[ أحترمتـك ] حييـل لـكنك > أخطييـت ,!

[Rmrwella]

يعني تحسِبني بنادي إن مِشيت
لا ورَبي ما أنادي لِك حرام

إحترمتِك حِيل .. لكنِك خطيت
والخَطا إن زَاد .. قَل الإحترام

جِيت أتفاهَم مَعَاك وما هقيت
إنَّ قلبك ما يرد حتَّى السلام


هذا وإنتَ أمس جارحني نسيت
عالقليله خَل يمر عالجَرح عام

حِس فيني قول لو مَرَّه شبغيت
آنا شاعر ليه ما صِرت الهيام

عنِّي ياما في مشاويرك لهيت
وكنت أتضايق وما فِيه إهتمام

مِنِّك إنتَ حَق ولا باطِل خذيت
أصحَى مِن جَرحٍ على جَرحٍ أنام

آنا أتْكلَّم .. وإنتَ ما إستحيت
قِمت عَنِّي بادي دُروب الخصام



يا حبيبي تونِي اللِّيله دريت
إنَّ قلـبك يِـجهَل آداب الــكــلام

جِيت كلِّي إحتِرام ولِك عَنيت
رحت عنِّي وما بقى فِيها إحترام

__DEFINE_LIKE_SHARE__