كتبت في بيض الورق ......!!!

[محروم.كوم]

السلام عليكم ورحمة الله وبركاته
أخواني كتبت لي أبيات أبغى رأيكم فيها وملاحظاتكم فأنا من محبي الشعر

وعمري توووه مقبل على الحادي والعشرين .....

كتبت في بيض الورق عشرة أبيات=أقصد بها أهل العقول الفهيمة
العمر رحلة والتجارب محطات=لابد ما يندم زبون الجريمة
الحر يبقى حر حتى ولو مات=تبقى فعوله فالمجالس عظيمة
عمري صغير لكنّ فالرأس شيبات=وعندي طموح وللطموح هذا عزيمة
قلبي وطن يحمل هموم واهااات=وأنا جمل يبرك للحمول الثقيلة
الشعر أعده لي هواية من الذات=هواية الناس أهل العصور القديمة
ياللي تعذرب فالسنين الماضيات=أهل الوفاء وأهل النوايا السليمة
ياماحلا معهم طلعة ومكشات=ومجلاس فالخلا عقب المزون المغيمة
يالله يارحمان يا جزل العطيّات=تغفر لنا ذيك الذنوب السقيمة
واطلبك يا خالق سبع السموات=تكتب لنا رزق(ن) انته عليمه



أتمنى اني ما استعجلت عليها
لأني اليوم كاتبها وطبعي عجل:d

__DEFINE_LIKE_SHARE__