|
البارت العاشر . . . ام ثاني: بنيتي شمه طالعتها : هلا خالو ام ثاني اشرت لها تقعد عدالها ، شمه استحت وتقربت صوبها وقعدت : آمري خالو ؟ ام ثاني : شحالج امييه ؟ شمه : الحمدلله ومن صوبج ؟ ام ثاني : بخير ، بسألج انتي تدرسين ؟ شمه : هي خالو في الجامعه منيرة : وفي أي جامعه ؟ شمه : خليفه ام ثاني : تقربين للعروس ولا المعرس ؟ شمه : لا للعروس تصير بنت عمي ام ثاني : هي ما شاء الله شمه : يالله خالو تامريني بشي ؟ ام ثاني وقفت : بغيتج توصليني للباب شمه بتوتر : ان شاء الله خالو مسكت ايدها وشمه ما تغطت قالت بس بتوصلها صوب الباب بس انصدمت وهي تجوفه جريب من الباب واللي قهرها انه ام ثثاني زقرته عشان يطالع وشمه سحبت ايدها وركضت داخل .. ثاني ابتسم : امايه ليش تحرجينها ححرام زين ما انقلبت ام ثاني: شرايك فيها ؟ كنت اباك تجوفها ثاني: ماعليها كلام الغاليه ام ثاني : الله يوفقك يالغالي ثاني: عيل وينها منيرووه ؟ ام ثاني : بتروح مع خالتها ام علي ثاني: زين عيل عيالج خبلوا فيني ورديتهم البيت ام ثاني : ههههه يلا ببروح بجوفهم شغل السيارة وروحوا .. . . . خليفة تقرب من حميد : السلام عليكم ؟ حميد قام وسلم عليه : وعليكم السلام والرحمه خليفة : كيف الحال ؟ عاد جفتك بروحك حميد : يسرك الحال ومن صوبك ؟ خليفة : الحمدلله بخير بس انت منو ما عرفتك حميد : انا حميد ما بتعرفني لانني مب من هني خليفة: كيف يعني مب من هني ؟ حميد : انا ادرس في لندن واهلي كلهم هناك خليفة: بسم الله يعني انت لندني حميد ابتسم: حبيت الكلمه لا انا ابوي مواطن بس امي من لندن خليفة: ياححيك حميد : الله يحيك بس ما عرفتي على اسمك خليفة : انا خليفة وادرس في نيويورك حميد : تشرفننا يا اخوي تقربوا راشد وهزاع وقعدوا يسولفون .. . . . سلامة قربت مني وهمست : يالله زايد الحين بيدخل قلبي طاح في بطني : لا مابا مابا سلامة مسكت ايدي : خلاص حبيبي اهدي قربوا مني البنات، شوي وكلهم نزلوا وانا ارتجف شغلوا الزفة ودخل هو وابوي وبوصالح وبوخالد وبوزايد وبو شيخة وبوعبدلله ، حسيت انهم بسرعه يمشون ووصلوا عندي وزايد حب راسي وكل عمومي وابوي باسوني وقعدوا يرمسون زايد وطلعوا ، قعدنا وهو ماسك ايدي وانا ارتجف .. زايد : ليش انزين ترتجفين ؟ ما رديت عليه ، وهو رص على ايدي قلت : يعور زايد ابتسم : عشان مرة ثانيه تردين علي وما تطنشيني طاحت عيوني على سلمى وهي واقفه جدام أمها ونفس لبسها وعادي تضحك انصدمت ونزلت عيوني .. زايد : بلاجج ؟ : ماشي تقربت ريم وفي ايدها العباه لبستني وتغطيت كامل لانه الشباب اونه بيدخلون.. زايد سأل نورة لانها كانت قريبه : منو بيدخل ؟ نورة : راشد وهزاع وخليفة ومحمد وصالح وسلطان ومانع وحمد وعبدلله وخالد وحمدان وعمر وعبدالعزيز زايد : يعني الشباب كلهم دخلوا ووقربوا مننا وسلموا على زايد ومن بعيد يسلمون علي .. هزاع : خلاص يعني صرتتي حرمه : ليش انا شو كنت ؟ ولد مثلا مانع : لا خلاص بتصير عاقل راشد : شاكك الصراحة انا في الموضوع خليفة : يلا شباب خلونا نرزف شغلوا أغاني حربية وقعدوا يرزفون وييولون وكانوا جميلين وانا ابتسمت .. زايد يطالعني : يعني انا من ساعه دخلت وما جفت هذي البسمه الحين تبتسمين : خخيبه كيف جفتني ؟ زايد : انا جريب منج يعني اجوف سكتت عنهم وانا اجوف اللي دخل وأول مرة اجوفه شكله كان جميل يبين عليه انه اماراتي اجنبي تقرب وسلم على زايد وراح صوب الشباب بخخقه يرزف وياهم والبنات متخبلين عليهم وانا بس ابتسمت .. قربت ام زايد : تعالوا بندخلكم داخل تقعدون بروحكم انا ارتبكت قام زايد وقمت وياه وطلعنا قعدتنا في ميلس الحريم وطلعت ام زايد .. زايد وقف وقعد تحت يعني انا على الغنفه وهو قاعد مجابلني بس قاعد تحت قلت : اقعد فوق شي كراسي زايد غمز : بتقعديني فوقج عادي صديت الصوب الثاني عقب قلت : عادي ادخل داخل انا تعبانه زايد مسك ايدي : بقولج رمستي وبطلع : ارمس زايد : بقولج عن حياتنا المستقبلية ، انا ادرس واشتغل ويمكن انتي تعرفين انني مدير شركة وعندي فرع في لندن يعني انا بسافر واكيد انتي بتسافرين وياي وانا ادرس هني في دبي يعني بنستقر في دبي كل ويكند بننزل عند اهلي واهلج ، واللي اعرفه انج ما راح تكملين دراسه وانا عندي شقه في دبي والحين دورج اذا تبين ترمسين بصدمه : لححظة منو قالك اننني ما بكمل ..... قاطعني دخلتها الميلس وانا منصدمه منها وزايد من الصدمه وقف ، كانت سلمى داخله نفس لبسها ولا متغطيه تقربت مننا وقالت : حبيت ابارك لك حبيبي ما قدرت اركب فوق لاننه كان زحمه انا من الصدمه عطيتهم ظهري وزايد مسك ايدي قلت : بخليكم على راحتكم ، سحبت ايدي بقوة وطلعت عنهم دخلت غرفتي وانا اصارخ دخلت اصيلة تقربت منني وحظنتني وانا صحت في حظنها واشاهق من الصياح . . . زايد : خير ؟ سلمى تقربت : شو فيك انا يايه ابارك لكم زايد طلع عنها واتصل في ريم وقال لها وريم من الصدمه خذت كل البنات وياها ويوني الغغرفه ، وانا اشاهق من الصياح .. نورة : خلاص حبيبي هدي انتي شوي : حيوان هو وياها خاينن وسلامة تقولي عطيه فرصه اصلن هو ما يستاههل ريم توترت وطلعت برع ، وقعدوا البنات يهدونني وانا اشاههق رنن تلفون نورة وردت ويدوه تهزبها : انتو وينكم ياللي ما تستحون على ويههكم نورة : يدوه مواز تعبانه واحنا الحين عندها يدوه خافت بس ما بينت : هي ما عند ريلها يلا اجوف تعالوا اترياكم عشر دقايق ولا اقولكم خمس دقايق اذا ما جفتكم في الخيمة كل وحدة العصا جدامهم نورة : ان شاء الله يدوه لا تعصبين بننزل ، سكرت ف ويهها يدوه ونورة كانت ترمسها ومخلتنه سبيكر كلنا كنا نسمع رمسه يدوه .. ابتعدت عن اصيلة : يلا بنات انتو نزلوا انا برتاح هني ولا تخبرون حد انني تعبانه يوم بيردون قولولهم طلعوا البنات كلهم وانا قفلت الباب فصخت فستاني ودخلت الحمام وبدلت لبست بجامه نوم خفيفه وتريحني فتحت الباب لانني ادري البنات بيحاتون ولازم بيرقدون عندي انسدحت على الشبريه وقعدت اصيح .. . . . زايد : والله ودي اذبحها ادري الحين ما بترمسني ولا بتسوي لي سالفه حمدان : انت الحين رمس ريموه وهي بتقولك زايد اتصل في ريم وعلى طول ردت قال : هاااا طمنيني ؟ ريم بحزن : قعدت تصيح فوق وقالت انك خاين وكانت بتعطيك فرصه لكن انت ما تستاهل وانا طلعت من عندها لانني ما قدرت والحين ردينا الخيمة لانه يدوه هزبتهم وما رضت حد يتم عندها والكل على باله انها عندك الحين زايد : والله ياريم انني ما سويت شي هي دخلت جي استغفرلله ريم : خلااص عقب بنرمسها . . . رنن تلفوني ورديت من دون ما اجوف الرقم : ألوو حميد : اهلن : شو تبا انت انا خلاص على ذمه ريال يعني هذا اسمها خخيانه فهمت وانا في حياتي ما سويت جي انني ارمس واحد ، خلاص انا تعبت مابا حد في حياتي ودي اشرد منها ودي اموت حميد : انزين انا اللي كنت أبا أقوله انه زايد ما يخصه وهي دخلت عليج وانا سمعته يقول انه ماله ذذنب لليش تستوين قاسيه صارخت : خلااص خخخخخلاااص أبا ارتاح مابا شي ف دنيتي من خطبني زايد وكله مشاكل ككل المشاككل ياتنني ، أبا اموت أبا ارتاححح حميد صارخ : لا تقولين ججي وججب اجوف هذذا ريلج وهو ماله ذذنب فهمتي رمست بهدوء لانني خفت من عصبيته : شو تبا فيه انت ليش تدافع عنه لازم هو اللي يرمس مب انته حميد : برد اقولج انا اتمنالج السعاده فهممتي بابا بهدوء : أبا ارتاححح حميد :بترتاحين بس طنشي كل شي لاتهتمين لشي : من خطبني زايد الكل صار يهزبني ويغصبني على كل شي حميد بضيج : عقب العرس بترتاحين : الكل صار يشك فيني والسبب بنت خالته سلمى حميد : ارتاحي انتي الحين ولا تفكرين في شي ولا تتضايجين وزايد رمسيه ولا تقسين عليه انا من عرفتج وانتي مب قاسيهه وادريبج مابتقسين وبتحقدين على حد : الدنيا كلها صارت ضدي حميد صارخ : خلااص بابا افهممي لا تهتمين لشي : انا بسكر أبا ارتاح شوي راسي يعورني حميد : ديري بالج على روحج فمان الله : فمان كرييم وسكرت وغطيت ويهي وقعدت اصييح راسي كان يعورني حسيت جسمي كله تألم .. . . . ام خليفة : سميه مواز داخل سميه : هي خالو طلعت من عند ريلها وراحت غرفتها ام خليفة : خلها تقعد عندنا سميه : خالو هي بدلت والحين تبا تنام ام خليفة : هي فديتها تعبت وايد اليوم سميه : تامريني بشي ؟ ام خليفة : سلامتج بس كل شوي اتصلي فيها وطمنيني سميه : من عيوني ام خليفة : تسلمين يالغاليه سميه : انا بروح عند البنات سميه راحت وام خليفة قعدت عند الحريم .. . . . مر الوقت بسرعه وكل حد روح الا العايله واهل قطر واهل زايد .. ام علي : يلا عيل انا بروح ولدي يترياني برع ام زايد : الله يحفظج يالغاليه سلمت ام علي ومنيرة وطلعوا اتصلت ام علي في هيثم وقال بيقرب صوبهم وركبوا وكانت منيرة قاعدة ورا هيثم وكل شوي يجوفها من الجامة وهي تستحي وتنزل راسها قال : شحالج بنت خالو ؟ منيرة بخجل : الحمدلله ومن صوبك ؟ هيثم : اكيد بكون بخير دامج بخير ام علي : استح على ويهك هيثم : ان شاء الله امايه ، وغمز لمنيرة وهي ابتسمت ونزلت راسها .. ام علي : وصلني انا اول ابوك يترياني وعقب وصل بنت خالتك هيثم ابتسم : ان شاء الله وصل امه ونزلت وحرك السيارة وابتعد شوي ووقفها على صوب وقال : انا مب دريولج تعالي جدام قعدي منيرة : هها لا لا هيثم : عيل رقدي اليوم هني منيرة نزلت وركبت جدام : ارتحت هيثم : اكيد دامج قريبه من قلبي منيرة نزلت راسها : جب انزين هيثم : فديت اللي يستحون منيرة : اسرع في حد يسوق 60 هيثم : هي انا ما باج تروحين وتبتعدين منيرة : يالله انا وين بروح وبعدين هذا بيت خالتك تعال كل يوم هيثم : كل يوم يعني تبيني ايي ؟ منيرة استحت : جب هيثم : يعني استحيتي وبعد تقولين ججب ووصل جدام بيتهم وكانت بتنزل لكن هيثم مسك ايدها ورد قعدها ، وهو يلعب في ايدها قال : ما كنت اعرف انه ايدج ناعمه منيرة نزلت راسها تحس انها بتصيح من المستحى : هيثم أبا انزل هيثم رفع ايدها وباسها وطول في البوسه : بتنزلين ليش مستعيله منيرة تبا تسحب ايدها ما قدرت لانه ماسكنها بقوة : عن يجوفني ثاني هيثم قرب وهمس : متى بتصيرين حلالي ، وباس خدها وهمس : احبج واعشقج فتحت الباب ونزلت وقبل لا تسكره قالت : وانا اموت فيكك واعشقك ، وركضت داخل وهيثم مستانس ورد البيت وهو طاير من الفرححه . . . دخلوا البنات عندي بهدوء وقعدوا على الشبريه تقربت مني سارة وخوزت اللحاف من ويهي وشهقت ، كان شكلي غير ويههي كله دموع واسود تحت عيونني وكنت وايد تعبانه ، قربت نورة وقالت : شو يعورج ححبيبي ؟ : ولاشي نورة : كل هذا وولا شي : انا بروح الحمام ، ورحت عنهم نوره رمست البنات يطلعون برع ، طلعت من الحمام وقعدت امشي شرات الجثه ويوم وصلت جريب الشبريه طحت واغمى علي ، نورة صارخت ودخلوا كل البنات شكلي كأنني ميتته خلاص ، ريم من الخوف اتصلت في زايد وقالت له تعال فوق محد موجود ، كل البنات تحجبوا ودخل زايد الغرفه انصدم ما قدر يترك ، صارخت ريم : شلهها شو طالع ؟ زايد قرب وشلني ولبسوني العباه وشيلة وطلع ، ريموه يات وياه بس قال : مابا حد وياي ولا تخبرون حد بشي ، البنات كلهم دخلوا غرفتي وقفلوا البباب ، ركبنني زايد السيارة ووطار للمستشفى صرخ عليهم ويابو السرير ودخلوني الغرفة عند الدكتورة، وزايد برع يحاتي . ربع ساعه وطلعت الدكتورة وهي متنرفزة جافت زايد قالت : حرمتك ؟ زايد : ههي ، طمنيني دكتورة الدكتورة : الله يعينك عليها زايد : ليييش ؟ ارمسي سرعه الدكتورة : الحمدلله هي مافيها شي بس ارهاق لاننها ماتتاكل وما تنام وهذا الشي تعبها وايد ولا تهملونها اكثر ، وبتعبتني مب راضيه تخليني احط لها مغذي عننيده حرمتك زايد : خلاص دكتورة انا برمسها ، يصير ادخل عندها ؟ الدكتورة : هي يصير وانا بطرش النيرس تجوفهها زايد دخل : ان شاء الله ، جافني منسدحة على الششبرية رفعت عيوني اجوفه وعقب نزلتها وقعدت ألعب في ايدي ، ما حب يفتح الموضوع لاني بروحي شكلي كان تعبان تقرب وقعد على الكرسي مجابل السرير وقال : ليش العناد ؟ : أبا ارد البيت زايد : يعني لو كلتي زين ونمتي نفس الناس ما بتدخلين المستشفى : أبا ارد البيت زايد : الحين بتييج النيرس وخليها تسوي شغلها وتحطي مغذي : مابا زايد : مب كيفج : عيل بكيفك ؟ زايد : بس خلاص مابا اسمع صوتج : بسمع الكلام يوم بتصير نفس الريايل زايد بعصبيه : بس قلت لج سكتتي دخلت النيرس وكانت ككاشخه كانها داخله عرس ابوها ويالله ريحه عطرها وين واصله ما ادري كيف قابلينها في المستشفى قربت مني وقعدت تركب المغذي وعيونها على زايد قلت : انتي شو تسوي ؟ قالت : الدكتورة قالت احطي لج : مب على كيفج زايد : كملي انتي ما يخصج فيها قمت بصعوبه ونزلت من السرير مسك ايدي زايد : بلاا عناد وردي مكانج : مابا وخخلني اروح بخليكم على راحتكم قالت : خلها خلاص اذا ما تبا بعطيها مغذي يكون نفس العصير وبتشربه اطالعتها من فوق لتحت : سيري لاهه وشربيه انتي وياه طلعت ودقايق ردت وفي ايدها المشروب تقربت صوب زايد وعطته ومسكت ايده وكانت قاصده وهو طنشها قرب مني وقال : شربيهه : مابا ممسك ايدي وطلعني من المستشفى وركبني السيارة وهو ركب وشغلها وحرك وقلت : وين بتودييني ؟ زايد : ججب : يجبك يحيوان زايد : الحين انا حيوان : ووايد بعد زايد : زين ماعلييه : تدري ليش انت حيوان ؟ زايد يطالعني ورد طالع الدرب : ليش ؟ : لانك خاينن وجذاب وحقير زايد عصب وزاد السرعه : سكتي مابا اسمع صوتج طنشتهه وسحبت فونه وجفت فيه قفل مدديته صوبه وقلت : افتح ؟ زايد : شو تبين ف فوني ؟ رديه مكانه : اكيد ماتبا تفتحه لانك ما تباني انصدم من اللوث اللي ترمسهم زايد انصدم : تبين ططراق ؟ فريت الفون عليه وطاح تحت صوب ريله : يلا انزين جرب تعطني لاننه تعودت وصار ما يعور زايد سككت ووقف السيارة جدام البحر قلت : ردني البيت بروح ارقد زايد : باجر ما وراج مدرسه عادي سهري وياي : تعبانه وباجر من العصر بروح الصالون زايد : ليش ؟ : عرس بنت جيراننا زايد : ماشي سيرة : مب بكيفك دام امايه وابويه موافقين بروحح وغصبن عن الككل زايد دق راسي : بابا افهمي من بعد ما وقعتي انا صرت ولي امرجج فهمتي ويعدين لو رمست ابوج اكيد ما بيخليج تروحين : انت ليش حيوان ؟ زايد : عيب الحرمه ما تقول لريلها حيوان : ليش ما تباني اروح ؟ عقب بتزعل زايد : قولي انج تعبانه والبنات بيروحون : يعني هي كانت موجوده اليوم ويات في الخطبة وماتباني اروح لها فشله زايد : ما بتقول شي : جب جب اصلن انا بروحح زايد : انزين بنجوف : المهم زايد أبا اتمشى شوي زايد : يالله ننزل : لا لا أبا أكون بروحي زايد : لا والله واخليج بروحج في الظلمه : لا تخاف علي انا ذذيبه يللا أيا انزل زايد : اوك بس ما تروحين بعيد وانا بقعد في السيارة نزلت : يلا باي نزلت من بدايه وايد خفت بس عقب قلت بروح جدام البحر أبا اطلع اللي ف خاطري ، تقربت من البحر وقلت : يا بحر ف حياتي ما ييتك وانا مهمومة وهذي اول مرة ، لو تدري كيف انا مهمومه من كل حد ، اليوم عطيت زايد فرصه بس من صدمتي بشكل سلمى وهي واقفه هي خلتني اسبه وابتعد عنه وأقول انه خاين وانا ادري انه مب من هذي السوالف ، قهرتني السستر وهي تطالع زايد وعشان جي زدت عناددي ولا انا تعبانه واباها تعطيني المغذي ، بقولك رمسه وخلها بيني وبينك انا اليوم حبيت زايد والله انني حبيته بس بعدي في الدرجه الأولى وحبيت الضرابه وياه بس مستححيل اعترف له واقولهه ، يالله يارب تسعددني مع زايد وقعدت ادعي لهم كلهم ، ووقفت لانني كنت أبا ارد جفت شله شباب سكارا يمشون ويقربون صارخخت وجفت زايد جريب مني وتمسكت بقوة ف قميصه ، ما قدر يضاربهم لانني كنت متمسكه فيه ركبني السيارة وانا من الصدمه ولا دمعه نزلت وركب هو وقربني منه وحط راسي على جتفه وحرك السيارة ودخل فريججنا ووقف صوب بيتنا ، ما رضيت انزل وايد خفت سمعته يقول : ماتبين تنزلين ؟ عايبتنج القعده وياي ؟ قعدت اصيح واصارخ واشههق ، زايد طالعني وهو منصدم حظنني وانا رصيت عليهه حسيت بقربه حنان وامان اللي ما حسيته عند امايه وابويه لانني ما أتذكر متى آخر مرة حظنوني ، ابتعد زايد بهدوء ونزل وفتح الباب ونزلني ، اتصل في ريموه وقال لها تغطووا لاننه بيصعد فوق ، ووصلني فوق ودخل غرفتي وطردهم كلهم فصخ عبايتي وانا استحيت وايد من اللبس وهو ابتسم انسدحت على السرير وهو قعد يمسح على راسي مارضيت ارقد وقلت : ليش طردتهم خلهم يرقدون عندي زايد : ادري انهم ما بيخلونج ترقدين وبيسوون حشره : ما عليه بطنشهم وبرقد وهم يدرون انني تعبانه ومحد بيسوي سالفه زايد : من اطلع بدخلهم ، وين فونج ؟ : فوق الطاولة زايد راح ومسك فونه واتصل فيني ورد وقرب الفون منني وركب السماعه في أذني وقال : لا تبندي اتريني لما اوصل ولا ترقدين عنني ابتسمت على الحركة ، وهو قرب وحب راسي وطلع ، سمعت صوته وهو يرمس البنات : يويلكم لوحدة رمستها خلوها ترقد سمعتوا الحين كل وحدة تدخل وتنام بس قولوا تصبحون على خير ، ورمسهم وايد بس انا رقدت وماسمعت الرمسه ، دخلوا البنات وكلل وحده معاها لحاف وفرشوا لهم تحت ورقدوا .. . . . مهرة : متى بترجع والله اشتقت لك حميد : يالله عاد يدلع مهرة : والله اشتقت لك ويعني ماحد طلعني اليوم وانت تدري انه امايه ما تحب تطلع وايد حميد : الفير طيارتي مهرة : انزين لا تطول حميد : امايه راقده ؟ مهره : لا مع عيال خالو حميد : انتي ليش ما تروحين تقعدين وياهم ؟ مهرة : مللل اقعد والبنات سوالفهم ممله حميد : اووه انا لازم اخخق مهرة : بسألك سؤال وجاوب بصراحه حميد : من عيوني مهرة : تسلم ، انت ليش راد الامارات ؟ حميد : قلت لج ملجه ربيعي مهرة : لا تجذب انته ما عندك ربع هناك حميد : لا هو يدرس هنني بس رد يملج مهرة تحاول تصدق : زين والله حميد : عطيني برمس امايه مهرة : امايهه تعالي حميد يباج ؟ ام حميد : حميد متصل لقد اشتقت له رغم انه ابتعد يومين عنني حميد : فديتج يالغاليهه شحالج ؟ تولهت عليج وايد ام حميد : انني بخير عندما تطمنت عليك حميد : فديت قلبج ام حميد : حميد الكل مشتاق لك هنا حميد : وانا بعد مشتاق لكم وايد ام حميد : هل رأيتها ؟ حميد : منو امايه ؟ انا رايح عند ربيعي ام حميد : اعلم انك ذاهب إليها وانك كذبت علي ، تخبرني بكل شي يحصل لك وخبيت عني هذا الموضوع لكني علمت انك ذاهب لرأيت حبيبك حميد بلع ريجه : امايه شدراج ؟ ام حميد : من بدايه لم اصدق انك سوف تذهب الامارات من اجل صديقك لكنني كنت لا اريد احراجك وقبل سفرنك ذهبت الى غرفتك لكي اصحيك لكي لا تتأخر ناديتني موزة وانا تأكد حميد : لايكون مهروه درت ؟ مابتسكت ههذي ام حميد : تطمن كانت نائمة والآنن هي عند بنات اختي حميد : والله احبها ام حميد : الدنيا نصيب يا حميد والله يسعدك ويوفقك ويوجد الكثير من البنات مغرمات بك ومعجبات حميد : مابا حد غيرها ، هي لي انا وبس ام حميد : لم تجاوب على سؤالي هل رأيتها ؟ حميد : من بعيد امايه جفتها وكانت متغطيه بس ام حميد : وهل تحدثت معها ؟ ؟ حميد : رمستها بالفون ام حميد : هذي كانت حالنا انا وابوك حميد بحزن : امايه اباها اليوم هي عند غيري صارت ملك غيري ام حميد : استغفر ربك يا حميد واذا كنت تريدها حقا اكثر من الدعاء إليها هذا يسمى الحب الحقيقي وتمنى لها السعاده الدائمة حميد : ان شاء الله امايه ام حميد : انت كبرت يا حميد وانا لا استطيع محاسبتك على تصرفات تفعلها لكن فكر كثيرا قبل ان تفعل شي حميد : ارمسج عقب امايه ام حميد : الله يحفظك يا ولدي ومع السلامة حميد سكر عنها وانسدح وتلحف وهو يفكر في حياته ف خاطره : ل متى انا بعيش بروحي اذا رحندت لندن ما عندي اخوان وعيال خالو كلهم سكارا وسوالفهم ماصخه ، يالله يارب تسعدها يالله يارب , وقعد يقرا المعوذات ويستغفر ورقد . . . زايد : الوو : هممم زايد : قومي بسولف وياج : أبا انامم زايد : يالله عاد قومي : قمت يالله شو تبا ؟ زايد : مافيني رقاد : يعني شو تباني اسوي اشربك حليب ؟ ولا اقولك قصه زايد : انزين شوي شوي بلاج فلفل حتى وانتي راقده : تبا شي قول ما تبا بسكر أبا ارقد زايد : زين يلا نوم العوافي مع السلامة ، سكر وانا من الصدمه اطالع التلفون ماتوقعت انه بيزععل .. قمت وانا اجوف اشكال البنات حبيت اشكالهم وايد وصورتهم وطلعت بهدوء ، نزلت تحت ودخلت المطبخ ودورت اكل ما جفت غير فواكه واللي يكون موجود في الثلاجه ، قعدت اجوف الغاز وقلت : خاطري بكوفي بس ما اعرف اسوي ، طلعت ورحت غرفه خليفة وكانت بارده ثلجج دخلت بهدوء رحت صوب الثلاجه الصغيرة فتحتها جفت فيها ككاو ورد بول وبورهورس ، خذت لي رد بول وجلكسي ونزلت قعدت في غرفه الطعام وعلى الطاولة وفتحت الجلكسي وقعدت آكل ، ما حبيت زايد يرقد وهو زعلان منني اتصلت فيه مرتين وما رد طنشته فتحت البيبي ام وقعدت ارد عليهم اللي يباركون لي ورمست ربيعتي حنين ودقيقه وردت على قعدت اسولف وياها وعقب هي اتصلت وسولفت وياها وقالت شرايج نطلع قلت لها دقايق وبطلع لج ، ركضت فوق دخلت غرفتي بهدوء ولبست عبايتي وتعددلت على السريع يعني بودره وجحال من داخل وقلوس وردي فاتح ولبست نعال ونزلت طلعت برع اترياها وققعدت على المريحانه ، ما حبيت اطلع من دون ما اخبره اتصلت فيه رنتين ورد قال ببرود : نعم ؟ ليش ما رقدتي : زايد زايد : خخير ؟ : انزين ليش ترمسني جي زايد : أبا انام ممكن ويلا باي ، سكر الفون ف ويهي رديت اتصلت فيه وبعده يرن وانا قاعده اجرب صوتي وانا أقول ألوو زايد رد وابتسم : ما دريت ان حرمتي خبله افشتلت من الحركة وقلت : انزين اذا تبا تروح ترقد بقولك شي عقب ارقد زايد : نعم قلت في خاطري * دام جي المزاج الله يعين اذا وافق * : بطلب طلب وقول تم زايد : قولي اذا قدرت : مممم بطلع زايد : نعممم ! انا الحين تعبان ما اروم : انزين انا ما قلت انت بتطلعني ... زايد قاطعني : عيل مع منو ؟ : خلاص مححد دام جي معصب مابا ارمس زايد بهدوء : مع منو ؟ : ممم ربيعتي زايد : نعمم ؟ ماشي ططلعه : زايد يعني هي ... زايد قاطعني : قلت ماشي ولا تناقشيني : اوك خلاص انا بعد أبا اسكر ، وبندت ف ويهه وادري انه بيعصب وانا مفتشله كيف برد حنين ، اتصلت فيها واعتذرت منها وقلت لها خليها يوم ثاني وهي حست انه في حد مارضى يطلعني قالت : احسن ما طلعنا لانني بعد لو اهلي دروا انني طالعه بيهزبوني : يلا ععيل انا تعبانه بروح ارقد حنين : يلا مع السلامة بندت عنها ورحت غرفتي فصخت عبايتي وغسلت ويههي وانسدحت وجفت الفون يرنن بندته كامل وفريته في الشنطة وغطيت ويههي ورقدت . . |
هاي سلمى بذبحها لازمم تخرب بينهم يعني و مواز يبالها كف ببعد لانهه لازم تسمع كلام ريلها و تودر العناد و هالحركات زايد احسه بيصبر ع تصرفات موازز حميد شو قصته وكيف يعرف مواز ؟ وبسس ف انتظار البارت الياي و تسلم ايدج ع هالبارت ولا تطوليين |
موزة : تقهر وايد ولازم تتمسك في زايد اكثر عشان سلمى ما تاخذه عنها زايد : بيصبر على مواز بس الله يعينه حميد : من وين طلع هذا بعد ؟ سلمى : ياربي منها ودي اذبحها وفي انتظار البارت اللي بعده |
البارت جميل . وموزه الله يصبرنا على عناد راسها |
موزه : ف البدايه قهرتني وايد بس احس حللو لما بتحب زايد زايد : والله زقرجي هذا ويعرف ايب راس موزه , واتمنى مايصير شرات ابطال باقي الروايات يكونوا خاينين بالاخير سلمى : يبووولي خنجرر بسرعاااا البنات : كلهن طيبات وانشالله يتزوجون قريب . . |
| الساعة الآن 07:23 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir