شيز كيك الجآلكــسي..

[^ بنت العين ~]

السلام عليكم ورحمه الله

يسسسعد مساكم آخوآتي واخوآني


ادري وايد غبت عن القسم ..
بس ضاربني كسل سودآني صراحتن اتهايز في كل شي خصوصا بعد ماخترب الهارد ديسك وكل صور الحلويات فيه ياتني غصه مابعدها غصه
وهالسوويت .. بمناسبه ردتنا للبيت الحمدلله .. ولعيوون عرب طلبوو مني انزل سويت
وان شاء الله ينال ع اعجابكم ..




..شيز كيك الجالكسي..


احلى مافي هالسويت انه طبقاته متماسكه وطعمها روووعه

راح اخليكم ويآ الطرييقه وبقسم المقادير على حسب طبقات الجيز كيك



مقآدير :





مقادير الطبقه الاولى :
كيك بيتي كروكر شوكلت

مقادير الطبقه الثانيه :
2 ظرف دريم ويب
8 حبآت جبن كيري ..
نصف علبه حليب نستله مركز
1علبه قشطه


مقادير الطبقه الثالثه :
4 حبات جالكسي ساده
1 علبه قشطه


الطريقه :

اول شي نسوي الكيك نفس مامكتووب في الكرتوون .. ونحن راح فقط نستخدم نصف الخلييط ..
والباجي سوو فيه كب كيك






هالخلييط بعد ماسوييته ...

نحط نص الخلييط في صينيه الجيز كيك ..





وندخله الفرن لين مايستوي ..

بيكون بهذآ الشكل




نخليها لين ماتبرد تمآمآ.. في الوقت هذا نرووح نسوي الطبقه الثانيه
....



نخلط 2 ظرف دريم ويب ونصف علبه حليب مركز و1 قشطه و 8 حبات جبن كيري
نضربهم بالمضرب الكهربائي






بيكون هذا شكله





ونصبه على الكيك ونوزعه بطريقه مرتبه





وندخله الثلاجه ..


ملاحظه .. تخليينه بالثلاجه تقريبا لمده 4 الى 6 ساعات وكل ماخليتها اكثر تجمد الطبقه اكثر وبيكون احسن ..
يعني لو تبين تسوينها حق باجر سويها من اليوم عشان باجر اطلعينها وتكون جامده ..



نخليها بالثلاجه والطبقه الثالثه نسويها لين ماتجمد كليا الطبقه الثانيه


الطبقه الثالثه نستخدم 3 جالكسي و1 علبه قشطه








..





ونسويه بالحمامي المائي







لين مايذووووب






ونخليه شوي دقايق لين مايبرد ..


ونصبه على ع الخلييط 2 بهذي الطرييقه ..





ونوزعه على الخلييط بالتساوي ..








ونييب اخر حبه جآلكسي ونبرشها ونوزعها ع الخليـــط





وندخله الثلاجه يجمد شووي...









والحين شووفو كيف الطبقات مرتبه ومتساويه ومب ذايبه ..






















وانا قطعته بقطاعه دائريه كتغيير في التقديييم .. ولكم حريه التقدييم ترومين تقطعينه عادي ..












والسموحه ع القصور...


وعليكم بآلف عافيه يارب

منقوول

ملااحظه 1:تم نقله من الامبراطوره شمه
ملاحظه 2:الي بيسويه يعزمني عليه

__DEFINE_LIKE_SHARE__