قصتي مع المفاخت بالابتدائي

[محروم.كوم]

هذي قصتي انا وولد خالتي يوم كنت بالابتدائي

كان فصلنا الي ندرس فيه بالدور الارضي .وكان ولد خالتي الله يذكره بالخير يحب المفاخت
(الهروب من المدرسة) وبليد ومايذاكر ومحسر بالمدرسين .ومديرنا كان شديد ودايم يحذر بالطابور ان الي ينحاش من المدرسة ونمسكه نبي نفرشه بالفلكه.
ودايم يقولي فاخت معي وخلنا نروح ناكل عسكريم ابو باغه . ويوم من الايام اقنعني افاخت معه بعد الحصة الرابعة ونروح نشتري عسكريم وشكلي شؤم عليه . وبعد الحصة الرابعة نطلنا شناطنا مع الدريشة بالحوش وطبيت انا وهو من دريشة الفصل على حوش المدرسة :good2:.ويوم رفعنا روسنا :j الا هذا المدير والوكيل فوق روسنا .

قال المدير ماشأالله وين الاخوان رايحين..

رديت عليه بسرعة من الخوف. والله ياستاذمهوب انا ...مهوب انا...
مات المدير من الضحك وقال وشو الي مهوب انت هذاك قدامي تبي تنحاش
قال شف انا عارف انه ولد خالتك السوسة لاعب عليك ..نبي نسامحك انت عشانك اول مره بس هو ماله الا الفلكة ...والله وارتاح انا نفسيا (طبعا الدموع تصب والخشم يصب من الصياح والخوف ). وولد خالتي يطالعني بحقد وانا رايح للفصل
من ذاك اليوم حرمت المفاخت اول مره واخر مره .
هذي اول مشاركة من الذكريات ارجو ان تعجبكم وتعطونا رايكم نستمر ولا ننثبر مانكتب شي __DEFINE_LIKE_SHARE__