المــدامع }--*

[حمامة]

من بكت دمعة قصيدي و إطرحتها ع السطور
ما بقى فالحرف قوه .. حين صابه الارتياب
ما قدر هالحرف يمضي أو يخطط للعبور
ولا قدر ينضح و يعبر في دهاليز الكتاب
ولا قدر يمسك زمانه عن فتوره بالنفور
و الزمان الي يعيشه غلق ابوابه و غاب
ما نفع للوقت حظ ٍ ولو عناه وْ هو صبور
وإنْ مسك هالكون كله ما لقى غير الخراب
رجعته فيها مواجع و المشاعر به تثور
وكلما حاول وحاول .. دمعته زادت عذاب
ما تداوى من مصابه ولا تجبر به كسور
كلما حاول يجبر زاد بالجرح التهاب
ضجته تتبع هياجه .. وحنكته صارت نثور
في كتاب لو بيجمع .. ينثره من كل باب
هكذا تبدى الحكايا ..من هنا الدنيا تدور
كل ما جينا نجمع ..ضعنا في واقع ..سراب
لو بغى يرجع و يجمع .. ويقرا ما بين السطور
دمعته خارت و طاحت بين صفحات الكتاب

__DEFINE_LIKE_SHARE__