منتدى استراحات زايد - روآيـۃ فـآرقنـي اڷڪڷآم . . ♥!*

•ι[» اڷبـآإرت الـثـآآمـن «]ι•

م آقدر آفآرقگ و آٺرگگ و آنسآگ
شفني آغيب شوي و آرجعلگ ..
شوي بـ آنسآگ و آرحل و آٺرگگ
و آٺعدآگ لآ مٺ بس آلحين مقدر و آنآ حي !*

₪

زخيتها حسيت برجفه من الموقف .. يلستها ع الكنبه حذال يدوه ..

يلست يدوه تضربها ع ويها : ظبية ظبية ..

اما انا ربعت صوب الغرفه اللي قاعده فيها ميثه .. فجيت الباب بقوه .. اخترعت ميثه ..
كانت قاعده ترمس بالفون ..

امرتهـا : اتصلي لمروآن او حد من اخوانج ايي يشل ظبيووه

ميثه خافت : شفيهـآ

قلت بسرعه : اغمى عليهـآ

ضاعت ميثوه بافكارهـآ .. هزيتهـآ يلا اتصلي ..

ميثه : انزين انزييين

رجعت الصاله .. يلست اهز ظبيه ع الخفيف : ظبيه . . ظبية حبيبتي ..

عطتني امـآيه دبه الماي يلست ارشها ع الخفيف و كانت تشاااهق ..فتحت اعيونها
عفد لهـآ ملوك :مـآمـآآآآ ..

يت ميثه : الحينه بيي مروآن ..

شليت ملوك من حضن امه و عطيته لميثـه .. قلتهـآ : خليه عندج

ملووك يصيح : ابـآ مـآممـآآآآه ..

ظبية تحـآول ترمس : انا الحين الحمدلله احسن ..

قلت باصرار : لازم نطمن عليج ..

ظبيه معانده : قولو لمروان خلااص لا ايي

قلت : ظبيه .. انتي الحينه مب صغيره .. لازم تتاكدين من سلامه الجنين اللي فبطنج

ظبيه بدون لا تعاند : اانزين هاتي بطاقتي .. و انا من اوصل اهناكي بطمنكم

ابتسمت : ان شاء الله مافيج الا كل خير ..

دشوآ اخوانهـآ هزاع و منصور و ريلها مروآن ..

مروآن شل ظبيه و ظهروآ و آمـآيه راحت معاهم .. قعدت ع الكنبة و قعدت ميثة حذالي ..
و ملوك شال الدنيـآ بصراخه ,,
شليته احاول اسكته بس مب راضي .. صاير حشره ..

ملوك : وااااااااااااااااااااااااااا

بسته ع خدته : خلااص حبيبي .. خلاااص ..

صخيت لما طاحت اعيوني بعيونه ..خذت نفس طويل ,,آآه يا هزاع شو اتسوي فيني من اجوفك ..

طـآلعني هزاع و ابتسم ..رآح و يلس مجابلنـآ : شو صار فيهـآ ؟

ميثه : طاحت علينـآ ..

هزاع مستغرب : ليش !

ميثه : اظن من اعراض الحمل

يدوه : الا قولي من الزقاير اللي يدوخهـآ هزاع

ميثه : يدوه لا تخلطين المواضيع .. هزاع ماكان موجود

يدوه : عيل من ولدهـآ هاللي ملعوز فيهـآ

ميثه : يدووه .. اسمعي عدل .. قلنالج من الحمل

يدوه : اتجوفيني كبرت و عيزت .. مااقدر اسمع

هزت ميثه راسها بمعنى لا حول و لا قوه الا بالله

طنشت يدوه و مسكت البلاكبيري و يلست تعابل فيه

ضحككت و الله يدوه تحفه .. مادري كيف تفكيرهـآ .. و ميثه الحياه عندها مستمره . .

مادري كم مر من الوقت و نحن صاخين . . دش نهيان الصاله ,,

نهيـآن : يلا رتبوآ اغراضكم .. اليوم راجعين البيت

يدوه : هي فديتك .. عن يستوي شي زياده

نهيان : لا يدوه .. نحن بس حاجزين 3 أيـآم

يدوه : زيين

ميثه تطالع عبدالملك : افففف ماقدر اتحمل من ملووك ..

يدوه : خليه عندي هذا ولد الغاليه ظبية ..

ميثه : زين المهم مب انا اللي اتكفل به

لاحظت الحينه انه و لامره ميثه شلت ملووك .. ماتحب اليهـآل و الا شو شسالفتهـآآ !

قمنـآ رتبـآ اغراضنـآ و ظهرنـآ من الفندق .. و حمدت ربي انه ماكان شي مجال اني اكلم هزاع . . ادري بقلبي رهيف . . يسامح بسرعه . .

طلعنـآ بسيارتين .. انـآ كنت مع اخواني نهيـآن و عبود ..

بما انه يدوه ساكنه ف بيت خالتي ام هزاع الله يرحمها .. راحت مع هزاع و ميثه و منصور ..

اما ولد خالي حمدان ..ماجفته .. اظن للحينه قاعد مع اخته العنود ..

وصلنا البيت ع العصر .. طبعا الشباب ما يقروون فالبيت . . نهيان و عبود من نزلوني طلعوآ ..

بعد ما فصخت عباتي و شيلتي و سبحت .. البيت فاضي . . محد فيه غيري . . و الخدامه ماعرف وينهـآإ . .

مشيت فالحوي سمعت صوت صوب باب الميلس.. رحت اهناك جفت قطة شيرازية بيضه و حول رقبتها شريط بالاحمر و مربوط ع شكل فيونكه .. و مربوط فيه ورقه ..

رفعت حياتي .. هاي هالقطه يت اهنيه . . رحت صوب الورقه شلتها و فتحتهـآ ..

كان مكتوب فالورقه " حسيت انهـآ تشبهج .. نفس العيون .. كبار و حلوآت .. و شرآتهـآ تخرمشين البني آدم .. هذي هديتج و اتمنى انهـآ توصلج .. آ ح ب ج "

ابتسمت عرفت انها من هزآع .. لمـآ طرآ لي انه يايب الهديه و حطهـآ فالبيت .. الحينه استوعبت ليش وصلهـآ للبيت مب للفندق .. الحين انا قطـوه ..!!

اشكره ع التشبيه . .

شلت الورقه معاي و رحت دخلت داخل .. رتبت اغراضي فالكبت ..

بيتنـآ دوووم هادي لانه مافيه حد و اخواني دوم طالعين ..

فجيت اللاب .. ابا اقرا الاشعار اللي يكتبهـآ هزاع .. و يحطها فالموقع . .

تذكرت كيف علمتني ميثه و دشيت الموقع ..

جفت اخر شعر حاطنه

"
في ذمتي يآ زين مآني بنآسيكك . . آلشوق يجبرني آدوس لوصآلكك
يآ لزيم آلقلب هآجسي لوح بطآريكك . . وآلخآفق آللي من عنآ آلوقت جآلكك

"

ملآحظه : جميع الحقوق محفوظة لدى الكـآتبه عذب المعاني ..

ادريبه يقصدني بهالشعر . . تفديته فخاطري رغم انه كان مد ايده علي ..
ما اقدر امثل زياده اني مااحبه . . آآآخ يآ قلبي ..

فهاللحظة سمعت صوت دق الباب .. خفففت .. بسسسم الله
محد فالبيت . . منو اللي يدق لي الباب ..

هممست : منووه ؟

نهيان : يلا بوديج المستشفى عند اماية و ظبية

قمت من مكاني : انزين اسبقني . . الحينه بلبس عباتي و لاحقتنك

قلت فخاطري الناس فالمستشفى و انا قاعده اهنيه ع اللاب .. جنه و لا هامني شي غير ههالهزاع . .

ع طول قمت لبست عباتي و الشيله .. و نزلت تحت ماجفت حد .. طلعت برع عند السيارات جفت نهيان داخل سيارته ..

فتحت الباب و ركبت ..

طول الطريج نهيان ساكت .. هالانسان لمتى جي .. نادرآ ماياخذ و يعطي معانااا ..
صديت صوبه . . جفت الحزن بعيونه . . معقولة للحين ما ٍسأل عن العنود ..
و بعدين لين الحينه ماعرفت السبب الرئيسي لطلاق العنود . .

طالعني : شفيج .؟
صديت الصوب الثاني : هاه .. و لا شي . .

طالع الطريج . . و سكتت . .
الله يصبرني . . مادري كيف العنود مستحملتنه . .

وصلنـآ المستشفى .. نزلت من السياره . . بس نهيان مانزل . .طالعته مستسغربه . .
نهيان بجد : انا عندي مشوار صغير و بيي

قلت : اوكييه ..
و سكرت الباب . .

رحت عند الرسبشن اسالهم عن مكان ظبيه . .

سمعت اللي جدامي تسالهم عن مكان مريض .. عطتهم الاسم " .......بن .......بن ......"

.. و انا يبست بمكاني لما سمعتها تنطق بالاسم ..

صدت لي و ابتسمت .. و قالت : الريم .. انتي اهنيه !

انا منصدمه و قاعده اطالعهـآ ..

هزتني ع الخفيف ..و قالت : الريم شفيج .؟

قلت : هااه .. دانه !

ابتسمت : هيه .. شو اللي ياببنج اهنيه .!

قلت : بنت خالتي مريضه و الحينه بروح اجوفهـآ

دانه : ماتجوف شر ان شاء الله ..

قلت : الشر مااييج .. " سالتهـآ " و انتي شتسوين اهنيه .؟

دانه : شراتج . . يايه اجوف بنت خالتي المريضه .. مسويه حادث ..

قلت : ان شاء الله تكون بخير ..

دانه : ان شاء الله .. بس فيها جروح سطحيه ..

بعد تفكير قلت : اممممممممم .. عطيني رقمج عسب اطمن عقب

دانه : سجلي عندج 050*******

سويت لها رنه و قلت : و انتي بعد سجلي رقمي ..

دانه : اوكيه .. يلا عيل استاذن ..

قلت : اذنج معااج

و مشت دانه و انا عيني عليهـآ .. معقوووله !

معقووووله تطلع بنت خالت دانه اختتتتتتتتتتي .. لما عطتهم اسمهـآ .. نفس اسمي بالضبط !!

يعني ابوي متزوج وحده ثانيه و الا كييييييف !!

ياربي شكثر متلخبطه . . شو السالفه !!

انا لازم اعرف كل شي . . عسبت جذي خدت رقم دانه . .

سالتهم عن مكان غرفه ظبيه ,, و توجههت بسرعه لهنـآك ..

فالممر خطفت ع ريال واقف يرفع شعره عن يبهته .. كان عاطني ظهره ..

هذي حركة هزاع و ما اظن احساسي يخوني ..

انصصصصصدمت لما كانت مجابلتنه حرمه يرمس معاها ..

عضيت ع شفايفي امنع دموعي اتطيح ,,حتى اهنيه يا هزاع .. تنفست بصعوبه ما اتحمل خلااص ... كافي الي جفته من ها الخاين ..

مانتبه لي فركبت اللفت بسرعه و رحت صوب العناية المركزه.. و انا احاول اكتم دموعي من انها اطيييح

جفت اماية و مروان و منصور و يدوه قاعدين .. . وجفت ملووك يالس ايصيح فوق يدوه ..
بس الغريبه اني ماجفت ميثه موجوده .. رحت صوبهم و شلت ملوك عن يدوه و حضنته ..

قعدت حذال امايه و سالتهـآ : شو صار ؟

امايه بحزن : للحين ماعرف بس ان شاء الله خير

حاول مروان يدش بس منعوه الدكاتره .. بس كان يصارعهم و دش الغرفه ..

قلت لامايه : انا خايفه عليها

تذكرت لما جفت ظبيه تصيح بالفندق .. اكيد كان فيهـآ شي .. ليش تخبي علي !

شويه و ظهر مروان من الحجره اول مره اجوف جي حالته

يدوه : شو بلاهـآ ؟؟

مروآن بعذاااب : طيحت اليـآهل ..

و يلس ع الكرسي كأنه فقد الامل ... و كمل : و يقولون حالتها بخطر ..

شويه و ظهر هزاع من اللفت ..ملوك قام من حضني و راح صوب هزاع ..

طالعني و كنت اطالعه بنظرات .. كنت احس انه يحس بنظراتي .. ايحس باحاسيسي ..

بس شالفايده و انته كل يوم تهدم كل شي حلو ..! و انته تخون !

احاول اطلع لك اعذار بس مااقدر . . مااقدر اخون عيني اللي تجوفك يوميا مع بنت . .

ملوك : خالـي .. ابا مـامااا ..

هزاع يشله : ماما بعد شوي بتيي

امايه : خلاص انتو روحـوآ البيت و خذوآ يدوتكم .. لانها تتعب باليلسه .. و انا مع مروآن بنتم معاها ..

صدت لي : اذا محد فالبيت لا تقعدين فيه .. روحي بيت خالتج ام هزاع الين ارجع ..

ماعارضت و قلت : ان شاء الله

امايه صدت لمنصور اللي كان قاعد و ماله حس ..
و قالت : منصور فديتك .. ود بنت خالتك و عبدالملك لبيتكم..

زين ان امايه قالت لمنصور مب لهزاع..

قلت : ملوك حبيبي تعال بنروح . .
ملوك ربع صوبي : بنروح الدكـآن . .
طالعته : انته حياتك بس دكان . .!!!

مد بوزة : ابا اكليييييم
قلت : ماشي ايسكريم .. خلص من الدكان .. " صفقت بايدي " بححح

يلس ع الارض و صاارخ : ابااا اكليييييييييم ..

ضغطت ع اسناني : زين بس بشتريلك فضحتنـآ .. تعال بنروح

منصور وقف : يلا الريم .. سرينـآ

مسكت ايد ملوك و انا اطالع هزاع بنظرات : يلا اماية مع السلامه

ركبنا السيارة . . يدوه قاعده جدام حذال منصور ..

و انا كنت قاعده ورآ مع ملوك ..

بعد ماحرك منصور ..

ملوك : اكليييييم اكليييييييييم ..

قلت : بس خلاص الحين بنشتريلك ..

ملوك يصارخ : اكليييييييييييييييييم ..

منصور صد لورآ .. شكله عصب من صوت عبدالملك ..
قلت : اذا يلست مأذب بنشتريلك ..

ملوك مستانس : انزييين ..

حد اتصل فـ منصور ..

منصور : الـوووو .. شووه ! ... بعد شوي بيي المطار .. حصصل خير .. ماعليه ماعليه .. بكون موجود باسرع وقت . . مع السلامه " وبند "

انا فيني فضول .. شسالفه هالاتصال .. انا شيخصني فيه ! ..
اكييد اكيييد حد من ربععه ..

شوي و خطفنا ع دكان . . بس منصور ماوقف . .

ملوك يرمسني بصوت خفيف : الحين بنروح الدكان

سمعه منصور : اكل دكان ماشي .. تسسمع و إلا .!

طالعت منصور مستغربه .. اشفيييه .. شهالاتصال اللي جلب حاله فجأه !!

يدوه و اخيرن رمست : ها ولد الغاليه ظبيه .. لا تصرخ عليه .. و مر ع الدكان فديتك . .

منصور : يدوه صدقيني مب متفيج .. انا مسستعيل .. وراي مشوار ..

ملوك قععد يصيح و منصور مب مسويله سالفه و انا احاول اهديه بس مب راضي ..
بعد عنا رقد فوقي من كثر الصياح و التعب ..

تمينا صاخين الين وصلننـآ بيت خالتي ام هزاع ..يدوه عطول دخلت ..
انا تاخرت عسبت انزل ملوك و شلته بايدي و حطيت راسه ع كتفي ..

و منصور طبعا ماصدق تحرك ع طوووول ..

فتحت باب الحوي .. انصدمت فـ ميثه اللي كانت موجود ورآ الباب ..

جفتهـآ كاشخه وشاله شنطه صغيره شكلها كانت بتطلع .. طالعتهـآ بنظرآت استغراب و منصدمه بشكلهااا ..

صح ليش ماكانت موجوده معانا فالمستشفى ..!!
معننه هاي اختهـآ !!

مييثه تطالعني بنظرات منصدمه من وجودي ..

قلت : ميثـه ! ع وين ان شاء الله ..!

ﻣﮬﻣا ﻧﻃﻗت ﺑداﺧﻟي ﺷي ﻣﺧﻓيه ۆﺷﻟۆن اﻋﺑر ۆ اﻟﻣﺷاﻋر ﺛﻗﯾله !!

₪