سوري عالتأخير ..
وهذا الحزء الثالث


على صوت الديج وصوت الاذااان نشو قومنا كل من الريااايل متوجهين للمسيد والحريم بيصلن في البيــت ..

اليد من بعد صلاه الفير ماقدر ينام واليوم عرس احفاده لازم يطمن .. صحيح عندهم اهلهم لكن هو العود
بالاول تمشى صوب مزرعه البيت وقرر يروح مزرعته ويرد على وقت يكون الكل واعي من رقاده
توجه اليد للمزرعه بعد ماطمن حرمته وقالها انه مروح .

هذا في بيت اليد اما في بيت بو حمد من بعد صلاه الفير حصوو مارامت تنااام وتمت واعيه تقرا قرآن وبعدها تشوف اغراضها وتشوف غرفتها اللي راح تودعهاا
اشوي والا صوووت الباب يندق
دق دق دق دق
حصووه : منووو
حمد : انا حمد فجي الباب
حصوه اممم غريبه حمد ليش واعي للحين وتروح صوب الباب تفتحه: هلا حمد تفضل
حمد: هاا اشوفج مب راقده اكيد فيج صيحه ههههه
حصووه ودمعتها في عينها : حمد شو ناوي علي انت تباني اصييح
حمد : ههههههههه فديتج والله حصووه بفتقدج
حصووه : حبيبي حمد مو مشكله تعال بيتي ههههه
حمد : بعد تعال بيتي افا عليج كل يوم ناقز لج هههههه بخلي فيصل يطردني
حصووه : لا مايروم وانا اختك وتغمز له
حمد : هههه هيه لازم مايروم
حصووه : هههه
حمد : حصوووه اممم قبل ماتروحين عناا بغيتج في سالفه
حصوه : امر اخووي اسمعك
حمد : احم مادري شو اقولج
حصوو : ارمس عاادي
حمد : انا اريد اعرس وانتو شوفو البنت المناسبه لي وادري راح يكون ذوقكم حلو
حصووه :هههه وانت تعرف منو بنختار لك عسب جي تقول ادري ذوقكم حلوو
حمد : احم ليش فيها شي البنت ..؟ جماال واخلاق وطيبه وكفايه انها بنت خالي
حصووه : هيه صح ماشالله عليها نواري ادب واخلاق وطيبه وجمال
حمد : انزين اممم اول شي سالوها يمكن ماتبااني
حصووه : ههه اونك ماتعرف مشاعرها صوبك بس مو مشكله بنسالها بخلي مرياامي تسالها .. وبعد عرسي
ان شاء الله يصير خير تروح تخطبون رسمي
حمد : في ذمتج واااي بعرس ههههه
حصووه : لا تصير مينون الحين
حمد : ههه ماشالله عليج انتي العاقله من عرفتي انج بتعرسين صرتي مينونه ..ههههههههههه
حصووه: ههه ويا ويهك يالله الحين فارج
حمد : افا اختي تطرديني افا والله
حصووه : حبيبي حمد والله بناام اشوي
حمد : ههه خلاص يالله ارتاحي وناامي وريحي بالج .. مع السلامه
حصووه : مع السلامه

وراح كل واحد على شبريته عشان يناام ويريح باله





نشت حصووه على حشرة اليهال وحشرة شمووه توعيها
شمو : حصووه يالله بنروح الصالون شوفي الساعه كم
حصووه تشوف الساعه :اووف كل هاا الوقت انا راقده
شموه : هي مادريبج شكلج خايفه وتغمز لها
حصوه تضرب شموه على جتفها : جب يالله ظهري بجهز وبظهر لكم
شموو: لاتظربين ويا ويهج خليج مسالمه لين ماتظهرين من بيتنا هههههه يالله ننطرج تحت
حصووه : مسالمه دوومي مش شراتج شريرة
شموه : لاتزودين الرمسه بااااااااااااااااااااي
وتروح عنها شموه تحت
حصووه نشت تتلبس وتجهز اغراضها االلي بتاخذها معاها للصالون .. بعدها نزلت تحت لقت كل البنات تحت حتى بنت خالها نواري وبنت خالتها شمووس والبنات المعرسات بيروحون مع رياييلهم
اول مانزلت حصووه
شموس وشواقه وشموو : كلوكلوكولللللوووولولولولولولوولولوش .. الف الصلاه والسلام عليك يا نبي الله محمد
مريامي ونواري وحصووه : هههههه
مريامي : حرام عليكم بروحها البنت مرتبكه
حصووه : صدقتي والله
نوااري: حصووه حالج اخس عن فيصل ههههه
حصووه : شحاله هو
نواري: يسلم عليج ويقول يالله مستعيل متى يصير بالليل
حصووه استحت
وشمووه : بسم الله خله يصبر اختي مابطير
نواري: يدري بس مشتااااااااااااااااااق
حصووه وهي مستحيه : تشتاق له العافيه

ويظهرون البنات صوب الصالون عسب يتعدلن للعرس
طبعا حصووه استلمتها حرمه متخصصه للعرايس
والبنات توزعن وبعدين ياات حرمه سالم فاطمه وفطيم اخت فارس

صوب الشباب .. في وقت المغرب الكل بيت فيصل عند المعرس
سالم وحمد وعبود وفهود وفارس وفيصل ..
فاارس: ياحيك معرس هااا
فيصل :: ههههه عقبالك ياريال وتفكنا من حشرتك
فاارس: لا بعدي ماريد اطيح في الشبج
سالم : ياريال وش قصدك نحن طحنا في الشبج
الكل : ههههههههههههههههه
فيصل : اااخ الا احلى شبج
حمد : انا قريب ان شاء الله بعد بطيح في الشبج .. ويطالع فارس
فاارس: يالخاين وماتقولي
حمد : ههههه بعدني ماسويت شي .. انطر عرس فيصل وحصووه يعدي وان شاء الله بنروح نخطب
سالم : ومنوو ان شاء الله من بنته ؟
حمد يطالع فيصل وعبود : احم نوورة بنت خالي
عبوود : هاي الساعه المباركه وين بنحصل اخير عنك زوج لاختي
فيصل : يالله كم فرحتني مبرووك حمد مبرووك النسييييييييب هههههه
فارس: اسميييك خاااين بس مبرووك تستاهل انت ونورة
سالم : هي والله نورة ما شاء الله عليها تستاهل كل خير
حمد : مشكورين ماتقصروون وانا والله ماخترتها الا بعد ماشفتها مناسبه لي وان شاء الله بعد العرس بني ونخطب
عبود وفيصل : هاي الساعه المباركه


وعالساعه 8 ونص

الصاله امتلت من الحريم والريايل .. طبعا لكل منهم قسم
الحرماات الكبار واليده مش مقصرين وقايمين بالواجب واكثر
والبناات ماشالله عليهم في الاستقبال مع البنات المعرسات فاطمه وفطيم وبعد قايمين بالواجب

نبدا نوصل لكم البنات
فطيم اخت فارس لابسه فستاان اسود وفوشي ايدينه طوال وفيه لمعه حلوة منتثرة على الفستان بكبره
وياي على جسمها مناسب وشعرها مسوته فير مع تسريحه بسيطه ومكيااج ولا اروع من اللون الاسود والوردي

فاطمه حرمة سالم لابسه فستان لونه ذهبي عاري .. وحرير من تحت كسراات من بعد الخصر ومن فووق شغل حلو .. ومسويه بشعرها تسريحه ومنزله منها خصل ومكيااج ولا اروع بالذهبي والبني

نواري ومريامي مطقمات في الفستان بس الالوان غير : الفستان من فووق كله كرستالات مرتبه بشكل حلو وماليه الفستااان وهو عاري ومن تحت الخصر لين الريول كذا قطعه مداخله مع بعض .. لون مريامي فوشي اما نواري ازرق سماوي .. والمكياج واايد حلو ظاهر عليهم وكل وحده بلون الفستان .. اما الشعر مريامي مسويه تسريحه مع فله اشوي اما نواري مسويه تسريحه كامله مرفووعه

شموس وشواقه وشمووس : الثلاثي المرح مطقماات بعد
فستانهم عبارة عن فوق من الصدر لين الخصر شفاف ووفوقه كرستالات وسلاسل ومرتب بشكل وااايد حلووو ومغطي مش مبين انه شفاف .. وعاري من فوق .. وتحت ياي بشكل فرنسي وله ذيل فيه على طرف كسرات بسيطه مبينه الفستان بشكل احلى .. شمووه لون برتقالي وبنفسج مداخل معااه .. شواقه لون اخضر وفيه برتقاالي .. وشموس لون اخضر وفيه وردي .. والمكياج ولا اروع وطبعا كل وحده على لون الفستان ..
شعر شمووه لانه قصير ماتروم تسوي له تسريحه خلته مفتووحه بشكله المدرج وسوت له حركات حلوة من تحت
شموس وشواقه سوو لهم تسريحه تناسب الفستان ..
عبير الصغنونه لابسه فستاان تركوااز وااايد حلو وحرير بعد هووو وفيه كسراات .. وشعرها كان مفتوح بعد فيه حركات حلوة ..
ماننسى دااانه ربيعه شواقه .. كانت لابسه فستان بس على شكل تنورة وقميص
التنورة قصيرة لين الركب لونها احمر وفيها وررد سوده واايد حلوة اما القميص بنفس اللون .. ولابسه بووت لين الركب وفاتحه شعرها

طبعاا البناات ماقصرن بالرقص واكثر شي شمووه وشواقه وشمووس ودانه ماشالله عليهن ..
والكل ارتبش معاهن .. اليده راحت تقرا عليهم عن يصيبونهم بعين ..

يا الوقت اللي لازم تدخل فيه حصوووه
انفتح الباااااااااااااااااب .. وظهرت حصووه بشكل حلو ويدامها بنات فطيم .. الصغاريه .. كانت ايه من الجماال وماشالله عليها غطت على الكل في حضوورها .. صحيح كانت مرتبكه لكن مابينت هالشي .. والكل بشوفها واقفه من نفسها الحمدلله .. تمشي وتمشي لين مايلست .. والكل راح يسلم عليها وربيعاتها يصورن معاها قبل مايدش فيصل ..

على طاوله من الحرمات الموجودات
الحرمة 1: ماشالله عليها هااي ام الازرق شحلاتها
الحرمه 2: هيه ماشالله عليها هاي نورة بنت ام فيصل
الحرمه 1: صدق .. والله ماعرفت انه ام فيصل عندها بنت بهالعمر .أفتكر انه كله عندها شباب
الحرمه 2 : لا لا عندها نوورة هاي ماشالله عليها
الحرمه1: مخطوبه ؟
الحرمه 2: لا مش مخطووبه
الحرمه 1: لو عندي ولد جان خذتها له ماشالله عليها الله يرزقها بالريل ا لصالح
الحرمه 2: امين يارب

عند شمووه وشواقه :
شمووه اوييه هذا فهوود يدق
شواقه: ردي عليه شوفي شو يبا
شموه: انزين وترد على فهود : الووو هلا فهد
فهوود : شمووه اريد ادخل الله يخليج اريد ايووول
شمووه : استح على ويهك وين اندخلك هني عند الحرمات اصبر لين مايدخل فيصل ادخل ويااه
فهود : بعد اشوي بيدخل فيصل
شموه : خلاص ادخل وياه
فهود : اوووف انزيين بااي

سكر فهود وعبود كان عنده
عبود : هااا شو قالت
فهود : قالت انطر لين مايدخلون فيصل
عبود : ههه بننطر شو نسوي

الصوب الثاني من القاعه
بوحمد :يالله يابوفيصل ندخل الريال
فيصل قلبه يدق
حمد : ههه منو قدك
بو فيصل :يالله بس اروح لابوي اقوله ايي
بو حمد : انطرك عند البوابه
راح بوفيصل يزقر اليد للي اهو ابووه عشان ايي بيدخلون بعد اشوي


صوب الحرمات يتغطن البنات والحرماات عشان المعرس الحين بيدخل
نواري تروح صوب حصووه
حصووه: نواري الحين بيدخلون
نواري: هيه الحين اول شي فيصل وابوي وابوج وحمد وفهود ويدي بيدخلون بعدين سالم وفارس وعبود بعد مايغطونج
حصووه : وااي فشله استحي ماريدهم يدخلوون
نواري: ههه على كيفج خلاص ماترومين تشردين هههه
حصووه : الله يعين .. وتنزل عنها نواري عسب تروح تتغطى هي بعد

انفتح الباب .. في الوسط المعرس فيصل يده ماسك ايده
يداام هم الاثنين
وراهم ابو فيصل وبو حمد
ووراهم حمد وفهوود

ركبو الكوشه سلم فيصل على حصووه وبارك لها وخلى المجال لاهلها واليد ابوه

اشوي ويغطون حصووه عشان الباقي يدخلون ( فارس وسالم وعبود )
طبعا اول مادشووو عبوود كان ايوول لين ماوصل عند فهوود اللي كانت يستقبله بيوااله بعد هوو
وارتبش الكل على عبود وفهووود
عبوود كل مايسوي حركه يطالع وين شوااقه عسب تعرف انه هااي لها وطبعا عرفها لو متلثمه
البنات كلهن متلثماات ومنزلات الغشوه من فوق عيونهم عسب الميكاب .. اما دانه فهي من عايله ماتتغشى وكانت واقفه مع البنات
دخل وياهم اليد وقاام ايوول بالعصا وياهم والكل ارتبش بعد والبنات يصفقن
حمد يدور على نواري ولقاها .. وتم يطالعها لين حست عليه وطالعته لف بعينه بس عرفت انه يطالعها واستحت
عبود طووول الوقت عينه على شوااقه وهي مستحيه من نظراته
فااارس كان يدور على حبيبه قلبه شمووو بس اللي لفت انتباهه انه في وحده عند البنات مش متغشيه اللي هي دانو وقال سبحان الله ما اجملها وهي شافته واستحت نزلت راسها ..فارس يقول شو اسوي انا مينون ولف يدور على شمووه لين لقاها وشافها مرتبشه تصفق مع البناات .. بس في شي خلاه يلف ويهه صوب داانه وتم يطالعها وهي منزله راسهاا .. وشمووس تشوف هالموقف من اوله .. لين شموه لاحظت وتمت تفووور .. شو يبا يطالعها وليش انا مش موجوده عشان يطالعها مع انها تحب داانه واايد لكن الغيرة تسوي كل شي .. ومع هاا تقووول امم انا ليش مهتمه براايه انا ماحبه وغيره الف يتمناااني ..

حد اتصل في شمووه وروحت اشوي بعيد عسب تسمع عدل كانت ربيعتها ريمووه تبارك لها لانها ماحظرت العرس مسافره ...
ويت بتدخل وللحينها هب محطيه الغشوه على ويهها الا بظهره فارس
فارس اول ماشافها فج ثمه ويقووول يالله ويني عنها هااي الله يغربلهاا حلوووة مووووووووت وربيعتهم مااتي شي صوبهاا .. شمووووووووه احبج
شمووه تتغشى بسرعه عن فارس وتخطف عنه
فارس: شو بنت خالوو ماتبين تسلمين علي ونظراااته كانت تخلي الواحد يستحي غصباا عنه
شمووه وهي مستحيه من نظرااته : احم سوري شحالك
فارس: بخير وعافيه ومن صوبج
شمووه: الحمدلله
فارس: مبرووك وعقبالج
شموه: الله يبارك فيك تسلم احم اممم عقبالك انت بعد
فارس قال فرصه مناسبه اعترف فيها بحبي لهاا اقترب منهااا وقالها : شماا امممم بقولج شي
شموه: قلبها يرقع وماتعرف شو تسوي وماتعرف اصلا شو بيقول لها : احم خير
فارس : احم شمااا .. اممممم شماا انااا .. ويقطع رمسته فهووود : فاارس تعال بنصووور اووه شموه هني تعااي كلنا بنصور
فارس اووف شو ها وقته : ان شاء الله الحين ياي
شموه اووووف الحمدلله فهوود ياا والا قلبي كان بيوقف : اوكي فهود
روح فهود
شمووه قبل مايرمس فارس قالت : يالله فارس نروح نصور ومشت عنه

روحو فوق يصورون مع المعاريس
عبود اتعمد يوقف عند شواقه وشواقه مستحيه منه وتقوله بصوت خفيف روح بعيد وهو يضحك عليها .. فارس بعد تعمد يوقف عند شمووه وهي تقووول يالله هذا يبا يذبحني ..

في بقعه غير في الصاله دانه واقفه اطالعهم وبالاخص اطالع فارس
دانووه في خاطرها يالله محلااته هاا منووو اي واحد فيهم اخوو شموه وشواقه والا اخو شمووس اممم استحي اسالهم عن يقولون اني اتخبر عن الشباب

وبعدين ظهرو الشباب وتموو المعاريس بروحهم يصوورون
لين خلص العرس وكل حد توجه لبيته اما المعاريس رااحو صووب فندق شاطئ الراحه يباتون ليلتين وبعدين يسافرون ايطاليا

عند المعاريس في الفندق فيصل ينطر حصووه تظهر من الحمام عزكم الله .. يالس يقول بخااطره واخيرا انجمعنا تحت سقف واحد يا حصه .. تظهر حصووه وهي مستحيه حدها .. وتروح تيلس على الشبريه .. فيصل يروح يقرب منهاا ويلس عدالها
فيصل : حصوووه حبيبتي مبرروروك
حصووه : الله يبارك فيك فيصل
فيصل : حصووه واخيرا واخيرا صرنا متزوجين وتحت سقف واحد يجمعني فيج
حصووه وهي مستحيه بس تضحك
فيصل : فديتج وفديت الضحكه يعلني ماخلى منها
حصووه : فيصل بس عااد استحي
فيصل : حلااااااااااتج وانتي مستحيه
حصووه : فيصل اممم ماراح اتبدل ملابسك
فيصل : هههه قولي تبين الفكه مني
حصووه :لا والله بس يعني لين متى بتم يالس في الكندورة والسفره
فيصل : ببدلهاالحين وينش يبا يبطل العقم بس يوقف ويقول حصووه تعاي فجيهم ماروم
حصووه : ههه فيصل انت ماتروم يعني انا اروم
فيصل : تعاالي عاااد حراام عليج
حصووه : ههه ان شاء الله حبيبي
فيصل : فديتج والله
وتنش حصووه تفج العقم وويها بويه فيصل يطالعها وهي تتجنب نظراته
فيصل : شوفيني انزين
حصووه : هههه انزين .. اطالعه ومارامت اطول اكثر نزلت عينها استحت
فيصل : فديت اللي يستحي وباسها على خدها وروح عنها يبدل ملابسه

وبعدين رقدوو المعاريس ..

وعاليوم الثاااني الساعه 12 ونص الظهر

في بيت بو حميد

عايله بو حميد .. ام حميد وبو حميد عيال خاله هم يعرفون قوم بو حمد من ربعهم ..
ام حميد عندها ولد واحد بعمر فارس .. وعندها بنت معرسه بس ..
وتبا تعرس ولدها حميد لكن مش محصله البنت اللي تستااهله ..
ام حميد : والله يابو حميد انا اشوفها مناسبه له والكل يمدحها
بو حميد : عااد شوفي راي الولد وقوم بو حمد مايعابهم شي
ام حميد : صدقت والا وين بنحصل اخير عنهم
وفي دخله حميد للصاله ..
حميد : صباح الخير
ام حميد وبو حميد : صبااح النور والسرور
حميد : ها شحالكم
بو حميد : بخير وعافيه يابوووي وانت علومك
حميد : دام الوالده طيبه انا طيب
ام حميد: يعلني ماخلى منك ياولدي هاا بويه مابغيت فطوور
حميد : لا اميي ماريد بنطر للغدا
ام حميد : مايصير جي ياولدي لازم تاكل شي
حميد : والله يامي مب مشتهي شي
بو حميد : براايه يا ام حميد مايبا
ام حميد : كيفك ياابوي .. بغيتك برمسه ياحميد
حميد : امري امي اسمعج
ام حميد : والله ياولدي انا لقيت لك البنت اللي تناسبك جمال واخلاق وادب واصل ونعرف اهلها
حميد : والله امي اي وحده تشوفينها مناسبه لي انا حاظر وتحت امرج بنت منوو هي ؟
ام حميد : بنت بوحمد اللي في الفريج الثاااني
حميد يتذكر منوو منوو : هيه بو حمد بس اميي هاي بنتهم مخطووبه لواحد من الفجيرة ربيعي هوو
ام حميد :لا عندهم تووم بعد توهن مخلصات ثانويه
حميد : هييييييييييييه تذكرتهم التوومي يقوولون لهم اتذكرت اياام اول يوم كنا صغاار نلعب ويااهن شماا وشووق صح امي
ام حميد : هيي انا اريد شماا لانه شووق يقوولون محيره لولد خالها عبدالله
حمد يتذكر شكل شماا وتذكر هاي الخقاقه دلوعه يدها اللي ماحد يروم يقول لها شي وكان فارس يظربني ليش اضربهاا هههه ايااام : امم والله يامي انا ناسي شكل البنت لكن دامها عايبتج يالله نخطبها
ام حميد: فديتك ياولدي عسى الله يطول بعمري وعمر ابوك ونشوف عيالك وعيال عيالك ان شاء الله
حميد : ان شاء الله يامي

خطف الاسبووع على خير سافرو المعاريس ايطاليا وبيردون ووباقي الاهل بيسافرون اول شي االسعوديه بيعمرون بعدين بيروحون ابهاا .. بس شغل بو فيصل ماخرهم اشوي

ام حميد قررت تتصل في خويتها ام حمد وترمسها عن شمه

بيت بوحمد شما وشموس وشواقه وعبود وفهود وحمد وفارس وام حمد يالسين ويسولفون ..
رن التلفون وردت ام حمد : مرحبا مرحبا ختيه ام حميد شحالج عساج طيبه
ام حميد : كلنا بخير وعافيه ومن صوبج الغاليه
ام حمد : والله نحن بعد بخير شحال بو حميد وحميد سلوى بنتج
ام حميد : بخير والله الحمدلله سلوى هاذا شهرها وبتولد قريب ..
ام حمد :الحمدلله وشو مسوين وشحالكم بعد
ام حميد : والله الحمدلله
وبعد هالسوالف وسالت عن ها وسالت عن هييج
ام حميد : والله يا ام حمد انا اليوم طالبتج طلبه ومالنا اخير عنكم ولو مانشوف فيكم الزين والطيب والاخلاق ماييناكم
ام حمد : تفضلي قولي افا عليج خويتي امري تدللي
ام حميد : والله يا ام حمد انا بغيت شماا بنتج لولدي حميد
ام حمد : شما بنتي
وهني الكل سكت واطالع شمووه واكثر واحد هو فارس
شمووه : يما شفيني
ام حمد تاشر لها تسكت : والله هاي الساعه المباركه انا بشاور ابوها وبشاورها وبنرد عليكم خبر ان شاء الله
وهني فعلا الكل تم مبهم مش عارف شو السالفه اما فااارس عرف انه في حد اتجرا وخطب حبيبته وتم يطالعها وهي اطالع امها
ام حمد : مع السلامه الغاليه
وتسكر السماعه
حمد : يماا شو السالفه
ام حمد : ام حميد قوم فلان الفلاني يبغوون شما حرمه لحميد ولدهم
فارس وقف وشمووه استحت امها ترمس جي يدامهم وابدا فارس ماطرا في بالها وشمووس اطالع اخوها وتاشر له بانه ييلس ويلس وعبود شواقه عادي موقفهم اما فهود قال : شوو لا مانريده
حمد : وانت عكيفك تقول مانريده الشور شور ابوي والنبت
ام حمد : والله الولد ماينعااب وخير الريااييل
مع هالرمسه كلهاا شماا ساكته ومستحيه وفاارس قلبه يتقطع على حبه ويقوول لهالدرجه ياشمااني ماهمج ومستانسه ومستحيه اونج وشمووس قلبها يعورها على اخووها ..
فهوود : بس هذا مش زين
ام حمد : والله ماشفنا منه شي واهله اخير النااس
شواقه: شو بلاه فهوود مش زين
فهوود تم ساكت وماحب يرمس
شمووه يتها الجراه وقالت : فهود الريال مابلاه شي والكل يقول انه طيب ورزين
فارس قواااه عين شمووه ارحمي قلبي ياشمووه

شمووس حبت اطلع اخوها من هالجو : يالله نحن نترخص عيل فارس يالله نروح
وفارس ما عارض هالشي : يالله وظهر حتى قبل مايسمع رمسه خالته
ام حمد : يما تمو اتعشو ويانا
شموس : لا خااالو بنروح فطيم اختي الحين بتي بيتنا
ام حمد :الله وياكم مع السلامه وسلمي على الاهل
شموس : ان شاء الله خالو
وتظهر شموس ورا اخووها اللي حالته ماتسر لا عدو ولا صديق .. نزلها البيت ورااح البحر .. راح البحر وتم زعلاان على اللي سمعه من خالته واللي جرحه من شماا .. معقوووله ماتحس فيني معقوووله
شمااا ليش قلبج جااسي ليش يا شماااااااااا اااااااااااااااااااااااه احبج وربي احبج

في بيت بو حمد الكل عرف في السالفه وتم بو حمد يرمس عن الولد وعن اخلاقه وشماا تقول لشواقه مبدئا موافقه لين ماتصلي استخاااره
الا فهوود اللي رافض الفكرة نهائياااااااااااا ليش الله العالم .. مع الايام بنعرف ليش


بعد يومين
عرفت حصوه بالخبر وباركت لاختها وشموه وافقت عليه بعد ماصلت استخاره وشواقه تحس بيصير شي وشموس قلبها متقطع على اخووها اللي يعور قلبها صاير مبهدل ومهمل نفسه وكل يوم يروح البحر وخاصه من بعد ماعرف بانه شماا موافقه .. قرر ينساااها لكن كيييييييييييييف مايعرف كيف .. وفهوود يقنع اخووه حمد يقوله الولد مش زين لكن للاسف ماعنده دليل عسب يثبت هالشي

فارس في غرفه شمووس : ليش ماتحس معقوله ابدا ماهميتها ليش ياشمووس انا احبها والله احبها
شموس اطالع اخوها فارس اللي الف من يتمناااه : حبيبي فارس لاتسوي بعمرك جي
فارس: ااااه يا شموووس اريدها اريدهاااااااااااااااااااااااااااا لي انا والله ميت غيض .. اشوي وتنزل دمعه من عينه
شمووس اول مرة تشوف اخووها بهالشكل : فارس حبيبي الف من يتمنااك وماعليك منها صحيح انها ربيعتي لكن انساها وعلي لاخلي فطيم تتنقالك احلى النبات
فارس: انا اريدها يا شمووس ماريد غيرهاا اريدهاااااااااااااااااااااا
شمووس ساكته ماتعرف شو تسوي

مرت الايااام وفارس كل يوم حالته اسوء عن قبل لين قرر انه ينساها بهييج البنت
تذكر وقال ههه ياشماا انا بنسااج بعد بنساااااااااج شرات ماسويتي لي اي سالفه راح لغرفه شمووس وكانت تحت هي شاف تلفونها عالتواليت وشله وظهر رقم دانه ربيعتها كان يعرف اسمها يوم امه طرتها يدامه
دانه هيه دانه يا شماا بتنسيني شما وطوايف شماا

في بيت بو حمد شمووه شافت حميد يابو صورته وتخبلت عليه ومستاانسه حدهااا والكل يتصل يبارك لهااا

فهوود نفس مااهو مايعرف شو يسوي ولا عنده اي دليل ضد حميد
حميد استاانس من عرف انها رضت به وقال يالله خلنا نعرس بسرعه

بعد مرور 3 ايام من هالاحداث سافرو قوم بو حمد وبو فيصل وبو سالم
بس فارس وحمد قالو مايرومون يسافرون بسبب الدوام ..
عبوود مستاانس واايد انه شواقه معاااه .. وفهود باله مشغوول بسالفه شموه مع حميد ..
شمووس قلبها يعورهاا للحين على اخوها مع انه حست انه تغير اشوي لكن ماتعرف بالظبط شو اللي يصير ..

في الفندق بعد ماعمرو وخلصو كان الفير ..
شموس : يالله نرقد لا تاذووني
شمووه : هيه والله انا فيني النوم بعد
شواقه : انزين انا ماريد انااام مافيني نووم
مرياامي : شواقه بس سكتي نريد انااام
نواري طبعاا كانت رااقده
النبات في غرفه وفهود وعبود في غرفه وبو حمد مع ام حمد في غرفه وام فيصل مع بو فيصل في غرفه وام سالم وبو سالم في غرفه وفاطمه وسالم مع عيالهم في غرفه ..
شواقه : بروح اشرب مااي حد يبااا
الكل : لااا نبا انااام
شواقه: ههههه انزين خلاص
وظهرت صوب المطبخ عسب تشرب مااي
وهي واقفه عند البراااده حست حد وراها الا بعبوود
شواقه يت بتصرخ عبود ماخلاها وحط ايده على ثمهاا
شواقه تقوووله روووح رووح لانها ماكانت لابسه شيله يدامه
عبود ضحك وشل سفرته كان متسفر بها وغطا شعرها : شو تسوين بهاللليل هني
شواقه مستحيه من عبوود بانه شاف شعرها : احم مااشي اشرب ماي
عبود : هيييه انزين يالله روحي ناامي
شىقه: ان شاء الله اممم انت شو تسوي هني
عبوود: فديت اللي تسال
شوااقه ويها احمر : اممم عبووووووووود
عبود وهو ذايب : عيوووووووووونه
شوااقه : انا بروح وشرده عنه قبل لايقولها شي يخليها تستحي اكثر
عبود وقف مكاانه ويلس يضحك ويقول : اااه فديتج احبج يالهبله ههههههههههه
روح بعدها عبوود ورقد هو الثاااني

شوااقه منسدحه عالشبريه تشوف الكل نايم الا هي وتقول بخاطرها اااه عبوود احبك والله احبك بس انت تستهبل وتسوي حركاات امممم سخييف .. ترد تضحك على عمرها وتقول بناام احسن لي

في هالوقت في الامارات فارس وااعي بعده مش راقد ويقول الحين الفير بترد علي والا لااا
كان يفكر يتصل في دااانه .. وفعلا اتصل وقال انا لازم من اليوم اشيلج عن بالي يا شماا
رن مره مرتين ثلاث .. مااااحد يرد .. قال اكيد رااقده ..
سكر الفون وحطي راسه على المخده ورقد ..






وان شاء الله يعيبكم ..