تقدر تصلح سوني اركسون خارج الوكالة ؟؟

[محروم.كوم]

مرحبا شباب

لو اخترب جهازك سوني اركسون تقدر تصلحه خارج الوكالة

بتكلم عن مشكلة الوكيل عندنا (( اكسيوم )) اخترب جهاز ضمان الاتصالات رحت لهم قالو كنسلنا وصار التصليح لدي الحداد , رحت للحداد قال ما نصلح الا نوكيا , رجعت للاتصالات قالي موضف ثاني اللي قالك ان الحداد غلطان يفكر جهازك نوكيا (عما يعميه ما يشوف شلون يشغلونه مايعرف الاجهزة ) قالي الموضف الفهم يصلحونه اكسيوم
طرنا لاكسيوم بعد ما صفينا سرا قالي الموضف حق الاستقبال تدفع 50 ريال اذا ما بغيت تصلحه قلت مو مشكلة ندفع اهم شي يتصلح وقال تنخصم من قيمة التصليح اذا بغيت تصلحه قلت اكيد والا ايش اللي راز وجهي عندكم
اختصار الحكاية علشان ما اطول عليكم واسوى فيها تشويق خخخ بعد 4 ايام جاني مسج علي الرقمم حقي ان الجهاز خلص , رحت لهم قالو جهازك ما يتصلح افاااااااااا وكاله وما تعرفون تصلحون قلت مدامم ما تعرفون جيب الجهاز الشرهه علي ان شاد الضهر فيكم قال الموضف لازم تدفع 50 ريال حق الصيانة قلت ايش وش له انتو صلحتو شي والا انا رفضت التصليح قال هذا نضام الصيانه يتسجل بالسيستم اذا ما تصلح لازم تدفع عاااد طفشت
والله لو فاضي ما ياخذها لو ايش (علشان الوحد يعرف يدفع ليش ) بس علشاني مستعجل والاهل منقعهم بالسيارة والموضف كسر خاطري توه متوضف يقول لو مادفعتها بيخصمونها من راتبي عاد قلت له ياولد ما تسوى واختصار للوقت
قطيت الخمسين وسالته شو الخرب مدام ختو الخمسن قال في قطعه خربانه بالبور وعندهم ما يصلحونه قلت اخس يالوكالة طلعتو خرطي :funny: ما عند امكن سالفه خت الجهاز وديته محلات التصليح ابو عشره (والنعم فيهم الله )

عطيته العصر بعد المغرب متصل علي تعال شوف جهازك مريت عليه قالي جهازكماعندي له قطع القطعه اللي فوق الشاشة عندك خربانه بس مع الاسف ما عندي له قطع والا ان كان صلحته عطاني الجهاز لا 50 ريال صيانه ولا هم يحزنون , الزبده شو رايكم بالقصة تراها حقيقية وليست من نسخ الخيال او منقوله

لانها جاات فوق راس
ايش تسوي لو يجيك هالموقف ؟؟ جهاز ما يتصلح ؟؟ ولا له قطع غيار ؟؟ __DEFINE_LIKE_SHARE__