سالفة:عيد الرعب..قوافي

[محروم.كوم]

حياكم الله اخواني المشرفين
يامرحبا بأخواني وأخواتي المكشاتيه
ويامرحبا بزوار خيمتنا
سالفتنا اليوم عن موقف صار بالولايات المتحده الامريكيه وهالموقف علمني ان مفهوم الصداقه لا يعني أنك تمون وبالعربي (انت موب بديرتك وياغريب كن أديب)..
وصلنا للولايات المتحده واول مالفت نظري ان البلكونات والحدائق وقدام البيبان معلقين أشياء غريبه:
منها عشوش عنكبوت باحجام كبيره استغربت وشذا يمكن عناكبهم غير.. وبعضهم جمجمه مركوزه على عود توقعت بصراحه انهم يدفنون أمواتهم بحدايقهم.. واللي جايب قرعه كبيره ومفرغ فيها مساحات على شكل عيون وخشه نصها سنون والباقي مدري وين..

وصلنا بيتنا واستانسنا باللي شفناه يوم طلع النور ..
الغابه ورانا وجزء من نهر يمشي والطيور ملونه اشكال والون والسنجاب او السناجب اللي فوق شجره واللي يمشي على الارض صراحه شي .. والملقوف الراكون عند الباب تخيلو عقب جرذي راكون
الباب هذا يطل على الحديقه الخلفيه للبيت اللي هي غابه
وكان بعرض 4 امتار ومن الارض للسقف ..
وشي اكيد من اصبحنا وحنا مسنترين عند الباب نتفرج على دنيا غير ..
عقب اسبوع وبابنا القزاز لين الحين ماركبنا عليه ستاره والمنظر من تغرب الشمس مخيف ماتعودنا مانشوف وش ورانا..

البيت دورين وفيه بلكونه فوق الباب القزاز بالضبط.. نزلت تحت شبعانه نوم فيه خربطه بالساعه البيلوجيه حقت النوم وفارق التوقيت.. رحت بناظر او ابي اطل من عند الباب القزاز وانا اللي وش اشوف(هيكل عظمي لا هوب بالارض ولا بالسماء معلق)
وانا اللي اغرد لهم تغريده محترمه كسرت حاجز الصمت الرهيب بليلهم الاسود..
وشفيه ما وشفيه قلت جني جني متعوده على كاسبرويوم فتحو الباب ولينه معلق بخيط شفاف بالبلكونه سحبوه و جدعوه على الارض ..شوي إلا ويجي ابو جيراننا الامريكي واعتذر وقال انها دعابه بمناسبة :fعيد الهلوين الليله..يعني عيد طرد الارواح الشريره:f وتأسف على اللي حصل..وهذولا عياله هم اللي علقوه لأننا ماعطينهم حلاوة عيدهم يوم طقو الباب
يعني يبون عيديه ..
يوم مر علينا سنه وجا عيدهم قلت بس بردها لهم وانا اللي اشري:

مثل ذالوجه الاحمر من تويز آر أص
وتويزهم غير تويزنا والحمد لله..
ويوم جا بالليل ونعلقها على بلكونتهم مثل ما علقو العام..
هم عندهم بزر عمره 6 سنوات يوم جا بيطلع هو وخواته يلزقون على بابنا عنكبوت عملاق كدعابه إلا هالوجه بوجهه
ويصرخ لين زلزل الغابه وروع كل اللي فيها ..
مادرينا إلا العائله كلها عندنا يهاوشون قلنا دعابه مثلكم العام حتى هذاهم كانو ناويين يعلقون عنكبوت :l
صالو وجالو واشتغل 911 لا عادة همانا جيران ونمزح..
وبالاخير اتفقنا انهم مايقربونا ولا نقربهم..بكيفهم همانا طيبين..تحياتي
اختكم
..قوافي..

__DEFINE_LIKE_SHARE__