قصيده سحاب نجد راعي شقراء احدن ينوم بخير ويصبح على خير

[محروم.كوم]

السلام عليكم يالغالين حبيت اشارك معكم بهذي القصيده الي كتبتها بعد خروجي من المستشفى مسوي ثلاث عمليات جراحيه ويوم جيت البيت ولا اهلي حاطين لي فراش في صاله البيت لاني مقدر اطلع للغرفه وعلشان الي يبي يزوروني اصير جاهز لهم ولاكن للاسف لم يحظر لي احد الله لا يحقرنا هههههههههه وظاق صدري بصراحه وبكيت وقلت هذي القصيده ارجومن الله ان تحوز على القليل من رظاكم يالغالين وبس

تدرون وراه ما زارني احد لان طال عمركم دراهمي او فلوسي مهيب واجد

أحــــدن ينــــوم بخـــير و يصـــبح علــى خير

وأحـــدن دمــــــوعــــه غــــرقـــن الوســــاده

وأحــدن تغـــــرد دنــــيتـــه كنــــها الطــــيـــر

وأحــدن تـــــسـن ســيوفـــها عـــند بــــابــــه

لـــو غـــزتــه شـــوكـــه يجــــونـــه مســايـير

وبـــابــي عــليــه مـن العــجــايـــج شــهابــــه

خــــافوا عـــلـيه مـن الــوجــــع والتـــعاســيـر

وكـــلـن دمـــوعـــه غــــرقــن لـه ثـــــيــابـــه

وانــا لــو ان هــمــوم قـلــــبــي عـلى بـعـيــــر

يطــــيـح مــع حــملـــه حشــــى مــا ســـرابــه

ولــو أســعـفــوه بــذود مـــلحــن مشــــاهيــــر

نـــــوخ جــــمــلــهــن والـحــقــنه نــيــــاقــــه

لـــــي بالـثـــمامــه مـــاكــرن كـــنـي الــطـــيـر

أصـــيـح عنــده لـــيـن يــصـفــي جــنــابــــــه

قــالــو تــعـبـــر قـــلــت مقــــوى التـــعـــابـيـر

لاجــيـت انـا اكــتــب ذا القــلــم نــشـف نــابــه

حـــتـى أنــت يـاللــي تـكــتـب الشــر و الـخــير

وعـــطــاك ربــي شــآن مـــا ينــــهــقــى بـــه

تــبـي مــع الـــدنــيـا سـلاحـــك لــه شــخــيــر

عـــقــبـت يـاللــي يـتــبـع اللــي مــــشــى بــه

عـــلــمـي أنــا يــا خـــوي فـي جــمــة الــبــير

مــحــدن يــعـرفـــه كــود مــنــشـي ســحـــابه

إللـــي بــأمــره يــكـفــخ الـــطــير و يـطـيــــر

وبـمــــره عـزل حـالــي البـحــر عـن هــماجــه

حـرفـيــن عــنــده لــو شــبــكهـن تـرا يـصـير*

و الــكـــل فــي الــدنــيـا يــعـبــده مــهــــابــه

سحـــاب نـجــــد

*الحرفيــن هــي الــكـاف و الــنون(فسبــحان من يقــول "كــــــن" فيــــكـون)

[/quote]
[/size][/QUOTE]

راعي شقراء

__DEFINE_LIKE_SHARE__