مــن اجـــل رايـــــة الله اكبر...(قصيدة تخص علم العراق )

[سيف الكبيسي]

:: بسم الله الرحمن الرحيم ::

اخواني حبيت اليوم تشاركوني بقراءة هذه القصيدة الي تخص راية بلدي
راية الله اكبر
يريد ان يمحوها من سماء بلادي اليهود والامريكان بمساعدة الحكومة العميلة خزاهم الله ولعنهم في الدنيا قبل الاخرة اليكم القصيدة بلهجة عراقية


من اجل راية الله اكبر


انه راية الله أكبر

انه راية الله اكبر .. انه العراقي والكل يعرفوني
انه اللي سهرت لأجلكم وما يوم غمضت عيوني
انه اللي رفرفت فوك الرماح والكل يهابوني
انه اللي حاربت كسرى المجوس واليوم تعادوني
انه اللي وكفت بوجه اليهود وما كدروا يلاووني
انه اللي حضنت كل شهيد .. وياه دفنتوني
انه اللي وكفت وياكم بالفرح .. وبالشدات تنخوني
انه اسود بوجه العدا .. وابيض بوجه اللي يحبوني
انه احمر بدم الشهيد ..واخضر من زرعتوني
انه عمري ما تغيرت وما بدلت لوني
ياما فوك روس العدا انتو رفعتوني
شنهو التغير بيكم تردون تنزلوني
انه اللي رويتكم بالصبر هيجي تجازوني
عطشان وغريب بلا وطن وحدي تركتوني
عراقي اني وبعناد اللي يريدون يبدلوني
اسألوا اطفالكم .. وخليهم يوصفوني
ادري يكلون العراق اول ما يشوفوني
ما اريد الأنذال .. ما دام ما يريدوني
ولا اريد اصير الهم ولا اريد يمثلوني

اهل الغيرة بيه يتشرفون وهمه يشرفوني
لو بعدت عنكم يوم مغصوب اعذروني
لا انه اريد البعد ولا اريد تنسوني
وادري بكلب كل عراقي مرسوم تلكوني
انه راية الحق .. الله اكبر .. بكل ديرة رفعوني


ســـيــف الـكـبـيـسـي

كلنا عبيد الوطن بس الوطن سيد __DEFINE_LIKE_SHARE__