سلطان ابراهيم دوت كوم

[محروم.كوم]

السلام عليكم

لنا شهر زمان واحنا مو حول البحر

عاد اخوي كلمني قال جهّز روحك ... طالعبين بالطراد ليلة الجمعه انشالله طلعه خفيفه قريبه

الصيد كان ضعيف جدا جدا جدا والسمج الموجود كولو صغار

لكن الله اكرمني بسمجة سلطان ابراهيم .. متواجده بكثره .. هالسمجه لحمتها طريّه جدا جدا جدا

موقع الصيد: حول جزيرة النيوه والباخرة الطبعانه (صوفيا)

وقت الحداق: من ال1 نص الليل حتى الساعه 7 صباحا

الطعم: انا حدقت بربيان وتوفقت بصيد مجزي بالنسبه لضعف الصيد .. لكن اللي معاي بالطراد حدقو بخثاق .. ولم يوفقو الا بكم شعريه صغيره فقط .. الضرب على الربيان اقوى .. خصوصا مع سمجة سلطان ابراهيم

الخيط المستخدم: 40

حالة البحر: دخلنا على جزروطلعنا على جزر

حالة الجو: اكثر من ممتازه الهوا خفيف جدا ... الموج شبه معدوم .. درجة حرارة الماء 24-22 شوي برّد الجو الى قبل صلاة الفجر

العمق: من 8 متر حتى 14 متر

اجمالي صيدي الشخصي:

1 قرقفان
4 شعري عربي
2 شعري سولي
12 سلطان ابراهيم
1 جم ابو شوارب

تفضلو الصور


الحوّاته اللي نشّفو البحر: من اليمين اخوي الكبير مصطفى وانا عاليسار .. والنوخذه اخوي مرتضى




محدّثكم ينتظر رزقه





حبايبنا عبدالله وعلي ومستمتعين بالجو ودفء الشمس , وباين في الصوره من بعيد ,, الباخره الطبعانه صوفيا






اقول لهم : حتى لو مافي صيد , يكفي النقد يدغدغني .. خخ





النوخذه بومحمد مرتضى والمشاورات في تغيير الموقع:





العم أحمد بوفطّوم ... فرفوش الرحله




وهذا اجمالي الصيد



ونراكم في حداق آخر

__DEFINE_LIKE_SHARE__