|
بارتت ححلوو شو اقول عنها هااي سلموهه صدق يبالها ككفف هي و فطومم ياخ أي نوع من البشر هايلاا ف انتظارجج |
البارت 26 . . حميد : امايه انا قررت وخلاص ، واحنا مالنا حايه هني ليش قاعدين ؟ ام حميد : غلط ياولدي حميد : امايه شو غلط ؟ ابوي يمشينا ع مزاجه مايبانا نرد عشان ما ينفضح جدامهم ؟ . . انا قررت وخلاص . . الشركة اللي تشتغل فيها مهرة موجودة بالامارات وبنقلها ، وانا عادي بروح هناك وبتوظف ام حميد : وبعدين ، لمتى سوف نبقى على هذا الحال ؟ حميد : امايه ليش تمشين على مزاج ابوي ؟ مهرة : لاننها خايفة ابوي يطلقها حميد : بسبب ابوي انا كل يوم في مكان ادورعلى وظيفة . . بسبب ابوي انا خسرت اللي احبها . .رفع كم قميصه ومسح دموعه اللي أعلنت النزول .. . . . ام سلمى : وبعدين ؟ زايد رفع راسه يطالعها بإحتقار هي وبنتها : شو تبون ؟ ارتحتي الحين ؟ كنتي انتي وبنتج تلفين وتدورين الا تبيني اخذها . . وخليتني ولد الحرام يضيع شرفها . . وتبليتوا علي عشان اخذها ام سلمى : استح على ويهك . . وصدقها امك يوم قالت : تربيتي طول هالسنين ضاعت راحت وما منها فايدة . . وانا اقولكم انه كل هذا من ورا حمدان هو معلمنه جي زايد صرخخ : ججججججججججبببب . . حمدان اشرف منج ومن طوايفج . . خليني ساكت احسن لي . . بدل ما افضحج انتي وريلج . . ويلا طلعي برع من الغرفة سلمى طلعت وسحبت أمها وياها .. زايد قعد على السرير بس انا ابتعدت ووايد بعد . . قال : حبيبي كلهم يجذبون ؟ بصراخ : شو اللي يثبت ؟ قووول ؟ زايد : والله العظيم انهم يجذبون . . تغيرت نبرة صوته . . وانا رفعت راسي . . اجوفه يمسح دموعه . . قال : والله العظيم انني ما سويت كل هذا وانا امسح دموعي وبقوة وحسيت انني جرحتها بأظافري : خلاص انزين . . انا مابا اسمع منك ولا منهم . . ممكن تردني عند اهليي زايد : ممو... قاطعته : شو ارد وياك .. انا تخبلت شو ؟ .. مسكت فوني واتصلت في سسلامة وقلت لها تمر علي .. وطلبت منها هي تسوق وتتي بروحها .. وماتتأخر علي .. طلعت عنه من الغرفة .. ماطاوعني قلبي وانا اسمع صوته وهو ينوح ويصيح .. بس قسيت علييه .. جفت سلمى في ويههي قلت لها : مبروكه حبيبتي ، منه المال ومنج العيال ، وابتسمت بجرح ابتسمت والدموع في عيني ورحت عنها . . . حمدان : انزل اترياك برع زايد : ما اقدر حمدان : بسرعه اقولك زايد : دقايق ونازل زايد دخل وبدل ملابسه ، ولبس له بنطلون جنزز وقميص فراري ، ونزل تحت طلع من البيت من دون ما يقول شي ، جافني واقفه اتريا سلمى على الباب برع ، يا ووقف صوبي .. زايد : بتصدقيهم ؟ كان وايد قريب مني ، جتفي ملاصق جتفه ، تميت ساكته وانا اجوف سيارة سلامة تتقرب ، اطللعته وانا ابتسسم بجرح وبضيج : مبروك يا ريلي ، اعتبر من هذا اليوم انني خلاص صلوا علي ودفنوني زايد كان يبا يمسك جتفي بس انا ابتعدت عنه سرعه وركبت السيارة ، لاحظت انه سلامة انتبهت لكل شي ، بس ما ادريبها لو سمعت .. صرخت : حححركي سرعه سلامة حركت السيارة وهي تطالع الطريج وترد تطالعني ، انتبهت على نظراتها .. : انا عادي اموت ، بس انتي وراج ريل وبنيه وانتي بروحج حامل سلامة بإستغراب : وانتي ما عندج ريل شو ؟ : هه انا ، خليها على الله اختي سلامة : وين تبين تروحين ؟ اردج البيت ؟ صرخت : لاااا مب بيت زايد سلامة : هدي حبيبتي ، انا اقصد بيتنا احنا : وديني البحر سلامة : ان شاء الله وصلنا البحر وانا على طول نزلت ، حتى فصخت نعالي في السيارة ، تقربت وايد صوب البحر وقعدت على وحدة من الصخرات .. سلامة وهي واقفه وراي : شوفيج حياتي ؟ ليش مضايجة جي ؟ وانتي اليوم كنتي اسعد وحدة بيننا مارديت عليها وانا اجوف البحر كيف هادي .. سلامة تكمل كلامها : مستحيل وحدة مننا تحسدج ، مستحيل واحنا كلنا نتمى للبعض السعادة ودموعي تنزل : تزوج علي سلامة شهقت : شوووو ؟ دموعي تزيد : هي تزوج ععلي سلامة : وانتي كيف عرفتي : رحت لهم البيت سلامة : كملي ؟ : قلت لها كل السالفة ، وانا احترق من داخل .. سلامة دموعها تنزل على حالي : تحبينه ؟ : انا ما كنت ادري قبل احبه ولا ، بس كنت وايد اشتاق له ، عقب اكشتفت انني صدق احبه ومن قلبي ، تعرفين كنت بقوله اليوم انني احبك ، انني اموت فيك ، انني اعشقك ، وانا اشاهق : بس طلع حيوان ، طلع ححقير سلامة : ما اقدر انزل لمستواج ، بس اهدي حبيبي : انا مابا حد يواسيني ، مابا حد يشفقق علي سلامة : اهدي بابا اهدي : هذي نتيجة زواجي بالغصب ، طلعت هذي النتيجة سلامة : طلعي اللي بخاطرج ، زيدي صياحج والله بترتاحين بهدوء : انا مثل البحر سلامة تطالعني بصدمة وياتها ضحكة : هههه وكيف نفس البحر ؟ بإبتسامة ضيج : والله انا نفس البحر سلامة : وكيف عرفتي ؟ : جوفي كيف هادي ؟ جوفي امواجه هاديه وايد ومن داخله وصاخه واسماك حلوة ولا ، ومن داخله اسماك تذبحنا وتجرحنا سلامة : وكيف شبهتيه فيج ؟ : انا جي من برع هادية بس من داخلي احترق ، اموت في كل جزء من الثانية ، اصيح واصارخ ، كل هذا في داخلي سلامة : مع انه التشبيه مبالغ وايد ، بس اهم شي لا تكوني دوم هادية ترنن ترنن ترنن ... اطالعها : منو ؟ سلامه : ناصر : زين ردي سلامة ابتعدت شوي : هلا ناصر : اهلين ، مواز عندج ؟ سلامة : هي ، ليش ؟ ناصر تنهد براحه : الحمدلله سلامه : شو صاير؟ ناصر : انتو وين ؟ سلامه : قاعدين جدام البحر ناصر : ردوا سرعه البيت سلامه : أي بيت ؟ ناصر : بيتكمم سلامة : زين ناصر : لا تتأخرونن سلامة : ان شاء الله ناصر : باي ، وسكر على طول : شو يبا ؟ سلامة : يبانا نرد البيت سرعه : أبا ارتاح شوي سلامة : بس هو قال سرعه : شو عندهم ؟ سلامة : علمي علمج ، ما ادري عن شي وقفت : يلا نروح سلامة تقربت ومسكت ايدي : يلا ابتسمت ومشيت وياها للسيارة ، ركبنا وشغلت قرآن وتسوق بهدوء ، وصلنا عند الباب وانا بصدمه اجوف سيارة ريم وزايد : يعني هم هني ؟ سلامة : ممنو؟ بعصبيه : الزفتت زايد وأهله سلامه : ععيب لا تقولين جي ، كوني انتي الاحسن بقهر : يبوني ارد له والله لو تنطبق السما على الأرض ما راده ، لو يقصون رقبتي ما رايحه له سلامة : خليننا نزل ونجوف شصاير نزلت وانا اتأفف ، مشيت انا وياها ودخلنا الصالة والكل يطالعنا : السلام عليكم الكل : وعليكم السلام والرحمه جفت الكل قاعد ، عمومي كلهم وحريمهم والبنات والشباب ، وزايد وأهله وخالته وبنتها سلمى ، قعدت ادور بعيوني ورحت قعدت عند ناصر ، ومسكت ايده وهو رص عليها جنه يهديني ، راحت سلامة تقعد عند البنات لانه محمد قاعد عند الشباب .. ام زايد : ييناكم بسالفه ونبا نخبركم كلكم ، تسمعون مننا احسن من الغير ام خليفة : تفضلي ام زايد زايد يطالع امه وبأصرار : خليني انا ارمس ناصر : ارمسوا تراكم خوفتوننا زايد : *قالهم كل السالفه* الكل شهق بصدمه .. زايد : واحلف لكم انني انا ما يخصني ف السالفه ، هي بروحها دخلت سلمى صارخت : لا تججذب ناصر وقف يبا يروح يضربه ، بس انصدمنا بدخله خليفة والعصبيه مبينه ف ويهه .. خليفة : شو بغيت الحين ؟ ياي تقولنا بسواد ويهكك ، تفل على ويهه : ياي وبكل ثقه انت واهلك اللي ما عرفوا يربوك تقول لنا ، مالت عليك وعلى الساعه اللي واقفنا تأخذ اختي ناصر تقرب منه وضربه بكل قهر وغيض ، محد قدر يوفقه وهم يجوفون الدم ينزف من خشمه .. صارخت : خلااااااصصصص ناصر وقف وهو يطالعني ، وزايد حاول يقوم عمره وخشمه وحلقه ينزفون دمم .. : تقدر الحين تطلع انت واهلك ، وورقه الطلاق اباها اليوم قبل باجر زايد : لا الا الطلاق ، والله انا احبج ومايخصني في شي : زاييي ، ولا مابا اطري اسمك ع لساني اطلع برع بو زايد : سامحني يا سعيد سامحيني يأم خليفة بوخليفة يطالعه بصدمه ومب مصدق اللي صار .. ام سلمى : ترا عقب اللي صار راحوا المحكمة وجبرناهم على الزواج : وشو تبينا نسوي ؟ نحضر العرس ؟ يلاا اطلعي انتي وبنتج سرعععه ام سلمى : صدق انج ما تستحين : خلييت المستحى لج ولبنتج خليفة تقرب من زايد وعطاه كفف بقوة : تقدر تطلع الحين ام زايد دمعت عينها : ما توقعت تكون جي ردة فعلكم نورة : ليش شو توقعتي تكون ؟ نبارك لج ولولدج راشد يطالعها بنظرة عشان تسكتت .. بوزايد مسك ايد زايد ويحاول يمشيه بس زايد يصرخ : احبها والله احبها ، خلوني عندها اباها هي والله اباها : اللي يحب ما يخون ، قلت لك اليوم ورقة الطلاق توصلني ولا والله لاوديك بدواهي المحاكم ام زايد تطالعني بنص عين : ناويه تشتكين ع ولدي ؟ : انا قلت اللي عندي طلعوا من البيت ، وانا تقربت من خليفة وحظنته وقعدت اصيح وانهرت : خخاني الحيوان ، خانني عقب ما حبيته ، ما يستاهل عطيتته قلبي وكسره ججرحه خليفة قعد يمسح ع ظهري : ناصر وين مفتاح سيارتك ؟ ناصر : ليش ؟ خليفة بعدني من حظنه وهو يطالع ناصر : روح شغلها بنطلع : مابا اطلع خليفة : بنتمشى وبنرد طلعنا انا وناصر وخليفة وركبنا السيارة ، ناصر يسوق وخليفة عداله وانا قاعدة ورا ، ناصر مشغل قرآن وهدوء ف السيارة خليفة : بنروح دبي : ما اروم ع الخط خليفة : بنبات هناك كمن يوم وبنرد : خليفة خلنا نرد البيت والله مب فاضيه لشي خليفة سحب ايدي ومسكها بقوة : بنروح دبي خمس أيام وبنرد ، يطالع ناصر : بتروح ويانا ؟ ناصر : لاا : ليشش ؟ ناصر : الحين فكرتي فيني ؟ ولا من ساعه بحظن اخوج وتتمسكين ف ايده وانا عاطتني احلى طاف خليفة : ههههههههه اونك تغار ؟ ناصر : جب انت من زين ويهك ، احمد ربك حظنتك ولا راحت عند وحده من البنات خليفة: كل يوم احمد ربي واشكره على هذي الدبه انقلبت ملامح ويهي بس يبين الحزن ف عيوني : هههههههههههههه عيل جي انا بخقق ، وبعدين انا مب دبه تعال جوف جسمي بعد ناصر : اصلنن محد دب غيره هو وحرمته خليفة : فديتها والله ناصر يطالعه ورد يطالع الدرب : نعمم ؟ لايكون ؟ بتخون وبتعرس قبلي يالكلب خليفة : والله طحت ف هواها : متخشع ف الحب اخويه ناصر : أي خدامة ولا خدامتكم ؟ خليفة : لا حبيبي انا اعشقها بنت بلاد ناصر : وين جفتها وانت حياتك كلها هناك خليفة : افهمها عاد انا حبيت وحده من هناك ناصر يتصل ف خدامتهم : صبر شوي ، يرمس الخدامة : اقولج طلعي لي خمس كنادير وخمس جلابيات وخمس بدل خدامة : ليش كلو هزا ؟ ناصر : بسرعه وانتي ساكته ، وبعد طلعي جرج الايفون والبلاك بيري ، وبتجوفين ع الطاولة ساعه وطلعي جوتي ونعال خدامة : بابا انت سافر ؟ ناصر : لا يالله دقايق وبمر تكوني برع خدامة : زينن ناصر سكر عنها .. : ليش كل ها ؟ ناصر : لازم نكشخ ، عيد لاهه بنجوف الغزال ف دبي : مالتت خليفة : مر عيل بيتنا بنزل ارتب اغراضي لانه ما احب الخدامة ناصر : انا عكسك هي تخلص اغراضي خليفة : بخلي كل ها للغزالة اللي باخذذها : بس ججب ذليتونا بالغزال آخر شي خدامة اندونيسيا شارده خليفة وناصر : ههههههههههههه : يالله عيل مر بيتنا بعد برتب اغراضي دخل فريجننا ووقف جدام بيتنا ، جفت السيايير خفت اكيد روحوا ، تنهدت بضيج ونزلت عنهم .. ناصر : ودي اذبححه الحيوان خليفة : زين ما طاح علينا ولا استوابه شي من ضربك ناصر : يستاهل واكثر بعد خليفة : اللي معور قلبي اختي اللي عمرها 17 سنة بتصير مطلقه ناصر صارخ ودقق السكان بإيده بقوة : حيواننننننن ، ******** ، ******* خليفة يغمض عينه ويرد يفتحها : كله من ابوي كله منه هو اللي غصبها هو اللي غصبها ع الزواج ناصر بعصبيه باينه ف ويهه وايده ترتجف : والحين شو الحل ؟ بنتي بتصير مطلقه ؟ الناس كلها بترمس عنها ؟ خليفة بقهر يفتح الباب ويسكره بقوة ، نزل وراه ناصر ودخلوا داخل ، جافوا امايه وحريم عمومي كلهم قاعدين : السلام عليكم الكل : وعليكم السلام ام خليفة : امايه خليفة تعال اقعد كل لك لقمه ، اكيد تعبان من الدرب خليفة يطالعها بلووم وضيج : مابا شيي ام خليفة : لا تضايج ف روحك كل شي تراه مكتوب ناصر : يرضيج بنتج مطلقه وعمرها 17 سنة ؟ ام خليفة : وانا شو بيدي اسوي ؟ اخوك هو اللي قرر وعقب قال لي خليفة : ألومج وياه لانج ما دافعتي عن بنتج ، لانج ما رمستي وانتي تجوفين بنتج الثانيه تغصبونها ع الزواج ام خليفة : ما كنت ادري انه بيصير جي ؟ قلت يمكن حالها يكونن نفس اختها ناصر : والله لو اجوفه لاذبحه ، يصارخ : يرضيييكم بنتتتي تصييير مطططلقه ؟ هههاااايي بننتتيي خذههها ****** وانتووو لللححيين ساككتيينن ام شيخة : ععيب يا ناصر ما يصير تقول هالكلام ناصر : والله لو اجوفه لاذذذبحه ما اخلييه يعيش دقيقه وحدة خليفة : لاقطعه بأسنانني وافره للجلاب بس ما علييهه انا براوييه ناصر : على باله بنسكت عنه نزلت عندهم وانا في ايدي شنطتين ملابس بحزن : خليفة انا رتبت لك ثلابك وثيابيي بعد ام خليفة : وين رايحه ؟ ، تطالعهم ودموعها ف عيونها : وين بتروحون ؟ لا تاخذونها وياكم خلوها عندي خليفة خذ عندي شنطة وفي ايده الثانية مسك ايدي : يوم بتحسين فينا وبقيمه عيالج ان شاء الله بنرد ، احنا مب لعبه عندكم تغصبوا البنات جنكم ف زمن الجاهليه طلعنا كلنا وان اسمع امايه تزقرنا ، ركضت ورانا للحوي ، قلبي ما طاوعني اخليها ف هالحال بس خليفة يسحبني معاه ، طلعنا وركبنا السيارة وتوجهننا لدبي .. . . . ام زايد : صدق انها قليله الادب بوزايد : اللي صار مب شوي ، جوفي رده فعلج كيف كانت ، لا تنصدمين منها ولا من أهلها ام زايد : بس تطردني ، تعرف انا الحين وايد مستانسه انه خذاها وبعد يوم الجمعه اليايه بسويلهم الحفله بوزايد : ماشي حفلة وبعدين انا الحين وي اودي ويههي من سواد ويهه سلمى دخلت الصالة وقعدت عندهم : انا مابا حفله ولاشي ام زايد : ليش يا امييه ؟ كل بنت تبا تستانس بوزايد بعصبيه ووقف : انتي متى بتفهمين ؟ ولدج خذاها عشان يسكت الناس مب حببا فيها ، وراح عنهم . . . خليفة دخل الغرفة وانسدح ع الشبريه : شحالج ؟ : الحمدلله ناصر يدخل الغرفة ويتصنع العصبيه : انتو هني ؟ ليش ما تقعدون عندي ف الصالة ؟ ولا من يرد خلووف تنسيني خليفة قعد ع الشبريه : يالله ع الغيره ، الحين اخو واخته انت ليش ترز فيسك ؟ ناصر : جب انته وبعدين بقولج سالفه : قول ححبيبي ؟ ناصر استحى : لا عاد جي انا ما بقدر أقول شي خليفة : من هالكلمة استحيت ؟ انا تصبح وتمسي علي بكلام يذوبب ناصر : اححلف ؟ : والله جذاب ، يالله قول ؟ ناصر : الاهل بيسافرون بعد يومين ما بتروحين وياهم ؟ خليفة : والحين يقولون ؟ : رمستني نوير وقالت لي ناصر : بتروحي ؟ احجز لج ؟ هزيت راسي بلاا.. ناصر : ليييش ؟ : مابا اروح نفسيتي داونن ناصر : بتعتدل ان شاء الله ف السفرة : مابا خليفة : انا ببحجز لج ، واذا ما تبين تروحين وياهم بنروح احنا الثلاث أي دولة ثانية : قلت مابا ناصر : على راحتج خليفة : امايه ترمسني : وشو قالت ؟ خليفة : تقول متى بترد اختك ؟ كملتوا ثلاث أيام ف دبي : رمستني وقالت لي نفس الرمسه ، بس خلوني اتم هني اكثر ، أبا ابتعد عن الكل ناصر : الا مني صح ؟ عاد جي انا استحيت وذبت بعد خليفة : ججب جب ، اونه ذاب وابوي عليك انا أقول ناصر : ارمس عدل لا ارفسك الحين ، انا عمك مب واحد من ربعك : يا جماعهه هدووا ناصر : يلاب نطلع قوموا تلبسوا : انزين خليفة : لا تأخرينا : زين طلعوا برع أبا ابدل خليفة وناصر بإبتسامة عرييضه : تامرين امر ، وطلعوا عني .. وايد استانست ، احبهم وايد ربي لا يحرمني منهم ، قمت وطلعت لي بنطلون وقميص وعباة مفتوحة ، بدلت ع السريع ، وقعدت ع الكرسي اعدل شككلي ، بودره جحال قلوس بلشر ، ولبست ساعة آلدو وتعطرت ، ولبست عبايتي وششيلتي وتحجبت عدل وطلعت برع ، جفتهم قاعدين ف الصالة وكل واحد ع فونه ، حبيت وايد اشكالهم كانوا مطقمين ف اللبس ، وانا تساندت ع الباب اجوف اشكالهم ، لابسين بنطلون برموده وقميص كاتت فيه وايد الوان متداخله ع بعض ، وكل واحد رافع شعره على ورا ولزوم الخقة شعرهم طويل شوي ، وجوتي سبورت نايتت وطالعه اشكالهم تذووب الواحد .. ناصر قطع تفكيري : لهذي الدرجة احنا جميلينن : ربي يحفظكم خليفة : تعالي اقري علينا من الحسد رحت صوبهم وهم قاعدين ع الغنفة وانا قعدت على الطاولة الجدامهم ، وقعدت اقرا عليهم وجي من الحسد ... ناصر : انتي من صدقج تقرين علينا المعوذاتت : هي بعد شو الناس ما تقول ما شاء الله خليفة : يبالنا صورة : اكيييد ناصر وقف وقوم خليفة : قومم نوقف : دقايق ، رحت الغرفة وطلعت الكام ورديت عندهم ، وقفوا على صوب وشوي من حركاتت الشباب صورتهم ، وقعدوا على الغنفات وع فوناتهم وصورتهم ، وهم يطالعوني وواحد يغمز والثاني مبتسم وصورتهم ، نزلت الصور كلها ف قروب البنات ، وحطيت احلى صورة ف بيبي ام والثانية ف الانستقرام .. ناصر : خذيها وياج : ليش ؟ خليفة : صورينا هناك : ما اروم امسكها ، أخاف انساها ف مكان خليفة : مسكيها شوي وعقب دخليها ف شنطتج ولا عطيني انا بمسكها عنج : اوكك يالله ننزل ركبنا السيارة وطرشت لهم الصور ، ورحنا إمارات مول وناصر مشغل اغنية في بالي .. . . . حميد : امايه انا حجزت وبعد ثلاث أيام السفرة ام حميد : لماذا تفعل اللي برأسك دوم ، وانا اتحمل النتايج عقب حميد : ما بيصير شي ومب لازم ابوي يدري ام حميد : في النهاية سوف يعلم بكل شي حميد : جهزوا ملابسكم ما شي وقت ، وقولي لبنتج ترتب اغراضها من اليوم مهرة : انزين حميد : انا طالع وما بتأخر ام حميد : إلى سوف تذهب ؟ حميد : بتمشى شوي وبرد ام حميد : طمني عليك حمي : ان شاء الله . . . بوعبدلله : والله هذي الساعه المباركة بومكتوم : رمس البنيه وأهلها ورد علينا عقب بوعبدلله : ان شاء الله بومكتوم : ما بطول عليك وايد بوعبدلله : مع السلامة ، وسكر ام عبدلله : شو يبا منك ؟ بوعبدلله : يبا ولده مكتوم لبنتنا نورة راشد : ترمسون جد ؟ ههذي الخبلة شو يبا فيها ؟ بوعبدلله : منو قال انه بنتي خبلة ؟ محد غيرك انت وحرمتك وعيالك بعد راشد : هدي الوالد بوديهم كلهم مستشفى الامل ام عبدلله : وانت شو قلت ؟ بوعبدلله : رمسي البنت ، وقوليلها ترد علينا بسرعه ام عبدلله : ليش ؟ خلوها تفكر ع راحتها ؟ بوعبدلله : يبا تمم الخطبة قبل السفره ام عبدلله : البنت ما بتطييير بوعبدلله : من ترد على طول الملجة وعقب بيحددون العرس ام عبدلله : برمسها وبجوف ردها راشد : خليها تصلي استخارة ام عبدلله : ان شاء الله . . . ترنن ترنن ترنن .. خليفة عطاني الفون : رديي : انت تخبلت خليفة بابتسامه : هذي امل : رد عليها انت خليفة : اقولج ردي رديت : هلاا بصوت خشنن : منو انتي ؟ نقزت وحطيت سبيكر : انت اللي منو ؟ ووين امول ؟ رد يرمس : يعني انتي ربيعتها ؟ عرفت انه شاك فيها وحمدت ربي انني انا اللي رديت ولا بتروح في داهيه : لا اختك مثلاا رد : مب متفيج لسخافاتج : ولا انا رد : انتي منو تكونين ؟ : شرايك اطرش لك صورة الجواز والهويه ؟ عطني اموول امل : خلود بس عرفت انها ربيعتي ؟ يلا عطنني خالد : ربيعتج وايد سخيفه : مب اسخف منك خليفة يرمسني بشفايفه : خلاص سكري خالد : ضحكتيني وانا مافيني ضحكه : ما طلبت ، بعدين برمسها يلا فارج ، وسكرت في ويهه ناصر : ليش ما خذتي رقمه بعد ؟ : انا ما احب حد يرمسني جي خليفة : امايه ردت ترمسني وتقول لازم تروحين وتردين البيت ، باجر ملجة هزاعوه ولا نسيتي ؟ ضربت راسي بايدي : اوووه والله نسيت ناصر : عندج شي تلبسينه ولا بتاخذين من هني : لا خلوني اخذ من اهني ناصر : يالله عيل ، عشان عقب بندخل سكي دبي خليفة : تذكر قبل ههههههههه أيام جميلة والله : شوشو ؟ انا أبا اعرف تمشينا وهم يقولون سوالفهم ويوم يكونون مع الربع وخبالهم ، وانا اتمشى وطايره من الوناسه ، بس بعده زايد في قلبي وعقلي .. . . . ونتريا ردودكم ! |
السلام عليكم ؟ شحالكم ؟ السموحة لو كان البارت قصير ! حبيت اقول لكم انني ما ادري متى بنزل البارت اللي بعده ، يعني يحتاج وقت لانني بديت ادخل ف الاحداث المهمة ، وحبيت اقول لكم تعليقاتكم على عيني وراسي بس اباكم تكتبون عن الشخصيات وتوقعاتكم تراها تونسني وايد ، واذا ما حصلت ردود السموحة انا بوقف الرواية ، لانني مرات احس محد يهتم فيها وانا اكتب واقعد في الساعات جدام اللاب عشان انزل وارد امسح احداثث واكتب غيرها المهم تنال اعجابكم ، المهم ان شاء بحاول انني اكتب البارت وانزله سرعه لعيون على هونك ، هذي الانسانه تسعدني ف تعليقاتها وان شاء الله الاقي الكل ، والله كل اللي يردون علي استانس بتعبيقاتهم ، بس هذي من تقرا تكب رايها وتعبر ، وشكرنن ! |
نايسس بارتتت هاي سلموهه بذبحها هي و امها يقهرونن ياخخ حرام موازز اللي يصير فيها م تستاهل وزايد مظلوم وانا متاكدهه من هالشي مستحيل هو يسوي جي بس لو يقدر يفهم موازز و يطلق المعفننه احسنن له |
نااااايس بآرت. مواز : حرام الي يصير فيهها . زايد : حليلهه مظومم وانشاءاللهه يقدر يفهمم موااز وعاد انشاءاللهه تفههم هالعنيدهه , وشسمهه يطلق هالعلهه سلموهه. سلموهه وفاطمهه وامهاا : كرهتتهن بزيااده. نورة و مكتوم : اللهه يخليههم لبعض. تسلمييين نترياا الي عقبهه ولا طوليين.. |
| الساعة الآن 03:32 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir