جريمة بشعة في الشارقة ..

[ظبياني]

بسم الله الرحمن الرحيم

جريمة بشعة ... غريبة انهم ما كتبوا عنها في الجرايد .. يمكن يتريون التحقيق ايخلص .. والله لو ما اعرف هاي العايلة جين ما بصدق اللي استوى ..
شاب عمرة 33 عام .. وعنده زوجة و3 اطفال والحين زوجته حامل في الشهر الرابع .. اتخيلوا مروا عليه ربعة يوم الخميس اللي طاف وقالوا تعال اويانا المزرعة .. اتصل حق حرمتة وقالها انا اساير او يا الشباب المزرعة ويكمن اتأخر بس ما ببات .. تدرون اجازة .. ويوم الجمعة حرمته تتصل ما ايرد عليها .. عاد السبت ساروا خبروا الشرطة .. وخبرتهم وين كان ساير .. المهم التحريات طلعوا المزرعة مالت اربيعة ( صوب ام القيوين) .. المهم حصلوه مقتول بالطعن .. وبعدين حارقينه .. صابين جاز عليه .. يمكن على شان يخفون آثار الطعن.. ودافنينه بعد .. الكلاب البوليسية طلعته .. لأن الحفرة ما كانت عميقة ..

حرمته متخبلة وحليلها .. الله ايعينها .. كله اتصفق وتغني .. الله ايعينها الله ايعينها .. وايد غامضيني ..
الحين الربع زاخينهم ايحققون اوياهم .. بس مهما كان السبب ما يعطيهم مبرر يسون اللي سوه.. حرام ريال وراه عايلة .. ما فكروا في اعياله .. انزين هم شو استفادوا .. مصيرهم السجن او الأعدام .. واحد من ربعة كان دوم يتغدا اوياه في البيت .. ما ايخوز عنه .. كيف غدر فيه .. مادري لين وين بنوصل .. كيف طاوعتم اقلوبهم ايسون جيه .. مع العلم الريال اللي جتلوه زين .. ريل اربيعتي ايعرفه .. ويقول هو وخوانه كلهم زينين .. يعني مب مال مشاكل.. الله ايعينهم

منقول __DEFINE_LIKE_SHARE__