|
البارت الـ14 .... . . . . . "ماروم ادخل واايد حرمات عندكم" "انزين انا بظهر لك" "اترياج حبيبي" لبست شيلتي و تعطرت ... ظهرت و جفته واقف جدام البيت ابتسمت له ... علي ابتسم : وصلج الإهداء ؟ انا : اي واحد ؟ اللي مطرشلي إياه ولا اللي ع التلفزيون ؟ علي : الاثنين .. انا ابتسمت له : احبك .. علي : امووووووت فيج ... انا : اممم حبيبي العصر ودني الصالون ... علي : ليش ؟ شو تبين من الصالون ؟ انا : ما يستوي اقولڪ ... مفآجأه .. علي قرص خدي : فديتج .. انا مسكت ايده : لا تسير عند الرياييل .. علي : لا والله ؟ ايلس هني شو اسوي ؟ انا : طالعني .. علي : ههههه حلفي انتي بس ؟ انا : صدق .. علي حب راسي : يدي من يوم ما ييت ما سلمت عليه ... بسير بيلس وياهم شوي و بييج ... أنا لويت عليه ... علي حب يبهتي : بييج والله ... انا : اوكيه .. . . . . . . مريم ابتسمت و اتساندت ع اليدار : احبببببببه ... يزوي : منووو ؟ مريم : اونج ما تعرفين ؟ اللي ملك قلبي لحاله؟ يزوي : اووو قصدج حمد ؟ مريم : فديت نصصصخه انااا ... يزوي : شفتيه صح ؟ مريوم : صصح ... يزوي : تعبت من كثر ما انصحج ولا يفيدج .. مريوم : لا تنصحين لأني ما بسمع كلامج ... يزوي نشت : بسير عن اختيه .. مريم تنهدت .. انا دخلت عندهم .. مريم : عنود العصر تعالي وياي الصالون .. انا ابتسمت : توني مرمسه علي عن الصالون .. مريم : هو بيودينا ؟ انا : هيه .. مريوم : زين والله ... . . . . يدي : هااا حاامد أبويه مب ناوي تعرس ؟ حامد : لا بعدني يدي .... يدي : علي عرس و حمود خطب باجي أنته و زايد و حمدان ... زايد : حمداااان ... علني ما خلا من طاريه له وحشه قسم بالله ... أبويه : اختتتتفى فججأه ... عمي سالم : ما يندرى وين داره .. محمد : اذا فيه دم بيي اليوم .. لان اليوم عيد .. علي دخل : السلام عليكم .. الكل : وعليكم السلام ... يدي : ها علي ؟ تونا شفناك ف التلفزون شو مودنك هناك ؟ علي ابتسم : يدي الله يهديك الناس تقول الحمدلله ع السلامه ... يدي : الحمدلله ع السلامه .... . . . . . . العصر الساعه 4 … .. سرنا الصالون انا و بانه و مريوم و يزوي .... ميروه ردت بيت أهلها ..... ف الصالون انا تحنيت و سويت منكير .. تقريباً الساعه 7 خلصنا و علي ردنا البيت ... اول ما دخلنا البيت علي يلس ع الكرسي و تنهد .. يدوه : حشششى ما بغيتن ... يزوي : يدوه زحمه ... بانه : وين اميه ؟ يدوه : ف بيت ام عنووود .. بانه ابتسمت : يالله عيل بسير عندها ... يدوه : اللہ يحفظج ... "طالعتني" يااا حافظ عليج و آنتي مشغله ريلج دريول يوديج و اييبج ... انا يلست عداله : والله هو بروحه قال بيوديني "طالعته" صح ؟ علي : صح .. مريوم : ولد عمي حبيبي ... يدوه : عنبوووور ذا الساااع شو هالرمسسه ؟ مريم قفطت و علي ابتسم .. مريوم : اسفه اسفه ... بس يعني ابا اطلب الشي بطيب ... علي : آمري تدللي .. انا دست على ريله .. علي : اااايييي ... يدوه : شبلاك بسم الله ... علي : سمسوم قرصني.. يدوه : خل عنك ماشي سماسييم .. علي : انزين مريم شو تبين قولي ؟ مريم : شرايك نسير وندرلاند؟ علي : لاا .. مريم : ليش انزين ؟؟ حرام عليك .. علي : آسف ... عندج بدال الاخو اثنين خليهم يودونج .... انا بودي حرمتي ... مريم : مالت ... خلاص بخلي حمود يودينا .. انا طالعتها : شو تبين وندرلاند الناس عييد .. مريوم : ياخي اليوم الاربعا هاليوم بس حق الحريم و باقي ألايام الرياييل ،.. يعني ماشي فرصه عقب ،.. انا انسدحت : ما بسير تعبانه ... علي وقفني : قومي بنسير بيت أبويه ... سرنا بيت عمي سالم و أول ما دخلت حجرتنا رجععععت .. علي. : بسم اللہ ؟؟؟ شو ياااج فججأه ؟؟؟ انا يلست ع الشبريه : مادري .. علي حب راسي : انتي بخير الحين ؟ انا : هيه .. علي : متأكده ؟ انا : هيه ... علي يلس ع الارض مجابلني : يمكن حامل .. انا : لالالالا دخيلك انااا مابا احمل الحين .. علي استغرب : ليش ؟ انا : بعدني صغيره مافيني على عوار الرأس .. علي وقف : والله ؟ و انا اللي اتحراج تبين ياهل مني ؟!! انا : لالا مب جيه ... "نزلت راسي" بس انا خايفه ... علي بدون اهتمام : من شوو ؟ انا : اخاف اموت و انا اربي .. علي : شووو هالعبط؟ مب ع كيفج بتموتين و بيستوي اللي ربج كاتبنه ... انا : علي لااا تزعل ... علي : مب زعلان .. انا : بس صدق مابا بيبي الحين ... عقب يصير خير ان شاء الله .. علي : ما فكرتي فيني ؟؟ منو بيورثني؟ منو بيستوي عضيدي؟ منو بشد فيه الظهر؟ انا : قلتلك ماااباا ياااهل ماباااه ... ولو طلعت صدق حامل بنزله هاليااهل بنزله يعني بنزله .. علي يزاعج : مب ع كيييفج … انا صحت : لا تزاعج عليه ... علي ماعرف شو يسوي ... جان يظهر .... انا صححت .... وايد انقهرت منه !!!! خل نكمل سنه ع الأقل عقب اييب بيبي ... بعدني فـ عز شبابي عمري 20 ... ليش يبا بيبي ليش ؟؟؟ . . . . . . محمد شافه ظاهر من بيتهم ساير بيركب سيارته ... محمد : علي !!!!! .. علي يبين انه معصب : هلاآ؟ تبغي شي ؟ انا مستعيل ... محمد : بلاك بسم اللہ ليش محررج ؟ علي : عقب بقولك كل شي ... خلني الحين بسير ... محمد : وين بتسير ؟ علي : جهنم الحمممرا تدلها ؟؟؟ محمد عطاه ظهره و سار عنه ... علي توجهه ل البحر .... بركن سيارته و نزل ... علي : انااا غبي .... لأني حبيتها و بسرعه تزوجتها .... ماكنت أدري انه جي نواياها ..... اففففف منك يااا علي .... لا اله الا اللہ .... زايد اتصل له ... علي : هلا زيود .. زايد : وينك ما شفتك ... علي : تعال صوب بحر جميرا بتحصلني … زايد : يالله ياي .. . . . . . . . مترف : يالله عااااااد بيي ربيعي عبدالله بيسهر ويانا ... ميره : اممممم بفكر ... مترف : يالله حبيبي ميييراني ... ميره ابتسمت : انزين بس بعد شويه .. مترف بخبث : خذي وقتج حبيبي .. اهم شي انج موافقه .... استوت الساعه 12 فليل و ميره ظهرت من البيت كالعاده .... بس هالمره شافت ساره ... ساره : على وين يا حلوو ؟ ميره حطت ايدها ع قلبها : ويييي بسم اللہ خوفتيني !! ساره : وين سايره ؟ ميره : بسير بيت عمي .. ساره : الحين ؟ ميره : هيه عندج اعتراض؟ ساره : لا بس يدوه تطالع تلفزيون ف حجرتها يعني شوي شوي و انتي ظاهره … ميره : زييين ... ظهرت شوي شوي لين ما وصلت عند باب الحوي ... بطلته شوي شوي و ظهرت ..... غبيشه : ظهرت الساحره ؟ ساره : ماعرف .. غبيشه : لا تجذبين و خبريني الصدق ... ساره : يدوه انتي تعرفين اني احبج صح ... غبيشه : هيه وبعدين ؟ ساره : لا تخبرين على ميره ... غبيشه : ما بخبر لأني مب ناويه اسوي مشاكل بينها و بين سعيد ... ساره ابتسمت ... عند ميره و مترف و ربيعهم عبدالله ... مترف يسوق و عبدالله يالس عداله و مثلثم ..... و ميره ورا ... ميره : ياخي خوفتوني ليش جيه متلثمين ؟ مترف : خلج ساكته لاذبحج و افرج للجلاب .. ميره بلعت ريجها : شفيكم اليوم ؟ مترف : مافينا شي ... ميره بدلع : وين ناوين تودوني؟ مترف ابتسم : صبري و شوفي ... ساروا صوب الهير .... ودوها مكان ظلااااااام و ما فيه ليتات غير ليتات الشارع اللي تبين من بعيد ... عبدالله : نزلي ... ميره : خبل انته ؟ وين انزل ؟ مترف : انا براويج ... نزل و نزلها بالغصصب ... ميره : اييييه شو يالس تسسوي ؟؟ مترف : هالمكان مناسب لاشكالج .. عبدالله أشر بعيد : اهناك مقبره ... أخبرج يعني عسب تحسين انه اليناانوه حذالج ف كل مكاان ... ميره حست ب قشعريرة ف جسمها : شو تبون بالضبط ؟ مترف ابتسم : سلامتج ... ركبوا سيارة مترف و سااروا .... و ميره بعدها مب مستوعبه اللي قاعد يصير لها .. . . . . . . . انا ظهرت من الحمام و شفته مرتب فراشه عسب يرقد تحت ع الارض ... مع انه السرير عووووود وااايد عود يكفي 4 .. انا ابتسمت ب سخريه : لهدرجه كارهني ؟ علي دخل و فصخ فانيلته و بند الليت و رقد ... سووا كل هاذا جدامي ولا جني موجوده ... انا تنهدت و مشيت برقد بس تعثرت ب طرف الشبريه و طحت ... انا غمضت عيني : ااااااخ .. علي ما تكلم و لا حتى علق .. انا نزلت دموعي ب هدوء و نشيت من مكاني و سرت انسدحت ... . . . . . . ميره ماعرفت شو تسوي وهي بروحها ف السيح صوب الهير ..... وااايد بعيده عن الشارع .... بس اللي تقدر تشوفه هو ليتات الشارع و المقبره القريبه منها ..... بلعت ريجها و تمت تدور رقم حد عسب ينقذها من هالورطه ... ميره : سعيد ان اتصلت له بيلعن خيييري ... و زيوود نفس الشي ... اففف شسوي ؟؟؟؟ "شافت رقم علي جان تتصل له" ' علي : اففف ازعجنا هالتيلفون ... انا ما تكلمت ... علي : الو ... ميره : علي انا ميره انته وين ؟؟؟ علي : ف بيتنا ... ميره : منو وياك ؟ علي : راقد ويا حرمتي ... ميره : اووهو انزين ممكن تساعدني ؟ علي : شو تبين ؟ ميره : تعال صوب الهير شلني ... دخيلك انا وايد اقدرك و اعزك لانك طيب ...... ممكن تي تساعدني ؟ علي : هالوقت عاد؟ شو اللي مودنج هناك ؟ ميره : عقب بخبرك انا ف ورطه الحين ... يالله بتي ولا ؟؟ علي نش و لبس فانيلته : يااي ... سار علي صوبها و انا منصدمه من وقاحته كيف يرمس وحده و جدامي ولا حتتتى طمني اذا صاير له شي !!! و الحين اكيد سايرلها ...... لهدرجه انا رخيصه ب النسبه له ؟؟؟ علي : وينج انتي ؟؟! ميره : ياي ب الرنج ؟ علي : هيه .. ميره ابتسمت : شفتك شفتك ... علي : يالله تعالي خلصيني ... ركبت وياه و ردها البيت ...... اول ما دخلت شافته ف ويهها ... سعيد : وين كنتي ؟ ميره بلعت لسانها مارامت تنطق ... . . . . . . شو تتوقعون يكون مصير ميره ؟؟ |
آلبآرت روعه .. قهرني علي !! آلبنت بعدهآ صغيره و مآتبآ لآزم يصبر شوي ! وو ميروه آحس آنه سعيد بيعرف عنهآ و بيطلقهآ ! . . . |
الباارت وايد حلو . . أوف يقهر علي .!! والله لو خذت حمدان أحسن عن علي . . وأتوقع سعيد بيعرف كل سوالف ميره وبيطلقها |
تسلميين فديتج ع هيك باارت و علي قهرني!! البنت ما تبا تحمل و هو لازم يتفهم و ميره أعتقد سعييدبيعرف كل شي من ساره او امهه و بيطلقهاا |
السـلآم عليكم ورحمـة الله وبَركـآته ..,, البَـآرت روعــه وآيد حبيته ,, فآنتظار الباآرت القآدم ,, يعَطــيج ألفَ عآفية .." |
اقتباس:
. مشكوره ع التوقعات فديتج و تسلمين ع الرد <3 . . . |
اقتباس:
. مرورج الروعة حبيبتي :blushing: و تسلمين لي فطامي ع التوقعات :* |
اقتباس:
. . و عليج السلام و الرحمه .. مشكورة قلبي و ربي يعافيج ♥ |
البـــاررررت رووووووووووووعه .. اتوقع انها حامل و مابتعق الياهل لانه علييي يباها تحمل و ان شاء الله سعيد يعرف عن ميره و يطلقهااا نتريــــــــا البارت الياي *o* |
البارت الـ15... . . . . سعيد : قوليلي وين كنتي ... ميره سكتت ... سعيد : قوووووولي احسن لج و لا والله بلععععن خيييرجج .... ميره بعدها ساكته ... سعيد : ويييييين كننننتي ؟؟؟ ردي علي !!!! ميره بسرعه : كنت ويا ولد عمي علي .. سعيد : هههههههههه ماعرفتي شو تقولين جان تدورين اقرب جذبه ..... ميره : صدق ... كنت وياه ... سعيد ير شعرها بقوو : يالحيييييووووانه يالووووصصصخه يالللقققذذرة كيف عايش وياج اناااا ؟؟؟؟؟؟ ميره تمت تصيح ... سعيد : دموعج هاااي ما بتفيدج ف شي يال****** ... غبيشه ظهرت : شوو مستوي ؟ متى ييت ؟ سعيد : يااااي عسب اتلاااااحق على حرمتي اللي وطططت سمعتي و حطتها ف الآرض .... غبيشه درت انه عرف عن سوالف حرمته .. سعيد : دااااام ريييييلج ف بوظبي انتي ماخذه رااااحتج وااااايد و لاعبه لعايبج ..... ميره : سعيد أسمعني ... سعيد فصخ عقاله و صلخها : ججججب ولااااكلمه .. ميره تصيح : سععيد ... سعيد سحبها من شعرها و ظهر برا ... عقها تحت السدره و سار يدور حبل ... ميره : سعيد !!!!! انته شو ناوي تسوي فيني ؟؟؟ سعيد يابلها حبل و ربطها ع السدره ..... ميره صاحت من الغيض اللي فيها .... سعيد دخل عند امه : اميييه ... غبيشه : هلا فدييتك ؟ سعيد : قولي للخدم اللي بيساعدها هو بينربط مكانها ... غبيشه : ان شاءالله .. سعيد سار عن امه و شاف ساره ف ويهه ... ساره : عمي شو سويت فيها ؟ سعيد تنهد و كمل دربه و مشى لين غرفته ..... و يحس بـ عمره مخنوق .... غبي ..... مغفل ..... لولا فاعل الخير اللي خبره عن سواد ويهه مرته و طرش له صورتها جان عمره ما درى .... و الحين وين يؤدي ويهه من عن الناس !!! هاذي ميره اللي حبها من اول نظره لكن للأسف ما كان يدري عن اللي ف خاطرها ..... هاذي ميره اللي عارض الكل عشانها ؟؟؟ توقع انها تحبه شرات هو ما يحبها لكن لو تحبه جان ما سوت سواياها .... تاليها تخووونه .... حاول سعيد يظهر حرته فيها بس ما قدر .... لان هاذي حبيبته اللي حبها و عششقها بس خانته .... و ويا اكثر عن واحد .... ااااخ ياالقههر اااااااخ ..... غمض سعيد عينه بـ قهر و رص على ايده بقو عسب تنطفي النار اللي في جوفه ... . . . . . . . انا حطيت ايدي على بطني و احس اني بموووت .... ماعرفت شو اسوي و كان مبين علي اني تعبااانه من الخاطر ... و عرقااانه وااايد .. علي وصل البيت و هو يفكر ب ميره ... شو مودنها هناك ؟ دخل الحجرة و انا شغلت الليت اللي حذالي ... انا بتعب : علي ... علي فر المفاتيح : نعم ؟ انا غمضت عيني من التعب ما رمت انطق .. علي طالعني : عنوووووود !!!!!!!!!! شلني و سرنا اقرب مستشفى .. . . . . . . حمد : مارقدتي ؟ مريم : لا .. حمد : ماياج رقاد صح ؟ مريم : هيه ... حمد : انا بعد ماياني رقاد ... قولي ليش ؟ مريم : ليش ؟ حمد : افكر فيج ... مريم ابتسمت .. حمد : متى بيي اليوم اللي ترقدين فيه ويايه ؟ مريم : جريب ان شاء الله ... حمد : ان شاء الله ... مريم : تصدق حمد ابويه ما خبرني عنك ... حمد : عن شو ؟ اني ييت و خطبتج ؟ مريم : هيه ... مادري احسه مب مقتنع ... حمد : بالعكس وااايد مستانس .. مريم : الله يعدي هالسالفه على خير .. حمد يثاوب : يالله الحين انا برقد ... مريم : انا بعد .. حمد : تصبحين على خير .. مريم : وانته من أهله .. حمد : آحبببج .. مريم ابتسمت .. . . . . . . الدكتوره ظهرت : انته مين ؟ علي : ريلها .. الدكتوره تنهدت : ايوا ... علي يبين عليه انه متوتر : ياا دكتوره خلصينا قولي شبلاها البنت ؟ الدكتوره : المريضه "طالعت الاوراق" العنود تعثرت ب شي و تألمت كتيير لكن الحمدلله الجنين ما صابته حاقه .. بس لو كنتوا تأخرتوا شويه كانت بتفقد الجنين .. علي تنهد ب راحه : الحمدلله .... الدكتوره : لمعلوماتك هي ف الشهر الثاني .. علي : اوكيه … الدكتوره ابتسمت : عاوز تشوفها ؟ علي : ياليت .. الدكتوره : شكلك بتحبها كتيير ... علي ابتسم : اكثر من الكثير ... الدكتوره وقفت وياه و ودته الغرفه .... دخل و هو يحس بتأنيب الضمير … و يحس انه متلوووم واااايد .... مسك ايدي و ابتسم ... انا صديت الصوب الثاني .. علي ب حنان : حياتي ... انا غمضت عيني .... علي : طالعيني انزين .. انا تنهدت ب صوت عالي .... علي : حبيبي والله آسسف لاني غلطت عليج .... و آسف لاني تجاهلتج ... والله احبج بس ما قدرت استوعب اللي قلتيه .... "ب نبره تقطع القلب" هاذا ولدنا كيف ما تبينه ؟ انا غمضت عيني ... *الصبح الساعه 9 نشيت من الرقاد و شفت راسه طايح حذال ايدي* رديت انسدحت و قررت اني اتجاهله مثل ما يتجاهلني ..... و ابد ما بلتفت صوبه و ما برمسسه ... علي ابتسم : صباح الخير ... سار الحمام غسل ويهه و رد ... انا : ظهرني من هنيه ... علي : ان شاء الله .. سار رمسهم و قالهم يظهروني ... وافقوا بس عقب ما تيي الدكتوره و تجيك علي ... الدكتوره ابتسمت : لا اليوم انتي احسن عن امس ب كتيير.. علي ابتسم : بنترخصونا ؟ الدكتوره : اييوووا ... طلع علي وياها و سار يوقع كم ورقه … ظهرنا من المستشفى و و سرنا البيت .... انا نزلت من السياره وٰ كنت بسير بيت اميه ... علي مسك ايدي : وييين ؟ انا تجاهلته و سرت … . . . . . . غبيشه تطالعها ب شفقه : انتي تعرفين اني ادري عن سوالفج ؟ ميره تنهدت : لا مادري .. غبيشه : اراقبج من متتتى و اقول هاي مردها بتتوب لأكن ما شفت منج شي ... ميره : عموووه .... اللہ يخليج ساعديني .... بطلي عني هالقيد ... غبيشه : اسفه .. ساره : يدوه ساعديها ... ميره : شوفي الساير و الراد يطالعني ..... و انا نص شعري طالع برا ... و حالي لله .. غبيشه : دواج ... الحين بخلي الخدامات اييبون لج الريوق و يأكلونج ... ميره : عموه دخيلج لا تسيرين .... غبيشه سارت ... ميره طالعتها : حبيبتي بطلي الحبل عني .. ساره : ماعرف ولا ببطله ... ميره : افف .. ساره ب فضول : طلقج عمي سعيد ؟؟؟ ميره فجت عينها ع وسعها : لااااا .... ساره : انزين انا بسير بيت خالوه شما *ام مريم و العنود* ميره : لا تخبرين حد عن اللي استوا اوكيه ؟ ساره ابتسمت ب خبث : بفكر .. سارت ساره تتلبس لان الدريول بيوديها بيتنا .... و اول ما وصلت دخلت حجره عبود ... انا : بسم الله متى ييتي ؟ ساره حبت خدي : توني .. انا ابتسمت : حق منو كاششخه جذي ؟ ساره ابتسمت و طالعت عبود : حق حبيبي .. انا : أنزين تريقتي ؟ ساره : لا .. انا مسكت ايد عبود و ساره و نزلت وياهم أتريق .. . . . . . بعد اسبووعين .... - انا و علي بعدنا ما نرمس بعض و علي واايد متضايج مني ... خصوصاً يوم تأكد اني حامل و معاملتي له وايد قاسيه بسبب أعراض الحمل و لأني أباه يحس على دمه شوي ..... - ميره سارت ويا سعيد بوظبي بعد ما عرفوا سوالفها كل شباب العايله .... و طبعاً شرشحوها و اكثر واححد معععصصب هو زايد .. - حمد خطب مريوم ... و ملج عليها و الحيين اثنينتهم مستانسين بشكل لا يوصف .. . . . . دخلت ب فستانها الفخم و تمشي ب كل فخر جدام الحضور و ابتسامتها اللي ما فارقت ويهها ..... مكياجها باللون البني و الترابي و الذهبي و تدرجاته .. روجها برتقالي فيه شويه لمعه .... و شعرها اللي يوصل لين نص ظهرها مبطلينه كله و مسوية فيه فير و من جدام بف و منزله قصتها .... تسريحتها وايد بسيطه و شكلها وايد حلوو ... تقربت اميه منها و تمت تزغرط و يدتيه وياها .... يوو الناس يسلمون عليها و يوم ساروا .... يزوي تطالعني : خايفه .. انا : خلج كوول ... يزوي تتنفس ببطء : الحين بموت ... مريوم : بسم الله عليج ... حششى ما يسوى علينا ... يزوي : بطننني يعوررررني ... مريم اتصل فيها حمد و قالها اباج ظهري برا شوي .. مريوم : بسير و برجع لكم بس دقايق .. انا ابتسمت : سيري عند حبيب القلب .. مريوم : فديته .. "سارت" يزوي نزلت راسها : عنود .. انا : آمري حبيبتي ؟ يزوي : ابا آمييه ... انا : اللہ يرحمها ... يزوي ب حزن : ما تقدرين توصفين الحزن اللي فيني يوم الناس تقول وين اهل العروس ؟ انا مسكت ايدها : حبيبتي اميه هي امج ... و ابوي هو ابوج ... لا تفكرين انه محد مهتم فيج .... فديتها اميه وايد فرحانه و مستانسه عليج .. يزوي ابتسمت غصب : فديتج ياخي .. انا ابتسمت... يزوي : بعدج ما ترمسينه ؟ انا حجيت شعري : منو ؟ يزوي : عن العبط عنود .. انا : لا ما ارمسه .. يزوي : حرام عليج اللي تسوينه فيه .. انا : يستاااهل زووود بعد .. ارتبشنا و تمينا نرقص انا و مريوووووم أما مييروه ريلها حابسنها ف الشقه عسب جيه مايت ... غبيشه طالعتني هي و بنتها ميثه *ام ساره* ابتسمت لي : علني فداه الوردي انا .. انا سلمت عليه : يفدآاج خالوه ... شحالج شخبارج ؟ غبيشه : الحمدلله بخير .... انا ابتسمت .. غبيشه : اشوف ظهرت لج كرشه صغيره .... نقول مبروك ؟ انا : هههه هيه خالوه قولي ... غبيشه : ألف مبروك .. ميثة : توني وانا يايه ويا اميه شفت ريلج برا .... قالي اذا ماعليج امر زقريلي حرمتيه ... انا : الحين بسير له ... ميثة : حبيبتي شكله مستعيل و متلخبط مادري بلاه .. انا خفت عليه : يالله اترخص عنكم انا .. لبست عباتي و تغشيت ... ظهرت من القاعه و اتصلت له ... علي استغرب : الو ؟ انا : وينك ؟ علي : عند الرياييل ... انا : ما تبغي مني شي ؟ علي : لا سلامتج .. انا ب حزن : خلاص باي .. "سكرت" نزلت عيوني و انا احس اني محتاجتله وااايد ... و رديت صوب قاعتنا .. مسك ايدي و لفني صوبه : ما اشتقتيلي؟ . . . . . . . . . |
آلسلآم عليج .. شحآلج دآهيه ؟ عسآج بخير ؟ .. آلبآرت ححححلو و رووعه بس قصير ششويه .. برمس عن آلشخصيآت ؛ عنود : مبروك هههَ ، شسمه ليش جي تسوي ب علي حرآم علييهآ آسبوعين وآآيد !!!! آن شآء آلله يتصلح إلي من بينهم و يكونون مستآننسين وآيدد. علي : يقههر آنزين ليش مآيسير يزورهآ آلبنت حآمل يمكن تبآ مسآعدتك وله شي :/ مريوم و حمد : حلوين ربي يحفظهم ، ميروه : قسم بالله تستآهل !!! و آحسن يوم حبسهآ و آن شآء الله تكون اصطلبت و ماتعيد هالسوالف .. سعيد : حليله ، و آن شآء الله بيستوون آحلى ثنآئي '( يزوي : حليلها يزوي ربي يوفقهآ .. و بسسس ~ هيه و بعد آتوقع آلي قآل للعنود مآشتقتلي آتوقعع آنه حمدآن !!!!!! خخير آن شاء الله و بس تسلمين ع هالبارت آلحلوو و نتريآ آلبآرت الياي بآقرب وقت ♡♡ |
البارت الـ16... . . . . مهما كانت حالتنا و لو يصير اللي يصير ببقى احبببك ♥! . . . . . . انا : بسم الله !!!!! حمدان : تروعتي ؟ أنا : هيه خوفتني .. حمدان ابتسم : شحالج ؟ انا : بخير .. حمدان : مبروك قالوا انج حامل .. انا : اللہ يبارك فيك .. حمدان ابتسم .. انا : ليش ياي الحين ؟ جان ما ييت ؟ حمدان : عرس اختي .. انا : و اختك الثانيه عرست و انته ما حضرت عرسها .. حمدان : عاد يزوي معزتها ف قلبي غيير عن مييروه .. أنا : ايوا .. حمدان : يالله اترخص .. انا طالعت جدامي : مرخووص .. دخلت القاعه و يلست ع واحد من الكراسي و زخيت راسي .. الحرمه : تبغين تشربين شي فديتج ؟ انا : لا مشكوره ... نشيت و سرت يلست حذال مريوم .. دخل اخويه محمد و يدي و أبويه و حمدان و زيود .. الكل استغرب لان حمدان طلع فيه دم و احاسيس و مشاعر و حس على عمره و حضر عرس أخته .. يدوه : يالقاااااطع تولهنا عليك .. حمدان ابتسم : خلاص انا موجود هني لا تحاتين .. يدوه : بنفاادك ان سرت مكان .. حمدان : هههه والله ما بسير مكان .. محمد حب يبهتها : مبروك غناتي .. يزوي : اللہ يبارك فيك .. تصوروا كم صوره و يــــوو الحريم يسلمون و عقب شوي شوي بدت تفضى القاعه .. دخل علي. ويا عمي سالم و حامد … حامد استغرب لانه ماشاف ميره .... علي مسك ايدي و يلس حذالي ... انا حسيت ب شوووق ل لمسه هالايد .. و اللہ تولهت عليه .. علي : بعد شوي بسافر .. انا انصدمت : وين ؟ علي : لندن ... عندي شغل هناك .. انا : بهالسرعه ؟ علي : هيه ... انا : كم بتيلس هناك ؟ علي : شهر او شهرين .. انا زعلت ... شهرين واااايد ....كنت اباا أقوله لاااا تسير انا محتاااجتلك وااايد اكثر عن قبل ..... لا تسير و تخليني .... بس في شي منعني ... علي وقف و انا وقفت ... لوى علي و هو يدري اني ما بفشله جدامهم : بتوحشيني ... انا دمعت عيني و مسحت الدمعه بسرعه .. مريم : اللہ اللہ اي الرومانسية دي ؟ يدي : خليهم شو تبينهم ؟ مريوم : بختها عنووود ريلها يحبها و يدلعها مب شراتي ... "تسوي مالت حق عمرها" يدي : يالله عاااد عن الرمسه الزايده ... حمد يحبج و بيدلعج ان شاء اللہ .. علي حب يبهتي : بسير البيت بجهز شنطتي .. استسمح من الكل و سار يسلم على محمد و يزوي ... حمدان سار صوبه ... علي : حمدان انا اسسف .. حمدان ابتسم : انا اللي لازم اتأسف .. علي : خلاص انا مسامحنك .. حمدان : انا بعد .. علي : يالله بسير انا ،. حمدان : شوي شوي ف الدرب .. علي : ان شاء اللہ ... بس آلعنوود .. حمدان : لا تحاتي .. حاطنها ف عيوني .. علي : يالله عيل مع السلامه .. حمدان : مع السلامه ... علي رد البيت رتب شنطته و سار المطار .. . . . . . . . اليوم اللي عقبه خطر على بال مريوم نسير العين ... و نتحوط و منها تخلص زهبتها .. مريوم : أبويه حبيبي .. أبويه ابتسم : أمري ؟ مريوم : ابغي اسير العين .. أبويه : منو بيوديج ؟ مريوم : بشوف حمود .. أبويه : ههههه يالمخرفه حمود مسافر .. مريوم : اممم أنزين بخلي الدريول يودينا .. أبويه : لالالا ما أقدر أأمن عليه .. خلي حمدان يوديكم .. مريوم : خلاص بسير أدبر حد يودينا .. سارت بيت قوم حمدان ... زايد ابتسم : هلا والله .. مريم : اهليين ..... مشغول اليوم ؟ زايد : هيه بسير حتا .. مريوم : أفف .. زايد : ليش شو تبين ؟ مريوم : ابا اسير العين ... "غمزت له" بسير اشوف الحب ... و نسوي شوبينق .. زايد : ههههههه عاد يزوي محد عنج الحين .. مريم : عادي و حياتك عنود اختيه تسد .. زايد : عنود حامل ... لا تتعبينها .. مريوم : ريلها على غفله ؟ زايد ابتسم : عنلاتج ... هو موصني عليها .. مريم : هذا ما خلى حد ما وصاه ... زايد : هههههه ... والله انج انتي .. مريوم : كمل كمل فديت خشمك ليش سكت .. زايد : انتي فنتك ... مريم : ههههه مشكور ... نزل حمدان و هو لابس سروال قصير لين فوق ركبه ... وفانيله بدون كم و وايد ضيجه عليه و لانه هو معضل ف شكله كششخه .. مريم شهقت : انته وين عايش ؟ حمدان بطل الثلاجه و طلع عصير برتقال : عايش ف دبي ... مريم ابتسمت ب خبث : حمدان .. حمدان : ها ؟ مريم : ودني العين .. حمدان : لو ما اوديج انا عيوني توديج ... مريوم ابتسمت : صدق والله ؟ حمدان : لا .. مريم : اووف دخيلك ودني بسويلك اي شي ... حمدان : اي شي ؟ مريوم : هيه ... حمدان : انزين تلبسي و خلج جاهزه بعد الغدا ... مريوم : خشمك ياااالذيب ... حمدان اونه بيخاشمها .. مريم : خبل ؟؟ حمدان : عيل خلي الخبل يوديج .. مريوم : لالالا والله اسسسفه .. حمدان : يالله انجلعي الحين .. زايد ابتسم : صدق انه عليج لسسان .. ما يسبح ب خير .. مريم : قول ماشاءالله عن ينقص لساني .. زايد : ماشاءالله تف تف ... مريم ظهرت من عندهم وهي تضحك ... . . . . . . . انا وصل لي منه مسج مكتوب فيه : محبوب قلبي كم اداريك...مدراة عينى دايم اداريك ع البال دايم دايم اطريك...وافرح الى من مر طرواك واحب اشوفك دوم وابغيك....ويرتاح بالي يوم بلقاك ببيع أنا عمري وبشريك...ماريد في حبك لي اشراك عندي حبيبي من يساويك....ماحد أبد في الكون يسواك اطلب عيوني والله اعطيك....وكل لي بغيتة كلة افداك روحي غناتي شو بيرضيك....مني وانا لك عبد أملاك انته حياتي هوب ناسيك .....لا تفتكر باصد وانساك من خافي في الروح بهديك...تحية من القلب يهواك ابتسمت ب تعب و طرشت له : صباح الخير يا غالي.....فراقك غير احوالي جرح قلبي وسهرني..وخلا الدمع سيالي خيالك ما جفاني يوم...عايش دوم في بالي ومهما طالت الفرقه...مكانك في القلب عالي اشوفك في القمر لا طل...يبدد ظلمتة ليالي واشوفك في ضيا شمسي..منور في السما عالي احسك في دفا روحي..وانت كل آآمالي لانه بيدك انفاسي..وانك على القلب والي حبيبي لا تعاتبني..اذا ما جاك مرسالي فما باليد تقصيري ..ولا للغلا سالي ظروفي قسوة ايامي...والله يعلم بحالي قتلني الشوق في غيابك...ودمعي يثبت اقوالي ... غمضت عيني. ورديت ارقد ... . . . . . . . السكرتيره : صباح الخير استاز علي ؟ علي : صباح النور ... السكرتيره : الحمدلله ع السلامه ... علي : اللہ يسلمج .... السكرتيره : عندنا شغل لحد راسنا و الشركه بغيابك اتدمرت .... علي : لا بعدها ما تدمرت ..... لو سمحتي طرشيلي كل الملفات ... السكرتيره : حاضر ... دخلت و حطت الملفات جدامه .... شافته و ابتسمت .. السكرتيره : شكلك كتيير تعبان .... بدك اطلب لك قهوه ؟ علي : هيه تسوين خير والله ... السكرتيره : هلأ راح رووح اذا بدك اي شي خبرني .. علي : ان شاء الله ... وصله المسج و ابتسم ... علي : آآآآآآآآآه فدييييتها علني مااااخلى منها و من طاريها .... . . . . . . ابويه مسك ايدي : العنود "طالع مريم" مريوووووم.. انا : هلا ابويه .. ابويه : بنسافر نحن .. مريم : منو ؟؟؟ وين ؟؟؟؟ ليش ؟؟ ابويه ابتسم : شوي شوي .. انا : منو بيسافر؟ ابويه : انا و امج ... مريم : منو بيتم ويانا ؟ انا : حااامد ... ابويه : و كلهم هني حواليكم ابويه و اميه و عمج و عيال عمج ... مريم : وين بتسافرون ؟ أبويه : برازيل ... عند اهل امج .. انا : انزين شو السبب ... ابويه : امج تولهت عليهم و قالت بتسير صوبهم .... انا : بسير وياكم ... مريم : وين بتسييرين ؟؟؟ يلسي محلج انا بسير .... ابويه : محد بيسير غيري انا و امج و عبود ... انا : الله يحفظكم ... مريم : متى بتسيرون ؟ ابويه : اليوم فليل ... انا : الله يحفظكم ... بنشتاقلكم ... ابويه ابتسم : حتتى نحن .... بعد الغدا رحنا انا و مريوم و حمدان العين .... اول شي سرنا بيت قوم بانه تغدينا ..... و مريوم تمت تسولف ويا حمد و حمدان ... و انا اسولف ويا بانه .. بانه : فديتج اكيد الحمل متعبنج وايد .. انا غمضت عيني : اشش لا ترمسين ... من حملت وانا احس اني بموت ... بانه : تصدقين يبين انج تعبانه ... تحت عيونج سواد و ويهج ذابل ... و حتى ضعفانه .. انا تنهدت : شسوي يا اختي ؟ بانه : هيه صح يقولون علي سافر ؟ انا ب حزن : هيه سار لندن . . بانه ابتسمت : ها الحين بتسيرون العين مول ؟ انا : هيه .. سرنا العين مووول و تمينا نحاوط و انا احسس اني هلكااانه ..... مريم : تعالوا ندخل مايا .. بانه : على حسابي اوكيه ؟ انا غمضت عيني و مسكت جتف مريوم ........ ما حسيت ب عمري الا وانا راقده ف المستشفى ... بانه تهمس : حياتي غمضتني .. مريم : حتى انا ... من يوم ما حملت و هي تعبااانه ما تروم تتنفس .. حمدان دق الباب و دخل : ما نشت ؟ مريوم : لا ... حمدان تنهد .. مريم : لايكون خبرت علي ؟ حمدان : اكيد خبرته ... مريم : يالغغغغبي ليش خبرته ؟؟؟ الحين بيلس يحاتي .. مريوم اتصلت له .. علي ب خوف : الو مريوم طمنيني عنها ؟؟ مريوم : بعدها راقده قالوا فيها فقر دم شديييد ... علي : الحين انا بييكم على اول طياره .. مريوم : لا تييي والله أنه ما فيها شي خطير الحين دقايق و بتنش .. علي : خايف عليها وايد والله العظيم .. مريم : لا تخاف ولا تحاتي كلنا هنيه وياها .. علي : البيبي ماياه شي ؟ مريوم : لا الحمدلله ... علي : عيل يالله مع السلامه يوم بتنش خليها ترمسني .. مريم : ان شاء الله ... فمان اللہ .. . . . . . . . يالسه تقص الدياي و تقليه .... سعيد ب عصبيه : بعدج ما سويتي الغدا ؟ ميره ما تعرف تطبخ فـ عسب جيه سوت له برياني من وصفه ف النت ... سعيد : ما تسمعين انتي ؟؟؟ ميره : سويت غدا .. سعيد : خلصي بسرعه .. ميره : اصبر شويه الحين بيزهب .. سعيد : زين يالله اترياج ف الصاله .. سار سعيد و ميره تنهدت ب ضيج .... من يوم ما عرست وهي تحس عمرها مسيطره على سعيد و تتحكم فيه لكن الحين الحال تغير ..... مانعنها من كل شي ..... من آلفون و حتى تيلفون البيت ما ترمس فيه و الايباد خذته لانها تبا تطلع الوصفه و الحين شله عنها .... بإختصار هي عايشه ويا سعيد ف عذاااب لكن بعدها تحس نفسها انها مذنبه و لازم تتحمل لانها هي الغلطانه .... شلت له الصينيه اللي فيها فيمتو ويا العيش .. سعيد وقف شل السويج و البوك .. ميره : ما بتتغدى ؟ سعيد : لا مابا غدا .. ميره حست انها بتموووووت من القههر ... سعيد : كلي و نظفي الشقه و عقب رقدي .. ظهر سعيد و قفل الشقه .. ميره صارخت : اففف .... شو هالعييييييشششه !!!!! . . . . . . السكرتيره : شو بك استاز علي ؟ علي : ما فيني شي .. السكرتيره : اذا بدك راح نأجل كل الشغل لـ بكرا .. علي نش : زين بعد ... السكرتيره : يالله مع السلامه .. علي : خلي جاك يوقف السياره تحت الشركه ... السكرتيره : حاضر ... شل علي مظلته و نزل ركب السياره و فيه صداع بشكل مب طبيعي ... يلس يطالع الدريشه الجوو بارد و المطر غزير ...... السياره اللي جدامهم تسوقها حرمه دعمت السياره اللي جدامها *لووول* لانها مستعيله ...و شي زحمه واااايد ... و عقب اندعمت سياره علي من جدام .. علي : what happen ? جاك : There where an accident .. علي نزل و سار يشوف الحرمه ... الحرمه ابتسمت : I'm sorry .. علي بدون نفس : it's okay .. جاك : Give me you number to I can call you to fix my car .. الحرمه : اممم ويت .. علي عرف انها مواطنه .... بس مؤول ما يبين عليها جيه ... لانها رافعه شعرها و مب لابسه شيله و ملامحها ملامح وحده اجنبيه ... جاك : C'mon الحرمه : write it down ******** .. علي طالع جاك : I will walk to go home . جاك : okay sir .. الحرمه ابتسمت و طالعت علي ... علي ما سوا لها سالفه و يلس يتمشى .. . . . . . . . . انا بطلت عيني : آآآه .. مريوم مسكت ايدي : شخبارج الحين ؟ انا : بخير .. بانه ابتسمت لي : و شخبار البيبي ؟ انا حطيت ايدي على بطني .. حمدان : انا بسير اييبلكم عششا .. مريم : انزين .. بانه : الدكتوره قالت بتظهرج يوم يخلص المغذي .. انا : راسي يعورني .. مريم : سلامت راسج حبيبتي .. انا طالعت على يميني : منو ياب الورد و الحلاوة ؟ بانه : الباتشي انا يبته و اميه يابت الورد .. انا : متى يت خالوه ؟ بانه : يوم كنتي راقده ... أطمنت عليج و سارت .. مريوم : ترا اميه و أبويه سافروا بعد .. انا : اللہ يحفظهم ... "شليت لي حبه باتشي" مريوم : لالالا مب زين .. انا : خليني ياخي اشتهيته .. يلست آكل لين ما دخلت الدكتوره و قالت عادي يرخصوني ... بس الأخ حمدان تأخر .. حامد سأل عن رقم الغرفه و يا صوبنا ... حب راسي : خوفتيني عليج .. انا : ما فيني شي .. حامد مسك ايدي : ها بتردون دبي ولا ؟ مريوم : امممم ... بنبات عند قوم بانه .. حامد : انزين قوموا بوديكم .. بانه : حمدان مايا .. حامد : بتصل له عقب .. سرنا بيت قوم بانه و تعشينا و تمينا نسولف ... بانه يابت لوحه كنڤس و ألوان ... و يلست جدامي .. بانه ابتسمت : طالعيني .. انا ابتسمت لها ... تمت ترسمني و تدقق ف كل شي .. مريوم : وااااااااااو ... بانه : بعدني ما خلصت ... مريوم صورت اللوحه و طرشتها ل علي ... علي طرشلها "خليها ترمسني" مريم : عنود ما رمستي علي ؟ انا : لا... مريوم : ليش ؟ انا : جيه .. بانه : حرام ... كان وااايد خايف عليج .. انا : عقب بتصل له .. بانه راوتني اللوحه .. انا ابتسمت : حلوه ... بانه : شليها وياج دبي .. انا : اوكي .. "وقفت" بسير ارقد .. سرت صوب حجره الضيوف و غمضت عيني حاولت ارقد .. . . . . . . *في لندن ... يزوي ماسكه ايده و تمشي وياه ف الهايد بارك ... محمد : حبيبي تبين اسكريم ؟ يزوي : اسكريم ف هالبررررد ؟ محمد ابتسم : هيه عادي .. يزوي : اممم اوكيه .. محمد خذالهم اسكريم و يلس وياها على واحد من الكراسي .. محمد لوى عليها : احبج يالسوووده .. يزوي شهقت : انا مب سوده .. محمد ابتسم : سووووده .. يزوي ضربته : سوده امممك .. محمد : والله انه اميه بيضا .. يزوي سكتت .. محمد : تراني استهبل... يزوي : ادري .. محمد حب خدها .. يزوي : خلنا نسير نسوي شوبينق .. محمد : من عيوني ... بس خل نخلص الاسكريم اول .. خلصوا و عقب ساروا يتمشون .. . . . . . . . * في لندن بس من صوب ثاني ... علي يالس يقرأ الجريده و يشرب كوفي .. وصلته الرسالة و يلس يتأمل الصوره ... علي ابتسم و اتصل لي .. انا ترددت اول شي ارد ولا لااء... بس عقب رديت .. علي ب حنان : الو .. انا سكت ... اااااه فديت حسسك علني ماخلا منه .. علي : حبيبي تسمعيني .. انا : هيه .. علي : شحاله البيبي ؟ بخير ؟ انا : هيه .. علي : انتي بخير؟ انا : هيه .. علي : انتي كله هيه ؟ انا : هيه .. علي : وحشتيني .. انا : اناا بعد .. علي : والله تولهت عليج .. انا ابتسمت .. علي : ها شو قالولج بنت ولا ولد ؟ انا : سبرايز ما بقول .. علي : عنووود .. انا : ما بقووول.. علي : اذا ولد بسميه سالم على اسم أبويه .. انا : و اذا بنت ؟ علي : و اذا بنت اموره شرات أمها بسميها روضه .. انا : خلاص ارجع دبي ... علي : مب بإيدي والله .. انا : ماروم اعيش ف بعدك بموت ... علي : بسم اللہ عليج لا تقولين هالكلام .. انا صحت : علي انا تعبانه .. علي : حبيبي لا تصيحين ... انا اصيح من الخاطر .. علي : سمي الحين بسم الله و غمضي عينج و رقدي .. انا اشهق من الصياح .. علي : بس فديتج قلبي تققطع من كثر ما تصيحين .. انا غمضت عيني : برقد .. علي : تصبحين على خير .. انا سكرت ف ويهه .. علي : ما ينعرف لها هالبنت .... مودها ينجلب 21074931265018 مره ف اليوم .... مرات طيبه و تحبك و مرات تحسسك انك مجرم .. "ابتسم" بس احبها .. . . . . . . . مريوم نشت عسب تسير تشرب ماي .. فجت الثلاجه و ظهرت دبــــه ماي ... من وراها : بووو ... مريوم فزت .... حط ايده على حلجها و ابتسم ... مريوم بطلت عينها على وسعها .. خوز ايده .. مريوم : خوفتني !!! حمد ابتسم : تعرفين اني من متتى اترياج تظهرين ... مريوم : جان اتصلت ... حمد : ما يهون علي اوعي حرمتيه من الرقاد ... مريوم تثاوب : فيني رقاد تعبانه .. حمد : سلامتج من التعب .. مريوم شلت دبــــه الماي وياها .. حمد تقرب منها و حب خدها .. مريوم ابتسمت و سارت .. . . . . . . . . اليوم اللي عقبه .. اليوم اللي عقبه .... السكرتيره : الو استاز علي .. علي : الو روان ؟ السكرتيره : حبيت اخبرك انه عندك اجتماع الساعه 9 ونص ...مع مدير شركه ليان للمقاولات .. علي يطالع ساعته : الحين الساعه 9 .. السكرتيره هزت راسها : ايوا ... علي : انا جاهز الحين بيي ويا جاك.. السكرتيره : طيب ... بند علي عنها ..... ظهر برا .. و ركب سياره الكاديلاك ويا جاك ..... و توجه للشركه .... اول ما وصل ركب المصعد وهو يطالع ساعته ما بجى غير خمس دقايق و بيبدأ الاجتمماع .... دخلت حرمه وياه و وقفت عداله ... علي : افف .. الحرمه طالعته .. علي انتبه لها و طالعها ... الحرمه ابتسمت وهي تتأمل ويهه .... عيونه سوود كبااارر و رموشه طوال .... و خشمه سيف ..... و شفايفه مرسومه رسم ... جميييييييل و حتى أنيق ف لبسه و جسمه حلوو .... تمت تطالعه من فوق لين تحت و تدقق فيه ... ابتسم لها علي ... الحرمه فجت حلجها مبهته فيه ... علي : سكيوزمي "بصوت واطي" لا شكلها خبله هاي فاجه حلجها جذه ... تبطل المصعد و سار علي ل قاعه الاجتماعات ... دخل عن المدير و سلم عليه .... بدوا يناقشون المشاريع المشتركه و الاسهم ... فجت الباب بسرعه : هاي .... امم هير .. المدير : تو الناس موني .. الحرمه ابتسمت ل علي : اسمي منى .. بس يدي يزقرني موني .. علي فج عينه : هذا يدج ؟ منى : هيه ... المدير : تعرفون بعض ؟ علي : لا .. منى ابتسمت له ... خلص الاجتماع بعد ما اتفقوا على انهم يدمجون الشركتين مع بعض ..... ظهر المدير و يلس علي شوي .... و ظهر ... منى ظهرت ف ويهه : ما قلتلي شو اسمك ؟ علي : علي سالم الـ***** .. علي طالع ملامحها العاديه ... و تذكر الحرمه اللي دعمت سيارته هاك اليوم .... وهي نفسها منى .... ابتسم وهو يطالع ملامحها و يت ف باله العنود ....... ابتسم اكثر .... منى شهقت : سيريوسلي ؟ علي : هيه ليش ؟ منى : يقولون انه هالعايله همها الفلوس و الماركات و خقاقين درجه اولى .. علي : لا نحن مب جيه .. منى : و بعد ما يرابعون الا عال العال ..... و بطرانين وااايد .... علي : صدق جيه الناس تقول عنا ؟ منى : هيه .... و حاسدينكم على شركاتكم اللي ف الامارات و لندن و المانيا ... علي : ايوا ... منى : انزين .. علي سار مكتبه و يلس يراجع اوراق المعاملات الاخيره ... . . . . . . تتوقعون إعجاب منى ب علي وين بيوديها ؟ |
الرواية طررررر استمري فالابداع |
اقتباس:
. تسلمين حبيبتي و اتمنى تدوم هالمتابعه *-*♥! . . |
الباارت وايد حلو . . غمضتني عنوود واايد .، أتوقع منى بتحب علي .، وبانتظار البارت |
بارتااااااااااات تجن سموحه م رديت عليج انقطع النت عيبني البارت ال13 نفس يوم ميلادي نزلتيي |
البارت الـ17... . . . . . سافرت وٰ عيوني على الهاتف تنام .. وٰ يفز قلبي كل ما الهاتف يرن .. ما سمعت صوتك يا حبيبي من ايام .. و القلب للغالين يشتاق وٰ يحن .. في القلب خوف وٰ هم وٰ أشواق وٰ أوهام .. أرجوك طمني ترا خافقي جن .. مدري لمن اشكي عذابي وٰ الآلام ... بالله قلي اشكي غيابك لمن ؟ خدي غدى صفحه و دمعتي أقلام و الليل بدموعي يغنيك وٰ يحن .. يا مسافر ب قلبي وٰ روحي وٰ الأنسام .. ارجع ترا من حبك ل شوفتك حن .. كل يوم عندي كنه في غيبتك عام .. و الهم كنه ليل في خافقي جن .. قصه وله في عيون ما تقدر تنام .. تتمنى صوتك كل ما الهاتف يرن .. . . . . . . . . . . . . . . حمدان عزمنا انا و مريوم على جوكليت بار ف mcc .. مريوم مستانسه لانه اول مره يعزمنا على شي لانه حمدان ززططي درجه أولى و بخيييل واايد .... انا : تعبت بس .. حمدان ب خبث : تبين اشلج ؟ انا : ايييه شوو ؟؟ مريوم : هاذوا وصلنا .. انا : انزين اقولكم من الحين بنظهر من جوكليت بار برد البيت ... حمدان : لا بنتحوط .. انا : فيني رقاااد .. مريوم : حشششى رجل الكهف ما سوى شراتج الا 24 ساعه راقده ... انا : قولي ماشاءالله ... مريوم : ههههههههه مااشاءالله .. حمدان : بس عن الهذرة الزايده طلبوا لكم شي رخيص .. انا زخيت راسي : حسبي الله .... ما نبا شي منك صح مريوم .. مريوم : الا صحين بعد .... بنطلب اللي نباه .... تراك انته عزمتنا ... حمدان اونه يصيح : انتوا ناوين تفقروني اليوم ... انا نقعت ضحك على شكله : هههههههههههه ... حمدان : ضحكتي بلا ضروس .... طلبي لج شي و فكينا .... كلينا من جوكلت بار و ظهرنا ... حمدان : ها وين تبون تسيرون ؟ انا : البيت .. مريوم : عنود ترا يمدحونه المشي حق الحوامل. ... انا استغربت : والله ؟ مريوم غمزت حق حمدان : هيه ... حمدان ابتسم : يالله بندخل السينما .. . . . . . . . السكرتيره : استاز علي .. علي : هلا روان .. السكرتيره : منى بدها تشوفك .. علي : شو تبا ؟ السكرتيره : ما بعرف .. علي : قوليها مشغول ... السكرتيره : طيب .. ما كملوا دقيقه و دخلت منى المكتب ب دفاشه .... تمت تطالع المكتب الكبيييير .... الاثاث مستورد من افريقيا ..... و المكتب وايد كبير بس ما فيه شي غير مكتب علي ... و ورآه صورته هو و أبوه و يده .. منى تناقز : ياااااي حلو مكتبك .. علي ابتسم على خبالها : شو تبين ؟ منى ابتسمت : ابا اسولف وياك .. علي : انتي ما عندج شغل غيري ؟ منى : لا ما عندي ...... علي : ظهري برا ... منى : لالالا بليز الله يخليك .... علي : اسسسكككتي .... منى : اوكيه ... يلست مجابلتنه و تمت تطالعه و هي ساكته .... علي طالعها تحسب انها ماتت .... لان هالبنت مووول ما تسكت .... علي تأفف : شو تسوين ؟ منى : احفظ صورتك ف بالي ... علي : ماله داعي تحفظينها .. منى : كمل شغلك مالك خص فيني .. . . . . . . . . . . . . . . دخل دريولنا كريم و ف ايده الشنط و اجياس الهدايا .... عبود : نحن يينا ... حامد فتح له ايده ب معنى تعال .. عبود لوى عليه : ليش ما ييييت ويانا ؟؟؟ حلو هناك شي بححر ..... حامد : مره ثانيه يوم بتسير بسير وياك ... أبويه ابتسم : ردينا من السفر .. انا حبيت راسه : الحمدلله ع السلامه .. أبويه لوى علي : فديتج ...... السفره مب شي بدونكم ... مريوم : قلنا لكم بنسير وياكم .. اميه : شحآالكم ؟؟ بخير؟ مريوم : الحمدلله ... انا غمضت عيني بقوو .... و طحت .... ما حسيت ب شي لين ما بطلت عيني و انا ف المستشفى .. اميه : شو بلاج فديتج طيحتي فوادي ؟ انا بطلت عيني و رديت اغمضها .... حامد : ثاني مره يستويلها جي .... أبويه : من شوو ؟ مريوم : مادري من شو .. أبويه : بظهر ارمس الدكتوره .. انا فجيت عيني و يلست اطالعهم .. اميه : خوفتيني عليج ... مريوم : ماعليج منها تدلع .. انا ابتسمت ... الدكتوره : ما فيها شي بس سوء تغذيه و فقر دم ... أبويه : كل هاذا و ما فيهها شي ؟ الدكتوره : ايوا يعني مش خطيير أبداً .. أبويه : الحمدلله ... الدكتوره : لازم تحاسب على أكلها و ما تضغط على عمرها كتيير .. أبويه : اوكيه .. الدكتوره : بس تصحى من النوم راح نطلعها .. أبويه : هي نشت من رقادها .. الدكتوره : طيب تعال معاي ... وقع أبويه الاوراق و ردينا البيت ... . . . . . . . . علي كان يبا يظهر من الشركه و ما عنده مظله ... لانه شي مطر غزير ... وجاك موقف السياره شوي بعيد .... علي يتلفت يمين و يسار ..... منى ابتسمت له : وين مظلتك ؟ علي : نسيتها فوق .. منى عطته مظلتها و سارت .. علي : ايييه تعالي ... منى ظهرت و تمت تلعب تحت المطر .... و تطالع علي و تضحك و تسوي له باااي .. علي ابتسم لها و سار صوب سيارته .. . . . . . . . ساره تلعب بـ عرايسها ف الصاله و يدوتها تشوف مسلسل الاوراق المتساقطه و تشرب جاي... ساره : يدوه متى بيي عمي سعيد ؟ غبيشه : مادريبه .. ساره : انزين انا ابا اشوف ميره .. غبيشه : علني بلاه هالطاري شو تبينها ؟ ساره : من زمان ما شفتها .. غبيشه : قومي سيري بيت قوم مريوم .. ساره : اسير هناك شو اسوي ؟ غبيشه : ليش وينهم ؟ ساره : خالوه ام عبود و عمي و عبود مسافرين .. غبيشه : صدق والله ؟ ساره : هيه ... ما خبروني ولا كنت بسير وياهم ... غبيشه هزبتها : غدي ذربه شو هاي اسير وياهم بعد .. ساره : يدوه انتي كله تعصبين ... غبيشه ابتسمت : لاني احبج... ساره شلت عرايسها و سارت حجرتها .. . . . . . . . سعيد وقف : بظهر انا .... ميره : تبغي اسويلك شي ؟ سعيد : لا .. ميره : انزين متى بترد ؟ سعيد : مالج خص .. خذ سويجه و بوكه و ظهر .. ميره تنهدت ... بطلت الدريشه و شمت الهوا .... حست عمرها انها من متتتى ما ظهرت و شافت الخلق و العرب و الاودام ..... شافت من الدريشه انه خلاص ركب موتره و سار .... لبست شيلتها و شلت بيزاتها و نزلت سارت المخبز القريب من الشقه ..... خذت خبز براتا و عصير و كم كيكه عسب تحلي لانها من متتتى ما كلت سويت .... و رجعت ل شقتها بسرعه عن يشوفها سعيد ... . . . . . . . انا دقيت باب حجرته : حااااامد .. حااااامد .. حامد ظهر وهو لابس قميص و سروال قصير و شعره كشششه ... انا ابتسمت على شكله : ابا من ماك ... حامد : نعععم ؟؟ موعتني من رقادي عسب اييب لج ماك ؟ انا : هيه ... والله اشتهيته .. حامد : انا مب ريلج ... عطاني ظهره و دخل .... حزت هالكلمه فخاطري واااايد .... انا حسيت اني تايهه المفروض اتدلع على ريلي و اتشرط عليه .... و صدقه حامد هو مب ريلي ... حمود مسافر و أبويه راقد و ما سرت اخبر الدريول .. تنهدت و كنت ابا اسير صوب حجرتي ..... حامد ظهر وهو لابس كندوره بيت : بتين وياي ؟ انا : لا خلاص مابا ... حامد : يالله عاد ... عن الدلع .... لبسي شيله و تعالي .. انا : قلتلك مابا .. حامد مسك ايدي و نزلني وياه تحت ... ركبني سيارته البورش .. ابتسمت له : ما لبست شيله .... طالعني حامد و ابتسم : الحين فليل ما يبين شي .... خطفنا على ماك و خذيت لي اللي اباه .... و ردينا البيت .... يلسنا ف الحديقه اللي ف حوشنا .. انا : مشكور .. حامد : عادي ولو .. اختي الصغيره لازم اتحملج ... انا طالعته .. حامد : ف ذمتج شو شعورج و انتي حامل .... بعدج ياهل وين تبين تحملين ؟ انا : الصراحه اول شي ما كنت أباه هالبيبي بكبره ... بس يوم شفت علي مستانس عليه استانست انا بعد .. حامد : تدرين ؟ لو عرست ما بخلي حرمتي تحمل لين كم سنه جدام .. انا : من حقك ... حامد : هيه عيل تتحريني ملقوف شرات علي .. انا : لا تغلط عليه ما أرضى .. حامد : من زينه .. انا : فديته اشتقت له .. حامد ابتسم .. انا : بسألك ... حامد : تفضلي آنسه عنود .. انا : ما تبا تعرس ؟ حامد : ليش كلكم تقولون لي نفس السؤال ؟ انا : مادري احس شكلك غلط بلا حرمه .. حامد : ليش يعني ؟ انا : كم عمرك الحين ؟ 24 صح ؟ حامد : هيه .. انا حجيت راسي : مادري بس إحساسي جيه .. حامد وقفني : قومي شلي أكلج و سيري كلي ف حجرتج ... انا : خلني يالسه هني ... حامد : انا بسير أرقد .. منو بيلس وياج هني ؟ اليني ؟ انا تعلقت فيه : حيوان لا تخوفني .. حامد : تستاهلين ... وصلني لين غرفتي و ابتسم ... انا ابتسمت له : تصبح على خير .. حامد : و انتي من أهله .. . . . . . . . كثرت لقاءات منى و يااا علي ..... علي ما يسويلها سالفه بس هي تحب تتبعه و تتعمد تسولف وياه ... علي ظهر من الشركه و هو مستانس لانه ما بجى غير اقل عن شهر و بيرجع البلاد ... كان يبا يركب السياره بس زقرته .. منى : علي ! علي صد صوبها : هلا ؟ منى دمعت عينها : صدق اللي سمعته ؟ علي : شو سمعتي ؟ منى : انك معرس ؟ علي : هيه صدق .. منى صاحت : و ليش ما خبرتني ؟؟؟ علي : ليش أخبرج ؟ منو انتي عسب أخبرج ؟ منى : ما ارتحت لين ما علقتني فيك .. علي : انا ما ضربتج على ايدج و قلتلج تعلقي فيني ... منى : علي اناااا احبك ............ علي حس انه حد صفعه طرااااق على ويهه .. منى : ليش تتعمد تجرحني ليششش ؟ علي : نعم ؟ انا متى جرحتج ؟ منى : انته ما تحبني ... علي : لأني احب حرمتي .. منى : بس انااااا احبببببببك ... علي : هه انتي ما تحبيني !!! انتي معجبه فيني .. منى ب عصبيه : شو دراك انته ف مشاعري و احاسيسي عشان تقول اني ماحبك !!!! علي : صح ما اعرف بس اي حب هاذا وانتي ما تعرفيني الا من مده بسيطه ؟ منى : و منو قال لك ان الحب له شروط ؟ و يسكن القلب الا عقب فتره من الزمن ؟؟؟ الحب ما يعرف زمن ولا مكان ..... وحبك انته سكن قلبي بدون اي مقدمات .. علي ماعرف شو يقول لها لان صدق هو الغلطان اللي ما خبرها انه معرس ... و هي غلطانه بعد لانها تقربت منه واايد ..... تدوده علي و توتر ... علي ابد ما يحس ب اي مشاعر تجاهها ولا حتى ذره حب ..... علي ما يقدر يشجعها و يبين لها انه يمكن في يوم من الايام يشاركها هالإحسآس ... اثنينتهم غلطانين ... عشان جي علي ما تكلم وعطاها ظهره بيركب السياره .. منى : علي !!! علي : نعم ؟ منى : بظل احبك و احبك وٰ احبك و اتمنى الساعه الي اشوفك فيها ... علي : بتندمين ... منى : مالك خص ف مشاعري و أحاسيسي !! علي تنهد.. منى غمضت عينها و هي تصيح ب قوه و تهتز بكبرها : انته جرحتني ياااا علي جرحتني .... والله انك ذبحتني .... عمري ما تخيلتك تصدني عشان وحده ... علي : هاي اللي ترمسين عنها مب وحده ... هاي حرمتي .... و حبيبتي ..... منى ابتسمت و الدموع تغطي ويهها : انا واثقه انه بيي اليوم اللي تحبني فيه و تبادلني مشاعر الحب و الاحترام ... علي طالعها ... منى ما رامت تتحمل جان تطيح ع الارض و تصيح ب كل قوتها .... و الناس يطالعونهم و مستغربين ..... علي : منى انا بعد احبج ... منى طالعته .. علي : بس ك اخت .. احبج شرات اختي مع انه ماعندي خوات .. منى : ماباك تحبني ك اخت .. علي : لا تسوين ف عمرج جيه يا بنت الحلال ... منى حطت ايدها على حلجها عسب تكتم شهقاتها ..... علي : بسير انا ... مع السلامه ... ركب سيارته الكاديلاك و سار البيت و هو يفكر ب كل كلمه قالتها منى و على طول تذكرني و اتصل ... انا : الو .. علي ب شوق : ألووو .. انا : متى بترد ؟ علي : ما بجى وايد .. انا : حبيبي ليش صوتك جيه ؟ فيك شي ؟ علي حاول يغطي على عمره : لا حبيبي ما فيني شي بس متوله عليج ... انا ابتسمت : انا بعد والله .. علي غمض عينه : احبج ... انا : احبك انا بعد .. علي : يالله حبيبي برقد .. ديري بالج على عمرج ... انا : ان شاءالله .. . . . . . . . . . . #بعد مرور شهر# . . . . حطيت ايدي على خدى وانا اتذكر ملامحه اللي قربت تختفي من بالي .... تنهدت ب ضيج و شليت كوب العصير و دخلت داخل .. يلست على الكرسي و طالعت الجريده ... حاطين صوره علي و صوره مدير شركه ليان للعقارات .... ابتسمت و تحسست ملامح ويهه ب صبعي ..... آآآه من متتى ما اتصل ... اشتقت له واايد ... حط ايده على عيني ... انا : منو ؟ انا لمست ايده : حمود اخويا .. ما رد علي .. انا : يعني ما بتنطق ؟ أمممم انزين ماعرفتك ... خوز ايده و حب خدي : ما اشتقتي لي ؟ انا وقفت و لويت عليه بقووووو : والله تولهت عليييييك .. علي حب يبهتي : انااا اكثثر .. انا : ما بغيت تيي حششى .. علي ابتسم : غراشيب هناك .. انا : انزين خل الغراشيب ينفعونك ... علي : ههههه اتمصخر ... انا ابتسمت .... و علي طالعني ... شكلي متغير 180 دررجه وايد تغيرت لأني صبغت شعري أشقر و ضعفت ..... و عيوني صغرت .. علي : ليش جي شكلج ؟؟؟ وااااايد ضعفانه و تحت عيونج سواد .... ويهج ذبل و غادي لونه اصفر شو فيج ؟ انا : تعبني هالياااهل ... علي : فديتج والله .... انا نزلت راسي : تعبانه وواااايد ..... علي مسك ويههي ب ايدينه الثنتين : عادي طيحيه انزين ... انا خوزت ايده : شو تقول انته ؟؟؟؟ تعرف انه هالياااهل تعبني واااايد ؟؟؟؟ كنت بموووووت منه .... و الحين تقول لي طيحيه ؟؟؟؟ تباني اموت وياه؟؟؟ علي تنهد : انا ما قلت جيه ... بس خلاص انسي حبيبي ... انا : تعباااااااانه واايد … علي لوى علي : سلامتج من التعب ... زخ ايدي و يلسني ع الكرسي ... حب بطني و قال .. : حبيبي ليش تتعبين ماماه ؟ انا ابتسمت .. علي طالعني : شوفي ويهج كيف .. انا : بلاه ويههي ؟ علي : انتي ما تاكلين ؟؟ انا : آكل .. علي ابتسم : قومي تلبسي بعشيج في فرايديز .. انا : مافيني .. علي وقفني : يالله سيري ... لبست عباه وسيعه من عند الأيد و رسمت عيني ب الايلاينر .... و حطيت قلوس وردي .... تعطرت و ظهرت له ... علي ابتسم : لالالا شو هالحللااه ... انا أبتسمت له ... مسك ايدي و سرنا مردف مول .. . . . . . . يزوي : حبيبي .. محمد ابتسم : عيون حبيبج .. يزوي : متى بنرجع البلاد ؟ محمد : مليتي مني ؟ يزوي : لا مب جيه ... بس يعني اشتقت ل البلاد .. محمد : تدرين انه ولد عمج علي هالنذل خلى شغله علي .. يزوي تلعب ب طرف جاكيتها : ما ينلام ... شهرين و هو يكرف .. محمد : بس انا توني معرس ... سار و عق شغل الشركه كله عليه .. يزوي شربكت أصابعها ف أصابعه : برد .. محمد : محد قالج ما تييبين قفازج .. يزوي : نسيتهم فـ الفندق ... وااايد برد .. محمد : انتي حدج سكاي دبي ... المفروض ما اييبج هني ف الثلج .. يزوي طالعته : صدق والله؟ انزين أخ محمد انا بروايك .. محمد ابتسم و لوى عليها من ورا : ههههههه احب اطفر بج .. يزوي : انزين انا ماحبك يوم تطفربي .. محمد : كيفي انا احبج .. يزوي ابتسمت بـ حيا .. . . . . . . . مريوم سايره السينما ويا حمد ... و كل شوي حمد يطفرها وهي تزاعج عليه .. حمد صفر : شوفي شووووفي الغغزال ... مريوم : حممد بس عااااد ..... حمد : ف ذمتج مب حلوه ؟ مريوم : حممممد ترا والله بجب البيبسي عليك .... حمد : جبيه جان فيج خير ... مريوم سكتت .. حمد دزها و اشر على وحده اجنبيه : علللللنننني فدااااا هالزييين ..... علني فداه هالغزال .. مريوم : حمد !!!! حمد : قلب حمد ؟ مريوم : عندك غزال ؟ مريوم انحرجت من نفسها .. حمد ابتسم : لا عندي ظبي .. مريوم : حممممممد جـــب .. حمد ابتسم : يجبج .. مريوم نشت : اسكت ولا والله بسير عنك .. حمد سحبها من ايدها و طاحت فوقه ... حمد ابتسم و دخل قصتها اللي ظاهره ع طرف .. مريوم نشت عنه ... حمد : انتي غزالي .. مريوم وقفت : برد البيت ..... مب ويهه حد يظهر وياكـ ... حمد ؛ محد قالج ظهري وياي .. مريوم : بسير انا .. حمد : سيري اللي يقول انه موول ابوج .. مريوم ضربت جتفه : لا تغلط على أبويا .. حمد : آسفين .. . . . . . . . شربك أصابعه ف اصابع ايدي و حبها .. انا : شو بلاك اليوم متوحش؟ علي حب ايدي : ايد حرمتي حرام احبها ؟ انا ابتسمت : لا .. علي ابتسم : فديتج .. وصلنا دبي مول .. و سرنا نتعششى .... دخلنا مطعم مسكر عشان نأخذ راحتنا .. انا فصخت شيلتي .. علي : حلو اللون .. انا : مريوم تقول مب حلو .. علي : مب حلوه كشتها السودا ... انا : ههههه .... تعشينا و يوم كنا نأكل رن تيلفون علي ... علي طالعني : الو .. : الو شحالك ؟ علي : يسرك حالي ... منو والله ماعرفتك ؟ : يعني مستانس ويا حرمتك ؟ علي : منو انته ؟ : مب مهم .. علي : خلاص عيل باي .. : صبر صبر .. علي عرف انها منى : نعم ؟ تبين شي اختي ؟ : لا خلاص .. علي طالعني و أبتسم .. انا : منو ؟ علي : ماعرف .. شكلها مغلطه .. انا شربت من العصير : ايوا .. علي ابتسم و حب خدي : اححبببج تدرين ؟ انا غمضت عيني عسب اتلذذ بهالكلمه ... علي : شي يعورج ؟ انا طالعته و ابتسمت : لا .. علي ابتسم : يالله خلصي عسب نشتري ثياب حق البيبي .. انا : على اي اساس بتاخذ ثياب و انته ما تعرف اذا بنت ولا ولد .. علي طالعني : بنت صح ؟ انا : ما بقول .... علي : قلبي يقول انها بنت ... انا ابتسمت و هزيت راسي ب معنى هيه .. علي : والله كنت حاااس .. انا وقفت و عدلت شيلتي : يالله نسير .. علي وقف و حط 500 ع الطاوله و مسك ايدي : يالله .. سرنا صوب بيبي شوب و تمينا نأخذ ثياب ... انا : حبيبي بس ... مب حلو كله بينك *وردي* علي : البينك حلو حق البنات ... انا : انزين تعال بناخذ لون ثاني .. علي : اوكيه .. يمعنا ثياب داخليه و بدل حق البيبي و علي مستانس واايد ... علي : تعالي بنسير باريس غاليري .. انا : شو تبا من هناك ؟ علي : باخذ لج شي .. انا : اوكيه .. خذ لي 3 عططور و مكياج .. من ضمنهم جحال لانه دوم يشوفني اتجحل و روج احمر و وردي و بني ... انا : عندي وايد .. علي : بس هاذا سبيشل لانه من عندي . انا ابتسمت ... حاسبنا و ظهرنا من المول .... ردينا البيت الساعه 10 ونص .. . . . . . . . حمد وصلها البيت و طول الدرب ما رمست ... حمد : فيج شي ؟ مريوم : لا .. حمد : زعلانه ؟ مريوم : لا ... حمد : اوكيه .. بركن جدام باب البيت و نزلت ... حمد حرك سيارته و سار العين .. مريوم سارت حجرتها تسبحت و رقدت .... تحس انه هاذا مب حمد الاولاني ... حمد أسلوبه تغير ولا حمد هو نفسه بس كان يستهبل معاها ..... غمضت عينها و رقدت .. . . . . . . |
. . . السلآم عليكم و رحمة الله و بركاتةة .. مشكورين على الدعم و الحماس حبايبي *-* و ان شاء الله اكون عند حسن ضنكم :blushing: احب أشكركم على تفاعلكم و تشجيعكم ل روايتي ') و أتمنى تدوم هالمتابعة *لا خلا ولا عدم* أبا اشكر وايد أعضاء بس أخاف أنسى حد .. + الأعضاء الي يقرون و ما يردون ! بليز يعني ع الأقل فرحوني ب كلمه أو كلمتين:walla: أحبكم وايد و السموحةة ع القصور .. . . . |
الصراحه البارت ما عليهه كلام طررر استمرييي فديتج نحن بأنتظارج |
الصراحه الباارت ما عليه كلام واااايد حلو . . احس منى تبغي تخرب بين علي وعنود . . اووف تقهر يعني الريال مستانس ويا حرمته انتي شو تبين . . محمد ويزوي الله يخليهم لبعض . . وبانتظار البارت |
السـلام عليكم . . دآهيـه .. ] حبيت اسلوبج فطرحج للروايه =) وآصلي حبيبتي ونحن متابعينج . . . . بعلق ع كل شخصيه . . نبدا بالشباب . . حمدان : فالبدايه ماتقبلته وتوقعت انه يحب العنود من اسلوبه ورمسته .. مع انه دفش قهرني يوم ضرب العنود !! علي : فالبدايه حسيت انه ماله دور يوم طلع مريض وانه بيموت !! بسس حلووه شخصيته و احس انه بيساير منى ومابيكسر بخاطرها زايد : ماعندي تعليق !! حامد : اتوقع بيحب بانه !! وبينسى مها محمد : ماعندي تعليق !! حمد: يمكن تغير لانه كان يرمس مريوم قبل العرس !! او كان يستهبل ويبا يشوف غيرتها ؟؟ . . البنات . . ميره : من البدايه ماحبيتها وتستاهل الي اييها من سعيد العنود : حبيتها وحبيت شخصيتها واحسها بتخسر علي قريب !! مريم : ماتوقع انها تكمل ويا حمد ! منى : الغيره بتعميها وبتخرب بين علي و العنود اليازي : كاسره خاطري هالبنت كل مانصحت حد سكتوها ! بانه : بتحب حامد . .!! ساره : هالجنيه الصغيره ذكرتني ف اختيه ملسونهه شراتها الشواب احس مالهم دور كبير من جي مابعلق عليهم . . ان شاء الله مانسيت حد . . وتقبلي مروري . . |
بارت يجنننننننننننننن |
السلام عليج شحالج ؟ البارت روعه يجنن و تسلمين فديتج اتوققع انه منى بتسوي مشاكل من بينهم ، و ححمد اممم احس جي بيكره مريم :/ ، وو بس & ثانكس فديتج نتريااج .. |
البارت الـ18...... . . . . . شوف قلبي ما عطى لغيرك مجال~ . . . . . . محمد و يزوي توهم ظاهرين من الفندق عسب يكملون حواطه ..... محمد : نسيت فوني ف الغرفه فوق .. يزوي : اوكيه سير ييبه .. محمد : ما بتأخر .... بس انتي يلسي هني ... يزوي : اوكيه .. سار محمد و يزوي تمت تطالع الصور اللي ف فونها ..... تقربوا منها اثنين و تموا يطالعونها و يبتسمون ..... واحد صار صوبها .... حط ايده على جتفها وقال : Hey cupcake! يزوي فجت عينها : شو هالووووقاحه ... سارت عنه بس سحبها من ايدها ... يزوي : Leave me !!!! الريال ضحك ... محمد كان توه طالع من الفندق و يوم شافها فاااااااار من الغييض ... محمد صفع الريال اللي ماسك يزوي من ايدها ......... محمد زاعج : شو كان يالس يسوي هااذا؟؟؟ يزوي : يالس يتحرش فيني ....... محمد : و انتي عايبنج ؟؟؟ يزوي بلعت ريجها : محمد .. محمد قاطعها : اصص ولاااا كلمه ..... محمد سحبها من ايدها و سار وياها ل الفندق و هناك صفعها ... محمد : طححتي من عيني ...... ما توقعتج جي تسويييين !!!! يزوي انصدمت منه .... هاذا حمود ولد عمها جي يسوي فيها .... يمد ايده عليها و هو ما يدري شو السالفه ... حطت ايدها مكان الطراق اللي عطاها إياه و تمت الدموع تطيح من عينها ب غزاره وهي تسمعه يسبها و يقولها كلام يغث الواحد ...... محمد : ههه هاي سواتج .... طلعتي تتعرفين على رياييل من وراي ..... صدق انج ووووقققحه ...... ظهر من الشقه و خلاها تصيح و تنوح من الصياااح ... . . . . . . . انا تثاوبت .. علي : حبيبي فيج رقاد ؟ انا : هيه .. علي : دقيقه الحين بنوصل .. وصلنا البيت وٰ انا على طول سرت اتسبح لان فيني رقاااااد خلاص تدوخت .... تسبحت و لبست بجامه حرير لونها وردي .... بطلت شعري و ظهرت .... علي فج عينه : متتى قصيتي شعرج؟ انا : يوم سافرت ... علي : اشوف اشوف ... تعالي ... انا سرت صوبه ... علي طالع شعري اللي يوصل لين فوق آخر ظهري .. انا : حلو جيه .. علي : مؤول مب شي .. انا : احلف ؟ علي ابتسم : حلو بس قبل أحلى ... انا : المهم انه حلو .. علي فصخ فانيلته و يلس ع الشبريه .... سحبني صوبه و لوى علي و هو منسدح .. علي : ما تدرين شكثثر تولهت عليج .... انا ابتسمت .. علي : كل يوم قبل ما ارقد اطالع صورتج .... انا ابتسمت اكثر ... علي : صح انه شي هناك وايد بنات بس كل ما اشوف حد اتذكرج انتي .. انا : احبك .. علي ابتسم : شكثر ؟ انا طالعت عيونه : وايد احبك ... و لو حاولت تتخيل مقدار حبي لك ما بتقدر لانه شي فوق الخيال .... علي حب يبهتي : الله لا يغير علينا .... انا ابتسمت ... علي حط ايده على بطني : فديت هالدلوعه اللي متعبه امها .... فديتها و فديت امها .... انا غمضت عيني و لويت عليه بقوو .. . . . . . . . حامد و زايد و حمدان يالسين ويا يدوه ف الصاله .... و ياكلون حب و يشربون جاي احمر .... يدوه : حاااااامد .. حامد شرق وهو يشرب الجاهي : كح كحح كح .... حمدان : هههههههه يا ريااال شو ياك .. حامد : من الزيغه .. "طالع يدوه" آمري الغاليه ... يدوه : بنت ولد عشبه اخت يدك .. حامد قاطعها : بلاها؟ يدوه : بخطبها لك .. حامد : امايا انا مابا اعرس الحين .. يدوه : ليش ان شاءالله ؟ حامد : يدوه زيود و حمدان ما عرسوا يوم بيعرسون انا بعرس ... زايد : انا مابا اعرس الحين ... حمدان يحج راسه : بتبطي ولد العم .... يدوه : شعنه تبطي .... انا بدور لك بنت الحلال ... حامد : خلاص غيروا سالفه العرس .. يدوه : كل ما نييب لك طاري العرس سويت لنا جيه ... حامد : لأني مابا اعرس تفهمون ؟؟؟ يدوه : هب ع كيفك .. حامد وقف : افففف شو هالنكد ... "ظهر من بيت يدي و سار بيتنا" زايد : بلاه هذا ؟ حمدان : مادري .. . . . . . . . سعيد يزاعج من بعيد : ويييييين عششاااي ؟ ميره تنهد .... سعيد : بتسوين غووزي انتي ؟؟؟ تراهم الا سندويجتين بيض و عصير .... ميره شلت الصينيه و تحس بـ إرهاق شديد .... مشت كم خطوه و طاحت هي و الصينيه جدام باب المطبخ على الارض ....... سعيد : اييييه انتي شووو سويتي ؟؟؟ سار صوبها و شافها طايحه و مغمضه عينها ..... لبسها شيلتها و عباها وشلها المستشفى ..... طول الدرب و سعيد يفكر في ميره كيف قدر يققسى عليها ب هالطريقه ....... اكيد هو السبب اللي خلاها اطيح ... لانه عذبها و ذوقهاا اشد انووواع العذاب ...... بس يباها تحس ب ربع اللي حس فيه يوم اكتشف انها خانته ........ الدكتوره ظهرت و ابتسمت في ويهه : مبروووك المدام حامل .. سعيد ما حرك جفونه ..... مايعرف يبتسم ولا يزعل ..... يضحك ولا يصيح .... حس ب شويه فرح لان ميره اللي حبها و تزوجها حباً فيها بتييب له بيبي .... بس الغيض يسري في عروقه كل ما يتذكر انها شوهت سمعته و خانته ...... الدكتوره : تفضل ادخل عندها ... دخل سعيد و هو يمشي يحس ب ريله مشلوله ما يقدر يتحرك ... وقف بعيد وطالع ويهها و تأمله .... ميره جمييله واايد حلوه ... بس حركاتها و خرابيطها مخربه عليها ..... عيونها صغيره و خشمها صغير و شفايفها متوسطه ..... ويهها دائري ... بكبرها كيوت ... و طيبه بس حبها لسوالف الشباب دمر انوثتها ..... ميره نزلت ايدها اللي كانت حاطتنها على راسها و قالت : انا آسفه ... سعيد : ليش تتأسفين ؟ ميره دمعت عينها : انا آسسفه والله العظيم الشيطان قص علي و لعب لعوبي ... سعيد تنهد : لا تتأسفين ... ميره غمضت عينها بقووو تحاول تمنع روحها عسب ما تصيح ..... . . . . . . انا حسيت ب ألم فضييع .... بطلت عيني ب شوي شوي ؤ احس اني مخنوقه .... شفت ويهه قريب من ويههي ما تفصلنا غير مسافه بسيطه ...... ماعرفت شووو اسوي لأني بكبري عرقااانه ..... و مب قادره اتحرك في شي مانعني ... انا دزيته : علي ..... علي راقد ... انا ضربت علي !!!! علي فج عينه ب صعوبة : هلا حبيبي ؟ انا : قوم ودني المستشففى ... علي استوعب : اوكي اوكي .. سار ياب عباتي و لبسني إياها .... و سرنا طيييراان ع المستشفى ....... ف السياره ... انا تحسست تحت ظهري ... وطلع كله دم .... طالعت علي : دم ! علي : من وين ؟ انا : مني .. علي : ها شهرج ؟ انا : لااا ... بعده باقلي ثلاث شهور .. علي وقف جدام المستشفى و نزلنا ... انا حسيت اني خلاص بموووت .... وييييع فظيييييع جان اصارخ ..... انا : اآآآآآآآآي .... الدكتوره زختني و دخلتني عندها ..... يلسوني على السرير وانا احس ب عمري منتهيه .... خلاص ماشي امل اعيش ........ غمضت عيني شوي شوي و انا اشوف السستر جدامي ... علي متوتر و خايف .... يمشي شوي ف الممر و شوي يقعد ع الكراسي ... و شوي يوقف عن الباب يترياهم يفجونه .... لين ما الدكتوره ظهرت له و قالت : مين انته ؟ علي : ريلها .. الدكتوره : انته تعرف انها حامل .. علي : هيه .. الدكتوره : حالتها صعبه جداً و احتمال يموت البيبي .... علي تنهد : الله يقومها ب السلامه … ردت تدخل الدكتورة داخل … .. و خلت علي ف تايه في بحر افكاره ... يفكر و يفكر ... يستغفر و هو متوتر ومب قادر يسيطر على عمره … سارت صوبه دكتوره يايه من بعيد و قالت : النهار دا نزل البيبي .. علي : كيييف ؟؟؟ الدكتوره : مات الجنين ... علي رص على ايده بقووووو .... الدكتوره كانت بتسير عنه .. علي : تعالي ... شخبارها العنود ؟ الدكتوره : هيا نايمه ... عاوز تشوفها ؟ علي : هيه .. الدكتوره : بس بدون ازعاج ... علي : اوكيه .. دخل الغرفه ... و شافني رااااقده ..... انا كنت متعمقه ف رقادي و حاطه ايدي على بطني و الثانيه على ويههي ..... تقرب صوبي و قال … علي ب عصبيه : ارتحتي الحين ؟؟؟؟؟ انا فزيت من رقادي و طالعته ب استغراب شو يبا هذا ؟ .... كنت ابا ارد عليه بس مب قادره حاسه عمري مقيده ..... ماروم افج حلجي .. علي : من البدايه انتي كنتي ما تبينه و تميتي تحنين ع راسي بنزله و بنزله .... ها تراج الحين نزلتيه ... انا : مااات ؟؟؟؟ علي : ههه لا تصدقين بعده عايش .... انا : علي لا تستهبل .. علي : صددق نزلتتتيه البيبي .... انا بديت اصيح : يعني تتحرى هالشي ب ارادتي ؟؟؟ هاذا شي ربك كاتبنه ... علي : مااا بسااامحج ع اللي سويتيه ... انا طالعته ... علي يزاعج : كلللللله منج ررااااااح البيبي .... انا سكتت والله علي دومه يجرحني ... يحسسني اني انا الغلطانه ... هالشي مب بإيدي ..... علي طالعني : حسبي اللہ ونعم الوكيل ... "ظهر" انا صحت من خاطري ليش يحسسني اني مذنبه ؟؟؟ ليش يقول ان هاي غلطتي ؟ ليش انا شو سويت ؟ كنت راقده و فجأة استوى هذا كله... . . . . . . . . يدزها و هي يالسه ع المريحانه ..... ابتسمت يزوي و صدت صوبه : ابويا ... عمي سعيد : عيون ابوج ؟ يزوي : احبببك باباتي ... عمي سعيد : انا بعد احبج .. يدوي ابتسمت اكثثر ... عمي سعيد : بس بيي يوم بتكبرين بتسوين عروسه .. يزوي : عروسه ؟ عمي سعيد : هيه .. عروسه حلوه شرات باربي .. بيي ريال و بيشلج ... بتعيشين وياه .. يزوي : لا باباه انا ما ابا اسير عنك ... عمي سعيد : بس بتكونين كبيره خلاص .. يزوي نزلت و سارت لوت عليه : احبببببك انا احببك اكثر عن ماماه ... ما بسير مكان اوكيه ؟ بيلس عندك ؟ عمي سعيد ابتسم : انا بعد بيلس عندج .. يزوي : وعد ؟ عمي سعيد : وعد ... فجت عينها و هي تشوف المكان اللي يالسه فيه ..... غمضت عينها مره ثانيه عشان تكمل هالحلم الحلوووو اللي خلاها تذكر ابوها ..... ابوها اللي حبته وٰ اللي كان فارس أحلامها يوم كانت صغيره ... بس للأسف راح عنها ... تنهدت وسارت تغسل ويهها .... ظهرت من الحمام و ما حصلته ....... تمت تطالع تلفزيون لين ما دخل عندها .... محمد جابلها و هي تجاهلته ... محمد ب حنيه : حبيبي .. يزوي تمت تطالع الفلم .. محمد : ردي علي انزين .. يزوي : شوو تبا ؟؟؟ محمد : بسم اللہ شوي شوي .. يزوي : شوو تبا فكني !! محمد مسك ايدينها الثنتين : آسسف .. يزوي : خلاص ما يفيد الأسف عقب ما مسحت فيني الارض .. محمد : والله آسسف .... آسسف لأني مديت ايدي عليج ..... و آسسف لأني ما سمعتج .. يزوي : أنا زعلانه … محمد أبتسم : وانا براضيج ... مسك ويهها ب إيدينه الثنتين .. Cut . . . . . الدكتوره دخلت عندي وهي شاله بيبي في ايدها ... انا فجيت عيني على وسعها ... الدكتوره ابتسمت ... انا : هذا !!! ولدي ؟ الدكتوره : هيه .. انا : عيل ليش قلتولي انه مات .. الدكتوره : من قالج انه مآات ؟ انا : امس يت دكتوره و خبرتني .. الدكتوره : لبنانيه ؟ انا : هيه .. الدكتوره : هاي نيرس راعيه مشاكل و ما تعرف تشتغل اكيد لخبطت بينج و بين حرمه ثانيه .. انا : لازم تعقبونها .. الدكتوره : ارفعي عليها قضيه .. انا : اوكيه ... طالعت البيبي اللي ف حضنها و ابتسمت : عطيني اشله .. الدكتوره عطتني اياه : مب ولد ... انا : ادري انها بنيه .. الدكتوره ابتسمت : يالله انا بسير ... اذا تبين اي شي دقي ع الزر اللي فوق .. انا : ان شاءالله .. ظهرت الدكتوره و احس اني بموووت من الففررح ...... وايد مستانسسه بس حطيت في بالي اني ما بخبر حد من العايله و بظهر من هني ..... الساعه 4 العصر قلتلهم بظهر و ظهروني عقب المووووت ما رضوا يظهروني الا يوم قلت لهم اني بتحمل كل العواقب ..... ولان نحن من قوم بال****** عطوني نيرس عسب تهتم ف البيبي وياي .. اتصلت ل دريولنا كريم و قلت له يخلي وحده من الخدامات تييب شنطتي و أغراض البيبي .... عقب نص ساعه ب الضبط وصل كريم و وقف جدام المستشفى سرت و ركبت عنده .. كريم : وين يريد روح اووختي ؟ انا : جميرا ... كريم : اوكيه ... سرت جميرا و حجزت لي ف فندق .... النيرس تمت تغير للبيبي و تعلمني كيف يتعاملون وياه .. . . . . . . أبويه : علي ... علي : هلا عمي ؟ أبويه : وينها عنود ؟ ماشفتها اليوم ... علي نسى اني ف المستشفى و ماعرف شو يقول ... أبويه : ويينها؟؟؟ علي خبره كل السالفه ..... أبويه ب عصبيه : وشعععنه مخلنها تبات ف المستشفى بروووحها ؟؟؟؟ مب حرمتك هااااي؟؟ علي نش : الحين بسير اييبها .. أبويه : لااا تتتأخخر ... علي : ان شاء اللہ .... سار علي المستشفى و يلس يدورني بس ما حصل حد ..... سأل وحده من الدكتورات اللي هناك ... علي : اختيه لو سمحتي وين المرييضه العنود سهيل بالـ***** ؟ الدكتوره : طلعت .. علي : طلعت؟؟؟ كيف؟؟ ويا منو؟؟ الدكتوره : ماعرف .... بس اللي أعرفه انها طلعت ... علي : متى طلعت ؟؟؟ الدكتوره : الساعه 4 ... علي طالع ساعته اللي تبين انه الساعه عنده الحين 7 وشي ....... عععصب من الخاااطر .... كيف تظهر بدون ماااا تخبر حد .... اتصل كم مره بس التيلفون مغلق .... يعني وين ساارت الحين ..... اول ما رجع البيت و استقبله أبويه ... أبويه : وينها ؟؟؟ ما اشوفها وياك ؟؟ علي نزل راسه : ما حصلتها .... أبويه : كييف ما حصلتها ؟؟؟؟ وين سسارت ؟؟؟ خبرني هااا؟ علي : قالوا لي انها ظهرت .... أبويه : ظهرت ؟؟؟؟ يعني وين بتسير ؟؟؟ "يلس يمشي ساير راد" ابويه : اتصلت لها ؟ علي : هي ... تيلفونها مغلق ... ابويه تنهد ..... علي : ان شاء اللہ بترجع .. أبويه : و ان ما رجعت ؟؟ والله ل اخسف فيك الارض ... علي تلوووم واااايد و سكت .. . . . . . . . شو تتوقعون تكون ردة فعل علي يوم بيعرف انه بنته بعدها ما ماتت ؟ |
السلام عليييكم ورحمه رووعة الرووايه وممشوقه لدرجه اني قريتها وتوني وصللت لاخر بارت حبيت الشخصيات وايد عنود و علي اكثر شخصيتين حبيتهم ميره تستاهل اللي ياها من سعيييد زايد غمضني فالبدايه واتمنى ياخذ بانه حمدان كرهته فالبدايه بس عقب حبيتها اليازيه ومحمد حبيتهم واايد امم خلني اعلق عالبارت الاخييير علي قهرني وااايد ليش جييه قال للعنود ,, احس يوم بيعرف بيندم واايد العنود احسن اللي سوته فيييه خل يدورها لين يتعب بانتضارج فالبارت الياي وتسلم يمنااااج غناتي |
البااارت وااايد حلو أتوقع علي بيطير من الفرحه . . اووف محمد يقهر انزين أسمعها ع الأقل . . احس حامد وراه شي عسب جي ما يبا يعرس . . وبانتظار الباارت |
الصراحه البارت واااايد حلووو ابدعتي فديتج بأنتظارج ........... |
تسلمين على الروايه الطر شراتج :* و شسمه ترا الكاتبة بنت عمي عشان جي شجعوها ما أوصيكم ههههه فديتج موااااه هههه :$$ |
السلام عليج شحالج؟؟ علومج؟؟ البااااااارت طر تسلمين ع بارت يجننننننن بليز ابي بارت الحين الشخصيات: علي وعنود: حرام ع علي كله يظلمها شو هااا وعنود ليش تحجز فندق خ تروح بيت ابوها احسن محمد ويزوي: قهرني محمد يوم صفع يزوي وكسرت خاطري يوم تذكرت ابوها >< ميره وسعيد: حمدلله راحت عنهم المشاكل ومبروك لميره حامل م اوصيج اذا بنت ع اسمي واذا ولد حمد حامد: متى يعرس ترا ملجت اخوي عقب باجر شرايك تملج معاه بناخذ لك بنت خالي خخخخ وسموحه وطلبتج نزلي بارت الحين |
مشكوره على البارت علي : نعم وين يبا شي مب بأرادتها صحح قبل كان تصرفها غلط بس ف هالوقت ابد مايخصها لو البيبي ماتت العنود : مب حلوه حركتها انها تطلع وتسير فندق مهما كان المفروض اتسير عند اهلها محمد : مبين ان يوي مايخصها اتسير تضربها ليش؟ يزوي : غبيهه ليش ترضى بسرعه لازم اتم فتره عسب يحس بغلطتهه حامد : خاطري اعرف ليش مايبغي يعر |
مشكوره على البارت علي : نعم وين يبا شي مب بأرادتها صحح قبل كان تصرفها غلط بس ف هالوقت ابد مايخصها لو البيبي ماتت العنود : مب حلوه حركتها انها تطلع وتسير فندق مهما كان المفروض اتسير عند اهلها محمد : مبين ان يوي مايخصها اتسير تضربها ليش؟ يزوي : غبيهه ليش ترضى بسرعه لازم اتم فتره عسب يحس بغلطتهه حامد : خاطري اعرف ليش مايبغي يعرس |
البارت الـ19.... . . . . ما ودک نتلاقى؟ تعال انعش فؤادي و خفف اشتياقہ! . . . . انا طالعت بنتي : حبيبتي تدرين انه باباه عصب عليه ؟ "طاحت دموعي وحده ورا الثانيه" عصب عليه و سار عني حتى ما كلف على روحه و سأل عنا .... حبيبتي انتي انا احبج .... ما بخليج ولا بفارقج لو يصير اللي يصير ... انا تميت اصيح و صاحت روضه ..... انا شليتها : لا تصيحين حبيبي بس ... سكتتها و لين ما رقدت ...... انسدحت و يلست افكر..... يا على بالي اتصل ل أبويه ... اكيد هو خايف عليه الحين .... اول ما فجيت الفون حصلت 133 مس كول من علي و أبويه ... اتصلت له اول مره ما رد .... ثاني مره رد .. انا : الو ... ابويه : فديتج وينج والله احاتيج .... وين سرتي و ويا منو و ليش ظهرتي من المستشفى ؟ انا ابتسمت ب حزن : انا بخير ابويا ... أبويه : متأكده ؟ والله اني احاتييج و فوادي محترق عليج بغييت اذبحه علي هالخسيييس ... انا تنهدت : ما يحتاي أبويه .. انا بخير و لا تحاتي .. أبويه : انزين انتي وين ؟ انا : اممم مب لازم تعرف أبويه .. أبويه : ورفججه قوليلي .. انا : عقب بقول لك .. أبويه : ليش ما رديتي البيت ؟ انا : محتايه ايلس فتره بعيد عن كل شي ..... ابويه : ابغي اشوفج .. انا : باجر بخبرك انا وين و تعال عندي ... انزين ؟ ابويه : ان شاء الله .. بس ديري بالج على عمرج و يوم بتصل ردي عليه .. انا : ان شاء اللہ .. بس الحين اتطمن انا بخير و عافيه .... ما عليه شر ... أبويه زخ فواده : ريحتيني فديتج .. انا : يالله ارقد الحين و باجر من غبشه بتصل لك .. أبويه : ان شاء الله .. تصبحين على خير .. انا : و انته من أهله ... غمضت عيني بقوو ... و انا افكر ... شو بيكون مصيري انا و بنتي ؟ و علي قد كلمته يوم قال ما بسامحج ؟ تنهددت من الخااااطر ... فريت الفون بعيد ورقدت .... . . . . . . . "شدراك انه ولدك يالخديه؟" غبيشه طالعته و قالت له جيه .. سؤال غبيشه نزل على راس سعيد مثل الصااعقه .... و ماقدر يخبي الغضب اللي بان ف عيونه .. سعيد : امايه انتي شو تقولين ؟؟؟ غبيشه : اللي سمعته .. سعيد : يعني ولد منو بيكوون ؟؟ غبيشه : مادري عنك .. انا ابااا اعرف شو اللي مخلنك مستحملنها لين الحين ؟؟؟ كم كملت وانته تعرف عن سالفتها ؟؟؟ شهر و نص !!! خلها تذلف تلعتن بيت أهلها ... و نفاااد يشلها ... سعيد : امايه تعرفين اني احبها .. غبيشه : حببببك برص ..... مالت ع الحب اللي بينكم ماااللت اناا اقوول ... سعيد صد الصوب الثاني و حاول يكتم اعصابه ... غبيشه : يوم قلت لك بخطب لك على ذووقي ما رضيت الا ب هالخاايسه ميروووه و شوف شو سوت بك ... سعيد : امايا ميره ما كانت جيه قبل ... و اكبر دليل اهلها مربينها احسسن تربيه ..... لانهم قوم بال***** ... وهي غلطت .... غبيشه قاطعته : غلطت ؟؟ ها اللي طلع منك ؟ ما اقول غير مالت "تسوي ب ايدها مالت" ماااالت ع ويههك و على ويهها .... سعيد : يعني ما بكون ريال ف عينج الا أذا طلقتها ؟ غبيشه : طلقها و نفاااااد يشششلها ... ما رمت تذبحها ع الأقل طلقها وخلها تزووول .. سعيد : بس انا .. غبيشه قاطعته : شو تبا فيها الحيين ؟؟؟ طلقها و خلها تسير ف اللي ما يحفظها .. سعيد : قلتلج ميره حاامل و عشان جي لازم ما أطلقها ... غبيشه : و ما بغت تحمل الا يوم ربك كشفها ؟ سعيد : أستغفري ربج امايه شو هالرمسه ؟ غبيشه قامت : انته مينون ؟؟! خبل صح ؟ لو سلطان جان ما تم وياها دقيقه .... *سلطان اخو سعيد* سعيد : الحين شدخل سلطان ف السالفه ؟؟ ترا والله لاعبت جبدي من السالفه كلها ..... انا تعبان والله اباااا ارتاااح .... غبيشه : طيعني لو مره وحده ف حياتك و صدقني ب ترتاح ... سعيد وقف : خلاص أمايه بسوي اللي تبينه ... بس ميروه ما بطلقها وهي حامل ... غبيشه : تفووو عليك ... سعيد : أنزين لو طلقتها خبريني شو بيكون مصير الياهل ؟ غبيشه ب غرور : انا بربيه ... سعيد : انزين اول ما تربي بطلقها ... ارتحتي الحين ؟؟؟ غبيشه : هيه .... بس متى تربي هالعله مــيرووه و تفكنا ... سعيد : انا ساير ... برد بوظبي .. "حب راسها " مع آلسلامه .. . . . . . . . . اليوم الثاني ...... كلهم متيمعين و يالسين ف بيت يدي ... حمدان ابتسم و مرر عيونه بين الكل ... حمدان يحب اليلسات العائليه .... خاصةً اذا الكل متيمع و محد ناقص .... ابتسم اكثر بس اختفت ابتسامته يوم قال .. : وين عنووود ؟ علي سكت ... حمدان : وينها ؟؟ من امس انا مب شايفنها .. أبويه : راقده برا البيت ... حامد ب خوف : كيف يعني ؟؟ أبويه : ظهرت من البيت ... شلت قشها و سارت ... مريوم : عنود مب غبيه لهدرجه ... لازم يكون شي سبب ولا ما بتسوي جيه عالفاضي ... "طالعت علي" وينها ؟ علي : ماعرف .... يدي : شقايل ما تعرف ؟ مب هاي حرمتك ؟ علي : يدي هي ظهرت بدون ما تخبرني .. يدي : حسبي الله و نعم الوكيل ...... اميه : حسبي اللہ .... وين سارت بنتنا الحين ؟؟؟ وين رقدت شو حالها شو اخبارها ؟ كيف عايشه ؟ يدوه : مردها بترجع ... هاذا بيتها و بيت أهلها و اكيد بترجع .. زايد : علي الله يهديك كيف ماتدري وين سارت ؟ معقوله ما خبرتك ؟ حامد : اكيد انت سويت فيها شي .... ولا هي ما بتظهر مني و الدرب ........... حمدان : لا تنسون انها حااامل .... علي : نزلته البيبي .... الكل شهق ..... ام علي : كيف نزلته هاي بعد ؟ علي : كانت راقده و يوم نشت حست ب تعب ... وديتها المستشفى و قالوا انه مات ... عمي سالم : حسبي الله و نعم الوكيل .. حمدان ظهر من عندهم وهو معصصب ..... اتصل لي كم مره بس ما رديت .... علي سار حجرتي اللي ف بيت ابويه و شاف انه نص الثياب ناقصه ..... و ثياب البيبي مب موجوده ...... سار سأل الخدامات وحده وحده ... علي : وين ثياب عنود ؟ سونيتا : مافي .. علي : وينهم ؟؟ سونيتا : اي قيڤ كريم اول ذا كلوذز .. علي : ليش ان شاء الله ؟ سونيتا : كريم قيڤ ذا كلوذز تو مدام انود .. علي عصب و سار غرفه كريم ...... دق الباب كمم مره وعقب ظهر له ... علي : وين وديت مدام عنود؟ كريم : مايعرف .. علي مسكه من قميصه و رفعه فوق : ارمممس .... كريم : مدام يقول مافي خبر حد .. علي : لاااااا تخلييينيي اذبببححك الحيييين ..... كريم : انا مايقدر قول ... علي نزله : اذذلف علني بلاك .... . . . . . . . . . اليوم اللي عقبه ....... يا عمي ما بقى إلا انته تعلمني العشق وشلون .. أنا أكثر شخص في الدنيا عشقت و خابت ضنوني ... يا عمي مالك و مالي طلبتك خلني ف حالي تصدق كثر ما حبيت فقير أحساس سموني .. انا العاشق انا المغرم انا الخائن انا الكذاب .. انا احترت من انا وصرتوا ما تهموني ... انا الشاري انا البايع انا العاقل انا المجنون .. كثير اشياء تلقاها لو انك تنظر عيوني .. تلاقي ف وسطها ذكرى و تخنق عيني العبره .. ع اللي عذبوا قلبي بدون أسباب خلوني .. ترا ما عدت انا اقدر احب و اعشق و اصبر كثير اللي وفيت لهم و بالفرقا يجازوني .. رجيتك خلني ف همي بلا أحباب يا عمي كذا مرتاح و متهني وعايش دنيتي و كوني انا : هيه والله ما عدت انا اقدر احب و اعشق و اصبر … رضعتها و حبيت راسها ..... رقدتها و قلت للنيرس تيلس وياها... انا بظهر .... بطلت شعري و لبست نظارتي الشمسيه و طلعت من الفندق سرت صوب البحر ..... آآآآآه احس اني مخنوقه ..... اتصل لي أبويه و خبرته اني ف جميرا ..... دقايق و وصل لي .... أبويه لوى علي وحب راسي : فديييييت شوفتج علني ماخلا منها … انا : فديتك أبويه والله محدن يسواك ..... أبويه : مرتاحه ؟ انا : الحمدلله ... أبويه : تولهنا عليج ... كلهم ف البيت مستهمين و خايفين عليج .... انا : انا بعد تولهت عليكم والله العظيم .... أبويه ابتسم .. انا ابتسمت له : براويك شي ... أبويه : شو ؟ انا مسكت ايده و وديته الفندق ..... دخلته وياي الغرفه و راويته روضه ... أبويه : بنت منو هاي ؟ انا : بنتي .. أبويه : كيف بنتج ؟ علي قال انج سقطتيه ؟ انا : لا ... طلعوا مغلطين بيني وبين حرمه ثانيه .. ابويه : عطيني اشلها .. عطيته و كان الفرح مبين ف عيونه .... فدييييتك ابويه الله يخليك لي ...... ابويه : باجر يوم بييج بييب خدامه وياي .. انا: حق شو ابويه ؟ ابويه : منو بيخدمج انتي و هالياهل ؟ انا : الحمدلله هاذي النيرس قايمه فيني و تساعدني ف كل شي ... ابويه : حتى لو ... الا ما قلتليلي شو سميتيها ؟ انا : روضه ... ابويه : فديت الروض ... ابتسمت و ابويه حط بيزات ف قماط روضه .... انا : ما يحتاي .. ابويه : خبريني من وين لج ؟ انا : يبت اغراضي من البيت .. ابويه : ماشاء الله عليج شكلج مطوله هنيه ... انا : ابويه انا تعبانه .... محتايه ارتاح ... ع الاقل لين ما اطلع من الاربعين بس .. ابويه : سوي اللي تبينه الغاليه .. على هواج .. انا : و دخيلك لا تخبر حد عن البيبي ... ابويه : تطمني ما بقول شي .. انا ابتسمت : الله يخليك لي .. ابويه : امين ... يالله قومي بعزمج ع الغدا ... انا : اوكيه .... . . . . . . . . في محل عمي سالم .... "بو علي" محل الفلاسي قولد للذهب و المجوهرات .... علي يالس يشرف على شغل الموظفين و باله مب عنده .. علي : اباااااا افهم ليش ما ترد عليه ليييش ؟؟؟ رن تيلفونه و طالع المتصل .... علي تنهد : مب وقتج ...."رد عليها" الو؟ منى : شفيك محرج ياخي ؟ علي : قولي شو تبين ؟ منى : ابا اشوفك .. انا رديت البلاد .. علي : انا مابا اشوفج .... منى : انا بييك بس قول لي انته وين ؟ علي : منننننى انا مب ناقصنج .... "سكر ف ويهها" منى : ماعليه علي مردوده .... "طالعت الدريول" سير شركه ******* الدريول : اوكيه ... سارت الشركه و سألتهم عن علي ... قالولها انه ف محل الذهب .... سألتهم اي محل و قالولها الفلاسي قولد .. سارت هناك وهي لابسه شيله و عباه ...... الريال : محتايه مساعده اختي؟ منى : هيه ياليت تقدر تساعدني .. الريال : تفضلي اختي .. منى : انا مب يايه اتشرى .. الريال : عيل ؟ منى : يايه ادور صاحب المحل ... الريال : قصدج سالم الفلاسي؟ منى : لالا ... علي الفلاسي .. الريال : علي موجود داخل ... "أشر لها ع الغرفه" منى ابتسمت : مشكور اخويا ... سارت الغرفه اللي خبرها عنها الريال .... و دقت الباب ... علي : قلت لكم لا تسووون ازعاج .. شو تبون الحين ؟ منى دخلت و ابتسمت له ... علي : ياك الموت يا تارك الصلاة ... منى : تولهت عليك ... علي : زين ... منى : ممكن تخبرني شو بلاك ؟ ليش أعصابك فالته؟ علي : حرمتيه شارده .. منى ب طنازه : شارده ؟ انا أحيد الخدامات بس يشردون .. علي زاعج : تستهبلين حضرتج ؟؟؟ ظهري برااا ولا تهظلين هني مره ثانيه .... منى : ما يرزى علينا ..... علي وقف : ما تسمعين ؟؟؟ يوم بتحشميني و بتحشمين حرمتيه تعالي ... منى وقفت : اوكيه علي .... انا براويك صدقني بتندم ..... بتعض صبوع الندم لأنك طردتني و صارخت علي ب هالطريقه .. علي : ذلفي عن ويههي .... ظهرت منى و النار تحترق ف جوفها ..... وهي ظاهره من الغرفه شافت حامد .... و حامد انتبه انها كانت يالسه ويا علي بروحها ...... و منى تحترق لان الشخص اللي حبته يحب غيرها .... لا و بكل قوه يجرحها و يطردها على شان حرمته ... ركبت سيارتها و سارت .... حامد دخل عند علي وقال : منو هاذي ؟ علي : وحده .. حامد : ادري وحده .. علي : هاي بنت راعي شركه ليان .. حامد : صدق والله ؟ و لو عندها كلام بترمسك ف الشركه مب هنيه ..... علي تنهد : لا تفهم غلط .. حامد : يالله فهمني الصح .. علي حج راسه : ماعرف كيف اقولك .. حامد صفعه طراق : قول انك تخووون اختي … قول انهااا ساارت وانته استانست .... قول جيه ..... علي : لا تفهم غلط ... حامد : بفهم غلط و بخبر اختيه عن سوالفك ... "ظهر" علي : ظظههر و مااااا عطاني فرصه اشرح له ... افففف اففففف .... . . . . . . . في المطار .... بالتحديد عن بوابه القادمون ..... محمد : آآآه محلى هوى البلاد .... يزوي : فديت دار بو خليفه تولهت عليها ... محمد مسك ايدها و ابتسم ... خذوا شنطهم و ركبوا سياره محمد المبركنه و ساروا للبيت … اول ما وصلوا ساروا بيت يدي .... لانهم دوم يتيمعون هناك ..... شافتهم مريوم و ما سوت لهم سالفه ... مريوم : الحمدلله ع السلامه .. "سارت" محمد : تعالي تعالي ... شو بلاج ؟ مريوم : ما فيني شي ... حمدان : الحمدلله ع السلامه ... محمد يتخاشم وياه : اللہ يسلمك .... الا شو بلاكم ليش معتفسين ؟ حمدان تنهد : اختك مفقوده ... محمد رفع حاجبه : شو تقول ؟ حمدان : اختك ظاهره امس من البيت و ما ردت ...... ريلها الحبيب شلها المستشفى و نساها و الحين مب محصلينها .... يزوي : كيف يعني ؟؟ هي ما ربت ؟ حمدان : لا ... يقولون سقطت .. يزوي : و الحين هي وينها ؟ حمدان تنهد : مادري ... كل حد يحاتي و يوم نتصل لها يا مغلق يا محد يرد ... يزوي : حرراااام حبيبتي عنووود ... محمد : وين علي ؟؟ حمدان : مادريبه ... محمد اتصل ل علي .. علي : الو ؟ ها رديتوا ؟ الحمدلله ع السلامه .... محمد حاول يكتم أعصابه : الله يسلمك ... وينك انته ؟ علي : ف محل ابويه .. محمد : دقايق و بكون عندك .. علي : انزين .... حمدان : وين بتسير ؟ علي : بسير اربيييه هالجلب .... عيل يهد اختيه ف المستشفى بلا حسيب ولا رقيب ... حمدان زخه من جتفه : ما نبا مشاكل ... محمد ظهر و ركب سيارته متوجه ل علي ..... علي وقف جدام المحل عسب يتريا محمد .... و اول ما شاف سيارته ابتسم ... محمد وقف جدامه و خنقه : يالحيييووووان يالجججججلب ..... علي ويهه احمر لان محمد صدق خنقه : مم مـ ح مم د .. محمد خوز ايده و قال له بتهديد : والله ثم والله ان ما حصلناها و طلعت متأذيه صدقني ما برحمممممك ....... علي سكت و نزل راسسه ... . . . . . . . . منى ف خاطرها > حتى السكرتيره غرشوب .... صدق انه راعي سوالف ... : لو سمحتي .. السكرتيره : تفضلي .. منى : ابا أشوف الأستاذ علي .. السكرتيره : بس استاز علي مؤ موجود منى : هي ادري .. السكرتيره : اذا بدك بحجز لك موعد .. منى : اوكيه .. السكرتيره : مين حضرتج ؟ منى : مرته .. السكرتيره فجت عينها على وسعها : معقوله ؟؟؟ منى : امزح معاج بس ليش مستغربه ؟ السكرتيره : ههههه شككتيني ب عمري انا شفت مرتو بس هيا ما بتشبهك بالمرة .. منى ب عصبيه : وين شفتيها ؟ السكرتيره مشت و منى مشت وراها .. دخلتها مكتب علي و الصوره معلقه ع اليدار مجابل طاوله المكتب .. صوره الرسمه اللي راسمتنها بانه ..... و مبروزه ب برواز فخم لونه رمادي ... منى ب غرور : مب حلوه ... السكرتيره : لا بالعكس جميله ماشاءالله عليها .. منى : إيرانية .. السكرتيره : تؤ أمها برازيليه ... منى : صدق ؟؟ السكرتيره : ايوا .. منى : اممم انزين شرايج تعطيني عنوان علي ؟ السكرتيره : اوكيه .. . . . . . . . انا اشتقت ل صوته و قلت بتصل له بس ما برمسه ...... اتصلت له عسب اسمع صوته ...... علي توه نازل من سيارته .... علي شاف الرقم و رد ب وله : الووو ... انا ابتسمت ... علي : عنود وينج انتي ؟ دورتج وما حصلتج ...... ليش ما تردين عليه ؟ تولهت عليج و الله .......... وقف واحد جدامه و شكله أجنبي خال ... علي : تبغي شي ؟ الريال أجنبي عشان جي ما فهم عليه و بدا يكفخه ...... و يظربه لين ما طاح علي ع الارض ... انا سمعت صوت تكفيخ و سمعت صوت شي ينكسر جان يوققف قلبي : علي !!!!!!!!! فون علي طاح ع الارض و انا بعدني اسمع صوت التكسير .... انا بديت اصيح : علي اللہ يخليك رد عليه .... اللہ يخليك .. زايد ظهر من البيت و شاف علي متساند ع السياره و واحد لابس اسود يالس يضربه ... زايد : ايييييييه .... يالككككلللب ..... الريال شرد ..... علي يلس ع الارض و مسك ايده .... يحس انها منكسره .... زايد : علي .... تعورت ؟؟ تعبان ؟؟؟ شو بلاك ؟؟ علي طاحت دموعه وهو صدق متلوم : زايد انا تعباااان والله تعبان ..... اكبر غلطه سويتها ف حياتي اني خليت مرتي بروحها ف المستشفى ...... ودي اشوفها و اتأسف لها .... تولهت عليها والله العظيم .... "حط ايده صوب قلبه" هذا يعورررني ....... زايد : استهدى بالله ولد عمي .... قوم بوديك المستشفى ... علي : ما يحتاي .. زايد : شو ما يحتاي ؟ شفت حالك انته كيف .. علي مسح دموعه .. زايد : يالله قوم و اسمع الرمسه .... طول هالوقت وانا اسمعه يرمس و يبين من بحه صوته انه صدق تعبان ....... قلبي حن عليه بس في شي ف داخلي قال عذبيه مثل ماهو يعذبج ......... زايد شل علي المستشفى و يلسوا يتريون دورهم نص ساعه ....... وعقب طلعت ايده مكسسوره ...... سوو له اششعه ..... و فحصوه من ساسه ل راسه ...... لفوا ايده والساعه 11 ردوا البيت .... . . . . . . . . مريوم ب حزن : تولهت على اختيه .. يزوي حط ايدها ع جتف مريوم : مردها لنا .. مريوم : والله خايفه.. يزوي : من شو ؟ مريوم : خايفه يكون استوالها شي ... يزوي : ان شاء اللہ ما بيصير الا الخير بس خوزي هالافكار السودا عنج ... مريوم تنهدت : اللہ يهديها كيف سارت جيه بدون ما تخبر حد ... رن تيلفون مريوم وحمد المتصل ... مريوم بدون نفس : الو .. حمد : شحالج حبيبي ؟ مريوم : بخير .. حمد : فديت هالحسس .. مريوم طالعت يزوي ... حمد : باجر بني عندكم .. مريوم : اوكيه .. حمد : و بانه متولههه عليكم واايد ... مريوم : سلم عليها ... حمد : ان شاءالله ... مريوم : يالله تآمر بـ حايه ؟ حمد : سلامتج ... . . . . . . . اميه محتششره وٰ شاله البيت ع راسها 24 ساعه تصيح و تدعي ... أبويه حب راسها : يااا ام محمد البنت ما عليها شر ... اميه : شدراااك ؟ أبويه : ادري ... رمستها ... اميه : ابغي ارمسها ... أبويه : ما ترد على اي حد ... اميه : الحين انا اي حد ؟؟ الله يسامحك بسس .. أبويه : مب جيه فديتج ... بس قصدي انه تيلفونها دومه مغلق ... اميه : اللہ يسامحج يا عنود .... . . . . . . . |
اقتباس:
. عيونج الحلوة فديتج تسلمين :blushing: . . |
اقتباس:
. مشكورة غناتي . . |
اقتباس:
. هههههههه فديتج :blushing: موووااه ههه .. |
اقتباس:
. وعليج السلام. . انا بخير ربي يعافيج .. نزلت بارت فديتج و ردج الطر غناتي تسلمين ... . . |
آلسلام عليج شحالج عنود ؟ البارتين رووععه .. و تسلمين فديتج علي : غغبي والله ! حد ينسا حرمته توها طيحت الياهل و تعبانه :/ عنود : مسكينه ، بس الحمدالله يوم هذيج ظهرت مغلطه و تتربا ف عزهم منى : ججلببه خاطري اذبححها لازم تخرب كل شي ! محمد & يزوي : احلى ثنينه ♡ و بس ~ تسلمين حبيبتي و نتريا البارت الي عقبه |
البارت رووعه علي : الله يقومه بسلامه وأتوقع بيعرف مكان عنود. عنوود : أحسها بترجع لأهلها . منى : اووف تقهر انزين الريال مزوج ويحب حرمته انتي شو تبين فيه . ونتريا البارت ع احر من الجمرا |
السلام عليكم ورحمه الله تسلم يمناااج عالبارت علي غمضضضضننننننننني وااايد :'( منى واايد تنرفز ياخي اكييد هييه مطرشه الرياييل يضربون علي العنود لو انه قلبها يتقطع على ريلها الا انه يعيني مكابرها ام العنود حليلها غمضتني ابو العنود احب علاقته ويا بنته وشقا يحبها بانتضار البارت الياي (l) |
البارت الـ20 .. . . . . آحتاجلک وآحتاجلک وآحتاجلک آكثر من آنفاس الغريق الي جهل موج البحر♪~ . . . . . بعد الـ40 يوم .... انا بعدني يالسه ف جميرا و محد يعرف وين انا .... غير كريم و ابويه و كلهم خايفين اللي مطلع اشاعه و يقول اني سافرت واللي يروح كل يوم عند الشرطه و يسأل ........ علي ما يبات ف البيت و كل يوم يسيير فندق فندق ف دبي و يسألهم و يراويهم صورتي الشخصيه ....... بس للأسف ما قدر يلقاني ...... اما حمدان سار عند كريم و قال له ... حمدان : كريم أسمعني ... انا اعرف انك تدري وين عنود ... بس اللہ يخليك قول لي وينها ... "طلع 1,200 من بوكه " *معاش كريم* خذ هاذا .... و عقب ما تخبرني بعطيك بعد ... كريم استانس : اوكيه .... حمدان ابتسم : يالله قول .. كريم : بس انته لازم ما يخبر حد ... حمدان : ما بخبر حد والله .. . . . . . . . مشت هالاربعين يوم وانا احسسسس اني تولهت على اهليه .... و تولهت على ريلي و امي و اخواني .... بس ما باليد حيله ..... فكرت واااااايد و قررت اني أطلق من علي ..... هالقرار وايد بيريحني و بيريح الكل ..... تنهدت من الخاطر و طالعت روضه : فديت اللي كبرت .... فدييييتها ..... طالعت دبلتي اللي ف صبعي و يلست احركها : ان شاء الله ما بندم .... أبويه دق الباب ودخل : صباح الخير ... انا : صباح النور .. أبويه : اشوف القمر عطيني إياها ... ناولته روضه و هو يبتسم و يضحك ف ويهها .. أبويه : تريقتي ؟ انا : هيه ... ابويه : و حبيبه يدها تريقت ؟ انا : هيه ... ابويه حب راسي : يالله عيل انا ياي عسب اصبح عليكم .... انا : وين بتسير ؟ أبويه : عندي شغل فديتج .. انا : اللہ يحفظك .... ظهر أبويه وانا انسدحت ع الشبريه وهي حذالي ..... دق الباب و سارت الخدامه تفتح له .... الخدامه : مدام أنود ... سير حمدان ونت يو .. انا فجيت عيني على وسعها : حمداان ؟؟؟ الخدامه : يس ... حطيت الشيله ع راسي و ظهرت له : حمدان ؟ حمدان ابتسم : وينج انتي تولهنا عليج .. انا : انا مرتاحه هنيه .. حمدان : شحالج شخبارج ؟ انا : بخير ... كيف عرفت اني هنيه ؟ حمدان غمز لي : سر ... انا : لا تستهبل ... حمدان : كريم قال لي .. حمدان : يعني بتم واقف هنيه ؟ انا : حياك ادخل ... حمدان دخل وتفآجأ بـ البنت اللي منسدحه ع الشبريه ... حمدان : منو هاي ؟ انا : بنتي ؟ حمدان : متأكده ؟ انا : هيه .. حمدان : قومي بنسوي فحص DNA انا : شحقه ؟ حمدان ابتسم : انا سمعت غير هالرمسه ....... لبسي عباتج بسرعه .. لبست عباتي جدام عينه و ظهرنا انا وياه .. ركبت سيارته الفتك و سرنا المستشفى ... سوينا فحص و ترييينا لين ما تطلع النتايج ... ظهرت النتايج و حمدان تأكد ... انا : خلاص الحين صدقت ؟ حمدان شل البنت و ابتسم : واااافديتها ...... انا ابتسمت ... ركبنا السياره و حمدان قال : بحوطج ف مردف .. انا ابتسمت له .... سرنا بيبي شوب ..... بس هالمره حمدان هو اللي كان وياي مب علي .... خذ اغراض البيبي كامله .... منز و العاب و كم دلاغ ..... و ثياب ..... حمدان : يالله الحين بعزمج على باسكن .... عسب تحلين ... انا : اقولك من الحين بآخذ أكبر حجم ... حمدان : حق شو ؟ انا : عسب ارضع روضه .. حمدان : عشان رواااضي كل شي يهون ... نزلنا باسكن وهو شل روضه عني ..... خذيت لي ميلك شيك ب الأوريو و أسكريم ب جوكليت أكبر حجم ........ حمدان فج عينه : خييييبه بس بس مب زين ... انا : محد قالك تعزم ..... دفع غصبن عنه و ردني الفندق ...... حمدان ابتسم لي : تصبحين ع خير .. انا : و انتته من أهله .... حمدان ابتسم و سار ... انا ابتسمت له : حمدان .. حمدان صد صوبي .. انا : مشكور .. حمدان : ماله دآعي تشكرين مهما تكون هاي بنت "ب غصه" اختي .. انا سكرت الباب و تساندت عليه : آآه علني ما خلا منك يا حمدان ...... فررررق بينه وبين علي فرررق كبيييير .... رن تيلفوني و مريوم فديتها متصله .. انا : هلاااا... مريوم : يالحيوانه يالخاااايسه يالكلللبببه وينج انتي ؟؟؟ خوفتينا عليج .. انا : ماعلي شر .. مريوم : صدق عنود وينج ؟ انا : ماقدر اقول .. مريوم : صدق انج انتي عنود *يعني عنيده* انا ابتسمت : شحآالكم ؟ مريوم : عن اي حال ترمسين ؟ من يوم ما رحتي وٰ جنه مستوي عندنا عزا ... انا : طمنيهم قولي لهم اني بخير .. مريوم : انزين متى بتردين ؟ انا : باجر ولا ورا باجر .. مريوم استانست : صدق والله ؟ انا : هيه .. مريوم : يالله عيل نترياج .. انا : علي شخباره ؟ مريوم : ريلج ايده منكسره و مووول من متى ما شفناه ف البيت ... انا : حلفي ! شو ياه ؟ مريم : مادري يقولون اضارب ويا واحد .. انا : امممم انزين .. "تثاوبت" بخليج الحين ... فيني رقاد ... مريوم : تصبحين على خير ...... . . . . . . . سوت الريوق اللي هو عباره عن بيض و جبن و عصير برتقال .... و حطته ع الطاوله جدامه ...... ربعت و سارت صوب الحمام و تمت ترجع من خاطرها .... يوم ظهرت قال .. سعييد : حششششى من يوم ما حملتي و انتي ملوعه ب جبدي .. ميره : مب ع كيفي غصب عني .. سعيد وقف بيظهر .. ميره : سعيد .... سعيد طالعها ... ميره : بطلب منك طلب .. سعيد : نطقي .. ميره : ودني بيت اهليه ... سعيد : بفكر ... ميره : الله يخليك .. سعيد : قلت لج بفكر ... شل السويج و بوكه و ظهر .... ميره تمت تصيح على حياتها اللي كانت عايبتنها والحين مب مرتاحه ولا مستانسه ابببدد .... . . . . . . . . . مريوم طالعته نازل هو و يزوي و سايرين صوب طاوله الطعام ....... ابتسمت : صباح الخير .. محمد : صباح النور .. شعندج ؟ مريوم : ماشي ... حرام الواحد يستانس ؟ محمد : ما قلنا جييه .. مريوم : اقولك الصدق ؟ محمد : قولي .... مريوم : عنود اليوم بتيي .. محمد و يزوي : ف ذمتج !!! طالعوا بعض و ضحكوا .... مريم : ههههه هيه يعله ف ذمتيه ... محمد : متى رمستيها ؟ مريم : امس .... محمد ابتسم : فديتها والله من زمان عنها .... يزوي : البيت مب شي بلاها .... مريم : هي والله .... اميه نزلت و ويهها اصفر .... محمد : اميه ليش ويهج جيه ؟ مريوم : امك الاكل ما يطيح ف بطنها ... محمد سار صوبها و مشى وياها ... يلسها ع الطاوله و يلس يأكلها .... حامد نزل : الله الله ... يزوي طاح حظج خلاص الحين دور اميه ... يزوي : هههههه ... حامد حب راس اميه : يالله انا ساير ... تآمرون ع شي ؟ اميه : سلامتك ... مريوم : ويييين ؟ حامد : حمر عين ... مالج خص .... مريوم : اوكيه اوكيه حامد ... بتيييك الحايه .... حامد : لا تحسسيني .... "على صوته" مع السلامه .... . . . . . . . . بو حمد و ام حمد يتريقون ..... بو حمد : باااااانه ..... حمد .... يالله بنتأخر عالعرب .. بانه نزلت و الكعب ف ايدها : انا جاهزه ... حمد نزل وراها و ريحته شاله البقعه ... ام حمد : شعنه متسبح ب العطر جذه ؟ بانه : تراه بيسير يشوف حبيبت القلب .. بو حمد : الله يخليكم ل بعض .. ام حمد : تعالوا تريقوا .... تريقوا و شلو قششهم ... مسكوا خط درب دبي .. . . . . . . . . . . ساره اتصلت ل كريم من تيلفون البيت و قالت له تعال .... لبست فستان طولها لونه وردي .... و شلت شنطتها اللي فيها 20 عسب تطرش الدكان من بيتنا ... غبيشه : وين سايره ؟ ساره : بيت عمي سهيل .. غبيشه قامت : صبري بيي وياج .... غبيشه لبست عباتها و شلت برقعها و شاروا بيتنا .. دخلوا بيت يدي لانه مفتوح ل كل حد .. يدوه توايهها : صباح الخير ... غبيشه : صباح النور و السرور .... ساره : يدوه وين عبود ؟ يدوه : ف بيتهم .. ساره : يالله انا بسير ..."سارت" يدوه : مااا فيها مذهب هالبنت .. غبيشه : شقول بعد ..... عيزت من كثر ما اعلم ... رن جرس البيت و سارت الخدامه تفج الباب .. يدوه : هلا هلا بـ عوشه *ام حمد* شحالج الغاليه ربج بخير ؟ ام حمد : الحمدلله بخير ... يدوه طالعت غانم * بو حمد* : صباح الخير غانم ... بو حمد : صباح النور .... شحآالكم ؟ يدوه : بخير و نعمه ... اقرب .. بو حمد : قريب ... مريوم دشت البيت بدفااشه وهي مستانسه لانه اختها الوحيده بترد .... مريوم بصوت عالي : صباااااااااح الووورد و الفففل و الياسميييين يااااا قدعان ..... يدوه زاعجت : عندنا عرب ... مريوم صدت صوبهم و تيبست يوم شافت حمد يطالعها و يبتسم و حذاله ابوه يضحك و بانه ابتسمت ف ويهها .... على طول أحمرت و ردت على ورا بتظهر .. ام حمد : مريوم فديتج صباح الخير ... مريم سارت صوبهم وٰ هي مفتشششششله و ويهها احححمر : صباح النور عموه ... بانه طالعتها : الا شخبار العرج المصري ؟ مريوم سوت لها ب معنى ماعليه انا براويج .. حمد : وين عمي سهيل و عمي سالم و يدي ؟ يدوه : كلهم ف دواماتهم الا يدك ساير العزبه .. حمد : جان خبرنا كنا بنسير ويا بعض .. يدوه : ترا العزبه يسوون لها صيانه ... وهو ساير عسب يشرف عليهم و يعدلها ... ام حمد : فديتج وديمه عطيني بندول جان عندكم ... ضاربني صداع .. مريم نشت : انا بسير اييب لج عموه .. ام حمد : مشكوره فديتج ... سارت مريوم تييب بندول من عند غرفه الطعام ... دخلت ف الممر و مشت لين الثلاجه بطلتها و شلت بندول و دبه ماي دافيه ..... يوم صدت وراها تفآجأت ب حمد .. شهقت و قالت .. : انت ! شو يابك ورايه ؟ حمد : ابغي أسير الحمام .. مريوم ابتسمت : أونك ما تدري وينه ؟ حمد ابتسم ب خبث : لا مادري .. مريوم أشرت له : هناك الحمام .. حمد مسك ايدها و جابلها : مريوم ... مريوم طالعته : شوو ؟ حمد : بقولج شي من زمان ف خاطري أقوله .. مريم : قول .. حمد قرب راسه و حب خدها ابتسم لها و هي ردت على ورا ... حمد : احبج .. مريم ابتسمت و قالت ف خاطرها > هيييه هذا هو حمد الاولاني اللہ يخليه لي ..... حمد حب خدها الثاني ... يزوي دشت فجأة و شهقت ... من الزيغه كل اللي فـ ايد مريوم طاح ع الارض .. يزوي ردت ع ورا : اسسفه ... السموحه .... "ظهرت" مريم طالعته : الحين بتفضحني ... حمد : شو اسوي انزين انا متوله عليج .. مريم : انا بعد بس مب جيه .. حمد ابتسم : ترا عندي حركات يداد بس مخلنهم للعرس .. مريم ابتسمت و ضربت جتفه بـ الخفيف .... كانت بتظهر من الغرفه بس زقرها حمد ... حمد : البندول ما تبينه ؟ مريوم ابتسمت و خذت البندول و سارت .. . . . . . اليوم اللي عقبه ...... سرت الصالون لأني أيا أغير شكلي ..... صبغت شعري مره ثانيه .... ع اللون الكستنائي ..... "بني فاتح ع برتقالي" سويت أكسجين عسب تخوز آثار التعب ..... و رديت الفندق ...... اتصلت له وقلت .... علي : الو ..... انا : تبا تشوفني تعال جميرا .... علي كان بيرمس بس بندت الخط ف ويهه ... لبست شيلتي .... وانا احس اني مب قاادره أرمسه ..... اذا شفت ويهه بيطيح الحطب بس انا ابغي أعاتبه عس يحس ع دمه شوي ...... ظهرت برا عقب ما وصيت الخدامه ع بنتي .... حطيت ايلاينر و شويه بلاشر ويا روج احمر غامج .... تعطرت و سرت صوب البحر و لمحته ياي ب سيارته الـFj وقف السياره و نزل .... و انا سرت صوبه .... وقفت جدامه وهو يتأمل ويههي جنه مب شايفني من سنه ... عطيته طراق .... و عض ع شفايفه ب قوو .... طالعني بتعجب و عطيته طراق ثاني و رد طالعني ...... قلت له كلمه وحده ... : طلقني ... . . . . . . تتوقعون شو بتكون رده فعل علي ؟ |
| الساعة الآن 05:52 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir