(((لا يفوتكم الزين )))

[محروم.كوم]

مساء الورد والمسك والعنبر ....صباح الخير والعود والكادي ..
طبعا هذه اول مشاركة لي في هذي الخيمة الرائعة والمميزة في كتابها ومشرفيها . وبصراحة ولاهو قصور في الجميع لكن اللي شجعني اني اشارك واحاول اكون متواجد بين هؤلاء العمالقة هم (حبيب قلبي واخوي راعي العجراء .. واختي الغالية قوافي )..
::::::::::::::::::::::::::::::::::::::::::::::
هذا سلمكم الله واحد من الربع يقول رايح البنك يصرف شيك يقول وصلت البنك لقيت زحمة وسيارات ووضع مستحيل تلقى موقف .. (يمكن يوزعون فلوس بلاش هههه)
يقول قمت افرفر ادور موقف مالقيت المهم يقول قررت اوقف ورى اي سيارة .يقول تعوذت من الشيطان واركز على ذاك الموقف واجي احشر سيارتي فيه وادخل البنك
اصف سرا يقول اثاري الرجال صاحب السيار اللي انا موقف وراه خلص وطلع من البنك يبي يطلع ماقدر من الماخوذه سيارتي ماعطيته فرصة يتنفس ابد
(يقول وبينما انا انتظر دوري سمعت صوت شجيا ينادي ) ويقول وين راع السيارة الددسن وينه يطلع السيارة . يقول انا اتلفت ونسيت الموضوع اصلا

يقول المهم طول يصارخ في البنك وجا الحارس حق البنك
يقول شوي وكن احد مصحيني من النوم واتذكر الجريمة اللي سويتها يقول واطلع مسرع لايشوفوني ومن الخبصة
يقول افتح السيارة وعلى طول اجلس في المرتبة اللي ورى
واطالع ولا الدركسون قدام . يقول وان اقول اعوذ بالله وش فيها سيارتي .يقول شوي ولاهو جاي هو وخوياه قال هذي سيارتك قلت ايه هلحين بطلعها .يقول يوم شافني متلخبط ورايح فيها قال ياولد انت وش فيك متهاوش مع الدركسون انزل اركب قدام وحرك الله يجزاك خير ..
يقول يوم شفته طارت عيوني احسبه بيفقع وجهي لاكن ربي ستر علي ... انتهت سالفة خويي المحظوظ
اتمنى ان تنال على رضاكم ..
(((((((في امان الله وحفظه))))))

__DEFINE_LIKE_SHARE__