|
اول يوم بعد العزا.. اليوم بيردون اهل الامارات الا عايلة بوهادي بيقعدون اسبوع.. البنات كلهم متيمعين بغرفة شوق.. ريم: دانووه بتقعد ببيتنا لي متى شوق: لما تهدا حالتها ريم: عيل انا بقعد عندكم بدالها وديمة:وانا بعد شوق: يا ريت والله ودوم وديمة:شواقي ما يصير جذا لازم اتيينا الامارات انتي وريماني شوق: خخخ لو بيدي الحين اروح وياكم أميرة:كل واحد ببلاده احسن الكل استغرب من كلام اميرة لولوة: اميرة شو قصدج؟ اميرة:تعرفينه زين روضة حبت تغير الموضوع:انشالله هذي خاتمة الاحزان الكل:آمين شوق: ودوم انتي مخطوبة؟ وديمة: لا يا حظي اميرة: شو بعد شايفتلها ريل؟ شوق:تقريبا وديمة: صدق؟ شوق: بس عاد انتي توافقين او لا لولوة: ما عدها مانع من الحينه اقولج الكل يضحك شوق:ودوم بخطبج حق وهابو اخو ايمان رفيجتي وديمة: وهابو؟ شوق:اي عبدالوهاب نفس شخصيتج بس مشكلته مغازلجي وديمة:لا يا معودة ما ابا ريم: فديتج والله ترمسين كويتي وديمة:وانتي بلاج قلبتي من اهلنا الكل يضحك وتقطع عليهم ضحكهم ام خليفة.. ام خليفة:عساها الضحكة دوم لولوة:آمين ام خليفة: يلا بنرد البلاد الحينه شوق: لا خالتي لا تقولين ام خليفة:هههههه وديمة:اميه ابا ايلس هنيه ام خليفة:شو استانستي من شواقي والبنات؟ وديمة: هيه وايد ام خليفة: لا فديتج بنروح كلنا حتى لولوة بتروح لولوة:انا؟ شوق: ما يصير غش غش اميرة: خالتي ام هادي بتروح بعد؟ ام خليفة:لا هادي وامه بيلسون بعد اسبوع..يلا سرعة نشن تأخرنا على عمكن وديمة: اميه ما ابا اروح ام خليفة:انشالله المرة الياية عدنا بالامارات شوق:انشالله نزلت شوق تسلم عليهم اميرة لما شافت شوق:لولو زقريلي هادي اباه برمسة لولوة:شو تبغين فيه؟ اميرة:رمسة خاصة امبيني وبينه شوق احترت خالدة:شوق شوفيلي لحاف من دار الاكل شوق:انشالله راحت شوق دار الاكل واول ما دشت شافت سلطان اخو وديمة.. شوق:قوة سلطان:شو يقولون خخخ مرحبا مليون شوق:يقولون الله يقويج سلطان:الله يقويج شوق:اليوم رادين الامارات؟ سلطان:هيه انشالله شوق:توصلون بالسلامة سلطان:الله يسلمج اختيه شوق:انا اختك ونااااسة يعني اصير اخت ودوم فديتها سلطان:ما اسرع ما حبوها ونحن لنا الله شوق:ههههههه وخذت لحاف وطلعت .. بهاللحظة مرت وديمة جان يناديها سلطان ويسألها عن شوق.. وديمة:هذي شوق سلطان:باين عليها حبوبة وديمة:اسكت لا تسمعك لولو تذبحنا سلطان: خخخخخ وراحو المطار ومع رابع يوم للعزا فضا بيت بومحمد وما ظل فيه الا اهل البيت حتى خالاتهم راحو بيوتهم... شذى: شفيج شوقو ضايق خلقج؟ ريم: محترة ومنبطة جبدها خخخخ شذى: من منو؟ ريم: وحدة الله يستر عليها خخخخ شوق:ريموه جب |
وبالصالة عايلة بومحمد كلها متيمعه ما ينقصها الا فيصل اللي خذاه القدر ومحمد اللي خذاه الشغل ودانة اللي خذها الحزن وقعدت ببيت خالتها فوزية عند رغد ومعاهم هادي وامه وكانت هذي المرة الاولى اللي يشوف فيها هادي ريم واول مرة يشوف شوق من اول ما يا من الامارات.. بومحمد:عظم الله اجركم طبعا شوق دمعت الكل:اجرنا واجرك بومحمد:مثل ما تعرفون فيصل الله يرحمه توفى وهذا امتحان من الله يختبرنا اذا احنا مؤمنين بقضائه وقدره ولا مو مؤمنين وانشالله اهو الحين بالجنة وماشالله عليه فيصل ريال محافظ على صلاته ويحب الكل وما عمره ضر احد وانشالله الحين الكل يدعيله بالرحمة..الحين فيصل راح ومحمد مو هني واذا الله عطانا عمر بنعيش.. الكل ساكت الا شوق تبجي بهدوء وريم تحاول تسكتها وهادي عيونه عليهم.. خالد : الله يطولنا بعمرك يبا بومحمد:ابيكم تتحملون المسئولية انته يا خالد واخوك طلال ترى خواتكم مالهم احد غيركم وانتي يا منيرة انسانة مؤمنة وتعرفين ان هذا مصير كل حي.. منيرة هدت حالتها وايد من خلص العزا ونفس الشي مريم اللي الكل كان متوقع العكس لانهم كانو حيل مع بعض..بس اللي كل ما ذكروه تبجي اهي شوق شذى:يبا علمتو محمد؟ بومحمد:اي قلناله بس انا قلتله ان ما ايي شذى:ليش ؟ بومحمد:اهو توه مشتغل واذا يا راح يفصلونه من هالشغلة وكلكم تعرفون شكثر تعب على ما حصل هالوظيفة شوق واهي تبجي: حرام عليك اهو اخوه مثل ما هو اخونا خالد:شوق ! شوق: اسفة يبا بس بومحمد: ادري يا بنيتي بس اول شي مسحي دموعج ولا كل الكلام اللي قلناه من الصبح ما منه فايدة؟ ريم: خلاص شوق بومحمد:يلا بنيتي الغالية قومي قولي للخدامة اتييب الغدا قامت شوق ولحقتها ريم.. ريم:شوقو هذا هدوي؟؟ شوق:شرايج فيه؟ ريم:خخخخخخ شوق: جب ليش تضحكين ريم: ما توقعته جذي شوق: شقصدج؟ والله شحلاته اينن ريم: هذا شحلاته صج ما عندج ذوق شوق:اقول انجعمي وايد احسن ريم: خخخخخ ما ترضى ع الحبيب شوق:سخيفه الكل تغدا وراح غرفته وهادي راح ينام بغرفة فيصل القديمة اللي مجابلة غرفة شوق بالضبط.. اما شوق وريم كانو تحت بالصالة عند مريم اللي تغيرت حالتها وما جنه شي صار.. شوق: مريووم احس ان كل اللي صار جذب ريم:شلون يعني؟ شوق: يعني احس فيصل ما مات بيردلنا مريم: الله يرحمه شوقو فيصل مات محد يقدر يجذب الخبر بس يمكن من الصدمة تقولين جذي شوق: صج والله احس جذي مريم: بس الانسان الي مو مؤمن اهو يفكر جذي تعوذي من ابليس شوق: اعوذ بالله من الشيطان ريم:مريوم دانووه متى بتيي؟ مريم:الله يعينها كانت متعلقة فيه وايد امج اليوم داقة تقول يالله بالحسرة تاكل وما تتكلم الا مع رغد شوق:وبتخلونها جذي؟ مريم: شنسوي بعد بروحها ياهل لما تهدا حالتها بتيي من نفسها ريم: يعني لي متى مريم: شهر ثلاث اسابيع على حسب ريم: عااااااااشو شوق: شنو عاشو فال الله ولا فالج ريم: مو قصدي بس عشان اقعد عندكم مريم: الحمدلله والشكر.. هذا وينه بعد شوق: منو؟ مريم: فهد بعد منو شوق: شنو بتروحين بيتكم؟ مريم:اي بروح شوق مريضة وما تنام بالليل واهو وعلي مستلمينها لازم اروح شوق: فديت سميتي والله ما تشوف شر ريم: وانا اقول علاوي وينه طلع عندكم مريم: يعني وين بيروح الله يجزاه خير فهد سوى معروف ريم: خخخخ مريم:يلا كاهو وصل مع السلامة شوق وريم:الله يسلمج |
هذا البارت اموت فيه عشان جذي لونه فوشي هع :) واول ما راحت مريم.. ريم: والحين البيت صار فاااااااااااااااااااااااضي شوق: شنو بتسوين ويا ويهج ريم: اي شي اهم شي تحسين بالحرية شوقوه شرايج؟ شوق: شنو؟ ريم:مسرحية! شوق: ما جنه عندنا عزا ريم:العزا ثلاث ايام بس شوق: انزين مسرحية شنو؟ ريم: ما ادري فكري وياي شوق: ليلى والذيب خخخخ ريم:انا ليلى شوق: لا انا ريم: انا قلت اول شوق:انزين بس اول شي امثل دور صديقة ليلى بعدين الذيب ريم سوت عنقوصتين وحطت شرايط وخذت نفنوف قديم من كبت دانة صار قصير عليها ولبسته وخذت مفرش طاولة الاستقبال وربطته عليها لان لونه احمر وخذت سلة.. وشوق لبست نفنوف وردي وسوت نفس تسريحة ريم.. شوق:ريموه حلاته الحين احد ايي ويشوفنا يحمد ربه الف مرة خخخ ريم: تطمني يا روحي كلهم نايمين وسكتي خلينا نبدا المسرحية.. ريم وشوق اندمجو بالادوار.. ريم: منى خلينا نلعب .. شوق: لا يا ليلى روحي ودي السلة بيت يدتج ريم: منى يلا لعبي وياي شوق واهي تقلد سحر حسين بالمسرحية :ابوي وصاني وانا قد الكلام ولازم ارد ولازم ارد وارجع القرية قبل لا يحل الظلام قبل لا يحل الظلام ريم: بالطقاق روحي انا بلعب راحت شوق الصالة الثانية عشان تغير هدومها و ريم قاعدة ومندمجة بالدور وتسوي روحها تلعب جان يدش خالد وشافها.. خالد ما قدر يكتم الضحكة: هههههههه ريم: بسم الله متى ييت خالد: شتسوين ؟ ريم:واخزياه طالع شكلي وراحت بسرعة حق الصالة الثانية عند شوق شوق: بسم الله شفيج تركضين؟ ريم:خلود شافني بهاللبس شوق: خخخخ بهالنفنوف والشرشف والعنقوصتين ريم: اي شوق: ليش ما كان نايم؟ ريم: امبلى بس ما ادري شلون قعد شوق: بتكملين المسرحية؟ ريم: من صجج شوق: خنشوف اذا راح بنكمل لاني صراحة عجبني الدور ع الاقل تغيير جو ريم: لا ما راح اكمل شوق: نكمل هني شرايج؟ ريم: والله انج شوق:شنو؟ ريم: لا ولاشي وغيرت ملابسها ولبست بدلة بنية وفلت شعرها <<يعني الذيب خخخخ شوق: شتسوين يا بنية بروحج؟ ريم:رايحة حق يدتي ابوصل سلتي يدتي تعبااانة مشتاقة لشوفتي شوق:سلامتها سلامتها تعيش وترد صحتها ريم: وانا ولهانة ولهاااااااااانة لشوفتها شوق: يدتج وينها في؟ ساكنة بأي الدروب؟ ريم: ساكنة بوسط كوخ تمشي شوية جنوب تلقى بير ويمه مجرى الغدير كوخ ديده هناك يصير شوق:رايحة بتشوفين اليدة وما بيدج حقها جم وردة؟ ريم: عندي هالسلة لها فيها كيك وفيها بيض شوق: لا يا ليلى ما بيصير يا ليلى ما بينفع هيك..روحي ورا ذاك الشير تلقين روز وزهر .. اخذيلج جم باقة ورد وحقها اهديها ريم:وردة حمرا وردة صفرا الوردة البيضا احلى وردة منها بتستانس اليدة فجأة ينفتح الباب وخالد وهادي يطيحون من كثر الضحك خالد:هههههههه الله يغربل ابليسكم حافظينها بالحرف ][...الفصل العشرون...][ ريم:كله منج شوق: شدراني انا ريم: انتو ما تستحون تطلون علينا هادي:خخخ شو مخبلة بروحج انتي ريم: مالك شغل كيفي اسوي اللي ابيه هادي: حشا شعشبونه مب ليلى خالد:صراحة ريموه ارشحج حق الاوسكار ريم: مابيه خله حقك خالد: افا ترديني انا ريم : عيل ارد منو؟ الاوسكار خله حق مرتك خالد: ريموه يالياهل مالج شغل بمرتي ريم سكتت هادي: معجزة ريموه تستحي ريم:جب خلود كبر ابوي شنو استحي منه وشنو قال اصلن عشان استحي منه هادي: اونها ترقع خالد: خخخخ ريموه شوقوه راحت تبدل وانتي تهاوشينا ريم:الخاينة انا اعلمها وانتو شغلكم بعدين هادي:شو بتسوين يا ام البيض ريم: هدووووي جب هادي: جب انتي خالد:هادي خلها عنك وامش نروح باسكن روبنز ريم: الله ابي هادي: مافي حقج روحي سوي بيض انتي ريم: محد كلمك خلود ييبلي وياك خالد: شرايك هادي؟ هادي: انا اقول حسب المعطيات اللي عندي وبهالوقت بالذات لا ريم: بكيفك انت هادي: والف لا بعد يلا لا نتأخر ريم واهي تصعد فوق: ما عليه الحين ادق على جسوم ايي ويوديني انا وشوقو هادي: خلاص تعالي بنشتريلج ريم: لا والله عقب شنو خالد: يلا تعالي انتي وشوق بناخذكم ويانا بعد شتبون ريم: رياييل ما اييون الا بالعين الحمرا هادي: والله دنيا طاع من يرمس خخخ اذا هاي بتسير انا بيلس ريم: احسن تخفف ريم راحت عند شوق.. شوق: ليلحينج انتي ع الشرشف الاحمر خخخ ريم: خخخخ موقف ولا اروع شوق:الا قولي ولا الوع حده فشلة ريم: ليش؟ شوق: ما شفتيهم شلون يطالعونا لا وشافونا واحنا نمثل بعد خخخ ريم: عادي واي يا حلات خلود اخوج شوق: خخخ شتبين فيه ريم: مابيه اهو شكبره كبر ابوي ابي واحد نفس صفاته شوق: خخخ الله يرزقج ريم: خو الاخت ضامنة رزقها بس مسكيه مو تاخذه اميرة شوق: جب ريموه والله ازعل عليج ريم:ما قلت الا الصج شوق:حرام عليج لو تشوفينها مساع.. تقلد اميرة: لولو زقريلي هدوي ابغيه برمسة خاصة مالت عليها ريم:ما عليج منها بس بتحرج ويلا تكشخي بنطلع شوق: وين ومع منو وليش؟ ريم: ضريبتهم محد قاللهم يشوفونا بيودونا باسكن روبنز شوق: لا يا معودة مالي ويه اروح ويا هدوي عقب اليوم ريم: روحي لاه اصلن هدوي ما راح يروح شوق: جذابة تقصين علي عشان اروح ريم: ما اقص عليج اهو اللي قال بنروح مع خالد وهذا السويج امشي السيارة جدامي |
مــــــــــــــــــحــجــــــــــــوز على ماقراها برويه وبعدها ارد الف شكر خيتو والبقيه تجي عقب القراءه |
خخخخخخ عاااااااااااشت الروية اسم الله عليهم عيال الكويت مثقفين هع ننطر على ما تقراها بروية خيو ^^ |
| الساعة الآن 04:17 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir