للدمع لإحساس المطر جو ثاني

[آتصــےـنع آلبســےـمآـآت]

بسم الله الرحمن الرحيم

قلبه غصن غنت عليه العصافير

وين اللقاء يمكن تجيبه اماني

للصمت والغربة بقية مشاوير

للدمع لإحساس المطر جو ثاني

لا بللت وجه الحزن دعوة الخير

من قبل لا أسافر واغير مكاني

هذي قصيدة حب من دون تفسير..

لأهل اليدين اللي تلوح عشاني

وادعتهم قبل السفر حزة عصير..

وأهديتهم قلب من الشوق فاني

لو للزمن شيمة وللصدق تقدير..

ماكنت في ليلة زفافك اعاني

هذا انا وانتي وليل المقادير..

نتقاسم اوقات العنا بالثواني

ياويل حالي كل ماشفت لي طير..

ضج الخفوق بصوت خلٍ دعاني

لي دمعة طاحت على قاسي الجير..

تحطمت منها بقايا الاماني

لا تعتذر ماني بحاجة معاذير..

العذر مايشفي جروح المحاني

اول على شوفك اسوق التباشير..

و أزين حروفي ب ألذ المعاني

يا ود ما منا حصل يوم تقصير..

حكمة من المعبود ما كان كاني

هذي نهاية رحلة العشق تذكير..

إن الفراق اقسى حلول الزماني

!

__DEFINE_LIKE_SHARE__