نصيحه لمن يملك سوبر سفاري 99 الى 2001

[محروم.كوم]

السلام عليكم ورحمة الله وبركاته

حبيت انصحكم يامالكي الباترول السوبر سفاري بخاخ من 98 الى 2001 بخصوص الحرارة عند الوقوف



انا بكتب هذا الكلام عن تجربة:

موتري سوبر سفاري 4500 بخاخ وغيرت له تماتيك مروحه وخراطيش وليات ورديتر جديد و. و. و.

المهم نظام التبريد كله نفظته ومع ذلك اذا وقفت بالظهر والمكيف شغال مدة ساعه يحتر الموتر وتوصل الحرارة اقل من الثلث ويفصل الكمبرسر واضطر اني اخذ فرة وارجع عشان ترجع الحرارة طبيعية

طبعا هذي الحالة اللي ذكرتها طبيعية في اي موتر ، لكن الوضع ما اعجبني وقلت خلني ادور السبب...

فتشت في المراوح الامامية لقيت وحده منها سرعتين اليسرى ، واليمنى اللي جهة الراكب سرعه وحدة، ووظيفة المروحه السرعتين تشبك مع الحرارة والمكيف بينما اليمنى مع المكيف فقط وهذي تضرك لانك وقت الظهرية والزحمه ووقت الوقوف الطويل راح تحتاج المروحتين وتحتاجها باقصى سرعه لذلك سويت التالي :

رحت وشريت مروحة باترول سلقه 4500 حقت 2009 جهة يمين( جهة الراكب ) لانها تجي سرعتين شد بلد وركبتها بدل المروحه الاولى السرعه وحده ركبت على طول لانها نفس الشكل ونفس المسامير ،،

طبعا في ترهيم بسيط ولا اعتبره ترهيم،

اللي هو يمد اسلاك المروحه الجديدة ويشبكها مع اليسرى القديمه عن طريق سلك تشتريه عشان يربط بين المروحتين


طبعا الان ماشاء الله المكيف ثلج ومروحه التبريد اذا وقفت وطولت واقف كانت تشتغل وحده اذا منت بمشغل المكيف والحين تشتغل الثنتين وعلى طول تفصل لانها تبرد بسرعه

وغير كذا بالنفود ماعاد يحتر معك مهما سويت فيه لان التبريد يكون قوي من الامام

** ملاحظة : لازم يكون نظام التبريد عندك ممتاز عشان تنفعك هذي الطريقة

ايضا يفضل ازالة غطاء المكينة اللي مكتوب عليه 4500 المربع وهذا هم شايلينها بمديلات 2009 وانا شلتها مجرد تنفيس اكثر عن المكينة

معنى كلمة سرعتين ، وهي ان سرعتها بتكون اقوى من القديمة السرعه وحده

ولكم مني جزيل الشكر

__DEFINE_LIKE_SHARE__