خويي يوم طاح على ابوه من فوق الصندقه

[محروم.كوم]

السلام عليكم ورحمة الله وبركاته

نطلع من اول طلعه للبر مع الشياب ونتعلم منهم كيف يقنصون ويذبحون ويطبخون .ومن هل العلوم الزينه اللي تنومس:good:

المهم مره طلعنا للبروالجو حار وعقارب وشبثان ودواب واجده نشوفها.

انقطعت قلوبنا من الخوف

المهم الشياب يرقدون بالارض عادي

ويغيرون مكانهم جنب الصندقه من شان الضل الصبح ماتجيهم الشمس

المهم خويي قال والله مارقد تحت بالارض

ابرقد فوق الصندقه

قلت له عيب ياشيخ وش يقولون علينا خوافين

قال اقول لك ماعلي والله مارقد تحت لو تعطيني وزني ذهب

لكن اطلع معي ونرقد فوق

قلت خير

قال لنا ابوه انتبهوا لاتدربون ترى ولدي يتقلب بالليل

قلته عين خير يارجال نحط له شي نحجر له خشبه ولا متكا وما يطيح

المهم مالقيت شي احطه له غير السلم رفعته

وحجرت له فيه يعني بينه وبين حرف سطح الصندقه

المهم رقدنا وباخر الليل احتجت السلم


واخذته حتى انزل

ورجعت ونسيت ارجعه جنب خويي

تقريبا الساعه 5 الفجر وانا اسمع الهوشه والصريخ والضارب والمضروب

وانا اقوم وافقد خويي

ماهو فيه ماغير فراشه

واوايق تحت اثريه تدربا على ابوه

وهذولا صريخ وانا ميت من الضحك بغيت اطيح من الصندقه عندهم

ويوم جاء اتهمني اني قاصد اشيل السلم عنه

وانا برئ براءة الذيب من دم يوسف

المهم راحت سلامات فيه خدوش وجروح وكم كف من ابوه

ماينلام ابوه من الفجعه مايدري وش اللي طاح عليه من السما

وقال له هذا اللي جاب الغراب لابوه

وتراه هو خويي يوم انحاش عني بقصة العري والسنارة

لكني برئ

وسامحونا

__DEFINE_LIKE_SHARE__