لفاح الرق - الدمام

[محروم.كوم]

السلام عليكم ورحمة الله وبركاته


اخوكم من الكويت والان في الدمام عند النسايب... طبعا اخذتها فرصه ودقيت على صاحبنا بو عبدالله.. وقلت له زهب الطراد بعد صلاة الجمعة نحدر

بعد الصلاة الهوا كان تارس وموج.. بس فيني حره.. قلت ما نباعد..

رحنا وحدقنا حوالين الطبعانات اللي صوب ميناء الدمام.. ماكو شي وذبحنا الموج

قلت لبو عبدالله ودنا الرق.. قصّار مساحته كبيره وقلت بلفح هناك لين المغرب...

طرحنا ونزلت ميرور شاريه من زمان بس ما حصلت لي فرصه الا اليوم

ومن اول لفحه جان يجمركها هالمزيون!!



وتذكاريه عالسريع



وجان ارد اشوحه... ويخمطها شي قص الخيط حتى ما عافر!!!!! حسوفه على الميرور الحمر!!

عاد انا عندي منه لون ثاني قلت اجربه لعل وعسى

جان يخمطه شي اقوى من البالول.. والا يطلع هالشعري نايم فيه!!



عاد بعدها قام يصير لشط مو طبيعي.. بس كله يفلتون..

اول ما ظلمت جان يلشط الميرور شي مو طبيعي.. واعافر وياه .. وياه بس شرم وعور قلبي!!!

وبعدين اكتشفت شلون فلت ... شوفوا شسوى في الميدار




بس كانت اخر ساعتين اكشن ووناسه

وقلت للنوخذه خلاص هذا مكاننا من اول شي..

بس ما بقى الا هالميرور.. يبي لي اطلب منه جم واحد سبير..

تحياتي

مخلد المطيري



__DEFINE_LIKE_SHARE__