|
السلام عليكم حبايبي شحالكم الحماس والالهام وشوقي للرواية خلى البارت يصير جاهز باقل من يومين حطيت طاقتي كلها بهالبارت ادري مو بالمستوي بس بارت موفق من بعد طول غيبه البارت صار جهاز ومحتاره انزله الحين او بعد ما اخلص من كم بارت انزله الراي لكم انا في الحالتين راح اخذ راي الاغلبيه ومتى ما بغيتوه راح يكون موجود يتيمة حبيبي.. |
*البارت التاسع* بادر ومرني انا اشتقت لك.. بعد مرور شهر يوم الخميس كنا طالعين من بيت يدي ونحن لابسين مخور وشيلة بيت رايحين بيت ميثوه بنت عمي نييبها بعد ما طردنا كل الشباب وكنا مقررين اليوم نفلها ف بيت يدي بعد ما ذلينا عمارنا عشان نطلع ومحد رضى يودينا شيخة: اقولكم الشارع فاضي قومو نركض امنة: شيخوه تخبلتي شيخة: هههه والله امونه يالله قومو قومو ريم: انا ضد الخبال بس اليوم بسوي اي شي شيخة: هههههه طاع حتى ريموه العاقلة مخترشه يالله امون عاشة: افف متعايزه انا اركض فجاة جافو عليا تركض ضحكو كلهم ولحقوها الا عاشة العيوز عاشة وهي تصارخ: يا سخيييففاااتتت تريوني شيخه: عاشوه اركضي والله بيطوفج الشعور عاشه ركضت بعد ما كانت بعيده عنهم كلهم كانو يركضون ويضحكون اشكالهم كانت تضحك كندوره وشيله ويركضن فجاة طلعت سيارة من اللفة ويت صوبهم ....: ابوي الغزال الي كان يركض مساعه ....: الشيخة عطينا ويه سرعوا البنات مشيتهم وهم متجاهلينه وعويش معصبه لانها قالت ما تبا تركض .....: يا غزال الرقم بس شيخة: اذلف يا مسود الويه عشان ما ازقر اخواني اخليهم يادبونك هني ....: عصبي الحلو بعد شيخة: حلى بطنك قول امين ....: امين عشان خاطرج بس مشت شيخه شوي صوب الرمل وشلت حصاه وفرتها ع سيارته .... وهو معصب: مينونه انتي شيخه ببرود: هي في شي يالله اجلب ويهك سكر الريال جامة سيارته وهو معصب وشخط عليهم وراح كلهم نقعو من الضحك على الحركة وكملو مشي عاشة: افف كنت معصبه بس والله ضحكتيني شويخ شيخة: هههه ييستاهل والله ريم: يالله تعبت امشوا كملنا مشي ونحن نضحك ونسولف ووصلنا بيت عمي دخلنا نريح شوي وسلمنا على عمي وحرمته ورحنا ********* توا طالع من الكلية وقابض خط دبي فتح فونه وهو متوله ع الدنيا برا اول شي سواه اتصل حق امه ......: حي من سمع ذا الصوت امه: هلا حبيبي الله يحييك .....: شخبارج الجنة امه: متولهه عليك حبيبي وانت شخبارك .....: بخير غناتي دامج بخير امه: ها خلوف متى بتيي صوبنا خليفة: توني قابض الخط عطيني مال نص ساعة وبكون عندج ام خليفة: خلوف يالهرم لا تسرع خليفة: افا والله من متى اسرع انا ام خليفة: خل عنك يوم انت ما تسرع خليفة: هههه امايه المهم انا احين بسكر ام خليفة: اوكي حبيبي فحفظ الله ********* بو خليفة متزوج ام خليفة خليفة: 22 اخر سمستر بكلية الشرطة مريم: 21 تدرس بالجامعة انسانه ما تفكر بشي غير الجامعة والوظيفة وسيارتها الي تحبها ووناستها فاطمة: 19 اول سنة بجامعة زايد عمار: 17 ثانوية عامة *********** وهم يمشون بالشارع ريم: ميثوه فاتج شو صار ونحن ياين ميثا: شو لا يكون يبتوا العيد شيخة: ابو العيد بعد ميثا: هههه شو مسوين من وراي حكوا لها البنات شو صار وقعدت تضحك ميثا وصلنا بيت يدي بعد ما تخبلنا شوي بالشارع اول ما دخلنا رحنا بدلنا ملابسنا كل وحدة لبست بنطلون وقميص ونزلنا الحوي رحنا صوب المسبح وقعدنا نعبي البالونات ماي ونفرها بالمسبح لين ما ترسناه كله عليا: يالله يا جميلات وقت الخبال شيخه: ههههههه انا ما يخصني لو حد صار فيه شي ريم: بنتكسر بس يالله كله عشان خاطر الوناسه وبدو البنات يلعبون وكل وحده تفر ع الثانية بالونه ماي لين م تخرسو كلهم ميثا: شويخ جوفي جوفي شيخه وهي تصارخ: ها ميثوه وما وعت الا ببالونه ع ويها ركضت ورا الميث وقعدت تفرها لفت عليهم علايه وفرتهم الثتين شيخه: يالخايسه صبري علي وقعدو كلهم يفرون بعض لين ما فجاة سمعو صوت قوي اول ما لفو حصلو ريم متزحلقه ريم: هههههههه اي يعور هههههه اف بموت والله شيخه: ههههههه يالمينونه يعور وتضحكين ريم: هههههههه يضحك والله كلهم قعدو يضحكون عليها وهي استغلت الفرصه انها قاعده تحت وشلت بالونات بدون ما يلاحظون البنات وقعدت تفرهم وهم يصارخون مر الوقت وهم تعبانين وقاموا وراحو داخل وبدلو ونزلو تحت ********** كان قاعد بالجي تي ماله يتريا ربعه ايون عشان ينزل وياهم شوي ورن فونه .....: ها فهيد انت وين فهد: ها سواف اترياكم بالسيارة سيف: يالله انزل نحن عند بوابة 3 نترياك فهد: اوكي يالله ********** المسا فبيت اليد كنا البنات قاعدين بصوب وعماتي كلهم بصوب سلطان ريل عموه رائد بالشرطة: انزين هاي السالفة بفترة اول ما دخلت الدورة اغنية نبيل شعيل كانت توها نازله وواحد من فصيلتنا صوته حلو ف كنا قاعدين نغسل الحمامات وهو يغني دخل علينا المدرب وتم ساكتت عقب ما خلصنا نغسل الحماماات قال سلطان ومحمد تعالو هني رحنا قال منو الي كان يغني تمينا ساكتين جمع الفصيلة كلها وقعد يهزئنا عقبها قال انا اعرف منو الي غنا بس اباكم تقولون تعرفون الخير يخص والشر يعم كلنا سكتنا محد تكلم عموه: انزين وشو صار عقب سلطان: سلمج الله عقبها محمد قال انه هو والمدرب قال منو الثاني بعد قلتله انا قال فصخو دريسكم فصخناه ودخلنا الحوض ورشنا بماي بارد وكان الجو بررد المعسكرات كان جوها ابرد لانه فالسيح وعقبها طلعنا الميدان وقال يالله غنوا قعدنا نمشي بين البركسات ونحن نغني كانت هاي اول مشكلة صارتي امنة: ها بابا كنت مشكلجي سلطان: ياللي ما تستحين شي بنت تقول حق ابوها جي امنة: هههه ابويه كنت امزح دخلت ريتا وهي ريحتها اكل: يالله ماما ايشا "عشا" دخل وراها حمد ولد حمدان وهو يصيح ووراه حمدان نشت حمده بسرعه وراحت عند ولدها: شو فيك ماما حمد: بابا كسر ايبادي حمده بلوم: ليش حمدان حمدان وهو معصب: محد مدلعنه غيرج خليه يصير ريال حمده بزعل: اوكي حمدان: بتجوف لو ما حطيته بالسيارة عشان كل ما تركب تطالعه وهو مكسر وتصيح ام زايد: حمدان بلاك عالياهل حمدان: مب محترم امي ما يحترم حد بس قاعدلي ع هالايباد مفضحني بين الخلق ام عمر: ما عليه حبيبي ياهل ها ما يفهم بالهداوه فهمه تنهد حمدان وسكت عنهم ********** صوب السنما واقفين كلهم وفهد كان يحجزلهم تذاكر مرت وحدة فل ميكب الواحد غصب عنه يلتفت عليها اول ما تمر صوبه وقفت قريب من الشباب وقعدت تتميع كلهم رفعو عيونهم يطالعونها ابتسممت على طرف وعجبها الوضع سيف: هالويه مب غريب علي صدقوني احمد: يمكن وحدة من الي مرقمنهم سيف: تخسي انا ما ارقم انا اترقم عمر: خف علينا يا ريال يا فهد صوبهم وهو شال التذاكر سيف: فهود طاع الغرشوب الي هناك فهد رفع عيونه وانصدم من الي يطالعه تم ساكت ويستوعب الي يصير اما عنها هي اول ما جافته انصدمت وارتبكت فهد وهو معصب: طوفوا شو تتريون سيف وهو يمشي حذال فهد همسله: تعرفها فهد: لا راشد: فهود بلاك عصبت جنها وحدة من اهلك فهد: لم ثمك اححمد: تعرفها فهد: لا ما اعرف هالاشكال انا راشد وهو يضحك: اشك فهد طالعه بنضرة مرتبكه: شو قصدك راشد: ماشي امزح يا ريال سيف: خلاص يالله دخلنا الفلم ******** في الجي بي ار مطعم بيور سكاي لاونج مروان كان قاعد ويا خواته الجي بي ار زحمة اليوم بس المطعم الي هم فيه هادي نوعا ما بس المكان ال هم اختاروه ابدا ما كان هادي لانهم قعدوا بالطاولات الي ع البحر مروان: ها لا تقولون ما تطلعنا سلامة: عقب شو عقب ما انذلينا مروان: احمدي ربج اني طلعتج اسما: مروان نبا سنما عقب ما ناكل ميره: هي بعد شوبنق مروان: هه ها الي يطلع بنات وياه اقول بناكل وبنرجع البيت سلامة: مرواني حراااامم مراون: سلاااميي لا مب حراامم سلاممة: تعيب علي بعد ميره: هي لانك عيبت على سلامي ودنا اسما: اف كلو كلو ها مذله مروان: كنت بوديكم بس لانها قالت جي ما بوديكم اسما: العبها على غيري الحين اونه بيتعذر فيني ميره: ههههه حسيتي مروان: خلاص سكتو سلامة: انزين بتودينا مروان: لا سلامة: ليش مروان: مواعد خلوف سلامة: انزين ودنا بيت خالوه مروان: لا اسما: شو كل شي لا لا لا مروان: هي سلامة: مروااانن ودنا مروان: للمرا الخامسه وعشرين لا اسما: ودنا مروان: لا اسما: انزين بس عطيني سبب مروان: لانه عقب محد بيردكم البيت اسما: عادي دريول خالوه مروان: امي ما ترضا وخلاص اسكتو عشان ما اردكم الحين لانكم ازعاج وهاي اخر مرا اطلعكم سلامة: اففف مذله مذله مذله وسكتو وكلمو ياكلون ********* بعد ما طلعو كلهم من الفلم جمعتهم الصدفة مرا ثانية وبنفس المكان بتهور وردة فعل غير متوقعه: فهدد فهد وقف مكانه وهو حافظ هالصوت يت صوبه: فهد لف عليها فهد: خير ....: نسيتني فهد: ماعرفج عشان انساج .....حطت ببالها يمكن لانها مغيره ستايلها ما عرفها: فهد انا خولة فهد: ماعرف حد بهالاسم انا انسان معرس ومالي بالبنات خولة وكانه حد عطاها كف ينكر معرفتها هه شو كانت متوقعه وهي واقفه تتميع على ربعه الحين عاد بالذات ماشي اي مجال انه يرجعلها والي عورها اكثر انه قال معرس بهالسهولة قدر يسويها بس قالت بجرح وعكس كل الي فيها: سوري شكلي مشبهه عليك وتمت واقفه عندها امل انه يكلمها بس الي صار عكس توقعاتها انه مشى وخلاها ************* بعد ما خلصو عشا كانو كلهم قاعدين بالصالة يدوه: الله يجمع شملنا ويديم هاللمه يارب بو زايد: امين يارب اليد: على هاللمه الحلوه باجر بعد صلاة اليمعه كلنا بنروح نتغدا بالبحر شيخة بحماس: هي يدي الجو حلو بعد الحين ام زايد وهي تعطي شيخة نظره: شيخة يوم الكبار يتكلمون انتي تسكتين اليد: خليها حبيبة يدها تقول الي تباه شيخة وهي رايحه تقعد حذال يدها: فديت ويهك الغالي اليد وهو يبوسها: الله يخليكم لنا انتو لذة هالحياة شيخة حضنت يدها وقعدت تبوسه اليده: شويخ خلي يدج لا تلعوزينه شيخة: غارت العيوز غارت اليده: عاز حيلج يا مسوده الويه وفجاة انفتح الباب ودخلو الشباب مما قطع على شيخة حديثها او بالاصح طول لسانها الشباب: السلام عليكم الكل: وعليكم السلام سيف وهو رايح عند امه: هلكان اليده: يوم انك هايت طول اليوم وين ما بتهلك عمر: ها شويخ شو تسوين يالسه عند يدي لا تتمصلحين وايد شيخة وهي تطلع لسانها بحركة طفوليه: مب شغلك فهد: ريامي وين حمد وروني ريم: حمد راقد وروني يمكن تبدل ملابسها فهد: قومي يبيها لي ريم: اوكي اليد: يا شباب باجر طالعين البحر بعد الصلاة ومابا حد يتعذر من الحين اقولكم راشد: يدي باجر اليمعه ورانا صلاة ام راشد: تكلم الي مكسر المسيد كلهم ضحكو على راشد الي انجلب ويهه اليد: امك ردت بدالي ما اقدر اقول شي بعد ********* بالسيارة اسما: مرواااننن لا ترجعنا البيت بليز سلامة: هي حتى لو تمشينا بالسيارة بس ميره: راضين نقعد عالبحر بالسيارة بس ما نبا نرجع مروان: عن الصدعة اسما: حرام مرواان حراااامم مروان: اف لا تحشروني خلاص بوديكم باجر البحر ميره بفرح: وعدد مروان: وعد سلامة: نبا نتغدا هناك اسما: هي هي صح مروان: انزين بشاور امي وابوي وبقولكم كلهم بفرح: اوكي ********* دخلت ريم وهي شاله روني وعطتها فهد فهد: هلا بحبيبة عمها روني وهي تنخش بحضن عمها: امي"عمي" سو يابيتلي من الباي فهد: يابيتلج بوسه روني وهي مستحيه: وسو بعد فهد: هههه ما تكفيج بوسه روني: ابا الوح التكان بعد فهد: اوكي حبيبي بوديج عقب ام جاسم وهي تبتسم: الله يرزقك الذرية الصالحة فهد ابتسم مجاملة بدون ما يقول شي ام عمر: ان شاءالله السنة اليايه بنفس هالوقت تكون انت وحرمتك وولدك بحضنك قاعدين هني ام زايد: الله يسمع منج فهد يسمعهم وهو ساكت جاسم: ههههه فهود حاطين عليك تراهم وانت ساكن عيسى: ههههه هي فهود يخططون عليك سيف: هههه مسكين حاطين عينهم عليه اليده: وانتو وياه بعد شو سيف: انا طلعيني من الحسبه اليد: انت اولهم بو زايد: هي سيف خلاص عرس مابقى عند امي غيرك عرس فكها من صدعتك وهمك فهد: لو ساكت ابرك لك سيف: حسيت اييب الرمسه حق عمري شيخة: عمي سيف سيف: ها عمي شيخة وهي ماسكه ضحكتها: ليش ما تبا تعرس سيف بغيض: مب شغلج فهد رفع راسه وانتبه عليهم وضحك: شويخ سكتي عن سواف سيف: تسوي خير يوم تسكت ام لسانين ******** في نفس المكان بس عن شخصيات مختلفة فونها نبهها انه وصلها مسج فتحت فونها وقرت "تعالي اترياج ورا عند المسابح" رفعت راسها وجافت شخص طالع من الباب وقفت ودخلت المطبخ وطلعت من باب المطبخ الي يودي ورا البيت عشان تروح صوب المسبح ومحد ينتبه عليها مشت وحصلته مجابل المسبح وعاطي ظهره حق الي وراه تجدمت منه: شو صاير لف عليها وبهدوء عكس كل الدوامه الي بداخله: شحالج وهي مشتاقه بس مب مبينه شي: بخير وانت :الحمدالله :طلبتني :اشتقتلج عليا عليا: تشتاق لك العافية :بس ها الي الله قدرج عليه علبا: عزام في شي او ادخل عزام: زاقرنج ابا اتكلم وياج مب نتضارب عليا: وانا مب قاعده اتضارب عزام: عيل ها كله شو تسمينه عليا سكتت عنه ولفت ويها عزام: فيج شي عليا بهمس: لا عزام: حتى ما اتصلتيلي يوم عرفتي اني ف دبي ولا يتي بيت يدي تجوفيني عليا باستهزاء: قلت يمكن مشغول كالعادة عزام: عليا انطقي قولي شفيج عليا: مافيني شي عزام: مليتي عليا: اكثر مما تتوقع عزام: ابعد خلاص؟ عليا: ما عاد يهمني عزام وهو يطالعها وساكت وهي تطالع المسبح وساكته مرت خمس دقايق عزام بهمس: ما توقعت وانا يايلج وكلي شوق تكسرين خاطري وتكونين جي عليا: انت الي خليتني جي عزام لا تلومني الحين عزام: وشو المطلوب مني اسوي عشان اردج لي عليا سكتت وما ردت عليه عزام: اكلمج انا عليا لفت عليه عزام: يبي عباتج وتعالي عليا: تخبلت عزام وين ايي عزام: وياي عليا: وشو اقول حق امي استاذ عزام عزام وهو يتنهد: خلاص دخلي داخل عليا: بس ها الي زاقرني عشانه عزام: وقعدتي وياج وها الي تقولين عنه ما يملي عينج؟ عليا: كنت تقدر تقولي ها كله داخل عزام وخلاص مب قادر يتحملها: خلاص دخلي مابا اجوفج عليا: انت الخسران ولفت بتدخل عزام لفت صوبها وبعد ما مشت شوي: كنت ناوي اقولج اني خلاص بخطبج بس كلامج لي اليوم بينلي وايد اشيا انا ما كنت حاسب حسابها عليا لفت عليه وهي ساكته تمت تطالعه وهو ياطلعها وبعدها لفت ودخلت داخل شوي ودخل عزام وراها ميثا وهي تضحك: شو ديت ف بيت يدي عاشه: ههههه ما تطورو ماسكين بعدهم يجوفون بعض بالدس امنة: ههههه ماعطاج ورده وقال احبج عليا طالعتهم بطرف عينها وسكتت ريم: اوب اوب روميو شكله مزعلنها عليا بهمس: فكوني خلاص سكتو عاشه من صوت عليا عرفت انهم تضاربو وانه فيها شي: هي شو فيج عليا: ماشي عاشه: تضاربتو؟ عليا: لا ميثا: عيل عليا: ماشي ********* فهد واقف بالباركن يتريا امه وخواته عشان يروحون البيت دق عليه راشد الجامة: ها شو تسوي فهد: اتريا عيوزي تيي راشد: ويه شكلك مطول امك بعدها تسولف فهد: قول والله راشد: هههه والله فهد: افف ويت بكلمهم اتصل فهد بامه واستعيلها وبعدها قعد يسولف ويا راشد لين ما يت امه وام راشد وحركوا ********** ام عمر: يالله يا بنات بنروح قامت عليا بسرعه وخذت اغراضها بس قبل ما تطلع يدها زقرتها تسالها لو فيها شي او لا بعد ما طلعت دورت سيارة اخوها وما حصلتها دورت عاشه وامها بعد ما حصلتهم فجاة سمعت هرن من سيارة عزام وتجاهلت اتصلت حق عاشة: عويش انتو وين ليكون رحتو عني عاشة: اوهه نسيناج عليا: تستهبلين عاشة: هههه تعالي نحن ويا عزام عليا: وجع تستهبلين انا ما بروح ويا ها الغبي عاشة: يا بنت شفيج يالله نترياج تمت واقفه بمكانها وما راحت نزل عزام سيارته: بنت عمتي يالله عليا تجاهلته ام عمر: يالله يا بنت بنروح قاعده تاخرينا استسلمت عليا وركبت السيارة عشان امها ما تحس بشي وهي ميته من القهر ********** حاول يراضيها بكل الطرق بس مب طايعه ترضى ولا مخلتنه ينام وياها حمدان بهدوء: حبيبي وين اروح انزين حمده وهي منفسه: مب شغلي عيل وانت تهزئني قدام اهلك ما قلت جذي حمدان: حقج علي كنت معصب حمده: مب شغلي حمدان وهو بدا يفقد اعصابه: كيف يعني مب شغلج تعوذي من الشيطان وسكري الليتات وتعالي خلينا ننام حمده: لا انت ما بتنام هني حمدان بعصبيه: حمده لا تخليني اسوي شي ما يعجبج خلاص فهمي كنت معصب حمده: ما يهمني حمدان: كبيري عقلج ياحرمة لا تسوينها مشكلة وهي ما تسوا حمده: امبلا تسوى عندي حمدان بعصبيه وهو طالع من الغرفة: الله ياخذج ويفكني منج حمده وهي تصيح وتصارخ: تتمنى هاليوم انت وقعدت تصيح وتصارخ لين ما نامت ******** توا طالع من الحمام وهلكان خلاص بيسكر فونه عشان محد يزعجه وهو نايم بس تفاجى بدق على الباب: منو .....: فهود افتح انا حمدان فهد وهو يتقرب من الباب: ها حمدان شفيك حمدان: افتح شفيك انت بعد فتح فهد الباب: شو حمدان: قوم بنام عندك فهد بضحكة مكبوته: شو المدام زعلانه وطاردتنك حمدان بعصبيه: فكنا انت بعد فهد: لا شكلها جايده شو مسوي انت حمدان: صخ عني تسمع اذلف انخمد خلني انام فهد ما رام يتحمل وقعد يضحك: هههههه ما كبرتوا ع هالسوالف انتو حمدان سكت عنه عشان ما يطلع غيضه كله فيه اما عن فهد ف تجاهله وسكر اليت وراح ينام ******** غرفة ثانية بعد بطلتها دموعها ما وقفت من القهر عاشة: علايه ما يسوا عليج تصيحين عشانه عليا: عاشوه قهرني والله قهرني يتعمد يذلني عاشه: خلاص عليا كوني قويه لمره وقرري يا تتمين وياه وتتحملينه او تبعدين وخلاص عليا: ماعرف ماعرف ما اقدر اتخييل حياتي بدونه ابدا مب سهل اني اطلعه من حياتي اول شي انتي تعرفين شقد اعشقه خلاص انا وعزام تعدينا مرحلة نحب بعض انا وهو شخص واحد بجسمين وثاني شي حتى لو كابرت وبعدت عنه تراه يقربلي وكل يمعه بجوفه حتى لو قلل يياته او انا قللت روحاتي حق بيت يدي بيصادف اني اقابله ف انا مابا ها كله يصير ولا تنسين بياثر على علاقتنا ب امونه مهما كانت تحبنا تراه اخوها واكيد ما بترضى عليه عاشة: بس مهما يكون راحتج انتي اهم وهي اكيد بتتفهم هالشي عليا وهي تمسح دموعها: ما عليج خلاص نامي لا تحاتين عاشه وهي تحضن اختها: لا تشغلين بالج كل شي بيكون اوكي عليا وهي حاضنه اختها همست: ان شاءالله عاشه وهي تدزها من حضنها: خلاص ارقدي لا تستوين دراما وايد عليا وهي تضحك: هههه ما تقصدين ابتمست لها عاشه وناموا ********* دخل على امه وهي منسدحه كانت بتنام خلاص امه: ها امي مروان فيك شي مروان: سمحيلي الغالية اذيتج ام مروان: لا حبيبي تعال انا واعيه مروان: امي فيج هبه باجر نروح نتغدا بالبحر خواتي طالباتني وانا مابا اردهن بس قلت اجوفج انتي قبل ام مروان: ماعرف ولدي بشاور ابوك وبنجوف مروان: اوكي الغالية خلاص انتي نامي الحين ام مروان: اوكي حبيبي تصبح على خير مروان وهو يبوس راس امه: وانتي من اهله غناتي وطلع عنها وسكر الليت ********* ف مكان ما طريناه ولا مرا كان عكس الناس توا واعي من الرقاد ومصدع فتح فونه وجاف الساعة: اففف شسوي الحين وانا واعي بهالوقت لا ويوعان بعد اتصل حق ربعه محد يرد: تستهبل خلوف الخلق كلهم راقدين تمغط وقام من على السرير: ما تسوا علي هالكلية الي مهلكتني حتى امي الله يسامحها ما وعتني راح صوب الحمام يسبح: خلني اسبح واطلع اكل احسن اكيد بحصل اوادم واعين ويكند اليوم وهو يتحرطم خذ اغراضه ودخل الحمام ********* الموفي كان شغال بروحه وكل وحدة منهم لاهيه ....: حميد للحين ما رجع من السفر طول وايد ......: لا عادي شموه متعودين عليه انه يطول شما: ادري سهام بس ما تعرفين بعد ما تكوني ويا اهلج مرا ثانية وشخص يغيب تحسين بالشوق له اكثر من قبل سهام: خلي عنج حميدوه بتلقينه فجاة هني شما: اخاف القى بو حميد فجاة سهام: لا لا ما بتلقينه خلاص باقي كم يوم وبنسافر اكيد ما بنصادفه شما: سهام لا تتمشكلين ويا ابوج عشاني سهام: لا ما عليج المهم ودري فونج وقومي جهزي شنطتج احسن شما: خلج انتي جهزي من الحين انا قبل ما نروح المطار بساعة بجهزها سهام: تستهبلين شموه قومي يلا عن تنسين شي شما: لا ما عليج انا متعوده جي سهام: كيفج ******* بمكان خارج دبي ....: هسه شنو راح تسوين ......: رفيجتي تجي ونروح اني معاها وبعدها ماعرف شنو يصير .....: الايام الجاية ابدا ما راح تكون سهله ......: ما عليج اني قويه وراح اتعداها .....: اتمنى هيج يصير وتخلص السالفة بسهولة ......: لا ما راح يصير شي بالساهل بجى ولدها وقامت له: شكله حاس انه الايام الجاية راح تكون صعبه علينا كلنا ....: اهم شي تطمنيني عليج ....:حطي ببالج راح اكون دوم بخير لو مو عشاني عشان ابني ******* نهاية البارت |
السلام عليكم ورحمة الله وبركاته البارت نزل وااتمنى لكم قراءة ممتعة ادري اسلوبي تغير بالكتابة السبب الاول انه صارلي فترة وقفت والسبب الثاني نظجت صرت افهم اكثر واحاول اطور من نفسي اتمنى احصل رايكم على البارت من حيث الاسلوب والاحداث وتوقعاتكم للبارت الياي واهمشي اخر جزء صار فالبارت طبعا ما حصلت ردكم على متى تبون البارت ف قررت انزله الحين عشان يكون في مجال حق البارت الياي ينزل فالويكند وبصراحه انا ابا انهي هالرواية عشان ابدا في روايتي الجديدة عندي افكار مختلفة تماما عن هالرواية لها فكرت اني ادمجها مع هالرواية بس ما نفع لانه هالرواية افكارها جاهزة ومخلصه منها يادوب اكتب البارتات عالعموم مابي اطول عليكم قراءة ممتعة مرا ثانية واتمنى اني احصل ردود وما اتحبط :( اختكم يتيمة حبيبي |
تسلمين ع هيك بارت.. وفي إنتظار البارت الياي |
*البارت العاشر* *يحاتي صدره المزموم ويمشي دنه بدنه* 3:00 الفجر شوارع دبي فاضية الا من سيارات قليلة تنعد على الاصابع كان مشغل الراديو ومعلي على الصوت ويحرك سيارته على انغام الموسيقى يمشي بلا هدف مب عارف وين يروح بس الشي الي متاكد منه انه يوعان ويبا ياكل بس مب خاطر على باله شي وتفكيره كان منحصر في شي واحد حب طفولته وبنت عمه مب قادر يصبر هالكم شهر لين ما يتخرج هو من الكلية وهي تتخرج من الثانوية كان يشوفها وهي صغيره كيف كبرت وكبر حبها في داخله محد كان ملاحظ حتى هي بس الشخص الوحيد الي يعرف عن هالسر وليد ولد عمي والبحر تنهد بصوت عالي يااه شقد احب البحر محد صبرني عليها وعلى حبها غيره محد واساني في اشد حالات حزني الا البحر ما كنت احب الجى حق وليد وايد لانه مابا حد يعرف عنها شي غيرتي تعميني وتخليني اسوي اشيا بدون حسيه بس الحمدالله كل حد يفسر تصرفاتي على انها اخوه يريت لو كان كيف ما هم يفكرون ********* قامت الصبح بكل نشاط لانه اليوم غير مب مثل كل مره يجهزون ويروحون بيت يدهم لا اليوم يمعتهم بتكون بالبحر دخلت الحمام خذت شور وبعد ما خلصت طلعت بكل حيوية وراحت تشوف لو اختها قامت من النوم او بعدها ورجعت بعد ما شافت الكل واعي تخلص عشان يروحون فتحت فونها عشان تكلم بنات خوالها وشافت مسج: اليوم ابا اشوفج ضروري او اعتبري كل الي بينا انتهى تجمدت ملامحها من الصدمة ودمعة وحدة علقت على اطراف رموشها ********* يالسه ويا يدتها ويدها واخوانها وعمها مشتططين ويحملون السامان اليدة: امايه ميثا قومي شوفي الخدامة جهزت كل شي ميثا وهي توقف: ان شاءالله يدوه طلعت وشافت عمها سيف يرتب الاغراض بالسيارة: قواك الله عمي سيف: الله يقويج ميثاني ميثا: ها عمي تبا اساعدك سيف وهو يضحك: وين فيج حيل انتي بعد ميثا بابتسامه: راحت عليك عيل ما انتبهت ميثا للعين الي تراقبها لين ما قال: شحالج بنت عمي ميثا واختفت ابتسامتها وبربكه: طيبه فهد وانت شحالك فهد: طيب طاب حالج ميثا بنفس الربكه: يالله عن اذنكم وراحت عند البشاكير ********* دخلت عليها الغرفة وانصدمت لما شافت دموعها توها قبل دقايق كانت تضحك وما فيها شي قربت منها وبخوف: علايه فيج شي عليا مدتلها الفون بدون ما تقول شي عاشة بصدمة: بسم الله شفيه ها عليا: مادري مادري امس تضاربنا ماعرف شسوي اخاف اروح واندم وما اروح واخسر عاشة وهي تحضنها تعرف شقد اختها تكون ضعيفة باي موقف يتعلق بعزام: خلاص انتي الحين تجهزي عشان نروح ويحلها الف حلال لي ما نوصل ********** بركنوا سيايرهم بحيث لو حد مر ما يطالع حريمهم نزلوا اسما وميرة وسلامة من سيارة مروان والفرحة مب واسعتهم انه وفا بوعده لهم بركنت سيارة خليفة حذالهم ونزلوا مريامي وفطامي وراحو صوب البنات فطامي وهي تسلم عليهم: تولهت على هالطلعات والله اسما: هي والله من زمان عن هالطلعات وناسه قوم اسمهان ياين بعد مريامي: ف ذمتج ميرة: هي والله الصبح ماما كلمتهم مروان وهو يعلي صوته: تعالو ساعدوا امايه وخالوه اسما: اف يلا بيحشرنا مروان خليفة: خلهن شو تباهم يالسات يسولفن مروان: خل عنك شو بتفيدهن الرمسة يعابلن ويا الحرييم احسن خليفة صد عنه وسكت ********* بعد ما تيمعوا كلهم على طرف الشارع حركوا صوب البحر بركنوا ف بقعة بحيث البنات يقدرن ياخذن راحهتن والمكان عوائل ماشي قروبات شباب نزلوا البنات وهن مشتطات ونزلوا اغراضهم اليد وهو يشوف احفاده كلهم حوله ومستانسين: الله يديم هاللمات علينا ويجعلهن خير الكل: امين ******** بعد ما خلصوا شغل ويا الحريم راحو يقعدون على طرف بروحهم عينها ما غابت عنه كانت تراقب كل حركاته شيخة بطنازه: عيونج الشيخة عليا وهي تتنهد: صخي عني ميثا: وانتو طول الوقت متضاربين عليا: خلاص سكتوا ريم: خلاص خلوها على راحتها ******* ركب سيارته بدون محد يحس فيه وطرش لها مسج: خمس دقايق لو ما يتي بحرك ****** راحو كلهم يتمشون على البحر ام وليد: والله متولهه عليلكم ام مروان: انتي الي قاطعه ورايحه ساكنه باخر الدنيا ام وليد: مب بايدي يختي اسما: ماما هاي مب ربيعتج ام مروان: وين سلامة: امبلا هاي ربيعتج الي ف هذاك الصوب ام مروان: هيي هاي ام زايد تعالو نروح صوبهم ام خليفة: أهلهم وياهم ام مروان: ترا اعرفهم هايل اهل ريلها ام وليد: هاذي الي كانت ويانا ونحن صغار ام مروان: هيه هاي ام زايد ام وليد: من زمان عنها والله ام مروان: صدقتي واتجهوا ناحية ام زايد وأهلها ****** إيطاليا –روما- قاعد ياكل بيزا وعقله في اجتماعه ويا الوفد الي بيزورون فرع شركتهم اليديده كاره البودي قارد معبين المكان بس هاي أوامر من ابوه مب عشان سلامته لا عشان المظاهر فقط قرب منه البودي قارد: أستاذ حميد حميد ببرود: نعم البودي قارد وهو يمد له الفون: اتصال من الوالد حميد وهو يسحب الفون: هلا الغالي بو حميد: مرحبا حميد شخبارك حميد: بخير الحمدالله وانت بو حميد: بخير ها شو الشغل طمني حميد: كل شي ماشي تمام وقريب بنفتتح الفرع اليديد بو حميد: تجارة الذهب شي ورثنا من اهالينا واجدادنا لا تضيع تعب حد ي حميد ارفع راسك وراس اهلك وياك حميد بفخر من ابوه على رغم كل الي سواه: اسم الصايغ انشهر بالذهب وراح يبقى لا تحاتي حميد كفو نفس ابوه بو حميد بفخر: الله يحفظك ارفع راسنا حميد: مرفوع باذن الله بو حميد: تمام حميد لو محتاج شي اتصل حميد وهو يمد الفون حق البودي قارد: خواتي شخبارهم البودي قارد: اليوم طيارتهم حميد: ديروا بالكم عليهم البودي قادر: ان شاءالله طال عمرك ****** اذنها عندهم بس عقلها بعيد عنده هو بس رن فونها انه وصلها مسج بس للأسف انها ما انتبهت عليه ام جاسم: بنات تعالو بنروح عند ام مروان حصلناهم هني قاموا كلهم وهي وياهم شيخة: يا الله ياين نستانس نحن ولا نروح عند ام مروان ريم: شيخوه انطبي رايحين عند الحرمة شيخة وهي تتافف: فكينا انتي بعد ولحقوا ام جاسم ****** الغضب واصل حده ما توقع ابد تسوي فيه هالحركة توقع تكابر وتتغلى بس ما تتجاهله طرش لها مسج وهو يحرك سيارته: بتندمين صدقيني انا رحت رن فونه رفعه بسرعه تحسبها هي وعبس بويهه يوم شاف رقم خاله: مرحبا سيف سيف: ع وين أستاذ عزام عزام: مروح بوظبي سيف: نعم أقول ارجع لا اخلي ابوي يادبك عزام: باي باي سيف: ارجع تفهم عزام بصريخ: اقولك راجع بوظبي شفيك سيف: فيك شي عزام: لا سيف: ارجع او أوقف ع طرف ياينك عزام وهو يتنهد: خلاص شوي وبيي سيف: اوكي عن السرعة وارجع بسرعه عزام: حرمتي وانا مادري سيف بضحكة: هي حبيبي أخاف عليك عزام: عنلاتك يالهرم يلا بند سيف: عنبوه ها وانا الي داق عليك لا تخاف م بيخلص رصيدك عزام بطنازة: ليش كل الناس سواف سيف: يالهرم خالك سيف مب سواف عزام: سيفووه شو فيك كثرانه سوالفك بند يلا فكني سيف: تعال خذلك كفين بعد عزام: قول والله عادي سيف: ما صدقت طبعا انت عزام: اكييد حد حاصله يعطيك كف ويقول لا سيف: قول والله انت بس عزام وهو يضحك: عدلت مودي ياريال سيف: الله يحفظني جرعة سعادة عزام: باي باي سيف وهو يضحك: يلا برايك لا تتاخر عزام: تمام يلا باي ******* البنات والحرييم قاعدين في نفس البقعة بس البنات على طرف بروحهم والحريم كذلك ام وليد: والله يا ام زايد الحياة والعيال لهونا عن الكل ام زايد: صادقه والله بس العيال الحين كبروا ام مروان: كبروا بس كبر همهم وياهم يوم صغار قدام عيونج تشوفينهم بس وهم كبار ما تعرفين شو يسوون من وراج ام جاسم: عيالنا فيهم خير وان شاءالله ما يسوون الا كل خير ام عمر: ماشاءالله هاييل بنات ام خليفة ام خليفة: هي فديتج مريم وفاطمة بناتي واسمهان وموزة بنات اختي ام وليد ام سعود: ماشاءالله الله يحفظهم الكل: امين ****** يصارخ بحماس: عممور فرهاا هني عمر: فههووددد امسسك بسرعه فهد: قوووولل سيف: يا غبي انت منو يحطك حارس جاسم: فكنا تعال انت حارس بدال م تتفلسف فهد: هههههههه هارد لكم حمد وهو يصارخ: اامي انا بااد العب وياك "عمي انا بعد" فهد من بعيد: انزين عمي صبر بكسر روسهم وبييك حمد يضحك ومب فاهم شسالفه سيف بغيض: العب وانت ساكت عزام وهو يدخل عرض: بلعب وياكم سيف: انت بعد لو ما ييت عزام: اسكت عني يا ريال سيف بغيض: يالحمير تراني عمكم كل واحد يا وتامر حمدان وهو يضحك: حقك علينا عمي سيف عيسى بضحكة: خلاص عن ينفجر سيف: تطنز حضرتك عيسى: محشوم سوافي سيف: اسطلب احسن لك عيسى وهو يضحك: خلاص خلاص كملو لعب وكملو يلعبون ****** قاعدين كلهم يسولفون ويا بنات ام مروان وبنات خواتها الا هي صاخه انتبهت لها اختها: علايه شفيج عليا: ماشي عاشه: عشان عزام عليا: شو غيره بعد عاشه: انزين هاذو يلعب ويا الشباب كلميه وتفاهموا الكل لاهي الحين عليا: لا مابا شيخة بصوت عالي: ف شو تتسارون انتي وياها عاشه: ابله شيخة صخي شيخة: ف عينج عليا: شويخ تعالي اباج عاشه: وانا بعد ميثا: يالخاينات من متى بينكم اسرار شيخة: فكونا قومي علايه وانتي عاشوه انثبري هني عاشه بطرف عينها: احترمي الي اكبر منج تجاهلتها شيخة وقامت عليا وياها يتمشون بعيد عن البنات شيخة: شفيج ليكون عزام بعد عليا: هي شيخة: شو سووا؟ عليا وهي تدور فونها: اليوم الصبح طرشلي مسج شيخة: انزين؟ عليا: ويت براويج بس ماعرف فوني وين شيخة: يمكن نسيتيه عند البنات عليا: يمكن اتصليلي بدوره شيخة: انزين ******* يغني وبحته ماليه المكان وولد عمه يعزف ع القيتار: والله احبك يشهد الله علي لما اشوفك ابتسم صدقني ماهو بيدي لا حاسد يقدر يبعدنا انا وانت لو شوي يا الله احفظ حبه لي يا الله ربي يا قوي ما في غيره سكن روحي حبيبي وانا احبه لو قالو تمنى أتمنى عمري قربه وسلمتوا مروان: صح بوحك خلوف خليفة: صح بدنك ذياب: عليك صوت يا رجل وليد: وراجع من الدوام بعد يعني الصوت خلاص خليفة: هههههه خل عنك سهيل: ياخي يوعان عمار: عادي دومك يوعان انت سهيل: اهب من شر حاسد اذا حسد عمار وهو يرقق صوته ويرمش بسرعه: عيني بارده فديتني خليفة وهو يضحك: اخ عليك سهيل وهو متغزز: اسطلب احسن عمار وهو يضحك: احبك غناتي مروان: حبك برص عن اللوعة هاي وليد وهو يعزف: صخو خلوف غن اندمجوا الشباب ويا خليفة ووليد ******* يسمعون الفون يرن بس مب عارفين مكانه وين شيخة: طوفي طوفي هناك وين قعدتنا القديمة عليا: اف مادري كيف نسيته شيخة: يلا فتحيه انصدمت من المسج الي اول م فتحت فونها شافته صاحت بصوت عالي كانت في عيون تراقبها من بعيد شيخة: بسم الله شفيج تيمعوا البنات صوبهم عاشة: شفيج علاايه ريم: شو قلتي لها انتي شيخة: ما قلتلها شي والله فتحت فونها وصاحت سحبت اختها عنها الفون وقرت المسج: ها السخيف شو مشكلته فالحياة شيخة: منو عزام عاشة: منو غيره ميثا: ليش شو مسوي عاشة الصبح مطرشلها مسج سخيف والحين بعد عليا وهي تمسح دموعها: عطيني فوني شيخة: بتروحيله! عليا: هي شيخة: لا اول قولي السالفة حكتلهم عليا الي صار وورتهم المسج الي طرشه شيخة: انتو الثنين سخيفين امنة: من الصبح تسبون اخوي ترا شيخة: وانتي وياهم بعد عليا وهي توقف بروحله ريم بتوتر: أي شو تروحيله كلميه وكلنا بنروح صوب سيارته وركبي انتي عشان محد يحس عليا وهي تتصل: اوكي ****** كردستان – العراق : خلاص ماما رايحه وهي تاكل ولدها: ايه ماما : نورة أي شي يصير وياج احجي معي ولو محتاجه اشي حاجيني نورة وهي تحضنها: والله اني اعتبرج امي ما في خالة تسوي الي انتي ساويتيه معي خالتها: شتقولين انتي بنتي الي ما جبتها وامج موصيتني عليج نورة بطنازه: هه امي مو فاضيتلي عشان جذي موصيتج خالتها: عيبه يمه نورة الكل عذرة معه نورة وهي سرحانه: الايام الجاية ما راح تمر بالساهل راح توحشيني صدقيني خالتها وهي تشل عنها ولدها: والله وانتو راح توحشوني اكثر خصوصها النتفة هاذي لو مو رايحه ويا رفيجتج شما ولا ما كنت خليتج تروحين نورة: أي والله بنت حلال هالشما ****** وهو يبعد عن الشباب ويرد ع وفونه: نعم : عزام عزام: نعم : تعال صوب سيارتك شوي عزام: ليش عشان يوم أوصل تسحبين علي عليا: والله ما سحبت عليك تعال انت هني شوي بليز عزام وهو يمشي صوبها ويسكر الفون بويها: خير لامه القوم كله وياج بعد عليا ونظراتها بالأرض: شغل سيارتك وبيي بروحي شيخة بغيض وهي تشوفه يركب سيارته: طراقات ها محد يحترمه عليا بلوم: خلاص شيخة خلوني وياه بروحنا شيخة بجدية: لا تبعدون ولو صار أي شي كلمينا على طول عليا وهي تركب: تمام ****** بعد ما تطمنوا ان السيارة تحركت بدون محد يحس رجعوا يقعدون ويا الحريم ام وليد: ماشاءالله يا ام زايد شيخة تشبهج وايد ام زايد: هي فديت ويها ام مروان: حتى ريم تشبهج ام خليفة: هي بس شيخة اكثر ام زايد: ماشاءالله عليها اسمهان اذكرها وهي صغيرونه ام وليد: هي حرمة الحين خلاص ام زايد: صف كم انتي الحين امايه اسمهان وهي تضحك: بتخرج من الجامعة خالوه ام زايد: ماشاءالله عليج تحسبتج فالمدرسة اسمهان: لا خلصت والحين بخلص جامعة بعد ام زايد: ماشاءالله كم باقلج اسمهان: هالسمستر بتخرج ان شاءالله ام زايد: الله يوفقج يارب ويوفقكم كلكم ف دراستكم الكل: امين وقعدوا يسولفون كلهم ****** بعد هدوء دام خمس دقايق: ما بتحرك؟ : مادري أخاف تزعلين بعد عليا بطول بال: عزام ابعد شوي عشان نتكلم على راحتنا وهو يسوق: تكلمي يلا وراي اشغال عليا وهي تتنهد: اول شي ماله داعي حركات المسجات عزام وهو يلف عليها بغيض ويصرخ: لا والله لو يايه عشان تنرفزيني فوق ما انا متنرفز منج قولي عشان اردج حركاتج البايخه مب علي وانج تمشين ورا شور شيخوه بعد مب علي قولي ماباك عزام مب تتحسبين لعبة عندج وتحسبين ومتى ما تبين تتكلمين هالمرة طوفتها المرة اليايه تخسين اطوفلج حركة من حركاتج البايخه تسمعين عليا بخوف: عزام ما سحبت والله كنت ناسيه فوني اول ما فتحته على طول كلمتك وشيخة مالها خص واصلا ما كانت تعرف عن شي الا يوم قلت بيي اشوفك وعصبت علي بعد لانه ما كلمتك عزام ببرود: خلصتي تبرير بالنيابة عن شيخة عليا بلوم: عزام انت يبت طاري شيخة مب انا ولا تجاهل كلامي وتسمع الي تبا تسمعه والي ما تبا تسوي نفسك ما سمعت عزام: شو تبين انتي الحين عليا وهي خلاص مب قادره تتحمله: شو فيك عزام عزام: شو تبين خلصيني بردج عليا وهي تصيح وتصارخ: اوكي ردني ولا تسمع شي وطرش مسجات سخيفة تعكر لي يومي واقعد سو حركاتك هاي عزام بعصبية اكبر: لا تصارخين انتي ما عندج شي غير الصياح والصريخ عليا: هي ما عندي شي ردني يلا عزام وهو يوقف على طرف ويتنهد: انتي عارفتني زين ما احب حد يتجاهلني وما احب اروح حق حد ويصدني ياينج وانا كلي امل كسرتي فرحتي والله واليوم فوق انه مب غلطان بس قلت ما سوت جي الا وهي شاله ف خاطرها بروح ارضي خاطرها وشارنها انا مهما كان ما بنسى الايام الحلوه الي بينا وكيف هي وقفت وياي ف اصعب اوقاتي بس انتي شو سويتي ما تعرفين والله عليا وهي تسمع وتصيح: انا اسفه والله ادري اني كبرت الموضوع بس صدقني عزام انا تعبت ما تعرف شو اسوي يوم اعرف انكم هني ويوم ايي ما احصلك واتصل مشغول عني ما أقول خلك طول الوقت وياي بس انا مابا أكون شي في وقت فراغك تيي عندي عزام: مينونه انتي أي وقت فراغي انتي وقتي كله والله انا ربعي الي هم ربعي ما اكلمهم قد ما اكلمج اهلي ما اقعد وياهم عشان اقضي وقتي وياج تعرفين ادرس واشتغل شي مب سهل وما عندي وقت اسوي أي شي ي دوب اطلع من الدوام اروح الجامعة وعقب الجم ارد البيت هلكان اسبح واتعشى اكلمج وارقد وانتي تعرفين كيف يومي يسير بس اعرف شو تفكيرج عليا: لا ما افكر كيف ما انت تقول اعرف انك مشغول بس اقصد يوم ييت دبي خلاص عزام انسى ادري اني زودتها شوي بس والله من قهر قلبي ما تعرف شقد تضايقت يوم شفتك واقف عند المسبح كنت أبا ارجع بس قلت لازم اروح عزام: زعلي من حقج والله ما اقولج لا تزعلين بس راعي ظروفي شوي واعذريني واي شي يصير تعالي قوليلي مب تحطين ف خاطرج وعقب ايي بشوفج تجلبين فجاة عليا وهي تمسك ايده: اوكي حبيبي حقك علي وانا اسفة عزام وهو يبتسم لها: فديت امج والله خلج جي عليا: امي شكو عزام: كنسل فديتج انتي عليا بخجل: خلاص مب زعلان عزام: وحد يشوف القمر ويزعل كنت اتغلى بس عليا وهي تبوز تضرب كتفه: اعزمني يلا عشان ارضى عزام وهو يضحك: من عيوني وين تبين عليا: دي روما طبعا عزام وهو ياشر على عيونه: كم بنت عندي انا عليا: وحدة طبعا عزام وهو يساسرها: وبتيبلي درزن عقب عليا وهي تضحك بخجل وتدزه: أي يلا عشان نرجع عزام: افا تبين نرجع عليا: لا بس لازم نرجع قبل ما حد يحس عزام: تامر امر حرم عزام عليا بخجل: فديت ويهك عزام: فدا ابوي وتوجه ناحيه ديروما يطلب ****** كلهم واقفين عند السيارات بتعب ودعت ام زايد صديقتها ام اسما وتوجهت السيارة الشباب يركبون الاغراض و البنات يخططون وين يكملون قعدتهم وكل حد نسى هالاثنين الي مب موجودين ام عمر: عويش اختج وين عاشه بربكه: هناك ام عمر: وين هناك شيخة: عموه فالسيارة ويا قوم ميثا ام عمر: اوكي عويش بتروحين ويانا ولا ويا البنات عاشة: لا ويا البنات بعد ما راحت ام عمر شيخة بعصبية: اتصلي حق اختج الغبية هاي قوليلها تروح بيت يدي الحين ونحن بنروح بسرعه قبل ما حد يحس عاشة وهي تتصل: اوكي اوكي حمدان من بعيد: شواخي يلا ركبوا شيخة: نحن بنروح بيت يدي وركبوا السيارة ****** بروحها كانت متوتره ووترتها اختها اكثر لما اتصلت: عزام أخاف حد يشوفنا عزام: لا تخافين محد بيشوفنا بنزلج ورا ودخلي على طول محد بيشوفج عليا: اف خايفة والله عزام: كلميهم شوفي لو وصلوا او لا عليا وهي تكلم اختها فالواتس: اوكي بركن ورا عزام: اوكي بس لو موجودين عشان ما امر قدام البيت عليا: تقول الحين قريب عزام: خلاص الحين نزلي انتي وتريي لين ما يوصلون ودخلي لا تدخلين قبلهم وقعدي عند المسابح انا بروح عشان محد يشوفني عليا: اوكي حبيبي تحمل على نفسك عزام وهو ياشرلها اوك: طمنيني شو بيصير وياج عليا وهي تنزل من السيارة: اوكي ترياها لين ما تدخل وعقب حرك سيارته ***** المغرب قاعدات فالمطبخ تسويلهم عليا تركش كوفي عليا: اف عزام حاشرني يبا ايي امنة: ليش عليا: يبا تركش اونه شيخة: اعزميه روميو على التركش ميثا بضحكة: هو بصراحه يحقله ايي عشان التركش عليا: شو قصدج ميثا: ماشي ريم وعاشة وهن داخلات المطبخ بحماس: حصلنااا فيلم يجنن امنة: ششو اسمه؟ ريم: زهرة الغاب شيخة: اونه اشوف عاشة: ويت بنشغله داخل بس بنطلب عشا قبل ميثا: شو رايكم نبات هني ريم: لا ما يبنا ملابس ميثا: الحين بنروح نييب وبنرجع شيخة: انتي بتودينا حظرة جنابج ميثا: الدريول ابله شيخة شيخة بعصبية: وجع لا تقولولي ابله ميثا وهي تكتم ضحكتها: اوكي اوكي ***** فتحت عينها بكسل على صوت دق الباب حاولت تعلي صوتها بس كل الي طلع معاها صوت مبحوح ما ينسمع: منو : شموه يلاا قومي بتطير الطيارة شما وهي تستوعب شو الي يصير حذالها فتحت فونها شافت الساعة7 المغرب فزت من سريرها وفتحت الباب: سوري سوري سهام راحت علي نومه والله سهام بعصبيه: ومب مجهزة شنطتج بعد يلا خلصي شما: اوكي بسبح وبجهز شنطتي وبنطلع بنلحق لا تحاتين سهام بقهر: مادري شو مرقدنج للحين شما بضيق من أسلوب اختها: خلاص سهام كنت مواصله الظهر رقدت سهام: اوكي يلا خلصي خلي عنج الرمسه **** 1:00 طلع من عند ربعه بعد ما اتصل ابوه عليه وهو معصب عشان يرد خواته البيت واقف برع بيت يده وهو معصب ويدق هرن ويتصل محد يرد عليه موصنهم يتريون وأول ما يسمعون الهرن يطلعون بس هيهات وهم ف بيت يده يسمعون شي ومتاكد انهم بيخلونه يوصل البنات وياهم نزل من سيارته وهو معصب ودخل بيت يده بس جذبه شي خلاه يتردد يدخل او يطلع **** فونه يرن بازعاج وما يوقف تعبان ومب متفيج ينش يرد عليه بس الي متصل كان يلح نش حذال الكوميدينو ورد ع الفون بكل عصبيه وصوته مبحوح: خير شفيك انت الناس رقود ليش متصل الحين هو بكل توتر: سيف تقدر تيي المطار الحين سيف تغيرت نبره صوته وبخوف من صوت ربيعه: احمدوه شي مستوي احمد: لا بس تقدر تيي الحين سيف: انطق فيك شي احمد: حصلتها ومسافره الحين الحق عليها قبل ما تضيع من يدك مره ثانية سيف بصدمه: منو مب الي في بالي صح احمد بهمس: امبلا طيارتها تقلع بعد ساعة سيف بهمس يشابه همس ربيعه: متاكد انها شما احمد: هيي شما تعا… م كمل كلامه لانه الخط انقطع بويهه **** مقتطفات من البارت الياي :انتو شو تسون هني :اني رايحه اودي ابني لابوه الحقيقي مو لازم اكذب على ابني عشان احد بالم تحاول تخفيه بابتسامتها: خطبها خلاص بصدمه وصراخ: شو تقول انت تخبلت صح وهي تصيح وتضرب ويهها: شافني بيذبحوني بيخبر علي والله ****** نهاية البارت |
| الساعة الآن 02:56 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir