منتدى استراحات زايد - أنا وأنت ، وسما بوظبي تجمعنا / بقلمي

البآرررت الـــعـــــــــاشـــر …

ندى \ شرحـت لـ سعيد كـل شي ، غيرت مجرى القصه من أحمد لـ خليفه … ! قلتله اني كنت مع خليفه -ولد مرت أبوي- .. خليفه اللي خطفني ، حبسني فـ شقته ، خليفه شربني خمـر ومآدري شـ سوا فيني … سعيد كآن يحآول يمسك اعصآبـه .. بس آشوف الشرآر بدا يتطاير من عيونه ومن خط دبي اللي كنـا متجهين لـه ، تغيرت وجهتنا لـ خط بوظبي …

سعيد : هذا الخليفه بينذببح ع ايدي .. انا اراويـه " ودآس ريس"
ندى " آحس اني زودتها ؟ بس احسن خليفه يستآهل ،، مآششوف احين غير سعيد يسوق بعصبيه و بسرعـه جنونيـه لدرجـه آشك إن كل الرآدآرات زختنا ، تسآنددت بخوف وحطيت الحزآم .. "
سعيد"وسط الغضب إلتفت لـ ندى وابتسم" : شفيج خايفه اعرف اسوق ترآني ..
ندى : ميـنون وربي .. طالع جدآمك ..
سعيد"يخوفها" : لاتخليني اهد السكآن بعد ..
ندى : اييييه سعييد خلاص ..
سعيد"بدآ مزآجه يتغير" : زين زين خلاص "واتطالع الشآرع "
ندى : احين بتردني بيت ابوي ؟
سعيد : ايي ليش ؟
ندى : بسسس ممابي ارجع .. واشتقت لـ رشود .. ابي آششوف شكله مآشفته ..
سعيد : هههه بتشوفيينه جريب .. بس لازم تردين بيت ابوج ياندى مالج غير ابوج ..
ندى : ببس ممآآبي
سعيد : عشان خليفه ؟
ندى : ايي ..
سعيد : خلاص دوآه عنـدي ..
ندى"ابتسآمتها شآقه الويه"

- وصلنـا بيتنـا ع السـاعـه 4 العصـر … -
سعيد"رن فونـه"
سعيد : ألـو ؟ هـا يبا .. سعود اخوي ؟ زين زين احين ياي ..
ندى"بخوف" : شفييه عمي ؟ شصآيـر فـ سعود ..
سعيد : يقولون يته مضآعفات مآدري شـو آبويه كآن يخربط مآفهمت عليه ..
ندى : مضآععفات من شـو ؟
سعيد : ممادري مادري خلاص بروحله احين …
ندى : بييي معاك ..
سعيد : نندى ! نزلي بيتكم اكيد احين يدورونج ..
ندى : أنننزل برووحي !!
سعيد : ايي ياندى شفيج خايفه ..
ندى : واذا قالولي ويين كنتي ؟
سعيد : قوليلهم نفس اللي قلتيلي .. شفيج متوتره ؟
ندى " هه يآسعيد لو تدري ان اللي قلتلك كله خرط .." : زين زين ، تحمل بعمرك يآسعيد وطمني عقب ع سعود ..
سعيد : من عيوني ، انتي بعد تحملي بعمرج ..
ندى "فتحت البآب ونزلت وايدينها ترتجف .. تقدمت لـ باب البيت و فتحته بتردد .. "
زينب"اللي كانت تراقب ندى من يوم ماكانت مع سعيد" : ههه أسفرت و أنورت .. الشيخه ندى واخيرًا شرفتي ؟ جان ماييتي بعد ؟
ندى : وين أبوي ؟
زينب : أبوج ؟ هههه ياحليله يا غآفلين لكم الله ، يدورج فالشوآرع ع باله فيج شي مايدري انج تحوطين ويا حبيب القلب ..
ندى : هذا ولد عمي ، وبعدين ماسمحلج تغلطين علي ..
زينب : هههه ليش يآ بنت أمج ؟ ترانا ابد مب شآكين فـ تربيتج الوصخه ههه ..
ندى"تجآهلت زينب لأنها تدري لـو قعدت معآها بتصير ضرآبه و طق ومكآفخ .. فـ رآحت فوق باللفـت*المصعد* لأنها حاسه ان ريلها مب قادره تشلها وقبل لآيتسكر بآب اللفت سمعت زينب تقول ... "
زينب : عشتوآ ، شكلها ريلج تعورج من الحوآطه والهياته ..

" وصلـت الطآبق الثآنـي ، إتجهت لـ حجرتـي دخلت شفت ميره وسيف *عيال مرت أبوي الصغآر * ينبشون فـ أغرآضـي "
ندى"بعصبيه" : انتوآ شو تسسون هننني .. ؟؟ " اكيد امهم دآزتنهم"
سيف"بكل برآءه" : ققلت حق ماما تشتريلي آيبآد حققي انا وميروه ..
ندى"بعدها معصبه" : والايباد من اغراضي ؟
ميره : لا بس ماما قالت الحلال استوى عندج ..
سيف : هييه وو يينا ندور الحلال عشان نشتري ايباد ..
ندى"يتها ضحكه ياربيه الله بلاني فيهم"
سيف : يعني شو الحلال ؟
ميره : هييه من متى ندوره ماحصلنناه ..
ندى : هههه طع هذيل .. زين خلاص لا اتدورون شي بشتريلكم من عيـوني بس بشرط ؟
سيف&ميره : شـووو ؟
ندى"اشرت ع العفسه اللي صآيره فالغرفه" : تردون كل شي مككانه ..
" سييف وميره ققآممو بسرعه ورتبوآ كل شي وردوا كل شي مككانـه .. "
سيف : يالله ووديينا ..
ميره : هيه تعببنا ششوفي رتبننا ككل شي ..
ندى : همم زين سمعوآ يوم بيي بابا بكلمه بآخذ منه فلوس وبنروح ويا الدريول ..
سيف : دريول منو ؟
ندى : ماعندكم دريول ..
سيف : لآآ ..
ندى : خخلاص بخلي بابا اييب افا عليكم ..
ميره : اللاه وناسه بنخليه يطلعنا ..
" ومن هاللحظـه ميره وسيف تعلقوآ بـ ندى *مصلحـه اليهال ماتخلص ههه* "

" ومـن رججع بورآشد طآر قلبه من الفرحـه لما لقى ندى .. وخبرتـه عن خليفه وسآآر ضربـه و أدبـه .. و بعدهـا كلمـته عن سآلففه الدريول وطبعـًآ وآفق ع طول …. وو عقب يومين يآبلها الدريول .. و سجلها فـ مدرسـه - ثآنويـه ، صف أول ثنـوي "

ندى \ وأخيـرًا أبـوي سجلني فـ مدرسـه ثنويـه .. وأخيرًا بلبس هالمريول الكحلي اللي عمري مالبستـه .. * لأن فتركيا كان لبسي تنوره وقميص وفوقه جاكيت رسمي* المهم .. أببوي سجلني فـ مدرسه قريبه من بيتنا -بس مب وايد- يعني ان اسيرها فـ سياره .. وصح إني متأخره وايد بس رضوآ يسجلوني لأن مستوآي الدرآسي كـان عآلي خصوصـًا اني درست فـ مدرسـة امريكيه و درجاتي مرتفعه و نجحت فامتحان القبول بـ إمتيآز .. بآجـر بيكـون أول يوم دوآم لي اليوم بطلع مع الدريول آتشـرآ اغرآض وجـي -أبوي سوآلي حسآب فـ البنك "مصرف الهلآل" وعطآني الكآرد .. عشآن ينزلي مصروفي الشهري عليها و عشـان مآحتآج شي .. أمـا حررمته كانننت ميييته غيره بآلقـو ، لأن طلبآتي زآدت ، وطلبت من ابوي مبلغ كبيـر بحجه إني بآخذ لآبتوب + فون يديد و آيبآد حق ميروه وسيف… أحسها من الغيره شوي وتذبحني المهم آححين انا فحجرتي اتجهز ححق الطلعـه .. لبست عباه مسكـره لأن اححس مافيني ابدل بجامتي *سـودآنيـه* وحطيت جحآل وروج وبلآشر …. واحين سآيـره آششوف ميره وسيف جهزوآ ولآ .. - إذا بعدكم تتسألون شصآر ع سعيد ترآني ترجيته مايخبر اخوي عن اي شي لأن ممافيني تصير ضرآبه ، ووأخاف اخسر أبوي .. الممهم --

ميره : ننندى زينه ثيآببي ؟
سيف : نندى شووفي انا بعد اوك ولا اغير ؟
ندى"شفت ثيآبهم كآنوآ مطقمين لآبسين GAP وبنطلون رمآدي وجوتي طقم و آشكآلهم كيوت " : يآوويلي ع الكشخه .. ايي زيينه تجننون .. يالله نطلع ..
"سيف وميره رآحوآ لـ ندى ومسكوآ ايدها كل وآحد من جهه"
ندى " توجهنـا لسـيآره الدريول -مرسيدسS500- يآحليلـه من متى وهو يتريآني"
عبدالجليل : مماما انا من سسآعه يتريا .. شنو هذا ..
ندى : ززين خلاصص اممش ..
عبدالجليل : ووين يبي روح ؟
ندى"توها ماتعرف مولات بوظبي " : سييف وين نروح ؟
سيف : المارينا مول ..
ندى"تكلم السوآق" : سمعت المارينا مول زين ..
عبدالجليل: شو مارينا مول هذا بعيد ..
ندى :ايهيي رووح المارينا وخلاص ..
عبدالجليل : زين زين ..
" ^ شكله زنوب موصيه الدريول علينا"

- وصلنـا المول ونزلت مع اليهـال وبمـا إن ماعندي فون فـ ع اساس يوم نخلص سوآف ولد زنوب يدق للدريول من فـونه -

ندى"مستحيه من اليهال لأن ميودين ايدينها" : خخلاص بيتحرنكم ععياليي هههه ..
سيف"بلعانه" : ممماممما ..
ميره"تقلد اخوها" : هيهيهي ماممما ندى ..
ندى : مماما ندى فـ عينكم خلاص مماشي ايباد :(
سيف & ميره : لالالا خلاص اسسفين ..
ندى - سآرت محـل iStyle خذتلها لآب MacBook Air وخذت لـ آيبآد وآحد لـ سيف وميره -
ميره : انننا ابي ايباد بروحي ممابي مع سيف ..
ندى : طع .. زين خلاص نحن طلعنا من المحـل ..
ميره : ‘إهئ اببي ايباد "شوي وبتصيح"
ندى : لححول .. "وردت للمحـل .. وكآن شي شبآب 3 من ردت ندى تححروها انها مسويه هالحركه عشانهم .. "

.. : طاعها اكيه رددت ..
- : هييه اكيد راده عشاني هههه ..
** : خلاص انت وياه البنت حتى ماصدت صوبكم ..
.. : احين بتصد " وضحك بصوت عآلي عشان اتطالعه"

- فـ صوب ثآني كانت ندى مع ميره تترياها تشتري كفـر للايباد اللي خذته-

ندى"إلتفت جههة اللي ضحك لأن ضحكته كآننت ععالييه تهههز المحـل ، فإبتسمت وبآنت غمآزتها -إبتسمت بس جي يعني مب ححق الشآب هي حتى مااتطالعت ملامحه عدل"

.. : وآفديتها انا ، خلاص هاي اليوم مابخليها ..

- ندى خلصصت من المحل وطلعت نزلت الكآرفور خذتلها فون بلآكبيري وبعدها سسـوت shopping مـع ميره وسيف اللي مخبلين بهـا .. ويلففتون الإنتبـاه بدرجـه .. لأن ماشاءالله عليهم جنهم توأم ومطقمين وجي هم أصلن لأنهم يهآل فـ كيـوت اشكالهم .. يعني شكلهم يلفت و الحشره اللي مسوينهـا بعد .. وندى ياحليلها تمشي وتحاول تسكـت فيهم .. -

.. : > ترآ اسمه مآيـد .. "المهم مآيد قعد ينآدي ميره ، وكل شوي يقوللها تعالي وهي سآحبه عليه ، عقب سآر محل Patchi وترس جيس كلـه ككآكآوآت ومصآصآت مال patchi المهـم وعقب آشـر لـ ميره تعالي ان بعطيج"

ندى"كانت ملاحظه ان واحد يأشر لـ مميره فـ حاولت تمنعها": مممييره لاتروحيين ..
ميره : ششوففي بيعطييني ككآكآو ..
ندى : مميره انا بشتريلج والله بس لاتروحيين ..
ميره"سحت ع ندى ورآححت لـ مآيد اللي ككان بعيد عنهم شوي"

--

مايد : بعطييج بس بشرط ..
ميره"ماده ايدها" : ششو شو ؟
مايد : قوليلي شو اسسم هذي اللي وياج ؟
ميره : هذذي ؟ نندى .. يالله عطني ..
مايد : ززين لحظـه .. ، ندى شو ؟
ميره"نفذ صبرها" : ننندى الـ **
مايد : وافديتها طلعت من قوم الـ ** طلعنا نعرفكم ، يوددي حبيبتي انتي تستاهلين"وعطاها الجيس ، وبـ عفويه باسها ع خدها بوستين" هذي بوسه حقج ، وبوسه عطيها ندى ..
ميره"كانت بتروح بس رجعت وسألته" : وواننت شو اسممك ؟
مايد : انا ممايد ..
ميره : انزين شككرًا ممايد "ورآحت طيران لـ ندى"
ندى : اننننا قلتللج لاتتتروححين ..
ميره : اسسفه اسفه ندى .. ندى هاتي اذنج بقولج شي ..
ندى " نزلت لـ مستوى ميره"
ميره "باستها" : هذيي منن مايد اللي عطاني الـكاكاو ..
ندى"اححمرت خدودهـا ، ومايد كان واقف بعيد يطالعها ويضحك.. " : زين خخلاص يالله بننروح انا خلصـت ..
ميره"تتلفت" : سسسيف ووين ؟
ندى : مماععرف .. امبيه .. تعرفين رقمـه ؟
ميره : هيي ننفس رقم بابا بس دو ..
ندى : طع زين وكم رقم ابوج ماعرفـه ..
ميره : انا حافظتنه ..
ندى : زين دقيله ..
ميره : ماعندي تلففون ..
ندى : طعع لييش ..
ميره : مآعررف ..
ندى : آوفف شنسوي ..
ميره"انتبهت لـ مايد اللي كان مآر صوبهم" : هييه مآييد .. " ورآحتله وقالتله السآلفه وشلت فونه ودقـت لـ سيف و رد عليهم و آتفقوآ يتلاقون عند ستآربكس "
ندى : سسسيف زين جي خليتننا نتوهق ؟
سيف : آآسف .. شفت ربيعي ورحت مممعاه ..
ندى : وتخلينننا نحن البناات بروحنا ؟
سيف " ببراءه" : آسسف آسسف اخر مره ..
ندى : زين دقق ع عبدالجليل بسرعه خل ايي يشلنـا ..
" وآخيـرًا انتهى المشوآر المتعب و فالسيـآره "
- سيف وميره مستآنسين بالآيباد مب قآدرين يتريون لين البيت فـ فتحوه-

ندى "غارقه بأفكارها" \ يآربيه هالمايد من وين طـلع .. بس زين آحسه محترم .. لالا شو محترم نآدى ميره ومادري شو قعد يقوللها .. بس هـو شكـله كآن جنتل .. يعني طويل وعريض و إبتسآمتـه تخق و عيونه آلنآعسـه وخشمه السيوفي .. و بشـرته البرونزيه .. وشعره القصيـر .. مـآيـد ! آوف لآه ندى بسسج لآتفكرين فالشباب وآيد كلهم نفس بعض ..

-قطع حبل افكارها صوت الدريول المزعج -
عبدالجليل : يللا انت مافي ينزل شو ؟ يالله رووخ ..
ندى : روخ ها ! راخت روخك ويا هالويه "ونزلت وهي معصبه لان قطع عليها الأفكـار ، ولأأن ندى وميره نزلوا عنها وخلوها تتوهق فـ أجياسها بروحها وعاد روحه دريول كريه فـ ماتروم تقوله يسآعدهـا فالاجيآس - شلت ندى اغرآضهـا ورآحت غرفتهـا شغلت فونها اليديد وركبت الرقم اللي ابوها يايبلها اياه وحدرت المسن خذت من ساره رقمها ودقتلها"

ساره : هها باجر وراج سسكول واخيرًا . .
ندى : ايي الحمدلله ، والله ملييت من البيت .. واشتتتقت لأيام الدراسه ..
ساره : وع من صجج انتي .. إلا اقولج اي مدرسه حطوج ؟
ندى : مدرسـه --- ..
ساره : اوه وياي ..
ندى : إححلفي ؟
ساره : واللله العظظيم .. ونننناسسسه ..
ندى : سكولكم ححلوه ؟
ساره : ههه مآشي سكول حلوه اصلن ..
ندى : طع .. لهالدرجه كارهه السكول .. زيين كلمييني عنها ..
ساره : بباجر بتشوفينها ..
ندى : بلييز ..
ساره"بإستسلام" : زين عن شو اكلمج ..
ندى : همم كيف البنات اللي ويانا ..
ساره : همم شي بنآت صآيععععات وشي أوك .. وشي فري وايد .. وعندنا وايد بويات وبنات عندهم سوآلف بنت تحب بنت وجي ..
ندى : آمبيييه حتى انتوا .. تدرين حتى فتركيا كان شي بس شوي جي يمكن ثنتين ثلاث .. يسمونهم ليزبين ..
ساره : اييوه هذي هيي .. بس خلج بعيد عنهم زين ..
ندى : ايي اصلن ممآحب .. احس غلط الشي ..
ساره : ههه الله لايبلينا ..
ندى : زيين زين انتي اي شعبـه ؟
ساره : ب ..
ندى : خخلاص بيي صصفج ..
ساره : زين شش احين بننام ..
ندى : زيين ضيفييني ع البيبي ..
ساره : ززين طرشيلي بن كودج مسج ..
ندى : أووكك يالله عيل بيباي ..
ساره : بيبآي .. سي يو ..

- اليـوم الثـآني فالمدررسـه -

الآخصآئيه : زيين بنحطج فـ عآشـر أ ..
ندى : لآلأآلأآ بليز آبي فـ ب ..
الأخصآئيه : حبيبتي مآيصير نحن مرتبين الطآلبآت ع حسب المستويات .. جي بيصير خلل ..
ندى " آوفف من أولها جي .. " : زين شكـرًا أبله .. أي صوب صففي ؟
الأخصآئيه : سيري مع الفرآشه بتوصلج صفج ..
ندى"بدون نفس" : زززين …

ندى \ دخلـت الصصف ، مماكان شي مكآن فآضـي إلا آخر شي حذآل وحده بـويـه .. أوف انا شـ يابني هني ؟ ..

المس : الطالبه اليديده شـ آسمج ؟
ندى : نـدى ..
المس : زين حبيبتي ندى روحي قعدي يـم عليـا ..
ندى : إن شاءالله - كنت متجهه لـ مكآني ونظرآت البنآت كلها علي .. وانا مآشيه سمعت بنتين يتهآمسون -

.. : تذككرين هذيج اللي شفناه ع الكاسر مع احممد بن *** ..
.. : امبييه هذذي هي ؟
.. : شفتي كيف شكلها غير هني أونها مؤدبه هههه ..

^ هالبنتين اللي كآنوآ يرمسون عنها فـ البآرت اللي قبـل ، قبل .. :) -لوتذكرون-

نهــآيـــــــــــة البــــــارت العـــاشر . .
أتمنى أن ينـال إعجابكم . .
بإنتظار تعليقـاتكم و آرائكم و توقعـاتكم . .