|
الصراححه البارتت طرر وبيجنن ياخخ تروحون وتردون بالسلامممه يلاا عاد تحمستت ابا اعرفف شو اللي بيستوي و كذاا |
البارت 24 . . . زايد : بروح اخذ الملابس وراد : مابا انا أخاف اتمم بروحي زايد : يلا عيل روحي وياي : لا والله تباني اطلع جي ؟ زايد : عيل خلاص باجر بخذ الملابس : اوكك زايد قعد عدالي : مب بردانه ؟ : لاا زايد : تعالي قعدي عدالي بقولج شي : ارمس انا اسمعك زايد : تعالي انزين وقفت وقعدت جريبه منه : ها ؟ زايد ضربني في راسي : ها في عينج كوني رومنسيه شوي : زين زايد : بتروحين العرس , بس بشرط استتانست : تمم زايد : بوديج الصالون وبردج هني تتلبسين وبنروح القاعه , انا بدخل صوب الرياييل وانتي الحريم , بسلم عليهم وبقعد وياهم ششوي وعقب بتصل فيج وتطلعين : لااا , أبا اقعد.. زايد قاطعني : انا ما خلصت رمستي , لا تقولين بروح الصالون مع بنات ماشي , ولا تقولين بروح ولا برد مع البنات بعد ماشي , اباج دوم جدامي : زايد يعني محد بيكون عندي زايد : بوديج صالون فاضي , وبترياج برع : زينن زايد يمسح على ايدي : لا تزعلين , وبعدين انا وايد مشتاق لج : ما زعلت زايد : ما بترقدين ؟ : لاا شبعانه زايد : السحور ربع ساعه وبيوصل : مب يوعانه زايد : بس لازم تاكلين : زايد زايد : عيونهه : الله لا يحرمني منك زايد : ولا منج ياروحي . . . سلمى : الحين شو ؟ فاطمة : في العيد انتي وين تكونين ؟ سلمى : في بيتهم سارة دخلت عليهم , وبدون نفس : تعالو سحور فاطمة : انتي ايهه , وايد جايفه روحج ومغرور ما ادري على شو ؟ من جمالج يعني سارة : بسكت عنج لاننه حدي يوعانه , وعشان امايه ييت وزقرتكم فاطمة : وانا أقول كل أسبوع اجوفج امتنيتي ممن كثر الاكل , وبعدين عصبن عنج تزقرينا سارة تقربت ودرزتها من جتفها : احترمي نفسج , وبعدين انا الحمدلله اللهم لا حسد , على كثر الاكل اللي اكله ما امتن مب مثل بعض الناس رجيم قاسي وما ينفع وياهم فاطممة ردت لها الحركة بس اقووا : جببببب سارة رفعت ايدها ودزتها من الجتفين وطاحت فاطمة على الكرسي : بعده ما طلع من بطنن امه اللي يسكتني , وراحت عنها .. فاطمة : انا براويها , وبخليها تحب راسي , دخلت حمام الصاله اللي فوق , وتجبر دموع عشان تنزل وخربت شعرها , ونزلت تحت وتمثل الصياح : عموه بنتج ضربتني جوفيها وماخلت لي شعر سلمى على صوب مبتسمه من تصرفاتها .. سارة : امايه والله جذابه , وانا ما سويت لها شي بوزايد : خلااص تعالو كلوا وانتو ساكتين , مانبا ازعاج فاطمة تمسح دموعها وتعدل شعرها وقعدت عدال سلمى , وتطالع سارة بإحتقار , وسارة ترد لها النظرات بس بإنتصار .. ام زايد : ريموه زايد وحرمته ما ردوا ؟ ريم : لا امايه زايد اتصل فيني وقال : انهم بيباتون هناك يومين سارة : وهم وين ؟ ريم : في قصر الامارات ام زايد : وعرس ولد عمه ؟ ريم : ما ادريبهم والله بوزايد : بس سكتوا نبا ناكل بهدوء سلمى : صدقه عمي ارمسوا عقب بوزايد : انتي بعد دخلي لسانج في حلقج ريم وسارة ماسكين ضحكتهم .. . . . ريم : انزين ماما قولي قصه سلامه : ريموه خلاص سكتي ريم : قولي قصه وبنام وبسكت سلامة : في يوم كانت ريم قاطعتها : أي يوم ؟ سلامة : يوم مم الاحد ريم : كملي سلامه : كانت بنت جميلة فيي .. ريم قاطعتها : شو اسمها ؟ سلامه : ممم موزة ريم : انزين سلامة : كانت في الحديقة .. ريم قاطعتها : أي حديقة ؟ سلامة : حديقة الكورنيش ريم : كملي سلامة : كانت تلعب مع ربيعاتها .. ريم قاطعتها : شو تعلب ؟ سلامة : مرحانه ريم : وشو اسم ربيعتها ؟ سلامة : ريم ونورة ريم : انزين سلامه : ام موزة زقرتها عشان يروحوا لك... ريم : شو اسم أمها ؟ سلامة وقفت : انا الغبيه اللي عطيتج ويهه ريم شوي وبتصيح : ماما قولي والله بسكت سلامه : كل شوي تقاطعيني , خلي ابوج يقول لج ريم : احسن انتي قصتج ما حلوه , وركضت عند ابوها .. سلامة : حيوانه انا براويها ريم قعدت فوق ريل محمد : بابا محمد : عيونه ؟ ريم : أبا قصه محمد : قولي لماما ريم : ماما قصتها ما حلوه وانا اسئلها شو اسمها تنازعت وراحت سلامه : جذابه مب مخلتني اكمل القصه , كل شوي وسألت محمد : تراها ياهله , وهم يحبون يسألون ويكتشفون سلامه : تعبتني , خلها عندك واكتشف انت وياها وجاوب على اسئلتها , وردت الغرفة تنسدح .. . . . حور : انت تقرا كتبب ؟ مكتوم : من فتره قمت اقرا حور : وليش ؟ مكتوم : جربت اقرا وايد ووايد حبيت روايته وقمت اقرا غيره حور : حسستني يا مثقفف مكتوم : شو نسوي بعد نشغل عمرننا خديجة دخلت الغرفه : مكتووم مكتوم : هلا ؟ خديجة : الله يخليك اقنع امايه نبا نسافر وياهم حور : مع منو ؟ خديجة : اهل مواز بيسافرون خلنا نروح وياهم مكتوم : عيب وبعدين احنا ليش نروح وياهم خديجة : مب ععيب والله عادي , ونوير رمستني مكتوم فز قلبه من الطاري بس حاول يكتم : رمسوا امايه خديجة : امايه قالت : انا مافيني على السفر روحوا مع اخوكم مكتوم : خلاص انا بجوف الشباب حور : وين بيروحون ؟ خديجة : ميونخخ حور : ووناسه , مكتوم بلييز وافقق مكتوم : برمس ناصر واذا اقتنعت بسافر وياهم خديجة : يارب يقتنعع حور : آمييييييييييييين مكتوم يضحك : هههههههههههههههههههه الله يثبت عقلكم في مكانه حور وخديجة : آمييين مكتوم : يلا انزين طلعوا برع حور : بننزل عند امايه , وطلعت هي وخديجة .. . . . حميد : مهور خلااص سككتي مهرة : انا اتصل في حرمتك ليش ما ترد ؟ حميد : أي حرمه ؟ مهرة : اووه اقصد حبيبتك حميد : مب حبيبتي وبعدين انا نسيتها هي عرست وخلاص مهرة : لا تجذب قول انك تمثل نسيانها حميد : يعني شو تبيني اسوي ارد اسولف وياها ولا اخطبها مهرة : انت كنت تسولف وياها ؟ عيل ليش وافقت عليه ؟ حميد : انا ما كنت ارمسها وياليتني رمستها مهرة : ععيب شو ترمسها يعني ترضى يصير فيني جي حميد : بتطلعي برع ولا مهرة : انزين ليش ما ترد ؟ حميد يصارخ ومتنرفز من ازعاجها : يعنني انا عايش وياها عشان اعرف اخبارها وليش ما تتصل ولا تردد ؟ طلعي بررععع مهرة طلعت ونزلت تحت تطالع تلفزيون من الملل .. . . . ترنن ترنن ترنن ترن.. نورة : ناص تتصل الساعه ثنتين ؟ وين تبا هاي ؟ , ردتت.. مكتوم : مرحبا نورة : منو ؟ وشوتبا كل شوي متتصل ؟ مغلط اخويه مب سارقه حلالك ولا حلال ابوك مكتوم مبتسم : بلاجج كلتيني ؟ نورة : الحمدلله ما أكل لحوم بشريه مكتوم : زين ارمسي شوي شوي نورة : واذا ما رمست شوبتسوي ؟ يلا راونني رجولتكك ؟ استح على ويهكك كل يوم واتصلت فينني , انت ما عندك خوات مالت علييك مكتوم شاقق الحلج : تصدقين مستانس لانجج ما سكرتي , وبعدين انا ريال شاريج نورة : عسى دنيتك كلها احزانن ولا تفرح في يوم , انا مب بضاعة في السوق عشان تشتريني ولا تبيعني مكتوم : انا اباجج نورة : لو انت صدقق ريال وتبا تبين رجولتك صح , دقق الباب ما تنقز من الدريشه مكتوم : انا كنت أبا اسمع ردج بالأول , واوعدج من باجر ارمس ابوج نورة : صدق انك ما تستحي , وانا مستحيل اخذ لوث مكتوم : انزين ما سألتي انا منن أكون نورة : ولا أبا اعرف مكتوم : انا مكتوم اخو حور ربعيت مواز بنت عمتج نورة شههقت وتحس لسانها انربط .. مكتوم مبتسم : عيل سككتي ؟ نورة لا ردد .. مكتوم : انا ما اتصلت اسولف وياج بس انتي الله يهديج ما خلتيني ارمس نورة : شو تبا انزين ؟ مكتوم : اباج انتي , أبا اسمع منج الرد وعقبها برمس ابوج نورة : آآ.. مكتوم : مابا اسمع شي الحين , عندج يومين وبرمسج ابوج , طرشي مسج ردج ولا تستحين من شي نورة على طول سكرت .. . . . راشد : نصور بعد العيد بنسافر كلنا ناصر : الشباب ؟ راشد : لا العايلة الكريمة ناصر : وين ؟ ومتى ؟ هزاع : بنروح ميونخ , ثالث يوم عيد ناصر : اكيد وياكم دخلت الصالة وانا اجوفهم كلهم قاعدينن : السلام معلييكم الكل : وعليكم السلام والرحمة الله وبركاته حبيت راس امايه وابويه وسلمت على الشباب من بعيد وقعدت عدال ناصر .. هزاع : انتي ما عندج بيت ؟ ريلج وينه ؟ كل يوم اجوفج في بيتكم : جججابب والله اخبر عليك امايه ام خليفة : بلاج تصارخين ؟ : امايه ججووفيه يطردني من بيتنا بوخليفة : صدقه وبعدين ريلج وينه ؟ : وانا شو أبا فييه بوخلييفة بعصبيه : موازز : امزح وياكم , راح عنده شغل وبيرد يفطر في بيتهم بوخليفة : وليش ما تروحي وياه وبعد الفطور تيين وياه , هذا ريلج ولازم دوم تكوني وياه : يعني ما تبوني اييكم بعد ؟ ام خليفة : احنا ما قلنا جي , بس يابنيتي ما يصير اهله شوبيقولون كل يوم وراحت بيت أهلها وبعدين انتي خلاص هذاك بيتجج ولازم ماتغيبين عنه دوم اتصلت في زايد : تعالل اقولكك زايد : مواز قايل لج عندي شغلل ما اروم ارد : والله اذا مارجعت برجع بتكسيي زايد : شوفيج ؟ توني منزلنج بيتكم : انا اباا اروح ممكن تييني ؟ زايد : ربع ساعة وبكون عندج : خمس دقايق والله عقبها برد بروحي البيت زايد : زين راد .. وسكرت عنهه وانا انافخ من العصبية .. ام خليفة : زعلتي ؟ ترا الموضوع مايستاهل وبعدين شكله معصب : انا مستانسه اننه وافق وخلانني اييكم , وانتو ترمسوني ججي اصلنن انا الغلطانة ام خليفة : غلطانة انج ييتي بيت اهلج ؟ : يعني ما جفتي رمستكم , انا داخله واسلم عليكم أبا اسولف وياكم عصبتوا وليش يايه ؟ بوخليفة : سيري ريلج برع يترياج وبلا هالدلع : الحين هذا اسمه دلعع ؟ اوكك مع السلامة , شليت شنطتي ووقفت أبا اروح , ناصر مسك ايدي ووقف ومشينا انا وياه .. بوخليفة : محد يدلعها غغيرك , خلها تروح بيت ريلها احسن لها طلعنا برعع وجفت زايد في سيارته , ومن جاف ناصر نزل وسلم علييه .. زايد : شوفيج ؟ ناصر : عندك شغل ؟ زايد : لابس في أوراق لازم اوقعها في دبي , وأجلتها لباجر ناصر : اليوم بنفطر برع زايد : انت وياها ؟ ناصر : وانت بعد زايد : انا بروح عند اماية افطر , لانه اليوم الاهل متيمعينن , يطالعني : وقالت لي لازم تيينن لفيت ويهي الصوب الثاني : انا بروح مع ناصر زايد : عقب امايه بتزعل اطالعته : بروحك قلت يمعه اهل وبعدين ما بيأثر غيابي ناصر : اكيد هم يايين يسلمون عليج : مابا انا اليوم أبا اتمشى ناصر : بعد الفطور بمر عليج لفيت ويههي عنهم .. زايد : بعد الفطور بردج هنني , انتي قلتي بتفطرين عند اهلج والحين بتطلعين ارججعي والله لسان خالو مابيسكت بتقعد ترمس وايد : مايهمني زايد : مواز خلينا نرجع ناصر : انا بدخل , ودخل ععننا زايد : شوفيج ؟ أحاول امسك دموععي .. زايد : قوولي ؟ ما رضيت ارمس .. زايد مسك ايدي وسبحني وياه للسيارة : يلا الحين ارمسي نزلوا دموعي بهدوء وانا اطالع جدام .. زايد سحبني لحظنه , وهنننا قمت اشاههق ما قدرت اسكتت : شوفيجج ؟ لا تخوفيني عليج وانا اشاههق : ما يحبوني مايبونني زايد : منوو ؟ قعدت اشاهق : مايحبوننني زايد طلع دبه ماي وفتح الجامه , صب شوي ماي في ايده وقعدت يمسح على ويههي ويمسح دموعي : اهدي نزلت راسي وقعدت امسحه بالكلينكس .. . . . نورة دخلت : سلامممم الكل : وعليكم السلام ناصر يفرها بالمخدة على راسها : ليش ما كملتي السلام , مالت عليج نورة تدور بعيونها : سيارة زايد برع , مواز وينها ؟ ناصر : بعدهم ما روحوا ؟ نورة : ليش هي متى يات ؟ راشد : دقايق وروحت نورة : غغريبة , وليش ما طولت ؟ راشد : ماندري نورة : ادريبكم تجذبون , انا الحين بتصل فيها وبرمسها شمه تسحب عنها الفون : هي عند ريلها خليههها ناصر : قال لهم كل السالفة .. وام خليفة قاعدة تلوم عمرها .. شمه ونورة : حححرامممم هزاع : المهم البنات وينهم ؟ شمه : بيردون مع يدوهه عبدلله : ليش يدوه طالعه وياكم ؟ شمه : ههي نورة : لسوء ححظنا انها كانت موجودة واححنا نخطط لطلعه عبدلله : خذتوا راحتكم ولا؟ نورة : انا ما خذت فستان الصراحة راشد : لييش ؟ عقب انا ما اروم اوديج نورة : مب مخلتني اختار على راحتي , تباني ألبس واحد يغطيني من راسي لاصابع ريولي عبدلله : احسن لكم بعد شو تبون نورة : اخترت واحد ططر , بس يدوه تقول : شو هذا مفصخ وابوي عليج شمه : فضحتها جدام الككل , حتى السوري يضحك عليهها نورة : اقولكم من دخلت ووقف السوري ويمشي ويانا عشان اححنا نجوف الفساتين , هزبته يدوه وعطته من الزينن وتقول: انت ما تستحي على ويهكك , محل حريم وانت شو تدور هنني , صدق رياييل آخر زمنن الكل ضحكك : هههههههههههههههههههههههههههههههههههههههههههههههههه هههههههه . . . زايد : يمكن عشان انتي كنتي عندهم اكثر من شهر اعذريهم ولا تزعلين منهم : انا مستحيل ازعل منهم , بس يعني يرمسون ويقولون جي اوكك ما قلنا شي بس مبج دام عيال عمي كلهمم , ولا بعد ابوي يقول سيري ريلج يترياج برع زايد : ابوج نفس ابوي يعني عصبيينن , ربعع بعد شو نسوي : انا ما بروح بيتكمم زايد : وامايهه : ما يخصنني , قول لها أي شي زايد : تبيني اجذب ؟ : انا ما قلتت ججذب ولا قلت رد امك بس انا تععبانة مابا اروح لهمم جي , وسلموه تزيدني بعد من الرمسة وخالتك عادي بترمس جدام الكل زايد : بتقعدين عندي ومحد بيرمس عنج نزلتت راسيي .. زايد : نروحح ؟ هزيت راسي بههي .. . . . خليفة : ما تقعدين هنني بروحج ، تردين عند اهلج امل : ليش ارد ؟ أسبوع وبرد هنني ، واصلنن هم عادي عندهم خليفة : لو تبين انا بدفع عنج بس تروحين ، وربيعاتج كلهم بيردون وياج أمل : لو سمحت خلني على راحتي ولا تجبرني على شي خليفة : عطيني سبب مقنعع أمل : مافي سبب خليفة : قلت انا بدفع لج أمل : عندي بيزات خليفة : عيل ؟ أمل : اقولك محد مهتم وابويه بروحه قال لي : تممي هناك ولا تردين ، أسبوع ما بيأثر خليفة : رددي لهم ، انتي المشتاقه لهم وماعليج منهم أمل : ما اقدر خليفة وقف : مب على كيفج بتردين غصبنن عنج ، رمستج بالطيب ما رضيتي وانا ما اباج تقعدين هني بروحج ، وراحح عنها ... أمل نزلت راسها وهي تلعب بكوب الكوفي اللي في ايدها .. ربيعتها تقربت منها : شو صاير ؟ شكلج معصبة أمل : يباني ارد البلاد ربيعتها : ردي انزينن أمل : انتي بعدج ما تدرين عن الحياة اللي هناك ربيعتها : وشو قال ؟ أمل : هو بيحجز لي وبرد غصبنن عني ربيعتها : لا تتضايجين بالعكس الحين البنية تدورعلى اللي يهتم فيها جي ، لا تخسرين خليفة لانج ما بتحصلين مثله ولا بتقدرين تردين لهه أمل قامت عنها وردت السكنن .. . . . حمدان :اتصلت فيه ما يرد ام زايد : كيف يعني ما يرد ؟ هو قالي انه ما بيتأخر وحرمته بتفطر بيت أهلها حمدان : والله ما ادري عن شي ام زايد : عيل يا ولدي انت بعد تعال حمدان : لا خالو انتو يمعه أهل وانا ليش ايكم ، خليها يوم ثاني ام زايد : لاثاني ولا ثالث ، اليوم اتيي حمدان : ما بنردج وتمم ان شاء الله ام زايد : يلا عيل اترياك واذا رمسك الهرم خبرني حمدان : هههههه ان شاء الله ام زايد : مع السلامة ، وسكرت .. حمدان انسدح ع الغنفة : هفففففف شوه العيشة ، والله انني ملييييييت ، قام وتسبح وطلع له كندوره وتكشخ وطلع .. . . . زايد واقف جدام باب بيتهم : يلا ننزل ؟ هزيت راسي ونزلت وياه .. دخلنا داخل وسلمت على الكل وقعدت عند ريم : شحالج ؟ ريم : الحمدلله ومن صوبكم ؟ : تمام ام مكتوم : شحالج بنيتي ؟ عاد حور تسلم عليج وتقول انها بتتيي بعد الفطور : لييش ؟ ام مكتوم : مكتوم عازمنهم على الفطور ام زايد : افاا وليش ما ايوون هنيي ام مكتوم : هو مخبرنهم من قبل وهم استانسوا وما حب يردهم ام سلمى تطالعني : شخبارها امج ؟ استغربت من سؤالها : الحمدلله بخير ام سلمى : من زمان ما جفناها وقلت بتخبر عنها ابتسمت لها وقعدت اسولف مع ريم وسارة ، شوي رفعت راسي على اللي دداخلة وتسلم ، فتت حلقي من الصدمة وف خاطري : حراممم هاي صايمة ، وودي اذبحها واعلمها السنع .. ام سلمى : هلا بنيتي شحالج ؟ وينج ما تمرينن علي سلمى بدلع : ماماتي محد هناك في بيتنا ، اقعد هني مع البنات الشباب كلهم يطالعونها بإحتقار .. مسكت فوني وفتحت البيبي ام ، كتبت لزايد : نزل عيونك زايد بإستهبال : ليش ؟ رفعت عيوني اطالعه وجفته يبتسم لي ، رديت عيوني على الفون : يعني ما تعرف ليش ؟ زايد : شو أبا فيها ؟ : بسألك سؤال ، خالتك كيف جي راضيه على بنتها ؟ زايد : وايدين رمسوها وهي مطنشتنهم : استغفرلله ، وبعد يبونها لك زايد : محد لي غيرج : بنجوفف زايد : والأيام بتثبت لج : عن شو ؟ زايد : انج بتحبيني وبتعشقيني ، وانني مستحيل اتغير عنج رفعت راسي واطالعته وابتسمت بخجل ورحت صوب الدري بصعد فوقق .. ام سلمى : صدق انج ما تستحين ، بدل لا تروحين وتساعدين عمتج في الطباخ تشردين فوق : والله انا ما شردت وبعدين قلت بروح الحمام بعد حرام ؟ ام سلمى : ما تستحين على ويهج ما تحترمين حد انتي ، تبين الاكل يوصل لج جاهز : والله الاكل ما يوصلني انا بس ، بعد بنتج وليش ما تقولين لها نفس الكلام ام سلمى : ما يخصج في بنتي زايد : ومحد له خص في حرمتي ام سلمى تطالع زايد وتأشر علي : توقف ضدي عشانها ؟ زايد : أوقف ضد وبويهه الكل عشانها اذا تبين تتأكدين ام سلمى : هاي ساحرتنكم كلكم ، ولاعبه في مخكم زايد : خالو لو سمحتي ، مابا ارفع صوتي وانا محترمج انج خالتي ، وبعدين جوفي بنتج تنزل لنا ببنطلونات ومقمصان على جسمها جدام الشباب ، هذا مب حرام ؟ ام سلمى: محد له خص في بنتي زايد : ومحد له خص في حرمتي ، ووقف وتقرب صوبي ومسك ايدي وسحبني وياه فوقق .. . . . وكز وكز وكز وكز : هها ؟ نورة : ها في عينج ، انتي وين لا تتصلين ولاشي وبعدين متى غيرتي فونح ؟ أبا اجوفج عندي لج سالفة ولازم اقولها لج اليوم ممكن ؟ خذتي فستان ولا ؟ اليوم قلنا بنروح نتحنا لأننا البارح مارحنا نمر عليج ؟ باجر بنروح صالون **** بتيين ولا نمر عليج ؟ نويصر معصب وزعلانن منج لانجج ما تتصلين فيهه وحتى يوم رمسته هزبني وسكر الفون في ويههي ، وبس كتبت لها : انا مشغولة عقب برمسج ، وفريت الفونن .. نورة تطالع الرد وهي معصبة : مالت عليها انا من ساعة ارمسها وايدي عورتني من كثر ما اكتب راشد: حوووه ترمسين منو ؟ نورة : الحيوانه مويز ، بس والله لو جدامي اقطعها بأسناني راشد : خخخيبه طلعتي مصاص دماءء نورة : جب جب ، وراحت غرفتها .... . . . بعد يومين .. : زايد قومم زايد : روحي تلبسي وانا ببدل سرعه : انا من ساعة ججاهزة زايد : خليني ارقد شوي صارخت : ززززااااايييييدددد زايد فتح عيونه : خخيبه شوفيج ؟ وانا معصبة : انا من ساعة اوعيك وانت يالس لي : روحي تلبسي ، جرجي فوني ، طلعي لي كندوة ، وانا الخروف اللي تقوله اروح واسوييه زايد : قوميني مثل الناس بس لا تصارخينن : عيل انا كيف قومتك ؟ قوم سرعة عن اتأخر زايد : تعبانن ما اروم اوديج : لا تستهبلل زايد : اقولج تعبان انتي ما تفهمينن ، ورد تلحف وغمض عينه .. وانا واقفه واحرك ريلي بقوة من القهر : بتصل في البنات يمرون علي زايد وهو مغمض عينه : ما يحتاي انا شوي وبقوم : الحين الساعة اربع العصر متى بتقوم حضرتك ؟ زايد : ما رقدت البارحة عدل : وانا ما يخصني زايد : لا تخليني احلفف والله ما تروحين العرس : يعني هي ياتني في الخطبة والملجة والعرس وهي اول ماس ايوني والحين ما اروح لها زايد : باركي لها وخلاص : انا أبا اروح زايد : بندي الليت وسكري الباب : انا بروح زايد بتعب : خلااص سكتي : انت وقت ما تباني اروح بتوديني ولو ما تبا بتحلف وانا دوم اسكتت ، بس انا تعبت من كثر ما امشي على مزاجكك انا بشر مثلك زايد : انا شو سويت لج ؟ مقصر في شي ؟ شي ناقصج ؟ : انا ما اقصد جي زايد غطى ويهه بلحافف ... : بروح مع ريم الحين بتمر علي زايد : لا تتأخرينن طلعت ونزلت لهم تحت جفتهم يتريوني ركبت وياهم السيارة سلمت وتميت ساكتة ... ريم : نروح الصالون ؟ لارد .. سارة تحرك ايدها جدام ويهي : وصلتي عند ريلج ؟ لو تبينا بنردج : ودوني بس عمي ريم : أي عم ؟ : بيت نوير سارة : ماشي وقت : انتو روحوا وانا عقب بيي مع الدريول ريم : على راحتج وصلوني بيت بوعبدلله وراحوا الصالون .. . . واتريا ردودكم |
السلام عليكم ؟ شحالكم ؟ ربي يسلمكم من كل شر انا آسفه وايد على التأخير ، ومن يومين راده بس تعب وجي وقعدت عند اهلي وان شاء الله يعيبكم البارت ، وفمان الله . |
الحمدلله ع سلامتجج البارتت ححلوو ياخخ بس هاي سلموهه وامها لين متى يعني بتموا جي اكرهممم ياخخ ف انتظارجج |
البارت 25 . . . نورة : لا مب حلو ، عدلي من هنني شوي ، هفففف مب نفس اللي انا أبا ، هذا الشعر ييبيه فوق شوي ، انتي ما تفهمين اقولج اباها نفس الصورة ، بنات جوفوها شمه : والله حلو اللي سوتهه نورة : مب نفس اللي انا أبا شمه : بس حلو نورة : أبا مواز سميه : بتروح مع ريم وسارة يمكن ما تيي نورة : زين رمسوها خلصت ولا ؟ شمه اتصلت بس محد رد عليها : ما ترد سميه : يمكن انشغلت وججي نورة: خلوننا نخلص سرعة شمه : وايد بعده الحين خمس نورة : بسرعة بيمر الوقت ويعني عقب بنرد البيت وبنبدل وجي وبنروح القاعة شيخة : تبانا نروح القاعة قبل العروس نورة : جب خلصوا وانتو ساكتين . . . في العرس .. نورة : انتي تستهبلين ؟ ليش يايه وريلج تعبانن : ما ادري نورة : يبيج من عيونج انج تحاتينه واصلنن ويهج متغير : شو اسوي انزينن ؟ نورة : روحي له : وميرة ؟ نورة : روحي سلمي عليها وقوليلها انج تعبانة , وهي ما بتجذبج لانه ويهج متغير : تعالي وياي نورة : صبري بقولج سالفة : قولي ؟ نورة : *قالت سالفة مكتوم كلها * : تدرين اننتي او وافقتي هو وايدد بيستانس , فوق الوناسة اللي متوقعتنها نورة : وانتي شدراج؟ : حور ترمسني عنه , يقول لها عن بنت مجهولة وانه يحبها وجي , ووما ادريبها لو عرفتج نورة : الحين ما اعرف شو ارد : تبينه ؟ نورة : تبين الصراحة ؟ هيهه : عيل طرشي له انج مموافقة ومن بعدها بندي فونج . . . زايد : بيبي تعالي سرعة سلمى : دقايق بس بكشخخ زايد : ليش تكشخين ؟ انا افكر اقعدج مكان القمر سلمى : حبيبي انا استحي زايد : فديتج وفديت مستحاج سلمى تقربت صوبه وباسته ع ..... . . . حنين : بس بعدي أبا اكمل دراستي ام حنين : وهو ما بيمنعج من الدراسة حنين : اللي تجوفونه ، وانتو ادرا بمصلحتي ام حنين : فديتج والله ، وربي يوفقج ، وحظنتها وقعدت تصيح حنين من داخل طايره من الوناسه .. . . . زايد قعد : هفففف فقدت هالشيفة ، حتى في الحلم لاحقتني مالت عليها ، دخل وخذ له شور ولبس وطلع يصلي .. دق دق دق دق .. زايد راح يفتح باب الغرفة .. : السلام عليكم زايد يجوف الساعة : بعده وقت ليش يايه ؟ : مممم زايد دخل وانا مشيت وراه : الحمدلله بخير انا : انا آسفة زايد مشى وانا وراه : لا عادي : يعني ما زعلت ؟ زايد : اصلن تعودت اطالعته بس هو كان مطنشني ويطالع الفون ، رحت الغرفة بدلت ومن التعب رقدتت .. . . . في العيد ... : كل عام وانت عيدي يدي : وانتي بخير حبيبتي ، وعيدج مبارك يالغالية يدوه : هي الحين هاي حبيبتك ؟ وانا مريت جدامك مليون مره ولا قلت لي عيدج مبارك قمت وحبيتها على راسها : كل عام وانتي بخير ؟ يدوه : وانتي بخير ؟ وينه ريلج ؟ : انا من البارحة في بيتنا يدي : مرتاحة ؟ نزلت راسي : الحمدلله يدوه تطالعني من فوق لتحت : وانتي شو هاللبس اللي لابسته ؟ ما عندج مخور ؟ خلاص انتي حرمة : يدوه خلينننا نستانس وبعدين محد من عيال عمي يدخلون هني لصلاة العصر وانا بكون مغيره لبسي يدي : ما عليج منها ، تعالي قعدي عدالي بقولج شي تقربت صوبه وايد ، وجتفي جريب من جتفه : آمر ؟ يدي طلع من جيبه وحطاه في ايدي : هاي عيديتج فتحت ايدي وصرخت من الفرحة وبسته على راسه وايده : حبيب قلبي والله ، ربي لا يحرمني منك يدوه بفضول : شو عطاج ؟ : 5000 يدوه : عيل تعالي انا بعد عندي لج عيديه ، انتي بتبقين الغالية ، بس لازم نهزبكم عشان مصلحتكم وقفت ورحت وياها : والله انا ما ازعل ولا وحده من البنات يزعلون ، احنا نستانس يدوه : وابوي تستانسون يوم حد ينازعكم ؟ : لا يدوه ، مستانس يوم نجوف حد يهتم فينا ةفي مصلحتنا يدوه : يالله تعالي وياي الغرفة دخلت وياها واجوفه تطلع بكس بين ثيابها في الكبت ... : يدوه شو تدورين هني ؟ لايكون بتعطيني مخورة ؟ يدوه فتحت لي البكس : هاي عيديج البارحة طلعنا انا ويدج وخذنا لج ، بس يدج خقاق لازم يعطيج بيزات الفرحة مب قادره اوصفها ، رغم زعلي وعصبيتني لانني ماخذه زايد وانا للحين مب متقبلتنه ، حبيتها على راسها : فديتكم والله ، الله لايحرمني منكم يدوه : عاد الحين البنات بيمدون بوزهم ، ليش خذتي لها ذهب واحنا لا ؟ : يدوه تعالي الصالة بصور وبطرشها في قروب بنات عمي يدوه تمشي وياي رايحين الصالة : وش قروبه ؟ : نسولف في هذا القروبب بس احنا بنات عمي ، ويصير اطرش صور يدوه : عيل تعالي صوريني ويا الهدية : ان شاء الله يدوه قعدت عدال يعني وهي ماسكه بكس الذهب في ايدها ويدي ماسك 5000 وصرتهم وطرشتها في القروب وكتبت : أحلى عيديه من أغلى ناس في قلبي – قلوب – ومر الوقت سرعه ، لانني انا من بعد صلاة العيد عندهم .. دخلت اخل عشان عيال عمي بيسلمون ، رحت غرفة ناصر وجفته قاعد يكشخ تقربت صوبه ، وحطيت خدي ملاصق خده وحبيته .. ناصر : صباحج عيدي : صباح وانت بقربي في كل عيد يارب ناصر : كنت أبا عيديتي اول وحده توصلج بس امايه وابويه سبقونني : يلا انزين ، اهم شي توصلني وينها ؟ ناصر : صبري ، طلع من الغرفة دقايق ورد ، وهو محطي الباقة على راسه : ووصلت العيدية لو يصير بطير من الوناسة ركضت صوبه وحظنته وهو بادلني بس بإيده الثانيه ماسك الباقة : ربي لا يحرمني منكك ، وشكرنن عللى العيدية الجميلة ناصر : يالله خذيها : صبر حطها على ويهك مره ثانيه ، بصور ناصر : يالله عاد لازم انتو البنات تصوروا : لزوم التصوير يا عمي كانت الباقة مب ورود كلها فلوس ، حبيت شكلها وايد ، دقايق وطلع عني ورد دخل .. ناصر : اوقفي بجوف لبسج ؟ ما انتهبت عليه وقفت وهو يطالعني : ايييه انا استحي كنت لابسه فستان رقيقق ، ومخصر على جسمي جنه مرسوم ، وكان لونه اسود وقطعته شوي مخملية ومن فوق جاكيت صغير وكاات ابيض وفيه فصوص سود ، وكنت لافه شعري على فوق بس منزله قصتي ، ومتمكيجه شوي بس واهم شي انني رسمت عيوني .. طلع عني وانا ووقفت واطالع شكلي في الجامة : فديتني والله جميلة رحت صوب الباقة ووديتها غرفتنا احنا والبنات كلنا نرقد فيها اذا نبا ، وتكون فيها اغراضنا ، قعدت اعد الفلوس اللي في الباقة وجفتها 10000 ، وايد استانست وحطبتهم في الشنطة ونزلت تحت بعد ما تأكدت ان الشباب روحوا ، وكنت محطيه الشيلة على راسي .. . . . سميه : جوفوا مواز شو محطيه ؟ سليمه تمسك فونها : اول شي عيديه يدي ويدوه وللثانيه منو ها ؟ ريلها ؟ سميه : لا هذا جسم نصور انا اعرفه سليمة : انا خلصت بنزل اذا ماييتي بروح عنج ، يمكن ألحق على نص عيديه ، ونزلت عنها .. . . . على الساعه تسع جمعنا كلنا في الصالة يدي ، والبنات مثل ماقالت يدوه مبوزات وهي مطنشتنهم ، بس يدي وزع عليهم كل وحدة ألف ، بس انا متخققه جدامهم عيديتي اكثر ، وطبعا ماخذوا من عند عمي ناصر لانه ما كان موجود رايحين يسلمون متعودين في كل عيد .. الخدامة : ماما موزا : عيوني ؟ الخدامة : بابا زايد يبا انتي برع ، وانا دخل هو داخل ميلس تغيرت ملامح ويهي ونوير انتبهت علي لانها سمعت الخدامة ، اما الباقين كلهم مندمجين في سوالفهم .. نورة : ما بتروحين ؟ : ما ادري نورة : شصاير ؟ قلت للخدامة خلاص انتي روحي .. . . . : انت تستهبل ولا شو ؟ يعني تباني ما اعيد عن اهلي ؟ زايد : هم عزموني وانا ما بردهم : مابا اروح زايد : لييش ؟ : تبا تروح روح بروحك حافظ الدرب ، اما انا بروح بيت اهلي زايد : ماشي وانا متعود اعيد عندهم دوم : زايد لو اهلك ممكن افكر حتى واحد بالميه ، بس هذيل ربعك وانا شو أبا فيهم زايد : حريمهم يكونون هناك زايد : مابا زايد : كيفج انا قلت اللي عندي وبتسمعين الرمسة غصبن عنج رضيتي ولا : سير انت وخواتك زايد : خواتي وامايه وخالو وبنتها بيروحون وياي : الله يحفظكم انا ما بروححح زايد : الرمسه وياج ضايعه انا قلت اللي عندي وبتروحين وغصبن عنج وطلع عنني وانا من العصبية قمت وجهزت ملابسي واغراض العيد وطلعت واتصلت في الدريول ومر علي ، بس رحت بيت يدوه ويدي عشان لو رحت بيت اهلي بيخلوني ارد غصبن عني ، ودخلت بيت يدوه ومحد حس فيني لانهم راقدين .. . . . نورة : روحي له وباركي له بالعيد ، بيبقى ريلج : وايد تغير نورة : الله كريم قمت عنها وطلعت ومحد حس فيني ، دخلت الميلس وجفته قاعد وشكله يترياني : كل عام وانت بخير زايد مبتسم : وانتي بخير حبيبي ، تقرب مني وباس راسي .. نزلت راسي .. زايد طلع من ايده ظرف ومده لي .. : شو ها ؟ زايد : افتحي وبتجوفي فتحته وانا اجوف جوازي مع تذكرة سفر ، استانست وايد وفوق الوناسة بعد : ل وين ؟ زايد : لندن : صدقق ؟ زايد : هي ، يعني اجذب عليج ؟ تقربت صوبه وحظنته بقوة ، ، ما قدرت اوصف الشعور ، ، شوق ولا وناسة ، ، دقيقه وابتعدت عنه وقعدت عنه اسولف وياه ، ، واصور وصورت ايد وهو ماسك التذكرة وحطيتها دي بي ، ، والبنات كلهم بنقاتت ، ، وانا مستانسه وما برد على حد اطالعته : ليش ما رحت دبي ؟ زايد : امايه ماتبا تروح : الناس في العيد تسلم على الاهل وانت تروح لنا دبي عند ربعك زايد : تعودت واصلن احنا عيدننا ممل ، يعني اقعد في البيت ججني بنيه وعقب صلاة العيد اطلع من حمدان وعيال عمي ، ونروح نسلم لصلاة الظهر نرد نتغدى ، ونرقد لصلاة المغرب ونطلع انا الربع نتمشى ، بس في دبي نقعد ونسولف ونسلم ع كبار الشخصيات احس صددق انني في عيد ، ودوم حريمهم يجتمعون بعد وانا اروح بروحي ولا مع البنات : تحسيس عاد تسلم ع كبار الشخصيات زايد يضربني ع راسي : جب انزين : لا عاد انا عيدي غير ، ما جفت الصور اللي احطيهم ؟ زايد : لا ماقعدت عليه : كنت في بيت يدي من البارحة ، قمت من وقت وكشخت ونزلت اقعد عند يدي وعطانني عيديه ، وعقب يدوه ودتني وعطتني بعد ، ورحت اسلم ع عمي ناصر وبعد عطاني زايد : وشو عطوج ؟ عشرين ؟ ولا خمس بعدج ياهله دزيته ع جتفه : جب وبعدين انا مب ياهله زايد : واثق انن عيديتي سبيشل : يدي عطاني خمسه ويدوه ذهب وعمي عشرة زايد : ححلفي ؟ : والله لو تبا تراويك الصور زايد : ويعطون القوم بنات عمج كلهم جي ؟ : لا طبعا انا بس زايد : زين والله : انزين متى السفرة ؟ زايد : ثالث يوم عيد : ززين عيل زايد : تجهزي من الحين ، عقب لا تحشريني لانج ما خلصتي : ان شاء الله زايد : سوي درب بسلم ع يدتج ويدج وامج وقفت ومسكت ايده ، ، وصلت صوب الباب وقتله : اصبر شوي دخلت عندهم وقلت للبنات زايد بيدخل وكلهم دخلوا بس الكبار كانوا قاعدين ، ، دخل زايد وسلم عليهم وقعد يسولف ويبارك لهم في العيد .. يدوه : حاجز لحرمتك ؟ زايد : هي يدوه بنونسها شوي يدوه : زين والله يدي : دير بالك عليها زايد : هي في عيوني يدوه : مبين وهي عندنا من البارحة رصيت على شفايفي وانا اطالع يدوه بلوم ، ، ما كنت أبا حد يدري انني كنت هني ، ، بس يدوه بتقول كل شي ادريبها .. زايد قام : يلا عيل انا رايح يدي : وين رايح ؟ ما قعدت وايد يدوه : من الصبح وهو هني في الميلس عند حرمته زايد يبتسم : بروح اسلم على الأرحام يدي : جزاك الله خير يدوه : والموز ما بتاخذها ؟ لازم تسلم على اهلك بعد زايد : بتقعد عندكم الحين ، العصر بمر باخذها وبنروح نسلم بعد يدي : ربي يحفظكك ووصل سلام زايد : ان شاء الله رحت وياه ووصلته صوب الباب بس في الحوش .. زايد تقرب صوبي وباسني على خدي : يالله فمان الله ، بمر عليج عقب قبل لا يطلع يات نورة .. نورة تصارخ عشان يمسع : مويز قولي لريلج يعطينا عيديه زايد رد بس تم واقف : وانتو ما كبرتوا على العيديه ؟ نورة : لا طبعا ، وبعدين انت عطيت حرمتك تذكرة سفر ، عطنا احنا بعد زايد : ان شاء الله ، ، طلع من جيبه خردة 100وقال : يالله ازقريهم اللي يبون نورة تطالعه : وطلعت مب هين ، الناس توزع خمس وعشر وانت 100 زايد : وانا مب نفس الناس ، يالله ازقريهم اللي يبون ، ولا بروح عنكم ، ، عطاني شوي منهم عشان اوزع عليهم .. نورة : انا كبيرة والحين في الجامعة يعني أبا خمس زايد : والله اني مب كاسر خمس ولا عشر نورة : لا انا اقصد 100 عشر زايد يطالعني ويمد ايده : ييبيهم بروح عنهم احسن لي نورة : ورفجه ما تروح زايد : يالله عيل تعالوا وخذوا وانتو ساكتين وزعت عليهم ، ، ونورة خذت اول وحدة ودخلت داخل تزقر اليهال ، ، وكلهم طلعوا برع .. زايد يطالعني بنص عين : اليها لشو يدورون نورة : انا زقرتهم ، لازم بعد ياخذون عيديه مديت ايدي : انت عطهم زايد : لا هذيل خليهم عنج ، ، وعطاني زيادة : وزي عليهم نورة : عطني انا بوزع عليهم زايد : اذا عطيتج انتي بتاخذيهم كلهم حقج ريم دخلت من الباب وعبدالعزيز وعمر : السلام عليكم الكل : وعليكم السلام زايد نزل لمستواها : تعالي عطيني بوسه ، عقب بعطيج عيديه وليد يرفع ايده : واناااا سعيد : انزين واحنا من ساعه واقفين ناصر : وذنبا من الحر وانت تزقرالدبه هاي ريم عصبت : الحين انا دبه ، حيوان انت ما احبك ومابقول نفس ماما علمتني ابتسمت لها : وشو علمتج ماما ؟ ريم : عيدكم مبارك تقربت منها وبستها على خدها : وانتي بخير ححبيبي زايد : وانا من ساعه قاعد ريم تقربت منه وباسته على خده وطولت في البوسه : عيدك مبارك زايد : الله يبارك فيج حبيبتي سعيد : وايد عليج ، الناس تقول : عساكم من عواده ، وينعاد عليكم كل سنة ناصر : على الأقل تعلمي كل عام وانتو بخير ريم عبونها امتزروا دموع : جججببببب ، ما احبكم زايد حظنها ورفعها لفوق ويطاعهم : اللي يعطيكم عيديه سعيد : خلاص عمي بنسكت اهم شي العيدية ناصر : نباها تكون نفسهم ولت اكثر : هو يرمس وانت لازم تكمل وياه سعيد : ما يخصج ناصر : هي جب زايد بعصبيه : والله ما عطيتكم عيديه الا اذا رحتوا لها وحبيتوها على راسها وقلتوا : احنا آسفين سعيد وناصر تقربوا مني وانا نزلت لمستواهم وحبوني على راسي وبنفس الوقت : آسفين كنت بعطيهم عيديه ، ، بس زايد قال : لا تعطينهم ، تعالوا عندي انا بعطيكم وراحوا اليهال صوب زايد ، ، وطلع خرجة ثانيه بس 50 ووزع عليهم ، ، وسعيد وناصر مبوزينن .. : ريموه منو يابج ؟ وانتي وين من الصبح ؟ ريم : رحت مع عمي عزوز وعمور ، ، دقت راسها : اووه نسيت ، قالو يبوا يدخلوا زايد يأشر لي ادخل داخل : يلا انتو والبنات داخل نورة : خلها هي تدخل ابوي انا أبا عيديه : مابا دخلوا وياي ، بقعد بروحي زايد : هم لابسين عبيهم الا انتي : بروح ألبس وبرد زايد : زين انا رايح ، بسلم عليهم وبطلع : ربي يحفظك ، زاتصل فيني عقب زايد : اوك ودخلت عنهم داخل ، ، ومسكتني يدوه : وين البنات ؟ وانتي من ساعه عند ريلج : يدوه هم طلعوا يبوا عيديه وهو وزع عليهم وطلعوا اليهال بعد ياخذوا عيديه ام خليفة : وهو روح ؟ : هي امايه ، عبدالعزيز وعمر بيدخلوا الحين بيسلمون وانا رايحه أتلبس ورحت عنهم لبست عبايتي وطلعت من باب الميلس لانهم ما بيخلوني اطلع ، ، جفتهم واقفين يسلمون عليهم واسمع نوير تقول لهم تبا عيديه ، ، وما جفت زايد اك راح ، ،وزعوا علينا واحس بشعور جميل يعني ردينا يهال ونبا عيديه وجي ، دخلنا بس من الميلس ، وهم دخلوا من الصالة .. : ريموه وينها ؟ سميه : شلها ريلج ، قال بيروح يسلمون وبيردون : ايوا سليمه : وليش ما رحتي وياه ؟ : ما اروم قلت له برقد بعد الغدا ومن أقوم بتصل فيه وبياخذني نورة : بس لازم تسلمين على اهله ، وانتي حرمته خلاص : ترا بمر اسلم عليهم مره ثانيه رحنا صوب حمام الميلس ، ، نعدل شكلنا لأننا ذنبا واكيد اخترب واقفين في الحوش ، ، عقبها طلعنا ورحنا الصالة وقعدنا شوي ، ، ودخلوا عمومي يسلمون وجي ، ، ونوير وقفت لهم ف البلعوم كل شوي تقول لواحد عطونا عيديه ، ، وطبعا وزعوا علينا عقب على اليهال ، ، وناصر وسعيد معصبين ليش يعطونا اقل منهم ، ، عقب أذن الظهر ، ، رحنا كلنا البنات فوق نبدل لبسنا وعمومي من دون عيالهم راحوا المسيد واكيد عيالهم يحوطون على طول بيروحوا المسيد وبيردون عشان غدا .. نورة : حلو شكلي ؟ كان لبسنا كلنا نفس الشي ، ، حريم السلطان وكان وايد حلو طالع علينا ، ، بس كلنا كانت اكمامه طويلة ، ، يعني كامل مستر لان الشباب بيقعدون في الصالة والغدا كلنا جريبين من بعض صوب حريم وصوب ريايل ، ، اول شي صلينا وعقب تلبسنا وعدلنا من شكلنا ونزلنا تحت ، ، نورة سحبتني على صوب ورحت وياها ادري عندها شي تقوله : آمري ؟ شصاير بعد ؟ نورة شاقه الحلج : وصلتني عيديه : من منو ؟ نورة : مكتوم انا شهقت : ححلفي ؟ وكيف ؟ سميه يات صوبنا : اقولكم بنات بنطلع العصر اوك ؟ : لا طبعا ، انا قلت لريلي بروح وياه نسلم وعقب يمكن اطلع وياه سميه سوت لي مالت : بدل ما تقول عقب بطلع وياكم : قاهدة عندكم من الصبح بعد شو تبون ؟ من بعد صلاة العصر بيمر علي وبروح عنده رات عننا سميه ، ، وتقول للبنات ان مافي حل نطلع اطالع نورة : يلا قولي ؟ نورة : . . . يدوه : يالعيوز ؟ نورة : اناا ؟ يدوه : هي انتي ، وفي عيوز غيرج نورة : حرام عليج يدوه انا الحين عيوز ظلمتيني وايد يدوه : يالله جب ، روحي وقفي برع بتمر عليج سيارة بنت ربيعتي عطيها هذا الصحن نورة : يدوه حرام عليج أوقف بالحر واترياها ، شرايج تقولين لها اذا وصلت تتصل فيج يدوه ترفع العصا : بتقومي ولا بالعصا ؟ نورة : آسفة عاد كله ولا العصا ، انزين وين الصحن ؟ يدوه : روحي عند الخدامة وبتعطيج نورة راحت عند الخدامة وخذت من عندها ووقفت ورا الباب بس كل شوي تطلع راسها عشان تجوف ، ، وايد ترييت طلعت فونها وقعدت عليه ، ، شوي وردت تجوف برع وجافت سيارة الحرمة ، ، راحت وسلمت عليها وعطتها الصحن وردت دخلت ، ، وهي تمشي في الحوش وعيونها على الفون ، ، وصلها مسج فتحته : ليش واقفه برع ؟ نورة انصدمت وقعدت على المريحانه كتبت : ( وانت كيف جفتني ؟ ) مكتوم : ( المهم جفتج ، ومنو هذي الحرمة ؟ ) نورة : ( يدوه موقفتني اتريا الحرمة اونه بنت ربيعتها ومطرشه لها من الحلاوة شوي ) مكتوم : ( انزين والخدامة ؟ وين راحت ؟ ليش ما تخلونها توقف ؟ ) نورة : ( يدوه تباني انا أوقف ، ولو قلت لها لا بترفع لي العصا ) مكتوم : ( يعني الهزاب يوصل لج انتي أكثر ؟ ) نورة : ( الله كريم ) مكتوم : ( خطيبتي ؟ ) نورة وايد استانست : ( عيونها ؟ ) مكتوم : ( مجهز لج عيديه عادي تطلعين تاخذينها ؟ ) نورة بصدمه : ( نعممم ؟ ) مكتوم : ( بس بعطيج عقب روحي ) نورة : ( انت تخبلت ؟ واذا حد جافني ؟ بيذبحونني انا ) مكتوم : ( تعالي من الباب الخلفي ) نورة ( هففف ) مكتوم : ( اذا ما تبين عادي ما بعطيج اليوم ) نورة : ( بس تعطيني عقب تروح على طول ) مكتوم : ( من عيوني ) نورة : ( أوقف الباب اللي ورا ) . . : ححلفي انتي بس ؟ وانا وين كنت ؟ نورة : كنتي عند ريلج في الميلس : ورحتي له ؟ نورة : هي : كملي انتي ؟ . . . نورة طلعت له وهي ترتجف وتطالع يمين ويسار ، ، ومن جافته فاتح جامه السيارة ، ، ذابت بمكانها ما عرفت شو تسوي ، ، نزلت راسها بس مارامت تنزل عينها ، ، ذابت اكثر وهي تجوفه يبتسم لها ، ، عقب حست بعمرها ورفعت راسها وقالت وهي تحرك شفايفها : وبعدين ؟ مكتوم يحرك شفايفه بنفس الرحكة : العيدية عند ريلج ابتسمت وهي تجوفها في ظرف خذتها ودخلت على طول ، ، وطرشت له : ( شكرا ) ، ، خذفت كل المسجات ، ، وردت داخل تقعد عند البنات ، ، وحمدت ربها ان يدوه ما انتهبت عليها .. . . . : قوويه طلعتي نورة : شو اسوي ؟ احبه : ححلفي ؟ نورة : وايد قمت افكر فيه ، وتبي الصراحة من رممسني بالموضوع ورديت عليه ، قمت ارسم احلامنا وشوب يصير بالمستقبل ، من كثر ما افكر فيه صرت احلمه ابتسمت من الخاطر : ربي يوفقج ، وتبين نصيحتي لا ترمسينه لانج جفتي شمه شو نهاية علاقتها نورة : والله ما ارمسه ، آخر مره يوم رمسني بالموضوع ، ولما رديت عليه بعد مارد علي ، هو بعد مايباني ارمسه : يبا ربنا يوفقكم في حياتكم نورة : وانا بعد ما ارضى بالغلط اصلن : عقبال ما اجوفج بالفستان الأبيض نورة ترفع ايدها : اميين : صدق انج ملقوفه على العرس نورة : شو اسوي والله تعبت : ربي يفرجها لج . . . هيثم : كل عام وانتي عيدي ، وعيدج بقربي في كل سنة يارب منيرة : روحح عن امايه تجوفك هيثم باسها على خدها ، وابتعد عنها وراح الصالة عند خالته منيرة : الحمدلله محد جافني خليل غمز : بس انا ججفت منيرة شهقت : احلففف ؟ لا اخبر حد ، الله يخليك ، انا احب هيثم وايد خليل ابتسم : بلاج ؟ واصلن انا مستحيل اخبر عليكم ، وانا اعرف كل شي منيرة : الحمدلله خليل : هههههه . . . سلمى : انا خايفة وايد فاطمة : خايفة من شو ؟ انتي خافي لو حملتي شو بيصير فيج سلمى : ما اقدر فاطمة : هذي فرصتج دام الكل راقد دخلي غرفته وانسدحي وبس ، واذا امه يات توقمه مثلي صياحج وجي يعني سلمى : عيل يلا سكري راحت سلمى وسوت الخطة اللي فاطمة قالت لها .. بعد صلاة العصر بربع ساعة اتصل في زايد يطلع كله مغلق ، ، اتصلت على فون عموه رمستها شوي واصلن انا مسلمه عليها من قبل ومباركه لها بالعيد بعد ، ، بتوتر قلت : زايد بعده راقد ؟ ام زايد : هي امييه ، رحت اقومه قبل الصلاة قال هو بروحه بيقوم : عموه طرشي حد من البنات يقومه ، هو قال لي بيمر علي عشان نسلم وانا مابا اتأخر عقب ام زايد : ان شاء الله حبيبتي انا بروح اقومه : لا تتعبين عمرج قولي لريموه ولا سويره ام زايد : هذيل يالله يقومون بعد صلاة المغرب : مشكورة عموه ، وقومي البنات وتعالوا مع زايد بينزلكم واحنا بنروح نسلم ام زايد : يلا عيل بقوم اجوفه . . . ونتريا ردودكم ! |
| الساعة الآن 10:08 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir