|
اما هادي ما يدري وين يروح ما عنده الا منصور ومنصور الحينه بدبي وين اروح.. ابا حد اشكيله.. يفهمني.. بشو ريال اذا بكل شي يقررون عنه حتى عرسه..!! انا ما راح اخذ غير شوق .. اخذ اميرة معقولة ؟؟ هذي انا ما اباها لو يخلصن كل بنات الدنيا هاي ما اخذها !! دورله مكان يروحله ما لقا ماكو الا اخته لولوة.. اتصل فيها ما ترد اتصل بسلطان وقاله انه ببيتهم(بيت بوخليفة).. سلطان: انت ببيتنا؟؟ انا بميلسكم بروحي هادي: مب ياي وين لولو؟ سلطان: افا تخلي الضيف بروحه في الميلس هادي: سلطان مب فايق لك سلطان:انزين شله معصب اليوم ملجتك المفروض تكون فرحان هادي سكر بويه سلطان.. سلطان قال حق لولوة تتصل بهادي .. لولوة: هلا هدوي هادي: وينج؟ لولوة: ببيتنا عند امايه هادي: ابا ارمسج لولوة: شو عندك؟ هادي: مب بالتلفون لولوة: خلاص تعال البيت هادي: مب ياي لولوة:خخخخ شو اسوي يعني هادي:دخيلج فهميني لولوة:هيه تذكرت الف الف مبروك هادي: والله ان خذتها لاطلقها هادي سكر التلفون.. ولما يئس رد البيت وراح غرفته وسكر عليه الباب.. وبعد صلاة المغرب.. بوهادي: يلا تأخرنا وين ولدج؟ خالدة: ما ادري بوهادي عصب: شو ما تدرين خالدة:من الظهر ما يا بوهادي:اتصلي فيه خلصيني خالدة: من مساع اتصل الجهاز مغلق بوهادي: وين سار انا عاطي الريال رمسة ومب راد فيها خالدة:انت قلتله اليوم الملجة؟ بوهادي: لما ارمس تسكتين سامعة؟ خالدة: انشالله بوهادي:اتصلي في لولوة يمكن عند سلطان خالدة: لولوة وسلطان توهم طالعين من عندي بوهادي: تحسبته ريال ويتحمل المسئولية حتى نفسه مب حامل مسئوليتها خالدة:يمكن بالميلس احمد: امايه هدوي بحجرته خالدة: سير زقره بوهادي:ما بياخذ غير بنت عمته وهالكلام من زمان مب الحينه حاشرنا ابا اعرس والحينه ما يبا اميرة خالدة: ما يبي اميرة؟؟؟؟؟؟؟؟؟؟؟ليش؟؟؟؟؟ بوهادي: تلقينه بياخذ وحده من خايساته والله مب ظاوي الا على اميرة وانا حلفت خالدة: هدي شوي بوهادي انا برمسه بوهادي:انا اللي برمسه الملجة اليوم رضا ولا عساه ما يرضى خالدة: الله يستر بوهادي راح غرفة هادي: اسمع اذا ما تسير ويايه الحينه لا انته ولدي ولا انا اعرفك هادي:ابويه البنت اللي تنغصب ع العرس مب الريال بوهادي واهو طالع: انا بالسيارة تلبس وتعال والريال معطينه رمسة تفهم ولا لا هادي: بشو ريال اذا مستقبلي مب انا اللي احدده ابويه دخيلك بهالزواج راح تظلم البنت بوهادي:انا بالسيارة وملجو.. وبالكويت.. بومحمد:البنات وينهم؟؟ جنهم تأخرو؟ الدنيا ظلمت منيرة:شوق تقول دقايق واحنا عندكم بومحمد: انا بروح الديوانية بومحمد واهو طالع: اتصلو على خالدة وباركولها منيرة: ملجو؟ سارة:اكيد دقت منيرة على خالدة.. وعلى دخلة البنات.. منيرة واهي تكلم بالتلفون:قللللللللللللللللوووووووووووووووووووووووو ش ريم:عاااااااشو العرس رغد:شوقو الف مبروك شوق:جب انتي وياها شالسالفة يما؟ دانة: خخخ يعني ما تدري منيرة:تعالي باركي لعمتج شوق: انا؟ جمانة بصوت واطي: يلا كلمي ام ريلج خخخ شوق: ليش يما؟ منيرة: هادي ملج شوق استغربت:ملج؟ منيرة: اي خذا اميرة بنت عمته شوق انصدمت وركضت لغرفتها .. |
سارة: شفيها ؟ البنات كلهم انصدموا.. منيرة:شفيها هذي؟ شذى يما تعالي باركي لعمتج شذى خذت السماعة.. هادي:امايه ترمسين امنوه؟ خالدة: شوق بنت خالك سالم البنات راحو عند شوق.. ريم: صدقيني السالفة فيها غلط جمانة:خليه يولي اللي باعج برخيص بيعيه بتراب ريم: جمانو جب جمانة: ما قلت الا الصج شوق:طلعو برا طلعو كلهم الا ريم احبك لو بعيد الدار عنك... هادي يدق على شوق ريم:شوقو تلفونج شوق تبجي ريم: شوقو شوق واهي تبجي : لما اقولج ما يحبني تصدقين ريم:........ شوق واهي تبجي:لا ردي علي ريم: اهو يحبج والله يحبج شوق تبجي ريم: شوفي تلفونج ولا عشرين مكالمة منه شوق: ريموه طلعي برا شوق تبجي بجي جنه واحد من اهلها ميت.. ريم ساكتة ما تدري شتقول حتى اهي منصدمة من هادي ومو مصدقة الخبر.. الغرفة ما ينسمع فيها الا شهقات شوق وصوت تلفونها هادي اتصل على ريم.. ريم: الو هادي:وين شوق؟ ريم: ما تبي تكلمك هادي:عطيني اياها ريم: ما تبي تكلمك اقولك هادي: ريمووه ولله اذا ما عطيتيني اياها ياويلج ريم:هادي ما اقدر هادي: انزين حطي التلفون عندها بس اباها تسمعني ريم: انزين هادي: شوقو سمعيني انا ما ابا اميرة مغصوب عليها تفهمين ولا لا وما باخذ غيرج سامعة غيرج ما باخذ والله ان سمعتج تصيحين يا ويلج.. شوقو اميرة هذي انا مطلقنها عاجلا او اجلا وانتي حبيبتي.. محد غيرج بقلبي .. شوق تبجي ومو معطية هادي اي اهتمام لانها تحس انه جرحها جرح كبير ومومصدقته .. وتمر الايام وشوق حالتها حالة من اول ما ترد من الجامعة تنام وما تطلع من غرفتها الا اليوم الثاني وصارت ما تاكل ومعذبة روحها.. طلال:وهذي التذاكر الاربعا احنا بالعين انشالله خالد: شوق واخيرا بتروحين الامارات علي: صارلج جم سنة تحنين خخخخ شوق خلتهم وراحت.. الكل كان يدري ان شوق تحب الامارات وانها كانت تبي تروح من زمان بس محد يدري انها تحب هادي الا البنات.. |
ريم:شوق حرام اللي تسوينه بنفسج شوق:كيفي ريم: اهو قاللج انه مغصوب على هالزواج وما يحب غيرج شوق:دامه يحبني يقص علي ويقولي بقول حق ابوي عنج ويروح يكلمه عن اميرة ريم:شوق بس شوق:لا ويملج عليها بنفس اليوم ريم:انزين هدي شوق: شمعنى اميرة بالذات ريموه اهو جرحني ريم: انتي ما تدرين عن حالته حتى المسن صار ما يدشه شوق:وانا شعلي منه مرته اللي عنده تحاتيه مو انا ريم: شوق!! شوق: ريم هادي هذا انا مسحته من حياتي لا تييبيلي طاريه ريم:جذابة انتي قاعد تكابرين شوق:ريموه عرسه الاسبوع الياي!! ريم:حلفي شوق:يوم الخميس مو 21- 5؟؟ ريم:بتروحين؟ شوق: ريموه مابي اروح بس غصبن علي !! بروح اشوفه معرس على غيري !! ريم:الله يكون بعونج.. شوق: متى كلمتيه اخر مرة؟ ريم:تحاتينه؟؟ شوق: ريموه متى ريم: والله من يوم ملجته ما ادري عنه شوق: ريم دخيلج لا تقولين ملجته يوم عرس هادي.. اميرة مستانسة ع الاخر اليوم يوم سعدها وهادي ما يدري شلون بياخذ وحده غير شوق حتى لولوة مو راضية تفهمه وعبالها حبه اهو وشوق كان سوالف يهال .. شوق و شذى ودانة ومريم راحو مع لولوة حق الصالون والمشكلة انه نفس الصالون اللي فيه اميرة.. شوق:انا قلتلكم ماني ياية شذى: شوق حبيبتي كل واحد بالدنيا ياخذ نصيبه شوق:شذى الله يخليج لا تزيديني دانة:شوقو جذي بيحسون ان في شي شوق:خل يحسون بالطقاق مريم:شفيكم من اليوم تتساسرون؟ دانة:ولا شي مريوم بس شوقو تقول الساعة جم ناسية ساعتها لولوة:الساعة 6 ونص اميرة: مب تأخرتو؟ لولوة: يعني بس بقى شوق وشذى يحطون ماكياج ونسير الفندق اميرة تشوف شوق:لولو خايفة لولوة: عادي حبيبتي كل عروس بيوم عرسها تحس جي عيل شلون بعد شوي اذا كنتو بروحكم؟؟ شوق مقهورة اميرة:انزين حلوة الحنا؟؟؟ لولوة:يا بخت هدوي فيج كل كلمة من لولوة تقطع قلب شوق اميرة:شو رايج شواقي؟ شوق ابتسمت:شحلاتها عليج مريم: واخيرا ابتسمتي صارلج شهرين(مدة الملجة)ما ضحكتي اميرة: شهرين؟؟ ليش يا ربي شوق: سلامتج بس تعرفين الامتحانات اميرة تدري انها معصبة عشان ملجة هادي:اها الله يوفقج شوق بقلبها ليش احر نفسي على واحد ما يبيني واليوم عرسه على غيري..الابتسامة وايد احسن لولوة:شواقي سيري هناك يارا بتحطلج ماكياج شوق:اوكي يارا: ماشالله بدك تصكي ع العروس متل ما تؤولو شوق:هههههه مشكورة يارا:اولي لإمك تئرا عليكي أبل ما تروحي شوق:عاد مو لي هالدرجة انا حلوة خخخ يارا: مش حلوة وبس انتي غرشوبه ههههه شوق:هههههههه كل وحده من البنات كان شكلها احلى من الثانية.. روضة كانت لابسة اخضر وكانت حامل ورافعة شعرها وكان شكلها نااااعم.. وديمة كانت لابسة بيج وكان شعرها الطويل محليها وايد كان شعرها لي ظهرها ولونه اسود فاحم .. لولوة كانت لابسة اسود وعليه شغل بالفضي وكان شكله وااااااااايد حلو ومسوية تسريحة رافعة نص شعرها والباجي نازل على جتفها.. مريم كانت لابسة اخضر نفس روضة وشعرها اللي مصبغته بني رافعته.. دانة كانت لابسة ازرق وشعرها القصير مسويه بف وحاطة اكسسوار شعر وكان شكلها طفولي.. شذى وشوق لابسين نفس الموديل بس الالوان تختلف شذى وردي وشوق اصفر وموديله كان وااايد حلو صاير على شكل طبقات من تحت شذى شعرها لي جتفها وشوق اللي شعرها لي نص ظهرها واللي كانت ناوية تقصه بس لولوة قالتلها حرام لا تقصينه وايد حلو وما قصته ولونه بني فاتح وكانت حاطة اكسسوار شعر ذهبي وشكلها احلى من شذى.. دانة: الحين شرايكم اكتمل الستايل لولوة:فديتج دانوه جنج ياهل دانة: وانا ياهل خخخ لولوة:شواقي اليوم صدقيني بيخطبونج شوق ماهمها احد لان اللي تبيه وتحبه تزوج واليوم اهي حاضرة عرسه!! شوق رقصت على اغلب الاغاني .. ويوم دخلة اميرة الكل ايبب ومستانس واللي دمعت عيونها من الفرحة بس شوق كانت بكل نظرة تتخيل نفسها مكان اميرة.. اميرة كان شكلها وايد حلو والكل كان يسمي عليها من العين..ودخلت على اغنية "يا حسين".. يا حسين هل عندك خبر..اني انا شفت القمر بالارض ما هو بالسما..موجود ما بين البشر اميرة قعدت ع الكوشة والبنات راحو يصورون وياها ويرقصون عندها.. ولما دش هادي دشو وياه الرياييل والحريم كلهم تغطو واولهم شوق ما تبي تشوفه على بشت ويمه عروس غيرها .. واهو يتبسم للكاميرا دمعت عينها بس مسحتها بسرعة .. شوق:حتى ما يستاهل مني دمعة!! واميرة منزلة راسها من الحيا.. بوهادي:هالله هالله فيها هادي: ابشر ابويه بومايد:حطها بعيونك هادي:انشالله خالد: مبرووك المعرس هادي:الفال لك خالدة تبجي من الفرحة هذا بجرها ولازم تفرحله.. قامت موزة(ام مايد) وكلمت هادي بأذونه وشكله تغير بعدين قام وييول شوي بعدين رد وقعد عند اميرة.. شوق اللي تشوف هالمشهد لا شعوريا بجت .. اي بجت كان دوم يقولها ما يعرف ييول وكل ما تقوله خاطري اشوفك تييول يضيع السالفة والحين ييول عندها!! هادي اللي يضحك حق الكاميرا غصبن عنه وعمته حلفت عليه ما يقدر يردها بس عيونه كانت تدور على شخص المفروض يكون مكان اميرة .. شوق راحت قعدت بالغرفة اللي داخل وخلت العرس واهله.. ومو قادرة تسكت مرة تقول انا ليش ابجي اللي باعني ابيعه بس ما تقدر هذا هدوي اللي ما تقدر تشيله من قلبها لو شسوت !! بعد ساعة تقريبا راحو المعاريس حق غرفتهم بالفندق والمعازيم بدو يمشون وبيت بومحمد نامو ببيت بوهادي .. وثاني يوم للعرس الساعة 7 ونص الصبح خالدة ومنيرة بالمطبخ.. خالدة:عاد هالله هالله بالريوق بييون المعاريس يتريقون مريم: لا اله الا الله والله فيكم حيل قاعدين هالحزة منيرة: المعاريس بييون يتريقون مريم:خخخ المعاريس نايمين الحين تلقونهم امس ما نامو والكل كان قاعد الا شوق امس طول الليل ما نامت .. والساعة 10 هادي واميرة وصلو.. خالدة:قللللللللللللللللللللللللللللللللللوش منيرة: الف الصلاة والسلام عليك يا حبيب الله محمد هادي:بس امايه خالدة: هاو شفيك خلني افرح فيك قعدو بالصالة يتريقون .. وشوق واهي نازلة من على الدري طاحت عينها على هادي وهادي شافها.. بهاللحظة كانت خالدة تقول حق اميرة.. خالدة: وكلي ريلج اميرة: شو خالدة: يلا حطي بيض بيدج ووكليه شوق وهادي دارت بينهم لغة العيون كانت نظراتها عتاب ولوم ونظراته نظرات اعتذار بس ما طولو ثواني وردت شوق فوق ما تقدر تشوفه واميرة توكله بايدها |
هادي:اميرة انا بسير عند منصور وبتأخر اذا خلصتي رمسي السايق يوديج خالدة: وين رايح اقعد عند عروستك هادي:اميرة سمعتي؟ اميرة:انشالله طلع هادي ما يقدر يتحمل نظرات شوق ويبي يكلمها بس اهو الحين متزوج وتلفونها كل ما دق عليها تسكر الجهاز.. هادي:منصور خبرني شو اسوي منصور:والله ما ادري مشكلتك انته مشكلة هادي: هي مب قادرة تفهمني اقولها مغصوب تصيح منصور:اكيد مب مصدقتنك انت مخبرها انك بترمس ابوك وبنفس اليوم تملج على بنت عمتك هادي:دخيلك قولي شو اسوي هب بيدي منصور:هادي انته الحينه ريال متزوج وحرمتك عندك انسى شوق هادي:شو انساها؟ منصور: هيه هذا الحق عسب ما تظلم نفسك ولا تظلم حرمتك هادي: انت شو ما تحس!! هاي شوق تعرف يعني شو شوق منصور:انت طلبت رايي وانا قلتلك وعند شوق.. شوق:يبا الله يخليك خلنا نروح اليوم بومحمد:على راحتكم تبون نروح اليوم رحنا شوق:الحين بومحمد:ما تبون نروح دبي تراج من زمان تحنين شوق: لا يبا عندي امتحان عقب باجر وما فجيت شي بومحمد:كيفكم لاني بروح عند محمد بالسعودية وع الساعة 7 المغرب بومحمد ببيتهم بالكويت.. وبومحمد راح حق محمد بالسعودية.. بومحمد سوا حادث بالطريج كان في< جمل> جدامه ودعمه واسبوع كامل بالمستشفى بعدين توفى وخبرو اهله.. غيمة سودا بالكويت مو راضية تروح حالة حزن تعم بيته وحالة عياله تكسر الخاطر وكانت صدمة كبيرة عقب موت فيصل .. مابي اطول عليكم فترة حزن والله يبعد عنا الاحزان .. وعقب هالاحداث باربعة اشهر.. هادي واميرة لما الحين ما بينهم اي مشاعر تبين انهم عروسين بالعكس هادي كان حاقد على اميرة لانها السبب في اللي اهو فيه.. جدام الاهل هادي يكلم اميرة باحترام بس اذا اهو وياها بروحهم ما يكلمها ابدا ومن الصبح يطلع ما يرد الا اخر الليل واذا رد ينام على طول وما يسأل عن اميرة ولا شي واميرة جدام اهله تمثل انها مرتاحة بس تشكي الحال حق امها وامها تقولها عادي الرياييل اول شي جذي ودوم تصبرها.. الساعة 8 ببيت بوهادي.. هادي نازل من فوق وكان بيودي اميرة بيت اهلها واهو نازل سمع امه ولولوة يتكلمون.. لولوة:ماشالله شوق كانت روعة بالعرس خالدة:تدرين جم وحدة سألتني عنها؟ لولوة: اميه حتى انا وايد سألوني عنها خالدة: شفتي ام سعيد كلمتني عشان تخطبها حق ولدها لولوة:صدق؟ خالدة:اي واليوم انشالله بكلم امها لولوة:بيوافقون؟ خالدة:وليش لا هادي طلع من البيت معصب وعزم على انه يروح الكويت سكر جهازه هذا اول شي سواه وراح مطار ابوظبي .. ما لقى طيارة الا الساعة 10 ونص نطر بالمطار وطول الوقت يحاول يتصل بشوق بس ماكو فايدة كل ما شافت رقمه تسكر الجهاز .. دق على ريم واللي كانت مع شوق بالمزرعه بس شوق قالتلها تقول انها مو عندها.. ريم: الو هادي:ريموه وين شوق؟ ريم: انا بالشاليه هادي:ابا اكلمها ريم:هادي خلاص كل شي بينكم انتهى هادي: ريم جب سكر التلفون .. وصل هادي الكويت وعلى طول راح بيت بومحمد وكانو طالعين المزرعه ومحد في البيت .. هادي:كوماري وين بابا؟ كوماري:كله يروه مزرا يجي سااه واهد<<كلهم راحو المزرعه بييون الساعة وحده هادي:انزين انا بالميلس هادي كان ميت يوع وتعبان ع الاخر حاول يدق على خالد بس ما في سيرفيس(ارسال) قعد بالديوانية ومن كثر التعب نام .. |
وبالامارات حالتهم حالة ما يدرون وين اختفى هادي يدقون عليه الجهاز مغلق .. خالدة: اميرة يما ما قاللج وين بيروح؟ اميرة: خالتيه ما ادري هو قاللي اتزهب عسب يوديني بيت اميه خالدة: يا ربي على هالولد لولوة دقي على سلطان خل يشوفه وينه لولوة:انشالله وعدت الليلة على خير بالكويت بس بالامارات الكل خايف على هادي.. الساعه 11 قعد هادي فج جهازه ولا 90 مس كول من اهله و اغلبهم من اميرة.. هادي:خخخخ تحاتيني بعد دق على بيتهم .. هادي:الو لولوة:هادي؟ هادي: هيه لولوة:ياحمار يالجلب ياسلقه يا الثور وينك خوفيتنا عليك.. وتعلي صوتها: اميه امايه هادي: امحق امحق امحق شوي شوي كل ها كيف انتي مربية اجيال لولوة: جب جب وينك؟ هادي: بالكويت خخخخ لولوة: شو؟ هادي: امايه وينها؟ لولوة تصرخ:اميه هدوي يباج خالدة:الووو هادي: هلا الغالية خالدة: وينك الله يهداك خوفتنا هادي:امايه انا بخير خالدة: وينك؟ هادي:عندي شغل بالكويت يومين وراجع خالدة:شغل شنو؟ هادي:اميه ببند الحينه ارمسج عقب مع السلامة وسكره على طول .. ما يبي يقولهم انه ياي يخطب شوق دش خالد الديوانية وكان هادي منسدح ع القنفه يفكر شلون بيبطل الموضوع وشنو بيقول .. خالد واهو يغمض عيونه ويبطلها:بسم الله هادي:اعوذ بالله خالد:هدوي؟؟ متى ييت هادي: امس خالد:ليش؟ هادي: خالد طالبك قول تم خالد: لحظة شفيك؟ هادي: انا يايك من الامارات عسب شي ومب رايح الا اذا خذيت هذا الشي خالد: هادي تريقت؟ هادي: خلود شو فيك؟ خالد: قلت اكيد انك تحلم لانك توك قاعد هادي: خالد ابغيك بكلمة رياييل انا خالد: افا عليك هادي: قل تم خالد:تم هادي: خالد انا يايك ابا اختك خالد منصدم: شنو؟ هادي: ابا اخطب شوق خالد: حق منو؟ هادي: حقي خالد: تبي تخطبها؟؟ يعني تبي تتزوجها؟؟ هادي: هيه خالد:واميرة؟ هادي:الشرع حلل اربع خالد:اهلك يدرون؟ هادي:خالد انا لي ابا اتزوج خالد: والله ما ادري فاجأتني هادي:قل تم خالد:انا ما عندي مانع بس تعرف لازم راي البنت هادي: صدقني موافقه خالد:حتى لو هدوي هذي الاصول هادي: يلا سير اسألها خالد: شنو؟ الحين؟ هادي: هيه الحينه خالد: الحمدلله والشكر اكيد تريقت؟ هادي: دخيلك خالد هذي اللحظة اترياها من زمان خالد:انشالله بس اهي وريموه امس سهرانين تلقاهم ما نامو هادي: ريموه هني؟ خالد: اي هادي بصوت واطي: اوريها هاي خالد: اي صج الحين بيروحون الجمعيه هادي:سير رمسها خالد:انزين راح خالد دش داخل.. خالد:السلام عليكم الكل: وعليكم السلام خالد:وين شوق؟ ريم:فوق تلبس خالد:بتروحون؟ ريم:اي خالد:يما بكلمج بموضوع منيرة:تكلم ماكو احد غريب خالد:يما ريم:انا بروح فوق خالد:لا ريموه قعدي مو قصدي منيرة:شعندك تكلم خالد:يما في واحد متقدم حق شوق ريم تنحت.. سارة:هذي الساعة المباركة قلللللللللللوش منيرة:من ولده؟ خالد:هادي ولد عمتي ريم انصعقت.. منيرة:لا خالد:شنو لا؟ منيرة:ما ياخذها خالد:ليش؟؟!! منيرة:ومرته؟ خالد:يما الشرع حلل اربع منيرة:انا مو موافقة خالد:ليش يما هادي ريال وما عليه منيرة:بنتي مابيها على شريجة انا مجربة ومابيها تجرب سارة:ليش ام خالد؟ منيرة:انا قلت لا وخلاص ريم راحت عند شوق..حرام فرصته بيضيعونها عليه <<تقول بقلبها خالد:يما انزين خلينا ناخذ راي البنت منيرة:قلت لا خالد:عمتي سارة تكلمي سارة:ام خالد كاني انا وياج شرايج وما في احلى منا خوات واكثر والشرع حلل اربع منيرة:بس مابي بنتي تشوف اللي شفته سارة:شنو شفتي منيرة هذا نصيب البنت وبالحلال وشوق تحب الامارات خليها تحقق حلمها منيرة:اي والله بس خالد:بس شنو يما منيرة:ما ادري سوو اللي تشوفونه خالد:يعني موافقه؟ منيرة:شوف شوق خالد:موافقه؟ منيرة:اي خالد:انا رايح حق شوق راح خالد حق شوق وطق الباب.. شوق:تفضل خالد:قوة شوق:هلا خلود ريم ما قالت حق شوق عن الموضوع ريم:انا تحت خالد:والله ما تطلعين ريمووه انتي منا وفينا ريم:ها شوق:شفيكم ؟؟ شالسالفة؟؟ خالد:شوق في واحد متقدم لج شوق:مي؟ خالد:عيل انا؟؟ واهو منا وفينا وابيج تقولين موافقة او لا شوق ساكتة .. هذا اكبر تحدي لها خالد:شوق .. هادي يبيج زوجته على سنة الله ورسوله شوق انصدمت..:مو موافقة قوله شوق مو موافقه وطلعت من الغرفة.. |
| الساعة الآن 07:32 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir