اممم كتبت القصه الحين وهاذيني نزلتها عشان خاطركم
و ان شاء الله

الجزء الرابع

صار الساعه 11 ونص الكل موجود في الفندق الا سالم كان مروح يزور ربيعه موجود في مكه ياي عمره هو واهله ..
نشت شواقه على صووت شموه وهي تسولف مع ريمو ربيعتها وشموس يالسه عندهم تسمع شمووه وهي تقوول اااه ياشما لو تعرفين اللي بقلب اخوووي

شمووه: امم هيه اسمه حميد حلو اسمه صح
ريمو: هههه هذا اللي يهمج الاسم بعدج ماصرتي حرمه ههههه
شمووه : ويييه ريمووه هههههه لا اقصد كل شي فيه حلوو
ريموو: اووه من الحين قمنا نمدحه ما شاء الله
شموه: هههههه شفتي عااد خلاص بيصير رجل المستقبل
ريمووه: الله يوفقج حبيبتي
شموه: ويوفقج ويرزقج الريل الصالح ههههه على قوله شوااقه
ريموه: ههه ان شاء الله سلمي عليهم كلهم واسمحيلي الحين بسكر
شمووه: الله يسلمج يوصل ان شاء الله مع السلامه الغلا
ريموه: مع السلامه

شوااقه : شموووه ليش مسويه حشرة من فيرالله كأنه محد انخطب الا انتي حشى
شمو: جب جب كملي رقاادج اونه محد انخطب كيفي ربيعتي تبارك لي عفاناالله
شموس تقول هالرمسه من ورا خاطرها : هههه شو تغارين شواقه من شموه انخطبت وصارت عروس وانتي بعدج
شواقه: خسي انا مخطوبه من يوم كنت بيبي .. وتطالع شمووه وتسوي لها حركات في حياتها ..
شموه: بيبي ياشينها وهي طالعه منج .. انتي وريلج بيبي
شموس : حراام عليج شموووه
شواقه : ايي لاتغلطين على ريلي تراني ماغلط على ريلج
شمووه: هههههه حشى سوته ريلها وهو بعده
شموس : اوووف صدعتووووونا بس يالله نشو نروح الصاله عندهم
شموه: يالله نروح شواقه نشي تغسلي وتعالي
شواقه : انزين حرم حميد المحترم هههه
شموه وشموس: هههههههههه

يظهرون البنات لين الصاله وكانت ام حمد ترمس حمد وتطمن عليه
حمد : امي لاتخافين والله بخير هههههه مافيني شي بس زجمه وبتروح ان شاء الله قريب
ام حمد : انزين روحت الدختر يامي ارمس لاتعور لي قلبي وانا بعيده عنك
حمد : هههه هيه امي روحت والله وعطوني دوا واخذه
ام حمد : هيه ريحتني الحين

ومن الصوب الثاني عبود يطالع البنات ويشوف انه شواقه مش معاهم
عبود وبصوت خفيف بالكاد ينسمع لشموه: شمووه شمووه وينها شوااقه
شمووه: في الغرفه الحين بتي
عبود : شو تسوي راقده كانت
شموه: هههه هيه راقده وتوها وعت حليلها
عبود : انزين متى بتيي
شموه: بسم الله بلاك مستعيل الحين بتيي
عبود : مشتاااق احم احم ويغمز لها
شموه: ياويل حالي انا مشتااق قال هههه
شمووس تدخل في النص : شو تقولون ليش ترمسون بصوت خفيف
عبود بنفس درجه الصوت : عشان ماحد يسمعنا لانه اسالها عن شواقه
شموس : هيييييييييييييييييييه الحين فهمت
عبود : الحمدلله يالله فارجي
شموس :هههه انزين بفارج

وفهووود يالس مع نواري ومريامي ..
فهود : ليش ماتصدقووني انا قلت انتو الوحيدات بتساعدوني في هالمشكله
مريامي : والله يافهود نحن ماشفنا شي وانت شفت يمكن مش هو والا يمكن اممم كان عادي بس انت يتهيأ لك
نواري: صح كلام نواري مانروم نقول لهم جي ونحن مب شايفين شي ولا عندنا دليل
مريامي : والله مادري احس فهود عنده حق قلبي نازغني
نواري: اممم شرايكم نحاول نعرف بطريقتنا الخاصه
فهود: انا حاظر بسوي اللي تبووونه
مريامي : خلاص فهود اسمع يوم نرد الامارات................

بتعرفون بعدين شو راح يصير

وهني في السعوديه اللي كل واحد يالس ويسولف مع الثاني لين يت شواقه وراحت هي وعبود وفهود تحت لانه عبود كان بخاطره يشتري هديه لشواقه بمناسبه تخرجها من المدرسه ويشتري لشمووه وشموس بس هم مايدروون الا شواقه
فاتجهو لابراج مكه ..

في الامارات في غرفه حميد
حميد : حبيبتي افا عليج انا حاظر كم تبين
ريما: اممم شوف حبيبي انا مابدي شي غير سلسال دهب لفرح بنت خالتووو
حميد : بس هذا اللي تبينه فالج طيب وانا كم ريما عندي
ريما: تأبرني ياحميد انت مابتقصر ابدااا
حميد : فديتج ريما ماتبين اليوم نظهر اممم نروح الشقه
ريما : اييه شو علينا بنروووح
حميد : حبيبي ريما شو بتلبسين
ريماا: حبيبي انت شو مابدك البس بلبس
حميد : فديتج ياقلبي لبسي شي قصير عشان العين تتجحل بالزين
ريماا : عم بتخجلني كتير .. خلاص حبيبي اللي بدك اياه بيصير

ريما ربيعه حميد من سنين وحده سوريه ماعندها غير امها في الامارات .. بس هي مش اول ربيعه لحميد .. لا ماشاء الله حميد عنده وااايد بنااات لكن هاي يشوفها غير عندهم .. وهو مايرابع مواطنات بس يرابع زلمات ومصريات ومن هالطقه يقووول مايفضحن

يوعى فارس على صوت الفون اللي مزعجنه
فارس: الووو
...: مرحبااا
فارس يطالع الرقم صوت انووثي : مرااحب هلا وغلا
دانه : اهلين اخوي منو متصل فيني
فارس: احم انا متصل فيج
دانه : نعم .. تعرفني انت عشان تتصل فيني
فارس: هيه اعرفج اممم انتي دانه
دانه فاجه حلجها : شوف انت قولي منو انت والا بتشوف شي عمرك ماشفته
فارس : هدي هدي دااانه ليش معصبه
دانه : منو انت وشو تبا فيني وكيف تعرفني
فارس: احم انا فارس اخو شمسه ربيعتج وشفتج في العرس وجذبتيني خذت رقمج من اختي بدون ماتدري وحبيت اتعرف عليـــج .. وووو ... واحبج وتحبيني
دانه منصدمه معقوووله معقوووله هذا فارس اللي سلب عقلي بنظره ماعرفت شو ترد عليه : امممم
فارس: قولي الله تبينه يادانه انا ادري انتي ماتعرفيني عدل لكن مع الايام بتعرفيني وبتحبيني ان شاء الله
دانه ااااه يا فارس انا مش من هالنوع لكن ماعرف شو اسوي احبك : فارس انااا اناا
فارس: امم فكري يادانه وردي علي خبر
دانه : فارس
فارس: اشششششش قلت لج فكري اوكي عنوني وبرد اتصل فيج مرة ثانيه
دانه قلبها وقف يقولي عنوني: ان شاء الله مع السلامه
فارس: مع السلامه الغلا

سكرت دانه عن فارس وتقول معقوله يافارس سويت المستحيل عشان تعبر عن حبك لي والله انا احبك يافارس .. بس انا ماريد ارمسك عن اطيح من عينك اااه يافارس لكن مو مكشله برمسك وماحد بيدري على اللي بينااا .. فديتك والله احبك .. يييييييييييييييييييييس

فارس اااه يا دانه والله كسرتي خاطري شكلها تحبني اممم شمااا مارديتي بعقلج ياشماا .. اوووف خووزي عن بالي ماريدج اريد انساااج من بعد ماخيبتي املي ورضيتي بالغريب

بعد مرور 4 اياام وعند الاهل قررو انهم يروحون ابهاا ويتموون 4 ايام ويردوون عشان البنات يتجهزن للجامعه
كانو مأجرين باص ياخذهم لابهاا وكان اخر الكراسي يالس فهود وشموس وشواقه وشموه وعبود واللي يدااام قوم نواري ومريامي وسالم وفطيم وعيالهم .. ويدامهم الحرمات ام فيصل وام حمد وام سالم ويدامهم عدال السواق بو حمد وبو فيصل وبو سالم ..

عبود يالس عدال شواقه حبيبته .. اما شموس وشمووه وفهود يالسين عند بعض ويطنزون على عبود وشواقه لكن عبود وشواقه مسووين اكبر طااف ويالسين يسولفون

عبود : ماعليج منهم يغاارون
شواقه : هههههه ليش يغارون شو فينا نحن
عبود : مافينا شي بس يغارون ليش انه انا يالس مع حبيبتي اما هم ماعندهم حد يالس وياهم
شواقه استحت ونزلت راسها .. عبود جرب ايديه من ايدين شواقه لكن قبل مايحطها شواقه سحبت ايدينها
شواقه: عبووود لاتخليني اعصب
عبود : احم خلاص اسف حبيبي
شواقه : انزين اممم كلمني الحين شو بتسوي خلاص التقنيه ان شاء الله
عبود : هيه بدش التقنيه الحين .. وصح اول مانرد بروح اخذ ليسن تعرفين كملت ال18 هالشهر وبخلي الوالد ياخذ لي سيارة
شواقه : هيه صح زين تسوي
عبود : احم وان شاء الله بنخطب بعد
شواقه نزلت راسها : اممممم انا ماريد
عبود بصوت عالي: شووووووووو
شواقه تسكته وشموس وشموه وفهود يطالعونهم شو سالفتهم
شواقه: ههه امزح امزح شفيك
عبود : تحريت بعد ماتبيني بعد هالسنين وهالحب وهالغرام
شواقه: هههه امووت لو ماخذتك
عبود : فديتج انا يعل يومي قبل يومج

تمو سوالف جي لين وصلو ابها واجرو لهم فله في السووداا .. لانها احلى منطقه في ابهااا
وارتاحو من بعد هالطريج الطويل والمرعب

في المارينا مول تتمشى دانه مع ربيعتها ساره وهي تصير بنت عم ابوها بس صغيرة على عمر نواري
دانه : احم فديتج حبيبتي بعدين برمسج الحين انا مشغوله مع ربيعيتي في المول
فارس: مايخصني اريد اشووفج الحين ياي المول
دانه : لاحبيبتي ارتااحي لاتعبين نفسج كلنا بخير
ساره : دانه انا بروح هالمحل يوم تخلصين تعالي اوكي
دانه : اوكي ساااره .. وترد على فاارس : فارس انا مع بنت عم ابوي لاتفضحني بلييز
فارس: الله يخليج حيااتي دااانو اهوون عليج اريد اشووفج
دانو: اممم لاماتهوون علي
فارس: خليني ايي لج عيل
دانه :انزين بس من بعيد لبعيد لانه تعرف بنت عم ابوي وياي
فارس: فديتج المهم اشووفج بس مابقرب صوبج
دانه : خلاص تعال
فارس: احبج مووووووووووووت
دانه : اموووت فيك

وتروح لساره في المحل الثاني ..
سارة: دااانه شرايج في هالبدي حلوو صح
دانه: هيه واايد انا اريد منه بعد
ساره : خلاص بناخذ قطعتين لي ولج
دانه : اووكي صاار

كملوو حوااطه في المول يدخلون هالمحل ويظهرون من هالمحل ..

في ابهاا الساعه 8 ونص الفليل
سالم : حيااك يا مانع هني عندناا انت والاهل
مانع: والله يا سالم اسمح لي بس ماروم ايي اليوم انتو من اشوي واصلين وماريد اعبل عليكم
سالم : اي عباله يا مانع افا عليك
مانع: خلاص اللي تشوفه ياي ا لحين
سالم : حيااك

مانع ربيع سالم يشتغل معاه لكن مش بعمره ..
مانع انسان حبوب ومتوااضع واايد ويحب امه ابوه متوفي وهو مسؤول عن عايلته عنده اختين وحده معرسه والثانيه بعدها في جامعه زايد مخطوبه لولد خالها

في فله الاهل يدامهم في حديقه وكانو البنات رايحين مع عبود وفهوود الحديقه
بس بالليل ماكانو يلعبون رايحين يتمشوون .. الا يشوفون سيارة رقم بوظبي يوم دقق عبود في الرقم عرفها انها سيارة ربيع سالم شافها في مكه ..
عبود : هذا مانع ربيع سالم
البنات وفهود صدوو على السيارة وشافوهاا ..
قرب مانع من عبود من بعد ماعرفه والبنات تغشن لكن عيون مانع كانت اسرع من ايد شمووس وقدر انه يشووفها ويتامل ملامحها لين حس بعمره ونزل عينه وشاف عبود اما شموس قلبها وقف من هالنظرة
ابتعدن البنات اشوي عن فهود وعبود ومانع
مانع: هاا عبيييد شحالك
عبود : تمااام وانت علومك ومن متى انت هني في ابها
مانع: والله انا بخيروعافيه ومن يومين الا انا هني
فهود : ياحيك شهدت المطر عيل امس
مانع: هيه فاتكم والله روعه تخبلنا نحن في عز الصيف عندنا في الامارات وهني ينزل مطر هههه
شموس تسمع رمسته يالله ماحلاااتهاا ما شاء الله عليه جميييييييييل .. بس منو هااا ربيع سالم اللي كان في مكه اللي كل شوي سالم طراه لنا

روح مانع لفله قوم عبود من بعد ماركب معاه فهود السيارة يدله اما عبود بقى مع البنات يوصلهن البيت .. ومانع قلبه تولع في شمووس وفي شكلها الطفولي الحلو ..

تعرف مانع على قوم سالم كلهم وحبهم وحبوووه خاصه بوسالم .. واايد حبه


دخل فارس للمارينا وهو يدور المحل اللي قالت عنه دانه انها عداله لين لقااه .. شاف بنتين داخل المحل وتوهن بيظهرن .. عرفها هاي دااانه وهاي اكيد ساره اللي ترمس عنهاا .. تعمد يروح من وراهم ويحط ريله على عباه دانه .. دانه للحين ماتعرف وينه فارس..
دااانه : ااااي وتلف ورااه تشوف من داس على عبااتها وتنصدم في فااارس وتفتح عينها
ساره : بلاااج ,, وتم سارة بعد تتطالع فارس واطالع جمااله
فارس: سمحيلي ختيه مانتبهت انا اسف
دانه : احم لا عااادي مسمووح
ساره : شو مسموح انتي شو انت ماتشوف
فارس: خيته انا ماشفت العباه وهي عباتها طويله وتراني قلت السموحه
دانه ترمس سارة : خلاص سااارة نروح لاتسوين لنا مشاكل الناس قامو يشوفونا ..
سارة : والله شباب فاضين .. ويروحن ساره وداانه .. دانه تضحك على فارس وساروة تتحرطم عليه
ساره : والله خايس مايشوف اونه الا متعمد .. وانتي وش بعد مسموح وعادي انا بدالج اصفعه
دانه: هههه اصفعه مرة وحده لاا عيب ساااروه وين يالسين نحن هههههه
سارة : بس تصدقين حلووو الله يغربله
دانه وكانها غارت : لا مش حلووو ابداا مافيه جماال
سارو: والله حلوو انتي ماشفتي عدل
دانه في خاطرها الا شفته عدل وعدل بعد اااه يافارس احبك .. اشوي رن فونها
سااروه : اوووف اذانا فونج هاا
دانه : ههههه ربيعتي شو اسوي فيها اقولها سكري


فارس: هاا شرايج بالحركه
دانه : هههههه تصدقين واايد قهرتني
فارس: افااا والله قهرتج ليش حبيبي انا اسف ان قهرتج
دانه : هههه شفتي انتي بعينج كنت بروح فيها
فارس: ههههههههههه لا ماصار فيج شي بعدين ان طحتي انا بمسكج
دانه : احم هيه بعدين اوكي
ساره : انتي بلاااج جي ترمسين ويا ربيعتج هااي
دانه تسوي لها حركات تسكت لكن فارس سمعها وقال: هاي ربيعتج بدوس في بطنها قولي لها تفارج اونه ماتشوف كنت بحط فوني في عيونها
دانه :ههههههههههه حرام عليج شكلج مجرمه لا لا ماتوقعت
فارس: مجرم مع الناس لكن معاااج غييييييييييييير غييييييييييييييييييير اااح
دانه : ( بصوت خفيف عشان ساره ماتسمعها) احم اقولك سكر عن سارة تشك تراك تخليني اقفط
فارس: فديت اللي يقفط ان شاء الله المهم شفتج وخلاص
دانه : ههه اوكي يالله مع السلامه
فارس: مع السلامه


في شقه الشباب
حميد : ياخي يا احمد انا ريما مفلستني وماروم اقولها لااا احبها
احمد : شو ماتروم تقول لها لاا قول ماعندي
حميد : مااروم هي الوحيده اللي مريحتني
احمد :: في غيرها واايد وانا بدور لك جان تبا
حميد : لا ماريد خلني عليهااا احسن لي
دق دق دق
احمد : نش افتح الباب
حميد : ان شاء الله وينش حميد يفتح الباب وتظهر ريماا
ريما تبوس حميد على خده : اهلين حبيبي
حميد : هلا غنااتي ريماا حياج قربي
ريما : في حدا هون
احمد : هلا ريما شحالج .. انا ظاهر حميد اوكي
ريما : انا منيحه وانت كيفك
حميد : اوكي الله وياك
احمد : بخير الحمدلله يالله مع السلام
ريما وحميد : مع السلامه
ويمشي معاها وايدينه على خصرهاا مروحين للغرفه لانه الكاسات تستقبلهم والسهره صباااحيه اليوم مع ريمااا
ريماا: حميد حبيبي
حميد : امري ياعييون حميد
ريما : تسلم لي عيونك يا قلبي .. بس بدي اسال انا اقامتي انتهت ماراح تجددها
حميد : امبلا حيااتي بجددها هاتي اوراقج باجر وبنروح اداره الجنسيه والاقامه ويصير خير ..
ريما : مشكوور حبيبي تسلملي شو ماطيبك
حمييد : وانتي ماراح تصيرين طيبه الا يوم تعقين عباتج وتجهزين الاكوااب
ريما : ههههه اي حاضر

وسكر الباب عليهم وسهررووو لين الصبح .. والله العالم شو يصير مابينهم ..

في ابها الصبح قومنا يجهزون اغراضهم راح يردون الامارات .. طبعا الكل مستانس انه بيرد الامارات بلادنا الحبيبه .. واللي مالنا غنى عنهاا فديتها وفديت ترابها

مانع كان موجود مع قومنا يساعدهم وهو ان شاء الله بعد يومين بيظهر وبيلحقهم للامارات ..
يروح مانع يرتب الاغراض اللي ورا .. وتمشي شمووس تتحرا اخوها سالم هني ويايه تعطيه شنطه الدواا
شمووس: سالم خذ هاي الشنطه
يلف عليها ماانع ويتم يطالعها .. هي استحت وبنفس الوقت اتفاجات وغطت ويهاا ويت بتروح
مانع: ختيه هاتيها انا بحطيها هني
شموس: مشكور اخوي وتمد يدها تعطي مانع الشنطه وتروح قبل لا حد ايي ويشوفها معااه
مااانع يوقل بخاااطره ما اجملج والله وما احلااج .. مادري هاي جنها اخت سالم الصغيرة اللي تخرجت اممم يمكن لانه ماعنده غير 2 وحده معرسه وهاي الثانيه اممم بس هاي مخطووبه والا اااه ان شاء الله تكون من نصيبي
..

حمد في البيت مستانس انه اهله بيوصلون قريب وانه بيروح ويخطب نواري بعد قريب ..
حليله خلا البشاكير ينظفون الغرف ويبخرونها وهو يضحك على عمره يقول وانا شو لي في هالسوالف

في ايطاليا وبالاخص في فينيسياا .. في السااحه ساحه العرباات للي يبيعون اغراض والمحلات الحلوة يالسين يتمشووه حصووه وفيصل ماسكين ايادي بعض
حصووه : اااه اشتقت لاهلي
فيصل : يعني مليتي مني هيه اعترفي اهئ اهئ زعلت
حصووه : هههه حبيبي فيصل لاا مش جي قصدي بس والله اشتقت لهم ..بس انت معااك الحيااه واايد حلوة .. ومستانسه اني ويااك حبيبي
فيصل :فديتج والله انا بعد حصووه واايد مستانس اني ويااج.. هاا حياتي وين نروح نتعشــى ؟.
حصووه : عكيفك عاادي عندي
فيصل : يالله عيل باخذج لمحل واايد حلوو
حصووه : يالله روحنااا

في الامارات وصلو قومنا للبيت وكل وااحد توكل على غرفته يرتاااح وينااام من بعد هالسفرة ويستعد لصباااح باااجر .. وحمد اول ماوصلو اهله استاانس واايد وماكان وده ينشوون من عنده لكن تفهم انهم تعبانين وراح هو بعد يناام معاهم لين بااااااااااااااجر ينشوون الكل ويتفيجوون لبعض.