|
في انتظارج الى مايبون الروايه ترا نحن نباها |
اقتباس:
هههههه مشكوره حبيبتي على ردج الحلوه |
البارت الخامس عشر شيخة : يزوي بتين وياي يزوي: وين شيخة : الجمعية يزوي : لا مب متفيجة شيخة : ايه لا عن السخافة ما بسير ويا ذياب بروحي يزوي : ليش ؟!!!! شيخة : بس جيه يزوي : صدق اكلمج ليش ما تبين اتسيرين وياه !! شيخة : تدرين أني سافرت بسبته و انا قد ما اقدر أحاول إني ما أحتك وياه يزوي: سامحيه ترا ف هذاك الوقت كان طايش شيخة : كيف تبيني أنسى اللي سواه , جرحني وايد و أنا كنت توني 15 حتى ما فكر إني يمكن أتأثر و انا ف ها السن يزوي: كيفج والله أنا مب سايره شيخة : أووووف منج سارت تتجهز , قررت تلبس قميص أحمر و بنطلون أسود و لبست سنسله ف ريولها لأن موديل البنطلون يكون قصير شوي , لبست فلات أبيض , حطت بودر و روج , لبست عبايتها و خلت الشيله على جتفها , خذت فوناتها و نظارتها و طلعت من الغرفه , اتصلت ف عبود عبود : هلا والله براعية ها الصوت شيخة : هلا فيك , اقول عبود : قولي شيخة : ذياب وينه عبود : ف موتره يترياج شيخة : اها , انزين تعال وياي عبود : تعبان والله , فيني رقاد شيخة : انزين خلاص باي عبود : باي شيخة : أووف أمري لله لازم أسير وياه طلعت من الشاليه و سارت صوب السيارة , فتحت الباب اللي وره و ركبت شيخة : السلام عليكم ذياب : و عليكم السلام , ليش يالسه ورا شيخة (رفعت حاجب ): عيل وين أيلس ذياب : جدام بعد وين شيخة : لا مرتاحه أهني أكثر ذياب : تعالي يلسي جدام , حد قالج إني دريولج شيخة : خلاص قلت إني مرتاحة ذياب : مرتاحة عيل ها (نزل من السيارة و سار صوبها , فتح الباب وشلها) شيخة : ذياب نزلني أحسن لك ذياب(يشوف عيونها ): لو ما نزلتج شو بتسوين شيخة: بصارخ , نزلني شوف الناس كيف يطالعون ذياب: و أنا شو يخصني فيهم (فتح باب السيارة اللي جدام و هو شالنها و يلسها داخل و بند الباب و رجع مكانه) شيخة : سخيييييييييييييييييييييييييييييييييف ذياب : أدري شيخة : تقهرررررررررررررررر ذياب :أدري شيخة : بااااااررررررد ذياب :ادري شيخة : ودي ـأذبحك ذياب :أدري شيخة : ما عندك غير هالكلمة ذياب :أدري شيخة (عصبت): أووووووووف (وصدت ويها الصوب الثاني) الأجواء ف السيارة كانت هاديه , الإثنين ساكتين و كل واحد سرحان ف عالمه ذياب : يالله وصلنا شيخة :.......... ذياب (قرب صوب اذنها وقال): شيخة وصلنا شيخة حست جسمها استوى حار من هالموقف لأن ذياب كان جريب منها وايد شيخة : أوك (و نزلت على طول) ذياب : بلاج مستعيله شيخة : مب مستعيله بس أبا أخذ الأغراض و أرد الشاليه ذياب : أها خذت شيخة سله و يلست تأخذ الأغراض اللي تباها , من حلويات و شبس و عصاير و كريمات و شامبوهات و ذياب كان حذالها يطالعها بصمت شيخة : اممممم شو بقى بعد , هيه صح عبود قال يبا حب و سيف يبا نوتيلا و فرولة و مايد قال يبا ردبول و أورنامين حقه و حق منصور , وبس ذياب : و انا شيخة : شو أنت! ذياب : ما قلتي شو أبا شيخة (ارتبكت من قربه ): اااا ما قلتلي شو تبا و بعدين تراك ياي ف أكيد بتاخذ اللي تبا ذياب : أبا على ذوقج شيخة: يمكن ما يعيبك ذوقي ذياب : دام أنتي عيبتيني أكيد ذوقج بيعيبني (قال الجملة بدون ما يحس بعمره ) شيخة (منصدمه): هاااااااا ذياب (حس على عمره ) : سلامتج (وسار ياخذله اللي يبا و رد عند شيخة ) خلصتي ؟ شيخة : هيه ساروا صوب الكاشير علشان يدفعون الكاشيره (وهي تحسب الأغراض ): you are so cute شيخة:Thank You الكاشيره : Are you married to this beautiful girl شيخة حست بحراج و سبت الحرمة سب ف خاطرها ذياب (ابتسم): Yes شيخة اطالعته بصدمة و هو ابتسم ف ويها , بعد ما خلصوا ركبوا السيارة , والهدوء كان سيد الموقف ذياب :احم اتجاهلته شيخة ذياب : شيخة شيخة : هلا ذياب : أبغي أكلمج ف موضوع شيخة : أتفضل أسمعك ذياب : ما ينفع ف السيارة شيخة : عيل ؟ ذياب : بننزل ف مطعم شيخة : لا مب وقته وايد تأخرنا ذياب : وين وايد الا هو ساعة , عيل بتلاقى وياج صوب البحر اوكيه شيخة : اوكيه وصلوا الشاليهات و نزلوا , دخلوا مع بعض شيخة +ذياب : السلام عليكم الكل : وعليكم السلام مايد : وصلتوا يالمعاريس يزوي : ما بغيتوا أتون سيف : ها كله جمعية عبود : أكيد سرتوا تحاوطون يالخونه ذياب : خيبة خيبة كلتونا شيخة : ما يسوى علينا , المهم يبتلكم اللي توبنه , يود مايد هاي أغراضك و اغراض منصور مايد + منصور : مشكورة شيخة :العفو , و هاي أغراض سيف سيف: Thank You my beautiful girl شيخة : هههههه NO need و هاي اغراض عبود عبود : مشكورة فديت قلبج شيخة : العفو يزوي : و أناااااااااا ووووووووووووووووووين اغرررررررررررررررررررراضي شيخة : بلاج اتصارخين افف , أغراضج مع أغراضي يودي وديهم فوق يزوي: هيه أتحرا بعد (وسارت فوق) سيف : شو ها الظلم ما خذين حقكم أكثر شيخة : والله طرار و يتشرط و ثاني شي مب كله حلويات و أجباس, نصهم كريمات و شامبوهات و صابون و من ها السوالف مايد : خيبه خيبه ها كله حق اهني قلنا نظافه عاد مب جيه منصور : هههههههه عادي أنزين ما تعرف سوالف البنات يعني شيخة : أقول جب هاا , يود يالذيب هاي أغراضك ( طبعا يوم قالت الذيب ما أنتبهت على عمرها) عبود : اويه سمعتوووووووووها شو قالت مايد : هيه شخباري سيف : تحيدون هالكلمة أيام شيخة : بسم الله أي كلمة عبود : الذيب شيخة : ليش منو قالها !! مايد : أنتي شيخة انا!!!!!! سيف : هيه بعد شو منصور : شو سالفة ها الكلمة شيخة حست بأحراج لأن من بعد السالفة ما قامت اتقول هاي الكلمة مايد : الله يسلمك هاي الكلمة كانت شيخة دوم اتقول حق ذياب منصور(باندماج): ليش !!! ذياب (شاف شيخة ): لأن كنا وايد ويا بعض سيف : و لأن نحن دوم نلعوزها ف ذياب يكون المنقذ منصور حس بغيره : اها عبود : بس مادري ليش ماقامت اتقول له الذيب مايد : حتى ابتعدوا عن بعض وايد سيف : يعني الحين يوم اتشوفهم ما تقول أن قبل كانوا وايد ويا بعض منصور : إنزين ليش ما تقوليله الحين الذيب ؟ شيخة : خلصتوا فلسفتكم , محد له خص فيني أقول له ولا ما أقول , بعدين مافي إنسان يتم على حاله ,و اعتقد إني كبرت ما عدت شيخة الصغيره (وسارت عنهم ) ذياب : يعني أنتوا ما ترتاحون إلا إذا ضايجتوبنا (وسار عنهم) عبود: أوويه بلاهم هذيل منصور : ليش عصبوا سيف : مادريبهم مايد : اصلن هي من قبل ما أتسافر بأيام اتغيرت و ابتعدت عنا كلنا منصور :اها سيف : خلاص صكوا على السالفه ------------------------------------------------------ صوب ذياب ذياب : ههههه من زمان ما قالتلي الذيب , شو ذكرها ف هاي الكلمة , اااه محلاتها يوم تطلع من شفايفج , اااه وايد اشتقت حق أيامنا يا شيخة , كنتي قريبة مني وايد بس أنا الغبي ضيعتج من أيدي علشان إنسانه خايسه , استغفرالله العظيم (شاف ساعته و كانت تشير إلى 7 و نص ) باقي نص ساعة علشان نتلاقى ------------------------ شيخة : تدرين يزوي شو صار تحت يزوي : شو!!! شيخة : بعد ما وزعت الاغراض عليكم ييت بعطي ذياب اغراضه جان اقول الذيب ( وخبرتها شو صار) يزوي: أووووويه شيخوووووو ذكرتيني ف هذيج الأيام شيخة (تنهدت) : خليها على الله بس (شافت ساعتها و كانت شوي و بتصير 8) ششتتتتتتتت انا لازم أروح الحين يزوي : وين !!!!!! شيخة : شوي و برد يالله باي يزوي : باي نزلت شيخة تحت و طلعت من الشاليه و سارت صوب البحر و شافته واقف شيخة : احم سوري تأخرت ذياب : لا عادي أصلن انا توني واصل شيخة : اها, انزين قول شو كنت تبا ذياب : تعالي نتمشى و بخبرج شيخة : ذياب ذياب : لا تخافين ما بسوي شي ,أدري كرهتيني بعد اللي سويته فيج يوم يت بيتكم شيخة : أصلن نسيت , يالله قول ذياب : أباج تسمعيني للآخر و ما تقاطعيني شيخة : أوكيه ذياب : تحيدين قبل سنتين يوم كان عمرج 15 و أنا كنت 20 شيخة : هيه ذياب : يوم يتي و خبرتيني عن عنود (حبيبته القبلانيه) إنج شفتيها ويا واحد ف المول و يتي خبرتيني و أنا ما صدقتج و تضاربت وياج شيخة : حتى قلتلي شي لين الحين أتذكره ذياب : و اللي هو : أدري إنج تغارين منها لأنها أحلى منج و لأنها حبيبتي و إنتي ما عندج حد يحبج أو يباج, قولي إنج حاطه عينج علي و تبين اتخربين علاقتنا شيخة : و انا كان هدفي بس إني أخبرك إنها تخونك ذياب : و بعدها واجعتج وايد شيخة : هه و هني أنا ما قدرت أتحمل كلامك و سرت البيت و أنا ميته من الصياح , خليتني ما أثق ف حد , و قررت أبتعد عن كل شباب العايله لأنك قلتلي إنتي ما عندج سند ف الدنيا ما عندج أخوان , و قلت نحن نشفق عليج بس , و بعدها بيومين قررت أسافر و أمحي الماضي و خبرت أبوي و وافق على طلبي و حتى قبل ما أسافر ما ودعت حد فيكم و فاجئت الكل بقراري ذياب : تدرين من سمعت الخبر حسيت بندم كبير , تميت أدعي على عمري لأني سويت فيج شي بس تذكرت كلامج عن عنود ف حسيت بكره اتجاهج بس بعد أسبوع و أنا طالع ويا الربع شفتها ويا واحد و ماسكه ايده و تتدلع, حسيت بقهر لأني ما صدقتج و سويت فيج جيه , خليتج تتألمين , بعدها ندمت وايد , كنت أخذ أخبارج من أبوج بس بدون ما أحسسه بشي , وحتى يوم قلت انها احلى منج كنت ادري إنج أحلى منها بوايد شيخة : شو يفيد الندم , الشي صار و استوى ذياب : دخيلج سامحيني و الله كنت طايش و كنت حيوان و غبي بعد , سامحيني على الطراق اللي عطيتج والله ما كنت أقصد, شيخة دخيلج شيخة (وهي تشوف ذياب): انت جرحتني و كسرتني بعد ما كنت أقرب إنسان لي كنت أعتبرك كل شي بالنسبة لي , اللي أنكسر عمره ما يتصلح يا ذياب, يمكن أسامحك بس ما أعتقد علاقتنا بترد شرات قبل (و مشت عنه) ذيياب (وهو يمشي حذالها) : أهم شي تسامحيني شيخة (ابتسمت ): سامحتك ذياب : تدرين لو ما كان عيب جان حظنتج شيخة : هههههههههههه استح يالثقيل ذياب : هههههه هيه صح انا رزين و ثقيل ما أسوي سالفه حق البنات شيخة :أهـــــــــــــــــــــــــــــــــاااا ذياب : هههههههه , تذكرين يوم شفتج ف سيتي مردف شيخة : هيه هههههه ذياب : والله ما عرفتج بس شكيت ف صوتج شيخة : حتى أنا جيه ما شكيت اب 1 % أنك ذياب ذياب : يالله أهم شي صالحتيني شيخة : هيه , يالله أنا مروحه داخل ذياب : اوكيه بي وياج في عين كانت تراقبهم و سمعت كل شي منصور : معقوله اللي سمعته , ها كله من ذياب , مسكينة شيخة بس اوووف قهر ليش تصالحوا ف الوقت اللي أنا أحس إني أباها (وسار يتمشى على البحر) ----------------------------------- الكل كان يالس في الصاله مايد : شو رايكم نلعب بو شيخة : و نحن وياكم مايد : هيه الكل بيلعب ام سيف : شو اللعبة مايد: بنسوي قرعه كل ثنين بيكونون ويا بعض يعني الشياب ويا حريمهم ما بنسوي قرعه حقهم بس نحن الشباب و البنات بنسوي قرعه حق اسامينا و طبعا خالو ام منصور اسمها بيكون ويانا سيف : انزين كمل مايد : بعد ما بنعرف منو بيكون ويا منو بيكون شي اسأله بين الشخصين اللي ويا بعض و اللي يجاوب صح بيكون معزوم من قبل الثاني شيخة : ههههههههه همك بطنك الكل : هههههههههههههههههههههههه هههههههههههههههههه مايد : جب أنتي , المهم يالله بنبدا الكل : أوك توقعاتكم: هل شيخة بتحب ذياب؟ منصور بينتقم من ذياب علشان حبه لشيخة؟ هل بيستوي شيء و هم يلعبون؟ |
السؤال الاول امممممم أتوقع بترد اتحبه وبتتعلق فيه وهو بعد السؤال الثاني اكيدددد بس شيخة مابتسمحله السؤال الثالث اممممممم أتوقع ذياب بيطلع مع شيخة وووو ماعرف بعدين يمكن يشكون بشي الله اعلم ونتريا البارت احر من الجمر |
اقتباس:
مشكوره على ردج و توقعاتج حبيبتي |
| الساعة الآن 07:03 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir