مشكلة بعد تغيير راس المكينة .. محتاج فزعتكم ضروري لاهنتم

[محروم.كوم]

السلام عليكم ورحمة الله وبركاته

صبحكم / مساكم .. الله بالخير ..

السيارة مازدا 6 2007 حساس واحد ..

بدايتاً انا كنت شاري الموتر راسة ممسوحة 1 ملي ومدبله الوجيه وماكان فيه حرارة ولا شي بس العزم كان طايح وماقدر اوسع فتحات الهدرز والثلاجة بالراس لآن الثلاجة بلاستيكـ وماحد يظبطها واشوف الموتر مايستاهل صراحة

قبل 4 شهور غيرت السبايكـ والشنابر

وقبل اسبوع حصلت راس نظيف ورخيص وشريته ورحت كشفت عليه حصلته ستاندر ومافيله حرارة

وديته المخرطة ( صنفرة بلوف + وزن تكايات + تغيير جلد البلوف )

وامس استلمته واليوم طبقته

مع تغيير البواجي والاسلاكـ ووجه الراس + وجيه للثلاجة وسيلكون الماني

عند التشغيل نست اقول بسم الله !


في بداية التشغيل صافية لمدة 10 ثواني وبعدها المكينة ترج رج موبطبيعي

جربتها في خط ماشاء الله تباركـ الله فرق شاسع عن اول

بس المشكلة في الرجة المكينة تلعب يمين يسار وإذا دعست بنزين دعسة سريعة وشلت رجلي ينزل امبير الهوا لتحت النص كأنها بتطفي ..

وواحد من الشباب ماقصر معه نفس موتري وبدلت البوابة وحساس الهوا وحساس الدعسة والبخاخات والطرمبة ونفس المشكلة ..

+ إذا دعست بنزين بقوة يطلع دخان اسود من الشكمان وريحة بنزين ( البنزين زايد )

+ الكمبروسر ماصار يشتغل .! وشيكت على ظفيرته وافياشة مافيها شي .....

لاهنتم ياشباب طالب فزعتكم قسم بالله فكـ راسها يكسر الظهر . لو اقولكم اني مكسر قليلة .

وبكرا ما بسوي فيها شي باخذلي يوم للراحة والنقاهة :d

منتظر ردودكم ياشباب لاهنتم مابغى تعبي يروح هوا والي ماله علم بمشكلتي يصكني بدعوة طيبة ..

__DEFINE_LIKE_SHARE__