حادثة حقيقة حصلت في مستشفى الوصل ؟؟؟

سماري كشوخي · #1 04-28-2009, 08:10 AM

حادثة حقيقة حصلت في مستشفى الوصل ؟؟؟

إنا لله و إن إليه راجعوووووووووون

شو استفااااد الحينه من الحرااااام

السلام عليكم ورحمة الله وبركاته ..
ابغي اخبركم سالفه استوت جدام عيني والي تركت اثر نفسي فيا و خلتني اصيح صياح في حياتي ما صحته ..
البارحه في تمام الساعه 11 الصبح كنت ساير زياره عند وحده من هلي مربيه .. وكل عاده هدوء شامل في القسم
والزوار ماشالله عليهم سايرين رادين .. واتشوف الابو فرحان لانه صار يد والاخت صارت خاله والاخو فرحان يبا يشوف والياهل و يقول يا سلام صرت عم ...
على ما اعتقد عرفتوا وين هالمكان .. هيه هذا قسم الولاده في مستشفى الوصل بدبي قسم (10)
وفجأه نسمع وحده تصارخ وتصيح ونسعها تقول لا لا والله مستحيل والله .. عم السكوت في القسم كله .. وكل الزوار والمراجعين تيمعو عند باب غرفتها يبون يعرفون شو مستوي ..اغمى على البنت وعلى خواتها .. وكل وحده رقدوها وحطولهم مغذي .. بعد عشرة دقايق هدأ المكان ومر الطبيب ..وسلم الملف للموظفه ... قال البنت الي دخلت القسم الساعه 9 اليوم سوينا لها تحاليل لانه هذا اول حمل لها من 6 سنوات .. وطلع فيها مرض المناعه المكتسبه (الايدز) والعياذ باالله ..
وقف شعر جسمي يوم سمعت الدكتور .. وسؤلوا اهل البنت وين زوجها .. قالوا: انه من اسبوعين ما نعرف عنه شي .. طلعوا معلومات عنه.. وقبل شهر تقريبا كان مسوي فحص حق عمره والفحوصات اوضحت انه هو المصاب ومنه هو انتقلت العدوى لحرمته ..

طبعا في هاي الحالات يتحول المريض لمستشفى راشد وهناك في قسم خاص للمرضى .. لكن قبل لا يحولونها على مستشفى راشد قرر الدكتور انه يسوي فحص للطفل الي في احشائها وعمره 5 شهور .. كانت حزاتها الساعه 2 الظهر والبنت ما سكتت و محد قدر يسكتها وتصيح صياح يخلى القلب يتقطع .. طلبت مصحف وقالت ابا اقرا قرآن وعطوها ويلست تقرأ وتصيح .. الساعه 3 ودوها على غرفة الفحوصات .. حطولها جهاز تخطيط القلب .. والدكتور بعده ما بدأ بالفحوصات .. 5 دقايق ويسمعون جهاز القلب وقف ,, وقام يعطي اشارات انه القلب وقف ..حاول الدكتور وياها بكل الطرق .. لكن الروح فارق الجسد
استغفر الله استغفر الله استغفر الله .. شوفوا رحمه الله كيف نزلت على البنت .. سبحان الله .. لو انها عاشت ما بتحس بطعم الهنا والفرح ..

الله يرحمها يغمد روحها الجنه .. لا تبخلوا بالدعاء لها

اصبر عن الحرام , يمتعك الله بالحلال طوال حياتك

منقول بلسان الشاهد __DEFINE_LIKE_SHARE__

الرهيب القطراوي · 04-28-2009, 12:46 PM

يسلموووووو يااخيييييي سماري كشوخي على القصة ولااقول الا لاحول ولاقوة الابالله والله يكفينا الشر ولك تحياتي......

& كلنا واحد * وخليجنا واحد &
__DEFINE_LIKE_SHARE__

S._.alsuwaidi · 04-28-2009, 08:39 PM

لا حول ولا قوة الا بالله ..
الله يرحمها ..

تسلم اخويه ما قصّرت .. __DEFINE_LIKE_SHARE__

المجروحهـ..)) · 04-29-2009, 09:45 AM

الله يرحمها يغمد روحها الجنه

يسلموووو ع الطرح __DEFINE_LIKE_SHARE__

رميثية برستيج · 04-30-2009, 10:09 PM

السلام عليكم ورحمة الله وبركاته

تسلم اخوية على الطرح

الله يرحمها ويغند روحها الينه

والسموحه ..........! __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة حقيقية حصلت في مستشفى راشد (دبي)	\|؛¤ّ,¸¸,ّ¤؛\|الظاهري\|؛¤ّ,¸¸,ّ¤؛\|	قصص و روايات	11	09-13-2012 09:27 PM
الوسم بكًر يازين الوسم ومزونه (شمال غرب الفواره 11/5) عبدالله الحربي	محروم.كوم	منتدى أخبار المواقع والمنتديات العربية والأجنبية	0	10-25-2009 05:30 PM
حادثة حصلت في باريس { ارجواقرائتها للفائدة}	@راعي الفتك الابيض@	اخبار محلية و عالمية	10	09-26-2009 06:08 AM
عدوى جرثومية في مستشفى الوصل	ra3boooba	اخبار محلية و عالمية	14	01-11-2008 01:56 PM
تفشي فيروس في مستشفى الوصل نتيجة نسبة إشغال فاقت الـ 150%	قمر ام القيوين	المواضيع المكرره	8	01-10-2008 09:24 PM