معقولة حرارة الباترول طبيعية كذا ( يوجد صورة )

[محروم.كوم]

مساكم الله بالخير

ياشباب انا عندي باترول ربع 2009 الموجود بتوقيعي 4500 بخاخ

الموتر جديد بمعنى الكلمة وكل شي فيه جديد

المهم لي فترة وانا اشك بحرارته مع الجور والمشي اما مع الوقوف والسرعه البسيطة ممتاز جدا

المهم رحت اليوم قلت بختبر الحرارة هل في الموتر مشكلة او لا

يوم جاء العصر وشفت ان الجو حار رحت للنفود وشغلت المكيف والكفرات مليانه هواء وقمت اجور عليه بالاول ماعشقت ابد على السيوف

المهم خمس دقايق الا والحرارة تبدا تطلع الين ماوصلت على هذا الحد كما في الصورة

وقفت وعلى طول اقل من دقيقة رجعت للوضع الطبيعي

وجلدت الموتر مره ثانية بدون مكيف ونفس الطريقة ارتفعت ووقفت ورجعت الحرارة ممتازه

فهل هو طبيعي مع انه كان معي 99 نفس الموتر وكنت ادخل به والحرارة 45 وبالمكيف وبدون تنسيم ولا ترتفع

الموتر حقي كل شي فيه جديد على حطة الوكالة مع العلم اني غيرت له موية رديتر اصلية + بلف جديد

ملاحظة : المروحة عندي لما اهزها يمين ويسار احس بفضاوة فيها بس تماتيك المروحة شغال وحنة الموتر وقوة الهواء ممتازه

__DEFINE_LIKE_SHARE__