انام بلييييييييييييييز سلطان: اتصلي فيها وجوفي واذا ما اقتنعت انا بكلمها وديمة: يعلني ما اخلا منك ولا من حرمتك سلطان: ولا اخبرج انا برجع البيت وبقولها ان عمتيه موزة لزمت عليج تنامين عندهم وديمة: فديتك والله سلطان: تراني الا سهران عند مايد الليلة وديمة: عند مايد ولا عسب لولو سلطان: سلمي ع الحب وديمة: خخخخ يوصل وعند موزة ام مايد روضة: اميه فديتج خليهم ينامون عندنا موزة: البيت بيتكم روضة: فديتج فديتج فديتج لولوة: ما باقي الا اتصل في امايه واخبرها موزة: شو ما خبرتن اهلكن؟ روضة: خبرناهم اميه .. يلا بنات نزهب للسهرة ولما راحو المطبخ روضة: زين جي بغيتي تفضحينا لولوة: شو سويت؟ روضة: ماشي يلا خبري امج لولوة: انزين بهاليوم كان مايد وربعه مسوين سهرة صباحي وكان عندهم سلطان وهادي بس هادي رد البيت ع الساعة 2 والشباب كملو السهرة ومحد يدري منهم ان البنات موجودين الا سلطان[/align] |
مايد دش داخل البيت بييب شي حق الشباب ياكلونه واول ما دخل المطبخ شاف روضة بالمطبخ.. مايد: رواضي شو مسهرنج لين الحينه؟ روضة: البنات عنديه مايد: أي بنات؟ روضة: لولو وودوم مايد: صدق؟ ابغي عشا ترتوب حقي وحق ربعي روضة: شو استوينا بشكارات ونحن ما ندري حبيبي وين ميثو؟ مايد: ودوم يلا عاد حرمتي عند اهلها وانتن ما عندكن شغل ولا تبيني اخسر فلوسي وعندي اخت سنعه شراتج روضة: هي تروح عند اهلها ونحن ناكلها مايد: بطلعكن المكان اللي تبغونه شو رايج؟ روضة: بشاور البنات اول مايد: اسميني عطيتج ويه روضة: خخخخخ انزين بس احلف مايد: والله روضة: تراك حلفت مايد: هيه حلفت خلصيني عاد بهاللحظة دخلت لولوة ووديمة مايد: هلا بالشيخات شحالكن؟ لولوة: بخير وسهالة مايد: دوم انشالله يلا رواضي اللي اتفقنا عليه روضة: صار بس جم واحد انتو مايد: خمسة وسلطان معاهم ستة وديمة: وشله ما تحسب اخويه ؟ مايد: اسفين الشيخه سقط سهوا خخخ رواضي تعلمي كيف يحبن اخوانهن مب شراتج وراح عنهم.. سووا البنات عشا واتصلت روضة بمايد بس طلع انه ناسي تلفونه بالمطبخ روضة: شو نسوي الحينه؟ وديمة: ما عليه بنتصل بسلطان بنقوله يقول حق مايد.. واتصلت فيه وطبعا الاخ استانس ع الاخر ويا اهو بنفسه عشان ياخذ العشا لولوة: رواضي تعالي الصالة وديمة: شو؟؟ ما بتتحركن انا اخاف بروحي لولوة: تخافين من شو؟ الا اخوج عندج وديمة: بس اخويه بياخذ الاكل وبيروح لولوة: حركاتج وايد قديمة نحن بالصالة مب المريخ وديمة: روضو ما بتروحين يمكن ايي مايد لولوة: انتن خلكن وانا بروح وقبل لا تروح الصالة دش سلطان.. سلطان: السلام عليكن الكل: وعليكم السلام لولوة مفولة من وديمة ع الاخر سلطان: شحالج لولو؟ لولوة: بخير سلطان: دوم يا رب لولوة طلعت وراحت الصالة وسلطان مستغرب روضة: شحالك سلطان؟ سلطان: السموحة روضة ما جفتج روضة بصوت واطي: من اللي ماخذة عقلك سلطان خذا الاكل وطلع وديمة: لولو شابة نار لولوة: روحي عني وديمة: كل ها حب لولوة وويها حمر: يا السبالة وديمة: مقبولة من مرت اخوي خخخخ وكانت سهرة ولا اروع ضحك واكل ووناسة ويت الساعة 10الصبح وما نامو كانو قاعدين بالحوي وام مايد كانت توها ناشة من الرقاد.. ام مايد: شو صاير بالدنيا البنات ناشات من وقت روضة بصوت واطي امها سمعته: خخخخ لا اميه ما نمنا لين الحينه لولوة: صبحج الله بالخير عمتيه خخخخخ ام مايد: بسكن من السهر مب زين روضة: اميه خلينا باجر عطلة ام مايد: دامه جذا قولي لليلى تسويلي ريوق روضة: خلي البشكارة نحن بنسويلج احلى ريوق وديمة: سوي رووحج انا بروح اخمد لولوة: وانا بعد روضة: شوو والله انكن خاينات وديمة: خخخخ دواج.. عمتيه خبريها شو تبغين ؟ راحو البنات غرفة روضة عشان ينامون .. اما تحت مايد قاعد ويا امه ياكلون الريوق اللي مسويته روضة روضة:هيه صدق تراك حلفت بطلعنا مايد: اووه الله يغربلك يا ابليس نسيت روضة: شو يعني كاني ذكرتك مايد: لا انا مواعد ربيعي بسير العزبة روضة: شووو مالي خص انت واعدتني ام مايد:خلي اخوج خلاص مب لازم روضة: شو مب لازم اميه تراه مواعدني مايد: هيه امي انا مواعدنها بس انا بروح العزبة ع الساعه 12 يعني بعد ساعة ونص روضة: ومتى بترد مايد: اذا معزمة تروحين برجع 8 روضة: هيه معلوم معزمة ام مايد: وين بتروحن الساعة 8؟ مايد: وين تبغين تروحين روضة: نتحوط مايد: العين مول؟ ام مايد: ما في سوق الساعة 8 وعطلة روضة: اميه دخيلج مايد:هيه اليوم يمعه وكله شباب روضة برطمت : يوم انك مب قد وعدك لا توعد مايد: روضو احترمي حالج روضة: عيل شو ؟ مايد: شو رايج تروحين العزبة ويايه ام مايد: وربيعك؟ مايد: عادي روحي انتي معانا وعمتي ام هادي وعمتي ام خليفة روضة: هيه اميه دخيل والدينج سيري ويانا ام مايد: نحن من زمان ما طلعنا العزبة ويا بعض روضة: اخر مرة قبل ما تطلع عمتيه ام خليفة من الحداد ام مايد: خلاص اتصلي فيهم وخبريهم روضة: يعلني ما اخلا منج وراحت روضة لغرفتها شرات المينونة تناقز ومستانسة واحتشرت على لولوة و وديمة اللي توهن يغمضن عيونهن.. لولوة: بلاج حشرتينا وديمة: روضو صخي بنام روضة: نشن بسرعه بنروح العزبة وديمة: يرحم والدينج طلعي وصكري الباب وراج ابغي انام روضة: ودوم والله بنروح ويا امج وام لولو والعايلة الكريمة كلها لولوة: صدق؟ روضة: والله .. نشن بسرعه انا بقعد اميرة لولوة: امنوه بيروح؟ روضة: الكل نحن وبيتكم وبيت ودوم وديمة: ميثو اختي بتروح؟ روضة: هيه وديمة: بتولد علينا هناك ما نبغيها خخخخ روضة: والله عاد رمسي ريلها هو اللي بياخذنا دشت عليهم اميرة... اميرة: صدق اللي سمعته؟ روضة:هيه اميرة: يعني بنروح العزبة ؟؟ لولوة: يس اميرة: من بيروح ؟ وديمة: كل العايلة الكريمة اميرة: اهاا ما ابغي اروح وديمة: شو؟ روضة: مب ع كيفج تخربين الطلعة لولوة: انا بروح بيتنا ازهب اغراضي واساعد امايه وديمة: وانا بعد روضة: ميود تحت يترياكم لولوة: شو؟ روضة: امهاتكن العزيزات قالن خلوه ييبكن عشان ما عندهن احد اخوانكم الاعزاء متخمدين لولوة: فديتهم وديمة: اكييد فديتهم خخخخ لولوة: جب انتي ببيت بو هادي الكل قاعد يزهب اغراضه الا هادي اللي نايم خالدة: لولو قومي نادي اخوج احمد: اميه ما يبغي يروح خالدة: ليش؟ احمد: شو عرفني هزبني وقاللي اطلع برع لولوة: بروحله هادي ولولوة حييييل مع بعض |
لولوة طقت الباب بس ما رد عليها.. دشت واهو كان منسدح وسرحان ومبين عليه انه مو نايم عدل.. لولوة بصوت عالي: هدوووووووووووووي هادي: ها .. هلا لولوة: شخبارك اخوي؟ من زمان عنك هادي: ليش؟ انا ما طلعت من البيت لولوة: هب انت انا اللي كنت عند عمتيه هادي: هيه صح لولوة: يلا قوم بنروح العزبة هادي: روحو انا مب رايح لولوة: ليش؟ هادي: جذا لولوة: هدوي.. شو فيك من اول ما ردينا من الكويت وانت مب على حالة شي مزعلنك او مضيق بك؟ هادي: لا لولوة: ليش ما بتروح العزبة انزين؟ هادي: بس مالي نفس لولوة: اها .. ترى اميرة مب رايحة هادي: شدخل لولوة: يعني قلت يمكن متفقين او شي هادي: اسميني عطيتج ويه لولوة: صدق هدوي شو فيك؟ روح ويانا استانس غير جو هادي: مب رايح يعني مب رايح لولوة: السبب؟ هادي: ما يخصج لولوة: اها انزين دريت مريوم ربت ويابت بنت؟ هادي: هيه دريت لولوة: سموها شوق هادي: يا بلا ابوك يا عقاب لولوة: تحبها صح؟ هادي:اموت فيها مو بس احبها لولوة:تبغي ترمسها؟ هادي:شو؟ لولوة:ترمسها تلفون؟ هادي:لولو انتي مب طبيعية لولوة: الا طبيعية بس بشرط تروح معانا العزبة هادي: اللي تبغينه بسويه لولوة: وينج شواقي تجوفين شلون ميننة باخوي هادي: فديتها وفديت الينون اللي ايي من صوبها لولوة: بس بس درينا اتصلت لولوة بشوق.. شوق: مرحبا ملايين ولا يسدن لولوة: عاشو صرتي اماراتية شوق: خخخخ مس يو فديتج لولوة: مي تو شوق: شلونكم؟؟ شخباركم؟؟ لولوة: تمام والله الا ناس شوق: منو؟ عمتي فيها شي؟ لولوة: بسم الله على اميه .. نو ناس سبيشل شوق: منو؟ لولوة: لحظة يبغون يرمسونج.. عطت التلفون هادي.. وهادي يأشرلها عشان تطلع واهي تعاند هادي: اهلين شوق: هدوووووي؟؟ هادي: هيه بشحمه ولحمه..شخبارج؟ شوق: بخير هادي: ما بتسأليني عن حالي شوق: شلونك؟ هادي: الحمدلله ماشي الحال شوق سكتت شوي : لولو وينها؟ هادي: عدالي مب راضية تطلع وتخليني ارمسج على راحتيه شوق:........ هادي: شو فيج سكتي؟ شوق: شقول؟ هادي: أي شي شوق: مثل شنو؟ هادي: مب مشتاقتلي؟ شوق: امبلى هادي: بس انا اكثر شوق: لا انا اكثر هادي: لا انا لولوة: شو شالسالفة؟ هادي يأشر حق لولوة عشان تسكت هادي: غناتي شوق ساكتة >> حدها مستحية هادي: شواقي شوق: هلا هادي: شو فيج؟ شوق: ولا شي بس مشتاقتلتك واااااااااااااااايد وفقدتك هادي: حتى انا حبيبتي شوق: هدوي بسك عاد..لولو وينها؟ هادي: شو ما تبغيني شكلج؟.. اندوج ويعطي التلفون حق لولو .. لولوة: هلا شوق: شفيه اخوج؟ لولوة: ما يعرف سوالف البنات خخخ ياخي البنت تستحي شوق: تامريني بشي لولوة: فديتج سلمي ع الكل شوق: يوصل واول ما سكرته.. |
هادي: فديت اللي يستحون لولوة: بسك عاد يلا نش تلبس بنروح هادي: لولو دخيلج ابغي رقمها لولوة: شله؟ هادي: عسب ارقص عليه يعني عسب شو ابغي اكلمها لولوة: يلا يلا هادي: يعني يهون عليج اخوج الوحيد يتعذب لولوة: اولا يهون علي ثانيا مب اخوي الوحيد عندي 2 غيرك ثالثا محد قاللك تتعذب هادي عنده رقمها بس يسوي روحه مؤدب هادي: يعني مب معطيتني اياه لولوة: نوب هادي: ترا اذا ما عطيتيني باخذه بطريقتي الخاصة لولوة: كيف يعني هادي: باخذه وخلاص.. لولو حرام عليج والله حالتي مب حالة لولوة: يعني شو اسويلك هادي: عطيني رقمها لولوة: يمكن البنت ما ترضى هادي: انا اتصرف ما عليج لولوة: بس انا مالي شغل هادي: امحق اخت لولوة: خلاص مب معطيتك هادي: روحي لاه ذليتينا تراج لولوة: عسب تحس بقيمتي هادي: حاس بها لولوة: انزين اندوك الجهاز ما تاخذ غير رقمها ولا اقول انا اعطيك اياه اضمن هادي: خخخخخ لولوة: *******00965 لولوة: يلا سرينا وبعد 10 دقايق بالضبط السيارات كلها عند بيت بوهادي عشان يروحون العزبة مع بعض .. لولوة: اميه بروح مع البنات خالدة: شحقه ؟ قعدي معانا بسيارتنا وخلاص لولوة: اميه ابغي اروح وديمه بتروح مع روضة وانا ابغي اروح وياهم خالدة: ما تكفي سيارتهم قعدي هني لولوة: امايه بوهادي: شو السالفة؟ لولوة: ابغي اروح مع البنات واميه مب راضية بوهادي: ليش ما تخلينها تسير؟ خالدة: اتيي وياي احسن لولوة: ابويه البنات كلهن بيروحن بسيارة وحدة بوهادي: ما عليج روحي وياهن خالدة: بسيارة منو؟ هادي: بسيارة سلطان لولوة: انت بتروح معانا؟ هادي: هيه عسب تتبارك السيارة لولوة: يعني انا وودوم وروضة وسلطان وانت خالدة: وانا منو بيروح معاي ؟ بوهادي: ما عليج شر انتي وبشكارتج وولدج احمد ريال لولوة: ابويه ما راح تسير؟ بوهادي: لا انا وبومايد عدنا شغيلات بنخلصها رنج سلطان فيها سلطان وهادي وروضة ووديمة ولولوة سيارة بوهادي خالدة واحمد والخدامة وراحت معاهم ام خليفة سيارة مايد اهو وامه وميثا واميرة ما رضت تروح ودوها بيت عمها وحركو الثلاث سيارات من عند بيت بوهادي وسيارة سلطان الاخيرة لولوة: عمي مبارك وينه ماله شوفة هادي: هو وخليفة وراهم شي وهذا ويهي اذا السالفة ما فيها بنت وديمة: شو تقول انت هذا الغالي محد يتكلم عنه جيه هادي: وانشالله ليش كل ما دق تلفونه طلع برا الميلس وديمة: اصدق انت ما عندك هالسوالف هادي: خخخخخ عندي بس سوالف مب صدق لولوة: مب صدق؟ هادي: الا وحدة فديتها الكل يضحك روضة: سلطان بركن هنيه ابا ماي سلطان: بشكار ابوج سلطان بركن هنيه وديمة:حتى انا ولولوة نبغي سلطان: من عيوني هادي: حتى اخوج عنده هالسوالف خخخخ سلطان: والله انا بالحلال ولا هادي: شو بالحلال انا اصلن مب موافق انك تاخذ اختيه وديمة: ليش اخويه شو فيه مب عاجبنك؟ هادي: سكتي انتي ام لسانين وديمة: انا ما عندي غير لسان واحد فديتني هادي: تدرين ليش ما بيوزه اختيه؟ وديمة: ليش؟ هادي: عسب انج اخته سلطان: بسكم عاد شو تبغون تراني نازل الدكان هادي: 5 سفن اب 4 بيبسي 9 سنكرز وديمة: حشا مب بطن عليك هادي: مالج خص.. يعني شو تبغيني اشتري شراتج واحد عصير برتقال فريش اليوم الصبح حالبينه من البقرة؟ ووحدة فطيرة تفاح مدهونة ببيض ضفادع منتهي وبيضة كيندر لاحستنها الصخلة وووو وديمة: بس بس لاعت جبدي خلاص ما ابغي شي سلطان: هدوي يوز عنها خخخخ روضة: اهم شي ماي لولوة: وانا ابغي ماي سلطان: فالج طيب.. ونزل |
واول ما نزل من السيارة قام هادي وقعد مكانه وشغل الاف ام وكانت اغنية فاضل المزروعي هادي يغني: في ذمتي مالي حبايب سواكم وديمة: قبل لا تغني كانت احلى اغنية عندي بس الحين كرهتها هادي:مشكلتج وديمة:شله قاعد مكان سلطان؟ هادي: سؤال محير صراحة انصحج استعيني بصديق وديمة:ماصخ هادي: يعني الواحد قاعد عدال السكان ليش؟ لولوة: امايه مب راضية انك تسوق هادي: وامايه وينها الحينه؟ وديمة: افا عليك الحينه اتصل لها واخبرها هادي: خبريها مب مصدقتنج سلطان شرا الاغراض وردلهم واول ما شاف هادي قاعد مكانه سلطان: قم يلا هادي: يلا اركب ولا تراني بسير عنك سلطان: خخخخخ امك موصيتني ما تسوق هادي: وامايه وينها الحينه اركب خلصنا سلطان: بس هالمرة وديمة: لا ما يصير هادي: انتي يالعيوز مالج خص وديمة: انا عيوز يا الشيبة هادي: اصصصصصصص خليني اسوق لا ادعم فيج الحينه واول ما قربو من العزبة نزل هادي وراح صوب الباب عشان يرد مكانه اما سلطان متسمر وما يبي يقوم سلطان: شو تبغي؟ هادي: لا والله قم اقعد مكانك سلطان: ما ابغي هني مريح المكان هادي: يلا عاد لحد يجوفنا الحينه سلطان: خخخخ خايف؟ هادي: يلا عاد لا تشوفني امايه تسويلي سالفة وديمة: بتسويلك سالفة؟ هادي: هيه وديمة: فالك طيب بخبرها بنفسي هادي: مالت عليج يلا سلطون اقعد مكانك سلطان: ما ابا لولوة: يلا سلطان نزل سلطان وراح مكانه وهادي ميت من الضحك ولولوة ويهها احمر هادي: لو ادري جان قلتلج من زمان واول ما وصلو هناك البنات يزهبون الاغراض والشباب خذو الحريم وودوهم عند الغنم و البوش.. ولما خلصو البنات حطو بساط وقعدو ويت خالدة وقعدت عندهم وسوالف ووناسة وبعدين قعدو عندهم الشباب.. وديمة: خالتي بخبرج شو صار اليوم خالدة: شصار؟ وديمة: اليوم .. هادي: امايه ابغي شاي خالدة: صب حق روحك وديمة: هيه خالتي اليوم هادي: امايه شو العشا؟ خالدة: خل البنت تكمل سالفتها هادي يأشر حق وديمة انه بيذبحها بس هي تتجاهله وتسوي روحها ما تشوفه وديمة: خالتي جوفي هادي خالدة: هدوووي سلطان:وااككك قالوله هدوي هادي: اميه زين جي ريال بلحيتي تقوللي هدوي وتخلين هذا يتمصخر علي خالدة: والله ان ما عندكم سالفة اروح اقعد عند الحريم وايد احسن وديمة: فديتج خالتي قعدي عندنا خالدة: عشان خاطرج بس وديمة: فديت قلبج انا هادي: هي انتي كيف تتغزلين باميه عندنا الكل يضحك روضة: خالتي خاطري اسألج سؤال خالدة: سألي روضة: كيف خذاج خالي سيف مع ان هو ولا مرة راح الكويت الا يوم خطبج؟ لولوة: صدق امايه كيف؟ خالدة: الله يسلمكم انا كنت ايي دبي وايد لانه اخوي بومحمد كان عنده محل نسائي وتعرفون لازم يشتري بضاعة حلوة عشان تمشي فكنا انيي دبي انا وبومحمد ونشتري البضاعة وتقريبا كنا انيي بالشهر مرتين سلطان: وليلحينه المحل موجود؟ خالدة: الحين صار شركة روضة:ماشالله وديمة: هيه خالتي كملي خالدة: وكان بوهادي ايي دبي ذيج الايام اظن كان شغله هناك ودايمن اشوفه اذا ييت دبي لولوة: امايه وين تجوفينه خالدة: بالفندق وتعرفون انا كنت وايد حلوة فديتني هادي: احم احم امايه مداح نفسه خالدة: فديتني ما امدح عمري بس كنت حلوة هادي: هيه احيدج عسب جي خليت ابويه ياخذج وديمة: هيه باين خليتهم ياخذون بعض وانته ما انولدت خالتيه ما عليج منه كملي خالدة: المهم يا وكلمني وقاللي انا معجب فيج هادي: وابويه كان صايع يرمس بنات الناس ومعجب وما ادري شو ونحن ممنوع المغازل خالدة: استح على ويهك هذا ابوك هادي: خلاص سكتنا خخخخخ روضة: وشو قلتيله خالتيه؟ خالدة: قلتله انا بنت ناس وما عندي هالسوالف تبيني تعال اخطبني من اهلي هادي: عااااااااااااااااااشت اميه محترمة فديتج خالدة: تراني بروح عند الحريم هادي: لا امايه كملي خالدة: بس يا الكويت وخطبني من اخوي وتزوجته ويابني الامارات روضة: تصلح قصة هادي: هيه باجر تلقين عند روميو وجولييت خالدة وسيف خخخخ لولوة عصبت: لا يحطون هادي وشوق الكل التفت عليها |
وديمة: ومنووه تعيسة الحظ هذي شوق اللي بتاخذه خخخخ سلطان: ما اقول الا الله يعين اميرة عليك هادي عصب لانه يدري انه يقصد اميرة بنت عمته موزة خلاهم وراح عنهم... حاول يدق على شوق بس ما ترد عليه بعدين دزتله مسج... <عندي بنات خالاتي ما اقدر اتصل> عصب زيادة ورد عليها: <خلاص هب لازم> اما لولوة قاعدة مع البنات وتسولف معاهم عن اهل الكويت... لولوة: ما بقى شي على عرس فيصل وديمة: فديته لولوة: طاع هاي اقولج ما باجي شي على عرسه يالسة تتفدينه وديمة: انا حبيته هالريال روضة: استحي شوي وديمة: انتن مرتاحات كلكن حصلتن رياييل الا انا لي الله روضة:هههههههه لولوة: عاد مو واحد بيعرس وديمة:يالدبة اذا ما حصللي ابا شراته يعني نو مشكل خخخ بتروحون لعرسه لولوة: هيه اكيد وانتو كلكم معزومين بعد وديمة: يعني راح اجوفه فديته لولوة:امنووه؟؟ وديمة: فيصل روضة: خخخخ لولوة: هيه معلوم تجوفينه ما يستوي عرس من غير معرس ][...الفصل السابع عشر...][ اليوم اللي قبل العرس الساعة 8 ونص: بالامارات: لولوة: اميه متى بنروح؟ خالدة: تو الناس الطيارة الساعة 1 لولوة:ولا مرة سافرنا كلنا مع بعض هادي: امبلى لما رحنا العمرة بس انتي كنتي ياهل لولوة: عدال يالكبير اقول تراني اكبر عنك هادي:امحق انزين اميه بروك بيروح معانا؟ خالدة: منو بروك؟ هادي: عمي مبارك خالدة: اكيد الكل بيروح والحين بييون الحريم هني والرياييل بالديوانية بنتعشى وعقب العشا بنمشي انت روح عند الرياييل هادي: اها لا اميه انا عندي مكالمة مهمة وبعدين بروح لولوة: من امنووه؟؟ هادي: امنووه يعني اكيد منصور لولوة: اكيد منصور؟ هادي: شو هب مصدقني لولوة: لا خلاص صدقتك هادي: هيه عبالي بعد ترى حواليج اربع طوف لولوة: عسب جي صدقتك خخخخ خلاها هادي وراح غرفته عشان يكلم شوق... |
من ثاني رنة شالته.. شوق:الو هادي:هلا والله شوق: شلونك حياتي؟ هادي: شو؟..شو قلتي؟ شوق: شلونك؟؟ هادي: لا لي بعدها يالله فديتج عيديها ..دخيلج تعيدينها شوق استوعبت: نو اصلن قلتها من غير قصد هادي: اهون عليج؟ شوق: هدووي! هادي:دخيلج شواقي شوق: شنو هادي:خلاص ما ابا شوق: شفيك زعلت هادي: شايفتني شوقو ازعل شوق: لا شايفتك هدوي.. حياتي هدوي هادي: شو شو شو عيدي شوق: ههههههههه تحلم عاد هادي: يعلني ما اخلا من هالضحكة دوم شوق: ولا اخلا منك يا رب هادي: عيديها شوق: يلا مناك عاد عطيتك ويه هادي: افا الحين اذا وحده تغزلت في حبيبها يسمونها عطته ويه شوق: هدوووي بس عاد هادي: شو صار ويهج احمر خخخخ شوق: تدري شلون اسكره وايد احسن هادي: لا لا لا خلاص شوق: باجر بيكون عرس فيصل هادي: واليوم بكون انا عندج شوق: بتيي؟ هادي: اكيد بيي وبقعد عندكم لي عقب العرس باسبوع شوق: فديتك والله هادي: والعايلة الكريمة كلها بتيي بعد شوق:عااااااااااشو العين اوسع لهم من المكان.. هادي: الا اليهال ما بييون شوق: ليش؟ هادي: شو تبين ابهم شوق:لحظة هدوي شوي هادي: انزين كان عندها خط ثاني.. شوق: تدري منو ع الخط الثاني؟ هادي: منو؟ شوق:ريموووه هادي: خليها تولي لا تردين شوق: اكيد ما راح ارد بتذبحني لو درت اني اكلمك هادي: شو تبا شعشبونه؟ شوق: تبيني اسولف معاها عن عرس فيصل هادي: والله انها متفيجة شوق: خخخخ بس ماني متخيلة ان فيصل بيتزوج باجر هادي:الله يوفقه يستاهل كل خير شوق: بس اهو مو مال عرس الله يعين مرته بيقعد يستعبط عليها من اول ليلة هادي: احسن شوق: ريمووه اذتني هادي: هاي ما تخلي الواحد يرتاح شوق: لا تقول عنها جذي فديتها هادي:كشخه يتفدونها بعد شوق: اي عاد هذي الريم هادي: حبي تامريني بشي؟ شوق: سلامتك هادي: عاد ابا رمسة حلوة قبل لا ابند شوق: نو واي هادي:هيه عرفت قصدج اسمعها مباشر بالكويت شوق:ههههههههه باي هادي: هههه بايات |
سمحولي ترا عندي امتحانات سوري ع التأخير ^^ |
اول ما سكرته دقت ريم.. ريم: صارلج ساعة تقرقين مع منو؟ شوق: وانتي شكو ريم: قدها؟ شوق: ريموه شفيج كنت اكلم ايمان ريم:اها ايمان يعني مو هدوي؟ شوق:ريمووه ليش تكلميني جذي عاد تدرين بييون اليوم ريم: متى؟ شوق: الساعة 2 ريم: واخيرا بشوف هدوي شوق: اولا هدوي حقي بروحي وبعدين لا تقولين هدوي بس انا اللي ادلعه ريم: من زينه عاد شوق: جب ريم: فديته فيصل بيتزوج مو مصدقة شوق: ولا انا بس حسافة محمدوه ما راح ايي العرس ريم: لا يكون بيسافر اليوم؟ شوق: الحين بعد.. بروح اسلم عليه ريم: انزين المهم لا تسكرين جهازج بدق عليج بعد شوي شوق: متى؟ ريم:بالليل شوق: اوك حددددده حوسة ببيت بومحمد ولان محمد توظف بالسفارة الكويتية اللي بالسعودية وسافر قبل عرس فيصل بليلة وما رضو الدوام يأجلون السفر لانه اجله 3 مرات وقالوله لو ما رحت راح نفصلك من الشغل عاد راح اهو ومرته وجسوم.. وصارت تغييرات بالغرف غرفة فيصل محد ينام فيها صارت غرفة زايدة وشقة محمد صارت حق فيصل لان محمد بيسافر واهو ناوي يطلع من بيت ابوه اذا رد.. الكل بالصالة تحت عشان يودعون محمد.. |
[align=center]الساعة 9: منيرة:فيصل يمه روح ييب البشت فيصل:يمه خليني بس اكلم محمدوه الدب باجر ما راح اشوفه محمد: خير؟ فيصل: حمود ترى جسوم هذا حبيبي مو تهاوشه وتطقه ترى اذبحك محمد: انشالله اوامر ثانية سيد فيصل فيصل: اكيد مستر محمد ترى اذا ما تسنعت مع المدام ام جاسم ترى اعلمها اسرارك قبل الزواج مو عبالك سكتنا يعني نسينا ترى كل شي اتذكره محمد: جب جب فضحتنا نورة: شعنده ريلي؟ فيصل: عنده سواااالف ما تدرين عنهم محمد: ما عليج منه يقص عليج فيصل: محمدوه تراك تبط الجبد حساس على غير معنى تتذكر اول ما تزوج ابوي امي منيرة ترى ما كنت تقولها يمه محمد: شياب هالموضوع الحين نورة روحي السيارة وانا بييب جسوم منيرة:محمد دير بالك على نفسك وعلى نورة محمد: انشالله بومحمد: محمد اذا تبي اي شي اتصل محمد: انشالله فيصل: ومو تأذيني تراني بشهر عسل محمد: ههههه انشالله شوق: اهم شي جسوم الكل سلم على محمد ونورة وراحو ركبو سيارتهم لانهم بيروحون السعودية بسيارة وعقب ما راح محمد.. قعدو يشوفون التلفزيون وفيصل راح غرفته على قولته العريس يحتاج للنقاهة خخخ[/align] |
وبعد ثلاث ساعات وبالضبط الساعة 12 كلهم قاعدين بالصالة عند فيصل على ما تصير الساعة 1 ويروح المطار الا سارة لانها كانت عند العروس... منيرة: فصيل نزلت البطاقات من السيارة؟ فيصل: يما الحين انا معرس ما يصير تطرشوني منيرة: قوم روح ييبهم خلصني بومحمد: يا ولدي باجر راح تبدي حياة ثانية ومسئولية كبيرة مرة وعيال وهذي بتصير بنتنا ابيك تحطها بعيونك فيصل:يبا اذا حطيتها بعيوني شلون اشوف مريم: فيصل احترم ابوك فيصل: اسف يبا كمل بومحمد: وما ابيك تتصرف جنك عزوبي فيصل: وداعا للعزوبية مريم: فيصل! طلال: لو تزوجوني انا احسن فيصل: لا والله توها جمانو ياهل تبي تبليها مبجر خخخخ طلال: جب مالك شغل بجمانة فيصل: خخخخ شنو ما ترضى عليها؟ طلال بصوت واطي: فضحتنا فيصل بصوت عالي يبط الراس: شنو طلال شقلت فضحتك؟ طلال: الله ياخذك انزين فيصل: اسم الله علي مهاتي تبيني دانة: من الحين تدلعها فيصل: ليش دانوتي تغارين دانة: صوصو مو تطلعها وتخليني فيصل: افا عليج باعتبر نفسي متزوج ثنتين الكل يضحك مريم: فصول المره تحب الريال الثقيل اثقل شوي فيصل: لا والله ما شفتي فهد ريلج حشا هيكل عظمي يمشي مريم: يا الاثول مو قصدي وزنك فيصل:انا اثول ؟ بقول حق مها شوق: ذبحتنا فيها فيصل: عاد شوفو لحد يزعلها منيرة: محد بيزعلها تطمن فيصل: أي هذي القلب شذى:بشرايينه واوردته؟ فيصل: وبطينه واذينه عبالج بس انتي مثقفة منيرة: يعني شنو؟ فيصل: يعني القلب مقسم اربع اقسام باخذ اربع حريم كل وحدة بحطها بقسم شوق: واخزياه قولو للبنت بياخذ عليج ثلاث منيرة: شنو بتاخذ على البنت ثلاث؟ فيصل: لا لا لا دانووه بالبطين الايمن وامي بالبطين الايسر وانتي بالاذين الايمن يبقى مها بالاذين الايسر يعني خلاص قلبي فيه اربع منيرة: أي عبالي بعد يما فيصل روح ييب بطاقات العرس فيصل: انزلهم الحين؟ منيرة: أي نزلهم باجر وين القاك طلال: ليش وين بتروح؟ فيصل: ياخي انا معرس يعني راح اكون بالصالون شوق: كشخه حتى الرياييل يروحون الصالون خالد: أي شعبالج عيل بس حقكم فيصل: أي عطها خلها تسكت شنو طايحين من عينكم احنا شوق: بسم الله كليتوني بقشوري ما قلت شي منيرة: يا ربي على هالولد ترى اذا ما يبتهم بروح انام واخليهم فيصل: بس اول شي انا الحين معرس ابي بوسة دانة: من منو؟ فيصل: كلكم واهم شي... دانة: انا صح؟ فيصل: لا اهم شي اللي كانت بمكان امي طول هالسنين يمه منيرة ما خليتيني احس بيوم اني فاقد اغلى انسانة بهالدنيا كنتي تعامليني جني واحد من عيالج ما فرقتي بينا بيوم.. يمه اذا زعلتج بيوم او خذيتي بخاطرج مني طوفيها ترى كلنا نغلط انا ادري ان حلم كل ام تشوف ولدها معرس بس امي الله يرحمها راحت خلاص وانتي الحين بمكانها واحس انج اكثر وحدة فرحانة بعرسي صح؟ >طبعا الكل تأثر بكلام فيصل< |
منيرة: شياب هالكلام الحين؟ شفيك انت بدال ما تفرحنا فيك .. فيصل يعلم الله اني اعتبرك واحد من عيالي ويمكن اعزهم بعد فيصل: يعني مو زعلانة مني؟ منيرة: ما في ام تزعل على ولدها راح فيصل وباسها على راسها فيصل: دانووه ديري بالج على روحج ولا تعتمدين الا على نفسج ترى محد يدوم بهالدنيا طلال: شفيك انت بتتزوج ولا بتجاهد خخخخ فيصل:محد يدري شيصير باجر دانة: فصول لا تضيق خلقنا شوق دمعت عيونها: فيصل الف الف مبروك فيصل: الله يبارك فيج ويوفقج يا الخوافة واتمنى من كل قلبي .. وراح صوبها وكلمها باذونها : شوقو تحبين هدوي صح؟ شوق ويهها احمر: فيصل!! فيصل بصوت واطي: خخخخ حطي مذكراتج بمكان آمن مو تحت السرير وانتي مريووم ديري بالج على شواقه الصغيرة ترى شكلها بتطلع نفسج الله يعين اخوانها مريم مع فيصل على قلب واحد من كانو صغار منيرة: فيصل شفيك يا وليدي ليش تتكلم جذي؟ شذى: يما خليه يتفلسف شوي فيصل:اولا انا ما اتفلسف انا قاعد اقول كل اللي بقلبي وخليت الفلسفة لج شوشو من كثر ما تقرين احس انج باجر بتاخذين ياباني وتصنعون سيارات خخخخ الكل قعد يضحك طلال: ترى ليلحين ما يبت البطاقات خخخ فيصل: انزين كاني رايح حشا ما تخلون الواحد يعبر خالد: من الخرعة مسكين قاعد تعبر فيصل: احترم نفسك انا مو مخترع وبعدين اخترع من شنو اقصاها وحدة باخذها خالد: شفيك قلبت خخخخ فيصل: كله منك خربطت حساباتي ياولد ام خالد دير بالك على امك وخواتك انت الكبير عقبي طبعا والحين خلني اكمل تعبيري حشا مو تعبير رواية خخخخ طلال: عبر حق مها فيصل: جب انت يا النزغة طلال: انا نزغة؟ فيصل: اي ومو تستقوي على خواتك والله يا ويلك اذا دريت انك مهاوش وحده منهم طلال: انشالله فيصل: أي تراهم بنات ومحد محتاجك كثرهم طلال: انزين فيصل راح باس راس ابوه : الله يديمك فوق راسنا شوق: يما متى بييون اهل الامارات؟؟ منيرة: الحين الساعة جم؟؟ شوق: 12 منيرة: طيارتهم 1 شوق: اشوه عاد الحين ريمووه بتحن ساعة كاملة الله يعيني خخخخ يمه ما راح نستقبلهم؟ فيصل:فاضية حدج محد راح يستقبلهم غيري انا المعرس اليديد منيرة:قبل لا تروح تستقبل ييب البطاقات وطلع فيصل حق سيارته اييب البطاقات ولحقه ابوه.. |
وعند سيارة فيصل.. بومحمد: فيصل فيصل: هلا يبا بومحمد: ادري انك تبي امك تشاركك هالفرحة بس يا ولدي محد يدوم ومابي هالشي يضايقك وترى ام خالد فرحانة لك فيصل: ادري يبا وهالشي صدقني مو مضايقني بومحمد: باجر بتتزوج ما ابي مرتك تاخذك من اهلك هذول عزوتك بهالدنيا وصدقني محد يحبك ويدور على مصلحتك كثرهم ترى هالكلام قلته لمحمد قبلك وكاني الحين اقوله لك وانشالله اقوله لاخوانك فيصل: الله يطول بعمرك انشالله ويخليك ذخر طلع فيصل البطاقات واول ما سكر دبة السيارة شاف قطوة ريلها مكسورة ويالله تمشي وكانت بنص الشارع .. فيصل: بروح اشيلها واقول حق مها اني سويت عمل بطولي بس ناقص اييب توم كروز يمثل وياي واول ما راح وشالها وحطها ع الرصيف الا القطوة تركض فيصل: خخخخ حتى القطاو يعرفون العيارة عطى البطاقات امه وراح سيارته فيصل: يبا بتروح وياي؟ بومحمد:اي بس احس اني تعبان بومحمد ريال كبير ومعاه قلب واكثر من مرة اتييله جلطة شوق: يبا كليت حبوبك اليوم؟ بومحمد: اي بس حبة الضغط ما لقيتها شوق: ليش ما قلتلي يبا بومحمد: ما عليج مافيني شي.. فيصل روح ما راح اروح وياك فيصل: يعني محد بيروح؟ شوق: انا بروح فيصل: انثبري مكانج بس المعرس يروح |
اول ما طلع من البيت شاف بطاقة طايحة بنص الشارع مكان القطوة راح بياخذها جان اتيي سيارة بسرعة جنونية ودعمته... ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!! كلهم لما سمعو الصوت طلعو ومنيرة ايدها على قلبها واول ما شافت فيصل منيرة: ولدييييييييييييييي!! وعلى طول اتصلو بالاسعاف وخذوه والكل راح وياه المستشفى بس المصيبة ان فيصل توفى قبل لا يوصل المستشفى.. الدكتور: انا لله وان اليه راجعون احسن الله عزاكم منيرة: ولدي ما فيه شي صح؟ دكتور باجر عرسه !! ما فيه شي صح دكتور؟ الدكتور: لا حول ولا قوة الا بالله الكل مصدوم توه فيصل كان وياهم !! بومحمد من الصدمة حطوه بالعناية المركزة.. مريم على طول طاحت مغشي عليها.. منيرة صارت فيها حالة هستيرية ومو مصدقة اللي يصير حولها .. دانة ما بجت بس مصدومة وتطالعهم.. شذى تبجي شوق قعدت بزاوية ولامة روحها وتبجي.. فصول راح عنا وخلانا.. وخلا مها بروحها .. طلال ضاقت فيه الدنيا ويتمنى الارض تنشق وتبلعه اخوه اللي كان دايمن يهاوشه ويوصيه على خواته ويقوله ترا محد لهم بهالدنيا الا اخوانهم بلحظة اختفى عن الدنيا! ! ما حس بعمره الا واهو طالع برا المستشفى ما يدري وين يروح اهم شي يبتعد عن المكان اللي ما فيه روح فيصل خالد الحين اهو المسئول ما يدري شيسوي ابوه بالعناية واخوه الكبير مسافر والاكبر منه توفى اختلطت عليه المشاعر لو يتبع قلبه جان قعد بزاوية وبجى بس محد لخواته وامه الحين الا اهو عشان جذي.. |
تسلمين على القصة يا دانو الدبة أشوفج تحسنتي عن اول وأنا الحين بحمل القصة الي على رابط توقيعج تقبلي مروري المتواضع:66: نتريا منج كل جديد يا خويتي أخوكي جــراح ^_^ |
تسلمين اختي عالتكملة بس طلبتج طلب واتمنى انج تلبينه لي لما تفضين من الامتحانات "الله يوفقج "تكملين القصة بليييز السموحهــ |
:14::14::14::14::14::14: شوقتيــــــــــــــني حق القصه أكثر بليـــــــــــــــــــــــــــــــــــــــز كمليهاا والله أنها قصه وااايد حلوه وأتمنالج التوفيق ياادانه الكويت نتريااا الباااااااااقي بفارق الصبر ومشكوره ماقصرتي :141::141: |
ثانكس ع البارت بس ليش موتييييه اهيهيهيهي |
قلبي..! قلبي..! خخخ اسم الله علي هع بس مو مصدقة كل هالردود خخخخ والله انكم نورتو القصة وصاحبة القصة وكل شي ^^ دكتوروه <<ادلعج انشالله بس افضى بكملها والله يوفقنا اجمعين يا ربي جراحوه نورت القصة كرهتك ثانكس والله مرورج نايس قلب حاير خخخ لازم نمزج بين الفرح والحزن خليني اتفلسف هع |
أكيــــد القصه عجبتناا دااام ,,دانـــه الكويت,, فيدتــــــــــها كاتبتنهاااا:861: تحياتي كرهتك:7bteeen: |
تسلمين ع القصة الصرااحة طررررر |
دانه الكويت بشري شوه سويتي في أمتحااناتج ...؟؟ :m_vooh::m_vooh::m_vooh::m_vooh::m_vooh: وبليييييز يااالدانه تكمليــــــــــــــــــن القصه ,,, تحيـــــــــاتي كرهتك |
][...الفصل الثامن عشر...][ خالد: يلا جدامي شذى: وين؟ خالد: البيت بعد وين منيرة: بقعد عند ولدي خالد: شنو تقعدين منيرة: باجر عرسه تفهم يعني شنو عرسه!! الحين بيي ويوديني البيت خالد ما قدر ينطق عايلة بومحمد حالتهم حالة ومرت ساعة واهمه بالمستشفى وخالد مسكين مو عارف شيسوي وطيارة اهل الامارات وصلت.. وصلت مسج حق تلفون شوق.. خالد: طلال هذا وين راح؟؟ خالد يحاول يدق على طلال لانه ما يدري وين اختفى والتلفون يدق يدق بعدين طلال سكر جهازه طلال بهالوقت كان عند جراح رفيجه دق عليه وقاله ايي ياخذه من المستشفى بسيارة جراح جراح: طلول شفيك؟ طلال ساكت وعيونه حمر من البجي جراح: ترى صارلك وياي ساعة كاملة احاول اسحب الكلام منك مو راضي تقوللي وشكلك ما يطمن طلال:.......... جراح: طلال انا رفيجك طلال صرخ:جراح بس جراح استغرب طلال ومبين عليه العصبية: يعني شتبيني اقولك اخوي مات ؟؟ فصول راح عن الدنيا؟؟ طلال دمعت عيونه جراح انصدم فيصل اخو رفيجه توفى بليلة عرسه واللي كان اهو وطلال يسوون فيه مقلب باجر بيوم عرسه !! واول مرة يشوف رفيجه بهالحال لا ويبجي جدامه!! طلال القوي اللي دايمن يبين انه ريال وما تهزه المواقف تدمع عينه جدامي!! طلال: جراح اوقف هني جراح وقف وطلال نزل من السيارة وقعد ع الرصيف وحط راسه على ايده جراح شاف تلفون طلال بالسيارة فتحه وبعد ثواني دق خالد خالد: انت وينك؟ جراح: عظم الله اجرك خالد: منو انت؟ جراح؟ جراح: أي وتطمن طلال معاي خالد: جراح تكفى تعال انت وياه انا بروحي بالمستشفى ومو عارف شسوي والاهل ما عندي احد يردهم البيت وخالي اكيد وصلت طيارته وما عنده احد اييبه جراح: افا عليك الحين يايينك خالد: بسرعة جراح: انشالله سكر جراح عن خالد ونزل عند رفيج عمره طلال جراح: طلال!! طلال:........ جراح: طلال ارفع راسك واسمعني طلال:............. جراح: طلال انت ريال عيب اللي تسويه بدال ما تروح عند اهلك وتشوفهم تروح عنهم وتخليهم طلال:................. جراح: تراهم بنات ومحد محتاجك كثرهم طلال خانته العبرة تذكر كلام فيصل قاله هذول خواتك ومحد محتاجك كثرهم بقت هالكلمة تتردد في باله جراح: اذا انت جذي شلون حال مرته اللي باجر عرسها وشلون حالة امك وخواتك؟؟ يلا قوم وياي ترا خالد بروحه بالمستشفى ويبي احد يساعده طلال قام من مكانه بكل هدوء جراح: ترحم عليه وادعيله محتاج لدعائك طلال: الله يرحمه جراح: الله يرحمه انشالله جراح وطلال راحو للمستشفى .. اول ما شافهم جراح انكسر خاطره شكلهم يكسر الخاطر جراح: عظم الله اجركم منيرة قعدت ع الارض: ما مات فيصل انتو ما تفهمون ؟!! جراح نزل وقعد يمها: خالتي قولي اللهم لا اعتراض حرام اللي تقولينه منيرة: باجر عرسه الحين بيرد ويلبس البشت واتيي مها جراح: خالتي انتي مو ارحمله من حكم ربه ادعيله تراه الحين محتاج للدعاء منيرة قعدت تبجي جراح: ادعوله بدال ما تبجون انتو قاعد تعذبونه جذي طلال: يلا يما قومي خالد: جراح بغيتك تروح المطار عمتي واهل الامارات وصلو جراح: انشالله بس عندك رقم تلفون واحد منهم خالد: هذا رقم هادي جراح: خلاص انشالله اوديهم البيت ؟ خالد: اي والحين انا بودي الاهل وطلال بيقعد عند ابوي جراح: يلا فمان الله وراح جراح حق المطار.. خالد:طلال هذي مريم قعدت اسمعني ابوي بالعناية اقعد عنده انا بوديهم البيت وايي واذا صار اي شي قوللي طلال: انشالله خالد: يلا قومو راح خالد ياب >ويلجير< الكرسي مال المستشفى حق امه ووداها السيارة.. وبالسيارة ما ينسمع الا شهقات البجي.. خالد: ترى البجي يعذب الميت ادعوله بالرحمة قولو وراي "اللهم اجرنا في مصيبتنا واخلف لنا خيرا منها".. "اللهم اغفر له وارحمه وعافه واعف عنه واكرم نزله ووسع مدخله واسله بماء الثلج والبرد ونقه من الخطايا كما ينقى الثوب الابيض من الدنس وابدله دارا خيرا من داره واهلا خير من اهله وزوجا خيرا من زوجه وقه فتنة القبر وعذاب النار " الكل قال وبعد ثواني احبك لو بعيد الدار عنك... تلفون شوق يدق ريم وشوق متعودين يكلمون بعض بهالوقت كل يوم شوق: سكرت جهازها خالد: منو؟ شوق واهي تبجي: ريم خالد:درو؟ شوق:ما ادري وترد تبجي خالد: شوق تبين تعذبينه انتي؟ خالد شغل قرآن على ما وصلو نزلو البيت وخالد رد المستشفى عند طلال.. وفي البيت.. دانة راحت غرفتها وسكرتها عليها وشوق دشت غرفة فيصل ومريم ومنيرة وشذى قاعدين بالصالة ويبجون |
خخخخ كرهتك اصلن ما اتذكر شنو كان امتحاني هع بس الحمدلله انا شاطرة فديتني خخخ اشكرج على متابعتج لقصتي وربي منورة :) |
اما جراح واللي كان بالمطار ينطر لان الواصلين طولو على ما انزلو.. بوهادي: شو فيج يا حرمة اذكري ربج خالدة:والله ان قلبي قارصني حاسة فيهم شي بوهادي: تعوذي من ابليس ما فيهم الا العافية انشالله بوهادي كان يمشي اول شي ووراه مبارك وخليفة ومايد وسلطان وهادي ووراهم الحريم جراح اول ما شافهم دق على الرقم اللي عطاه اياه خالد واللي اهو رقم هادي... هادي استغرب من الرقم: الو جراح: السلام عليكم هادي: وعليكم السلام والرحمة جراح: هادي؟ هادي: هيه من؟ جراح:انا جراح رفيج طلال ولد خالك هادي:مرحبا الساع جراح: انا هني استقبلكم وبتروحون وياي حق بيت بومحمد هادي: اها جراح:شوف اللي لابس دشداشة بدون غترة ومرفع ايده تراه انا هادي: انزين جراح: مع السلامة هادي:الله يسلمك هادي: ابويه تدري من ياي يستقبلنا؟ بوهادي:امنووه هادي: اربيع طلول خالدة: ليش سالم اخوي فيه شي ؟؟ اهمه فيهم شي هادي: ما ادري بوهادي: مامن شر سكتي انتي الله يهداهم مرمسهم ما يكلفون على ارواحهم وبعدين نحن شو السيارة اللي بتشلنا؟ هادي: الله اعلم ابويه هاذو جراح البنات والحريم قعدو ع الكراسي والرياييل راحو صوب جراح.. وديمة: لولو امنو هذا لا يكون فيصل فديته لولوة: لا مب فيصل هذا ربيع طلول بس شله ياي؟ وديمة:يستقبلني بعد شو جراح سلم ع الرياييل بوهادي:ليش مكلف على روحك انا قايلهم ما يطرشون حد الحينه نحن على ويه الفير جراح: لا كلافة ولا شي بوهادي: وبعدين شو السيارة اللي بتييزينا ؟ جراح:عمي انا السيارة اللي وياي سوبربان فيه بركة بوهادي: ما تكفي جراح: مو مشكلة الشباب ينطرون هني ونوديكم على دفعتين بوهادي: لا بنأجر سيارة مع سيارتك ونروح كلنا جراح: حشا ما تأجر ولا شي بوهادي: يا ريال نحن على ويه الفير خلنا نروح مرة وحدة جراح: الحشا عن الف يمين كلهم شباب ماشالله وما عليهم هادي: هيه ابويه نترياكم هنيه انتو روحو اول شي بعدين نحن بوهادي: خلني أأجر سيارة يا ولد الحلال جراح: عمي بتكسر حلفي خلاص يلا اول شي احنا والحريم هادي: شباب خلونا نقعد بالكوفي شوب سلطان: عاد الحين يتفلسف علينا اونه يا الكويت من قبل هادي: امنووه انا خخخ؟ وبسيارة جراح: وديمة ولولوة يتساسرون.. وديمة:فديت منطوقه لولوة:انزين سكتي الحين بوهادي: ما قلتلي يا ولدي ليش ما يا وياك بومحمد؟ جراح: عمي صراحة ما ادري شقولك بس بوهادي: شو شصاير؟ جراح: فيصل عطاكم عمره الكل انصدم اللي حاضرين عرسه توفى..!! خالدة:فيصل؟ جراح: خالتي ذكري ربج وترحمي عليه بوهادي:لا حول ولا قوة الا بالله متى وكيف وشله ما خبرونا؟ جراح: اول شي هذا يومه واللهم لا اعتراض بوهادي:اللهم لا اعتراض جراح: السالفة كلها صارت بسرعه فيصل كان ياي يستقبلكم ودعمته سيارة وودوه المستشفى وتوفى.. خالدة: جراح منو اللي توفى ؟ فيصل ولد اخوي؟ جراح: انا لله وانا اليه راجعون بوهادي: الله يرحمه يومه ومكتوب له وسيدا دق على نقال بومحمد بس ما يرد جراح ما بغى يقولهم انه بالعناية المركزة خالدة مو مستوعبة الموضوع ما بجت ولا شي ام مايد:الله يرحمه ام خليفة:تراه محتاي دعائكم وديمة دمعت عيونها لولوة ساكتة وصلو البيت نزلو.. اما بوهادي وجراح ردو المطار... واول ما وصلو اهل الامارات حق بيت بومحمد فجت لهم كوماري.. مريم ومنيرة وشذى بعالم ثاني اول ما دشت خالدة وشافتهم على هالحال بجت وسيدا راحت لمت منيرة وبدو يبجون الموقف كان يكسر الخاطر لامين بعض ويبجون سلمو عليهم وقعدو... |
تدري شنو لعيونج بحطها كاملة خخخ |
كانو قاعدين بالصالة ويبجون ام خليفة ما عجبها الوضع.. ام خليفة: لولوة شو اسم البشكارة لولوة: كوماري ام خليفة تنادي: كوماري كوماري كوماري: انجين ام خليفة:لولوة نشي ويايه لولوة واهي تبجي : انشالله ام خليفة: لولوة ترحمي عليه لولوة: الله يرحمه ام خليفة: كوماري وين حطيتي الاغراض كوماري:انا هتي فوق داكل كرفة مال فيسل اول <حطيتهم فوق بغرفة فيصل القديمة لولوة: خلاص روحي ام خليفة راحت فجت التلفزيون وحطت قناة المجد للقرآن وطولت بحيث ان الصوت يكون هادي ومو مزعج وكل اللي في البيت يسمعون ام خليفة:لولوة نشي وياي فوق راحو فوق اول ما صعدو لقو غرفة فيصل القديمة مفتوحة والاغراض فيها وشوق معطية الباب ظهرها وقاعدة تشوف صورة فيصل وساكتة.. لولوة لما شافتها شهقت بس ام خليفة سكتتها دشو غرفة فيصل .. ام خليفة:السلام عليكم شوق لفت وشافت لولوة راحت صوبها ولمتها وبجت لولوة: شوق؟ ام خليفة سلمت على شوق:عظم الله اجرج بنتيه شوق: الغالي راح ام خليفة:الله يرحمه ام خليفة قعدت ع الكرسي : تعالي بنتيه شوق راحتلها وقعدت عندها ام خليفة: يا بنتي انتي مؤمنة بربج صح ؟ وكل انسان له يوم بيفارق احبابه وهذا يوم اخوج الله يرحمه بدال ما تدعوله وتدعون انكم تلاقونه بالجنة تصيحون يعني انتو تعذبونه وهو محتاي لدعائكم شوق حبيبتي كلنا متضيقين بس ربج حكم نشي غسلي ويهج وصلي ركعتين ادعيله فيهن واقري شوية قرآن نشي فديتج قامت شوق صلت ام خليفة: شوق عدكم مفتاح لهاي الحجرة ؟ شوق شهقت: اي ام خليفة: شو اتفقنا عليه نحن؟ غناتي امج تحت مسكينة مو عارفة شو تسوي تبا حد يوقف وياها لزوم تساعدنها مب تزيدن عليها لولوة:يلا شواقي مب عارفة اسوي شي شوق: انا رايحة اييب المفتاح ام خليفة: هيه اباج جذا ام خليفة قالت حق شوق تقفل غرفة فيصل اليديدة بعد عشان محد يدشها ام خليفة: هاي الحجرة ما ابغي حد يدخلها سمعي بنتيه هذول نحن يايبينهن هدايا واغراضنا ظنيه كوماري حطتهن تحت شوق:خلاص بحطهم داخل غرفتي واغراضكم بحطهم بالغرفة اللي راح تنامون فيها ام خليفة:نحن بنرقد تحت؟ شوق:ودوم ورواضي واميرة ولولوة بينامون عندي انا وشذى ام خليفة: ماشالله تعرفينهن شوق تبتسم ام خليفة: هيه جذا الاحزان مب زينة عليكن توكن صغار لولوة:ما قصرتي عمتي ام خليفة: ما سوينا الا الواجب شوق فديتج بنش لامج انتي شغلي قرآن هني شوق:انشالله نزلت ام خليفة وراحو شوق ولولوة غرفة شوق لولوة: هذي ام خليفة وسلطان ووديمة شوق: اها ..منو تحت؟ لولوة:العايلة الكريمة كلها بس شواقي شله ما تردين على موبايلج ؟ |
بهاللحظة يرن موبايل شوق شوق شافت الرقم: وي هذي ريموه لولوة:ردي عليها شوق:مابي مابي ما تدري ليلحين لولوة: انتو ما خبرتو احد؟ شوق:لا لولوة: ردي عليها شوق: مابي لولوة: شوق ردي ردت شوق : الو ريم:شوقو صج اللي سمعته شوق: شنو؟ ريم ومبين من صوتها انها خايفة:فيصل؟؟ توفى؟؟ شوق بدت تبجي:اي لولوة:شوقو شو قلنا؟ شوق:الله يرحمه ريم:امي يتكم ؟ شوق: ما ادري وسكرت التلفون.. شوق: ريموه تدري لولوة: عيل خلينا ننزل تحت شوق: يلا الجو تحت تغير180 صوت القرآن عام المكان وهدوء شوق سلمت ع الكل وقعدت دشت عليهم خالتهم فوزية قعدت شوي بعدين راحت فوق حق غرفة دانة لانها تعرف شكثر كانت تعز فيصل طقت الباب محد رد عليها فوزية: دانة يمه فجي الباب ومحد يرد عليها فجت الباب وكان شكل دانة يقطع القلب خذتها وودتها بيتها .. اهم شي تبعدها عن اي شي يذكرها بفيصل ودتها عند رغد بنتها بعدين ردت حق بيت بومحمد شذى:شوق شوق:هلا شذى:تعالي ابيج شوق: شفيج؟ شذى:خالد وينه؟ شوق:ما ادري ما دقيت عليه شذى:دقي عليه شوفيه عمتي سارة درت؟ شوق:ما ادري جراح لما خذا الشباب وداهم المستشفى على طول وعند غرفة بومحمد.. الدكتور:الحمدلله حالته تحسنت وعدينا مرحلة الخطر خالد جنه كابين عليه سطل ماي بارد:الله يبشرك بالخير الدكتور: اشكر ربك خالد: الحمدلله طلال: الحمدلله الدكتور: اليوم لازم يقعد بالمستشفى وانشالله باجر راح يطلع واشوف انكم تروحون البيت تريحون لان قعدتكم ما منها فايدة طلال: انا بقعد عند ابوي الدكتور: يا ولدي روح البيت ابوك تحت تأثير التخدير وما راح يصحى الا بعد 12 ساعة على الاقل توكل على الله جراح:يلا توكلنا هادي وسلطان وبوهادي راحو بسيارة خالد وطلال وخليفة ومبارك ومايد راحو مع جراح شوق دقت على خالد شوق: الوو خالد: هلا شوق شوق: وينك؟ خالد:كاني قريب دقايق وايي البيت شوق:ابوي شلونه؟ خالد: الحمدلله باجر بيطلع شوق كاني وصلت الحين اييج طلال ودا الرياييل حق الديوانية وخالد راح حق شوق خالد: هلا شوق بغيتي شي؟ شوق:علمتو عمتي سارة خالد: اي وبتيي باجر شوق:وخالاتي؟ خالد: كلهم قلتلهم.. ترى الديوانية متروسة رياييل لا تطلعون شوق: والبيت داخل متروس حريم انتو لا تدشون الا اذا قلتلونا خالد:انشالله ..امي شلونها؟ شوق:الحمدلله وايد احسن خالد: الحمدلله..يارب ترحمه شوق:ومحمد قلتوله؟ خالد: ها شوق:محمد عنده خبر؟ خالد: ما ادري انا قلت حق مرته عاد ما ادري عنها قالتله او لا شوق:بتنامون بالديوانية؟ خالد: اي قولي حق كوماري اتييب فرش حقنا شوق:انشالله الحين تييبهم؟ خالد:اي تراهم تعبانين من السفر والحين الساعة 3 الا ربع شوق:خلاص خالد: وهالله هالله بالحريم تراهم ضيوفنا شوق: انشالله ][...الفصل التاسع عشر...][ الكل كان تعبان شوق حطت حق البنات فرش في دارها ودار شذى لولوة ووديمة بينامون عند شوق واميرة وروضة عند شذى .. شوق: حياكم الغرفة غرفتكم اخذو راحتكم لولوة:افا عليج بس انتي وين رايحة شوق: بروح اودي هالللحافات والمخدات حق الديوانية وديمة: وبشكارتكم وينها؟ شوق: الحين يمكن الساعة 3 تلقينها خمدت لولوة: بتودين كل هذول بروحج؟ شوق: بس اوديهم تحت وبيي خالد ياخذهم لولوة: ودوم نشي نساعدها شوق: لا والله ما تقومين انتي نامي ما بقى الا شوي ع الصبح لولوة:برايج شوق نزلتهم دار الاكل لان فيها بابين واحد يطلع ع الحوش والديوانية وواحد يدخل حق البيت شوق:ولليه التلفون وينه بطلت الباب ونادت خالد بصوت واطي شوي بس خالد ما يسمعها لانه كان بالحديقة مع طلال وبوهادي كان يكلمهم عن موت اخوهم وان اهمه لازم يتحملون المسئولية.. واهي قاعدة تناديه دشت عليها ام مايد.. ام مايد:شله ما نمتي لين الحينه؟ شوق: يبت الفرش حق خالد وشكله داخل الديوانية ما يسمعني وتلفوني نسيته فوق ام مايد: هاذوو سلطان ام مايد:سلطان ..سلطان سلطان:لبيه راحلها سلطان.. ام مايد: خلي سلطان يوديهم سلطان:شو عموه؟ شوق: ميخالف تعطي هذول حق خالد؟ سلطان: ها شوق: عادي تعطيهم خالد؟ سلطان: هيه فالج طيب بعطيهم اياه شوق:تفضل.. وقوله المخدات بالكبت سلطان: انشالله طلع عنهم سلطان.. ام مايد:شوق البنات نامن؟ شوق:اي..خالتي حطولج فراش؟ ام مايد: هيه شوق:تصبحين على خير ام مايد: وانتي من هل الخير اما في الديوانية بس كانو شباب الامارات.. مايد وخليفة نايمين.. هادي كان وايد متأثر بموت فيصل وكان طول الوقت ساكت .. فيصل اللي البسمة ما تفارقه مات منو يقدر يتحمل هالخبر..!! سلطان:شلو هالقشار عني مبارك اللي كان يطقطق بتلفونه: شو كل هذا؟ سلطان:شو بعد كل واحد ياخذ لحاف مبارك:من وين يبته؟ سلطان: من داخل مبارك:سلطون دخلت عند الحريم داخل؟ سلطان: لا ابويه عطتني اياهم وحده هادي اول مرة ينطق من درى بالخبر:امنووه اللي عطتك اياهم؟ سلطان:وانا شو دراني قالتلي ميخالف تعطيهم خالد وعطتني اياهم سكتو شوي.. مبارك:هدوي شكلنا ما بنروح حق المولات هنيه سلطان: ابا اشوف غراشيب الكويت هادي:انتو شو؟ نحن بعزا تعرفون يعني شو مبارك: الله يرحمه نحن ما بيدنا شي هذا حكم ربك سلطان:هيه وكل واحد منا بيموت يارب تصبرنا على فراقه هادي:ويصبر اهله تقريبا الحريم كلهم نامو والبيت هدوووووووووء.. لولوة ووديمة نامو عند شوق بغرفتها.. شوق ما قدرت تنام كل ما غمضت تشوف فيصل..قامت وراحت غرفة دانة اللي ما فيها احد وخذت معاها مصحف وقعدت تقرا وتبجي.. تتذكر فيصل قبل جم ساعة كان يكلمها كان يقولها يالخوافة وين راح .. راح عن الدنيا تتذكر لما وداهم المرينا ولما مثل عليهم وكلهم عبالهم انه يكلم حبيبته واخر شي طلعت مريوم ولما هاوش طلال عشانها ولما كسر تلفونها اهو وجود ولما توفى بوخليفة وقاللها لا تبجين وخففي عنهم.. ليش الدنيا جذي قاسية كل حياته كانت لنا .. كان دايمن يخلينا نبتسم حتى لو كنا معصبين ياربي ترحمه وتجمعني فيه بالجنة .. وكل ما تتذكر شي تبجي بجي يقطع القلب وابوها اللي ما تدري حي ولا ميت.. لولوة كانت قايمة عشان تتوضى حق صلاة الفير وشافت شوق بغرفة دانة دشت بكل هدوء وقعدت يمها.. بهاللحظة يرن تلفون لولوة وكان هادي.. شوق اول ما شافت لولوة لاشعوريا حطت راسها بحضنها وقعدت تبجي.. هادي كان يسمع صوت احد يبجي:الو .. لولوة لولوة:شوق حبيبتي بس..شوق خلاص عاد..هلا هدوي شو تبا شوق ميتة من البجي: لولو فيصل راح ما راح اشوفه!! باجر بعرسه ما راح ايي لولوة:الله يرحمه ويغمد روحه الجنة هذا حكم ربج هادي كان يسمع شوق وقلبه يتقطع عليها ووده يكون عندها بهاللحظات ويمسح دموعها.. لولوة: هادي شو تبا هادي: ابويه يقول نحن رايحين المستشفى عد بومحمد لا تستهم علينا لولوة: ومتى بتروحون ؟ هادي: عقب صلاة الفير عسب نطلعله من المستشفى ونروح المقبرة قبل الساعة 9 لولوة:خلاص بخبرها هادي:لولو خبري شواقتي لا تصيح لولوة:مب راضية تسكت هادي: عطيني اياها لولوة:شواقي خذي هدوي يبا يرمسج هادي: شواقي حبيبتي لا تصيحين شوق اول ما سمعت صوته بدت تبجي هادي: شو قلتلج انا لا تصيحين شوق: هادي فيصل راح!! هادي: قولي الله يرحمه شوق ما قدرت تتحمل اكثر عطت لولوة تلفونها وطلعت برا الغرفة هادي: الو شوق لولوة:هدوي شوق طلعت هادي على طول سكر التلفون.. راحتلها لولوة وصلو الفير ونزلو تحت.. تحت كانت خالتها بدرية بالمطبخ مع كوماري يحطون الريوق.. لولوة قالت حق امها ان بومحمد بيطلع اليوم من المستشفى .. مرت ايام العزا الثلاث ببطء وطول هالايام هادي ما شاف شوق |
| الساعة الآن 03:11 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir