مزارع التفريخ (زودوها حبتين)

[محروم.كوم]

السلام عليكم ورحمة الله وبركاته.


اليوم قعدت اجري اتصالات على مزارع التفاريخ والمتنفذين في استيراد وتوريد الصقور من الخليج وخصوصا الأمارات الحبيبه.

كما اجريت بعض الاتصالات في بريطانيا والنمسا وكندا والبركه في شبابنا المبتعثين استهلكنا طاقتهم في ما ينفعنا وينفع هوايتنا وقد حاولت اكاسرهم بالانقليزي ولكن ما اعرف غير كلمة اخر كلام وهي لاتنفع الا للبنقاليه.

ولكن يالربع السنه ذي مطيرييييييينها وااجد اسعار خياليه جدا.

جير شاهين فرخ 16 ونص طول بعرض بخمس وثلاثين الف درهم اماراتي !!
الجير بيور بخمس وثمانين الف !!! وكل مازاد البياض زادت الدراهم ياسلام.

وفيه مزارع بريطانيه يقولون فيه ناس تجار من عندكم مانبيع الا عليهم
انت مانبيعك لو برقع طير.
بس توكل على الله.
ويوم دققت ومحصت الامور لقيت اني شريت طيري طلاب قرناس هوا جرودي بسبع طعش الف ريال وفعل ونومسني ولا عمره ضيق خاطري يوم لا في هدد ولا دعو ولا شي ونفسه طيبه وركاده وطلع.

حبيت الدس وش وقفا وقلت لا جا الصفري انقل طيورك الي عندك والرزق على الله.

وحبيت انوه بان اكثر المزارع يقولون هك طبيعي.
واحد تجار الطيور المعروفين يقول الهك ممنوع دوليا
مافيه الا هك شبوك الي يقول طبيعي اشطب عليه ولا تعامل معه.
وابشركم كل الي كلمتهم قالو هك طبيعي ولذلك شطبت عليهم جميعا.
ومن هذا المنطلق اقول مزارع التفريخ مازودوها حبتين الا زودوها كيسين شعير وكيس مكعب وافي وحده كافي.

تحياتي للجميع ولا تنسون قد تكون اخر ساعه من يوم الجمعه ساعة اجابه.

اللهم اغفر لي ولوالدي ولمن قرأ موضوعي ولجميع المسلمين.

__DEFINE_LIKE_SHARE__