|
يوسف: لا خير ابوووي بس.... ابو يوسف: بس شو ليكون خسرت في الشغل؟! يوسف: لا لا ابوي الحمدلله الشغل مااشي تماااام واحسن من اوول.. ابو يوسف: عيل شو عندك؟؟! يوسف: بصرااحة قررت بالمووضوع الي قلتلي عليه ....احسني ما مستعد لزوااج الحين وما اقدر احجز البنت اخااف ارد عنها نصيبهاا. ابو يوسف وهو ساكت وكأن كلام يوسف ما عااجبنه:توقعتك تاخذ فترة اطوول!!بس افهم من كلامك انك بتخاالفني؟! يوسف: لا يابوي ليش تفهم كل كلامي وتصرفي مخاالف الله يهدااك يعني ما يصير يكوون قراري!!؟ ابو يوسف: شوف يا يوسف انا ما اخترتلك البنت الا لاني اعرفها واعرفك.. البنت بنت عمك واحنا اولى فيهاا بعد اهلها واذا انت شايف فيها اي شي غلط خبرني انا بتصرف بس البنت ما عليها كلام ولا تنسى عيون النااس واايد زايغة هالاياام اخاف ياخذها واحد طمعاان في مالها وعقب يعذبها اخوها صغير ما بيدة شي يسوويه وبصرااحة جارنا محمد مكلمني يباها لولدة وانا قلتله ولد عمها يبااها خلاص!! يوسف سكت ما قدر يرد على ابووة ما قدر يقوله انا مواافق عادي عندي ترا مصيري بتزوج بس سعيد اخووي يبااهاااا وما اريد افترق عن اخووي بسبب بنت....: بس لو تكلم سعيد يمكن له خاطر فيهاا.. ابو يوسف:لا سعيد ما تناسبه هو اصغر منها وبعدة يدرس ... يوسف: انت شاورة بالاول افضل بعد هو ولد عمها وله حق! ابو يوسف: بس انا اباها لك انت سعيد بعدة ما قد المسؤلية طاايش وما وجه زواج وانا مستعجل عالموضوع؟؟! يوسف: براحتك.. الي تشوفة مناسب سوااه........{ وقام وترك ابووه } وهو وطالع في الصااله لقى سعيد في وجهة واقف وكانه عاارف الي دااير بينهم دااخل: ليش ما خبرتني من اول لو ما امي خبرتني الحين بالصدفة ولا ما كنت بعرف صح؟؟ يوسف: انت ما عطيتني مجاال وابوك فاجاني بالمووضوعـــ............................ قاطعة سعيد: اكيد واافقت؟! لا اكيد وافقت يوم قلتلك اني ابااها وافقت ولا اول ما كنت تبااها!! يوسف: سعيد ثمن كلامك.. انا ما كنت راافض ولا وافقت يوم عرفت انك تبااها بس ابووي مصر علي شو تبااني اسووي؟؟! سعيد وهو يضحك ضحكة قهر من كلام يوسف:هههههههه اهااا يعني الحين افهم من كلامك انك مجبوور؟؟!! خلاص تناازل انا بخذها ومحد بيجبرني ولا يجبرك وانت استريح.. يوسف: شكل الكلام معك ضااايع سعيد رووح صلى واستهدى بالله وعقب بنتفااهم .. سعيد: اي تفااهم الي تتكلم عنه من عرفت اني ابااها رحت وكلمت ابووي وقلتله مواافق صح!! يوسف ترك سعيد وطلع لانه لو طول معاه اكيد بتتنتهي الساالفة بشي اكبر...وسعيد دش حجرته لبس كندورته وطلع برا البيت هو الثااني... ......................... بعد ما جلس احمد مع سعيد ولد عمة وسلم على عمة وزوجة عمه طلعوا هو وامل وسااروا صوب بيت خالتهم يقضوا الاجاازة عندهاا..وطبعا ام يوسف تلومت في سعيد وطول الوقت تتفدى فيه وتلوم نفسها لانه متعوور .......... ................... وفي السياارة ..احمد: احسني شهر ما جيت البلد ما اسبوعين... امل: انت بس جرب عيدهاااا ان ما راويتك شغلك.. احمد: يااربي لهالدرجة انا غاالي عندج والله شي حلو.. امل: نعم عيدها اسمع.. شوف لا تاخذ مقلب على عمرك وتجلس تتغلى تحيد اني واايد اشتااق واحاتي وقلبي حسااس فديته فلو سمحت رااعى شعوري واحاسيسي المرهفة خخخخخخ... احمد وهو يقلدها: دخيل مشاعرج يا ام الاحاسيس المرهفة ههههه امل: تشب تشب احِمْد ربك انت انك لاقي شخص يهتم فيك ولا انت ما وجه اهتماام ولا شووق.. احمد: الحمدلله رب العاالمي اللهم اجعله لنا ولا علينا.. امل: بااايخ تصدق..؟ احمد: قوولي والله .. اول مرة اعرف زين خبرتيني؟.. امل:.................................. احمد: اشووف الحلو زعل.. امل:....................................... احمد: علامه الحلو زعلااان؟؟! امل:.............................................. احمد: يعني ما تبي تسمعي آخر اخبااري؟؟! امل تنهدت وخذت نفس بقوة ولا ردت عليه.... احمد وبدى يغني{ ع فكرة احمد صوته واايد حلو}: آلوَنَّه اللّي بِـ قَلبِك وِشْ بَــوآدِيهَا ؟ بِ الحِيل مِتغَيّر قَلْبِكْ عَلى حــَـالِك ؟ هِي مِن مُوآجِيعَك اللي دُوم تَخْفِيهَآ ؟ وَالا انْتِ يَآصَاحِبي مَحْد"ن" عَلى بَآلِك ؟ نَفْسِي عَزيزَة وَلا تِرْضَى لِــغَالِيهَا .. مَاطِيق شَكلِ الحِزن يَابَدْرِ بِ هْلَالك .. دِنْيَـــاك لا تِنْتظِر مِنْهَا بَــلاوِيهَا .. وَمِنْ صَار دِنْيَآه هَمَّه عَاش مِتْهَآلِك .. لا تـَامَنِ الوَقت وَاللَّحظَة تَرَى فِيهَا مِليُون لَحْظَة تِفَرِّج عَنك غِرْبَآلِك يَاضَـاقَتِ النَّفس عَادَت يَمّ رَاعِيهَا وَالله رَاعِـيكْ فِي حِلّك وَتِرحَآلِك والْوَنه الِيِ بِصَدرْك وشٌ مِعَانيَها لاشٌك ودِي اْعَرفْ شِلٌونِ احَوالَك اِنْ كَانَها وصْل حَــيٌ الله بَوَادِيـهَا واِنْ كَانَها فَرٌاقْ فاَل الله ولا فَالِك امل ابتسمت: شكررا حبيتهاااا.. احمد: العفو وهذي اهداااء حقج ترااا.. امل: فديييييتك الله لا خلاني منك..لو اني احيد ورااها طلب خخخخخ سكت احمد فترة وامل لاحظة شروود احمد : احمد شو فيك ما تسوولف كالعاادة ؟ شو الاخباار الي عندك ما قلتهاا؟؟! احمد عدل جلسته:مستعدة تسمعي!!؟ شوفي اموول عندي 3 اخباااار مدري اذا بتحبيها او لا!! امل: شو هي غرد اسمع؟؟ احمد وهو يرفع صبعة: الاول... بصرااحة انا قدمت اورااقي في شركة وردت علي من فترة وانا ما رديت عليهم بس من يومين اتصلوا في مرة ثاانيه وقالولي تقدر تداوم فاي وقت وانهم مستعدين يعطوني فترة مساائية بحيث ادرس الصبااح واشتغل مساا لحد ما اخلص وممكن يرقوني.... شو راايج؟؟! امل: احمد انا قاايلتلك شل فكرة الشغل من باالك ماشي قبل ما تخلص درااسة فااهم!!؟ احمد: ترا ما قلت بترك الدرااسة بكمل واشتغل. امل: وليش تشتغل انت محتااج فلوس مثلا؟؟! احمد: لا بس اباا استقر واحس إنٌا مستقرين شوووي ويمكن هالشي يسااعدنا ننتقل من بيت عمي يعني اقدر اتزووج؟؟!! امل وبصدمه: شووو تتزوج؟؟! عيدهاا اسمع؟؟!! احمد: شو ما قلت شي اتزوج يعني اشل زوجتي معي وانتي وبنعيش مع بعض يعني بامن عليكم مع بعض اكثر وبكذا ما يقدر عمي يفرض عليناا ونسكن عنده واذا فكرة الشغل ما عاجبتنج بصراحة حاب ادش مشرووع تعرفت ع وااحد بيسااعدني بس يبى مبلغ وانا عندي المبلغ من ورثي..... امل: شوف يا احمدووه زوااج ماشي فااهم لو تمووت ماشي زوااج الا على جثتي انت الوحيد الي بقيتلي وما رااح اتخلى عنك لاي شخص ثااني شو تبى تتزوج وتنسااني ؟؟ما اقدر اتحمل هالفكرة... احمد: اموول من قال اني انسااج وانا ما فكرت كذا الي علشاانج انتي بس!! امل: ولو ماحب اي شخص يااخذك مني فاههم احمد دخيلك حس في بس فكرة انه شخص يشغل تفكيرك غيري ان شخص يدش حياتك غيري اتعذب ما اقدر اعيش بدونك احسني بلا جناح... احمد: اموول لهالدرجة انتي كذا متعقدة يابنت انا اخووج وبضل اخووج وانتي الاول وعقب هي ولا تنسي اني مستحيل اتخلى عنج وبعد انتي بتتزوجي وبتشوفي حيااتج.. امل: ما رااح اتزوج وبضل كذا متعلقة في رقبتك فااهم..!؟ احمد: وحتى لو عرفتي من هذي الي بخذها؟ امل: ما ابا اعرفهاااا لاني بكرهاا!.. احمد: حتى لو كانت ليلى بنت عمي ما انتي قلتي عنها طيبه وحبووبه وعلاقتج فيهاا حلوة بصراحة عمي كلمني وانا قلبت الفكرة فرااسي وحسيتهاا افضل حل لوضعنا.. امل: شو شو قلت عيد ما سمعت؟؟ ليلوه؟! لا حبيبي لا ليووه ولا الي اكبر منها انا عارفة عمي كل يوم طالع بسالفة قلت لا يعني لا وبدت دمووعها تنزل لا شعوريا .. احمد حس باخته وانه الي مر عليها ماشووي وهذا الي يخليهاا تتعلق فيه لانه محد لهاا غيرة فشي طبيعي بس هي زاايدة التعلق اكثر من اللازم...وكان يقول فخاطرة{ عيل لو كانت تعرف الخبر الثالث ان عمي يبااها حق يوسف شو كانت سووت؟! ما تدري اني ضحيت بهالشي وقررت اشتغل واتزوج ليلى بس علشاانها وما تاخذ يوسف وتقول انها انجبرت} احمد كان ناوي يناقش معااها فكرة المشرووع لانها دارسة تجارة ويمكن تفيدة بس وضعة و وضعهااا وردة فعلها ما شجعته وصكر المووضوع .......!! وصلوا بيت خاالتهم نزلت امل من السيارة بسرعة وصكت الباب بقوة و ودشوت البيت ودش عقبها احمد اول ما دشوا رحبت فيهم خاالتهم فاطمة واستقبلتهم ولاحظة روضة ان امل ما طبيعية وشكلهاا صاايحة بس خلتها على رااحتهاا.. بعد ما ترمسوا وتعشواا وخلصوا سواالف استأذن احمد وطلع يسلم على ربعة ويرمس معااهم من فترة ما شافهم.. وامل وروضة رااحن غرفتها يكملن سواالف واستغلت روضة الوقت وسالت امل: امل شو فيج كنتي صاايحة اول ما وااصله لا تحسبيني ما لاحظة؟؟ امل: شو تبيني اقول يا رووضة احمد قاهرني صدق قااهرني. روضة : شو فيه بعد؟؟ امل: تخيلي يبى يشتغل ويدرس بنفس الوقت علشان يتزوج...!! روضة: معقولة احمد عااشق ويبى يتزوج خخخخ امل: امحق تفكير حتى ما تعرف تستنتج استنتااج غاوي مثل العاالم.. روضة: ههههه عيل شو حادنه على الزوااج وهو بعدة سنه اولى ما يروم يريض{ينتظر} لحد ما يخلص؟؟ امل: هذا كله من تحت رااس عمي ادري انها الفكرة فكرته لانه يبى يزوجة ليلى بنته.. روضة:ليلى معقووله بعدها صغيرة!! انزين شو ذنب احمد..!! امل: لانه واافق والفكرة عااجبتنه ولا ليش ما رفض؟؟ روضة: امل انتي ما فااهمة احمد ولا تحااولي ما تفهميه؟ امل وهي تااخذ نفس طوويل: فاهمتنه والله فاهمتنه عارفة انه يسوي كل هالشي علشااني وعارفة انه يضحي علشااني وعاارفة انه مستعد يسوي اي شي علشاني مثل ما انا عارفة اني مستحيل اعيش بدونه ولا ساعة وما ابااه يضحي علشااني ويضيع مستقبلة روضة احمد بسرعة يصدق مشكلته يحس كل النااس مثلة طيبة.. انا خلاص تعبت مالي حد بالدنيا غيرة احمد ظهري الي استند علية اذا راح مني اعتبر قيمتي من قيمة الترااب الرايح والراد يدووس علية .. وبدت تصيح.. روضة: امووله خلاص لا تصيحي فديتتج ما تهووني علي واحنا وين سرناا ما اهلج بعد؟؟!!.. امل: شو اسووي يا رويض احسني اناانيه بس ما بيدي والله ما بيدي.. روضة: خلاص انتي إهدي والله كريم....... {{ لولا العذاب اللــي انا فيـــه ما كان عيني هلت الدمع هتاف ولا كــــــان قلبي يحترق فيــه ولا بيصيب نبض القلب رجاف لكن العذاب قلبي أتعود علــيه وذاق منه طعم ومر الاحساف وبان قلبــي دايم الهم طــــاريه وكن الفرح فدنيتي ماله أطياف}} الى هني وبس.... راح اتوووقف عن السررد ورااح اترك لكم التخمين بتكملة القصة مع التطوراات الي راح تصير..!! شو مصير احمد وهل رااااح يتحمل كل هالضغط؟؟! امل راح تضل على انانيتها وكبريائها؟؟!! سعيد شو رااح يسووي هل رااح يجازف ويتحدى اخوة علشان بنت عمة؟؟!! يوووسف الشخصية الغاااامضة شو راح يكون ردت فعلة؟؟!! وهل رااح يرضخ للامر الواااقع؟؟!! تاابعووني مع الجزء الثااا{8}اامن مخلصكم ولد الظاهرةhttp://www.n-omania.net/forum/images...smailes/26.gif |
متاابعة شيقة لمتاابعيني:ast7eee: ياخي شفية المنتدى يقطع عندي برووحي ولا حد مثلي؟.,! ذلني وذل ساعتي وبهذلني وانا انوول القصة!!!! :137: |
اولا الحمدلله على سلامة امك الله يقومها بالسلامة ثانيا : نوووووووووووووووو لييييش وقققفت صراااحة الباااارت طرررطرييشن و عذاااااب تسسلم اييدك ولد الظاهرة على هييك بااارت هــــــــــــــــــــذا تعــــــــــــــــــــــــــــــــــــليقي : شو مصير احمد وهل رااااح يتحمل كل هالضغط؟؟! احس انه ماراح يتحمل وااايد امل راح تضل على انانيتها وكبريائها؟؟!! ما اظن انها راح اتم جي .. بس والله قاهرتني بأنانيتها سعيد شو رااح يسووي هل رااح يجازف ويتحدى اخوة علشان بنت عمة؟؟!! اممم اتوقع راح يعرف السسالفة ويتفهم ويستسمح من اخوووهـ يوووسف الشخصية الغاااامضة شو راح يكون ردت فعلة؟؟!! اممم احسس انه رااح يتحمل ويسكت لين عقب ما ياخذ امل و يتفهم سعييد موقفهـ وهل رااح يرضخ للامر الواااقع؟؟!! هـــيهـ يلااا نترياااا الباااارت الياااااي |
ؤييينك خيييؤ ؟!!!! فإآنتظــآإرك *_^ |
اقتباس:
اولا ربي يسلمج ويسلم غااليج ياارب: مشكوورة خيتوو ثاانيا شااكر متابعتج الداايمة حق قصتي والله وجوودج يسعدني واااايد وتحليلج رااائح دليل على انج تعيشي القصة بكل لحظااتهااااااااا !!!!! عاايشتها وبغيتكم تعاايشوها وياااي ..,,,,:21: اسف ع التااخير بس كنت ساافر واليووم رااد والحيين تعباان:out: بااكر بااذن الله رااح انزل الجزء الثااامن!!!! على فكررة النهااية قربة لان القصة م 10 اجزااء فقط!!!:yaw: ملاحظة:: مفتقد الاخت البريمي عسى مانعها خيير يارب |
| الساعة الآن 10:16 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir