استفسارات ضروريه

[محروم.كوم]

:dاخواني الصقارين واعضاء مكشات الوافين اول شي السلام عليكم والشهر عليكم مبارك والله يعيده علينا اعوام واعوام ويجعلنا من صيامه وقيامه وندخل فى الموضوع..


انا يارجاجيل متولع فى الطيور من زمان ومبتدى وشباك طيور لاكني ماقد شبكت الا جبليات وهنا عندنا في نجد وهالسنه طول الله عمركم ناوي اروح لساحل الغربي انا ورجاجيل شراوكم وكلنا مبتدئين وان الله عطانا عمر رحنا لساحل هالسنه وودي يارجاجيل تفيدوني متى وقت الهجره بالميلادي والهجري ومتى اكون هيناك وودي انكم تعطوني نبذه عن الساحل والمناطق الي فيه واهم المناطق الي تقطع فيها الطيور وعلى كثر متابعتي للمقاطع فى اليوتيوب ومواضيعكم اكتشفت ان الطواريح لهم سلوم بين بعض فى الساحل ياليت تفيدوني بها وهل النقل مسموح هيناك وهل مسموح اني اطير الحمامه لطير واطرحه طيار وبعدين متى افزع الرجاجيل هناك ولين فزعتهم وطرحو لي الطير لهم نسبه فيه ولا لا وانتهت اسئلتي الكثيره ههههههههههههههههههه والله لايهينكم ويرزقنا وياكم بالنادر __DEFINE_LIKE_SHARE__