السموحه عالتأخيــر ..
وهذا ..

الجزء الخامس ..

صار الصبح وبعدها طلع الظهــر .. ووقت الغدا الكل موجود على السفرة في بيت اليد ..
عايله قوم بو فيصل وبو سالم وبوحمد من الحريم والرياييل واليهال كلهم الا حصووه وفيصل مش موجوديــن
فارس يطالع شمووه ويقول مستانسه في خطبتج لحميد وانا مولعه قلبي فيج لكن هاي هي الدنيا ياشمه يوم لك ويوم عليك .. لكن انا براويج منو فارس.. طبعا الرمسه في خاطره.
شمووه من الطرف الثاني تشوف فارس وتحس بشي صوبه .. وتقول شبلاه ويهه شاحب ومضعف .. وصاير كئيب وماحد يروم يرمسه والكشره من اول ويهه لين اخرهاا
شمووس عقلها طاير في مانع وتفكر فيه طول الوقت وتقووول اااخ يوم انك خذت عقلي وياك
الكل نش من على الغدا وتموو اللي يالسين شواقه وشموه وشموس وعبود وفهود وحمد .. فارس اتصلت فيه دانه ونش عنهم ولاحظت شماا انه في شي من ورا هالفون
شواقه: انا مايخصني والله ايييييه حمد شوفه اااي فهوود
فهود: رمسي وقولي وينها لا اضربج يالله شوقووه
شموه: اييه فهود فج عنها حرام عليك
فهود: خلها ترمس وتقول وينها
شموه: شو هاا
شواقه: مادري عن شو يرمس
فهود: تعرفين يالله بسرعه بروح انا بعد العصر
حمد : فهوود بلاك مستقوي عالبنياات شو تبا من عندهاا
شواقه: مادري حمد شوفه عور لي ايدي
شمووس : هههههه انزين عطيه
شواقه: مالي مش ماله
فهود: مالج بس انا اللي شارنها
عبود : انزين يعني مالها فج عنها لا انا اقوم واظربك
حمد : والله انا مايخصني فيكم يهال
شمووه: هههه سبووهم
عبود يروح عند فهود ويشل ايديه عن شواقه حبيبته : شو انت ريال عليهم بس انا برمسها عشان تعطيك ماتي البنت بالضرب فاهم
فهود: راونا شطارتك
شواقه: عبود لاتحاول مالي ماريد اعطيه بيخربها خله يشتري له وحده هاي مالتي
عبود : شواقه عشان خاطري
شواقه: بس عشانك انت بعطيه
تنش شواقه تظهر الكاميرا اليديده لفهود وتعطيه
فهود: فديت اختي ويروح يبووسهااا
شواقه: هيه للمصلحه ..
شمووه: انا اقنعتها تعال بوسني
وهني يدخل فارس مع رمسه فهود ..ويتم مبطل عيونه وفاج حلجه من رمسه فهوود وعيونه على شمه
فهود: لا ليش نا اعطيج بوسه قريب ملجتج وعندج ريلج اللي بيمللج من البوسات ..
شموه استحت من رمسه فهوود وعقت عليه علبه الحلاوة اللي عندهاا
فارس: هيه شعليج انتي بتعرسين وخلااص بتنسينااا (يقول هالرمسه من ورا خاطره )
شمووه: لا فارس انا مش جي انا مانســى اهلي واحبابي
فارس: نحن اهلج والا احبابج ؟
شموه تقول بخاطرها شو هالاسئله المحرجه : الاثنين يافارس
فارس بخااطره ااااه معذبتني واريد انساج كيف ماعرف
شموس: فارس اممممم ماودك تاخذنا مول
فارس: بالشوفه فالكم طيب
شموه : انا اريد ايي عاادي
فارس: انتي اول وحده جان تبين
شواقه: واناااا ؟
فارس: انتي ثاني وحده
شمووس : فروووس انا اختك ؟؟
فارس: ههههههههه انتي صفر وحده
الكل : ههههههههههههههههههههههههههههههه

في ايطاليااا
فيصل يزهب الاغراض بيردوون الامارات وحصووه ترمس امها في الفون
حصووه: هيه امي ان شاء الله
ام حمد : يالله عيل حبيبتي ديري بالج على عمرج وعلى ريلج ..
حصووه: ان شاء الله امي فالج طيب
ام حمد : الله يحفظكم يارب ويوصلكم بسلامه
حصووه: وياج يامي الله يسلمج يارب
ام حمد : يالله حبيبتي مع السلامه
حصووه: مع السلامه الغلا
ايي قريبها فيصل ويلس على الغنفه
فيصل: شحالها عموووه
حصووه: الحمدلله تتخبر عنك
فيصل: تبين تردين الامارات
حصووه: هي والله اشتقت لبلادي واهلي والكل
فيصل: هههه خلاص مابقى شي وانرد ان شاء الله
حصووه: فيصل حبيبي
فيصل: امري الغلا
حصووه: استانست وااايد في السفره ؟
فيصلا: اكوون معااج وماستانس ..؟
حصووه: يعني استاانست
فيصل: اكيـــد حبيبتي .. انتي معاي شلون ماتبيني استانس
حصوه: فديت روحك الله يطولي بعمرك
فيصل: فديت اللي يتفدووني .. هههههه
حصوه استحت وروحت عنه تكمل الاغراض..

في الشقه نايمه ريما على الشبريه وحميد عدالها ..
ينش حميد ويطالع الساعه .. اووووووووووووف شو ها ليش للحين نايم الحين امي بتهزبني بتقول وين ومادري شووو يالله
حميد :ريما ريمااا ريمااا نشي اوووف ريمااا نشي يالله بسرعه
ريمااا: اممم حميييييد لحزة انطووور بدي ناام دقيقه بس
حميد : لا دقيقه ولا نص دقيقه نشي بنروح والا برايج كملي رقاد انا بروح
ريماا: لا شووو تتركني .. لحزة بس فوت على التواليت وبدل ملابسي
حميد : لاتتاخرين بسرعه ريما
ريما: تأمر أمر حبيبي
حميد :فديتج والله يالله ركضي
ريما: شوو اركض ههههه يالله رايحه

تروح ريما الحمام (عزكم الله ) ويروح حميد برع يشوف من في الشقه .. يفتح الباب على ربيعه يشوفه مقفووول ويقول اوييه شكله يايب سناء مشكله بعد انت والله ههههه


توقف السيارة عدال باب بيت بوحمد .. يركب فهد السيارة ويتتحرك السيارة وتبتعد عن البيت
فهوود : الله يخليك الحين بتساعدني والا لااا
باسل: مااروم فهد اخافه يزخني
فهوود: بااسل طلبتك انا مالي غيرك افضحه واراوي اهلي
باسل: انزين فهود اهلك ليش ماسالو عنه
فهود: يشوفون امه وابوه اوكي ويتحرونه هو بعد اوكي
(باسل اكبر عن فهوود وااايد وهو يصير ولد عم ربيعه اللي معاه في الصف وباسل انسان وايد طيب وحبوب ويحب يساعد الناس وهو يعرف شقه قوم حميد ويعرف ريماا ربيعه حميد ويتردد عندهم في الشقه بس مايشرب ولا يرابع البنات بس يروح يلعب سوني وورقه ويوم يدخلون البنات الشقه هو يظهر ويوم يشربون بعد مع انه حاول وياهم وايد لكن مايسمعون رمسته ) ..

باسل: امممم خلاص فهود والله عشانك بس بسوي اللي تباه .. ورا باجر يمعتهم وسهرتهم وبصور كل اللي تباه ..
فهود: تسلم والله ماقصرت حبيبي والله انك بتنقذ عايلتنااا ..
باسل: كل خير بنسويه وانت تستاهل
فهود: تسلم خوييه

عند البنات يتجهزن ويتعدلن عسب يروحن المارينا مول اما مريامي ونواري وحمد وفهود ماراح يروحون
شموس وشموه وشواقه وحمد وعبود بيروحون بس ..
شمووه في كشختها طالعه قمر .. فاارس تخبل عليها وبنفس الوقت عصب ..
فارس: شموه مو جنج مكثره الكشخه
شموه استحت واايد من رمست فارس لانها فعلا مزوده هالمره
شمووه: احم خلاص بمسحه
فارس: مب عشاني يا شمه عشانج وعشان رمسه الناس
شموه: رمستك عين العقل السموحه
فارس ااااه ياشمه ليش الحين يعني صرتي طيبه معاي يوم انخطبتي يعني اوووف شو هالحاله
يرن فون فارس
فارس: احم هلا
دانه : هلا وغلا بحبيبي
فارس : اهلين اهلين ذياب
دانه : شو السالفه حد عندك
فارس: هيه والله الغالي مشغول اشوي باخذ الاهل المارينا .. خير الغالي بغيت شي
دانه: امممم يعني اليوم كنا بنظهر مع بعض نسيت فرووسي
فارس: خلاص ذياب اجل الموعد ان شاء الله يوم ثاني ماروم الاهل طلبووني وماروم اقول لهم شي
دانه : لا والله وانا يافارس اووكي خلاص روح مع الاهل وستااانس الله وياك باي
فارس : باااي
سكرت دانه معصبه ليش فارس اليوم واعدنها يظهرون مع بعض والحين يأجل الموعد

فارس: توكلنا
عبود وهو حاير : يالله توكلنا
شمووس : الله بخااطري اكل ماكدونالدز
شموه: هههه اوووف ظهر الزط ههههههه
الكل : ههههههههههههههه

الكل مستانس ويسولف وشماا خذت واايد على فارس وفارس واايد مستانس على شمووه اللي صايرة واايد طيبه معاه ..
عبود يفكر .. اممم منو هااي البنت اللي سمعت صوتها ترمس فارس .. فارس معقوووله انت فارس لا مستحيل

فارس: انزين شماا وبعدين
شمووه: والله فارس اقولك شمووس طاارت من الخووف
شموس: اونج الحين ماخفتي
شموه: لا انا قويه
فارس: هههههههه قويه
شواقه: والله انتي بعد خفتي اشوي
شمووه: هيه بس اشوي مش واايد
شواقه: اصلا الصرصور يوم ظهر خرعناا
فارس: ههههههه في حد يخاف من صرصوور الله يهديكم .. احسن وحده شما ماتخاف
وكان يطالعها من الجامه الصغيرة وغمز لها وهي ماعرفت شو تكون رده فعلها بس استحت ونزلت راسها ..

في بيت بوفيصل ..
بو حمد وبو فيصل وام حمد وام فيصل وبو سالم وام سالم وحمد وسالم يالسين بالصاله ..
بوحمد: والله يابوفيصل ماراح نلاقي احسن عن نورة بنتك لولدي حمد
حمد مستاانس وااايد
بوفصيل: والله ياخوي انا ماعندي مانع وامها بعد وحمد ماعليه رمسه ريال والنعم به
حمد : تسلم خالي
ام حمد : وماعليكم عيل الا تشاوروون البنيه
ام فيصل :هيه ياخويتي وماظني البنت ترفض حمد ماشالله عقل وجمال وزين وكفايه انه ولد عمتها
ام حمد : من ذوقج يا ام فيصل وولدي تراه ولدج وبنتج تراااها بنتي ..

وبعدين راحت الام لبنتها وخبرتها والبنت قالت الشور شوركم والولد ولد عمتي وماعليه رمسه ..
ردت الام للاهل بالموافقه.. وحددو يوم للمجله وقالو بيسوونها عايليه يعني في البيت واهلهم بس ..
حمد اتصل لفارس وهم نازلين من السياره : هلا فارس
فارس: مرررحب ولد الخاله
حمد : مرحب بااجي قولي مبروووك
فارس: مبرووك على شووو ههههه
حمد : خطبت والبنت واافقت
فارس: لا لا مبرووووووووووك مبروووووووك منها العيال ومنك المال هههههه
حمد : ياخي ماصدقت والله استانست وااايد
فارٍس : الله يتمم على خير مبروك حبيبي

في بيت بو فيصل:
مرياامي : من قدج اونج بتملجين قريب
نواري وهي مستحيه : شو نسوي اوامر علياا من اخوج
مريامي :هههه اخوي والا انتي بخاطرج اليوم قبل باجر
نواري: مرياامي عااد
مريامي : حبيبتي والله

فارس يسكر الفون وهو مستانس ..
شموه: هاا رضت نواري
فارس : بسم الله ساحره انتي شو عرفج
شواقه: كلنا نعرف اليوم حمد بيرمس قوم خالي بوفيصل
عبود : وانا ليش ماعرف مب هي اختي
شموس : مسوين لك طااف هههههههه
شواقه: اييه مب مسوين طااف بس مادري هو حمد قالنا
عبود يطالع شواقه : انا بعد بروح اخطب باجر
فارس: ياريااااال لاتحرج البنت
شواقه ميته مستحـى وتقول انا براويك ياعبود تحرجني يدام فارس
شموس : ههههه ماحد بقى غير انا وفارس حليلنااا
فارس: ماعليج انا قريب بعد هههه انتي بتعنسين .. يقول الرمسه ويطالع شمووه ويشوف الملامح تغيرت على ويهها
شموس: بعيد الشر عني بسم الله حرمتك تعنس مش انا ههههه
فارس: تراها حرمتي شلون بتعنس ههههههههههه
الكل : ههههههههههه الا شماا ماتضحــك ..

وهني عبود شل شواقه وروح عنهم .. راح فارس من شموه وشمووس

يتمشوون في المحلات وتوقف بنت يدامهم ..
دااانه : هلا شوااقه حبيبتي
شواقه: هلا وغلا دااانو فديتج
ويسلمن على بعض وابتعد عنهم عبود اشوي ياخذن راحتهن ويعرف انه شواقه تغار ..
دانه : ها عبوود هههه
شواقه: هيه ها هوو لاتطالعين
داانه : هههه ليش اطالع عندي من يموت فيني ههههه
شواقه: هههههه من متى
دانه:من زمان ..المهم شخبارج وشو علومج عساج طيبه وشحال شموه وشمووس ؟
شواقه: والله كلنا بخير شموه وشموس يمشن مع فارس ولد خالتي
دانه قلبها وقف يوم قالت فارس : هيه ماشالله خلاص عيل بخليج تاخذين راحتج والسموحه
شواقه: دااانوه شو بعد السموحه ويا ويهج
دانه : اونه لازم هالرمسه عشانج مع خطيبج ههههه
شواقه: ههه سخيفه يالله برايج
دانه : مع السلامه
شواقه: مع السلامه

دانوووه تقول بخاطرها يعني ياي مع النبات وماتقول لي اوكي يافارس انا براويك

فارس يطالع شمووه وهي تضحك .. يعل مانحرم من هالضحكه..
شموه تلاحظ نظرات فارس وتنزل راسها وقلبها يدق .. شموه تقول بخاطرهاا بلاااني انا من شفت فارس يذووب قلبي وان رمس اتينن يالله شو هاا انا مخطووبه وحرام اخون خطيبي وفارس انزين انا احس بشي صوب فارس اوووف شو ها الحااله..

اشوي والا شموه وشموس يسلمن على بنت و فارس يوم يشوف البنت الا دانه اووف ها ي شو تسوي هني والله ياويلها ان رمست والا فجت ثمهاا

دانه تسلم على شمووه وكان ورا شموه فارس وتمت تتطالعه بنظره انه مو مشكله يافارس.
شموه: داانه متنتي
دانه : ههه شو اسوي الحب وعمايله ههههه
فارس الله يغربلها شو تقول هااي والله ان قالت شي لشما ياويلها
شموس : اوه اوه شو السالفه دااانو تحبين من ورانا
وفارس يبتعد اشوي عنهم عن اتم اطالعه بنظرات
دانوه : هههه يقوولون حبينا مادري ساليهم
شموه: نسال منوو
دانه تتطالع فارس: ههه مادري ..

فارس يأشر على شما تروح له شما : امر ولد خالتي
فارس: يالله امشو مالي مزاج اوقف جي
شمه: فالك طيب فرووس
فارس: فالج مايخيب يا شمووتي
تمت تفكر شما في فاارس وتقول بلاه مستقصد يحرجني .. وتروح تتعذر من دانه ويروحون عنهاا

تمشن البنات مع فارس وعبود مع شواقه.. وكل حد شرا له اللي يباه وبعدين التقو عند البوابه .. وخذاهم فارس لماكدونالدز وشروو كل واحد وجبـه وراحو البيت مستانسين .. واكثر واحد فيهم مستانس هو فاارس..


ان شاء الله يعيبكم ..

ثانكس عالمرور .. والحمدلله عيبكم البارت..